Nakinn sannleikur

 

 

Ég hlustaði í dag á Kastljós á veltalandi unga konu, Miriam Rose, sem kom til Íslands til að bjarga landinu með því að klifra upp í krana. Hún féll sem betur fer ekki úr honum, en í stað þess fyrir einum af sonum landsins þegar hún var að mótmæla virkjunum, og svo lenti hún í fangelsi. Þegar Rose kom úr steininum hélt löggan sem fastast í vegabréf hennar, sem Miriam Rose þurfti á að halda til að ganga frá sínum málum. Lögreglan hélt ekki bara vegabréfi hennar heldur hótaði að senda hana úr landi, þar sem hún var talin hættuleg íslensku þjóðfélagi. Hún ógnaði grunngildum samfélagsins.

Þetta er nú næstum því eins og þegar löggan var að senda gyðinga úr landi fyrir tæpum 70 árum síðan. Hvers konar rugludallar eru starfandi við löggæslu á Íslandi? En nú er Útlendingastofnun líka búin að sjá hver kyns er í löggæslunni og Rose er búin að fá vegabréf og leyfi til að vera í landinu hreina.

En svo skemmtilega vill til að alnafna konunnar í krananum, hennar Miriam Rose, hefur orðið fræg fyrir það að hjóla nakin á hjólhesti um grösugar sveitir Sussex. Alnafnan í Sussex var Mrs. May Pinup á fyrsta nektaralamanaki háskólans þar í sveit árið 2005. Nafna Rose í Sussex telur að vinnan við almanakið sé hið mesta success og sagði: "It's been really, really rewarding. As a society we do a lot of serious campaigning, but this aimed to show how campaigning can be fun.".

Kannski fáum við svona fínt almanak frá nöfnu Rose í Sussex hér á Íslandi. Almanak með tólf nöktum umhverfisverndunarsinnum sem koma til dyranna eins og þeir voru klæddir í Paradís.  Miriam Rose á Íslandi, nú er ég búinn að gefa þér hugmyndina. Mundu orð nöfnu þinnar í Sussex: "Campaigning can be fun".

Kannski var löggan hrædd við að rósin í krananum væri í raun rassbera rósin á hjólinu í Sussex. Hugsið ykkur umferðahnútana. Jú, væntanlega er slík reiðmennska líka ógn við grunngildin!

Kranarósin gæti líka auðveldlega farið að hjóla nakin um miðjan vetur á Íslandi. Ég hef heyrt að það sé orðið svo heitt í heiminum. Er ekki snjallræði að mótmæla því allsber á hjóli?

Athugasemdir

[Greta Björg Úlfsdóttir, 18.10.2007 kl. 16:37]

Ég held að sú aðferð að hjóla nakin myndi vekja miklu meiri lukku hér á landi en að klifra upp í krana, sérstaklega meðal karlpeningsins. Líka hættuminna, þó það sé allajafna ekki talið ráðlegt að dandalast ber úti í frosti, ja ekki nema hjá sumum finnum.

[Jón Steinar Ragnarsson, 18.10.2007 kl. 23:43]

Sá dagatal með nöktum konum og vinnuvélum um daginn. Ansi próvókerandi fyrir grunngildin í manni sjálfum.  Ekki slæm hugmynd að mynda Rósu á pjöllunni uppi í krana.  Hún myndi án efa endurheimta mannorðið og jafnvel verða allra manna hugljúfi.

[Vilhjálmur Örn Vilhjálmsson, 19.10.2007 kl. 06:21]

Miðað við hvað hættuleg og hot hún þykir meðal lögfróðra manna með kylfur, gæti hún hæglega orðið eina módelið á almanaki lögreglunnar 2008. Hægt væri að "skjóta" hana í krana, á hjóli, að sletta skyri, you name it. Ekkert æsir eins og mótmæli og ekkert gleður hana meira en serious campaigning. Líklega verður að senda mynd af henni í áhættumat allra virkjananna sem eru fyrirhugaðar fram til 2030.

[Kári Harðarson, 19.10.2007 kl. 07:32]

Maður verður svo heitfengur af því að hjóla, ég sé ekkert því til fyrirstöðu að menn mótmæli naktir á hjóli um vetur .

[Ægir Ármannsson (IP-tala skráð) 19.10.2007 kl. 13:51]

Sælir.

Eg skil ekki alveg boðskapinn í þessum skrifum þínum, ég hélt að það væri klárt að ef fólk af erlendu bergi brotið kemst í kast við lögin þá á það á hættu að verða vísað úr landi eftir að það hefur hlotið dóm.

Þú skrifar um þetta eins og grín og gerir lítið úr þessu, þá hlítur þú einnig að að hafa sömu skoðanir á nauðgurum og morðingjum því sömu lög gilda um þau óhæfuverk. EÐA ert þú einn af þeim sem vilja bara túlka lögin eftir því hvað hentar þér hverju sinni ?

[Vilhjálmur Örn Vilhjálmsson, 19.10.2007 kl. 15:43]

Ægir Ármannsson, þú ferð langt fram úr velsæmi hér.  Miriam Rose hefur hvorki stolið, nauðgað né myrt.

Brottvísunarákvæði laga um útlendinga eru vanhugsuð, enda sett saman af afkomendum útlendingahatara aftur í 20 ættliði.    

Það er hægt að vísa manni úr landi ef "það er nauðsynlegt vegna öryggis ríkisins eða krefjandi þjóðarhagsmuna" eða" úr landi ef það er nauðsynlegt með skírskotun til allsherjarreglu og almannaöryggis". Ekkert stendur í lögunum um nauðgara eða morðingja.

Löggan ætlar svo að beita þessum ákvæðum á unga konu frá Bretlandi, sem í hæsta lagi er exhibisjónisti. Mönnum hlýtur að líða eitthvað illa.

Ég er einn að þessum mönnum sem þykir lög þess virði að virða þau. Það gerði löggan í Reykjavík ekki með óðagoti sínu í máli Miriams Rose. Mér er næsta að halda að höfuð ættu að fjúka fyrir þessa öfgakenndu lagatúlkun og ætti Ríkissaksóknari að sjá sóma sinn í að rannsaka málið.