Minnislaus síðan í síðustu ESB-kosningu

Baldur skynjar mikinn meðbyr og hefur því sent Konna í sveitina svo hann haldi kjafti.

Gamlir dónar sem fokka sér - Meet the Fockers II

Gamlir menn nota sagnmyndina að fokka sér í boðhætti er þeir tala til ungra kvenna - og einna helst er þeim er heitt í hamsi eða þeir útúrdrukknir að berjast fyrir mannréttindum í miðbæ Reykjavíkur. Nú er ég orðin hálfgamall fauskur, en hef aldrei heyrt þetta orðbragð notað. Er þetta algengt í málinu, eða hef ég búið of lengi erlendis?

Þegar ég var að alast upp fyrir hálfri öld síðan var nafnorðin fokka og fokkusegl vel þekkt og er það orð ættað úr hollensku. Á hollensku voru þeir sjóliðar sem sáu um stafnsegl kallaðir fokkers, sem síðar endaði sem heiti á flugvélum, sbr. Fokker Friendship. Sá sem smíðaði Fokker flugvélar kvæntist konu af íslenskum ættum sem hann komst upp með að myrða (sjá hér).

Ég man að menn fengu sér bokku í ÁTVR, sem er komið úr latínu, boca/bocca, og þýðir munnur. Menn kysstu stútinn.

Er málþekking á undanhaldi í gamla landinu mínu? Kannski er maðurinn, sem bað þingmanninn að fokka sér, gamall latínuláki, en á latínu er focca það sama og kaka. Mér þykir þó líklegra að hann hafi horft á of margar bandarískar kvikmyndir, uppfullar af fucki, frekar en að hann hafi boðið þingkonunni kleinu. Veit einhver, hvenær Íslendingar fóru fyrst að fokka sér?

Mótmælandi réðst að Diljá Mist

Valdemar á svölunum er látinn

Einn merkasti Svía okkar tíma er látinn.

Valdemar, nágranni leynilöggunnar Martins Becks í Hornstull í Stokkhólmi, er allur. Brilljantínið í rauða hárinu er varla þornað.

Í gervi Valdemars á svölunum (eða á grænmálaða ganginum, sem smellpassaði við rauðlitað hárið) var Ingvar Hirdwall. Ingvar fæddist 1933 í Gautaborg. Hann gat ekki gert að því.

Enginn maður hafði eins mikil áhrif í lífi Martin Becks, nema kannski Gunnvald Larsson.

Í stíl Valdemars, þarf þetta ekki að vera lengra, nema að einhver drykkur sé borinn fram. Nú fæ ég mér kaffi og skála fyrir Valdemar í Hornstull - Samúðarkveðjur til sænska sendiráðsins í Reykjavík.

Ég sat eitt sinn á næsta borði við Valdemar á veitingastaðnum Mårten Trotzig í Stokkhólmi. Ég var næstum búinn að biðja kallinn um eiginhandaáritun. Hafði ég ekki til þess þor, enda embættismaður frá Íslandi og ekki í draggi eins og nokkrir af fremstu mönnum Íslands brugðu sér stundum í á erlendri grundu.

Svæsnir fordómar eru ekki hluti af málfrelsi og tjáningu

 

Sálfræðingur með einhvers konar samsærisheilabilun (mín greining) bloggar á Mogganum. Því miður brýtur hann alveg örugglega lög með skrifum sínum, t.d. með svæsnum gyðingafordómum.

Ekkert er gert, hvorki á Morgunblaðinu, sem ég hef beðið um að hafa hömlur á gyðingahatri bloggarans. Enn spýr sálfræðingurinn hatri og misnotar Moggabloggið til þess. En kannski eru starfsmenn Moggans sammála sálfræðingnum?

Íslensk yfirvöld hafa, þrátt fyrir ágæt lög, aldrei gripið í taumana og notað landslög til að koma í veg fyrir andlegan vanskapnað þann sem gyðingahatur er. Það er eins og gerður sé greinarmunur á hatri á hinum mismunandi minnihlutum sem verða fyrir hatri á Íslandi.

Arnar Sverrisson heitir maður sá sem ég nefni til sögunnar. Mér til mikillar undrunar er hann sálfræðingur og með próf upp á vasann frá sama háskóla Danmörku og ég. Miðað við þau málefni sem heltaka hann, held ég að hann hafi gleymt öllum grundvallasiðareglum sálfræðinga. Gyðingahatur af verstu gerð á Moggablogginu hefur ekkert með málfrelsi og tjáningarfrelsi að gera, svo því sé strax slegið föstu.

Arnar Sverrisson heldur úti bloggi á blog.is. Hann er ekki bara óður vegna þess að til er fólk sem ekki er gagnkynhneigt og að fjölbreytileiki mannverunnar sér meiri en áður var talið.

Honum hefur verið stefnt vegna ummæla sinna um kynsegin fólk. Hómófóbía Arnars og ásakanir varða oft fólk með aðra kynmeðvitund en heteró-meirihlutinn. Hann vill meina að þetta fólk sé að gera sér upp kynhneigð sína. Slík hegðun og afneitun er afar óeðlileg á okkar tímum. Arnar telur án nokkurra vitrænna raka að kynsegin fólk sé geðveikt. Frá að vera ofsótt og lítilsvirt, er nú farið að gera því skóna að fólk sé veikt af geði.

Arnari er einnig meinilla við flóttamenn og hefur því verið gestur á hatursmiðli þeim sem Margrét Friðriksdóttir tengist. 

Þessa dagana hefur Arnar Sverrisson horn í síðu gyðinga og telur þá hafa undirbúið eitt allsherjar plott gegn heiminum í aldaraðir og það tilkynnti hann á Moggabloggi sínu.  Sjá hér:

Það þarf ekki neina sálfræðigreiningu til að sjá að höfundurinn er hugsanlega lasinn á sálinni. Áður hefur hann skrifað blogg sem leikur með samlíkingar á gyðingum og nasistum og setur hann jöfnunarmerki á milli gyðinga og Hitlers í samsærisskrifum um ímyndaða heimsyfirráðatilburði gyðinga. 

Svo það sé ekki nóg, eru alls kyns samsæriskenningar um Covid-pestina að grassera í höfði sálfræðingsins, sumar þeirra eru einnig gegnsósa af gyðingahatri Arnars.

Moggabloggið á vitaskuld að koma í veg fyrir fyrir svæsið gyðingahatur. Það stangast á við hegningarlög í landinu. En skoðanasori Arnars Sverrissonar stendur enn. Ég vona að þeir sem stýra blogginu fjarlægi svæsið hatur Arnars Sverrissonar í stað þess að loka á fólk sem segir óþægilega hluti um Sjálfstæðisflokkinn, þegar ærin ástæða er til þess.

Það er grábroslegt, að mágur Arnars Sverrissonar er gyðingur ættaður frá Bandaríkjunum. Hann heitir Michael Levin. Levin getur vitaskuld ekki gert að því að mágur hans sé hugsanlega bilaður. Michael Levin er einstakur heiðursmaður sem ég þekki aðeins af góðu einu. Michael er maður kurteis og prúður í allri viðkynningu og hið mesta gæðablóð. Honum einum er það fyrst og fremst að þakka, að það var smávegis trúarleg samvera meðal gyðinga á Íslandi, áður en samtökin Chabad fengu augastað á Íslandi og opnuðu hér gyðinglega miðstöð fyrir þá sem þurfa á trúarlegri næringu að halda á okkar köldu eyju.

Reynið að ímynda ykkur, hvernig ætli það sé fyrir trúaðan gyðing að flytja til lands með íslenskri konu sinni, til að verða fyrir mannréttindabroti sem felst í því að mágur hans fer níðingsorðum um trú hans og uppruna úti í samfélaginu, og í þessu tilfelli á Moggablogginu.

Ég bað í síðuastliðinni viku Moggabloggið að líta á hatrið á bloggsíðu Arnars, en mér sýnist að hatrið sé þar enn. Ekki er hægt að verja þá hatursræði með málfrelsi eða tjáningarfrelsi. Arnar gengur út fyrir allan þjófabálk.

Til hatursræðunnar gefur Moggabloggið Arnari Sverrissyni vettvang á vegum Morgunblaðsins? Í stað þess að vinsa "hættulega komma" af blogginu ætti Mogginn ef til vill að líta á flóru hægriöfgamanna sem nú bloggar á blog.is.

"Gamalgróinn áhugamaður um samfélagmál á grundvelli mannúðlegrar jafnréttishyggju og frjálslyndis."

Þannig lýsir Arnar Sverrisson sjálfum sér á Moggablogginu

Sverrir ásamt Margréti Friðriksdóttur á góðru stundu.

Óska ég þess vinsamlegast að Morgunblaðið íhugi þann skaða sem bloggarinn og sálfræðingurinn Arnar Sverrisson gæti valdið Morgunblaðinu. Sálfræðingar geta, líkt og allir vita, verið sjúkir eins og allir aðrir. Ég ræð Arnari að leita sér sérfræðings sér til aðstoðar og að Morgunblaðið biðji hann um að fjarlægja það gyðingahatur sem hann hefur dreift á blogginu, ellegar verði því lokað neiti hann að verða við þeirri ósk.

Arnar sálfræðingur heldur því fram í hatri sínu að ekki hafi tekist að sýna fram á að Samsærisáætlunin mikla - Siðareglur Zionsöldunga sé falsrit. Arnar hefur trúlega ekki burði til þess að afla sér gagna enda virðast fordómar hans hindra því. En þegar hatrið er svo heiftarlegt líkt og hjá Arnari, þá blindast menn. Langar mig að biðja Arnar um að lesa upplýsingar um falsritið sem hann vitnar sem óður og auðtrúa í: 

Þess má geta að fyrrgreint rit var gefið út á Íslensku af flokksbundnum krata, Jónasi Guðmundssyni, svo seint sem árið 1953. Sjúkdómurinn gyðingahatur getur vissulega skotið upp kollinum (sjá meira um hatur Jónasar Guðmundssonar)

Þegar hatur og fordómar blinda mönnum sýn, sjá flestir heilvita menn hvað er að gerjast, en ég bíð eftir því að Morgunblaðið geri það líka og treysti því að þeir sem sjái um bloggið grípi til nauðsynlegra ráðstafana svo að gyðingahatur Arnars sé ekki dreift á þeirri ágætu veitu til skoðanaskipta sem bloggið er. Þar fara sumir mikinn, en oftast á sæmilegum nótunum. Þeir sem banna umræðu um skrif sín vita að það sem þeir skrifa getur valdið deilum. En þeir óska ekki málefnalega umræðu eins og góðir bloggarar (með nægan tíma) gera. Ef maður skrifar aðeins til að heyra sjálfan sig, telja höfundar sig líklega hafna fyrir alla gagnrýni. Það getur líka sýnt ákveðin geðveilu fóbíu og einnig geðhvörf hjá höfundinum sem þeir vilja halda í skefjum á sínum betri dögum svo allur heimur þeirra sé ekki brotinn niður er þeir eru í lægð. Kannski vita þeir sem ógagnrýndir skrifa, að málstaður þeirra er veikburða og í sumum tilfellum er jafnvel hægt að hugsa sér létt mikilmennskuæði þegar menn vilja ekki ræða rökstudda gagnrýni. Fólk getur eytt ummælum dóna og durga því af þeim er líka nóg.  En undirbyggð gagnrýni er öllum holl - einnig Morgunblaðinu.

Og í anda Cató gamla, sem á sinn forna hátt lagði til að Karthagóborg yrði eytt (Ceterum censeo Carthaginem esse delendam), þá legg ég til að  til að félag eða félög Sálfræðinga á Íslandi sýni, að félögin lýði ekki að sálsjúkir fordómar um minnihluta sé dreift í þjóðfélaginu af félagsmönnum, og að félagar sem það gera sé úthýst, þegar opinberar skoðanir þeirra eru einvörðungu öfgar og hatur.

Í stétt sálfræðinga er, sem betur fer, mestmegnis heilvita fólk. Ég bjóst ekki við öðru. Ég athugaði félagaskrá Sálfræðingafélagsins og þar er af einhverjum ástæðum ekki hægt að finna sálfræðinginn Arnar Sverrisson. Vonandi eiga ekki margir í stétt sálfræðinga samleið og skoðanafylgni með Arnari. Þessi grein er hugsuð sem forvarnarstarf.

Virðingarfyllst
Dr. Vilhjálmur Örn Vilhjálmsson

 

P.s. Til frekari upplýsingar:

Meira um gyðingahatur á Íslandi: Fyrir lesendur með áhuga á sögu gyðingafordóma á Íslandi leyfi ég mér að benda á eigin skrif í grein um Ísland í ritinu Antisemitism in the North. Allt ritið er aðgengileg þökk sé rannsóknarráði Svíþjóðar. Hefði Arnar Sverrisson verið farinn að skrifa, líkt og hann gerir nú, er ég skrifaði grein mína, þá hefði ég ugglaust eytt klausu í hann, þó ég viti að hugsanlega sé ég að rita um andlega sjúkan mann - En fólk býst venjulega ekki við því að sálfræðingar séu veikir, það gefur ekki mikla von fyrir þá sem eiga við sálrænan vanda að stríða.

Eins langar mig að benda á grein um sálfræðinga og geðlækna í þjónustu nasista. Suma þeirra var hægt að nota í útrýmingarherferð nasista á hendur fötluðu fólki. Heil kynslóð fólks sem hefur fengið stimpilinn Asperger-heilkenni, vita aldrei að Hans Asperger (1906-1980) sem skilgreindi þann sjúkdóm, var svæsinn nasisti og hann sá fyrir sér útrýmingu á því fólk sem hann stimplaði með greiningu sinni (lesið vinsamlegast hér) .

Fyrir nokkrum árum síðan ritaði danskur læknir grein ásamt öðrum, þar sem hann hélt því fram að tengsl væru milli aukinnar tíðni innhverfu (autisma) og umskurðar á drengjum múslíma og gyðinga. Morten Frisch, sem enn vinnur fyrir opinbera stofnun í Danmörku, þegar hann er ekki að dreifa undarlegum boðskap sínum gegn umskurði, er í dag ekki tekin sérstaklega alvarlega vegna greinar sinnar um samhengi á milli Aspergers og umskurðar í frumæsku. Hún hefur verið tætt niður fyrir tölfræðilega galla og fordóma af öðrum sérfræðingum í Danmörku og víðar. - En hún hentar vel þeim sem enn atast út í gyðinga og múslíma á 23. öld. Læknar og sálfræðingar sem gefa færi á sér til níðingsverka ganga að mínu mati ekki heilir til skógar.

Ódýrasta Laxness-bókin er enn til

Ódýrasta jólabókin annað árið í röð er Laxness leiðréttur. Hún kostar ekkert og fær aldrei nein verðlaun. Enginn bókaútgefandi þorir að gefa bókina út.

Þið getið því ekki fengið ykkur bókina í næstu bókabúð sem verður lokað, eða á sértilboði í kjötborðinu í Hagkaup og Bónus. Laxness leiðréttur er því miður enn ekki til í vegan-gerð. Til þess er of mikið kjöt á henni. Bókin er samt kolefnisvæn, bla, bla bla, etc.

Það eina sem menn þurfa að gera er að lesa bókina á Fornleifi eða taka upp snjallsímann í fyrrgreindum verslunum og víðar, t.d. í sjoppum, og leita að Fornleifi (í nefnifalli).

Gjöfin sem hinu gjafmildu og nísku gefa þeim sem þeir elska á síðustu stundu.

Jólahlekkurinn í ár

Geimöldin hafin á Íslandi

Bandaríski geimherinn og generáll Buzz vilja aðstöðu á Íslandi til að senda aliens aftur út í geim sem alíslenska Jóna. BB Galaxy 6Í-101 og Katrín Geimkisa munu hjálpa geimher BNA að senda framandi verur og litaðar til Grikklands eða út fyrir Vetrarbrautina. Íslendingar eru loks komnir inn í geimöldina eftir mjög langa dvöl á geymöld.

Geimherinn vill aðstöðu á Íslandi

Jón hinn óboðlegi

 

Embætti Forseta Íslands hefur húðskammað Fréttablaðið fyrir fréttaflutning (24.8.2022, forsíðan) af hátíð í hátíðarsal HÍ til heiðurs Eistlandi, Lettlandi og Litháen. Eitthvað fór Fréttablaðið rangt með, enda er flest blaðafólk ekki komið af barnsaldri og er vart ritfært á íslensku, eða nokkuð annað tungumál.  

En eitt er öruggt: Embætti Forseta Íslands sendir augsýnilega boðskort með alltof litlum fyrirvara og það er ámælisvert, þegar hetjur þjóðarinnar búa á haþþíendum suður á Spáni í ellinni og vilja vitanlega vera með í veislum sem varða heimsatburði sem þeir áttu stóran hlut í ...

Mannlíf greinir frá því að Guðni Forseti hafi orðið reiður, en slíkt gerist víst afar sjaldan. En líklegast var enginn fótur fyrir fornermelsi embættisins. Allir mega vita, á grundvelli síðari tíma dómsmála, að Jón Baldvin er lengstum tjóðraður suður á Spáni. HÍ og Guðni hafa væntanlega ekki viljað fá nein rasstrokumál ofan í alla hina skandalana. Boð skulu þó tímanlega út ganga segir í fornum lögum, og ætti Guðni að vita það þó hann gangi í of stuttum buxum.

Póstdokkarinn ritaði eftirfarandi athugasemd á FB Mannlífs. Ugglaus er hún horfin, því Mannlíf má ekki vamm sit vita:

Danir halda því fram, og trúa því, að hrappurinn Uffe Ellemann Jensen heitinn hafi verið aðalsprautan fyrir frelsi landanna fyrir botni Eystrasalts, og nefna aldrei hinn íslenskan velgjörðarmanninn fyrir hálffatalaus fátæk stúlkubörn á dimmum ónstofum í Vilníus. Þar kenndi Jón Baldvin þeim tungumál og byrjunarhagfræði og verður seint gleymt fyrir gjafmildi sína. Ég hef kannað málið og það virðist sem Jón Valur Jensson (guðfræðingur) hafi gefið Jóni Baldvin hugmyndina og Uffe Ellemann-Jensen, með öll sín "nef", hafi rænt hugmynd og heiðri frá JBH. En þegar Uffe og Síra Jón eru komnir undir torfu þykka og verður ekki þakkað með handabandi, ætti Jón Baldvin að taka þessu létt, því sannir Sósíaldemókratar láta ekki þjóðir hylla sig, sem standa í því 30 árum eftir að þær fengu frelsi undan oki Sovétsins (sem Jón Baldvin duflaði við á Naustinu hér í den tid), að hylla morðingja á meðal þeirra sem byrjuðu helförina áður en Þjóðverjar voru komnir á staðinn til að fremja sín þjóðarmorð. ÞANNIG er staðan í dag, hr. Guðni forseti: þegar ÞÚ heldur veislur fyrir þjóðir sem afneita þátttöku sinni í versta hryllingi 20. aldar, þá gleymum við engu.

Ekki er víst bannað að borða með sendiherrum. Hér eru Jón Baldvin og Ragnar Arnalds að fara að snæða með Juri Rechechof sendiherra Sovétríkjanna á Íslandi - um það leyti sem ritstjóri PostDoc fæddist, og voru þeir þrírauðu líklega að halda upp á það. Slík kynni eru arfavitlaus. En menn eru allir ungir og óreyndir, að minnsta kosti á hluta ævinnar.

Fornleifur hinn heppni var með málið um daginn...

Þeir sem í dag lesa grein Morgunblaðsins um ljótu myndbrjótana sem réðust með brussugangi, og vopnaðar slípirokki og fávisku, á litla styttu af hvítingjakonu sem fæddi barn í Ameríku fyrir um 1000 árum síðan, ættu kannski að líta inn hjá Fornleifi.

Um daginn greindi Fornleifur frá sögu þessa bílætis, sem sumt fólk leggur svo mikla fæð á, að það vill koma því fyrir kattarnef. En heimskan og eitthvað amerískt rugl ræður þeirri skemmdarfýsn.

„Með sérstakari málum sem maður man eftir“

Íslenska lokalausnin - hakakross málaður á bænhús rússnesku rétttrúnaðarkirkjunnar í Reykjavík

  Sumt frekar frumstætt fólk á Íslandi, sem er haldið skemmdarverkafýsn, þekkir greinilega aðeins eina lausn á vandamálum: Árásir á helga staði. Slíkar árásir hafa lengi verið stundaðar á Íslandi. Svínhausar og svínablóð á lóð undir mosku. Það eru afkomendur fólks sem var spælt yfir því að Hitler hertók ekki Íslandi og sem vildi nasistakóng. Þetta óeðli gengur nefnilega í ættir.

Aðeins virðist til einn sérfræðingur til í greiningar á ástandinu, prófessor Jón Ólafsson , eftir að hinn, sem líklega veit meira um Úkraínu en Jón, dró sig í hlé þegar hann greindi ástandið rangt og taldi að Pútín myndi ekki rífa Úkraínu á hol. Sá sérfræðingur sem eftir stendur í sjónvarpssal er álíka fjölbreyttur í greiningu og Pútín er í yfirlýsingum sínum, og því afar lítið á honum að græða, ef maður les ekki erlenda fjölmiðla beggja aðila.

Það er svo ekki lengur hægt, því hinn vestræni heimur með sitt hjal um frelsi til skoðana er búið að skrúfa niður í Pútunni litlu, svo hún getur ekki einu sinni gaggað heima hjá sér og hvað þá utan landamæra keisaradæmisins. Svo eru hinir, sem sækja fróðleik sinn til bandarískra sérfræðinga eins og Timothy Snyders, sem segir Úkraínumenn afkomendur víkinga frá Skandinavíu. Það eru víst víða til hænuheilar en í Rússlandi.

Skemmdaverk er lausn íslenska fábjánans

RÚV flutti í gær frétt af lúalegri árás einhverra aumingja á lítið bænhús rússnesku rétttrúnaðarkirkjunnar í Reykjavík, sem mest af öllu líkist litlum garðskála frá BYKO.

Garðhús geta innbyrt mikla helgi ef rétt er að staðið.  Sorgleg árás sýnir okkur helgina, ef meðöl manna sem hatast út í Rússa eru svo lúalega. RÚV lætur nægja, að sýna fréttina, en enn hef ég ekki séð ríkisfjölmiðilinn skrifa á vefsíðu sinni um íslenska aumingjaháttinn á hinu helga bráðabyrgðabænhúsi Rússnesku kirkjunnar.

Fulltrúi Rómversk kaþólsku kirkjunnar var mættur til að sýna samstöðu sína og dómkirkjupresturinn í Reykjavík. Góð samstaða og lofsverð!

Samtök (Chabad) rabbínans í Reykjavík fá peninga frá úkraínskum ólígörkum sem einnig styðja hinar nazísku Azov-sveitir landsins.

Ég sá því miður ekki rabbínann á Íslandi sem kemur úr röðum Chabad-samtakanna, sem reka voldugan bissness í Úkraínu í samstarfi við þarlenda ólígarka og þjófa, eins og einhverjir kunna kannski vita.

Þeir reisa sér ekki nein aum garðskýli heldur borga ólígarkarnir fyrir brútalistísk stjórhýsi sem sæmdu sér vel í Gotham City bandarísksa óraunveruleikans - eða á ströndinni í Eilat í Ísrael. Í því stórhýsi halda sumar af verstu öfgaflokkum Úkraínu til hægri landsfundi sína, þegar þær eru ekki að berjast við rússneska minnihlutans á austasta hluta Úkraínu. Það er vitaskuld ekkert annað en Shonde (einnig borið fram og skrifað  shande, shonda, schande, schanda, shandeh, shandah) ef notað skal gott jiddískt orð með fjölbreyttan framburð, sem íslenski Chabad-rabbínin þekkir vel. En Chabad sér ekkert slíkt gegnum þykkan skóg grænna dala sem þeir hafa meiri áhuga á en Hashem (Drottni).

Hvern styðjur Vatíkanið?

Reyndar verður maður einnig að beina pillu í formi spurningar til Jakobs Rollands kanslara rómversk-kaþólskra á Íslandi: Styður kirkjudeild hans eða Vatíkanið aðgerðir séra Mihayl Gredils í Horodok nærri Lviv í Úkraínu?

Séra Gredil er stríðsprestur, fasisti og gyðingahatari, sem lærði guðfræði í Lublin Póllandi. Síðari árin hefur hann verið upptekinn við að grefra fallna Öfgaúkraínumenn í Austur-Úkraínu, þar sem hann hefur einnig sjálfur barist gegn rússneskum minnihluta undanfarin ár.

Nú rekur Gredil velgjörðarsamtök í Horodok og safnar herbúningum og vopnum fyrir utan að sanka að sér söltuðu agúrkum og bleyjum fyrir börn þeirra Úkraínumanna sem berjast undir merkjum öfgamanna til hægri í Úkraínu. Heilög þrenning Gredils virðist vera nýjung í kaþólsku kirkjunnar. Sóknarbörn hans dýrka Jesús Krist, móður hans Maríu og heilaga Stepan Bandera. Stepan Bandera var versti gyðingamorðinginn meðal Úkraínumanna. Í dag er hann þjóðhetja í Úkraínu. Kannski getur þetta skýrt afstöðu Pútíns.

Lesið um þennan sérstæða fulltrúa rómversk-kaþólskra á Íslandi - á Fornleifi í dag (sjá hér). Sr. Gredil segist berjast í umboði Páfans í Rómi. Það er svo spurningin Rolland kanslari, hvort Mihayl Gredil geri það nú í raun og veru?

Questo Dottore

Hvert í Rjúkandi. Nú ætlar Lækna-Tómas að flytja lögheimili sitt vestur á Firði, nánar tiltekið til Fremri-Questu í Arnardal. Hann vill fyrstur manna á Íslandi eiga tvö lögheimili. Það lækkar vitanlega fasteignargjöldin á sumarhúsinu.

Ég trúi því að Tómas geri það sem hann ætlar sér - eins og alltaf - líkt og einhver fígúra í norskum framhaldsþætti. Fyrir vestan eru menn vanir að hliðra til, svo að góðir drengir geti gert hlutina. Best væri ef Tómas reisti sjúkrahús í Questudal, á langri klöpp þar sem heitir Digurbarki, svo hann þurfi ekkert að flytja til Noregs eða fara suður í sumarhúsið sitt í Reykjavík. Vestfirðinga sárvantar lækna og vitaskuld fjölmargar hjúkkur.

En á slíkum spítalaframkvæmdum er þó einn afar mikill haki. Án nýrra virkjana, Byggðalínu, kjarnorkuvera og nýrra flugvalla verða allir uppskurðir á Questuspítala heldur ótryggir. Það sama gildir með tölvuuppskurði heima í stofunni í Questu. Ekkert slíkt verður hægt með grútarlampanum einum. Legg ég því til að Tómas fái sér heldur undirristuspaða eða skurðgröfu.

Listaverkið að ofan gætum við kallað Tómas fyllir pyngjur sínar. Því allt gengur þetta út á að fylla pyngjur sínar og fá sérstæða fyrirgreiðslu, sem venjulegt fólk sem ekki á ljósblágræna skurðarkyrtla fær aldrei í þessu auma jarðlífi.  Hvenær líður eiginlega læknaveldið á Íslandi undir lok?

Talið er að þessi Osprey Questo fýlupoki tilheyri Lækna-Tómasi. Hann var fullur af blóðplasma er hann fannst á BSÍ.