Áhugi á gosinu mikill erlendis

Áhuginn á gosinu á Fimmvörðuhálsi er allur að færast í aukana, en fólk ferðast í nágrenni þess á eigin ábyrgð og ef maður fer ekki varlega getur maður lent á spítala eða í hraunhellu.

Mikill áhugi er náttúrulega líka á gosinu erlendis og eru menn þegar farnir að græða og gera út á það í leyfisleysi. Út er komin bókin Island and the Volcano Monkeys, sem tekur fyrir Icesave og áhugann á gosinu í einni og sömu bókinni. "Merkilegt verk", segir Egill Helgason, enda er hann aðalheimildamaður höfundarins.

Danskir málvísindamenn eru á leið til landsins til að heyra hvaða dönsk mállýska heyrist upp úr gígnum. Þórður Tómasson í Skógum telur það reyndar vera platþýsku, eins og þá sem íslenskir leiðsögumenn tala.

Leikfangaiðnaðurinn framleiðir nú módel fyrir jarðfræðinga á öllum aldri, þar sem maður getur leikið sér að Fimmvörðuhálsgosinu heima í stofu.

Hinn síungi Haraldur Sigurðsson jarðfræðingur segir leikfangagosið alveg æðislegt

Goggað í Samfylkingar-Burgeis og forsetann

Smáfuglarnir og sérstaklega snjótittlingarnir á AMX, en einnig hvítir hrafnar HÍ eins og Hannes Hólmsteinn, munu örugglega ekki hætta skrifum sínum um tengsl forsetans og ýmissa framagosa í Samfylkingunni við hið nýja vísindahneyksli Himalayagate. Enda engin ástæða til þess. Öll loftslagsumræðan eru að mínu mati ekkert annað en ný auðtrúarbrögð, þar sem miklir peningar eru í húfi. Spekúlasjón í bráðnandi jöklum er gott dæmi um græðgisöldina, þar sem þeir „hreinu" segja að allt sé að bráðna, og þeir einir þéna á því í þokkabót. Vitleysingar eins og Íslendingar borga svo ólmir í kassa indverskra sjónhverfingavísinda, því þeir sækjast eftir hlutverki á meðal þjóðanna.

Einhverjir svartir sauðir, kollóttar ær og ruglaðar rollur frá Íslandi voru greinileg komnar á þá skoðun, að ísinn væri að bráðna á þaki heimsins, og þess vegna runnu tugir milljóna frá Íslandi eins leysingavatn út í sjó, vegna þess að einhver kaldur gæi sem heitir Burgeis, var á þeim brókunum að spandera og spreða kringum sig eins allir vinir hans í útrásinni gerðu. Eini munurinn var sá, að Burgeis tók peninganna beint úr ríkiskassanum. Hinir höfðu þó æruna og stálu þeim annars staðar og ætluðu ríkiskassanum að borga þetta síðar.

Þegar ég heyri orðið Himalaya, minnist ég ávallt Menntaskólans við Hamrahlíð, þegar Teitur heitinn Benediktsson latínukennarinn minn hélt skemmtilegasta fyrirlestur sem ég hef hlustað á um orðsifjafræði, etymólógíu, þar sem hann tengdi saman orð á íslensku gegnum flest aðaltungumál Evrópu, eða við frum-indóevrópsku, mál sem Teitur virtist vera meira en mellufær í. Svo bað hann okkur þrjá latínuláka sem vorum í fornmáladeild hjá honum, að skýra orðið Himalaya. Vöflur komu á okkur. En Ásgeir Erlingsson, sem var innfæddur Rómverji, sá að laya væri kannski eitthvað skylt sögninni að liggja. Teitur tók lítil hopp af gleði á pallinum uppi við töflu. Þar sem við vissum að H í upphafi orða á indóevrópsku varð oft orðið að  G-i í upphafi orða, gat ég mér til orðin Gimli og gimbur. Það leið næstum yfir Teit. En ég gat samt ekki á neinn hátt skýrt þessar tillögur mínar. Teitur fullvissaði okkur um að gimburlömbin hvítu væru af sama stofni og snjórinn á sanskrít (hima). Himalaya þýðir því einfaldlega:  Þar sem snjórinn (hima) liggur (laya). Þar heldur hann örugglega áfram að halda sig eftir 2035, þegar snjólaust átti að vera orðið á þaki veraldar, en hins vegar allt í rúst og skálmöld á hæðunum fyrir neðan, samkvæmt hugdettu einhvers óprúttins Indverja.

Er ekki öruggleg hægt að kalla Burgess burgeis á íslensku, eða breytist þetta nafn í kommísar hér norðurfrá? Ég hef enn áhuga á orðsifjafræðinni, eins og þið sjáið. Í eina tíð var maður sem hét Guy Burgess sem var njósnari. Við þurfum víst einn svoleiðis til að vita hvernig Burgess íslenski bruðlaði með fórnargjafir til Shiva.

"Segja frjálsa Íslendinga hafa borgað Icesave"

Slíka fyrirsögn erum við vonandi aldrei eftir að sjá í sögubókum framtíðarinnar. En alveg eins og sá hluti íslensku þjóðarinnar, sem er að fara yfir um vegna þess að hann vill ólmur borga skuld sem ekki er þjóðarinnar, virðist nú komið í ljós að frjálsir Egyptar hafi valið að taka á sig þrælaok og hafi reist pýramída í þjóðarátaki, allt fyrir ánágjuna. Eða svo segir ríkisfornleifafræðingur Egypta, Secretary General of the Egyptian Supreme Council of Antiquities, Zawi Hawass.

Ef ríkisfornleifafræðingur Egypta væri ekki almennt talinn vera fjölmiðlatrúður og illa gefinn, og að fornleifafræðingurinn sem vann með Hawass við rannsóknir á  „grafhýsinu" í Giza með beinum "frjálsra Egypta" hefði ekki verið Bandaríkjamaður sem vill halda rannsóknarleyfi sínu á Egyptalandi (sem Hawass úthlutar einn), hefði ég trúað þessu.

Þjóðarátakið sem Zahi Hawass (sjá http://www.drhawass.com/) talar um, telur hann sig meðal annars sjá í „að á vettvangi hafa fundist fornleifar sem benda til þess að verkamennirnir 10.000, sem reistu píramídana, hafi borðað 21 nautgripi og 23 kindur, sem bændur hafi sent þeim daglega". Ef þetta er rétt, hljóta bændurnir að hafa verið þrælarnir.  En ekki verður nú mikil veisla fyrir 10.000 frjálsa menn í erfiðisvinnu með kjötið af þessum skepnum, þó svo að kjötið hafi aðeins verið lítill hluti í dallinum í alþýðueldhúsunum við pýramídana.  

Supreme Faraó Hawass

Í sjónvarpsfréttum bætti Hawass því við, að það hefðu verið Egyptar sem byggðu pýramídana og að þeir hefðu verið frjálsir menn eins og þeir eru í dag.

Þarna stendur hnífurinn í kúnni. Ríkisfornleifafræðingur Egypta vill ekki heyra að "erlent vinnuafl" og þrælar hafi komið nálægt þessari mannvirkjagerð, og telur greinilega að fólk af sama meiði og Nútímaegyptar hafi byggt landið á tímum stóru Pýramídanna og byggt allt sem frjálsir menn. Hann telur að frjálsir Egyptar hafi unnið 3 mánaða tíma í senn og hafi svo verið leystir af af ólmum Samfylkingaregyptum sem vildu borga Faraói það sem Faraói bar. Hawass hefur bannað DNA rannsóknir, sem hann telur gagnslausar og út í hött. En þær gætu einmitt gefið okkur vissu um hvaðan þeir sem byggðu pýramídana og önnur mannvirki á Egyptalandi voru ættaðir.

Þessar skoðanir Hawass lýsa frekast hugarfari nútíma Egypta, sem hafa önnur lög, aðrar venjur og aðra trú en forverar þeirra í landinu. Þrælar og vantrúa útlendingar voru ekki samkvæmt nútímaegyptum færir um að byggja neitt að viti, kannski ekki frekar en nútíma Egyptar eða stjórnvöld í Egyptalandi, sem enn hefur ekki tekist að koma reglu á uppbyggingu í landi sínu. Þar er allt í argasta rusli.

Ég fá ekki séð, hvernig hægt er að afneita því að Fornegyptar hafi ekki getað stjórnað þrælum þannig að þeir lærðu handverkið, og enginn getur útilokað að handverkskunnáttan hafi ekki stundum komið með þeim sem þrælkaðir voru, meðan yfirstéttin sveiflaði svipunum og var sauðheimsk.

Vandamálið er að Egyptar nútímans eru ekki frjálsir menn, þeir halda bara að þeir séu það, og þess vegna sjáum við fornleifafræðing á Egyptalandi á 21. öld, sem er heltekinn af rómantík eins og menn á Vesturlöndum voru haldnir henni á þeirri 19. En þjóðernisrómantíkin lætur ekki hæða að sér.

Fyrir utan að vera talinn óferjandi í fræðunum, er Hawas þessi argasti gyðingahatari, eins og góðu fífli sæmir og leynir skyldleikinn sér við suma forkálfana í Samfylkingunni og VG sér heldur ekki þar.

Hér í viðtali á egypskri sjónvarpsstöð segir hann okkur að Gyðingar stjórni heiminum og situr það í sögulegt samhengi, þegar hann er spurður nánar út í það. Hann lýsir gyðingum eins og ríkistjórn okkar lýsir þeim sem ekki vilja borga þrælaskuldina. Ég fæ ekki séð annað.

Segja frjálsa menn hafa reist píramídana

Tengsl Climategate-svindlaranna við Ísland

Ef menn eru ekki að hugsa um Icesave og ESB, er vart talað meira um annað þessa dagana en loftslagsráðstefnuna í Kaupmannahöfn og Climategate. Vegna anna hef ég ekki getað lesið hina frægu tölvupósta sem Phil Jones í Norwitch lét ræna frá sér fyrr en nú. Þeim hefur verið dreift um heiminn frá Tomsk í Síberíu, öllum sannleiksleitandi mönnum til mikillar ánægju og vísindunum til aðhalds.

                               

Phil Jones

Leitar maður að Íslandi á þessum tölvupósti (sjá http://www.eastangliaemails.com/) kemur ýmislegt áhugavert í ljóst. Phil Jones, aðalsvindlarinn, var t.d. á Íslandi í fyrra (2008) þegar kollega hans, Mick Kelly, sem einnig hefur verið gripinn í stórsvindli á Nýja Sjálandi ritar honum þetta:

Hi Phil
Just updated my global temperature trend graphic for a public talk and noted that the level has really been quite stable since 2000 or so and 2008 doesn't look too hot.
Anticipating the sceptics latching on to this soon, if they haven't done already, has anyone had a good look at the large-scale circulation anomalies over this period? I haven't noticed anything consistent coming up in the annual climate reviews but then I wasn't really looking.
 

Be awkward if we went through a early 1940s type swing!

Phil svaraði:

Mick,
They have noticed for years - mostly wrt the warm year of 1998. The recent coolish years down to La Nina. When I get this question I have 1991-2000 and 2001-2007/8 averages to hand. Last time I did this they were about 0.2 different, which is what you'd expect.

Þetta skrifar Phil á Íslandi, þar sem hann var í boði Astrid Ogilvie, sem ég gagnrýndi fyrir langalöngu á ráðstefnu á Bowdoin College í Maine í Bandaríkjunum árið 1989 fyrir hlægilega notkun og ofurtrú á íslenska annála og aðrar ritheimildir. Hún skrifaði síðar traustari grein með Trausta Jónssyni í Climatic Change árið 2001 (sem í miklu byggði á niðurstöðum Páls Bergþórssonar). Greinin var einnig var gefin út í bókinni The Iceberg in the Mist, þar sem reknu climategateskúrkarnir Phil Jones og K. R. Briffa skrifa formála.

 Astrid Ogilvie  Trausti Jónsson

Eru þau líka með heimshita? Stofnun Trausta má ekki tjá sig.

Ogilvie og Trausti bentu á, að áhrif litlu Ísaldarinnar hefði ekki gætt eins mikið á Íslandi og hugsanlega annars staðar. Þetta er síðar "stutt" af öðrum rannsóknum og er t.d. að ofbeit hafi valdið eyðingu byggða eins og Þjórsárdals frekar en kólnandi veðurfar, ef trúa má þeim sérfræðingum sem skrifa þessa grein og sem einnig hafa gert hafa sig seka um að ræna niðurstöðum annarra.

Meðan Phil Jones var á Íslandi bætti hann þessu við í bréfi sínu til andfætlingsins Kelly:

In Iceland at a meeting that Astrid invited me to. Cold with snow on the ground, but things cheap as the currency has gone down 30-40% wrt even the pound.

Kelly svarar:

Yeah, it wasn't so much 1998 and all that that I was concerned about, used to dealing with that, but the possibility that we might be going through a longer - 10 year - period of relatively stable temperatures beyond what you might expect from La Nina etc.

Speculation, but if I see this as a possibility then others might also. Anyway, I'll maybe cut the last few points off the filtered curve before I give the talk again as that's trending down as a result of the end effects and the recent cold-ish years.

Enjoy Iceland and pass on my best wishes to Astrid.

Mick

Meðan að Phil var á Íslandi skrifaði hann einnig Ben (Santer), og er greinilegt að Phil grunar að meðhöfundur að einhverri grein sé í sambandi við Steve McIntyre, guðföður efasemdamanna:

Ben,

It seems that Climate Audit  has been discussing the paper. I ad a look whilst I was in Iceland as I had nothing better to do a few times. It was cold and snowy outside, there was internet.....
Seems as though they are making some poor assumptions; someone is trying to defend us, but gets rounded upon and one of the co-authors on the paper is in touch with McIntyre.

As it isn't me, and I can rule out a number of the others, my list of who it might be isn't that long....
Looking forward to next week !!
Cheers
Phil

Það er gaman að sjá hvað kalda veðrið á Íslandi hentar heimshitnunarmanninum illa.

 

Michael Mann hefur snúist hugur. Nú talar hann ekki lengur um kaldar miðaldir. Nú er

hann að reyna að tengja heimshitnun á miðöldum við eldgos á Íslandi. Eldgos á Íslandi þyrftu líkalega að fá umboðsmann, það er alltaf verið að misnota þau.

 

Nú er búið að setja Jones og Briffa af á CRU í Norwich meðan verið er að rannsaka óeðli vísindastarfa þeirra. Michael Mann á Penn State, nánum samstarfsmanni þeirra, hefur snúist við og viðurkennt að hann hafi vísvitandi reynt að dylja hitaskeið á miðöldum.

 

 Keith Briffa

er kannski hetjan sem lak öllu gegnum út fra Tomsk. ´

Han mun hafa legið fyrir dauðanum í einhvern tíma.

En aðrir koma til greina og Rússum hefur þegar verið kennt um.

Veni Vidi Vici

Alltaf finnst eitthvað skemmtilegt í jörðinni. Í vor fannst forláta gullhringur vestan við Þingvallakirkju. Þetta kom í fréttum og í sumar var gripurinn kosinn gripur mánaðarins á vefsíðu Þjóðminjasafns Íslands. Þar, eins og í frétt Morgunblaðsins, var því haldið fram að þetta væri innsiglishringur og að á honum stæði F og I, og að þar væri jafnvel hægt að sjá kórónu og skjöld.

Ég var nýlega spurður um álit mitt á þessum grip. Ég var sammála því að hringurinn væri úr gulli og að steinninn væri blóðsteinn (heliotrop). Ég taldi af myndum að dæma, að gullkarat hans væri mjög lágt.

Ég er hins vegar ekki sammála sérfræðingi Seðlabankans um áletrun þá sem skorin er í stein hringsins. Sérfræðingurinn er oft fenginn til að tjá um sig um áletranir og myntir.

Í stein hringsins er skorið  A w og I sem ekki þýðir neitt annað en Alfa, Omega (með litlum staf) og Iesous, skrifað upp á grísku. Skammstöfun fyrir Jesús, Upphafið og Endinn.

Til að kóróna þetta, er það sem sérfræðingur Seðlabankans taldi vera kórónu, þrjú vöff. V V V, sem samkvæmt þessum fornleifafræðingi er skammstöfun fyrir Veni, Vidi, Vici. Þessi fleygu orð Cæsars hafa oft verið tengd Jesús, sem kom sá og sigraði.

 

Þjóðminjasafn Íslands sættir sig örugglega ekki við þessa túlkun, þar sem þar var ekki óskað eftir störfum mínum og skoðunum framvegis árið 1996. Það gildir væntanlega fyrir niðurstöður mínar og álit líka.

Innsiglishringur, er gripur mánaðarins í júlí 2009 kannski ekki, og ekki hringur Jesús. En næsta líklegt tel ég að hann sé frá 18. eða 19. öld. og gæti jafnvel verið frímúrara- eða regluhringur.

Leyfi ég mér að minna á önnur innsigli sem ég hef skrifað um. Sjá hér.

        w

Er Ólafur Ragnar kvæntur dóttur Mafíubófa?

Eftir að Dorrit var testuð hjá DeCODE er komið í ljós að það rennur mikið „ítalskt" blóð í æðum hennar. Þetta kemur auðvitað á óvart og mest forundruð er Dorrit sjálf. Sjáið frásögn hennar hér. Hún skýrir frá pastagenunum síðast í frásögninni.

Kári litli hafði allt gott að segja Dorrit, nema að hún sé mjög ítölsk, average, terribly uninteresting og jafnvel scary. Þetta skýrir ýmislegt.

Nú verður að biðja Jewish Agency að fara á kreik til að athuga hvor Dorrit sé ekki í raun tökubarn frá New York eða Sikiley.

Því má ekki gleyma að Dorrit hefur áður verið berrössuð á þessu bloggi. En ekki sást þá að hún væri ítölsk.

Vinur minn, læknir og gyðingur eða öfugt, sem ég bar hreysti Dorritar undir, segir af og frá að Dorrit geti verið gyðingaættar, því þá væri hún með minnst fimm arfgenga sjúkdóma og tvo króníska. Hún hlýtur að vera ítölsk!

Víkingar komu við á Hawaii á leið til Ástralíu

RÚVið heldur áfram lélegum vinnubrögðum. Í gær greindi Rúvið frá víkingum í Síberíu og það án heimilda. Danska dagblaðið Berlingske Tidende greindi líka í gær frá grein eftir rússneskan sagnfræðing, Svetlönu Wolder, sem búið hefur í Danmörku í 14 ár. Sú skrifar harla undarlega grein í tímaritið Siden Saxo, þar sem hún gerið því skóna að "víkingar" hafi farið langtum austar en hingað til hefur verið talið.

RÚV vitnar rangt í heimildir og greinir frá fornleifafundi á eyjunni "Valgatz", sem er skrítið þegar eyjan er kölluð Vaigatz af Svetlönu Wolder, en er þekktust undir nafninu Vaygach (Ostrov Vaygach).

Þegar Svetlana þessi Wolder er spurð, hvort það þurfi endilega að vera norrænir menn sem hafi átt gripi þá sem fundist hafa í Vaygach og sem hún telur norræna, upplýsir hún, að hún hafi miklu fleiri upplýsingar en hún er með í grein sinni.

Ó já, var það ekki eins og gamla manninn grunaði. Svetlana Wolder er ein af þessum merku fræðimönnum sem eru með miklu fleiri rök heima hjá sér en þau sem þeir birta. Slíkir vísindamenn eru ekki hátt skrifaðir hjá þeim fornleifafræðingi sem þetta skrifar.

Mér lýst ekki á blikuna. Ætli Svetlana þessi viti að Samar breiddu út norræna gripi og gripi með norrænum stílbrigðum, þeir voru góðir smiðir. Samar og ættingjar þeirra gætu auðvitað hafa selt einhverjum manni víkingarusl, sem sá gaf öðrum, sem síðar geymdi það áður en barnabarn hans álpaðist út eyjuna Vaygach og tíndi því.  Hlutir án nokkurs samhengis segja lítið eða ekkert um fólkið sem átti þá.

Djöf... er ég orðinn þreyttur á endalausu víkingarugli.

Hættulegasta dýrið í skóginum

Eftir að ég heyrði landlækni lýsa skógarmítilssýkingum frekar yfirborðslega í gær í útvarpinu (RÚV), verð ég að taka undir með Erling Ólafssyni skordýrafræðingi, og spyrja hvort íslenskir læknar séu yfirleitt í stakk búnir um að greina sjúkdóminn og einkenni sem koma í ljós þegar fólk hefur verið bitið af skógarmítli og fengið borreliosis-smit.

Ég hef nokkra „reynslu" og þekkingu af þessum sjúkdómi og get staðfest, að jafnvel læknar í Danmörku, þar sem sjúkdómurinn hefur verið landlægur síðan elstu menn muna, eru ekki færir um að sjá hvers kyns er. Tengdamóðir mín var nær dauða en lífi í fyrrasumar vegna þess að sjúkdómurinn lagðist á taugakerfi hennar og hún fékk lömun í andlið og aðra kvilla og verki sem læknast mjög hægt. Læknamistök! Læknarnir sáu ekki í upphafi hvaða einkenni hún var með og meðferðin var ekki nægileg í byrjun.

Þegar sonur minn var tveggja ára var hann líka bitinn af skógarmítli. Hann fékk allt í einu rauðan flekk á lærið, sem stækkaði og varð hringlaga með blett í miðju.Við fórum til læknis og þrátt fyrir hið einkenndandi hringlaga útlit útbrotsins á lærinu taldi læknirinn að þetta væri um hringormur (sveppasýking) í húð og gaf kortísónsmyrsl. Áburðurinn gerði ekkert gagn og flekkurinn stækkaði og minnkaði á víxl. Ég fór upphaflega til læknisins með þann grun að sonur minn hefði verið bitinn af skógarmítli og að hringurinn væri Erythema migrans, hringur sem myndast út frá skógarmítilssmiti. Læknirinn hló og sagði að það væri af og frá. Konan mín og börn höfðu einmitt farið í skógarferð með öðrum síðsumars og tjaldað í skóginum. Ég hafði skoðað myndir af útbrotum á húð á netinu og komist að þeirri niðurstöðu, að útbrotið á syni mínum væri líkust útbroti vegna skógarmítilsbakteríu. En þýðir að deila við lækninn, frekar en dómarann?

Eftir tvær ferðir til heimilislæknisins og 2-3 túbur af kortisónkremi, var enga breytingu að sjá. Hringútbrotið stækkaði. Ég var á leið til Íslands í stutta vinnuferð og sonur minn var einn morgunn mjög slappur og með hita. Þá tók ég þá ákvörðun að fara til húðlæknis, sem maður þarf annars að fá tilvísun til frá heimilislækni. Fyrst vildu þeir ekki gera neitt fyrir okkur, þar sem ég var ekki með tilvísun, en þegar ég sagði að ég teldi að læknirinn minn hefði ekki kattarvit á því hvað sonur minn væri með og hótaði að kæra stofuna, þá var sóttur læknir og hún kallaði okkur inn á stofu: „Þú hefur fullkomlega á réttu að standa, þetta er engin hringormssýking, þetta er skógarmítlabit", sagði læknirinn.  Læknirinn var mjög hissa á heimilislækninum, en sagði að þetta væri ekki í fyrsta skipti sem hún sæi til lækna sem greindu hið hættulega bit skógamítla sem hringorm í húð. Sonur minn var sendur í blóðprufu (sem síðar staðfesti að hann væri með Borreliosis/Borrelia Burgdorferi) og hann var strax settur á strangan sýklalyfjakúr. Eftir stuttan tíma hvarf hringurinn af læri hans, eftir að hann var búinn að vera með hann í rúma tvo mánuði.

Skógarmítill, kvendýr, fyrir og eftir blóðbarinn. Myndin af ofan sýnir munnsvip kvendýrsins. Myndin að neðan sýnir stærð mítlu áður en hún sýgur blóð fórnarlambsins.

Ég vona að íslenskir læknar setji sig vel inn í einkenni borreliosi-sýkinga og hagi sér ekki eins og danskir læknar í þeim tilvikum sem ég þekki til í tengslum við fjölskyldu mína. Eftir eftir hálft annað ár er tengdamóðir mín enn mjög hrjáð af lömun og verkjum og þarf daglega að taka lyf.

Borreliosis er lífshættulegur sjúkdómur og verður ekki læknaður með kortísónkremi. Menn verða að athuga að bakterían þarf ekki endilega að valda hringlaga útbroti. Bakterían er lúmsk, og maður er ekki aðeins bitinn af skógarmítli í skógum. Lið- og vöðvaverkir, hiti og höfuðverkur geta líka verið einkenni sem menn ættu að taka eftir.

Þess ber að geta, að ein færasti sérfræðingur í Danmörku í skógarmítlasýkingum er auðvitað Íslendingur, dr. Sigurður Skarphéðinsson í Óðinsvéum.

Einsleit þjóð

Þegar erlendir ferðalangar heimsóttu Ísland fyrr á tímum höfðu margir það oft að orði hvað Íslendingar væru líkir hvorir öðrum. Glöggt er gests augað. Menn tóku sérstaklega eftir kubbslegu höfuðlagi margra Íslendinga. Grái húðliturinn kom einnig til tals og sumir ferðalanganna sögðust ekki hafa séð slíkan húðlit nema á meðal Sama í Norður-Noregi og Íslendinga. Síðar uppgötvuðu menn að þetta var allt vegna vægrar skyldleikaræktar. Skyldleikinn og klíkuskapur gerði að einn „stofn" hreinræktaðra íslenskra karla fékk með tímanum samanrekið og kubbslegt útlit, lítil og stutt nef og mörg kvenleg einkenni. Jón Steffensen heitinn, læknir og mannfræðingur sagði mér eitt sinn, að hauskúpur íslenskra karla væru mjög kvenlegar og að það væri stundum erfitt að sjá hvors kyns var.

Myndin hér að ofan sýnir þetta í hnotskurn. Fjórir menn á sviði Iðnó. Sama höfuðlag (kubbahaus; einnig kallaður þverhaus í eldri ritum), sama holdafar, sama barnslega ennið, hakan, sama litla, krúttlega nefið, sami hárliturinn, sömu litlu eyrun, sama jakkasettið, sömu augnabrýrnar, sama hesið undir hökunni, sami svipurinn, já og sjáið hnakkann. Bindin eru þó mismunandi. Eru þetta fjórburar, bræður úr afdölum austanlands, eða vel heppnuð tilraun langhöfðans Kára Stefánssonar til klóna hagfræðimonster?  Svarið er Nei og aftur nei. Þetta er árangur 1135 ára ræktunarstarfs.

Þessi mynd sýnir hinn virta, ítalska mannfræðing Manfred Quephallo Mesochrani frá Hunter Ketchup College i New York, sem hefur stundað rannsóknir á Íslandi á áratugi á styrkjum frá Birni Bjarnasyni fyrrv. menntamálaráðherra, sem um tíma sótti námskeið á Ketchup College. Hér er Mesochrani að rannsaka dæmigerðan íslenskan mann með kubbahaus. Tekið eftir nefinu og enninu og hesinu. Eftir miklar rannsóknir Manfreds Mesochranis er einnig komið í ljós að Elton John er greinilega af íslenskum ættum.

Gyðingabörnin í lestinni

 

RÚV á stundum bágt. Fréttaflutningurinn er yfirborðskenndur. Í sjónvarpsfréttum í gær sagði frá því að fólk, sem hafði verið börn fyrir stríð, minntist nú björgunar sinnar frá Tékklandi fyrir 70 árum, með því að ferðast með lest sömu leið og þá.

Það var ekki fyrr en í miðri frétt að sagt var að börnin hefðu flest verið gyðingar. Slíkir björgunarflutningar, Kindertransporte, höfðu reyndar farið fram frá Þýskalandi áður, en Winton tókst að hjálpa börnum frá Tékkóslóvakíu. Margir gyðingar og gyðingasamtök börðust fyrir því að koma börnum og unglingum úr landi, til Palestínu eða annarra landa, burt frá brjálæðingnum Hitler og öllum fylgifiskunum hans. Í Danmörku, Svíþjóð og Hollandi voru t.d. sumarbúðir fyrir þýsk gyðingabörn frá 1935, sem rekin voru af ... gyðingum.

Einnig gleymdist að segja frá því í fréttum í gær, að bjargvættur barnanna í Prag, Nicholas Winton, er sjálfur gyðingur. Fjölskylda hans kom frá Þýskalandi tveimur árum áður en hann fæddist og ættin hét í raun Wertheimer.

Þess ber að geta, að hin fína frændþjóð okkar, Svíar, áttu möguleika á því að bjarga 20.000 gyðingabörnum frá stríðshrjáðri Evrópu árið 1943. Þeir ákváðu að gera það ekki.

Það var ekki mikið samúð í þessum björgunum. Börnin frá Prag komust ekki til Lundúna, nema vegna þess að það tókst að finna fólk sem var viljugt að bera allan kostnað af dvöl þeirra. Svíum fannst t.d. of dýrt að borga undir 20.000 gyðingabörn. En þeir seldu járn til Þjóðverja.

Það hefðu getað verið miklu fleiri gyðingabörn í lestum og skipum á leiðinni í frelsið árið 1939. En það var nú einu sinni svo, að það voru fyrst og fremst gyðingar sjálfir sem báru þungan af því að hjálpa sinni þjóð. Aðrir vildu fá borgað fyrir það.

Ég sá um daginn viðtal við konu, sem fæddist i Teplice, sem var send sem barn til Bretlandseyja. Fyrir rúmu ári hélt önnur kona frá Teplice, sem ekki er gyðingur, myndlistasýningu á Íslandi. Ætli foreldrar hennar hafi hjálpað gyðingabörnum árið 1939?