Vinur minn er gyðingahatari

... og hann telur að Helförin sé tómt svindl og gyðingar séu versta og hættulegasta fólk í heimi.

Nei, lesendur góðir, þannig fólk telst vitaskuld ekki til vina minna. Slíka vini á hins vegar maður sem sagður er vera talsmaður Menningarseturs Múslíma á Íslandi, sem eru skráð trúarsamtök á Íslandi, sem nýlega hafa keypt hús undir menningarmiðstöð sína og trúariðkanir fyrir fé frá erlendum fjárfestum. Menningarsetur Múslíma er stundum kallað Menningarmiðstöð Múslíma.

Ég greindi nýverið í færslu frá þeim sem standa á bak við kaupin á Ýmishúsinu í Öskjuhlíð og tengslum þeirra við öfgasamtök í Sádi Arabíu. Slík samtök eru að mínu mati hundrað sinnum hættulegri en einfætti hnefaleikamaðurinn sem setti allt á annan endann í Danmörku hér um daginn.

Karim Askari, sem kynntur hefur verið til sögunnar sem talsmaður þeirra fjárfesta, sem setja fjármagn í menningarsetrið í Ýmishúsinu, greinir á Facebook-síðu sinni hvaða boðskap honum líkar. Honum líkar t.d. við marokkanska öfgamanninn Abdessalem Yassine, sem hatast út í gyðinga í ritum sínum og yfirlýsingum og her helfararafneitari. Sjá t.d. þessa grein:  Spurningin sem vaknar, er hvort Askari og aðrir í Menningarmiðstöð Múslíma á Íslandi hati gyðinga eins mikið og Yassine? Ef svo er, höfum við vandamál á Íslandi. Ef trú sú sem menningarmiðstöð múslíma á Íslandi ætlar að boða er gegnsýrð af gyðingahatri, verður að fara fram á að þetta menningarsetur við rætur Öskjuhlíðar verði undir eftirliti yfirvalda sem komi í veg fyrir að öfgar, hatur og mannréttindabrot verði framin í nafni trúarbragða á Íslandi.

Af fésbók Karims Askaris á Íslandi en honum líkar líka við 50 tommu flatsjá

 

Abdessalem Yassine hefur m.a. sagt:  The Jews are the enemy incarnate. They are intimately linked to many of the evils of the world from Morocco, to Palestine, to Western imperialism. The Jew personifies and exemplifies the very psychology of modern man, who bears responsibility for the abject state of the world and the Muslims.

 

Hatursklerkurinn sem er vinsæll hjá talsmanni Menningarseturs Múslíma á Íslandi. Hvaða menningu erum við að fá í Öskjuhlíðina?

 

Við höfum nýverið orðið vitni að því að fólk fer hamförum yfir biskupum og prestum, bæði lúterskum og kaþólskum, sem ekki skildu að þeir höfðu ekki heilagan rétt til að leggjast á eða ganga í skrokk á ungviðinu. En hvar eru siðapostularnir og trukkafemínistarnir, sem vart geta haldið vatni yfir ógeðslegheitum trúarbragða og sem segja sig úr kirkjunni og affermast vegna viðbjóðs, nú, þegar í ljós kemur að talsmaður nýrra eingyðistrúarbragða á Íslandi aðhyllast trúarleiðtoga sem eru annálaðir fyrir gyðingahatur og önnur mannréttindabrot?  Hvar er viðbjóður ykkar, betri flokkur sannheilagra á Íslandi, þegar ljóst er orðið að talsmaður nýrra samtaka múslíma á Íslandi aðhyllist lærdóm öfgapresta sem spúa eldi og brennisteini, svo ekki sé talað um gyðingahatri og hatri á menningargildum Vesturlanda?  Hvar eruð þið, þegar slíkt svínarí kemur í ljós, þið háheilögu siðvandarar hins stýfða vinstri vængs? Stafar þögn ykkar af því að þið eru samreiðarmenn öfgaíslams? Það held ég nefnilega.

Ætla íslensk stjórnvöld að sitja og láta það afskiptalaust, að umboðsmenn öfgasamtaka og menn sem aðhyllast kenningar kynþáttahatara komi að stofnun trúarmiðstöðva Íslandi? Er það meira við hæfi en prestar sem nauðga í skjóli þjóðkirkjunnar inni í kompu eða á bak við stól Páfans í Róm? Hvað segir háttvirt Dómsmála- og mannréttindaráðuneytið ?

Ég spyr hér með Ögmund Jónasson mannréttindaráðherra, sem fær afrit af færslu þessari í nýja ráðuneytið sitt kennt við mannréttindi. Ætlar Ögmundur að skjóta skollaeyrum við starfssemi öfgasamtaka á Íslandi og láta það viðgangast, að talsmaður skráðra trúarbragða á Íslandi mæli með öfgaprestum eins og þeim sem ég greindi frá hér eða honum Abdessalem Yassine? Telur mannréttindaráðherra, að það séu mannréttindi að hatast út í gyðinga og gera lítið úr réttindum kvenna? Hvað segir ráðherrann? Hann er verndari mannréttinda. Hann verður að segja eitthvað og getur ekki beðið með það þangað til að hann er kominn í ESB draumlandið með meðreiðarsveinum sínum í ríkisstjórninni, því þar taka menn ekki á hlutunum með þögninni.

Athugasemdir

[Jon (IP-tala skráð) 18.9.2010 kl. 08:44]

Sæll.

Gott hjá þér að vekja athygli á þessu máli. Íslam er orðið mikið vandamál í Evrópu og vegna fjölda múslima þar hafa þeir orðið veruleg ítök í stjórnmálum þar. Bókin "Íslamistar og naívistar" er afar þörf lesning hverjum þeim sem vill vita hvað hann talar um þegar kemur að málefnum múslima í Evrópu. Mark Gabriel hefur einnig skrifað góðar bækur um Íslam enda fyrrum múslimi. Fólk ætti að lesa sér til um þetta mikilvæga málefni enda fengu vinir okkar Danir að reyna það á eigin skinni að skoðanafrelsi og Íslam fara illa saman.

Ég tel raunar að fyrir því megi færa ýmis rök að flokka beri Íslam sem pólitísk haturssamtök en ekki trúarbrögð.

Ef ég tæki mig nú til og stofnaði trúarbrögð sem tilbiðja guðinn Gos og meðal kennisetninga þar er að leyfilegt sé að drepa þá sem ekki lúta Gos, konur eigi að sitja og standa eins og mér finnst, ekki megi gagnrýna Gos, eina örugga leiðin inn í paradís Gos sé að drepa vantrúaða, höggva skuli hendur af þeim sem stela, þeir sem leyfa sér að halda framhjá skuli drepnir, skylda sé meðal fylgjenda Gos að fara í heilagt stríð telji trúarrit okkar (sem voru "opinberuð" mér) að einhverjir séu að móðga okkur, karlar megi giftast nokkrum konum, ef fylgjendur deyja í heilögu stríði gegn vantrúuðum komist þeir í paradís og geti notið samvista margra (70) hreinna meyja.

Einhverjum finnst þetta kannski barnalegt en hliðstæðurnar eru sláandi eigi að síður.

Í súru 4:89 er múslimum sagt að drepa þá sem hafna íslam. Einnig sjá allir sem vilja að vestræn gildi og Íslam fara ekki saman.

Heldur einhver að það sé tilviljun, slys, óhapp eða vegna illgirni vesturlanda að staða mannréttinda, vísinda og lista er ekki upp á marga fiska í íslömskum ríkjum?

Stefna íslam er að ráða öllum heiminum, í íslam kemur það skýrt fram að eina raunverulega valdið kemur frá Allah (súra 5:44) og þess vegna eru trúarbrögð og stjórnmál tvær hliðar á sama pening í íslam.

Fáfræði fólks og vanþekking á þeirri hættu sem nú steðjar að vesturlöndum er sorgleg.

Fæstir kannast við Al-Qaeda Al-Faquhia úr íslömskum lögum: "Hver sá neitar sannleika íslam er vantrúaður". Um leið og menn eru orðnir vantrúaðir er búið að gefa veiðileyfi á þá.

Ég hefði viljað að Palestínumennirnir sem tekið var við nýlega uppi á Akranesi væru kristnir en ekki múslimar, múslimar sjá ekkert athugavert við að drepna fólk úr öðrum trúarhópum (slíkt gerist í múslimskum ríkjum þó það rati ekki í íslenska fjölmiðla) og því hefði verið betra að fá hingað kristna Palestínumenn og þeim meiri greiði gerður en íslömskum Palestínumönnum. 

Það var gott hjá þér að benda Ögmundi á þetta en hann mun hvorki hreyfa legg né lið vegna þessa máls, því miður.

[Pétur Björgvin, 18.9.2010 kl. 08:45]

Þakka þér fyrir þennan ágætis pistil um þetta vandasama málefni. Hættan er jú sú að við pössum okkur ekki og föllum í þessa sömu hatursgryfju í umræðu okkar um trúarbrögð annarra. Því þykir mér virðingarvert hjá þér að þú dregur líka fram ýmislegt jákvætt um íslam í ýmsum pistlum þínum, þó svo að þú veljir að gera það ekki í þessari færslu. Sú spurning sem vakir fyrir mér er líka sú hvernig okkur sem þjóðfélagi sé kleift að fræða einstaklingana um trúarbrögð og mannréttindi. Ég er hræddur um að við losnum aldrei við öfgafólk, það er til staðar í öllum trúarhópum að einhverju marki. En það sem við hljótum að geta gert er að takmarka áhrif þeirra með fræðslu til almennings. Eða hvað þykir þér?

[Hólímólí (IP-tala skráð) 18.9.2010 kl. 08:50]

Ein furðulegasta mótsögnin sem ég hef upplifað á þessu ári er að Vantrú, sem hefur á stefnuskrá sinni að vera á móti skipulögðum trúarbrögðum og boðun hindurvitna ... og er væntanlega á móti hatursáróðri þótt það komi ekki beint fram í stefnuskrá þeirra ... er ekki á móti því að hér rísi eins margar íslamskar "menningarmiðstöðvar" og menn vilja byggja.

Ég benti þeim á mótsögnina í þessu hjá þeim en fékk á móti þá skýringu að þeir bæru svo mikla ást til trúfrelsis að þeir vildu ekki vera á móti neinum bænahúsum.

[Linda, 18.9.2010 kl. 11:02]

“The wisest mind has something yet to learn.”Geror Santayana". Húmanisti.

Þessi orð er merk og eiga vel við þegar fólk gerir sér ekki grein fyrir muninum á Íslam og Wahabisama sem stýrir Sharía sem og Hatdiðs sem hægt er að fá = Öfgar og mannhatur.

bk.

[Linda, 18.9.2010 kl. 11:04]

Afsakið þetta átti vitanlega að vera George Santayana.

[enok (IP-tala skráð) 18.9.2010 kl. 17:42]

http://www.journeyman.tv/?lid=9035

[Guðmundur St Ragnarsson, 19.9.2010 kl. 01:31]

Það er ekkert nýtt að það sé mótsögn í Vantrú Hólímólí. Þeir segjast vera á móti hindurvitnum og allri trú en eru í raun nánast eingöngu í herferð gegn kristni. Ef þessi menningarmiðstöð múslima er forystuð af mönnum sem líta upp til klerka sem eru með andgyðinglegan áróður er ekki hægt að líða það. Hitt er að andgyðinglegur áróður er stundaður nánast daglega á íslensku bloggi af vinstrimönnum án þess að nokkrar ath.semdir séu gerðar hjá stjórn Moggabloggins. Rasismi er ekki bara að vera á móti dökku fólki. Hræsni og ekkert annað.

[Hólímólí (IP-tala skráð) 19.9.2010 kl. 03:44]

Já, það er ótrúlegt hvernig þeir haga sér þeir sem skrifa fyrir hönd Vantrúar hér á blogginu. Svo segjast þeir líka styðja mál-, tjáninga- og skoðunarfrelsi, en eyða svo út athugasemdum, hrakyrða og loka á þá sem eru ekki á sama máli og þeir.

Kristinn Theódórsson lokaði á mig fyrir að vera sér ósammála en heldur svo áfram að smána mig og ljúga upp á mig á bloggi sínu þótt ég geti ekki vegna lokunar hans svarað fyrir mig. Í gær laug hann á bloggi sínu blákalt upp á mig að ég væri að skrifa níð um hann. Þannig reynir hann að spreða um mig ósannindum til að fá fólk á sitt band. Ótrúleg framkoma sem á ekki að líðast.

[Vilhjálmur Örn Vilhjálmsson, 26.9.2010 kl. 05:17]

Ég þakka öllum fyrir góðar athugasemdir. Ég hef því miður verið nokkuð upptekinn með annað en blogg upp á síðkastið.

Ég hef sent Ögmundi Jónassyni erindi varðandi þetta mál, og beðið ráðuneyti hans að staðfesta móttöku bréfs míns. Það hefur mannréttindaráðuneytið enn ekki gert, þrátt fyrir ítrekun.

Bréfið hljóðar svo:

Virðulegi ráðherra,

Ég fagna því að komið er mannréttindaráðuneyti á Íslandi og ætla mér að notafæra mér það sem íslenskur þegn, nú þegar mér þykir brýn ástæða til.

Ég hef sett fram spurningu til þín á opinberum vettvangi og óska eftir svörum. Spurningin er sett fram hér: http://www.postdoc.blog.is/blog/postdoc/entry/1096397/
Þú finnur hana neðst í færslu minni á bloggi mínu eftir röksemdafærslu mína.

Þú getur annað hvort svarað á bloggsíðu minni, eða með tölvubréfi

Virðingarfyllst,

Dr. Vilhjálmur Örn Vilhjálmsson

[Agnes Ó. (IP-tala skráð) 26.9.2010 kl. 10:25]

Sæll Vilhjálmur,

Langar bara að benda á eitt. Þeir sem keyptu Ýmis-húsið og vilja nota það sem Menningarmiðstöð Múslima á Íslandi eru frá Sádi Arabíu. Félag Múslima á Íslandi á að vissu eftir að njóta góðs af, ef þetta setur verður opnað - en það er varla hægt að tala um þá sem sama manninn. Hverning væri frekar að einblína á þá múslima sem búa á Íslandi í sátt og samlyndi við aðra Íslendinga? Þessir menn sem keyptu húsið í Öskjuhlíðinni búa ekki á landinu (að best ég veit. Biðst afsökunar ef það er rangt með farið).