Leita í fréttum mbl.is

Andri Snær bannar mér að nota ljósmynd af sér

Í gær var mér bannað að nota ljósmynd. Ljósmynd af Andra Snæ Magnasyni, sem í upphafi prýddi síðustu færslu mín, hefur verið fjarlægð að ósk einhverra veflögregluaðila sem hafa haft samband við bloggumsjónarmenn www.mbl.is

Ég hef rætt við ljósmyndarann, sem reyndist eiga myndina, en ekki hafði hann haft samband við Morgunblaðið og heldur ekki rit það, gefið út af Iceland Express, sem keypt hefur myndina af honum (en ekki einkaréttinn). Ég fjarlægði myndina stax þegar mér barst erindið frá www.blog.is.

Greinilegt er að færsla mín hefur farið fyrir brjóstið á einhverjum. Þessum "einhverjum", sem eru búnir að skíta í leðurbuxurnar, og Andra Snæ til heiðurs birti ég nýja mynd af ekta þýskum náttúruverndarmanni sem ekki er ósvipaður Andra í Draumalandinu:

lederhosen

Ljósmyndin, sem ég mátti ekki nota, var þangað til rétt áðan notuð af Alfred Töpfer Stiftung. En hver gaf þeim leyfið. Samkvæmt starfsmanni sjóðsins, Gielke, var það Andri sjálfur er sendi þeim myndina og samkvæmt umsjónarmönnum blog.is var það Andri Snær sem vildi setja "lögbannið" á mig. Andri sendi hins vegar mynd í leyfisleysi til Alfred Toepfer Stiftung.

Alfred Toepfer Stiftung er nú búin að fjarlæga myndina af heimasíðu sinni, eftir að ég hafði samband og í ljós kom, að mynd sem mér er bannað að birta er ekki eign og copyright Andra.

Ef Andri Snær vill fá lögbann á gangrýnar raddir, getur hann tekið þátt í umræðunni á bloggi mínu. Hann er fjandakornið ritfær!

Ljósmyndin hér fyrir neðan sýnir að bönn og ritskoðun eru ekki ný bóla.

joden%20verboden

 


« Síðasta færsla | Næsta færsla »

Athugasemdir

1 Smámynd: Vilhjálmur Örn Vilhjálmsson

Íslenskir umhverfisverndarsinnar hafa síðasta sólahringinn reiðst mér vegna þess að ég skrifaði um stofnanda stofnunar þeirrar í Hamborg sem veitti Andra Snæ Kairos-verðlaun. Andri sjálfur bað blog.is um að fá mig til að fjarlægja mynd af sér.

En hver var maðurinn sem sem sjóðurinn sem gefur Andra verðlaun, heitir í höfuðið á.

- 1935-36 var Alfred Toepfer Förderer der SS, þ.e. styrktaraðili SS. Á þessum tíma var verulega ráðist á tilverurétt gyðinga í Þýskalandi, en samt heldur Alfred Toepfer Stiftung því fram að Alfred Toepfer hafi ekki verið kynþáttahatari. Hvernig ætli hann hafi styrkt SS?

- Fra 1940 til 1942, var Toepfer í París og vann náið með SS-Brigadeführer Werner Best, stríðsglæpamanni, sem hafði umsjón með gyðingum og andspyrnaönnum. Hann var síðar hæstráðandi í Danmörku og hóf skipulagðar ofsóknir gegn gyðingum í September 1943. Toepfer ferðaðist víða um Frakkland og Spán til eflingar nasismanum. Samkvæmt þeim sem veita Andra Snæ aur, var Alfred Toepfer ekki eiginlegur nasisti.

- 1942-1944 tók hann þátt eignaupptöku í Frakklandi. Hann mataði krókinn og opnaði skrifstofu sem kölluð var Büro Hauptmann Toepfer. Ætli höfuðstóll fyrirtækis Toepfer hafi ekki stækkað og sumt að því fé hafi ávaxtast og sé nú greitt út í evrum?

- Á Spáni stofnaði Toepfer árið 1942 leynileg samtök (Organización Toepfer). Starfsemi samtakana var til að greiða götu fyrir flutning fjármagns til að  reka leyniþjónustu í Madrid. Hún var fjármögnuð með gulli sem stolið var í Frakklandi af gyðingum og öðrum.  Vorið 1942 afhenti Toepfer 130 kg. af gulli í 10 kg. pokum í Madrid. Ekki fær Andri Snær silfrið sitt í pokum. en en þetta gulltryggður styrkur sem lítil "menningarleyniklíka" á Íslandi er búin að kría út fyrir hann.

Dótturfyrirtæki Firma Alfred Toepfer starfaði í Póllandi. Frá fyrirtækinu kom kalk sem notað var til að strá yfir lík gyðinga í stórum opnum gröfum í gettóinu í Lodz. Kalk styrkja bein og gerðu evrureikninga Toepfer Stifung sterka.

Fyrir nokkrum árum heimtaði Alfred Toepfer Stiftung herragarð og 47 haktara lands í austur-Þýskalandi sem Toepfer hafa eignast á stríðsárunum. Mikill vill meira.

Þegar Toepfer stofnaði Mozart sjóð sinn árið 1938, sagði hann:

"Europa ist und bleibt unsere Wiege, die Wiege der weissen Rasse." Þeir sem stjórna sjóðum hans í dag telja samt af og frá að hann hafi verið nasisti eftir 1943.

Það er ógeðfellt að sjá ungt fólk, sem aðhyllist umhverfisvernd, telja það í fínu lagi að Andri Snær taki við gulli frá friðþægingarsjóði nasista. Andra Snæ þykir það mikill heiður að fá þessi verðlaun. Það er heiður sem hann þarf að lifa með.

Andri Snær tekur við verðlaunum sem er ávaxtaður nasistasjóður, en ætlar þjóð sinni að súpa dauðan úr skel, því hann og einhverjir Þjóðverjar í ESB (sem íslenskir agentar í Þýskalandi hafa nauðað í), vilja ekki stóriðju á Íslandi. Á hverju eiga Íslendingar að lifa? Styrkjum frá ESB

Vilhjálmur Örn Vilhjálmsson, 4.12.2009 kl. 13:23

2 Smámynd: Einar Guðjónsson

Held hann hafi ekki vitað hvernig sjóðurinn varð til. Ef þetta er rétt sem þú ert að segja þá finnst mér að hann eigi að afþakka styrkinn.

Einar Guðjónsson, 4.12.2009 kl. 14:15

3 Smámynd: Rauða Ljónið

Sæll. Vilhjálmur margir okkar sem vinna í stóriðjuna sjáum lítinn mun á boðskapi umhverfissinnar gagn vart okkur og á boðskap og þans flokk sem fór með völdin í Þýskalandi frá 1932 til 1945 þess vegna skiljum við vel hvað ofsóknir eru.

Kv. Sigurjón

Rauða Ljónið, 4.12.2009 kl. 14:17

4 Smámynd: Vilhjálmur Örn Vilhjálmsson

Sæll Einar, líklega hefur Andri ekki vitað neitt um sjóðinn, enda ekki að sækja um styrkinn sjálfur. Mælt var með honum af mönnum, sem hljóta að hafa vitað um líkin í lestinni og maðkinn í mjölinu, eins og það heitir víst á ilhýra málinu. Andri getur auðvitað gefið fjármagnið óskorið til umhverfisverndarmála.

Sæll Sigurjón, mér finnst líka eitthvað svo barnalegt að halda að hægt sé að stöðva alla þróun. Iðnaður gerði Alfred Toepfer ríkan en fátækt þjóðar hans skapar stríð. Á Íslandi geta menn ekki lifað af loftinu eða styrkjum sem falla af "allsnægtaborði" ríka mannsins í ESB. Ísland er ekki sjálfstætt ríki og ef þjóðin skapar ekki auðæfi, er ekki til fé til að greiða atvinnulausum og rithöfundum með stórar hugsanir á kaffihúsum.  Peningarnir eru hættir að vaxa í bönkunum. Stórhuginn og fantastinn Andri verður líka að venjast því. Ef við höfum ekki framleiðslutæki, verða líka fleiri háskólamenn atvinnulausir. Allir hlutir hafa samhengi þótt Andri Snær svífi í loftinu með öðrum álíka týpum með svo stórt og hégómlegt að þeir þola ekki gagnrýni. En ekki má gleyma að þeir tilheyra þeirri kynslóð sem veit allt betur en aðrir...

Vilhjálmur Örn Vilhjálmsson, 4.12.2009 kl. 15:45

5 Smámynd: Rauða Ljónið

Sæll. Þakka gott svar Vilhjálmur, stofublómin skilja lítið að til að þjóð megi dafna þarf undurstöðuatvinnuvegi sem skapa gjaldeyrir fyrir þjóðarbúið.

Kv. Sigurjón

Rauða Ljónið, 4.12.2009 kl. 16:27

6 identicon

Auðvitað ætti hann samvisku sinnar vegna að afþakka þessi verðlaun. Tek undir með þér að menn lifa ekki á loftinu. En hinsvegar hafa margir listamenn lifað á styrkjum frá hinu opinbera sem eru ég og þú og hinir og þessir sem greiða skatta til þjóðfélagsins. Og sumir vinna jafnvel við stóriðju. Einnig hafa ýmiss stórfyrirtæki verið drjúg í að styrkja þá eins og t.d  álverið sem hefur verið ansi drjúgt að veita styrki í hin þessi verkefni.

Rafn Haraldur Sigurðsson (IP-tala skráð) 4.12.2009 kl. 16:52

7 identicon

Gott kvöld. Mér þykja skrifin um Alfred Toepfer vera svolítið sktýtin þegar verið er að tala um að þú sért að stela myndum og nota á þína vefsíðu. Ertu eins og hinir að hvítþvo sjálfan þig með því að benda á annan verri??   Í gegnum tíðina hefur oft komið upp ýmiskonar mál ekki ósvipuð þessu, en hví þarf rithöfundurinn að verja sig ??? Þó svo að fáeinir umhverfissóðar sjái rautt þegar Andri Snær er nefndur á nafn er óþarfi að fara út í slíkan skæting sem er hér á síðunni.

thin (IP-tala skráð) 4.12.2009 kl. 20:41

8 Smámynd: Ragnhildur Kolka

Mér þykir lítið leggjast fyrir hinum "virtu" verðlaunum sem RÚV fjallaði um í fyrradag. Það er varla hægt að álasa Andra Snæ fyrir að gleðjast yfir "upphafningunni", en spurningin er auðvitað: hver lagði til að Andri Snær hlyti verðlaunin og tekur hann við þeim?

Það hafa margir reynt, í gegnum tíðina, að kaupa sér orðspor í gegnum góðgerðar eða menningarstörf, en maður hlýtur alltaf að þurfa að vega og meta hvort maður vill leggja nafn sitt við þá viðleitni.

Nú stendur Andri Snær frammi fyrir þeirri ákvörðun.

Ragnhildur Kolka, 4.12.2009 kl. 20:50

9 Smámynd: Rósa Aðalsteinsdóttir

Sæll og blessaður

Myndirnar sem þú ert með núna eru mjög fallegar og örugglega flottari en af Andra Snæ!

Þú lætur nú engan Andra Snæ stöðva þig. Vertu keikur og haltu áfram að blogga.

Guð veri með þér

Kær kveðja/Rósa

Rósa Aðalsteinsdóttir, 4.12.2009 kl. 21:16

10 Smámynd: Flosi Kristjánsson

Nokkur orð í vinsemd: Er hlutskipti fólks af semískum uppruna slíkt í dag að það réttlæti beiskju þá sem birtist í færslum þínum?

Þér að segja finnst mér að  maður þurfi að setja sig í annarlegar stellingar, og hverfa aftur um tvær eða þrjár aldir til að ná sambandi við þig, Vilhjálmur!!

Flosi Kristjánsson, 5.12.2009 kl. 00:04

11 Smámynd: Rauða Ljónið

Sæll. Flosi Vilhjálmur er ekki með beiskju hann er aðeins að vara við fordómur og gengur eitt gott til, Andri Snær hefur oft verið á línu með fordóma og aðrir hafa étið það upp eftir honum og gert hlutina en verri, og þú fellur í þá gryfju.

Kv Sigurjón

Rauða Ljónið, 5.12.2009 kl. 00:33

12 Smámynd: Jón Valur Jensson

Sæll, doktor. Merkilegar upplýsingarnar um Toepfer þennan.

En Andri karlinn verður nú að fá að ráða sinni mynd sjálfur.

Annars nær myndin af stráknum honum alveg!

Tek undir með Ragnhildi Kolka; hún nær vel utan um málið.

Jón Valur Jensson, 5.12.2009 kl. 04:29

13 Smámynd: Vilhjálmur Örn Vilhjálmsson

Rafn Haraldur, ja hvað á þjóðin að gera, ekki getur hún setið og spilað á harmónikku fyrir utan verslanir í ESB, þótt allt virðist stefna í það hjá Jóhönnu og Steingrími. Það er ekki eins mikil fýla af stóriðju nú, ef við eigum ekki að vera aumingjar í Evrópu Toepfers og Co.

Thin: Hefurðu lesið færsluna og þá sem ég skrifaði á undan? Ég er ekki með neinn skæting. Ég er aðeins að benda á að sjóður sá sem veitir Andra verðlaun á sér einkennilega forsögu. Myndin sem ég notaðir óvart, var einnig notuð óvart af Andra, þegar hann sendi hana til Þýskalands. Auðvitað er hart, að menn megi ekki nota myndir af sjálfum sér, þótt þeir eigi ekki copyrightið. Þá eiga þeir þó ekki að vera að hringja til Moggans og reyna að banna blogg og segjast eiga myndina. Alfred Toepfer stiftung brást alveg rétt við og fjarlægði myninda sem Andri hafði sent þeim. Hana tók Teitur Jónasson og hún hefur aðeins verið seld til Iceland Express

Vilhjálmur Örn Vilhjálmsson, 5.12.2009 kl. 08:42

14 identicon

Blessaður Vilhjálmur og takk fyrir svörin. Já ég er búin að lesa færsluna á undan þessari og það er margt þar sem stingur í augun.1. Fyrirsögnin er ógeðfelld,  2. " Til hamingju Andri Snær. Þú ert greinilega kominn í góðan félagsskap!" ( tekið úr fyrri pistli þínum), félagsskap með hvejum er hann komin í ????  Harold Pinter og Ólaf Elíasson???   3.  Rökin sem hafa komið fram í kommentum og svörin frá þér sýna að þú ert komin í þrot.

Þó svo að þú reynir mest sem þú mátt að klína stuldi á ljósmynd yfir á aðra fegrar það ekki þinn stuld. 

thin (IP-tala skráð) 5.12.2009 kl. 09:00

15 Smámynd: Vilhjálmur Örn Vilhjálmsson

Flosi Kristjánsson:   mitt er sært yfir þessari miklu vinsemd þinni.

Sæll, Jón Valur (rétttækur d.h.c.), við vonum að Andri geti gert upp hug sinn. 75.000 evrur til fátækra eða náttúrunnar væri nú fínt, en ekki held ég að það bæti kjör smælingjans né fegurð náttúrunnar. Peningar frá Alfred Toepfer er aðeins fjöður í fegrunarham sjóðs með ljóta forsögu.

Mamma: Já ég skal hætta að stríða honum Andra litla. Já, ég veit hann er kominn að svo góðu fólki. Nei, ég sló hann ekki. Nei, ég stal ekki myndinni hans og NEI þetta er ekki hann í leðurbuxunum. Bara róleg mamma. Þetta skáld stefnir mér ekki.

Vilhjálmur Örn Vilhjálmsson, 5.12.2009 kl. 09:09

16 Smámynd: Vilhjálmur Örn Vilhjálmsson

Thin man: Ég er auðvitað ekki sammála þér. Það er lúsalegt að hringja í Moggann (hæ Davíð, bla,bla, Villi vondi. bla, bla), þegar einhver bloggari leyfir sér að benda á. að verðlaun þau sem Andri fær, komi frá stofnun sem á sér nokkuð ógeðfellda forsögu. Það er lúalegt að að hringja í Moggann til að stöðva skoðanir með því að segjast eiga mynd sem maður á ekki. Þetta minnir mig á DDR takta. Stuldur er þitt orð, en þar sem ég veit ekki hvað þú heitir, getur þú líka verið stolinn og skrumskældur karl (eða kona) með IP tölu. En ég kvitt hér með fyrir skoðun þína. Hún breytir engu.

Vilhjálmur Örn Vilhjálmsson, 5.12.2009 kl. 09:20

17 Smámynd: Vilhjálmur Örn Vilhjálmsson

Ragnhildur: mig grunar að aðstandendur Íslandsdeildar bókahátíðarinnar í Frankfurt árið 2011 (Ísland verður heiðursgestur á hátíðinni) ásamt forseta vorum og einum öðrum aðila hafi skrifað bréf til Alfred Toepfer Stiftung. En þetta er óundirbyggður grunur eins og þeir segja á DV.

Rósa: Þetta er myndarleg strákur sem ég setti í staðinn, en buxurnar hans eru fyrir neðan minn smekk. Auðvitað læt ég ekki Andra vaða yfir mig og banna mér að nota myndir, nema að hann eigi þær. En ekki átti hann myndina frekar en ég. Svona er margt skrítið á bláu pláhnetunni okkar.

Vilhjálmur Örn Vilhjálmsson, 5.12.2009 kl. 09:32

18 identicon

Takk Vilhjálmur. Að vera ósammála Andra Snæ er í góðu lagi en að leggjast á þetta plan er lákúra. Vertu bara málefnalegur og svaraðu bókinni.  Mín  persóna skiptir ekki öllu máli, ætli þú myndir ekki sjá nasista alls staðar í minn fjölskyldu þá ????

Takk fyrir áheyrnina

thin (IP-tala skráð) 5.12.2009 kl. 09:38

19 Smámynd: Vilhjálmur Örn Vilhjálmsson

3 stellingin

Tímarnir breytast og siðirnir með. Mér sýnist að stellingin í "miljöbransanum" sé nokkurn veginn blanda af öllum þessum æfingu á myndinni hér að ofan.

Vilhjálmur Örn Vilhjálmsson, 5.12.2009 kl. 09:41

20 identicon

Talandi um myndir, fann þessa fínu mynd af netinu. Kannski gæti Vilhjálmur póstberi notað hana í staðinn.

Var ekki danski pósturinn jú hluti af samarbejdespólítíkinni hjá Dönum og 3. ríkinu?

Villi póstur

Halldór H. (IP-tala skráð) 5.12.2009 kl. 10:01

21 Smámynd: Vilhjálmur Örn Vilhjálmsson

Halldór H. Þakka þér fyrir fína mynd af póstmanninum. Þú fylgist ekki með, því ekki er ég póstberi. Hef ekki verið það síðan 2007. En maður verður jú að lifa í ESB, þar sem fólk með doktorsgráður í fræðum eins og ég hef lært fær ekki vinnu. Maður tekur það sem fæst. En þú fylgist greinilega ekki með. Ég er ritstjóri og vinn eins og er á bókaútgáfufyrirtæki. En hver ert þú? Ég get skaffað þér vinnu hjá póstinum hér ef tímarnir versna. Sendu mér bara upplýsingar. Þú þarft að kunna að lesa.

Ég veit ekki til þess að pósturinn hafi verið mikilvægur hluti af undirgefnispólitík Dana. Nokkrir póstmenn voru andspyrnumenn og einvherjir voru örugglega nasistar. En mér sýnist að ýmsir Íslendingar séu komnir með rassinn í sömu stellingu og Danir þegar Nasistahundurinn tók þá aftan frá hér um árið. Nú er það bara ESB sem sér um nauðgunina. En margt er líkt.

Vilhjálmur Örn Vilhjálmsson, 5.12.2009 kl. 10:16

22 Smámynd: Vilhjálmur Örn Vilhjálmsson

Thinman Thin, þú og fjölskylda þín skiptir öllu máli. Mikið rétt hjá þér, ég sé nasista víða, enda eru þeir víða á ferli. Og sjáðu hvað ég fann í brúnleita (nazionalbraun) merkinu þínu.  Ef þú vilt ekki segja til nafns, geri ég ráð fyrir því að þú sért ómerkingur sem hafir marga nasista í fjölskyldunni, en ómerkinga loka ég venjulega á ef þeir eru með óþverralegar ásakanir. Ég er ekki að ráðast á Andra litla. Andri litli réðst á mig gegnum Moggann og vildi láta banna bloggið mitt, vegna þess að það hentaði ekki stórri ímynd hans að einhver væri að minnast á að það væri nasistafýla af verðlaununum hans.

Vilhjálmur Örn Vilhjálmsson, 5.12.2009 kl. 10:27

23 identicon

Villi, þú ert ágætur. Í það minnsta deilum við virðingu fyrir þjóð sem er okkur framandi.

Ég var að skoða heimildamynd um Yom kippur stríðið og (kannski eru það 4 bjórarnir sem ég hef drukkið sem tala) mig langar til að rita langa runu af blótsyrðum gegn vinstri óþrifaseggjum (eru ekki alltaf vinstri menn, eða anarkistar, sami hluturinn, til vandræða hvar sem þeir eru aldir ??

Ég hef reynt að vanda orðnotkun mína hér í bloggheimum, þegar ég goggast á við kaffihúsaliðið, en stundum verður maður að skilja að kappræður skila ekki neinu, ekki neinu  þegar glímt er við treggáfaða, illlæsa taðskegglinga sem þagna einungis þegar þeir láta stimpla atvinnuleysiskortið sitt !!

Andri er reyndar yfir meðalgreind í þeirra liði, hann kann bæði að lesa og skrifa, og virðingu fær hann frá mér fyrir það. En port-gimpin, sem flestir vinstri atvinnu-ónytjungar eru, hafa minni samfélagslegan rétt í mínum augum en hringormar hafa í illa gefnu flaki !!

Það geta allir drukkið kaffi og látið stimpla kortið sitt reglulega, s.s  það geta allir verið vinstri menn, en ekki allir geta komist/stigið lengra upp  stigann !! Til að afreka það þá verða menn að afklæðast che bolnum sínum, vakna fyrir hádegi, trúa á mat ekki fjallagrös og viðurkenna að Davíð sökkti ekki Titanic !!

Einfaldar reglur en ekki fyrir alla að meðtaka..

Fyrirgefðu hliðarsporið við þinn pistil, Vilhjálmur, en vinstri hlutirnir hita mjög í mér blóðið þessa síðustu og verstu tíma !!

runar (IP-tala skráð) 6.12.2009 kl. 00:17

24 Smámynd: Vilhjálmur Örn Vilhjálmsson

Rúnar, ég er hættur að hugsa um Andra Snæ. Hann er bara dægurfluga hér á blogginu. En hann verður kannski einhvern tíma frægur nóbelsverðlaunahafi, þegar heimshöfin flæða yfir láglendið og hann fær verlaunin fyrir móralisma á einhverjum fjallstindi í Skandinavíu.

Vilhjálmur Örn Vilhjálmsson, 6.12.2009 kl. 06:18

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband