Smekkleysa hinna heilögu

 

Þessa smekkleysu gekk ég og góðvinur minn, Jerry Bergman, fram á á Nørrebro í Kaupmannahöfn þann 19. desember. Þetta er plakat Vinafélags Palestínumanna í Danmörku.

Sama dag rakst ég líka á þessa grein. Þrátt fyrir það sem stendur í henni og það sem haft er eftir mönnum sem sjá um velferðarmál almennings á Gaza, þá er enn verið að hamra á því að íbúar Gaza svelti og að helför sé í gangi.

Við sjáum myndir eins og þessa. Ísraelsmenn eru kallaði morðingjar á bloggum Íslendinga. En hvernig skyldi ástandið hafa verið í t.d. gettóinu í Varsjá sem ávallt er verið á klína á Gaza. Ekki var ég þar, en ég hef kannski meiri þekkingu á því en flest ykkar, þar sem ég gef brátt út bók með bréfum fjölskyldu manns kom til Danmerkur árið 1939 frá Varsjá. Honum var vísað úr landi árið 1941 vegna þess eins að hann var gyðingur. Mönnum er ekki vísað úr landi í dag í Danmörku vegna þess að þeir eru Palestínumenn. Fjölskylda hans skrifaði til hans og annarra í Danmörku frá 1939-1942. Ég veit hvað gerðist í gettóinu.

Það voru t.d. ekki Range Rover bílar í gettóinu í Warszawa eins og á Gaza í dag:

Athugasemdir

[Sigurður Þór Guðjónsson, 28.12.2008 kl. 12:24]

Þetta er greinilega skrifað til að gera  lítið úr síðustu aðgerð Ísraelsmanns og gengur út fyir allt smekkleysi. Það er ekki lygi að 280 manns dóu í þessari aðgerð Ísraela, menn eins og þú og ég. Skiptir það þig engu máli. Að þú skulir geta verið að verja þetta á svona smekklausan hátt.

[Vilhjálmur Örn Vilhjálmsson, 28.12.2008 kl. 13:30]

Sannleikurinn er því miður oft smekklaus. Tölur frá Gaza tek ég alltaf með varfærni. Tölfræði og nákvæmni er ekki þeirra sterka hlið.

Nei Sigurður, ég skil  aðgerðir Ísraelsmanna harla vel og nota þær ekki til að skipta um umtalsefni á Kreppuíslandi eins og Ingibjörg Sólrún.

Lögregluyfirvöld Hamas hafa líka þjösnast á saklausu fólki á Gaza líkt og Gestapo gerði í Þýskalandi. Lögreglan í Gaza var samansafn af óþokkum og ribböldum og spillingarliði og nú munu margir anda léttar á Gaza þegar saxast hefur á hóp þeirra. Mér þykir grátlegt og illt að börn hafi verið meðal fórnarlamba, en þegar hermenn skýla sig á bak við almenning í miðjum íbúðarhverfum er ekki við öðru að búast en að börn falli. Í siðmenntuðum löndum hreiðra hermenn ekki um sig á meðal barna.

Hvernig heldur þú að útrýming "Palestínumanna" hafi verið á gyðingum sem eitt sinn byggðu Gaza-borg? Veistu hvað gert var við stúlkubörnin? Það hefur aldrei verið nein sæla þarna í landinu helga. Við erum að tala um lönd þar sem tönn fer fyrir tönn og þar sem menn tala daglega um útrýmingu Ísraelsríkis með Backupkórnum "ImbuSolls" frá Vesturlöndum.