Rauður humar í sumar

      

                                                                                            

 

Nú er ekki lengur eintóm gúrka í matinn. Humar (Nephrops Norvegicus) er framreiddur með gúrkunni og það í boði the Lord and the lady of the Manor. Staðurinn er Stokkseyri. Gesturinn er fyrrverandi stigakona og fangi, en ekki frá næsta bæ.

Maður, sem eitt sinn lapti rauðrófusúpu úr öskum ríkja sem voru stærstu þjóðarmorðingjar sögunnar, getur nú ekki verið vandlátur hvað varðar gesti konu sinnar. Hitt er annað mál, að það er ósiðlegt af Óla að vera að hendast á bíl embættisins (eign þjóðarinnar) í hræátugilli á Stokkseyri sem frúin stendur fyrir með vinkonu sinni. 

Dorrit kvartaði hér um árið við Ísraelska dagblaðið Ha'aretz yfir því hve erfitt það væri að fá humar í Tel Aviv (Humar er ekki Kosher matur). Í viðtalinu við Haaretz rómaði Dorrit humarinn á Íslandi og sagðist vart borða neitt annað. Síðast þegar Dorrit var í Ísrael tel ég líklegt að hún hafi sett þessa fyrirspurn á netið til að geta fengið uppáhaldsmatinn sinn. Það hefur líklegast ekki tekist og hún lenti eins og kunnugt er í slagsmálum við landamæraverði vegna þess að þeir vissu ekki að hún væri humarlaus forsetafrú frá Íslandi.

Forsetafrúin notar því vitanlega hvern einasta möguleika til þess að borða humarhala á Íslandi og verði henni að góðu.

Mikið er það nú annar flott að humarinn, sem Íslendingar fóru fyrst að veiða árið 1954, sé orðinn svo heit vara, að menn laumast í forsetabílnum til að fá sér hann. En getur Dorrit Moussaieff ekki keypt sér sinn eigin bíl ef hún þarf að halda Drive-inn Candle Light Dinner á Stokkseyri fyrir Mörtu Stewart? 

Óli og Mússa hafa misskilið eitthvað, og nú er bara að krefjast þess að sjá reikninga fyrir þessari notkun bíla embættisins og starfsmanna embættisins í tengslum við komu gráðugu Mörtu og annarra sem sniglast um á Bessastöðum án þess að það sé þjóðinni til nokkurs gagns.

Ef Óli er að leita að afmælisgjöf fyrir frúna, mæli ég með rauðum Hummer. 

Athugasemdir

[Svanur Gísli Þorkelsson, 20.7.2008 kl. 10:38]

Þú telur sem sagt að Dorrit sé babooni?

[Gunnar Björn (IP-tala skráð) 20.7.2008 kl. 11:10]

Ekki sé ég eftir opinberum peningum í humarát og bílferðir fyrir forsetafrúnna okkar og hennar gesti. Ég vona bara að þær hafi verið vel mettar.

[Ásgeir Kristinn Lárusson, 20.7.2008 kl. 12:29]

Sé, að jepplingurinn er merktur skjaldarmerki nr.3. Hvað skyldu margar bifreiðar vera skráðar á forsetaembættið?

[Sigurður Þórðarson, 21.7.2008 kl. 00:42]

Þetta eru smáaurar miðað við milljarðinn í  öryggisráðið og 12 milljarðana í utanríkisþjónustuna.

[Vilhjálmur Örn Vilhjálmsson, 21.7.2008 kl. 11:55]

Svanur, kannski er hún það, en þú hefur greinlega mikinn áhuga á öpum, eins og færsla þín í dag ber vott um.

Ásgeir, ekki veit ég mikið um bílaflota Ólafs Ragnars. Ég giska á svona 5 stykki. Ætli það sé fjarri lagi?

Sigurður, vissulega smáaurar, og ég gæti jafnvel hafa boðið þeim í mat ef þau hefðu komið til mín. En safnast þegar saman kemur.

[Svanur Gísli Þorkelsson, 21.7.2008 kl. 12:23]

Satt er það Vilhjálmur, ég hef áhuga á öpum. En ég velti líka fyrir mér fólki og ástæðum þess að það kallar annað fólk apa eins og þú gerir í athugasemd á síðunni minni í dag ;)

[Vilhjálmur Örn Vilhjálmsson, 21.7.2008 kl. 12:38]

Svanur, þú skrifaðir:

Vel hefur gengið að kenna þeim táknmál og sagt er að Bonoboa api hafi náð að þekkja allt að 600 tákn. (Meðal daglegur orðaforði íbúa í New York er um 250 orð)

Ég skrifaði m.a.:

En api mátt þú heita að vera með þetta Kanahatur. Þú ert greinilega búinn að vera of lengi á Bretlandseyjum.

Mér finnst það algjör fíflaháttur að bera saman "orðaforða" apa í Afríku og meðalorðaforða, sem þú heldur fram að New York-búar hafi.

Ég er því stoltur sem ljón af orðum mínum, og er viss um að New York-búar, sem ég þekki marga, eigi til mörg betri orð um þig í fátæklegum orðaforða sínum.  

[Pétur Sig, 21.7.2008 kl. 17:11]

Það er í þessu bloggi þínu ein reginvilla! Þær voru á Stokkseyri en ekki Eyrarbakka að matast. Það eru reyndar dýrindis veitingahús á báðum stöðum sem bjóða upp á einmitt, humar.

[Vilhjálmur Örn Vilhjálmsson, 21.7.2008 kl. 21:44]

Sæll Pétur, ég biðst velvirðingar á þessum bömmer og leyfi mér að leiðrétta þetta í færslunni hjá mér, svo fólk fari ekki á rangan stað til að leita að matseðlinum sem Marta og Mússa völdu af. Vill ekki gera upp á milli góðra veitingastaða, sem ekki geta gert að því að Ólafur bruðli aðeins niður í Mörtu Stewart