"Segja frjálsa Íslendinga hafa borgað Icesave"

Slíka fyrirsögn erum við vonandi aldrei eftir að sjá í sögubókum framtíðarinnar. En alveg eins og sá hluti íslensku þjóðarinnar, sem er að fara yfir um vegna þess að hann vill ólmur borga skuld sem ekki er þjóðarinnar, virðist nú komið í ljós að frjálsir Egyptar hafi valið að taka á sig þrælaok og hafi reist pýramída í þjóðarátaki, allt fyrir ánágjuna. Eða svo segir ríkisfornleifafræðingur Egypta, Secretary General of the Egyptian Supreme Council of Antiquities, Zawi Hawass.

Ef ríkisfornleifafræðingur Egypta væri ekki almennt talinn vera fjölmiðlatrúður og illa gefinn, og að fornleifafræðingurinn sem vann með Hawass við rannsóknir á  „grafhýsinu" í Giza með beinum "frjálsra Egypta" hefði ekki verið Bandaríkjamaður sem vill halda rannsóknarleyfi sínu á Egyptalandi (sem Hawass úthlutar einn), hefði ég trúað þessu.

Þjóðarátakið sem Zahi Hawass (sjá http://www.drhawass.com/) talar um, telur hann sig meðal annars sjá í „að á vettvangi hafa fundist fornleifar sem benda til þess að verkamennirnir 10.000, sem reistu píramídana, hafi borðað 21 nautgripi og 23 kindur, sem bændur hafi sent þeim daglega". Ef þetta er rétt, hljóta bændurnir að hafa verið þrælarnir.  En ekki verður nú mikil veisla fyrir 10.000 frjálsa menn í erfiðisvinnu með kjötið af þessum skepnum, þó svo að kjötið hafi aðeins verið lítill hluti í dallinum í alþýðueldhúsunum við pýramídana.  

Supreme Faraó Hawass

Í sjónvarpsfréttum bætti Hawass því við, að það hefðu verið Egyptar sem byggðu pýramídana og að þeir hefðu verið frjálsir menn eins og þeir eru í dag.

Þarna stendur hnífurinn í kúnni. Ríkisfornleifafræðingur Egypta vill ekki heyra að "erlent vinnuafl" og þrælar hafi komið nálægt þessari mannvirkjagerð, og telur greinilega að fólk af sama meiði og Nútímaegyptar hafi byggt landið á tímum stóru Pýramídanna og byggt allt sem frjálsir menn. Hann telur að frjálsir Egyptar hafi unnið 3 mánaða tíma í senn og hafi svo verið leystir af af ólmum Samfylkingaregyptum sem vildu borga Faraói það sem Faraói bar. Hawass hefur bannað DNA rannsóknir, sem hann telur gagnslausar og út í hött. En þær gætu einmitt gefið okkur vissu um hvaðan þeir sem byggðu pýramídana og önnur mannvirki á Egyptalandi voru ættaðir.

Þessar skoðanir Hawass lýsa frekast hugarfari nútíma Egypta, sem hafa önnur lög, aðrar venjur og aðra trú en forverar þeirra í landinu. Þrælar og vantrúa útlendingar voru ekki samkvæmt nútímaegyptum færir um að byggja neitt að viti, kannski ekki frekar en nútíma Egyptar eða stjórnvöld í Egyptalandi, sem enn hefur ekki tekist að koma reglu á uppbyggingu í landi sínu. Þar er allt í argasta rusli.

Ég fá ekki séð, hvernig hægt er að afneita því að Fornegyptar hafi ekki getað stjórnað þrælum þannig að þeir lærðu handverkið, og enginn getur útilokað að handverkskunnáttan hafi ekki stundum komið með þeim sem þrælkaðir voru, meðan yfirstéttin sveiflaði svipunum og var sauðheimsk.

Vandamálið er að Egyptar nútímans eru ekki frjálsir menn, þeir halda bara að þeir séu það, og þess vegna sjáum við fornleifafræðing á Egyptalandi á 21. öld, sem er heltekinn af rómantík eins og menn á Vesturlöndum voru haldnir henni á þeirri 19. En þjóðernisrómantíkin lætur ekki hæða að sér.

Fyrir utan að vera talinn óferjandi í fræðunum, er Hawas þessi argasti gyðingahatari, eins og góðu fífli sæmir og leynir skyldleikinn sér við suma forkálfana í Samfylkingunni og VG sér heldur ekki þar.

Hér í viðtali á egypskri sjónvarpsstöð segir hann okkur að Gyðingar stjórni heiminum og situr það í sögulegt samhengi, þegar hann er spurður nánar út í það. Hann lýsir gyðingum eins og ríkistjórn okkar lýsir þeim sem ekki vilja borga þrælaskuldina. Ég fæ ekki séð annað.

Segja frjálsa menn hafa reist píramídana

Athugasemdir

[Jón Steinar Ragnarsson, 12.1.2010 kl. 16:55]

Voru samt þessir Pyramýdar byggðir rétt fyrir Nóaflóðið áður en Ísraelsmenn urðu formlega til sem þjóð. Leiðréttu mig ef ég fer með rangt mál. Mér finnst eins og þú sért að reyna að finna Exodus einhverja staðfestingu, en það passar varla við tímalínuna. Israel og Silberman eru kannski bara að rugla um þetta, en frá þeim hef ég spekina að hluta. No offence.

Ég er samt sammála að það virðist einhvað sérkennilegt agenda vera á bak við þessar ályktanir Egyptans. Hvaða þrælar  nú sem komu við sögu. Það var sennilega látið vel með þessa byggingaverkamenn, enda hafa þeir þurft að endast.  Þar hefur strategían ráðið meiru en mannúðin. Þú ferð skammt með sveltan klár.

Annars hefur þessi maður verið einráður um túlkun fornleyfa á svðinu ansi lengi og elskar að koma framm í heimildamyndum sem authority. Ég hef ekki mikla trú á honum. Virkar svolítið af hjörunum ef þú spyrð mig.

[Jón Steinar Ragnarsson, 12.1.2010 kl. 18:18]

Ætlaði að sjálfsögðu að segja Finkelstein og Silberman.

[Rósa Aðalsteinsdóttir, 12.1.2010 kl. 21:22]

sæll og blessaður

Gaman að við eigum sameiginlegt áhugamál "Pýramídana" í Egyptalandi. Vona að ég fái einhverntíman tækifæri að skoða þá en ef Sandfylkingin ætlar að gera okkur að þrælum Breta og Hollendinga þarf ég ekki að hafa væntingar um utanlandsferð til Egyptalands.

"En alveg eins og sá hluti íslensku þjóðarinnar, sem er að fara yfir um vegna þess að hann vill ólmur borga skuld sem ekki er þjóðarinnar,"

Er þetta ekki furðulegt lið?

Þar sem ég er einn af Jesúítabloggvinum þínum þá segi ég nú bara Guð hjálpi þessu fólki sem vill borga skuld sem við ráðum ekki við og íslensk þjóð myndi sligast undan og svo er þetta ekki okkar skuldir heldur Björgólfsfeðga.

Skrýtin þessi Sandfylking.

Guð veri með þér

Kær kveðja/Rósa