Leita í fréttum mbl.is

Bloggfærslur mánaðarins, mars 2013

Samlíkingar biskups eru ógeðfelldar

Barbíbiskupinn

Biskup Íslands lýsir því yfir, að saklaust fólk hafi verið sakfellt í Guðmundar og Geirfinnsmálinu, og að það hafi verið vegna þess að lýðurinn hrópaði eins og lýðurinn forðum í Jerúsalem. En hvað hrópaði þá lýðurinn í Jerúsalem forðum, frú biskup?

Vafalaust hefur guð biskupsins sagt henni allt af létta um örlög Guðmundar og Geirfinns, fyrst hún getur básúnað þennan sannleika sinn út á Páskadag. Væri því vel við hæfi að hún upplýsti ríkissaksóknara um endalok tvímenninganna fyrst þeir sem dæmdir voru fyrir morðin eru allir saklausir og upp risnir.

Lengi þarf að leita til að finna annað eins auvirðilegt lýðskrum. Tími syndaaflausna kirkjunnar er greinilega ekki liðinn og nú gerir biskup lítið úr lögum og rétti á Íslandi. Fær hún þetta vald sitt hjá Guði?

Biskupinn segir: „Minnihlutahópar hafa þurft að berjast fyrir réttindum sínum og því að fá að vera eins og þau eru". Agnes biskup Sigurðardóttir telur hins vegar, að enn megi segja hvað sem er um minnihlutahóp þann sem kirkjan hefur i aldaraðir kennt um morðið á Jesú, og það án nokkurra sannanna, og ofsótt hana þar að auki. Þvílík ósvífni! Ættum við ekki að fá Ögmund Jónasson og Gísla H. Guðjónsson til að rannsaka það mál? 

Biskupinn telur sig aldeilis standa nær almættinu en aðrir, er hún getur dæmt heilu þjóðirnar eins og hún gerir.

En undrar þetta mann, þegar argasta hatur sem til er er þulið upp í kirkjum landsins ár hvert. Passíusálmarnir, uppfullir af hatri 17. aldar. Þeir voru sannindi lýðsins á 17. öld, þegar gyðingar höfðu engan rétt. En á Íslandi er gyðingum sem mótmæla dýrkun íslensku þjóðkirkjunnar á Passíusálmunum sagt að éta skít og að þeir skilji ekki hina miklu íslensku list.

Samlíking meintra morðingja tveggja manna við Jesúm, sem og viðbjóðsleg ásökun um að gyðingar hafi hrópað eftir dauða Jesús, er frumstæð ásökun og hatur, sem biskup þróaðs ríkis ætti að vera hafin yfir. En hún er greinilega biskup skrílsins.

Og hvað hrópaði svo lýðurinn forðum í Jerúsalem og hvað hrópaði lýðurinn á Íslandi í morðmálinu? Ég man nú ekki til þess að lýðurinn hafi hrópað mikið. Alvarleg mál um mannsdráp voru rannsökuð, þau fóru fyrir dómstóla og það er eðli réttarríkis, en ekki að biskup skríls gefi út billegar syndaaflausnir á hátíðum.

Biskupinum er velkomið að skýra mál sitt hér á blogginu.


mbl.is „Vegna þess að lýðurinn hrópaði“
Tilkynna um óviðeigandi tengingu við frétt

Pistill minn til Jóns Vals á Pesach 5773

pharisees Mel Gibson style

Guðfræðingurinn og bloggarinn Jón Valur Jensson telur að Farísearnir hafi myrt Jesúm. Þetta telst í dag til öfga í kirkjudeild hans, þeirri kaþólsku, því fyrrverandi Páfi lýsti því yfir í einum af bókum sínum að hann teldi að það hefði aðeins verið lítið brot af faríseum sem hafi staðið að baki. Sú kirkjudeild sem enn er Þjóðkirkja Íslands boðar enn gamalt hatur og lætur þylja upp úr Passíusálmum Hallgríms Péturssonar, sem er ekkert annað en hatursboðskapur 17. aldar. Þar er öllum gyðingum kennt um dauða Jesú. Hallgrímur vissi ekki betur, en það gera Íslendingar í dag.

Anti-Semitism in Christianity

Ég tel hins vegar, án þess að líta fram hjá heimildum, að Farísear sem hópur hafi hvorki haft völd og ítök til að koma einum af bræðrum sínum á krossinn hjá Rómverjum. Þeir risu ekki sem áhrifahópur fyrr en eftir að Rómverjar eyddu Jerúsalem og musterinu árið 70 e. Kr. Ég tel einnig að Kristur, hafi hann verið til, hafi hann eingöngu kennt eftir boðum og siðareglum Farísea. Í færslu hjá Jóni, þar sem Jón leggur út af gjafmildi Íslendinga við bágstadda í öðrum löndum, þegar fólk lifir við skort á Íslandi, ritaði ég þetta:  

Farísear Kristinna fá ekki fallega meðreið í Nýja Testamentinu, því þeir eru notaðir til að sýna okkur hverjir það voru sem létu myrða Jesúm.

Vera má, að Páll postuli, (Shaul (Sál) frá Tarsos), hafi gengið og lært meðal morðingja Jesú, og að menn vilji sanna það með heimild sem er yngri en frá 4. öld. Páll segist sjálfur hafa verið Farísei, en hann braut samt öll boð þeirra.

Gamalíel, meintur "kennari" Páls Postula, var ekki hatursmaður Kristinna. Afi hans, Hillel, sem var farísei í gyðinglegri þýðingu þess orðs (ekki þeirri kristnu) greinir okkur frá náungakærleikanum í Pirkei Avot í Mishna. Siðfræði Pirkei Avot er sú sama og notuð var meira en 100 árum síðar, þegar byrjað var að rita guðsspjöllin.

800-Pharisees

 

Ég fæ ekki betur séð en að smiðssonurinn Jesús hafi endalaust lagt út af Pirkei Avot, ritað af afa kennara Páls Postula, og hafi því verið farísei sjálfur. Pirkei Avot reglurnar byggðu á gamalli hefð, sem Farísearnir lögðu mikla áherslu á, meðan aðrir hópar skriftlærðra, sem voru horfnir um 70 e.Kr., fylgdu þeim reglum örugglega líka, en ekki í eins miklum mæli eins og farísearnir

Kristnin tók lærdóminn í Pirkei Avot og gerði að sínum, en gerði svo lærimeistarana að morðingjum. Það er glæpur Kirkjunnar, Jón. Fyrstu kristnu mennirnir, sem sumir voru Gyðingar, brutu reglur Pirkei Avot og lögmálið með því að fremja þann glæp.

Páll hataði kannski Faríseanna af öðru. Páll hataði konur og átti erfitt með kyn sitt - var líklega hommi. Hann gat ekki, og fylgdi ekki siðareglum Faríseanna eins og þær eru í Pirkei Avot, og fyrir það kenndi hann ef til vill kollegum sínum og kennurum um morð og kallaði sig Pál.

Pharisee in Sunday-school 

Gyðingar myrtu ekki Jesúm, og heldur ekki farísearnir. Heldur þú Jón, að menn sem fylgdi Pirkei Avot hafi myrt einn af sínum bræðrum? Skoðaðu heimildirnar. Þær hafa alltaf verið til, en kristnir vildu ekki hlusta og bentu ávallt á nýjustu heimildirnar, þótt eldri heimildir væru til. Í gegnum aldaraðir hafa gyðingar reynt að sýna kristnum fram á þetta. Heimildagagnrýni er það sem skilur Gyðingdóm og Kristni að. Kristnir vilja trúa, á stundum of blint, Gyðingar vilja vita, á stundum of mikið.

Ég vona að Frans Páfi muni aflétta enn meiru af falskri skuldabyrði Gyðinga en forveri hans í Róm gerði. Ég er alveg viss um að Frans þekkir Pirkei Avot, og þú hefur örugglega heyrt um lærdóm Hillels í guðfræðinni á sínum tíma.

Það er samt örugglega aðrar kenndir en náungakærleikur uppruninn úr siðareglum gyðinga sem veldur því að sumir Íslendingar telja nauðsynlegt að senda gyðingamorðingjum peninga, meðan fátæka ekkjan á Íslandi býr við skort. Ég er ekki í vafa um hver þarf mest á þeim að halda.

pharisee Hollywood

Jón Valur, þú ert það sem þú tileinkar faríseunum í fordómi þínum!


Illugi með öllu nema lauk

Glatt Kosher 

Það er ekki nóg með að Illugi Jökulsson sé alvitur um sekt og sakleysi manna. Hann er líka óhemju vel að sér í pylsufræðum, ef ekki sérfræðingur.

Illugi hefur rekist á gamlar og skemmtilegar auglýsingamyndir af Kosher grjúpánum í Bandaríkjunum og er það honum tilefni til að reyna að vera fyndinn á kostnað matarvenja og trúar annarra manna. 

Illugi sýnir okkur léttklæddar konur og Hebrew National og Zion pylsur, en gleymir vitaskuld Oscar Mayer, sem reyndar eru ekki lengur Kosher.

Frankfurter malkah

Illugi telur fyrirsæturnar sem stilla sér upp með pylsunum vera "kosher líka".  Er Illugi með þessu að gefa í skyn að gyðingar borði konur? Það væri nú við hæfi hér á páskunum.

 Ali og SS á Ísafirði VÖV Photo

Menn, sem helst vilja sporðrenna SS pulsum og háma í sig Ali álegg, ættu síst af öllum að vera að ybba gogg. Ekki fékk Clinton fyrir hjartað þegar hann fékk sér Zions dætur í bláum kjól á cígarinn (pulsuna), en hann fór beint á Mount Zinai eftir að hafa kokrennt SS með öllu í Reykjavík.

Clinton SS wienerBloggvinur minn einn, Aðalbjörn Leifsson kjötiðnaðarmaður, skrifaði eitt sinn: Þegar ég var í skinkuskólanum í Hróarskeldu þá sögðu Danirnir mér að pulsur væru guðdómlegar, því það vissi engin hvað væri í þeim nema Guð einn. Læt ég þau vísu orð vera rúsínuna í pylsuendanum.


Dómsmálaráðuneytið leitar að miðli

Miðilsfundur Ögmundar

Agnes Magnúsdóttir og Friðrik Sigurðsson voru vitaskuld saklaus á morðinu á Natani Ketilssyni og Fjárdráps-Pétri. Það varðar auðvitað við alþjóðalög að bróðir Natans hafi hálshöggvið Friðrik og Agnesi, og Natan var ekkert annað en barnaníðingur sem níddist á vinnukonu sinni, Sigríði Guðmundsdóttur, barnungri. Sigríður sat kannski í Spunahúsinu í Kaupmannahöfn saklaus fyrir að hafa kálað barnaníðingnum, sem átti bara skilið að deyja. Þannig sjá að minnsta kosti margir hlutina með nútímaaugum.

Árið 1934 var fólk farið að kenna í brjósti um tvo meinta morðingja Natans, enda voru þau tekin af lífi á hinn hrottalegasta hátt, séð með nútímaaugum. Höfuð þeirra voru sett á stengur. Agnes Magnúsdóttir leitaði svo loks að handan til miðils á Bergþórugötunni í Reykjavík, sem lýsti dysjunarstað hausa Agnesar og Friðriks "í hásumar-sól-setursátt, séð frá aftökupallinum og skammt frá honum."  Dularfull rannsóknarnefnd fór norður og gróf og er sögð hafa fundið allt nákvæmlega eins og miðill sagði fyrir um. Með leyfi Jóns Helgasonar biskups voru þessar jarðnesku leifar greftraðar í kassa í kirkjugarðinum á Tjörn á Vatnsnesi að ósk meints morðingja.

GeirfinnurHver myrti Geirfinn ?

Ég legg til að Ögmundur Jónasson ráði sé miðil með mikla útfrymisgetu til að leysa morðgátunum um Geirfinn.

Ögmundur lét það verða sitt síðasta verk sem ráðherra að senda skýrslu rannsóknarhóps á Geirfinns- og Guðmundarmálum til embætti Ríkissaksóknara.

Maður tekur strax eftir mjög mikilli yfirlýsingargleði meðlima rannsóknarhópsins. Hinn virti prófessor Gísli H. Guðjónsson, sem var hópnum til hjálpar, tínir til hve dæmdir sakborningar sátu lengi í einangrun. Heldur Gísli H. Guðjónsson því fram að menn þurfi að fara alla leið suður í Guantanamó til að finna álíka einangrun. Það eru örugglega sæt orði í eyrum Ögmunds, sem vitanlega heldur að þeir sem á Guantanamó sitji séu blásaklausir.

 Eins lítið og Guantanamór kemur Geirfinnsmálinu við, eins öruggt er það að prófessor Gísli H. Guðjónsson kann ekki að fara rétt með staðreyndir: Frændur okkar Danir hafa lengi legið undir ámæli fyrir óhóflega einangrunarfangelsun og haf a verið gangrýndir af alþjóðlegum samtökum (sjá hér)

Vissulega geta menn orðið geðveikir við einangrun í fangelsum, en sumir eru það áður en þeir framkvæma glæpi sína.

Líklega hefði rannsóknarhópurinn betur bætt við sagnfræðingi í stað þess að kreista litatúbur pólitískrar rétthugsunar.

Alfred Kempner  

Hver myrti Alfred Kempner ?

Árið 1939 var ungum gyðingi, Alfred Kempner, sem flýði til Íslands bolað úr landi. Á 7. áratug síðustu aldar komst íslenskur prófessor að þeirri niðurstöðu að Kempner hefði farist í Helförinni. Aldrei hefur neinum dottið í hug að krefjast rannsóknar á einangrunarfangelsun Alfred Kempners, brottvísun hans og meintum dauða. Íslenskur ráðherra, forfaðir pólitískrar erfðadæmis, fyrirskipaði brottvísunina, saksóknari framkvæmdi hana með mikilli heift og kynlegur kvistur við HÍ, sem vildi gera þýskan aðalsmann að kóngi á Íslandi, skrifaði bréf á þýsku fyrir embættin, þar sem íslensk yfirvöld buðust til að borga kostnaðinn við að senda Alfred Kempner áfram til Þýskalands nasismans, ef Danir vildu ekki taka á móti honum.

Ég sé fyrir mér hvað hefði gerst hefði Gísli H. Guðjónsson fengið þetta mál í hendur. Íslenskir ráðamenn hefðu verið kvittaðir af allri synd og sekt. Hann hefði, ekki frekar en sagnfræðiprófessorinn, sem sagði okkur frá dauða Kempners, farið að rannsaka heimildir í Danmörku, sem sýndu að Danir voru gáttaðir af óskammfeilni Íslendinga, sem voru greinilega enn meiri gyðingahatarar en Danir sjálfir.

En auðvitað var aldrei neinum á Íslandi sem þótti neitt athugavert við framgöngu íslenskra stjórnvalda  í því "morðmáli". Að minnsta kosti ekki nógu mikið til að eyða tugmilljónum í rannsóknir á því.

Sjá meira hér og hér.


Íslendingar hafa gleymt smáfuglunum

665347
Hér þarf ekkert að skrifa, myndin nægir!

Ný stjórn: Blágræni smokkurinn

Meirihlutasmokkurinn

Greinilegt er að Sjálfstæðisflokkurinn og Framsókn eru að færast nær hvorum öðrum í örugga forystu. Það svo örugga, að það líkist einna mest 13 tommu verju, verju gegn stjórnleysi og aumingjahætti þeirra flokka sem halda að þeir hafi reist eitthvað upp úr rústum hrunsins. Blágræni Smokkurinn mun nú fullkomna reisnina með meirihlutasmokki.

Smokkmynd fylgis D og B á sér skýringar- fyrir utan val RÚV hönnuða á grafi. Fylgi Samfylkingarinnar og Vinstri Grænna lýsir sér best með einu vinsælasta klámleitarorð Íslendinga samkvæmt nýlegri alþjóðlegri könnun á klámskoðun á netinu. Stór fjöldi Samfylkingarinnar leitar að loðnu rassgati eða Hairy anal. Það þarf að fara langt frá Evrópu til að finna aðra þjóð sem er eins upptekin af því fyrirbæri og Íslendingar. Og þegar menn taka yfir slík rústasvæði er víst best fyrir þá að vera vel varðir gegn rauðum og grænum útbrotum á rassgati.

En ég er haldinn heilbrigðri skynsemi og er hræddur um, að lítið verði hægt að bæta á Íslandi með smokknum. Menn storka ekki alþjóðlegri óáran í efnahagsmálum og geta ekki lofað of miklu. Öll atlot að hinu sjálfdauða Evrusvæði, eða samfarir við Kínverja, kalla á sterkan smokk. Ef smokkurinn nálgast þær ígerðir kemur örugglega á hann gat. Ég er ekki bjartsýnn. Flokkar verða ekki betri en það fólk sem í þeim er. Það á víst líka við um smokka.


Þeir heilsuðu svona í Vatnaskógi

Nazi Geek
 

Grískur knattspyrnumaður, Herkules Handaskakis, (nei hann heitir víst Giorgos Katidis), hefur verið settur í ævilangt leikbann hjá landsliði landsins þar sem hann rétti of hressilega út handlegginn og höndina, er hann skoraði nýverið mark.

Vísir.is hefur m.a. vakið athygli á þessari frétt. Þar er athyglisvert að sjá sumar athugasemdirnar. Þar er t.d. ein frá Guðjóni Jóhannssyni sem segir: "Þetta gyðingasmjaður er orðið grátbroslegt vægast sagt."og ellefu lesendum Vísis líkar þessi orð Guðjóns.

Ekki vissi ég að gyðingar störfuðu fyrir Knattspyrnusamband Grikklands. Er ekki vandamálið, að það eru of margir gyðingahatarar á Íslandi, sem vart vita hvað þeir eiga að gera við handleggi sína þegar svona fréttir koma inn á visir.is. 

Hættulegir tímar 

Við lifum á mjög hættulegum tímum, ef menn mega ekki rétta úr handleggnum til að sýna sigurvímu sína. Við sjáum oft knattspyrnumenn sem fangaðir eru á filmu, þar sem þeir steyta hnefann eins og kommúnistar og hryðjuverkamenn. Ekki eru þeir settir í ævilangt bann.

Enginn segir neitt við fylgismenn taparaliðsins FC Brøndby. Í fyrra bauð ég syni mínum, sem þá var 9 ára, og vinum hans tveimur á leik á Brøndby Stadion. Helstu stuðningsmenn liðsins sem stóðu fyrir aftan mark sýna oft baráttukveðju í hópæsingu sem samanstendur af þremur óðfluga handaútréttingum. Þær fyrstu tvær eru með steyttum hnefa, og sú þriðja ekki ósvipuð því sem nasistar og drengir í Vatnaskógi notuðu. Eitthvað hrópa þessir stuðningsmenn líka, en það er á svo frumstæðri dönsku að mér hefur enn ekki tekist að skilja það. Ég efast um að fleiri en 5% þeirra sem sýna þessa armlyftingar hjá Brøndby séu nasistar, og líklega eru sumir bara kratar ef dæma má út frá 2 x krepptum hnefum í þessari samsettu baráttukveðju.

 Hollande

Hvað der Hollande að gera??

nazisoccerweb18s-3-web

Er þjálfarinn nasisti líka?

Ég veit ekkert um andlegt upplag og pólitískar skoðanir Grikkjans sem var settur í ævibann. En á hann ekki að njóta vafans. Hefur hann hótað fólki, af öðrum uppruna en grískum, útrýmingu. Er hann ekki bara að reyna að sýna góða takta og þjónka við þýsku herraþjóðina í Berlín, þar sem þessi kveðja er reyndar bönnuð með lögum. Mér finnst að við eigum við að trúa því sem Giorgos skrifar á Twitter. Hann er ekki nasisti. Hann er þjóðernissinni (eins og flestir Grikkir og Íslendingar), og á því tvennu er mikill munur.

Getur ekki einhver bent Grikkjum á, að þessi "afar saklausa" kveðja var notuð í Vatnaskógi forðum er menn hylltu íslenska fánann. En hún var líka eitt fyrsta tákn í táknmáli frummannsins þegar hann var glaður eða jafnvel graður?

Vatnaskógur

Kaþólskir borga sig frá vandanum

Bannað
 

Í skýrslu Rannsóknarnefndar kaþólsku kirkjunnar á Íslandi var á sl. ári komist að þeirri niðurstöðu, að 8 manns hefðu orðið fyrir kynferðisglæpum og mannvonsku af völdum séra Georgs og Margrétar Müller hinnar þýsku í Landakoti og á sumardvalastaðnum Riftúni í Ölfusi. Meintir gerendur er báðir látnir.

Kirkjan bauð svo fólki að setja fram (fjár)kröfur á hendur kirkjunni, og nú eru  komnar á þriðja tug krafna! Átta í skýrslunni og nú er komnar yfir 20 kröfur! Miðað við framburð þeirra sem stóðu fram í þessu máli, tel ég, að engar sannanir liggi fyrir barnaníði eða kynferðisglæpum fyrrnefndra starfsmanna kaþólsku kirkjunnar. Hins vegar er ljóst, að Margrét Müller var fantur og hef ég sjálfur, þó ekki sé ég kaþólskur, upplifað það og lýst því hér í mörgum færslum hér á blogginu, og það áður en meint fórnarlömb Georgs og Müller stigu opinberlega fram með sögur sínar:

2011:

http://www.postdoc.blog.is/blog/postdoc/entry/1174389/ (skrifað 17.6.2011)
http://www.postdoc.blog.is/blog/postdoc/entry/1174980/ (skrifað 20.6.2011)
http://www.postdoc.blog.is/blog/postdoc/entry/1175282/ (skrifað 22.6.2011)
http://www.postdoc.blog.is/blog/postdoc/entry/1175499/ (skrifað 23.6.2011)
http://www.postdoc.blog.is/blog/postdoc/entry/1176337/ (skrifað 29.6.2011)
http://www.postdoc.blog.is/blog/postdoc/entry/1176705/  (skrifað 29.6. 2011)
http://www.postdoc.blog.is/blog/postdoc/entry/1176962/ (skrifað 1.7.2011)
http://www.postdoc.blog.is/blog/postdoc/entry/1177576/  (skrifað 4.7.2011)

Árið 2012 birti ég gagnrýni mína á rannsóknarnefndina og sendi henni, en hún svarar ekki:

Kirkjunauðgun?

Skýrsla rannsóknarnefndarinnar er klámhögg

Heimildafölsun í skýrslu rannsóknarnefndar

Vitnisburður minn um Fräulein Müller og minningar mínar um séra Gerorg frá sumardvalatíð í Riftúni var ekki nefnt einu orði í skýrslu rannsóknarnefndarinnar, því það hentaði ekki. Það átti, þrátt fyrir algjöra vöntun á sönnunargögnum, að halla á séra Georg.

Fyrirframákveðin friðþæging

Að mínu mati sýndi skýrslan, að nefndarmenn kunna ekki venjulegar rannsóknaraðferðir, eða að þeir hafi haft fyrirframgefnar vinnureglur settar af núverandi leiðtoga kaþólskra á Íslandi. Ekki var t.d. haft samband við Montfoort regluna í Hollandi, til að athuga hvort eitthvað hefði verið bogið við tíð séra Georgs í heimalandi hans Hollandi, áður en hann var sendur til Íslands.

Nefndin hafði hins vegar samband við Jóhannes Gijsen, kaþólskan biskup sem hafði verið á Íslandi, og tók hann trúanlegan. Á þann mann hefur verið sönnuð afbrigðileg kynferðisleg hegðun og t.d. rætið gyðingahatur, sem líka er glæpur. Hann á greinilega að vera dómari yfir séra Georg, (þótt þeir hefðu víst ekki verið miklir mátar), með fólki sem segir sögur þar sem ekki stendur steinn yfir steini.

Engar sannanir eru fyrir illverkum séra Georgs, en kaþólska kirkjan er farin að fórna "smápeðum" meðal starfsmanna sinna til að lenda einu versta vandamáli kirkjunnar fyrr og síðar, það sem hún sjálf kallar baráttuna við kjötið. Peningarnir tala enn einu sinni í sögu kaþólsku kirkjunnar. Kirkjan er orðin eins og hóran sem hún fordæmdi í gegnum aldirnar, en nú greiði hóran fyrir dráttinn.

Skaðabætur

Í málinu frá Landakoti og Riftúni má ekki fórna sannleikanum og lögfræðinni og sverta mannorð fólks án nokkurra sannanna. Það sýnist mér þó að kaþólska kirkjan á Íslandi ætli sér að gera; Að kaupa sér syndaaflausn. Páfastóll hefur lagt blessun sína yfir slíkt vegna hins mikla fjölda mála sem þykja sönnuð og þar sem glæpur hefur verið framinn.

Borgun skaðabóta til nokkurra aðila á Íslandi er smámál miðað við t.d. 700 milljón dala greiðslur til fórnarlamba í Los Angeles, sem kirkjan sækir m.a. til sóknarbarna sinna.

Þó svo að ásakanir á hendur kirkjunnar mönnum eigi í flestum tilvikum við rök að styðjast, þá eru árlega settar fram ákærur á hendur kirkjunni í auðgunarskini. Það hefur kirkjan á Írlandi þurft að reyna. Kirkjan þar hefur meir að segja verið sökuð um barnamorð, en ásakendur dæma sig oftast sjálfir. Lesið hér.

Lesið t.d. um mál séra Kennedys sem er skyldur Kennedy ættinni í BNA (forsetanum og bræðrum hans, og vissulega er ættarsvipur sterkur með þeim frændum):

Father Kennedy

Hvítur reykur yfir Rómarborg

628x471
 

eða eins og Danir segja: "Habemus kolonihavehus"

Maður gleðst vissulega yfir því að kaþólskir séu nú búnir að fá sér nýjan Páfa, Fransiscus / Jorge Mario Bergoglio,  sem virðist í fljótu bragði ekki hafa hylmt yfir glæpi bræðra sinna og systra í kirkjunni. Hann á meira að segja góða vini á meðal gyðinga í Argentínu. Svo eldar hann ofan í sig sjálfan og labbar í vinnuna. Líklegt þykir mér að Vatíkanið banni honum alla góða siði sína. Þetta virðist þó vera hinn sterkasti karl, sem lifað hefur með eitt lunga síðan hitt var tekið þegar hann var unglingur.

Þetta getur sem sagt ekki orðið betra, nema vera skyldi að næsti páfi yrði kona.

Við sem aðra Guði höfum óskum Jóni Val og hinum milljörðunum til hamingju. Myndin efst sýnir fyrirboðann. Frans missti kardínálakollhúfuna í vindgusti á Péturstorginu. Nú er hann komin með hvíta húfu og vonandi er hún hrein.


Ræfilsráðherrann og aumingjasamkundan

Mary Luz Islandia

Auðvitað er Mary Luz Suarez Ortiz  ekki heimsmeistari eins og Bobby Fischer, gyðingahatarinn og iðjuleysinginn sem fékk íslenskan ríkisborgararétt fyrir utan öll lög og skynsemi.

Mary Luz er að mínu mati heimsmeistari. Hún hefur sýnt heimsmeistaralega tilburði til að bjarga sér og fjölskyldu sinni, þrátt fyrir vinnuleysi. Hún hefur komið á fót dagpössun og verið í starfsnámi á veitingahúsi. Hún hefur sýnt að hún er virkur þjóðfélagsþegn sem er öll að vilja gerð til að verða hluti af þeirri þjóð sem þarf að hafa ræfilinn Ögmund og aumingjasamkunduna Alþingi yfir sér.

Nú er okkur sagt að Mary Luz Suarez Ortiz uppfylli ekki lög, og í ljós er komið að Pósturinn getur ekki komið bréfum yfirvalda á leiðarenda - að sögn Ögmundar. Það bréf skulu yfirvöld sýna fram á að hafi verið sent.

Meðan Mary Luz er talin ólögleg á Íslandi eftir fimm ára búsetu, fékk Bobby vitleysingur óhindrað að brjóta hegningarlög á Íslandi og var gerður að Heiðursíslendingi áður en hann kom til landsins.

Ögmundur Jónasson, þú ert víst örugglega ömurlegasti "sósíalistinn" sem lifað hefur og Alþingi sýnir aftur og sannar, að það er alla jafnan hin mesta aumingjasamkoma.


Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband