Lélegir fjárfestar

Varla var blekið í síðustu færslu minni um ágæti þess að fá mosku þornað, er Fréttablaðið greindi frá því að Menningarmiðstöð Múslíma á Íslandi hefði fest kaup á húseign nærri Slökkvistöðinni í Öskjuhlíð. Húsið gengur undir nafninu Ýmishúsið, og er að mig minnir 6-kantað hús og forljótt.

Þeir sem kaupa húsið eru kallaðir fjárfestar. Tekið var fram i fréttinni, að þeir sem keyptu þetta hús hefðu ekkert með Félag múslíma á Íslandi að gera. Er það vel fyrir Félag múslíma, því þeir sem eru sagðir vera fjárfestar í þessu húsi eru wahabistar á Norðurlöndum og í Sádí Arabíu, sem sumir eiga ekki bót fyrir rassinn á sér, en miðla samt hundruðum milljóna frá samtökum í Sádí Arabíu, sem Sameinuðu Þjóðirnar telja til hryðjuverkasamtaka. Peningarnir koma frá samtökum wahabista. wahabismi er öfgastefna, sem er andsnúið mestu því frelsi og mannréttindum sem við höfum barist fyrir og fengið í Evrópu á sl. 200 árum. Wahabistar hatast út í gyðinga, samkynhneigða, kristna og menningu Vesturlanda. Ef eitthvað er, þá er wahabismi á skjön við íslensku stjórnarskrána og lög.

Í hluthafaskrá er þannig greint frá félaginu, sjálfseignarstofnuninni, á bak við kaupin á Ymishúsinu  The Islamic Endowment in Iceland: "Tilgangur félagsins er að stuðla að því að viðhalda íslömskum einkennum úr samfélagi múslima. Að auka mikilvægi og verja íslömsk einkenni múslimskra barna".En það er nú lítið brot af því sem samtökin á bak við The Islamic Endowment in Iceland standa fyrir. En hvernig ver maður einkenni múslímskra barna, spyr sá sem ekkert veit?

 

Sandra Maryam Moe ein af fjárfestunum í Öskjuhlíðinni. Al Daoudi vill ekki láta ljósmynda sig og Alshiddi heldur sig frá samskiptum við vesturlandabúa.

 

Fjárfestarnir eru: Milljónamæringurinn Sulaiman Abdullah Alshiddi  frá Sádí Arabíu, og skólastjóri Alsalams skólans í Örebro í Svíþjóð, Hussein Al Daoudi. Þriðji "milljónamæringurinn" er Maryam Moe (sögð heita Moue í íslenskum fjölmiðlum), sem býr norður í Þrumu í Noregi og stjórnar þar Alnour sentret og einni af moskum bæjarins, sem einnig er búið að dæla hundruðum milljónum króna í frá ríkum "frænda" í Sádí, sem aðhyllist wahabisma. The Islamic Endowment in Iceland þyggur fjárframlög frá stofnun í Sadí Arabíu, sem tengist مؤسسة الحرمين الخيرية,  Það er að segja Al Haramain. Samtökunum, sem eru á lista Sameinuðu Þjóðanna yfir hryðjuverkasamtök.

 Karim Askari í Öskjuhlíðinni

Líklega verða Karim Askari, atvinnulaus rafsuðumaður, og fiskvinnslumaðurinn Redouane Adam Anbari, sem sagðir eru umboðsmenn þessara samtaka, að skýra hlutina fyrir okkur, og hvernig þeir félagar tengjast samtökum sem boða wahabisma. Þið þekkið kannski ekki neinn wahabista í hverfinu hjá ykkar, en Bin Laden ólst upp í wahabisma, þegar hann var ekki að dansa diskó í Svíþjóð.

 Askari á pílagrímsför

Karim Aksari staðarhaldari í Ýmishúsi lætur hafa það eftir sér á Facebook http://www.facebook.com/karim.askari , að honum líki boðskapur klerksins Sheikh Abdul Azis Al Fozan í Sádí Arabíu  Og hvað er sá maður, sem er Wahabisti, svo þekktur fyrir. Al Fozan, sem Karim Askari á Íslandi er hrifinn af, hatar gyðinga, Ísrael, kristna og Bandaríkin. Alveg eins og ungliðarnir VG. Sjón er sögu ríkari:

 

Svona er skoðun Sheiksins sem Askari mælir með á Facebook. Hatar Karim Askari kristna íslendinga og konur eins og sheikinn í Sádí, eða var það slys að hann segist halda upp á þennan al Fozan sem elur á "jákvæðu hatrið í garð kristinna"? Rannsaka ætti dvöl hr. Askaris á Ítalíu áður en hann kom til Íslands. Maðurinn er hrifinn af öfgaklerkum sem er andsnúnir öllum almennum mannréttindum, sérstaklega kvenréttindum. Vonandi spyr einhver fjölmiðill á Íslandi Karim Askari og Reduane Anbari, hvaðan peningarnir til kaupa Ýmishússins koma."Tilgangur félagsins er að stuðla að því að viðhalda íslömskum einkennum úr samfélagi múslima. Að auka mikilvægi og verja íslömsk einkenni múslimskra barna". Á að gera það svona?????

 

Íslam-fjárfestarnir á Íslandi verða að teljast afar vafasöm viðbót við íslenskt þjóðfélag nú í kreppunni. Það sem þetta fólk stendur fyrir, undir falsyfirskriftum sem „frið" og" kærleika", er andstætt allri hefð á Íslandi. Þessi samtök á ekki að leyfa á Íslandi, enda eru SÞ búnar að bannlýsa þau.

Ég er fyrsti Íslendingurinn sem hvatti til að byggð yrði moska á Íslandi. Það var ekki moska wahabista sem mér var efst í huga, þegar ég stakk upp á því. Það sem þeir boða veldur því að líf mitt er í hættu. Fjöldi múslíma er líka á sömu skoðun. Quillian stofnunin á Bretlandseyjum varar við þessum öfgamönnum.  

Ég vona að Íslensk yfirvöld og sérstaklega skemmtikrafturinn með rauða nefið í ráðhúsinu sjái að sér, því það er ekki nóg með eina slökkvistöð til að slökkva það hatur sem wahabistar boða í heiminum.

Hér er góð grein um whabisma á norsku.

Hnappurinn á teikningunni efst er líklega frá fyrstu kynnum Íslendinga af Öfgaíslam. Hann fannst í Vestmannaeyjum.

Neðst getið þið lesið skilgreining bandarískra yfirvalda á Al Haramain í Sádí Arabíu, sem gefa fé til kaupanna á Ýmishúsinu. Ég bíst nú við því að vinstri menn á Íslandi trúi frekar á hryðjuverkyfirlýsingu Gordon Browns á hendur Íslendingum en á þetta, því allt vont kemur frá USA eins og við vitum. Það er sameiginlegur arfur wahhabista og margra vinstri manna. Íslensk yfirvöld, Ríkisstjórnin, verða nú að taka afstöðu til þeirra samtaka sem eru að hreiðra um sig í Öskjuhlíðinni, Það er engir spörfuglar í því hreiðri:

There is evidence that field offices and representatives operating throughout Africa, Asia and Europe have provided financial and logistical support to the al Qaida network and other terrorist organizations designated by the United States, and, in some cases, included on the UN 1267 Committee's consolidated list of individuals/entities subject to Security Council Sanctions. Some of these organizations include the Egyptian Islamic Jihad (EIJ), Jemaah Islamiyah, Al-Ittihad Al-Islamiya (AIAI), Lashkar E-Taibah, and HAMAS - all of which are designated terrorist organizations and all of which have received funds from AHF, its branches, or local intermediaries.

Athugasemdir

[Ragnhildur Kolka, 7.9.2010 kl. 20:16]

Ég segi nú bara eins og krakkarnir"shi... Að okkur er sótt úr öllum áttum og aðlögun í uppsiglingu. Okkar aðlögun að wahabisma og ég sem hélt að við yrðum endanlega hólpin tækist okkur að hrinda ESB vitleysunni af höndum okkar. Í því árferði sem nú ríkir var ekki við að búast að við fengjum frið, því nýjungagirni ráðandi afla á Íslandi, fyrir öllu sem lagt getur okkur að velli, er ekki viðbrugðið.

Er þetta það erlenda fjármagn sem Samfylkingin hefur sótt svo stíft að fá til landsins?

[Vilhjálmur Örn Vilhjálmsson, 8.9.2010 kl. 07:50]

Ragnhildur, mér sýnist að fólk trúi þessu ekki frekar en öðru á Íslandi. Sæmundur Bjarnason, sem hefur bloggað 1133 sinnum á sinn landsþekkta, hálffreðna og sjálfumsnúna hátt, vill helst að þetta sér grín: http://saemi7.blog.is/blog/saemi7/entry/1092706/

Þessi fjárfesting er örugglega hluti af því fjármagni sem Samfylkingin vill fá... Ég býst við því að hið eilífa ljós verði að loga í mosku, eins og í samkunduhúsi, svo rafmagn í 60W peru mun streyma í Ýmishúsið allt árið og til eilífðarnóns. Það hlýtur að gleðja guma.

[Morten Lange, 11.9.2010 kl. 18:32]

Sæll Vilhjálmur, 

Ég held að þú sért sennilega að segja frá mikilvægri "uppgötvun" hér í þessari færslu, en ég á erfitt með að taka þessu alvarlega vegna rökleysis blandað með glensi sem mér finnst vera dreift um flesta færslur hjá þér. 

Ég mundi þiggja aðra færslu um þetta þar sem þú fjallar bara um staðreyndir og vitnar í heimildir fyrir hverja fullyrðingu  eða ella taki fram að hér sé um ágiskun eða grun að ræða.

Ég er ekki alveg frá því að gott mál sé einmitt að gefa félag múslima lóð en hafna fjárfestingar frá Sáði-arabískum aðilum ( eða öðrum) sem tengjast öfgatrú, sama hvaða nafni það heitir.  

[Vilhjálmur Örn Vilhjálmsson, 12.9.2010 kl. 12:00]

Sæll Morten Lange,

Það er akkúrat ekkert grín í þessari færslu minni. Þannig gæti það virkað, en þetta er absúrd mál. Mér er dauðans alvara með því sem ég skrifa! Og hvaða rökleysu ertu annars að tala um? Ert það ekki frekar þú sem þarft að skýra innantómar yfirlýsingar um það sem ég skrifa.

Öll atriði í grein minni, allt niður í hnappinn frá Vestmannaeyjum, sem er á byggðasafninu þar, stend ég við. Fjármagnið til Menningarmiðstöðvar Múslíma á Íslandi kemur frá mönnum sem tengjast Öfgaíslam.

Það er ekki annað að gera fyrir þig að googla þá einstaklinga sem ég greini frá og þú færð upplýsingarnar.  

[Morten Lange, 12.9.2010 kl. 12:32]

Ef þér er í mun að fólk trúir þessu sem þú skrifar þarftu að mínum dómi að nenna að segja frá öllum skrefunum í rökfærslunni.  

Dæmi ( als ótengt hva varðar málefni, en lík hvað varðar lógik ) :  Þótt Jón Jónsson sé _sagður_ tengdur fjármögnun á ofsatrúsöfnuði, er ekki þar með sagt hann þurfi að vera sá sami  og einhver Jón Jónsson sem maður finnur við Google leit og er sagður eiga fiskveiðikvóta.

[Vilhjálmur Örn Vilhjálmsson, 12.9.2010 kl. 15:50]

Elsku Morten minn: prove me wrong!

Vandamálið er, að þú og margir aðrir viljið ekki trúa.

[Skúli Skúlason (IP-tala skráð) 13.9.2010 kl. 23:20]

FLOTT   GREIN   HJÁ   ÞÉR   VILHJÁLMUR  ÖRN.

Málið   er   bara   það   að   boðskapur  Íslams  er   kolólöglegur  á  Íslandi   og   rauðu  ljósin   öll   blikkandi.   Ég   veit   að  það  sem  þú   segir  um  þessa   einstaklinga  er  satt,   því   að  það   er  þó  nokkuð   síðan  ST    impraði    á  þessu   í   blaðaviðtali.