Stóryrðaframkvæmdir

 

 

Mikið er það undarleg árátta hjá sumu ungu fólki að nota stór orð. Þá meina ég megastór og vandmeðfarin orð. Þegar ég skoða aðgerðir fólks sem stendur að og á bak við Saving Iceland, rekst ég á slagorð hjá þeim eins og Þjóðarmorð og War Crimes, sem notuð eru til að mótmála iðnaðarframkvæmdum á Íslandi. Hér eru myndir af nokkrum æstum ungmennum sem hlekkja sig við vinnuvélar og klifra upp á krana og borvélar með borða sem á stendur Aluminium = Cultural Genocide og A Century Of Warcrimes Is Not Sustainable.  Hvað koma þessi slagorð Íslandi við? 

Svona stóryrðaframkvæmdir segir mér að þetta fólk sé ef til vill siðferðislega brenglað. Þjóðarmorð eru t.d. framin í Súdan, en ekki sé ég þessi ungmenni þar. Það er hins vegar auðvelt að kaupa sér miða frá London eða Amsterdam til að öskra eitthvað úti í náttúrunni á Íslandi. Green Front (Groen Front), Eearth First og aðrar erlendar hreyfingar sem hafa fengið Ísland á heilann, eru fámennur hópur öfgakennds fólks, sem fyrir utan baráttu fyrir náttúru styður gjarnan verstu öfgarnar í löndum þar sem stríðsástand er. Fólk sem styður málstað Hamas, Hizbollah og skilur Al Quaida, talar oft líka mikinn um lýðræðið, frelsið og Móður jörð.

 

Ljóska ein í Reykjavík, sem líka er norn að atvinnu samkvæmt símaskránni, er mikilvæg persóna í Saving Iceland. Hún lifir á því að spá í bolla og þvíumlíkt í búð sinni vestur í bæ. Hún greinir frá öllu sem gerist í lífi sínu, sem er ein stór Sápuópera. Við fáum öll að vitað að hún: er að fara til Palestínu í september. Vííí!  Já, hún vælir af gleði því hún er að fara á kústskaftinu til Palestínu. Hún lendir ef allt gengur að óskum þann 28. ágúst í Tel Aviv (sem reyndar er í Ísrael).

Það er líka einkennilegt að sjá norn í Reykjavík berjast fyrir einn Afríkumann sem hefur verið margsaga um bakgrunn sinn (hann Ramses), þegar hundruð þúsunda þeirra eru myrtar í nafni Allah, sem er, svo ég noti orð nornarinnar, Gvöð, sem einnig er ákallaður í Palestínu þegar saklausir Ísraelsmenn er drepnir í nafni friðar og skilnings. Í Palestínu ætlar nornin að fremja seið sinn og Sápuóperu í september. Það verður örugglega saga til næsta bæjar.

En taka ber fram að nornin hefur mottó: Að gefnu tilefni skal takið fram, að það er einlæg sannfæring höfundar að góð saga sé ekki verri þótt hún sé login.

Við bíðum og sjáum hverju hún lýgur að okkur frá Palestínu.

Rósin rassbera, nýtt blóm í flóru Íslands

Í fyrra greindi ég frá því hvernig náttúruverndarkonan Miriam Rose hafði komist í annála áður en hún varð fræg með eindæmum á Íslandi. Hún hafði hjólað allsber um sveitir Englands til að vekja athygli á einhverjum góðum málstað.... og sjálfri sér. Sjá hér

Ég kveiki ekki á málstað þar sem berrassaðar konur eru annars vegar. Það er eins og að sjá Bridgestone almanak uppi á vegg hjá dekkjasala.

Nú sé ég Rósu  lýst sem hryðjuverkakonu af mörgum bloggurum. Það þykir mér full djúpt í árinni tekið. Hryðjuverk eru venjulega skilgreind öðruvísi en það sem Rose er að aðhafast á Íslandi.

Það sem Miriam Rose er að gera á Íslandi er það sama sem hún aðhafðist þegar hún hringsólaði ber fyrir málstaðinn heima á Englandi. Málstaðurinn er númer 2, Miriam Rose er númer 1. Hún virðist vera með athyglissýki á háu stigi. Það er ágætur galli, ef maður getur hamið hann.

Ég las mjög skemmtilega lýsingu hjá Hjalta Garðarssyni,  sem ekki segir farir sínar sléttar af viðskiptum við Rósu rassberu. Hjalti var einmitt að vinna heiðarlega vinnu sína þar sem Rósa klifraði upp í kranann í fyrra.  Ekki greindu fréttastofur frá því sem Hjalti og Elli vinur hans upplifðu:

"Hvað um það, þarna stóð ég ásamt félaga mínum, Elvari.  Sannkristnum sómapilti frá Sauðárkróki.  Ella vini mínum blöskraði algjörlega munnsöfnuðurinn á þessari umræddu Miriam.  Þegar Elli hélt að hámarki mótmælanna væri náð, reif Miriam niður um sig buxurnar og otaði loðinni rottunni í áttina að okkur og reyndi að spræna á okkur.  Eru þetta heiðarleg mótmæli?"

Þetta hefur vissulega valdið Ella og Hjalta tráma, en strangt tiltekið er Rósa ekki að fremja hryðjuverk. Kannski veldur hún einhverjum hreðjarverk? Náttúrunni á Íslandi er ekki unnið gagn með strippi Miriam Rose, sem leggur greinilega sterkustu menn á Íslandi í öngvit með "rottu" sinni og migu fyrir málstaðinn.

Þessi nýja rós í flóru Íslands gæti gert meira ógagn en gagn eins og blessuð lúpínan.

 

Það þekkist vel að menn pissi fyrir málstaðinn

Miriam Rose gefst aldrei upp

Obamaman

 

 

Ég hef forðast að skrifa um hann Barak Obama enda er ég ekki eins vel kunnugur bandarískum stjórnmálum og margir Íslendingar. Óskrifuð blöð eins og Obama eru alltaf frekar ólæsileg. Nú geri ég undantekningu. Obama hét því um daginn að hann ætlaði sér að senda bandarískan herafla frá Írak ekki síðar en eftir 16 mánuði.

Hér getið þið heyrt skoðanir sérfræðings, Hewi Babakhans, sem danska ríkisstjórnin hefur notað í Írakmálum. Viðtalið var í fréttaskýringaþættinum Deadline í gær og kunningi minn Adam Holm, sem er sagnfræðingur, er spyrjandi.

Mér sýnist framtíðarspá Babakhans sé ekki eins kræsileg og loforð og loftkastalar Obamas. Ég hef meiri tilhneigingu til að treysta sérfræðingnum en Obama. Ég held að Obama sé að afla sér vinsælda. Hann ætlar sér að vera forseti í meira en 4 ár. Þá er veruleikflóttinn nú góður.

Forkastanlegt

Ég sá hér í morgunsárið myndskeiðið frá Reuters, þar sem Palestínumaður með bundið fyrir augun er skotinn þrisvar í fótinn af ísraelskum hermanni. Reyndar er það Reuters sem endurtekur eitt skot þrisvar og kannski ekki nógu oft. Slíkt framferði er forkastanlegur níðingsháttur og Ísraelsher til skammar. Þeir sem mótmæla aðskilnaðarvegg og -girðingu eru vonandi ekki ósáttir við að sjálfsmorðsárásum hafi fækkað í Ísrael með tilkomu hans?

Miðað við viðbrögðin hjá sumum við þessari frétt, er eins og einn bloggvinur minn skrifar: andskoti mikið af illa innrættu liði hér á landi sem sýnir þjáningu sumra skilning en ekki allra. ´

Meira um málið hér.

Annað sem er forkastanlegt er, að ég man heldur ekki eftir því að hafa verið hótað með krossfestingu af rumpulýð á Íslandi vegna myndbands frá Ísrael. Sjá m.a. hér þar sem maður sem kallar sig Sævarinn skrifar í hatri sínu, sem örugglega er engu minna en hatur hermannsins sem skaut gúmmíkúlu í fangann því Sævarinn hefur krossfestingu í huga. Sævarinn skrifar:

Áhugavert mál og vekur upp spurningar hvort þetta sé djöfull í mannsmynd. Það er amk skrattanum líkt að hóta lögfræðingum og nota peninga sem við eigum og erum skylduð að borga í til að svara fyrir okkur, væntanlega er lögfræðikostnaðurinn styrktur af kirkju eða hvað ? og ef svo er, þá ætla ég að kæra hann fyrir að skerðingu á trúfrelsi, frelsi til að hafna því að guð hafi verið til og Jesú, ég hlýt að hafa jafn mikinn rétt og hann að láta kirkjuna borga fyrir mig lögfræðikoðnað þar sem ég er í þjóðkirkjunni og hef alltaf verið og borgað mína skatta þangað. Núna má þessi skítapési Villi í köben fara að vara sig, ég ætla að krossfesta hann og kjöldraga hann og ég er viss um að DoctorE væri til í slaginn við þennann kjána.

Sævar skrifar þetta í athugasemd við færslu hjá Óskari Þorkelssyni, sem ekki hefur vílað fyrir sér gyðingahatri ásamt vini sínum "Johnny Rebel", sem hefur verið bannaður á blog.is fyrir meint brot á hegningarlögum vegna kynþáttahaturs (sjá t.d. hér), "Birni Bónda" og einhverjum Haffa.  Ætli þessir menn séu félagar í Vinafélagi Palestínumanna á Íslandi fyrst þeim er svo annt um Palestínumenn? Ég tel að hatur þeirra á gyðingum og Ísrael sé nú aðaldriffjöðrin.

Ég verð að upplýsa Sævarinn, sem í stað myndar af sjálfum sér er með mynd af einhverjum saklausum hvutta, því hann þorir ekki að koma fram í eigin persónu,  að ég er ekki meðlimur í neinni kirkju, hvorki þjóðkirkjunni eða öðrum sértrúarsöfnuðum sem trúa á Jesús Krist. Ég er alltaf til í góðlátlegt guðlast. En það sem Sævarinn og nokkrir aðrir morðóðir menn á Íslandi fremja er ekki guðlast, heldur brot á hegningarlögum. Kynþáttahatur og morðhótanir varða við lög á Íslandi. Palestínumálstaðnum er engin fengur í stuðningi frá fólki sem hefur í frammi morðhótanir við stuðningsmenn Ísraelsríkis.

Nýlega var maður sem hótaði að kyrkja mig með berum höndum og nú ætlar einhver að krossfesta mig og kjöldraga. Jesús minn! Það eru greinilega ekki bara öfgar í Miðausturlöndum sýnist mér. Flest það fólk sem hefur skrifað athugasemdir við þessa frétt Reuters/Mbl.is hefur eyðilagt orðstír sinn fyrir löngu.

 

Sævarinn: DoctorE er þetta ekki einum of trúarlegt hjá okkur?

Skutu palestínskan fanga

Homo Catholicus

 

 

Bloggörninn Jón Valur, sem oft flýgur þangað sem við hin þorum ekki að fara, er í dag með færslu um gleði sína yfir komu páfans í Róm til Ástralíu. Ég samgleðst Jóni yfir því að Benedikt páfi sé nú í landi andfætlinga. Það er töluvert afrek, þegar miðaverð er orðið svona hátt. En ætli Vatíkanið hafi ekki enn ráð á því?

Ég gladdist hins vegar meira yfir því í dag, að finna mynd af Henricusi, auðmjúkum hollenskum munki og presti sem bjó í gömlu rauðmáluðu húsi í nágrenni Karmelítaklaustursins í Hafnarfirði. Þar var hann með alifuglarækt. Líklega voru það Jófríðarstaðir, eða fyrrum Ófriðarstaðir, þar sem Henricus bjó, en nú er húsið ekki lengur til og búið er að byggja allt of mikið á svæðinu.

Af og til fékk faðir minn fugla sem Henricus slátraði, bæði kjúklinga og endur, sem ekki var hægt að fá í kæliborðinu úti í búð á 7. áratug síðustu aldar.

Ég man eftir Henricusi nokkuð eldri en hann er hér á myndinni, en andlitinu gleymi ég aldrei og mjög vinarlegu viðmóti mannsins. Það lýsti af honum gæska.

Þegar nunnurnar í Hafnafirði voru hollenskar, átti faðir minn lengi við þær smá viðskipti og einnig við Henricus. Ég man sérstaklega eftir tveimur nunnum sem maður mátti sjá. Þær voru í brúnum kuflum og með breið svört belti . Eina þeirra kallaði ég í minningunni systur Feldman, þar sem hún var með sama augnsjúkdóm og andlitsbyggingu og leikarinn Marty Feldman. 

Karmelítareglan varð til í Palestínu, en múslímar réðust á stofnklaustur reglu þeirra og myrtu alla munkana á 15. öld. Reglan breiddist víða. 

Kaþólikkar hafa staðfest helgi karmelítanunnunnar, Edith Stein / heilagrar Teresu Benedictu af Krossinum, sem var af gyðingaættum og var þess vegna myrt í Auschwitz. Hún var handsömuð í klaustri í Hollandi, ekki vegna trúar sinnar heldur vegna uppruna síns. Kaþólikkar telja hana hins vegar til píslavotta sinna. Hvað ætli Edith Teresa Benedicta hafi álitið þegar hún var með hinum gyðingunum í gasklefanum?

Nú eru víst aðeins pólskar nunnur í Hafnarfirði.

Rauður humar í sumar

      

                                                                                            

 

Nú er ekki lengur eintóm gúrka í matinn. Humar (Nephrops Norvegicus) er framreiddur með gúrkunni og það í boði the Lord and the lady of the Manor. Staðurinn er Stokkseyri. Gesturinn er fyrrverandi stigakona og fangi, en ekki frá næsta bæ.

Maður, sem eitt sinn lapti rauðrófusúpu úr öskum ríkja sem voru stærstu þjóðarmorðingjar sögunnar, getur nú ekki verið vandlátur hvað varðar gesti konu sinnar. Hitt er annað mál, að það er ósiðlegt af Óla að vera að hendast á bíl embættisins (eign þjóðarinnar) í hræátugilli á Stokkseyri sem frúin stendur fyrir með vinkonu sinni. 

Dorrit kvartaði hér um árið við Ísraelska dagblaðið Ha'aretz yfir því hve erfitt það væri að fá humar í Tel Aviv (Humar er ekki Kosher matur). Í viðtalinu við Haaretz rómaði Dorrit humarinn á Íslandi og sagðist vart borða neitt annað. Síðast þegar Dorrit var í Ísrael tel ég líklegt að hún hafi sett þessa fyrirspurn á netið til að geta fengið uppáhaldsmatinn sinn. Það hefur líklegast ekki tekist og hún lenti eins og kunnugt er í slagsmálum við landamæraverði vegna þess að þeir vissu ekki að hún væri humarlaus forsetafrú frá Íslandi.

Forsetafrúin notar því vitanlega hvern einasta möguleika til þess að borða humarhala á Íslandi og verði henni að góðu.

Mikið er það nú annar flott að humarinn, sem Íslendingar fóru fyrst að veiða árið 1954, sé orðinn svo heit vara, að menn laumast í forsetabílnum til að fá sér hann. En getur Dorrit Moussaieff ekki keypt sér sinn eigin bíl ef hún þarf að halda Drive-inn Candle Light Dinner á Stokkseyri fyrir Mörtu Stewart? 

Óli og Mússa hafa misskilið eitthvað, og nú er bara að krefjast þess að sjá reikninga fyrir þessari notkun bíla embættisins og starfsmanna embættisins í tengslum við komu gráðugu Mörtu og annarra sem sniglast um á Bessastöðum án þess að það sé þjóðinni til nokkurs gagns.

Ef Óli er að leita að afmælisgjöf fyrir frúna, mæli ég með rauðum Hummer. 

Er kleinuhringurinn íslensk uppfinning ?

 

 

Ef maður slær upp doughnut (kleinuhring) á Wikipedia, er ástæða eins og alltaf, til að slá nokkra varnagla áður en maður trúir öllu þar sem nýslegnum túskildingi.

Margt er á huldu um uppruna kleinuhringja, en ef maður les íslenska viðbót við Wikipedia greinina um kleinuhringi virðist allt vera á hreinu um upprunann.:  In Iceland kleinuhringur (pl. kleinuhringir and kleinuhringar) are a type of old Icelandic cuisine which resembles doughnuts.

Samkvæmt þessari upplýsingu á Wikipedia, má þykja líklegt að hringir þessir hafi verið uppfundnir á Íslandi. Þetta var ef til vill gamalt bakverk, sem menn bökuðu til að fagna hagnaði sínum....ooo.

Grallarinn sem hefur sett þetta rugl um kleinuhringina á Íslandi á Wakopedia er örugglega fæddur eftir 1980. Þetta er einhver sem ekki á ömmu sem er fædd fyrir 1920, sem bakaði kleinur ættaðar úr Danaveldi, heldur fær þær úr verksmiðju plastpokaömmu í poka sem seldur var í Bónus, og bestur er fyrir 23.7.2008.

Kleinujárnin eru brátt öll komin á Þjóðminjasafnið og byggðasöfnin, en kleinuhringurinn is not a type of old Icelandic cuisine. Ég fékk fyrsta kleinuhringinn minn uppi á Velli snemma á 8. áratug síðustu aldar. Hann var alamerískur. Hvenær ætli íslenskir bakarar hafi farið að búa þá til ("gera þá" eins og það heitir víst líka). Ég tel næsta víst að það hafi verið eftir 1980? Er einhver bakari á blogginu, sem langar til að svara þessu?

Á hælunum á dr. Dauða

 

 

Mikill stuðningsmaður Palestínumanna í Chile, senor David Mardones, sem líka er leiðtogi nasista (PNZ) í hafnarbænum Puerto Montt syðst í Chile er hér að segja skoðun sína á gyðingum, nasistaveiðum og "þjóðarmorðinu á  Palestínumönnum".

 

Nasistinn Mardones sem hér sést á fundi með stuðningsmönnum sínum úthúðaði góðum vini mínum Efraím Zuroff, sem var í Chile og Argentínu til að athuga upplýsingar um Aribert Heim, hinn morðóða lækni, sem Simon Wiesenthal stofnunin telur að sé á lífi þarna syðra. Ef svo er, er hann 94 ára gamall. Dóttir hans, Waltraut Boser, býr einmitt í Puerto Montt. Sjá enn fremur hér.

Þetta kallar maður viðbrögð

 

 

Fjöldi Íslendinga er gyðingahatarar.  Það eru ekki nýjar fréttir. Frétt af íslenskri karlhjúkku í Nablús, sem ekki er undirbyggð á nokkurn hátt, varð til að fólk skrifaði ýmislegt misjafnt í dag.

Hjúkkan segist hafa verið hótað með M 16 riffli. Ég hélt að ísraelski herinn væri búinn að skipta yfir í Tavor T.A.R.-21, en hjúkkan hlýtur auðvitað að vita allt um vopn.

Er eitthvað að? Evran er að minnsta kosti ekki eftir að bjarga þessu, því það sem Haffi, Stjáni, Skari og Jóhannes hripuðu niður á bloggi sínu í dag er ekki hægt að segja nema á skeri undir heimskautsbaug. Í ESB gilda aðrar reglur.

Haffi er á því að umskurnin hafi sturlað gyðinga. Haffi hugsar nefnilega aldrei um konur. Í Ísrael eru konur líka hermenn af illri nauðsyn. Haffi gæti kannski frætt okkur um rætur haturs Palestínumanna. Er hatur Haffa orsakað af forhúðareitrun?

Gyðingar voru ofsóttir fyrr á öldum en núna eru það þeir sem ofsækja aðra. Þeir hafa greinilega ekkert lært á því hvernig það er að vera "fórnarlamb"

Ætli þetta brjálæðislega hatur hermannanna sé tilkomin vegna þess að þeir voru allir umskornir í æsku?

Kristján Guðni Sigurðsson vitnar í vin sinn sem er rasisti, en hvað ætli Kristján sé sjálfur?

Fyrir nokkrum árum sagði einn góður kunningi minn að það, versta sem Hitler gerði á sínum tíma var að kenna Gyðingum hvernig á að standa í útrýmingu minnihlutahópa. Ég held að þessi kunningi minn hafi haft nokkuð til síns máls þó hann hafi fengið að heyra hversu mikill rasisti hann væri. Því miður njóta Ísraelsmenn ennþá mikillar samúðar vegna helfararinar í síðari heimstirjöldini. Það væri örugglega búið að beyta öðrum þjóðum einhverjum refsiaðgerðum og jafnvel hernaðaraðgerðum. Ég tel mig ekki verameð neina fordóma, en því miður eru flestir sem hafa sama álit aðgerðum Ísraellsmanna kallaðir RASISTAR.

Óskar Þorkelsson er  alltaf til í slaginn og fer með rangt mál að vanda 

Framferði ísraela á hernumdu svæðunum er þeim og alþjóðasamfélaginu til skammar.  Þeirra framferði er íslensku þjóðinni til skammar því við erum með stjórnamálasamband við þessa villimenn.  Það eru ekki mörg ár síðan ísraelar skutu á og drápu áhöfn sjúkrabíla og sögðu svo bláeygum fréttamönnum vesturlanda að um stórhættulega hryðjuverkamenn hafi verið að ræða með sprengjuvörpur. Þetta stóðst ekki nánari rannsókn óháðra hugrakkra blaðamanna sem fundu það út að sprengjuvörpurnar stórhættulegu voru samanvöðlaðar sjúkrabörur.  Gunnar má þakka sínum sæla að hann var ekki drepinn af þessum rasistum og terroristahermönnum ísraela.

Jóhannes Ragnarsson ásakar, eins og dæmigerður miðaldamaður, gyðinga um morðið á Jesús og svo virðist að þeir séu líka á bak við peningahyggjuna sem myrti félaga Jóhannesar í baslinu, Che Guivara (hver er nú það?)

Annars hafa blessaðir júðarnir stundum verið hálf svo einkennilegir í tiltektum sínum. Það er til dæmis ógleymanlegt hvernig þeir fóru með lækninn og sósíalistann, félaga Jesús frá Nasaret; þeir létu sér ekki muna um að krossfesta þann góða dreng fyrir kjafthátt og útborutilhneigingar. Öldum síðar myrtu taglhnýtingar peningahyggjunnar, félaga Che Guivara, en hann var líka læknir og sósíalisti.

Háskólakennarinn Anna Karlsdóttir er líka með makalausa analýsu, og ef til vill þá fordómafyllstu. Hún tekur vin sinn Woody Allen í gíslingu.

Ég þekki fólk og á vini sem eru gyðingar (enginn þeirra býr reyndar í Ísrael) og yndislegt fólk og víðsýnt. Ég hef lítið kynnst þessum snargeggjuðu sem betur fer. Enda eru þeir líklega einangraðir við stjórnvöld og her fremur en meðborgara. 

„Ég ætti helst að skjóta ykkur“

Hetjurnar snúa heim

 

 

Líkamlegum leifum ísraelsku hermannanna Ehud Goldwassers og Eldad Regevs var í dag skilað til Ísraelsríkis. Ráðist var á þá í Ísrael, þeim rænt og þeir myrtir af hryðjuverkasamtökunum.

Hizbollah, sem á stefnuskrá sinni hafa eyðingu Ísraels og útrýmingu ísraelsku þjóðarinnar, fékk bæði líkamsleifar fanga og glæpamenn á fæti fyrir bein Goldwassers og Regevs.

Einn þeirra sem nú snýr aftur til Líbanon á lífi sem hetja er Samir Qantar (Sameer Kuntar), Drúsi og ótíndur glæpamaður, sem árið 1979 gerðist málaliði Palestínsku hryðjuverkasamtökunum PLF og réðst til landgöngu í Naharía sunnan við Landamæri Líbanons. Hann myrti þar 31 ára gamlan fjölskylduföður, Danny Haran og 4 ára dóttur hans, Einad. Eftir að hafa skotið Danny Haran í bakið og drekkt honum fyrir framan barnið, sneri hann sér að henni. Hann sló hana margoft með riffilskeftinu og kramdi svo höfuð hennar með því að trampa á því. Kona Dannys, Smadar, faldi sig og hélt fyrir vit yngra barns þeirra hjóna, svo það gréti ekki þegar hetjan Kuntar réðst á fjölskylduna. Barnið kafnaði. Kuntar myrti einnig ísraelskan lögreglumann.

Nú er hetjan Samir Kuntar kominn heim, meira að segja með gráðu í stjórnmálafræði í farteskinu, sem hann fékk við háskóla í Ísrael meðan hann var í fangelsi.

Fagnið þið sem styðjið málstað hans. Það gerið Abbas á Vesturbakkanum og á Gaza er Kuntar þjóðhetja.   Íslenskir vinir þessa fólks ættu að halda veislu í kvöld, setja gott kjöt á grillið og gleðjast yfir því að Kuntar er kominn heim. Þetta er stórfenglegur málstaður sem þið berjist fyrir.