Lífsýni úr Fischer

Ég er löngu búinn að missa áhugann á Fischer, eftir að hann fór til hel...s um Ölfuss. Svo frétti ég í dag, að hann hafi verið grafinn upp eins og einhverjar fornleifar, svo hægt væri að sanna að hann væri ekki pabbi hennar Jinky litlu Ong.

Allir sem geta séð og vilja sjá, sjá að barnið er ekki líkt karlinum. Það hefur aldrei tekið æði, er ekki með skegg og er ekki enn búið að afneita því að það sé Flippi, afsakið Filipseyingur 

Ég átti reyndar lífsýni úr Fischer. Viktor Kortsnoi gaf mér eitt sinn lífsýni úr Fischer. Það var hráka sem Fischer setti á frímerki, sem sett var á póstkort sem Fischer sendi Kortsnoi með skilaboðunum "I am the best, you fucking Jew". Sjá mynd. Frímerkið var rannsakað hér í Danmörku og í ljós kom að það var sleikt af  50% gyðingi og 50% skyri. Nú fáum við brátt vissu fyrir því, hvort Fischer hafi verið Jew, sem ég tel nokkuð víst, en líka hvort hann hafi yfirleitt verið "fucking".

Athugasemdir

[Samy (IP-tala skráð) 6.7.2010 kl. 05:40]

Mig langaði að skrifa athugasemd við færslu þína "Samhengi hlutanna", en það var víst of seint. Var hjartanlega sammála. Trúlega er Ísland í dag það vestræna land þar sem gyðingahatur grasserar mest, án nokkurra andmæla (nema frá þér), og það í trássi við landslög og alþjóðasamninga. Sanntrúaðir hlusta hvorki á staðreyndir né rök. Ég hef samt verið að reyna að benda á nokkrar staðreyndir og reyna að fá menn til að hemja sig, en án minnsta árangurs enda allir fjölmiðlar fullir af einhliða áróðri. Hér veit t.d. enginn að íslamistar myrtu (skáru á háls, suðu í potti, nauðguðu etc.) um 100 000 landsmönnum sínum í Alsír á 10 ára tímabili. Hér er öllum sama, enda er hvorki hægt að kenna Ísrael né BNA um þetta. Dæmigert að þegar Íslendingar fá ást á Gyðingi skuli það vera snargeðveikur snillingur fullur af sjálfshatri. En Fischer er langt í frá sá fyrsti (sjá: "jüdischer Selbsthass").

Það er hinsvegar leiðinlegt hvað þú talar illa um okkur sem trúum því að Íslandi myndi vegna betur innan ESB. Hef búið þar sjálfur í 25 ár og hef gott eitt um það að segja. Ég held m.a.s. að það myndi draga stórlega úr íslenska molbúahættinum ef okkur verður hleypt þar inn (óverðskuldað að sjálfsögðu). Bestu kveðjur til Dk.

[Vilhjálmur Örn Vilhjálmsson, 6.7.2010 kl. 06:59]

Samy, ég reyni alltaf að verja trú og trúaða, en geri þó stundum góðlátlegt grín af trúarbrögðum, því það er hollt. ESB-trúin er hins vegar trúarbrögð, sem ég tel ekki að verði Íslendingum til góðs í núverandi ástandi. ESB-samsteypan hefur leitt ýmislegt gott af sér, m.a. reglur og lög gegn hatri í garð minnihlutahópa. Íslendingar með gyðingafóbíu sína og stuðning við Hamas virðast oft vera hinir mestu stuðningsmenn ESB.

En sjálfstæðiskennd Íslendinga er ekki nothæf í ESB og ESB ætlar sér ekki að leyfa Íslandi að vera með, heldur að gleypa það litla sem Ísland á. Þá verður Íslendingar ekki lengur þjóð.

Íslenskunni mun ekki verða gert jafnt undir höfuð í ESB, nú þegar verið er að draga seglin saman í ESB. Flottræflaháttur fyrri áratuga er nú á undanhaldi.

Ljóminn er farinn af ESB-ævintýrinu og mönnum er illt í evrunni.

Ef Íslendingar fara inn í ESB, fara þeir út í meiri óvissu en þeir eru nú í! Avinnuleysi mun aukast, nema hjá túlkum og lögfræðingum. Uppbyggjandi atvinnugreinar munu hverfa úr höndum Íslendinga. Menn munu ekki kunna að reka nagla í spýtu. Þjónusta mun versna og landið mun þurfa að senda suma sjúklinga sína til spítala í Evrópu. Nú standa málin þannig, að verið er að dæla peningum í ESB, sem sjúklingar á Ísandi þurfa. Deildum er lokað og læknar sendir í auka sumarleyfi á fullum launum, meðan fólkið sem þjónað hefur landinu og borgað hefur skattana þarf að bíða sárveikt mánuðum saman til að fá t.d. nýjan mjaðmalið.

[Hrafn Arnarson (IP-tala skráð) 6.7.2010 kl. 11:46]

R J Fischer er án efa einn af mestu skáksnillingum sögunnar. hann og j R Cabablanca eru í sama flokki. Afrek Fischers í skáksögunni var að sigra sovéska skákskólann. Áratugum saman höfðu Sovétmenn haft algera yfirburði í skákheiminum. þeir gátu stillt upp liði gegn öllum öðrum ríkjum heimsins. Fischer lokaði sig inni í heimi skákbóka og skákblaða og lifði ekki eðlilegu lífi barns eða unglings. hann kynntyst aldrei föður sínum en aldist upp hjá einstæðri móður sinni. Á Vesturlöndum var skákin stunduð í klúbbum sérvitringa. Í Sovét var skákin hluti af þrautlegri æskulýðsstarfsemi sem hafði það að markmiði sð efla alþýðina. Fyrr á öldum var skákin leikur aðalsmanna en á Íslandi ævinlega leikur bænda. Einvígið við Spassky var hluti af samskiptum stórveldanna og þar náði Fischer einnig þeim áfanga að koma fjármagni inní greinina. Reuben Fine sem var geðlæknir og stórmeistari hafði áhuga á að bjóða Fischer meðferð eftir að hann varð heimsmeistari. Ekki varð af því. Kannski hefði Fischer lifað hamingjusamaralífi ef af því hefði orðið. Síðustu árin lifði Fischer ein og einangraður sérvitringur með ruglhugmyndur og ofsóknarkennd. Það er sorgarsaga. Uppgröftur er hryllilegur en það er mikilvægt að börn viti um föður sinn. Fischer kynntist aldrei sínum föður en litla stúlkan á rétt á því að vita vissu sína. Allt sitt líf barðist Fischer við tómleikann sem fylgir föðurskorti. Það er ekki rétt að stúlkan þjáist.

[Vilhjálmur Örn Vilhjálmsson, 9.7.2010 kl. 15:56]

Hrafn, allt tal um Fischer er um seinan. Ég veit þó til þess að menn telji hann vera á lífi, og að það sé ekki hann sem grafinn sé í útjaðri kirkjugarðsins í Ölfussinu.

Ég vona að þessi mál endi öll vel, en ég tel ekki að hann hafi haft mök við japanska konu sína eins og lög í Japan segja til um að menn verði að hafa til að hjónabandið geti talist. löglegt. Nú verður sú japanska að koma með sannanir.