Góður, betri, bestur

 

15.000 krónur og 5000 á barn. Falleg hugsun á bak við þetta! En það eru víst ýmsir á "framfæri" Reykjavíkur sem fá enn meira, og þurfa akkúrat ekkert á því að halda.

Ef ekki hefðu verið sendar stórar upphæðir frá Íslandi til yfirvalda öfgasamtaka í Palestínu, hefðu kannski verið til enn meiri peningar til að hjálpa Íslendingum með slagsíðu.

Rétti þeir upp krepptan hnefann, sem vita fyrir hverja Þorleifur góði, betri borgarinn Björg Vilhelmsdóttir og Gnarr hinn besti brenna mest ? Ef peningar til Gaza yrðu notaðir á Íslandi myndu ekki einu sinni Sjálfstæðismenn sitja hjá, þegar ölmusa er gefin þeim fátæklingum sem þurfa horfa upp á allan sirkusinn, trúðinn og besta fólkið, í ofanálag á allan sinn vanda.

Samþykkt að veita 15.000 kr. sumarstyrk

Lífsýni úr Fischer

Ég er löngu búinn að missa áhugann á Fischer, eftir að hann fór til hel...s um Ölfuss. Svo frétti ég í dag, að hann hafi verið grafinn upp eins og einhverjar fornleifar, svo hægt væri að sanna að hann væri ekki pabbi hennar Jinky litlu Ong.

Allir sem geta séð og vilja sjá, sjá að barnið er ekki líkt karlinum. Það hefur aldrei tekið æði, er ekki með skegg og er ekki enn búið að afneita því að það sé Flippi, afsakið Filipseyingur 

Ég átti reyndar lífsýni úr Fischer. Viktor Kortsnoi gaf mér eitt sinn lífsýni úr Fischer. Það var hráka sem Fischer setti á frímerki, sem sett var á póstkort sem Fischer sendi Kortsnoi með skilaboðunum "I am the best, you fucking Jew". Sjá mynd. Frímerkið var rannsakað hér í Danmörku og í ljós kom að það var sleikt af  50% gyðingi og 50% skyri. Nú fáum við brátt vissu fyrir því, hvort Fischer hafi verið Jew, sem ég tel nokkuð víst, en líka hvort hann hafi yfirleitt verið "fucking".

Samhengi hlutanna

 

Vondu Zíonistunum í Ísrael varð það á að drepa svokallaða "aðgerðasinna" á ferjum friðarins, sem sendar voru frá hinu friðelskandi ríki Ataturks til að veita íbúum og hryðjuverkasamtökunum á Gaza aðstoð í baráttunni við eina lýðræðisríkið við botn Miðjarðarhafs. Tilgangur ferðarinnar var, að sögn öfgafyllstu farþeganna, einnig að gerast píslarvættir. Hvar er betra að verða það en undan ströndum Ísraels, ríkis, sem bræður í öfgunum vilja afmá af landakortinu? Vestrænir gyðingahatarar (les vinstri menn), sem flestir eiga glæsta fortíð í taumlausri aðdáun á stjórnmálastefnu, sem á flest mannslíf á samviskunni á síðari tímum, fylgdu með til að þjónusta og bera vitni.  

Vegna blindu, og mestmegnis siðblindu, fjölmiðla og ofsa sjálfskipaðra vaktmanna friðar og frelsis, heyrðum við nær eingöngu fréttir um þessi tyrknesku skip og þá 10 "aðgerðasinna", sem Ísraelsher felldi m.a. vegna þess að hermenn Ísrael máttu fótum sínum fjör að launa.  

Í íslenskum fjölmiðlum heyrðum við eða lásum ekki neitt, eða afar takmarkað um þá 2254 einstaklinga, sem urðu fórnarlömb Öfgaíslams í maímánuði 2010. Lítið fór fyrir fréttum af þeim 1768 sem misstu lífið í apríl, þeim 2536 sem misstu lífið í mars, þeim 1556 manna sem drepnar voru í febrúar eða af þeim 2166 sem drepnar voru í janúar, í allt 10.280 manns, sem Öfgaíslam felldi í bræði sinni og ofsa á fyrri hluta árs 2010.  Geri aðrir  betur. Ekki fór mikið fyrir friði í heimi öfgaíslams, og hví ætti maður að trúa því, að mikill friður hafi verið um borð á "friðarfleyinu" Marmaris.

Útgerðarmaðurinn Erdogan á Tyrklandi, sem gerir út á friðarveiðar án kvóta er mikill maður. Nokkrum dögum áður en Ísraelsríki var bölvað og ragnað og nær útlægt gert úr heimi hér fyrir að verja strendur sínar, fangelsuðu Tyrkir (Friðarpostulinn Erdogan og Co.) 340 kúrdísk börn fyrir að taka þátt í "and-tyrkneskum" mótmælahöldum. Börnin voru dæmd í 5 ára fangelsi eftir þeim lögum sem gilda á Tyrklandi um and-tyrknesk athæfi. Í maí 2010 voru 73 drepnir í átökum milli tyrkneska hersins og kúrdískra andspyrnumanna og aðgerðarsinna. Síðan 1985 hafa 40-50.000 Kúrda verið myrtar af tyrkneskum herjum í baráttu sinni fyrir frjálst Kúrdistan. Írakar, Sýrlendingar og Tyrkir hafa framið skipulögð fjöldamorð á Kúrdum. Erdógan, sem vill yfirlýst gera Tyrkland að stórveldi í Miðausturlöndum, sendir friðarskip til Ísrael á meðan hann níðist á börnum. ESB horfir á hann í biðstofu sambandsins, jafnvel með meiri forundran en á Össur stórborgara Skarphéðinsson.

Í maí 2010 voru 432 manns myrt í Darfur. Þann 7. júní bárust fréttir af því að 600 manns hefðu verið drepin í Súdan, þótt aðeins hefði verið hægt að staðfesta 491 þessara drápa. En engin staðfesting barst til Íslands. Ekki var greint frá þessum drápum öfga-og útþensluíslams í vinaútvarpi Hamas, RÚV.

Gleymum heldur ekki öllum drápunum sem öfgaíslamskir hryðjuverkamenn stunda í Afganistan og í Írak. Íslendingar heyra um sum þeirra, en láta það eins og vind um eyrun þjóta. Sumir gerast svo djarfir að heimta heri Vesturlandaþjóða heim og afsökun frá Halldóri Ásgrímssyni og Davíð Oddsyni.

Ekki fá Íslendingar mikið að vita um baráttu aðgerðasinna og frelsisafla í Íran, sem barin eru niður með hrammi öfgaíslams og frelsishetjurnar eru hengdar á torgum úti án þess að Bogi Ágústsson gráni við tilhugsunina um það.

28 . maí 2010  voru meira en 100 meðlimir Achmedi-greinar Íslams í Pakistan drepnir. Það heyrðist varla um þessi dráp fyrir látunum gegn Ísrael. Gyðingar eru líka minnihlutahópur í hafi öfgafyllstu trúarbragða jarðarinnar um þessar mundir. Sama dag í maí slátruðu maóistar (eru þeir enn til??) meira en 100 manns í lest á Indlandi. Ég man ekki eftir því að hafa lesið um það í íslenskum fréttum eða heyrt. Er sía á internetinu á íslenskum fjölmiðlum, sem gerir það að verkum að Ísrael er eina ríkið sem menn nenna að þjösnast á, eða eru alls staða svona lítilsigldir sumarstrákar eins og á RÚV.

Þann 7. júní 2010 greindu mannréttindasamtök í Jemen frá því að 55 manns, og þar af mest óbreyttir borgarar, hefðu verið myrtir af Bandarískum herafla þar í landi.

Í maímánuði árið 2010 voru minnst 764 manns drepin í Pakistan, bæði hermenn, óbreyttir borgarar og hryðjuverkamenn. Þar ríkir líka vargöld. Veldur það vilhöllum fjölmiðlun og riddurum réttlætis og rétttrúnaðar á Vesturlöndum áhyggjum á sama hátt og "krabbameinið" eins og sumir íslenskir bloggarar kalla Ísrael? Nei, ekki aldeilis, þeir sofa bara ágætlega í sjálfumgleði sinni yfir því að vera síðustu daga heilagir.

Er þörf fyrir frekari tölfræði? Er ekki ljóst, að einhverjir hafa misst allt í senn; sjónina, heyrnina og eiginleikan til rökhugsunar, já jafnvel vitið? Eru menn í samhengi, þegar þeir fara hamförum út af 10 drápum á mönnum sem höfðu afar ógöfugar ástæður til að hjálpa bræðrum á Gaza, meðan 2254 manna voru drepnar, og það aðeins í maí vegna þeirrar öfgatrúar sem fær fljótandi friðarsinna til að eltast við píslavættisdauða?

Eru menn ekki staurblindir, þegar þeir telja það eðlilegt, að friðarfloti sé sendur frá landi þar sem börn eru dæmd í fimm ára fangelsi vegna þess að þau tilheyra minnihlutahóp sem vill sjálfstæði?

Þessi grein var unnin upp úr grein í The Mideast Forum eftir dr. Yohai Sela, og er tileinkuð fréttamönnum RÚV, sem eru einstaklega illa upplýstir, eða bara sjúklega fordómafullir.

Að lokum: Söngur salamistanna!, því öll þráum við friðinn - aðferðirnar til að hlotnast hann eru bara mismunandi...

Iceland #1 comic relief personality goes bananas

Infamous Icelandic comic guy, Ingi Jensson, went bananas after he had to shut down his "secret" RED ink machine.

Mr. Ingi Jensson published a blood- gushing Menorah, a very unusual version of this old Jewish religious symbol, on his Icelandic blog. His cartoon was of such bad taste, that the guardians of http://www.blog.is/ asked him to remove his bloody creation, because it violates the Icelandic penal code. Jensson the cartoonist seems to be having a hard time accepting that.  

Jensson was hoping that the entire Jewish world would go meshugana like the Muslim world went bazookas after his colleague in Denmark depicted good old Mohammed.

Probably the world has gone tired of cartoonists hunting for cheap sensations.

Þjóðkirkjan á afvegum

 

Á vefnum tru.is sem haldið er úti af Þjóðkirkjunni, sýna nokkrir íslenskir prestar að þeir taka afgerandi pólitíska afstöðu, og það afar neikvæða gegn Ísraelsríki, og greinilega án haldbærra raka. Steinunn Arnþrúður Björnsdóttir prestur og Samfylkingarmeðlimur skrifaði nýlega grein um litlu börnin á Gaza.  Langar mig að biðja hana og aðra lesendur mína að skoða myndbandi hér fyrir ofan með opnum hug. Það lýsir mjög vel því hvernig komið er fyrir börnum á Gaza.  Steinunn Arnþrúður spyr sig, hvort drengur sem hún birtir mynd af sér með sé enn á lífi. Arnþrúður, hvernig væri að ganga úr skugga um það, í stað þess að misnota hann í færslu sem er ætlað að sverta Ísraelsríki, og ekkert annað?

Séra Steinunn með dreng sem hún leitar ekki að

 

Þorgeir Arason, prestlingur austur á landi, hefur villst í þokunni þar eystra. Hann er að kenna hvaða skilning menn leggja í hugtakið „Guðs útvalda þjóð", án þess að hann geri sér grein fyrir því hvað það hugtak þýðir í trú og guðfræði gyðinga. Þorgeir vill ekki heyra rök og fjarlægir athugasemdir sem honum henta ekki.  Þorgeir ungprestur skrifar: „Ljóst er að farþegar í skipalestinni [til Gaza] hafi ekki brugðist friðsamlega við truflun Ísraelsmanna, en eftir stendur sá ásetningur ísraelsku árásarmannanna, að gera þeim óleik, sem vildu standa með þjáðum Palestínumönnum". 

Þetta er auðvitað ekkert annað en ógeðfelld lygi, sem Þorgeir Arason mun verða að svara fyrir, ef ekki í þessu lífi, þá örugglega frammi fyrir þeim Guði sem hann þjónar. Hann sleppur vart við það, ó nei! Elsku litli presturinn minn, lestu þér til um það sem þú skrifar áður en þú gerir það. Am Nivchar  er ekki það sem fordómar þínir telja að það sé.

Hatur er hluti af íslenskri friðarbaráttu

Fyrir tilviljun sá ég að Torfi nokkur Stefánsson, sem er prestur án kalls, skrifaðu nýlega um mig miður fallega og gerði mér upp skoðanir og gaf í skin að ég væri nasisti.

Torfi gerði þetta inni á tru.is, sem er vefur í tengslum við Þjóðkirkjuna. Enn verra þótti mér, að Torfi lagði við texta, sem hann sagði að ég hefði birt á Eyjunni þann 1. júní. Skrif Torfa voru á þessa leið:  (ég skrifa í þátíð, þar sem umsjónarmaðurinn á tru.is á Biskupsstofu var fljótur að fjarlægja þessa athugasemd Torfa Stefánssonar, sem þótti í alla staði ókristileg og óviðeigandi).

Torfi Stefánsson skrifar:
1. 6. 2010 kl. 14.34

Hér er innlegg frá Vilhjálmi Erni inni á eyjan.is fyrr í dag. Þar kemur hans rétta eðli í ljós og ástæðan fyrir ást hans á ofsatrúarmönnunum í Ísrael, þ.e. sameiginlegt hatur á vinstri mönnum. Munum að þetta sama hatur einkenndi nasista Þýskalands á sínum tíma, hatur sem einnig beindist að gyðingum sem þá voru margir hverjir hallir undir sósíalisma (ég skil reyndar ekki af hverju þessi maður er ekki útilokaður frá þeim spjall-listum sem taka sig alvarlega og vilja halda uppi siðlega umræðu):

"Hinir vinstrisinnuðuöfgamúslímar hamas hafa verið að murka lífið úr þjóð sinni nú í tæpan áratug og verið helvíti duglegir við að framkvæma aftökur á eigin þjóð, án þess að það hafi truflað hinn venjulega sófakomma. Að kenna síonistum um allt sem illa fer á gaza er lík þeirri einföldun að bagalegt ástand á cúbu sé allt bandaríkjamönnum að kenna. En hefur enginn skýring fengist afhverju vinstriskríllinn virðist stöðugt mynda tilfiningaástarsamband við vinstriöfgamúslíma þar sem siðblinda,girnd, og blint hatur á allt og alla sem ekki eru sammála eða voga sér að draga í efa heillindi og drengskap liðsmanna hamas. Daður og sjálfdýrkun verður að linna svo hægt sér að vinna að sjálfbærum friði fyrir botni miðjarðarhafs, Því væri ráð að vinstrimenn byrjuðu á að taka til siðferðislega í eigin ranni, því þá er meiri von um frið."

Þetta hef ég aldrei skrifað. Síðast er ég gerði athugasemd á Eyjunni varð það við mjög gott blogg Stefáns Snævarrs  http://blog.eyjan.is/stefan/2010/05/31/hvar-voru-thid/ . Þá sjaldan að ég tek þátt í umræðu á Eyjunni, er það undir fullu nafni. Ég hef ekkert að fela.

Ég hafði í því samband við Torfa Stefánsson, sem taldi Vilhjálm þann sem gerði athugasemdir við frétt Eyjunnar áðurgreindan dag vera undirritaðan (mig), og það voru fleiri sem ályktuðu svo í æsingi sínum, þó nafn mitt væri ekki skrifað þar að fullu.  Sjá þessa makalausu umræðu:  http://eyjan.is/blog/2010/05/31/allavega-tiu-latnir-eftir-aras-israelshers-a-skipalest-med-neydargogn-fyrir-ibua-a-gaza/ 

Séra Torfi hefur nú beðist afsökunar, en hann bætir við:

Fyrsta innleggið frá "Vilhjálmi" kemur fyrr eða kl. 10.38:

"En hefur enginn fundið ástæðu þessa undarlega ástarsambands milli vinstriöfgasinaðra múslima og hins venjulegs sófakomma. Hvort heldur um sé að ræða bann við umskurn kvenna, bann við notkun burku, aukna menntun barna og eiginkvenna vinstriöfga múslíma og svo framvegis, dauðadóma yfir hommum og friðsamleg sambúð við sionista. Hvað veldur þessari siðblindu og sjálfelsku

ásamt þessu blinda hatur út í allt og alla sem ekki eru sammála.........Verðugt umhugsunarefni til þeirra vinstrisófakomma sem telja talibana,hizbola,hamzas sem frelsishetjur."

Því er svarað á þessa leið: "Nei er ekki Vilhjálmur frá köben mættur með enn eina skítaklessuna? Alltaf er þessi drullusokkur fyrstur upp á dekk þegar þarf að verja fjöldamorð ísraela."

Reyndar kemur ekkert fram að það sé þú sem skrifar þetta, aðeins "Vilhjálmur". Ef svo er, þ.e. ef þú hefur ekki skrifað þetta, þá bið ég þig afsökunar á að hafa talið svo vera.

Ég er hins vegar ekki einn um að halda það - og ekki að ástæðulausu. Þú ættir kannski að athuga þinn gang í gagnrýnislausum stuðningi þínum við "gyðinga", annars er hætt við að annar eins "misskilningur" komu upp aftur ... og aftur.

Ertu ekki hræddur við að vera lögsóttur fyrir briðgsl í garð landstjórnarinnar? Er ekki refsingin fyrir það allt að átta ára fangelsi?"

Þetta er vægast sagt skrítin afsökunarbeiðni, en eins og gyðingurinn Jesús forðum tek ég við afsökunarbeiðni íslenska prestsins og fyrirgef honum yfirsjónina, sem er mikil. Náttúrulega styð ég við gyðinga og það án gæsalappa. Annað kæmi ekki til mæla. Ég á ekki annarra kosta völ.

Kæru lesendur það er ekki neitt nýtt að ég verði fyrir aðkasti frá íslenskum stuðningsmönnum öfgasamtaka og ýmsum gífuryrðaþeyturum. Maður nokkur, vel vaxinn og mikill sem elur manninn í Asker i Noregi, hefur í tvö ár kynnt sig á þennan hátt:

Óskar Þorkelsson

      The DartMaster    

Öfgafólk fer í taugarnar á mér... passið ykkur á Villa í Köben hann er öfgamaður. 

Þegar málstaðurinn er ljótur og lélegur grípa menn til slíkra yfirlýsinga. Lygar og fals eru systur haturs. Við sjáum það t.d. í málatilbúnaði "friðarsinnanna" sem ætluðu til Gaza. 

Ég hef beðið umsjónamenn Morgunblaðs bloggsins að biðja Óskar Þorkelsson Dartmaster á Áskerjum um að hafa hemil á sér og vera aðeins sjálfstæðari í lýsingu á sinni eigin persónu. Því er hér með aftur komið á framfæri.

Vændiskaupendur Íslands sameinist !

 

Old lady judges watch people in pairs

Limited in sex, they dare

To push fake morals, insult and stare

While money doesn't talk, it swears

Obscenity, who really cares

Propaganda, all is phony.

                                         Bob frændi

Vændismálið er skrítið mál, og því mun seint ljúka. Persónulega er ég á þeirri skoðun, að ekki sé rétt að banna vændi. Það er ekki einu sinni hægt að afnema það. Það hefur ávallt fylgt mannkyninu. Í mannfélaginu, eins og í dýraríkinu, verða alltaf til karldýr sem verða útundan í baráttunni um að finna sér maka. Sumir karlar hafa hins vegar margar í takinu eins og rostungar og fílar. Eigum við að fara ofsækja þá menn, t.d. stjórnmálamenn, sem svo er komið fyrir? Ef einhverjir þurfa að kaupa sér blíðu kvenna vegna þess að þeir geta ekki fundið hana á annan hátt, verður komið í veg fyrir að sumir þeirra grípi til nauðgana eða annarrar kynferðislegrar hegðunar, sem samfélagið telur afbrigðilegt á sérhverjum tíma.

Ef kerlingarhlussur þær sem kalla sig femínista, og karlaumingjar sem hanga í pilsfaldi þeirra ætla að stjórna kynhegðun manna og kvengera alla karla, verða þær að koma með betri rök en þau, að allar konur sem stunda vændi séu hnepptar í þrældóm og allir menn sem kaupa vændi séu ótíndir glæpamenn

Ef skoðaður er dómur gegn Catalinu Ncogo í Héraðsdómi, er greinilegt að starfssemi hennar í vændisgeiranum hefur ekki,svo sannað verði, tengst mansali. Blökkukonan E, sem sakaði hana um að hafa flutt sig nauðuga til Íslands, hefur reynst ótrúverðug.

Mig grunar, að E sé meira ótrúverðug en svo. Breyting í afstöðu réttarins til E er furðuleg og ekki undirbyggður á neinn hátt í dóminum.  E hlýtur að hafa aðhafst eitthvað sem dómarar taka tillit til í svo breyttri afstöðu sinni.

E hefur þó aldrei stundað fjárkúgun gegn einhverjum að þeim mönnum sem nú eru eltir á röndum sem glæpamenn fyrir að borga vændiskonum frá Afríku 20.000 krónur fyrir blíðu og drátt, sem þeir gátu væntanlega ekki fengið heima hjá sér? Hún hefur þó ekki krafið þá um peninga með hótunum um að hún myndi annars segja til nafns þeirra í opinberum miðlum? Hvað segir lögreglan og dómaraliðið um þá tilgátu mína?

Þeir menn, sem hafa verið gerðir að glæpamönnum vegna þessa að þeir höfðu kynlífsþörf, ættu allir að standa fram undir nafni. Íslenska þjóðfélagið hefur ekki efni á því að fordæma þá. Alls kyns vændissala, hórmang og siðleysi hefur tíðkast á Íslandi, og það miklu verra en að borga 20.000 krónur fyrir drátt hjá afríkanskri portkonu við hliðina á lögreglustöðinni.

Þið ákærðu kaupendur kynlífs, þið hafið ekkert að fela, (nema að þið hafið verið að halda framhjá konunni ykkar). Látið ekki stimpla ykkur af fólki með miðaldahugarfar eða útkulnuðum eða freðnum kvenmönnum sem ekki skilja kynþörf karla, vegna þessa að þær eru sjálfar ekki alveg eðlilegar, eða af blaðamönnum DV sem eru auðvitað siðvönduðustu menn Íslandssögunnar, fyrr og síðar.

Mosk(v)u strax!

 

Ég las í Fréttablaðinu í dag, að múslímar á Íslandi vilji fá úthlutað lóð fyrir mosku. Hér og þar og alls staðar á bestu stöðum í bænum. Auðvitað eiga menn að fá úthlutað lóð undir trúariðkanir sínar. Ég stakk reyndar sjálfur upp á mosku árið 1994, og mér sýnist að ég hafi verið fyrstur til að minnast á það á Íslandi. Ég reit í Moggann, n.t. 14. des 1994, bls. 44: „Það er ekki nóg að yrkja landið, fólkið verður einnig að fegra. Ég fagna þeim degi, að moska rís í Mosfellssveit eða sýnagóga á Selfossi og að bænir á Alþingi verði ekki aðeins kristnar".  Ég vona að múslímar þakki mér spámannsviskuna og hugmyndina á tilheyrilegan hátt - en það verður áfram leyfilegt að teikna mig.

Það vekur undrun mína, að eins fámennur hópur og múslímar Íslands vilji reisa risamosku á besta stað í bænum. Á Degi Fjölskyldunnar (15. maí) voru hræðilega fáir múslímar í skrúðgöngunni.  Palestínudeildin sendi þrjá-fjóra afdankaða íslenska komma í gönguna fyrir sig. Þegar fámennið hrjáir múslíma svo mikið, að þeir þurfa að senda varalið sitt, t.d. mann sem líktist Þorleifi Gunnlaugssyni ?? (með skegg), sem tapaði fyrir Sóleyju Tómasdóttur í kerlingasvindlkosningu VG í Reykjavík, og ágætan bókavörð og mikinn friðarsinna, Einar Ólafsson, þá er varla ástæða til að reisa stóra mosku. Sella ætti betur við. Varla eru meintur Þorleifur og Einar múslímar? En maður veit það svo sem ekki. Kommúnismi og Íslamstrú eiga nefnilega margt sameiginlegt. Mikið af öllu eða engu og blóðugu uppgjöri þegar menn eru í ham.

Mikið er nú gott að gyðingar á Íslandi hafi aldrei krafist lóðar undir trúariðkanir sínar og reist samkunduhús. Það hefði ekki  boðað neitt gott. Í þýskalandi er það þannig þessa dagana, að menn hella olíu á samkunduhús gyðinga og kveikja í til að krefjast þess að Ísrael verði lagt niður. Þetta gerðist um daginn og þá grunar Þjóðverja strax öfgamúslíma, komma og nýnasista. Ekki endilega í þessari röð. Já margt er líkt með skildum, ef rétt er ályktað í Þýskalandi.

Gott ef Georg Bjarnfreðarson er ekki orðinn Palestínumaður.

Nei, þessi í bláa jakkanum er líklega tvífari hans ... eða hvað?

Hræsnin þekkir engin landamæri

   

Hræsni og fordómar kaþólsku kirkjunnar eru sömu ættar og hræsni þeirra vinstri manna og sjálfskipaðra menningarvita, sem oft telja sig betri og æðri öðru fólki og halda sig eiga einkarétt á sannleikanum og hreinleikanum. Nasistar voru ekki ósvipaðir. Mannskepnan átti þetta til á öllum tímum. Sumir vilja alltaf hafa vit fyrir fjöldanum og það tekst misjafnlega vel.

Þarna fretar Fry á frekar auðvelda bráð, enda talandinn á honum alveg einstakur og heilinn af allra bestu gerð á Bretlandi, enda ekki alveg eins skildleikaræktaður og baunin í Gordoni Brown og dingullinn í Darlingi.

Fry hefði þó geta notað heilann aðeins betur í þetta sinn. Hann hleypur úr einni öld yfir í aðra og blandar öllu saman í einn stóran hafragraut fordóma og hræsni. Með fordómum og stílbrögðum ræðst hann á og ásakar kaþólsku kirkjuna um fordóma. Við höfum heyrt þetta allt saman áður, en ef vel er af gáð, er iðkun/misnotkun kaþólskunnar ekkert verri en iðkun/misnotkun hvaða annarra trúarbragða eða stjórnmálastefnu sem er. Við vitum t.d. að hinn ólýsanlegi spámaður múslíma, hann Múhammeð, tók sér 6 ára barn fyrir konu, og hafa nú milljarðar manna þann dólg sér að leiðarljósi og telja hann heilagari en líf eigin fjölskyldu. Milljónir manna telja það bara hið besta mál og gráta í kór í hvert skipti sem einhver teiknar Múhammeð í skrípó.

Allt í einu, mánuðum eftir að þessi listagóða en arðavitlausa ræða Frys fór um hinn siðmenntaða heim eins og eldur í sinu, byrja vinstribullur eins ein klappstíra Egils Helgasonar, Hanna Birna Einarsdóttir, að fárast yfir kaþólsku kirkjunni. Er ekki lengur nóg af siðlausum fyrirbærum á Íslandi  til að fárast og hræsnast yfir? Til dæmis bölvuð ríkisstjórn VG og Samblekkingarinnar? Hanna ræðst í staðinn á Vatíkanið með Stephen Fry, eins og belja á vorkvöldi.

Ég verð örugglega síðastur manna til að verja kaþólsku kirkjuna og prísa presta tóbak, en þó ég viti að ýmsir prelátar hennar hafi haft miklar mætur á Hitler, veit ég einnig að aðrir þjónar hennar fyrirlitu þann morðingja og hjálpuðu eða reyndu að hjálpa fórnarlömbum hans og meðreiðarsveinanna.  Bloggarinn Hildur Helga Sigurðardóttir tekur þátt í galsa Huppu, sem mjólkar best á Eyjunni og heldur því fram, að gamlir nasistaglæpamenn lifi áhyggjulausri elli í Þýskalandi vegna þess að kaþólsk kirkjan hafi hjálpað þeim til þess. Þvílík vanþekking og hræsni. Hvaða sögumenntun fá blaðamenn í dag? Það eru þýsk yfirvöld, og aðeins þýsk yfirvöld, sem haldið hafa hlífðarhendi yfir þessum glæpamönnum. Alveg eins og stjórnmálamenn á Íslandi komu í veg fyrir að einn versti stríðglæpamaður Eistlendinga yrði framseldur og lögsóttur. Hræsni Íslendinga er að verða annáluð!

Kaþólska kirkjan er auðvitað ekki saklaus. En það er sú íslenska alls ekki heldur, frekar en vinstri menn og aðrir kjánar sem í áratugi hylltu ógeðslegri trúarbrögð en kaþólskuna, sem varð fleiri milljónum að bana en nasisminn.  Hræsni er nefnilega alþjóðleg. Hún þekkir engin landamæri! Hún er systir heimskunnar og hún er ekki óalgeng á Íslandi, eins og Helga og Hildur hafa sýnt okkur í síðustu færslum sínum.

Nú, ef maður vill vera nastí, eins og allir vita að ég er að eðli og upplagi, og gera sér mat úr "kynvillu" Frys - því hann stillir henni svo ógleymanleg upp gagnvart kaþólsku kirkjunni í þessari ræðu -  þá má nefna, að meðan að margir prestar földu „kynvillu" sína og annan „perrahátt" í klaustrum og undir pilsfaldi heilagrar kirkju í hundruð ára, átti Rómarkirkjan sök, beint og óbeint, á fjöldamorðum milljóna gyðinga (sem Fry er kominn af). Nefndi hann eitthvað um það í ræðunni í október 2009? Kannski segir Fry okkur síðar, hvar helvítis hommaprestarnir voru, þegar gyðingar voru brenndir á báli? Ja, sumir þeirra voru reyndar nokkuð framarlega í ofsóknunum og tendruðu sjálfir bálkestina klæddir purpura og kvennabrók, og fór svo heim í selluna og húðflettu sig fyrir ljótar hugsanir. Eru ekki margir þeirra presta sem nauðga börnum  gay eins og Fry? Því má svo ekki gleyma að rabbínar nauðga líka börnum, svo og skátar, háskólaprófessorar, Búddamunkar og hjólreiðamenn, svo eitthvað nærtækt sé talið upp. Takmörk og vanmáttur mannsins koma víða við, ekki bara í Vatíkaninu. Já, og veit ég ekki betur en að íslenskir vinstrimenn hafi líka lagst á ungviðið! Holdið er veikt og eðli mannsins um allan heim.

Ég veit auðvitað, að Fry er ekki vondur hommi. Hann níðist bara á risastórum stofnunum eins og kirkjunni, sem níðst hefur á svo mörgum öðrum gegnum aldirnar. Hann býr með sínum kalli, leigubílstjóranum Daniel Cohen. Hann kýs rétt, styður málstað hryðjuverkamanna, skammast út í Ísrael, svo að gyðinga- og Kanahöturunum á vinstri vængnum þyki nú örugglega vænt um hann. Þessi ræða hans var í svipuðu stíl. Hún er haldinn til að friðþægja skrílinn, sem elskar að hata og fárast, alveg sama hvað það er um.

Ég hef séð betra efni frá Stephen Fry en þessa ræðu! Hann hefði átt að hugsa aðeins meira áður en hann hélt hana.

Veislan í skíðaskálanum

Egill Helgason er greinilega orðinn alveg uppiskroppa með efni.  Áróðurstarfið fyrir ríkisstjórnina gengur greinilega ekki allt of vel.  Madame Joly hefur t.d. snúist dálítið í höndum á spunameistaranum. Nú hefur Egill brugðið á það ráð að birta myndir úr íslenskum veislum sem hann geymir í silfri sínu. Í dag dró hann upp úr hattinum algjöra partí-partí mynd úr skíðaskálaveislu Jóns Ásgeirs frá 2007, sem hann notaði sem sönnunargagn fyrir tengslum Landsbankans og Baugsveldisins. Sigurjón Kúlulán og Banka-Ella eru eins og loftbelgir þarna á meðal fallega og ríka fólksins. En ekki er ég viss um að niðurstaða Egils sé rétt. Menn geta verið í partí án þess að vera að braska eitthvað saman.

Undir áhrifum frá stóra manninum á Eyjunni birti ég einnig eina góða, hörkupartímynd, sem var tekin í febrúar 1964.  Myndina er hægt að stækka með því að smella á hana. Allir eru greinilega að djúsa. Þarna er Banka-Ella, Elín Sigfúsdóttir að þamba Sínalcó (efst fyrir miðju). Kúlulánið hefur örugglega leikið við marga á myndinni. Yfirtaka á stórri rjómaköku hefur nýlega farið fram. 

En hver annar þekktur maður, fyrir utan Banka-Ellu ætli hafi verið í þessu partí? Jú, hver annar en einn valdamesti maður Íslands, partíkóngurinn sem situr þarna neðst í tröppunum blæs í rör og er með kók og romm í flösku: Ykkar einlægur, eigandi þessa blogs. Vonandi sér Egill Helgason ekki meira út úr myndinni er siðlegt er, en Ella var nágranni. 

Myndgreining Egils í dag á Eyjunni er einhver sú skrýtnasta blaðamennsku sem ég hef séð, ef yfirleitt er hægt að kalla slíkt blaðamennsku. Ef einhver á myndir af Agli Helgasyni í partí, mega þeir birta hana hér í athugasemdum.

Partímynd Egils