Á Íslandi má hjóla yfir gyðinga

Nýlega setti hjólasali nokkur í Reykjavík miða í gluggann á verslun sinni á Hverfisgötunni, þar sem hann sagði að gyðingar væru ekki velkomnir í búðinni hans.  Fréttin barst til heimsfjölmiðla og má  rekja það til þess að ég sendi fréttina til gyðinga á Norðurlöndunum. Þingmaður í Danmörku sendi meira að segja erindi til danska utanríkisráðherrans og bað hann að gera eitthvað í máli þessu sem upp var komið á Íslandi, frændþjóð Dana.

Hitt hefur ekki komist í heimsfjölmiðlana, að hjólasalinn á Hverfisgötunni tók miðann úr glugganum eftir að tveir lögregluþjónar heimsóttu hann í verslunina á Hverfisgötunni og bentu honum á að miðinn væri stjórnarskrárbrot.

Hjólasalinn var bara frekar rogginn yfir heimsfrægðinni og greindi hróðugur frá. Einn allra besti kúnni hans, Mörður Árnason hjá Samfylkingunni, tjáði sig um málið: „Ég hef enga ástæðu til að halda að hann sé kynþáttahatari eða neitt í þá veru. Ég held að þetta hafi verið klaufaskapur hjá honum," DV greindi einnig svo frá: Mörður segist telja að ástæðan fyrir því að Magnús setti miðann upp hafi verið tíðindi af árásum á Gaza-svæðið nýverið. „Ég get vel skilið slík viðbrögð en þau mega auðvitað ekki koma út sem kynþáttahatur, og allra síst gyðingahatur sem er ákaflega ógeðfelld tegund af þeim tilfinningum því gyðingahatur á sér langa og blóði drifna sögu," segir hann og ítrekar að Magnús sé fyrst og fremst góður hjólaviðgerðamaður.

Magnús er ekki nasisti eins og sumir bloggarar úti í heimi hafa haldið. Hann kýs líklega Samfylkinguna. En Kratar og kommar geta líka verið kynþáttahatarar, eins og kunnugt er.

Var það kannski líka klaufaskapur hjá Bobby heitnum Fischer, þegar hann hélt úti andgyðinglegri vefsíðu í Japan, meðan hann bjó á Íslandi? Það athæfi var kært til Ríkissaksóknara. En Ríkissaksóknari taldi enga ástæðu til að framfylgja lögunum og senda ekki svo mikið sem eina löggu heim til heimsmeistarans til að skáka honum aðeins fyrir brot á íslenskum hegningarlögum.

Er allt hægt á Íslandi þegar að gyðingum kemur? Maður nokkur Scheving Thorsteinsson að eftirnafni heldur uppi ofsafengnum andgyðinglegum áróðri á bloggum ýmissa manna. Margir hafa hreinlega þurft að fjarlæga þennan mann og ruglið í honum. Ætlar enginn að gera neitt við því? Menn hafa verið fjarlægðir af Moggablogginu fyrir að hafa vitnað beint í Kóraninn. En Scheving Thorsteinsson má vitna í vefsíður gyðingahatara og halda með áróður fyrir þá inn á blogg annarra Íslendinga.

Kannski er það eðli Íslendinga að fara ekki að lögum, eða kannski gilda lögin ekki þegar óhróðri og andstyggð er breitt út um, eða hreitt í gyðinga á Íslandi.

Tvö ungmenni ferðast nú á vegum Rauða Krossins í Palestínu. Ekki eru þau andgyðingleg. Þetta eru bara góðir krakkar frá Íslandi sem eru að kynna sér starf Rauða Krossins. En þau skreyttu aðeins ferðalýsingu sína með því að halda því fram að þau hefðu verið vitni að innrás Ísraelsmanna og skotárás þeirra þann 3. mars sl.  Þessa fásinnu hrakti ég á bloggi þeirra og í færslu minni hér á undan. En móðir eins ungmennisins, Salvör Gissurardóttir, segir kannski það sem einkennir Íslendinga mest þegar þeir þykjast ekki þurfa taka afleiðingum gjörða sinna: Látið ekki fá á ykkur þó að Vilhjálmur Örn gagnrýni frásögn ykkar, það er bara ein leið til að komast hjá gagnrýni og hún er sú að gera ekki neitt.

AÐ GERA EKKI NEITT. Já, það hljómar eins og alíslensk lausn!!

Ætli þetta sé líka mottó hjá Ríkissaksóknara og þeim sem gera ekki neitt gegn síendurteknu gyðingahatri á Íslandi? Halda menn bara, eins og Mörður Árnason, að þetta sé klaufaskapur?

Hér er lítil mynd af manni sem líka hjólar yfir gyðinga á klaufalegan hátt. Sumir segja að þetta sjálfur Tom Cruise. Mér þykir líklegra að það sé Tóm Krús á Mission Impossible:

Gyðingaofsóknir í sósíalistaparadísinni

 

Í Venesúela eiga gyðingar ekki sjö dagana sæla. Frumskógardýrið Hugo Chavez, einn frumstæðasti einræðisherra Suður-Ameríku um þessar mundir, sleit nýlega stjórnmálasambandi við Ísrael, líkt og Steingrímur Sigfússon afdalaráðherra á Íslandi vildi gera þegar hann var enn í stjórnarandstöðu. Nú er kannski lag að gera eins og Hugo, Steini. Lýsa stuðningi við Hamas og önnur hryðjuverkasamtök á þinn einstaklega siðmenntaða hátt.

Það hefur kannski farið fram hjá sumum, að það eru ekki bara nasistar og hægriöfgamenn sem hatast út í gyðinga. Sósíalistar kunna líka þá list að kenna gyðingum um allt sem miður fer í heiminum.

Reiðhjólasali á Íslandi lét hinn sunnræna pasa doble y loco en cabeza-anda nýju ríkisstjórnar hýru stýru á Íslandi hafa áhrif á sig í síðustu viku, þegar hann bannaði gyðingum aðgang í verslun sína og braut með því lög.

Í Venesúelu ráðast menn hins vegar inn í  á samkunduhús gyðinga og félagsheimili og svívirða helg rit og mála er alls kyns frumstætt níð á veggi, eins og "dauði yfir gyðingana". Gyðingar á Íslandi eiga engin guðshús og samastaði og ganga hræddir meðfram veggjum. Þeir vilja ekki láta mála hakakrossa á bílinn sinn, eins og gerðist víst hér um árið.

Hvenær munu íslensk yfirvöld lögsækja gyðingahatara? Hvað ætli BBC muni segja um gyðingahatarana á Íslandi?  Hér má sjá frétt BBC um árásina í Caracas.

Vildi ekki einn ráðherrann í nýju íslensku ríkisstjórninni

taka upp nánara stjórnmálasamband við Íran?

Ný ríkisstjórn mun slíta stjórnmálasambandi við Ísrael

 

Allt bendir nú  til þess að ný ríkisstjórn á Íslandi hafi eina alveg pottþétta áætlun, sem hrint verður í framkvæmd innan skamms: Áframhald helfararinnar.

Samkvæmt áreiðanlegum fréttum er ætlunin að slíta stjórnmálasambandi við Ísraelsríki, ... já fyrir utan allar tiltektirnar í Seðlabankanum.

Sambandsslitin við Ísraelsríki hafa lengi verið mikið hjartans mál fyrir núverandi utanríkisráðherra og algjört kappsmál fyrir nýliðana í stjórninni, Steingrím rauða og Ögmund græna, sem að mínu mati eru sams konar karakterar og hjólhestasalinn á Hverfisgötunni, sem ég bloggaði um hér á undan, að ógleymdum meðlimunum í discosullbandinu Mezzoforte, sem afþökkuðu vinnu í Ísrael vegna fordóma sinna og vanþekkingar. 

Ekki er við öðru að búast í landi, þar sem hægt er að brjóta hegningarlög með því að ráðast á gyðinga, eða þar sem Hamas-talsmönnum er leyft að halda því fram ÓÁREITT, að það hafi ávallt verið ásetningur Ísraelsmanna að útrýma Palestínumönnum.  Á Íslandi er hægt að svívirða trú og uppruna gyðinga án þess að yfirvöld geri nokkuð í málinu. Moggabloggið má nú eiga það, að það hefur verið að reyna að vinsa út verstu hatursbullurnar, en það er mikið verk, enda margar slíkar til. 

Hér getið þið lesið um afa hljómsveitastjórans í Mezzoforte, sem starfaði í Þýskalandi, þegar Hitler var að sölsa til sín völdin. Einhvern tíma skrifa ég meira um Eyþór Gunnarsson, afa rétttrúnaðardiskópopparans Eyþórs Gunnarssonar, sem ekki vill spila í Ísrael.

Afþakkaði tónleikahald í Ísrael

Hjólarasistinn á Hverfisgötunni

 

Á 4. áratug 20. aldar var brandari nokkur í umferð í Hollandi. Hann hljóðaði þannig: "Hvað er það hraðasta sem þú hefur séð nýlega?" Svarið var: "Gyðingur frá Þýskalandi á hjóli"

Nú eru gyðingar ekki velkomnir á reiðhjólaverkstæði í Reykjavík (Borgarhjóli), þar sem eigandinn, Maggi, er vinstrisinnaður. Sjá

Maggi hjólarasisti með skeifu

 

Hvað ætli verði fyrsta utanríkispólitíska verk nýrrar ríkistjórnar?  Stjórnarslit við Ísrael?

Gott að flestir gyðingar á Íslandi eigi bíl, ég segi ekki annað, svo þeir þurfi ekki að versla við Magnús Örn hinn súra sósíalista í Borgarhjólum á Hverfisgötunni, sem ekkert vill fyrir gyðinga gera.

Ætli Ingibjörg Sólrún geri ekki þennan hjólvitlausa mann að utanstjórnar-utanríkisráðherra?

 

Hjólasveit gyðinga er til í slaginn

Smekkleysa hinna heilögu

 

Þessa smekkleysu gekk ég og góðvinur minn, Jerry Bergman, fram á á Nørrebro í Kaupmannahöfn þann 19. desember. Þetta er plakat Vinafélags Palestínumanna í Danmörku.

Sama dag rakst ég líka á þessa grein. Þrátt fyrir það sem stendur í henni og það sem haft er eftir mönnum sem sjá um velferðarmál almennings á Gaza, þá er enn verið að hamra á því að íbúar Gaza svelti og að helför sé í gangi.

Við sjáum myndir eins og þessa. Ísraelsmenn eru kallaði morðingjar á bloggum Íslendinga. En hvernig skyldi ástandið hafa verið í t.d. gettóinu í Varsjá sem ávallt er verið á klína á Gaza. Ekki var ég þar, en ég hef kannski meiri þekkingu á því en flest ykkar, þar sem ég gef brátt út bók með bréfum fjölskyldu manns kom til Danmerkur árið 1939 frá Varsjá. Honum var vísað úr landi árið 1941 vegna þess eins að hann var gyðingur. Mönnum er ekki vísað úr landi í dag í Danmörku vegna þess að þeir eru Palestínumenn. Fjölskylda hans skrifaði til hans og annarra í Danmörku frá 1939-1942. Ég veit hvað gerðist í gettóinu.

Það voru t.d. ekki Range Rover bílar í gettóinu í Warszawa eins og á Gaza í dag:

Auschwitz-teikningar fundnar

 

Ekki held ég að til séu til margir Íslendingar sem eru í vafa um að Helförin hafi átt sér stað með gasklefum, brennsluofnum og hvaðeina. En þarna úti á meðal ykkar eru samt nokkrar sjúkar sálir, sem draga þetta allt í efa í einhverri forpúlaðri, trúarlegri andagift. Nokkrir þessa aðila eru einnig á fullu í samsæriskenningum um Twin Towers og öðru kukli. Slíku fólki er víst ekki við bjargandi.

Nú fá vantrúarmenn (nei, ég meina ekki þig Matti antikræst) eitthvað að hugsa og búa til samsæriskenningar um. Nú hafa nefnilega fundist nokkrar uppmælingar af elsta hluta búðanna í Auschwitz. Uppmælingar þessar voru teiknaðar á árunum 1941 - 1943 og sumar hverjar af föngum í búðunum eftir að viðbætur og ný hús höfðu verið byggð við gömlu herbúðirnar í Auschwitz. Sjá einnig hér.

Á sumar teikningarnar hefur hinn litli, ljóti Heinrich Himmler meira að segja skrifað nafn sitt og lagt blessun sína yfir verkið. En það sem er áhugaverðast er, er að hlutverk bygginganna er einnig ritað inn á teikningarnar. Þar kemur því greinilega fram hvaða bygging í búðunum hafi verið gasklefi (sjá mynd), hvar líkkjallarinn hafi verið, og allt auðvitað með þýskri nákvæmni.

Sérfræðingur hjá Bundesarchiv, Ríkisskjalasafni  Þýskalands, hefur þegar lýst þessum uppmælingum sem mikilvægum fundi, svo ég býst við að ekki sé þarna um hrekk eða fölsun að ræða.

Í dag eru líka 70 ár frá því að Þjóðverjar gengu berserksgang gegn gyðingum á Kristalnóttinni. Þjóðverjar minnast margir þessa svarta bletts á sögu sinni með mikilli andargift og virðingu. Ekki er hægt að segja það um aðrar þjóðir. Litháar, sem margir hverjir stunduðu gyðingamorðin grimmt, hafa hingað til ekki fengist til að draga einn einasta litháískan nasistaböðul fyrir dómara. En nú vilja þeir hins vegar ólmir draga þrjú gamalmenni fyrir dóm. Þetta eru gyðingar, sem börðust með kommúnistum gegn nasistum og skósveinum þeirra. Litháar telja þremenningana vera stríðsglæpamenn.

Mér þykir alltaf gott að koma til Litháen og þar býr margt gott fólk. En þjóðin þarf að taka sig mikið á ef taka á hana alvarlega. Lágkúrulegt gyðingahatur er enn mjög almennt í landinu. Mótmælið áformum litháískra ráðamanna hér.

Á vígvelli siðmenningar MMVIII

 

 

Núna, rétt áður en míní-borgarastyrjöldin hefst á Íslandi þar sem réttlætið og sannleikurinn mun vinna, er Björn Bjarnason herforingi greinilega farinn að velta fyrir sér, hvort lýðræðið sé of dýrkeypt fyrir sig og vini sína.

Það er auðvitað af sem áður var, þegar Moggablaðamenn eru farnir að auglýsa múgæsingu í Iðnó og jafnvel verklegar æfingar með spælegg og tómatsalat frá Bónus á Austurvelli. „Halla Gunnarsdóttir (Sigurðssonar)" væri líklega búin að missa vinnuna, hefði Mogginn enn verið málgagn Sjálfstæðisflokksins. Þessi Rósa Luxemborg Íslandskreppunnar sagðist á fundi í Iðnó að hún hefði aðeins krækt sér í örbylgjuofn í íslenska kaupæðinu. Hún á ekki einu sinni sjónvarp stúlkukindin. Er hún ekki Íslendingur?

General Björn er í öngum sínum og skrifar laugardaginn 8. nóvember:

Í dagbókarfærslu í gær velti ég fyrir mér, hvort unnt væri að treysta á óhlutdrægni fjölmiðlafólks í þessari orrahríð allri. Ég hef fengið ábendingar um, að fleiri velti þessu fyrir sér.

Fjölmiðlaliðið, sem Björn Bjarnason er að tala um, er auðvitað gallagripir og fífl upp til hópa (Haarde 2008), dauðadrukknir kommar, menntaðir í Svíþjóð, ef þá nokkuð. Til hvers að hafa fjölmiðla? Þeir gera málið bara flókið með öllum þessum spurningu. Bloggið er enn verra. Þar er fólk með þráhyggju að básúna sig um það sem það veit ekkert um, þegar það er ekki í kaupæði.

Ég veit ekki um hvaða ábendingum vinir Björns eru að gauka að honum, en ég vona að það sé ekki það sem ég held að það sé. Annars held ég ekki að Björn eigi svo marga vini einmitt núna.

Ekki þótti mér þetta nú beysnir byltingamenn sem ég sá í sjónvarpsfréttum frá Iðnó, eða þeir sem spændu upp malbikið fyrir framan Alþingishúsið. Mér er spurn, væri ekki nær að búa til ommelettu og tómatsalat fyrir fátæka fólið, með skyrböku í eftirrétt, í stað þess að vera að sletta mat á friðað og hljóðlátt, gamalt hús?

Þjóðarsjálfsmorð?

 

Dr. Þórólfur, er þetta Þjóðarsjálfsmorð? Líklegast er það nú ekki, en myndin hér af ofan lýsir ágætlega ástandinu fram að grein þinni, eða er þetta það sem koma skal?

Ég er að reyna að koma frá mér bók um afdrif fjölskyldu í gettóinu í Varsjá 1940-42, sem byggir á fjölda bréfa til sagnfræðingsins Stefans Glücksmans sem kom til Danmörku árið 1939 frá Varsjá en var síðar myrtur í Póllandi með hjálp danskra yfirvalda, sem sendu hann úr landi af þjóðhagslegum ástæðum. Danir eru alltaf svo nøje regnende.

Ég skammast mín dálítið, eins og Jónas Kristjánsson, fyrir þjóð mína, og líka þegar ég leyfi mér að gera samanburð á Íslendingum og gyðingum í gettói. Það er óréttlátt gagnvart báðum hópum.  Íslendingar eru ekki í hers höndum og standa ekki frammi fyrir útrýmingu. Þeir geta aðeins sjálfum sér um kennt ef þeir gera ekki algjört eignarnám á eigum þeirra sem sköpuðu vandann. Skuldir þeirra höfum við erft, en lausafé þeirra er verið að smygla burt úr landinu af kerlum og börnum glæpamannanna.

Ástandið verra en þjóðargjaldþrot

How does it feel?

 

Now, when the Icelanders have been promoted into the ranks of the Hamas and Al Qaida, and Prime Minister Haarde is no more welcome in Britain than bin Laden, how does it feel?

Now, when a British Labour bully, with a Marxist past, finds a scapegoat at the eve of a financial collapse in Britain, how do you feel,  all you cobelligerents of Gordon Brown in Iceland, who have united with the Islamist revolution to give the Jews and the Jankies the blame for everything in the world?

Now, When Hamas and Iran explain the financial turbulence in the world with messages like these on their most frequented online message boards:

Jews are greedy, rotten slime balls."

"[Jews have] infiltrated Wall Street and Government and have ruined our country."

"They [Jews] love money nothing else, no faith or religion can be so heartless to their victims."

"That's how they work they short the stock all the way making billions and then cover it right up, sell and then taxpayers to the rescue and it is true all those institutions are ran by Jews ..."

How does it feel, to be a kind of a Jew all alone in the North?

How does it feel to read the memoirs of Baron Lard, Roy Hattersley, in the Guardian, when he writes? :

All Whitehall agreed that the Icelanders - the most highly educated people in the world - would respond to an offer of compromise. I was chosen to carry it to Iceland. I returned home full of sympathy for Neville Chamberlain - though, as compared with Reykjavik, Munich was a meeting of true minds.

Doesn't this sound like when the anti Semites blame the Holocaust on the Jews and compare Israel to Nazi-Germany?  The Icelander better be as stubborn as the British Labour Baron claims they are.

Those left winged hypocrite Icelanders, who drive around in their executive cars, dreaming about the "Role of the Icelanders among the nations" and the country saving the world in the Security Council of the UN, - how does it feel now to talk about your crisis?  When Jews only had 184 calories a day to live on in the Warsaw Ghetto, while you have a hospital system which can prolong your misery with brain surgery and instant cardiac relieve, what is a crisis ..... and how does it feel?

Bókartíðindi frá landinu helga

 

Mig langar að kynna nýja bók sem kom út fyrir skömmu. Hún ber heitið Behind the Humanitarian Mask: The Nordic Countries, Israel and the Jews. Þetta er greinasafn sem m.a. fjallar um tvískinnung og áframhaldandi hatur gegn gyðingum á Norðurlöndunum eftir Síðari heimsstyrjöld. Ef einhver hefur talið sjálfum sér trú um, að sá ósómi hafi hætt eftir að Hitler skaut sig í Berlín árið 1945, er sá hinn sami haldinn veruleikafirru. Sem sagt, þetta er ekki jólabókin fyrir útópista eins og vinstrimenn, öfgamúslíma og nasista, sem þessa dagana virðast nokkuð samstíga í hatrinu.

Margar greinarnar í bókinni hafa verið birta áður í tímaritum, og síðan sumar þeirra voru skrifaðar hefur ástandið sem lýst er í greinunum ekki lagast.

Bókin er gefin út af Institute for Global Jewish Affairs

Bókina er hægt að kaupa á Netinu hér eða hér: