Íslenska gervilimasveitin í Gaza

Eyjan, og aðrir fjölmiðlar greina frá því að þrír Íslendingar hafi verið stöðvaðir hluta úr degi í Ísrael með gervilimi, sem þeir ætluðu að taka með sér til Gaza. Það er allra góðra gjalda vert að fara með gervilimi til Gaza, sérstaklega þegar þarlendir hafna gervilimum frá Ísrael.

Eftir að meðlimir íslensku gervilimasveitarinnar voru stöðvaðir í Ísrael, fékk sveitin að fara til fyrirheitna landsins, vina sinna í Hamas, en án limanna, sem Eyjan greindi frá - þó svo að þetta séu víst töskur með tólum og tækjum til að búa til limi. Gervilimirnir/töskurnar með tólunum verða líklega við fyrsta tækifæri sendir til Gaza þegar búið er að gegnumlýsa allt og fullvissa sig um að ekki sé hægt að búa til sprengjur með tækjunum. Ísraelsmenn vita einnig, reynslunni ríkari, að hægt er að nota gervilimi til að smygla hverju sem er til Gaza. Frægt er orðið málið um Ullu Lyngsby í Danmörku, sem á sínum tíma reyndi að smygla vænni fúlgu af dollurum til PFLP í illa lyktandi dönskum osti, 45%. Peningana átti að nota til að drepa gyðinga. Eftir að hinn einfætti Lors skeit á sig í spreng á klósetti í Kaupmannahöfn eru gervilimir náttúrulega ofarlega í hugum manna, sem berjast við hryðjuverk. Heimurinn er nefnilega alls staðar miklu "vondari" en á Íslandi.

Meðlimir hópsins frá Íslandi, sem kom með limina til Ísraels, verða að skilja að öryggi Ísraelsríkis er stefnt í hættu af öfgamönnum þeir sem hafa stjórnað á Gaza síðan að Ísraelsmenn lokuðu landnemabyggðum sínum þar. Ef meðlimir gervilimasveitarinnar frá Íslandi gera sér ekki grein fyrir að þeir eiga í samskiptum við öfl sem opinberlega lýsa vilja sínum að drepa gyðinga og eyða Ísraelsríki, þá þarfnast þessir limir frá Íslandi ef til vill sjálfir einhverra hjálpartækja til að auka skilning og minnka hatur sitt og fordóma. Mig grunar nú, að þessar ferðir séu mestmegnis til skapa ógeðfelldan fréttaflutning af vondu Ísraelsmönnunum, svo gyðingahatarar geti gert athugasemdir á Eyjunni. Sjón er sögu ríkari, sjáið hér

Allir, sem nenna að kynna sér gervilimaástandið á Gaza, vita að um það bil 100 manns vantaði gervilimi í Gaza eftir síðasta stríð þar samkvæmt upplýsingum Palestinian Medical Relief Society (PMRS) og Artificial Limb and Polio Center in Gaza. Framboðið á limum hefur hins vegar reynst miklu meira en eftirspurnin. Allt er fljótandi í gervilimum á Gaza. En flestir sem þurfa á gervilimum að halda á Gaza eru sjúklingar með sykursýki, sem er öllu alvarlegra vandamál meðal araba en t.d. Íslendinga. Einn þeirra er Achmed á myndinni hér fyrir neðan. Vonandi fær hann einn hinna annáluðu gervilima frá Íslandi, en ekki einhver Hamas-limurinn, sem misst hefur líkamsparta vegna öfganna í sér. Ef limir frá Íslandi eru notaðir sem stoð undir Hamas, eru meðlimir íslensku gervilimasveitarinnar sem haldið var til hlés í Tel Aviv í gær, í annarlegum erindagjörðum.

Mér þykir það mjög klókindalega gert hjá Össur hf, sem aðstoðar með limina á Gaza, að nota annað fyritækjanafn en Össur, þegar þeir ferðast í Ísrael. Þeir vita, eins og er, að menn gætu ruglast á gervilimunum og Össur Skarphéðinssyni.

Vinur minn er gyðingahatari

... og hann telur að Helförin sé tómt svindl og gyðingar séu versta og hættulegasta fólk í heimi.

Nei, lesendur góðir, þannig fólk telst vitaskuld ekki til vina minna. Slíka vini á hins vegar maður sem sagður er vera talsmaður Menningarseturs Múslíma á Íslandi, sem eru skráð trúarsamtök á Íslandi, sem nýlega hafa keypt hús undir menningarmiðstöð sína og trúariðkanir fyrir fé frá erlendum fjárfestum. Menningarsetur Múslíma er stundum kallað Menningarmiðstöð Múslíma.

Ég greindi nýverið í færslu frá þeim sem standa á bak við kaupin á Ýmishúsinu í Öskjuhlíð og tengslum þeirra við öfgasamtök í Sádi Arabíu. Slík samtök eru að mínu mati hundrað sinnum hættulegri en einfætti hnefaleikamaðurinn sem setti allt á annan endann í Danmörku hér um daginn.

Karim Askari, sem kynntur hefur verið til sögunnar sem talsmaður þeirra fjárfesta, sem setja fjármagn í menningarsetrið í Ýmishúsinu, greinir á Facebook-síðu sinni hvaða boðskap honum líkar. Honum líkar t.d. við marokkanska öfgamanninn Abdessalem Yassine, sem hatast út í gyðinga í ritum sínum og yfirlýsingum og her helfararafneitari. Sjá t.d. þessa grein:  Spurningin sem vaknar, er hvort Askari og aðrir í Menningarmiðstöð Múslíma á Íslandi hati gyðinga eins mikið og Yassine? Ef svo er, höfum við vandamál á Íslandi. Ef trú sú sem menningarmiðstöð múslíma á Íslandi ætlar að boða er gegnsýrð af gyðingahatri, verður að fara fram á að þetta menningarsetur við rætur Öskjuhlíðar verði undir eftirliti yfirvalda sem komi í veg fyrir að öfgar, hatur og mannréttindabrot verði framin í nafni trúarbragða á Íslandi.

Af fésbók Karims Askaris á Íslandi en honum líkar líka við 50 tommu flatsjá

 

Abdessalem Yassine hefur m.a. sagt:  The Jews are the enemy incarnate. They are intimately linked to many of the evils of the world from Morocco, to Palestine, to Western imperialism. The Jew personifies and exemplifies the very psychology of modern man, who bears responsibility for the abject state of the world and the Muslims.

 

Hatursklerkurinn sem er vinsæll hjá talsmanni Menningarseturs Múslíma á Íslandi. Hvaða menningu erum við að fá í Öskjuhlíðina?

 

Við höfum nýverið orðið vitni að því að fólk fer hamförum yfir biskupum og prestum, bæði lúterskum og kaþólskum, sem ekki skildu að þeir höfðu ekki heilagan rétt til að leggjast á eða ganga í skrokk á ungviðinu. En hvar eru siðapostularnir og trukkafemínistarnir, sem vart geta haldið vatni yfir ógeðslegheitum trúarbragða og sem segja sig úr kirkjunni og affermast vegna viðbjóðs, nú, þegar í ljós kemur að talsmaður nýrra eingyðistrúarbragða á Íslandi aðhyllast trúarleiðtoga sem eru annálaðir fyrir gyðingahatur og önnur mannréttindabrot?  Hvar er viðbjóður ykkar, betri flokkur sannheilagra á Íslandi, þegar ljóst er orðið að talsmaður nýrra samtaka múslíma á Íslandi aðhyllist lærdóm öfgapresta sem spúa eldi og brennisteini, svo ekki sé talað um gyðingahatri og hatri á menningargildum Vesturlanda?  Hvar eruð þið, þegar slíkt svínarí kemur í ljós, þið háheilögu siðvandarar hins stýfða vinstri vængs? Stafar þögn ykkar af því að þið eru samreiðarmenn öfgaíslams? Það held ég nefnilega.

Ætla íslensk stjórnvöld að sitja og láta það afskiptalaust, að umboðsmenn öfgasamtaka og menn sem aðhyllast kenningar kynþáttahatara komi að stofnun trúarmiðstöðva Íslandi? Er það meira við hæfi en prestar sem nauðga í skjóli þjóðkirkjunnar inni í kompu eða á bak við stól Páfans í Róm? Hvað segir háttvirt Dómsmála- og mannréttindaráðuneytið ?

Ég spyr hér með Ögmund Jónasson mannréttindaráðherra, sem fær afrit af færslu þessari í nýja ráðuneytið sitt kennt við mannréttindi. Ætlar Ögmundur að skjóta skollaeyrum við starfssemi öfgasamtaka á Íslandi og láta það viðgangast, að talsmaður skráðra trúarbragða á Íslandi mæli með öfgaprestum eins og þeim sem ég greindi frá hér eða honum Abdessalem Yassine? Telur mannréttindaráðherra, að það séu mannréttindi að hatast út í gyðinga og gera lítið úr réttindum kvenna? Hvað segir ráðherrann? Hann er verndari mannréttinda. Hann verður að segja eitthvað og getur ekki beðið með það þangað til að hann er kominn í ESB draumlandið með meðreiðarsveinum sínum í ríkisstjórninni, því þar taka menn ekki á hlutunum með þögninni.

Jóhanna og Penis með Krana

Ekki get ég sagt að mér þyki fréttin um fordóma Jenis av Krana merkileg. Sumir Færeyingar eiga það til, að taka biblíuna allt of bókstaflega. En ég get fullvissað þá um, að það stendur hvergi í Biblíunni, að minnsta kosti ekki í Gamla Testamentinu, sem ég hef lesið mest, að ekki megi bjóða Jóhönnu og Jónínu til Færeyja. Samkvæmt biblíunni eru Færeyjar ekki einu sinni til, heldur ekki Ísland.

Ég myndi sjálfur væntanlega afþakka að sitja til borðs með forsætisráðherranum. Ekki vegna þess að hún elskar hana Jónínu. Það skil ég vel. Ég bjó undir sama þaki og þær í 4 ár, þær í kjallaranum og ég í risinu, og ekki  varð mér meint af.  Nei, ég er fúll út í Jóhönnu vegna stjórnar þeirrar sem hún stýrir, sem lýgur að þjóðinni og svíkur hana. Lygi er vond, sama hvort það stendur í biblíunni eða annars staðar. Þegar Jóhanna er komin út úr skápnum, kabínettinu sínu, með öllum lygasögunum, býð ég henni í veislu.

En svona karlar eins og hann Penis uppi á Skaga eru ávallt vafasamir. Bak við heilaga ásjónuna og fordæminguna á öðrum er örugglega mikill syndari og sódómisti, sem elskar að fara í leður á ákveðnum börum í Kaupmannahöfn og London, þar sem hann leggur lag sitt við prestsmaddömmur frá Íslandi. Sjáið bara til. Myndin hér að ofan er af Penis með Kraga undir Rana.

Lélegir fjárfestar

Varla var blekið í síðustu færslu minni um ágæti þess að fá mosku þornað, er Fréttablaðið greindi frá því að Menningarmiðstöð Múslíma á Íslandi hefði fest kaup á húseign nærri Slökkvistöðinni í Öskjuhlíð. Húsið gengur undir nafninu Ýmishúsið, og er að mig minnir 6-kantað hús og forljótt.

Þeir sem kaupa húsið eru kallaðir fjárfestar. Tekið var fram i fréttinni, að þeir sem keyptu þetta hús hefðu ekkert með Félag múslíma á Íslandi að gera. Er það vel fyrir Félag múslíma, því þeir sem eru sagðir vera fjárfestar í þessu húsi eru wahabistar á Norðurlöndum og í Sádí Arabíu, sem sumir eiga ekki bót fyrir rassinn á sér, en miðla samt hundruðum milljóna frá samtökum í Sádí Arabíu, sem Sameinuðu Þjóðirnar telja til hryðjuverkasamtaka. Peningarnir koma frá samtökum wahabista. wahabismi er öfgastefna, sem er andsnúið mestu því frelsi og mannréttindum sem við höfum barist fyrir og fengið í Evrópu á sl. 200 árum. Wahabistar hatast út í gyðinga, samkynhneigða, kristna og menningu Vesturlanda. Ef eitthvað er, þá er wahabismi á skjön við íslensku stjórnarskrána og lög.

Í hluthafaskrá er þannig greint frá félaginu, sjálfseignarstofnuninni, á bak við kaupin á Ymishúsinu  The Islamic Endowment in Iceland: "Tilgangur félagsins er að stuðla að því að viðhalda íslömskum einkennum úr samfélagi múslima. Að auka mikilvægi og verja íslömsk einkenni múslimskra barna".En það er nú lítið brot af því sem samtökin á bak við The Islamic Endowment in Iceland standa fyrir. En hvernig ver maður einkenni múslímskra barna, spyr sá sem ekkert veit?

 

Sandra Maryam Moe ein af fjárfestunum í Öskjuhlíðinni. Al Daoudi vill ekki láta ljósmynda sig og Alshiddi heldur sig frá samskiptum við vesturlandabúa.

 

Fjárfestarnir eru: Milljónamæringurinn Sulaiman Abdullah Alshiddi  frá Sádí Arabíu, og skólastjóri Alsalams skólans í Örebro í Svíþjóð, Hussein Al Daoudi. Þriðji "milljónamæringurinn" er Maryam Moe (sögð heita Moue í íslenskum fjölmiðlum), sem býr norður í Þrumu í Noregi og stjórnar þar Alnour sentret og einni af moskum bæjarins, sem einnig er búið að dæla hundruðum milljónum króna í frá ríkum "frænda" í Sádí, sem aðhyllist wahabisma. The Islamic Endowment in Iceland þyggur fjárframlög frá stofnun í Sadí Arabíu, sem tengist مؤسسة الحرمين الخيرية,  Það er að segja Al Haramain. Samtökunum, sem eru á lista Sameinuðu Þjóðanna yfir hryðjuverkasamtök.

 Karim Askari í Öskjuhlíðinni

Líklega verða Karim Askari, atvinnulaus rafsuðumaður, og fiskvinnslumaðurinn Redouane Adam Anbari, sem sagðir eru umboðsmenn þessara samtaka, að skýra hlutina fyrir okkur, og hvernig þeir félagar tengjast samtökum sem boða wahabisma. Þið þekkið kannski ekki neinn wahabista í hverfinu hjá ykkar, en Bin Laden ólst upp í wahabisma, þegar hann var ekki að dansa diskó í Svíþjóð.

 Askari á pílagrímsför

Karim Aksari staðarhaldari í Ýmishúsi lætur hafa það eftir sér á Facebook http://www.facebook.com/karim.askari , að honum líki boðskapur klerksins Sheikh Abdul Azis Al Fozan í Sádí Arabíu  Og hvað er sá maður, sem er Wahabisti, svo þekktur fyrir. Al Fozan, sem Karim Askari á Íslandi er hrifinn af, hatar gyðinga, Ísrael, kristna og Bandaríkin. Alveg eins og ungliðarnir VG. Sjón er sögu ríkari:

 

Svona er skoðun Sheiksins sem Askari mælir með á Facebook. Hatar Karim Askari kristna íslendinga og konur eins og sheikinn í Sádí, eða var það slys að hann segist halda upp á þennan al Fozan sem elur á "jákvæðu hatrið í garð kristinna"? Rannsaka ætti dvöl hr. Askaris á Ítalíu áður en hann kom til Íslands. Maðurinn er hrifinn af öfgaklerkum sem er andsnúnir öllum almennum mannréttindum, sérstaklega kvenréttindum. Vonandi spyr einhver fjölmiðill á Íslandi Karim Askari og Reduane Anbari, hvaðan peningarnir til kaupa Ýmishússins koma."Tilgangur félagsins er að stuðla að því að viðhalda íslömskum einkennum úr samfélagi múslima. Að auka mikilvægi og verja íslömsk einkenni múslimskra barna". Á að gera það svona?????

 

Íslam-fjárfestarnir á Íslandi verða að teljast afar vafasöm viðbót við íslenskt þjóðfélag nú í kreppunni. Það sem þetta fólk stendur fyrir, undir falsyfirskriftum sem „frið" og" kærleika", er andstætt allri hefð á Íslandi. Þessi samtök á ekki að leyfa á Íslandi, enda eru SÞ búnar að bannlýsa þau.

Ég er fyrsti Íslendingurinn sem hvatti til að byggð yrði moska á Íslandi. Það var ekki moska wahabista sem mér var efst í huga, þegar ég stakk upp á því. Það sem þeir boða veldur því að líf mitt er í hættu. Fjöldi múslíma er líka á sömu skoðun. Quillian stofnunin á Bretlandseyjum varar við þessum öfgamönnum.  

Ég vona að Íslensk yfirvöld og sérstaklega skemmtikrafturinn með rauða nefið í ráðhúsinu sjái að sér, því það er ekki nóg með eina slökkvistöð til að slökkva það hatur sem wahabistar boða í heiminum.

Hér er góð grein um whabisma á norsku.

Hnappurinn á teikningunni efst er líklega frá fyrstu kynnum Íslendinga af Öfgaíslam. Hann fannst í Vestmannaeyjum.

Neðst getið þið lesið skilgreining bandarískra yfirvalda á Al Haramain í Sádí Arabíu, sem gefa fé til kaupanna á Ýmishúsinu. Ég bíst nú við því að vinstri menn á Íslandi trúi frekar á hryðjuverkyfirlýsingu Gordon Browns á hendur Íslendingum en á þetta, því allt vont kemur frá USA eins og við vitum. Það er sameiginlegur arfur wahhabista og margra vinstri manna. Íslensk yfirvöld, Ríkisstjórnin, verða nú að taka afstöðu til þeirra samtaka sem eru að hreiðra um sig í Öskjuhlíðinni, Það er engir spörfuglar í því hreiðri:

There is evidence that field offices and representatives operating throughout Africa, Asia and Europe have provided financial and logistical support to the al Qaida network and other terrorist organizations designated by the United States, and, in some cases, included on the UN 1267 Committee's consolidated list of individuals/entities subject to Security Council Sanctions. Some of these organizations include the Egyptian Islamic Jihad (EIJ), Jemaah Islamiyah, Al-Ittihad Al-Islamiya (AIAI), Lashkar E-Taibah, and HAMAS - all of which are designated terrorist organizations and all of which have received funds from AHF, its branches, or local intermediaries.

Trú friðar og umburðarlyndis skal vera velkomin

 

Ég skil ekkert í Íslendingum, sem vilja ekki mosku og mínarettur. Myndin hér að ofan er af mosku við Wagenstraat i den Haag í Hollandi. Húsið var áður eitt af samkunduhúsum gyðinga borginni. En þeir voru flestir myrtir vegna haturs og öfundar. Nú er hús gyðinganna miðstöð múslíma, en engin merki eru á lofti sem benda til þess að múslímar hljóti sömu örlög og gyðingar. Sumir múslímar hrópa nefnilega sömu slagorðin og þeir sem myrtu gyðingana. Það sá ég sjálfur í fyrsta skiptið árið 1976 í fyrrnefndri borg. Hvernig má þetta vera? Skýringin er einföld. Slagorðin eru ekki trúarbrögðin, heldur hluti af hatursbylgju, sem hefur tekið trúarbrögðin í gíslingu.

Ég er hlynntur moskum eins og öllum öðrum guðshúsum, ef þar fer ekki fram andleg og líkamleg nauðgun í gluggalausum kompum og boðun áróðurs gegn ákveðnum þjóðum, menningu og gildum annarra manna.  Þegar þjóðkirkjuprestar á Íslandi nota pontuna til hatursáróðurs gegn þjóðum, og hefur það nýlega sést á Íslandi, á að svipta þá kjól og kalli eins fljótt og þá sem halda vilja hlífðarhendi yfir barnaníðingum.

Ég stæri mig gjarnan af því að vera fyrsti Íslendingurinn , sem mælti með mosku á Íslandi. Ef þetta er rangt, upplýsið mig sem fyrst um villu mína. Nýlega hrópuðu ungliðar VG á þörfina fyrir Mosku, en krakkarnir hafa ekki sömu ástæðu og ég til að vilja fá mosku. Ég stakk upp á mosku árið 1994. Ég reit í Moggann þann 14. des 1994, bls. 44: „Það er ekki nóg að yrkja landið, fólkið verður einnig að fegra. Ég fagna þeim degi, að moska rís í Mosfellssveit eða sýnagóga á Selfossi og að bænir á Alþingi verði ekki aðeins kristnar". 

Er þessi klerkur erindreki friðar? Nei, hann býr bara í Svíþjóð.

 

Íslam sem trúarbrögð eiga að vera velkomin á Íslandi. En það er einn galli á gjöf Njarðar. Við vitum að Íslam á við mikil vandamál að stríða. Það er hatur í garð annarra trúarbragða og virðingarleysi, sem margir fylgjendur trúarbragðanna aðhyllast. Það er að bera í bakkafullan lækinn fyrir múslíma að neita því. Gjörvallur heimur múslíma, með örfáum undantekningum, hatast út í gyðinga, gyðingdóm og ríki gyðinga, Ísraelsríki. Kristnir og önnur trúarbrögð verða einnig fyrir barðinu. Hvernig má þetta vera? Ef það eru ekki gyðingar, þá eru það samkynhneigðir sem fá lexíuna, eða Bandaríkjamenn, eða Danir.

Morgunblaðið bannaði Loft Altice Þorsteinsson vegna orðbragðs um samkynhneigða. Þessi múfti hefur enn ekki verið bannaður í fjölmiðlum í múslímskum löndum.

 

Hvað boðar þessi egypski klerkur, VG-stefnu eða Íslam?

 

Ef moskan er notuð til að boða hatur, dauða, vanvirðingu, þjóðrembu og imperíalisma, þá get ég aldrei stutt byggingu mosku á Íslandi.

Nei, allt þetta hatur, sem ég læt fylgja nokkur dæmi um,  er fyrst og fremst vegna þekkingarleysis og menntunarskorts. Þegar ungliðar VG heimta mosku í Reykjavík er mér ekkert brugðið. Þeir eru fullir af þekkingarleysi, afneitun og falsi. Þeir vilja ekki leyfa byggingu mosku fyrir sömu sakir og ég. Þeim er skítsama um trúarbrögð.  Þau gefa skít í Múhameð og Allah. Ungliðarnir í VG eru nefnilega flestir trúleysingar. En vegna haturs eiga þau samleið með öfgamönnum innan Íslams. Þeir eiga sameiginlega óvini og hatast út í Ísrael og BNA - af þekkingarleysi.  Áhugi VG á moskum er því ekki hreinn. Hann byggist frekar á hatri en á trúnni á Guð eða Allah.

 

Þessi klerkur er viss um að Jehúd séu á bak við alla hans eymd

 

Ég vona ekki að moskan sem múslímar reisa fyrir fé sitt á Íslandi verði notuð til að boða hatur og dauða. Ég leyfi ég mér að ráðleggja íslenskum múslímum að halda sig langt frá ungliðum VG, og fólki sem lýsir frati á trúarþörf annarra og sem telur vantrú sína ofar öllum öðrum mannlegum eiginleikum.

Ég læt ég fylgja nokkur dæmi um hvers konar hatur ég meina, því vandamálið er stórt og svo mikið að oft er erfitt að sjá hvað er Íslam friðarins, og hvað er hatur.

Þessir prestar á Gaza virðast hafa einhver sambönd í hatrinu á Íslandi. Að minnsta kosti er nú víst að Eyjafjallajökli er stjórnað af Allah og dyntum hans. Er þetta Íslam eða fávisku, sem þessi menn þjóna?

Julian aftur grunaður um nauðgun

Eitthvað sjá þeir nú rotið í andfætlingnum og lekameistaranum Julian Assange í Svíþjóð, því nú er aftur hafin rannsókn á meintri nauðgun sem hann á að hafa framið þar í landi. Nýlega var ásökunum um slíkt reyndar vísað frá. Sjá Frétt Dagens Nyheter .

Hvað ætli skeggjuð talskona Assange frá Íslandi segi um konurnar sem ásaka Julian Assange? Er minni ástæða til að taka þær trúarlegar en konurnar sem Ólafur biskup réðst á? Julian þessi er kannski svipuð "týpa" og Ólafur biskup?

Mig minnir að ein íslensk þingkona hafi borið Assange vel söguna, en kannski hefur hann barasta ekki þorað að vera með neinn perrahátt við kvenskörungana á Íslandi.

Nú verður þetta allt rannsakað og kannski lekið á Wikileaks. Eigum við ekki heimtingu á því, lítilfjörlegur almenningurinn, sem ekki hefur umgengist andans menn eins og Ólaf biskup og Julian Wikuleka.

Komum og skoðum í kistuna hans Fischers

Hinn filippseyski lögfræðingur, sem segist gæta hagsmuna Jinky Young, hefur fullan rétt á því að draga atburði  tengda sýnatöku úr gröf Bobby Fischers í vafa.

Gengið hefur verið svo klaufalega frá málinu, að það virðist auðvelt að gera lögmætar athugasemdir við framkvæmd sýnatökunnar úr gröf Fischers.

Exhumation, er þekkt aðferð yfirvalda um allan heim til að ná sýnum eða sönnunargögnum. Eins og orðið ber með sér, er um að ræða aðgerð þar sem líkið og kistan eru grafin upp úr gröfinni og færð til rannsóknar í viðeigandi umhverfi. Á Íslandi fara menn hins vegar að nóttu til, lyfta loki kistunnar og taka sýni úr líkinu in situ. Annars staðar er aðferðin þessi. En eins og allir vita, þá er Ísland alltaf með undanþágu. Íslendingar gera allt öðruvísi enn allir aðrir.

Þegar Þórður Bogason, lögmaður Jinky Young, tala um exhumation á líki Fischers, held ég að enskukunnáttan bregðist honum. Það sem fór fram í kirkjugarðinum að Laugardælum snemma morguns þann 5. júlí 2010 var ekki exhumation, heldur bölvað krukk.

Það er sárbroslegt til þess að hugsa, að miklu almannafé er eytt í þetta mál og það að óþörfu, fyrir afglöp manns, sem ekki greiddi skatta á Íslandi, meðan hann var hér ríkisborgari.

Eftir stendur að Fischer giftist aldrei japanskri konu! Þó að því sé haldið fram að menn hafi orðið vitni að brúðkaupi hans og Watai árið 2004, töluðu sömu aðilar og sögðust verða vitni að brúðkaupi hans um Watai sem unnustu hans árið 2005.

Ég var þegar í janúar árið 2008 búinn að greina frá því hvernig meint brúkaup Fishcers og Watai árið 2004 stangaðist á við það að nánustu vinir Fischers og hann sjálfur töluðu um Watai sem unnustu hans árið 2005.

Það verður gaman að fylgjast með því hvernig Árni lögmaður Vilhjálmsson ætlar sér að sanna hvernig Watai giftist Robert J. Fischer árið 2004, þegar hún var enn unnusta Fischers árið 2005. Vonandi þarf Árni ekki að stunda líkkrukk til að sýna fram á það.

Eftir stendur, að ef lífsýnin úr gröf Fischers innihalda DNA, sem sannar að Targ-bræður séu blóðskyldir honum, Þá eru Targ-bræður einir réttmætir erfingjar hans. En aðeins ef DNA samanburðurinn við Jinky er áreiðanlegur. Það kemur í ljós ef óháðir aðilar rannsaka DNA Fischers og bera það saman við Targ bræður og lífsýni úr Jinky Young. Óháðir aðilar voru greinilega ekki til staðar við líkkrukkið 5. júlí 2005. 

Verðum við sömuleiðis að vona, að sérfræðingarnir á Íslandi hafi ekki verið að greina DNA úr regnormi úr Ölfussi.

Sjáið athugasemdir mínar á vef New York Times hér og hér.

En hernig væri nú að gera vel við Jinky eins og hér er stungið upp á?

Söfnum í sjóð handa Jinky Young, fórnarlambi Fischer-æðisins

Fischer sagði sjálfur, að Jinky Young væri dóttir sín. Á ekki að virða ummæli kóngsins í stað þess að þjónka við gráðuga kerlingu í Tokyo? Annars ætti íslenska ríkið að gera kröfu í búið eftir Fischer. Því hvenær greiddi Fischer skatt á Íslandi?

Kæru Íslendingar, þið gátuð hjálpað snarrugluðum gyðingahatara, en þið eru til í að láta barn á Filippseyjum, sem stóð í þeirri meiningu að hún væri dóttir Fischers og sem Fischer kallaði dóttur sína, líða skort.

Ég legg til að safnað verði fé handa Jinky. Sýnið nú myndarskap! Þið hjálpuðuð Fischer til Íslands. Virðið nú vilja hans. Hann talaði um barnið sem dóttur sína, og þótt föðurlegar kenndir væru ekki miklar síðast þegar hún var á Íslandi og hann lét hana og móður hennar búa á gistiheimili, þá talaði Fischer um barnið sitt.

Getur ekki einhver góður skákmaður á Íslandi hafið slíka söfnun í sjóð fyrir Jinky Young, sem hún getur notið góðs af fyrir menntun og þegar hún verður fullveðja. Ljúkið sögu Fischers á Íslandi með sæmd. Þið fórnið ekki Jinky, þó hún sé peð?

Einhverjir þessarra riddara og hróka geta svo sannarlega hjálpað Jinky!

Ólafur biskup hinn graði - enn ein ferðin

Enn eru heimildir að berast um gífurlega kynlífsfíkn Ólafs heitins Skúlasonar biskups Íslands og þjóðkirkjuprests. Fjölmiðlar sleikja út um. Netmiðillinn Eyjan hefur bókstaflega fengið fullnægingu.  Skríllinn mettast og trúleysingjarnir fá sannanir fyrir máli sínu. Maður furðar sig á þessari nýju umferð. Fara menn næst og dansa á gröf biskups eða grafa upp gjörninga Ólafs í Dakota? Fíkn Ólafs virðist muni geta fullnægt þörfum ýmissa manna í langan tíma. Ég ætla að láta mér nægja þennan pistil.

Nú síðast kom safarík saga frá fyrrverandi organista og talmeinafræðingi, sem segist hafa veitt biskupi andlegan stuðning og meðferð þegar ásakanirnar um "kvennamál" (svo notað sé orð organistans) hans brutust upp á yfirborðið. Átti biskup við talmein að stríða? Eða hafði organistinn reynslu af meðferð á prestum og biskupum? Ekki kemur fram í Samtíðarmönnum, að organistinn hafi stundað sálusorgarstarfsemi.

Hvað í samvisku talmeinafræðingsins gerði, að hann þagaði yfir því að hann hafði komið að Ólafi ofan á ungri konu á stuttum brúnum kjól á árunum 1972-77 verður hann líklega mest að eiga við sjálfan sig. Merkilegt að hann man svona vel eftir vinstri fæti síra Ólafs.

Eftir stendur að trúarbrögð eru auðveldasta leiðin til að misnota veikleika annarra. Trúarbrögð og hatur. Verið sterk í trúnni, sama hver hún er, en trúið fyrst og fremst á dómgreind sjálfra ykkar. Hún kemur í veg fyrir að graðir karlar noti Guðs nafn til að fá lausn sinna áhuga- og vandamála.

Það er dómgreindarleysi, eða talmein, hjá organistanum, Birgi Ás, að hafa ekki sagt strax frá því sem hann sá. Þá hefði Ólafur Skúlason ef til vill aldrei orðið sá smánarblettur á kirkjunni, sem virðist ætla að fylgja henni nokkuð lengi. Þögnin og frænka hennar þöggunin eru líka syndir.

The Holy Mackerel

Makríllinn er tvímælalaust gjöf Guðs til Íslendinga. Þessi mynd er af Kára Stefánssyni á yngri árum, þegar hann uppgötvaði þennan danska makríl í DDR í sumarbúðum barna fatlaðra kommúnistaleiðtoga frá Norðurlöndunum. Makríllinn varð besti vinur Kára í búðunum.

Eins og trúaðir og auðtrúa menn vita, hefur það tíðkast að Guðir sendi hrjáðum þjóðum gjafir af himnum, eða úr sjó.

Eins og flestir muna úr biblíusögunum, féll manna af himnum og mettaði fjöldann.  Þetta gerðist þar sem þurrt er og heitt, enda mun manna vera einhvers konar guðleg kornvara, eins og stór flasa úr gráu hári Drottins. Í löndum þar sem rignir og er kalt, fyllir guð vötnin hins vegar af fiski.  

Manna kom ekki til greina á Íslandi vegna nýlegs öskufalls (sem er verk djöfulsins og greiði hans við spillingaröflin og jarðfræðingana, sérstaklega bróður Seðlabankastjórans).

Makríllinn, Scomber scombrus, er hjálp guðanna til íslensku þjóðarinnar, því  þeir hafa hlustað á forsetann, AFS og fyndna þorskinn í ráðhúsinu í Reykjavík. Eitthvað þarf fólk að borða með 15.000 krónunum, sem gefnir voru ómögum Reykjavíkur meðan allir fara í sumarfrí. Svo er makríllinn líka orðinn þreyttur á því að vera  talinn norskur.

Allur makríllinn í ESB og Noregur hefur nú flutt búferlum til Íslands, enda hvergi betra að vera veiddur í gjörvallri veröld.

Meira get ég ekki kreist úr þessari andlegu makríltúbu minni. Njótið bara gjafa Guðs, eins lengi og þær verða veittar.