Bananaskýrsla SÞ

 

Loftslagsskýrsla SÞ var borin fram með rotnum ávöxtum í sjónvarpsfréttum RÚV í gær með aðferðum sem er alkunnar á þeirri stofnum. Enn erum við að tala um öfgatrúarbrögð, þegar rökin fyrir meintri aukningu bilsins milli ríkra og fátækra sökum loftslagsbreytinga á jörðinni okkar er studd með bananaræktanda í Jórdaníu (sjá hér).

Bananaræktandi í Jórdaníu er jafnvel fjarstæðukenndara fyrirbæri en bananaræktandi í gróðurhúsi í Hveragerði. Bananar eru hitabeltisávöxtur og Jórdanía hefur ekki verið í hitabeltinu eins lengi og elstu menn muna. Að nota vatn í bananaframleiðslu í Jórdaníu er eins fjarstæðukennt og að reisa 50 metra keppnislaug á Gaza (sem hefur verið gert,  og sundlaugar byggðar við annað hvert hótel), meðan "vatnslaus og langþyrst" börn eru notuð í áróðrinum gegn Ísrael, sem ranglega er kennt um að stela vatninu.

Svo kom Sigmundur Davíð og vitnaði í enn einn gervispámanninn hjá UCLA, Laurence C. Smith, landfræðing sem stundað hefur framtíðarfræði, sem segir að Ísland verði á meðal 8 farsælustu þjóða í heimi eftir 50 ár. Sigmundur sér sóknartækifæri í loftslagsbreytingunum og telur greinilega að íslenskir bændur verði orðnir ofurmatarframleiðendur hungraðs heim áður en langt um líður.

Var Sigmundur ekki einu sinni blaðamaður? Það leynir sér ekki. Nú getur hann hæglega snúið sér að bananaræktun eða tómu tóbaki. 

Já, ég sé þetta fyrir mér, Ísland er að verða að framsóknarparadís hér á jörð. Vísir hf getur þá farið að flytja aftur til Húsavíkur og Þingeyrar. Nóg verður af fiski. Makríllinn verður vissulega kominn á fyrrverandi Norðurpólinn og loðnan alveg horfin, enda bara til leiðinda. Flugfiskar munu hins vegar fljúga á land í íslenskum verstöðvum og börnin þurfa ekki lengur að kaupa matreiðsluvín í Kaupfélaginu. Þau verða vínbændur og besta vínið Mouton Rottenchild 2060.

Radioaktivit Nunaat

 

Landsþingsformaðurinn Aleqa Hammond á Grænlandi, sem er krati, stelur heldur betur senunni á Stórráðstefnunni um gæði og galla heimshitnunar (Arctic Circle), sem nú er haldin í skuldsettu Hörpunni í Reykjavík. Grænlenska útvarpið kallar tölu hennar ekkert minna en atómbombu. Aðrir stjórnmálamenn á Grænlandi saka hana um ólýðræðislega tilburði.

Hún lýsir því heldur stórmannalega yfir í Reykjavík í ræðu og í viðtali við RÚV, að þess megi vænta að Grænland sé á leiðinni að verða eitt af 6 stærstu útflutningsþjóðum á úrani. Hún valtar yfir skýrslu sem unnin var sameiginlega af Dönum og Grænlendingum og sem nýlega birtist, þar sem mælt er með varúð og samstarfi þjóðanna. Umræðunni um málið er ekki einu sinni lokið í grænlenska Landsþinginu.

Danir sjá samkvæmt gildandi samningum á milli ríkjanna um öryggismál Grænlands, en það ætlar Hammond að valta yfir (líklegast vegna þess að Gucci-kratinn Thorning-Schmidt sem stjórnar í Danmörku bauð henni ekki með á einhverja toppráðstefnu nýlega). Ef vinnsla úrans flokkast undir eitthvað, er það öryggi, og slíkt öryggi getur Grænland ekki boðið upp á. Hættunni er boðið heim með hryðjuverkaliði og ríkjum í heimsyfirráðahugleiðingum. Enga trú hef ég að Orgelið sem stýrir Grænlandi hafi nokkra burði til að valda úranvinnslu á sómasamlegan hátt. Hún hefur gerst svo fræg að hlaupa hænufull frá leigubílareikningi í Nuuk. Stællinn og reisnin á grænlenskum stjórnmálamönnum hefur ekki aukist við þetta upphlaup Hammonds, nema að síður sé.

Kratar á Grænlandi virðast vera haldnir sama krankleika og kratar á Íslandi, Þar sem menn liggja kylliflatir fyrir fyrsta gylliboðinu sem kemur frá einhverjum Kínverjum, og geta ekki ímyndað sér að aðrir en gráðugir Þjóðverjar geti byggt mikilvæga höfn í Finnafirði til að sinna siglingum um bráðið pólsvæðið í framtíðinni.

Það öryggi, sem þarf við úranframleiðslu, hefur Grænland ekki upp á að bjóða. Best væri að slíkt færi fram í samráði við "Móðurveldið" Danmörku, sem þrátt fyrir margt slæmt hefur reynst Grænlendingum vel. Ekki er einu sinnitil  kajaklið í grænlensku lögreglunni sem tilbúið er að skutla hryðjuverkamenn sem hugsanlega reyna að ná sér í illa varið úran á bar fyrir dauðadrukkna stjórnmálamenn í Nuuk. Svo hefur hún verið dæmd fyrir fjársvik .

Ef Grænlendingar halda að þeir græði fljótt og vel á samskiptum við gráðug stórfyrirtæki, og t.d. Kínverska ofurveldið sem nú er þegar farið heimta hóruhús á Grænlandi, þá skjátlast þeim. Þeir þurfa ekki annað en að líta til Afríku, þar sem allur gróði að námuvinnslu Kínverja rennur beint í vasa þeirra og íbúar landanna sem áttu öll "auðæfin" setja eftir sem þrælar með  mengun, menningarvandamál og aðrar meinsemdir.

Íslendingar eiga að mótmæla þessu upphlaupi græðgiskrataættarveldisins á Grænlandi. Ísland er orðið að smáríki í skugga atómveldisins Grænlands.

Sumarbústaður á besta stað

Löngu áður en Kristín Sigurðardóttir forstöðumaður Fornleifaverndar Ríkisins fékk þá stöðu sem hún situr nú í, braut hún einnig þjóðminjalög, líkt og hún gerði þegar stofnun sú sem hún stýrir veitti leyfi til að byggja Þorláksbúðarkofann í Skálholti.

Á síðasta tug 20. aldar fól Fornleifanefnd, sem var valdameiri þá en hún er í dag, undirrituðum að heimsækja Skáldastaði í Berufirði í Reykhólasveit á Barðaströnd. Þar vildi einhver lyfsali reisa sér sumarbústað svo að segja ofan í fjöruborði, á stað sem aðeins er hægt að kalla einstaka náttúruperlu. Tveir aldraðir bræður á bænum Skáldastöðum vildu selja landið, en ákveðnum  valdsmanni hjá Reykhólahreppi var ískyggilega mikið annt um að apótekarinn skyldi fá að reisa sumarbústað sinn. Bræðurnir, sem ég reyndi að ná tali af, vildu ekkert við mig tala þegar þeir heyrðu hvaðan ég kom og vísuðu á lókalpólitíkusinn.

Tvær vetfangsferðir, og ein þar sem formaður Forleifanefndar, prófessor Sveinbjörn Rafnsson, og Kristín Sigurðardóttir voru með í för, gáfu aðeins eina niðurstöðu. Hún var sú að sumarbústaðurinn og vegur að honum gætu ekki verið á þeim stað sem þeim hafði verið valinn af framkvæmdaaðilum. Bústaðurinn og vegurinn lágu minna en 25 metra frá friðlýstum fornleifum, einum stærsta kumlateig á Íslandi. Þar að auki var bústaðurinn um 10 metra frá flæðarmáli sem stangast á við Náttúruverndarlög.

Ég skilaði áliti mínu og mælti með því að bústaðurinn og vegurinn yrðu færðir annað. Mótmæli og harmkvæli bárust frá einum manni í Reykhólahreppi með gífuryrðum. Þessi maður var auðvitað samflokka náttúrverndarfrömuðinum Össuri Skarphéðinssyni sem þá var einmitt umhverfisráðherra. Lókalhöfðinginn klagaði í Össur og mér var skömmu síðar tilkynnt, að ráðherra hefði hringt í Þjóðminjavörð og Náttúruverndarráð og hótað fólki. Apótekarinn var nefnilega vinur ránfuglsins í ráðuneytinu og fuglaskoðari (eða var það veiðimaður?), og eins og menn vita þá þurfa fuglaskoðarar að brjóta þjóðminjalög og náttúruverndarlög til að skoða bí bí og blaka á fallegustu stöðunum á landinu. 

Ég sagði mig frá málinu vegna hamagangs lókalfurstans í Reykhólahreppi sem meira að segja hringdi heim til mín, og tók Kristín Sigurðardóttir málið svo að sér. Hún sýndi þar snemma hve góð hún var í pólitískum reddingum.

Ég hef þó aldrei séð neinar fuglaskoðunarskýrslur eftir apótekarann þarna í Berufirðinum, en hann er kannski þekktari fyrir að gefa "baráttuafslátt" á lyfjum handa verkalýðsfélagsmönnum uppi á Skaga, sem kostaði hann dýrt hér um árið. Ódýr lyf sem valda því að menn kjósa spillingu í Samfylkingu.

Bústaður fuglaskoðarans var reistur fljótlega eftir að Kristín Sigurðardóttir samdi nýja greinargerð fyrir Fornleifanefnd. Samkvæmt loftmynd sé ég, að bústaðurinn er nær fjöruborði en sagt var í framkvæmdaskýrslu. Einnig var búið til bílastæði eitt mikið ofan í rústum og nú er komið eitthvað bátalægi svo að segja í fjörunni sjálfri. Apótekaranum var líklega gefið eitthvað meira en Samfylkingarbaráttuafsláttur af meðulum Össurar Skarphéðinssonar.

Slík er ómenningin í menningargeiranum á Íslandi og haldið þið svo að maður eins og Össur Skarphéðinsson fylgi reglum og lögum í ESB-ferlinu? Þar verður valtað yfir lög, almenna skynsemi og vilja almennings. Össur skí(ý)tur á smáfuglana þegar þess er þörf og étur þá eins og ránfugla er siður.

Sjá færslu um Þorláksbúð í dag á Fornleifi.

P.s.  Þess ber að geta, að Fornleif grunar að kumlateigurinn í Berufirði sé einnig austan sumarbústaðarins, þ.e. til hægri við hann á myndinni hér að ofan. Þar þyrftu að fara fram rannsóknir og hefðu átt að fara fram á kostnað lyfsalans. Rannsókn á þessum hér fyrir neðan er einnig orðin tímabær.

Gólfgálkn líffræðinga

 

Skinn af hvítabjörnum eru mjög vinsæl meðal íslenskra vistfræðinga um þessar mundir. Bjarni Húnbogi Knútsson líffræðingur, (sjá mynd), sem einnig er sérfræðingur í eignarrétti norðurheimskautsins, eignaðist um daginn forláta skinn af birnu sem vegin var fyrir 2 árum norður í landi. 

Bjarni segir birnuna engum harmdauði, en bætir við, að ekki sé ástæða til að gleðjast yfir dauða bjarnynjunnar, enda hafi það aldrei verið til siðs á Íslandi að gleðjast yfir dauðu skinni. En að liggja á þjóð sinni eins og mara er náttúrulega rammíslenskur siður, bætti Bjarni við.

Saga hvítabjarnarins á Íslandi er áhugaverð og má lesa smákorn um hana hér  og hér.

Skítafaktorían Becromal að Krossanesi

Á Krossanesi við Akureyri er verksmiðja Becromal, sem að sögn sannorðra umhverfisverndunarmanna brýtur allar reglur og loforð um umhverfisvæni og -vernd og leiðir út ramman lút, natríumhýdroxíð (vítissóda), í hinn "tandurhreina" Eyjafjörð. Þeir fá að sögn hræódýra íslenska orku, og í staðinn fáum við bara skít í hattinn.

Þessir sannorðu menn segja, að það sé búið að ljúga almenning fullan. Akureyringar vildu meira að segja fá ilströnd við skólplögn verksmiðjunnar. Nú er mengunin við Krossanes víst orðin svæsnari en orð fá lýst og verri en mengunin í ljóðinu eftir Halldór Blöndal um Glerána, sem Össur Skarphéðinsson vitnaði svo listavel í í ræðu við undirritun samninga við Becromal um árið. Þá þeytti  Össur um sig ítölskum frösum eins og smaladrengur sparkar lambaspörðum um haga. Svona er vísan:

Hver er þessi eina á

sem aldrei frýs,

gul og rauð og græn og blá,

gjörð af SÍS?

Mengunin á Krossnesi er víst ekki enn í lit. En mig grunar að menn séu að gera úlfalda úr mýflugu. Eitthvað er samt mikið að á Krossnesi, því nær allir starfsmenn verksmiðjunnar við Eyjafjörð hafa boðað verkfall í maí. Þeim er líklega ekki borgað nóg í laun. En mikið var nú fyndið að sjá litla íslenska verkfræðinginn taka á sig alla ábyrgðina fyrir svínaríinu í sjónvarpinu um daginn. Hann hefur örugglega fengið smá bónus fyrir það.

Niðri í Mílanó situr svo aldraður maður Harry Pierre Rosenthal (fæddur í Vín árið 1922) og heldur að verksmiðjan hans á Íslandi sé tandurhrein, eins og sagt er á heimasíðu þeirri sem búið er að búa til, meðan hann eyðir áhyggjulausi ævikvöldi sínu sem nokkuð þekktur myndhöggvari. 

 

Harry Pierre Rosenthal listamaðurinn sem á Becromal.

Veit hann að það er verið að menga við Akureyri?

 

Harry Pierre er sonur uppfinningamannsins Ernst Rosenthal sem stofnaði Becomal árið 1956, þegar hann var orðinn 60 ára gamall. Nú er það víst mest Rosanna Foresti, gírug kona Harrys og sonur þeirra sem stjórna Becromalinu. Þau menga til að fá fastest profit, því hún er á lista yfir fólk sem felur fé í Liechtenstein og öldungurinn hennar er styrkaraðili óperunnar í Milano. Það sem La famiglia Rosenthal borgar í menninguna fá þau ódýrt hjá idjótum við heimsskautsbaug, sem vissu ekki að þeir höfðu frelsið, fyrr en þau voru búinn að missa það í mengunarslys. En það er þó engin ástæða til að auka menninguna í Mílanói með aukinni lútmengun í Eyjafirði.

Össur er hins vega happy með Becromal. Síðas þegar il duce utanríkisráðuneytisin var í Milano, í febrúar, opnaði hann ljósmyndasýninguna: "Iceland: Another Energy - Expressions of a Happy Coexistence Between Man and Nature". Já, happy, happy. Þar hljóta að hafa verið myndir frá Krossanesi. Svona lýsir Becromal líka afrekum sínum:

	Sustainable product development which takes environmental consequences into consideration right from the first process development. We have reached Zero emission, using filtering and waste water treatment throughout the production process.
	All Becromal production processes are optimized in regards to efficiency and energy consumption.
	Recycling of all our chemical solutions and generation of valued side products by in-house developed technologies.
	Fulfilling of RoHS (Restriction of Hazardous Substances) standards.

Annað er uppi á teningnum á Krossanesi að sögn Árna Finnssonar, eða t.d. í Í Clinton í Tennessee, þar sem eitt sinn þótti mengun að hafa svertingja með sér í skóla. Í Clinton liggur líka verksmiðja Becromal, sem er ein af mestu mengunarvöldunum í Tennessee.  Sjá: http://projects.nytimes.com/toxic-waters/polluters/tennessee/clinton. Tölur um mengunarferli Becromal hafa verið til taks lengi og ætti því ekki að koma yfirvöldum á Íslandi á óvart. En í Noregi þorir Becromal ekki að menga. Það er auðvitað betra að gera það í löndum þar sem brotaviljinn er mikill og siðgæðið er mengað, eins og t.d. á Íslandi og í Clinton.

En er vítissódi ekki notaður til að skola sviðahausa á Íslandi og til að gera núðlur gular, svo asnar eins og við höldum að það séu egg í þeim? Nota frændur okkar Norðmenn ekki vítissóda til að búa til lutfiskinn sinn? Er ekki bara meinhollt að baða við Krossanes? 

Mengunin við Krossanes er líklega ekki eins alvarleg og Árni Finnsson vill halda, en það er vitaskuld engin ástæða til að vítissódi fari út í Eyjafjörð að ástæðulausu. Nóg er af honum samt í skólpinu frá Akureyri.

Myndin efst er af íslenskum svani sem velur ný og sterk byggingarefni, sem endast miklu lengur en gamla draslið.

Geislamengun mikil á Íslandi

Sú geislamengun, sem mældist á Íslandi um daginn, var þangað til snemma í morgun talin ættuð frá Fukushima-kjarnorkuverinu í Japan.

Nú er hins vegar komið í ljós, að þetta var hrein mengun frá ríkisstjórninni, þar sem allt bræddi úr sér um daginn. Tvær pumpur fullar af platóníum yfirgáfu innsta kjarnann og eitrað andrúmsloft VG versins. Við það fóru rauðu ljósin í gang. Aflið er nú alveg farið af VG-verinu eftir að heimsmarkaðsverð á hreinu útópíum fór upp úr öllu valdi. Samspillingarkjarninn starfar óeðlilega eins og áður. Enn hefur ekki tekist að kæla stangirnar í flokkskatlinum, sem bendir til þess að samruninn sé líklegri enn nokkru sinni fyrr. Yfirvofandi úrsérbræðsla vegna notkunar á evrópíum í stað útópíums er ekki hægt að útiloka. Geislavarnir Ríkisins hafa sent frá sér aðvörun og viðvörun. Gular stjörnur eru farnar að birtast á heiðbláum himninum.

Samkvæmt rannsóknarstofu í Vín mældust einnig talsvert af joðasamstæðum í Reykjavík. Frekari rannsóknir hafa nú sýnt að það var bara Steingrímur J. sem svitnaði.

Myndin efst sýnir Steingrím Joð og aðstoðarkonu hans, Kötu Nomenklatúru Jakobasvili, reyna að stöðva geislalekann í VG-verinu. Hér að neðan er mynd að hinum venjulega liðsmanni (Социалистическая партия солдата) í VG.

Lífsýni úr Fischer

Ég er löngu búinn að missa áhugann á Fischer, eftir að hann fór til hel...s um Ölfuss. Svo frétti ég í dag, að hann hafi verið grafinn upp eins og einhverjar fornleifar, svo hægt væri að sanna að hann væri ekki pabbi hennar Jinky litlu Ong.

Allir sem geta séð og vilja sjá, sjá að barnið er ekki líkt karlinum. Það hefur aldrei tekið æði, er ekki með skegg og er ekki enn búið að afneita því að það sé Flippi, afsakið Filipseyingur 

Ég átti reyndar lífsýni úr Fischer. Viktor Kortsnoi gaf mér eitt sinn lífsýni úr Fischer. Það var hráka sem Fischer setti á frímerki, sem sett var á póstkort sem Fischer sendi Kortsnoi með skilaboðunum "I am the best, you fucking Jew". Sjá mynd. Frímerkið var rannsakað hér í Danmörku og í ljós kom að það var sleikt af  50% gyðingi og 50% skyri. Nú fáum við brátt vissu fyrir því, hvort Fischer hafi verið Jew, sem ég tel nokkuð víst, en líka hvort hann hafi yfirleitt verið "fucking".

Leikritið Träumeland

 

verður leikið á morgun. Þá fær litli prinsinn í draumlandinu á bláu plánetunni afhent þýskt tannfé á stórri senu í Hamborg.  

Á morgun kl. 11, pünktlich, verður Andri Snær Magnason heiðraður með KAIROS-verðlaununum, sem Toepfer stofnunin í Hamborg veitir vel gefnu fólki. Afhendingin á sér stað í Deutsches Schauspielhaus í Hamborg og eru ýmsir undirleikarar með frá Draumalandinu.

Toepfer sá, sem gjafmilda stofnunin er kennd við, var hins vegar hið versta fól og argur nasisti, og saga hans er ljót. Minningu sína sótthreinsaði karlinn með peningagjöfum. Ég hef sagt sögu Toepfers hér á blogginu mínu, þegar það var fyrst tilkynnt í desember sl., að Andri Snær fengi verðlaunin. Sjá hér og hér.

Blóðpeningar Toepfers eru greinilega happafengur fyrir rithöfund sem vill halda ímynd Íslands hreinni og fallegri. En peningarnir sem Andri þiggur eiga sér bæði ljóta og blóði drifna sögu. Kannski ekki hvert einasta Evra, en það er blettur á þessum verðlaunum, sem ekki verður þveginn af með þýskri undrasápu sem inniheldur handfylli af einhverju eitruðu ultra úr töfralandi sápuauglýsinganna.

Hér getið þið lesið greinargerð eftir franskan sagnfræðing, Gérard Loiseaux, sem lengi hefur deilt á Toepfer Stiftung í Hamborg. Hann sendi þessa greinargerð til íslenskra fjölmiðla. Eru þeir að birta hana, eða er Andri, Le petit Prince, kominn á sama stig og Laxness?

Andri Snær reyndi að fá blog.is til að banna umfjöllun mína um verðlaunin og mér var send aðvörun vegna þess að hann hélt því fram að ég ég mætti ekki nota ljósmynd af sér (Múhameð-heilkenni?). Í ljós kom, að Andri átti bara alls ekki upphafsréttinn að ljósmyndinni, en  hafði samt sent hana til Toepfer stofnunarinnar í Hamborg sem birti hana án leyfis ljósmyndarans. Þeir fjarlægðu myndina eins og ég, þegar þeir fréttu þetta.  Ég þori ekki að birta myndir af spámönnum og gervigúrúum, en er drengurinn á myndinni hér að ofan ekki líkur Andra?

Ég vona að Andri Snær Magnason afþakki verðlaunin í Hamborg á morgun og minnist í staðinn fórnarlamba nasismans á tilheyrandi hátt. Það yrði miklu meira í samræmi við drauma hans og hugsjónir, leyfi ég mér að halda, eða er sama hvaðan "gottið" kemur?

Það er greinilegt að Andri Snær stefnir langt í draumum sínum:

,,Já, það munar um minna, það má segja það. Þessi verðlaun koma á góðum tíma fyrir mig sem listamann, ekki of snemma og heldur ekki of seint! Það er gott fyrir listamenn að fá slík verðlaun þegar þeir þurfa á þeim að halda. Nóbelsverðlaunin í bókmenntum eru til að mynda sjaldnast veitt fyrr en rithöfundar eru komnir á efri ár.''

Nóbelsverðlaunin? Tjah..., hvað með að hugsa um líf þeirra sem urðu drápsvélinni, sem Toepfer var hluti af og græddi á, að bráð, nú þegar maður er búinn að fá næstbesta styrkinn á eftir Nóbelnum?

Tengsl Climategate-svindlaranna við Ísland

Ef menn eru ekki að hugsa um Icesave og ESB, er vart talað meira um annað þessa dagana en loftslagsráðstefnuna í Kaupmannahöfn og Climategate. Vegna anna hef ég ekki getað lesið hina frægu tölvupósta sem Phil Jones í Norwitch lét ræna frá sér fyrr en nú. Þeim hefur verið dreift um heiminn frá Tomsk í Síberíu, öllum sannleiksleitandi mönnum til mikillar ánægju og vísindunum til aðhalds.

                               

Phil Jones

Leitar maður að Íslandi á þessum tölvupósti (sjá http://www.eastangliaemails.com/) kemur ýmislegt áhugavert í ljóst. Phil Jones, aðalsvindlarinn, var t.d. á Íslandi í fyrra (2008) þegar kollega hans, Mick Kelly, sem einnig hefur verið gripinn í stórsvindli á Nýja Sjálandi ritar honum þetta:

Hi Phil
Just updated my global temperature trend graphic for a public talk and noted that the level has really been quite stable since 2000 or so and 2008 doesn't look too hot.
Anticipating the sceptics latching on to this soon, if they haven't done already, has anyone had a good look at the large-scale circulation anomalies over this period? I haven't noticed anything consistent coming up in the annual climate reviews but then I wasn't really looking.
 

Be awkward if we went through a early 1940s type swing!

Phil svaraði:

Mick,
They have noticed for years - mostly wrt the warm year of 1998. The recent coolish years down to La Nina. When I get this question I have 1991-2000 and 2001-2007/8 averages to hand. Last time I did this they were about 0.2 different, which is what you'd expect.

Þetta skrifar Phil á Íslandi, þar sem hann var í boði Astrid Ogilvie, sem ég gagnrýndi fyrir langalöngu á ráðstefnu á Bowdoin College í Maine í Bandaríkjunum árið 1989 fyrir hlægilega notkun og ofurtrú á íslenska annála og aðrar ritheimildir. Hún skrifaði síðar traustari grein með Trausta Jónssyni í Climatic Change árið 2001 (sem í miklu byggði á niðurstöðum Páls Bergþórssonar). Greinin var einnig var gefin út í bókinni The Iceberg in the Mist, þar sem reknu climategateskúrkarnir Phil Jones og K. R. Briffa skrifa formála.

 Astrid Ogilvie  Trausti Jónsson

Eru þau líka með heimshita? Stofnun Trausta má ekki tjá sig.

Ogilvie og Trausti bentu á, að áhrif litlu Ísaldarinnar hefði ekki gætt eins mikið á Íslandi og hugsanlega annars staðar. Þetta er síðar "stutt" af öðrum rannsóknum og er t.d. að ofbeit hafi valdið eyðingu byggða eins og Þjórsárdals frekar en kólnandi veðurfar, ef trúa má þeim sérfræðingum sem skrifa þessa grein og sem einnig hafa gert hafa sig seka um að ræna niðurstöðum annarra.

Meðan Phil Jones var á Íslandi bætti hann þessu við í bréfi sínu til andfætlingsins Kelly:

In Iceland at a meeting that Astrid invited me to. Cold with snow on the ground, but things cheap as the currency has gone down 30-40% wrt even the pound.

Kelly svarar:

Yeah, it wasn't so much 1998 and all that that I was concerned about, used to dealing with that, but the possibility that we might be going through a longer - 10 year - period of relatively stable temperatures beyond what you might expect from La Nina etc.

Speculation, but if I see this as a possibility then others might also. Anyway, I'll maybe cut the last few points off the filtered curve before I give the talk again as that's trending down as a result of the end effects and the recent cold-ish years.

Enjoy Iceland and pass on my best wishes to Astrid.

Mick

Meðan að Phil var á Íslandi skrifaði hann einnig Ben (Santer), og er greinilegt að Phil grunar að meðhöfundur að einhverri grein sé í sambandi við Steve McIntyre, guðföður efasemdamanna:

Ben,

It seems that Climate Audit  has been discussing the paper. I ad a look whilst I was in Iceland as I had nothing better to do a few times. It was cold and snowy outside, there was internet.....
Seems as though they are making some poor assumptions; someone is trying to defend us, but gets rounded upon and one of the co-authors on the paper is in touch with McIntyre.

As it isn't me, and I can rule out a number of the others, my list of who it might be isn't that long....
Looking forward to next week !!
Cheers
Phil

Það er gaman að sjá hvað kalda veðrið á Íslandi hentar heimshitnunarmanninum illa.

 

Michael Mann hefur snúist hugur. Nú talar hann ekki lengur um kaldar miðaldir. Nú er

hann að reyna að tengja heimshitnun á miðöldum við eldgos á Íslandi. Eldgos á Íslandi þyrftu líkalega að fá umboðsmann, það er alltaf verið að misnota þau.

 

Nú er búið að setja Jones og Briffa af á CRU í Norwich meðan verið er að rannsaka óeðli vísindastarfa þeirra. Michael Mann á Penn State, nánum samstarfsmanni þeirra, hefur snúist við og viðurkennt að hann hafi vísvitandi reynt að dylja hitaskeið á miðöldum.

 

 Keith Briffa

er kannski hetjan sem lak öllu gegnum út fra Tomsk. ´

Han mun hafa legið fyrir dauðanum í einhvern tíma.

En aðrir koma til greina og Rússum hefur þegar verið kennt um.

Öfgaráðstefnan í Kaupmannahöfn

 

Það er skammt öfganna á milli. Skrítið að Jesús skyldi ekki kvarta yfir heimshitnun af völdum vondra manna og ríkja, eins og sumir fylgismenn hans gera nú. Hitastigið nú er nefnilega mun lægra en það var á tímum Jesús, og Vatnajökull var þá ekki svipur hjá sjón. En hvíthærð tófa var þó líka kona ársins i den tid.

Það er reyndar ekki svo skrítið að sumir kristnir ofstækismenn ætli að hamast á kirkjuklukkunum í nafni vafasamra vísinda. Loftslags- og bráðnunarrausið í dómsdagtrúarmönnum minnir óneitanlega mikið á frelsuð trúarbrögð. Kristnir, sem ætla að dingla í kirkjuklukkunum fyrir loftslagið, sjá sér greinilega færi á því að hita aðeins upp í kirkjunum með því að hoppa með á heimshitnunargufuvagninn, þó það gætu orðið einhverjir árekstrar við boðorðin 10.

Íslendingar, með verndara þjóðkirkjunnar í fararbroddi, gerðu, eins og kunnugt er orðið, heitan díl við öfgastjórnina í Teheran núna í vikunni. Íran ætlar fyrir tilstuðlan gufuvélstjórans á Bessastöðum að fara að kynda undir heiminum með "hreinni" orku, með Íslands sem fyrirmynd. Ríki, sem situr á ómældum auðlindum af gasi og olíu og sem ætlar sér að byggja 8-10 kjarnorkuver, er nú tilbúið í að nýta jarðhita. Þessi gleðiboðskapur var kallaður 350 sinnum úr bænaturnum Teherans í gær, og Óla ó Achbar bætt við. Það er ekki nema von að fólk hengi sjálft sig umvörpum af eintómri gleði í Íran.

Myndbrotið sem fylgir sýnir sumt af því sem fer fram á frelsunarsamkomunni í Kaupmannahöfn. Lesið gott blogg hér um sama mál.

Ahmedinejad, aðalkyndarinn í orkufyrirtækinu, sem Ólafur kyndari á Bessastöðum dílaði við, er á leið á loftslagsráðstefnuna í Kaupmannahöfn eins og aðrir stórir umhverfisverndunarsinnar. Ætli hann tilkynni okkur ekki að helsta ástæðan fyrir heimshitnun séu gyðingar? Það hentar hinum sértrúarhópnum, vinstrimönnum, vel. Alltaf einherjum öðrum að kenna. Margt tengir trúarbrögðin saman!

Fyrir þá sem vilja mótmæla veru Ahmedinidaddys í Kaupmannhöfn á friðsamlegan hátt, er hægt að skrá nafn sitt á http://copenhagen.stopthebomb.net/sign-now/  og gera meira fyrir loftslagið en dingla í kirkjuklukkum umhverfi sínu til ama. Einnig er hægt að mótmæla með því að skrifa til [e-mail] og biðja um að fá nafn sitt á listann: www.vendryggentil.dk/navne.html