Hvað ungur nemur gamall temur

 

 

Þeim sem gráta börnin sem deyja á Gaza langar mig að tjá hluttekningu mína. Ég samhryggist ykkur en þykir miður að sum ykkar styðjið samtök sem misnota börn.

En jafnframt tel ég ástæðu til að minna á að:

Sameinuðu Þjóðirnar og aðrir aðilar hafa margoft ráðlagt Hamas og íbúum Gaza að

1. virða friðarferlið
2. viðurkenna tilverurétt Ísraelsríkis og
3. hætta árásum á Ísrael.

Hamas og íbúar Gaza hafa ekki viljað fara að ráðum alþjóðasamfélagsins.

Mér þykir leitt að sjá hvernig nú er komið fyrir íbúum Gaza. Mér þykir leit að sjá hvernig þeir  eyðilögðu húsnæði og atvinnutæki, sem skilin voru eftir þegar þegar ísraelskir landnemar voru fluttir nauðugir frá Gaza fyrir 2 árum. Mér þykir leitt að sjá hvernig íbúar Gaza vilja kalla hernað og eyðileggingu yfir sig, þegar þeir gætu þess í stað byggt upp þjóðfélag sitt. Mér þykir leitt að sjá marga stuðningsmenn Hamas sem virðast vera drifnir áfram af hatri forfeðra sinna í garð gyðinga frekar en umhyggju fyrir Palestínumönnum.

Þeir ætla Ísraelmönnum að kljást við óferjandi andstæðinga í "einn á móti einum hernaði". Þannig virka engin stríð og ekki er hægt að biðja Ísrael, eitt ríkja heims, að fara eftir öðrum reglum en allir aðrir. Hernaðarmáttur Ísrael hefur orðið til vegna hótana, hættu og ógnar frá umhverfinu. Hamas vill eyða Ísrael, en þeir hafa reiknað dæmið rangt.

Það sem við sjáum nú á Gaza er afleiðing haturs. Þar býr þjóð, sem síðan 1948 hefur talað um eyðingu Ísraelríkis og útrýmingu gyðinga og sem ekki fer að ráðum alþjóðasamfélagsins.

Þeir sem ekki virða tillögur og tilmæli Sameinuðu Þjóðanna og annarra samtaka til íbúa Gaza og Hamas, styðja hryðjuverk, afneita tilverurétti Ísraelsríkis og vilja áframhaldandi árásir á Ísrael.

Af hverju styðja sumir Íslendingar þjóð og samtök, sem ekki virðir friðarferlið, sem ekki virðir tilverurétt Ísraels og ekki vilja hætta árásum á Ísrael?

Svarið er einfalt: Þeir Íslendingar vilja ekki frið.  Afleiðing stuðnings þeirra við Hamas sjá þeir nú. Lausnin er hins vegar einföld: Virðið friðarferlið, hættið árásum ykkar á Ísrael og standið við viðurkenningu Íslands á tilvist Ísraelsríkis. Annars getið þið, landar mínir sem er annt um friðinn, farið að byggja ný Auschwitz eins og ættingjar ykkar annars staðar í Evrópu gerðu fyrir mannsaldri síðan.

Vegna grófra persónulegra árása á mig á bloggi mínu og í tölvubréfum síðustu daga, leyfi ég ekki athugasemdir við þessa færslu.

 

 

Closed to import

 

 

Í mars árið 1924 tóku Íslendingar á það ráð að setja á innflutningsbann og hömlur á ýmsar "óþarfar" vörutegundir. Menn höfðu á Alþingi lengi verið ósáttir við hve óstöðugt gengi krónunnar hafði verið í bönkum landsins. Eitthvað varð að gerast. Gengi krónunnar var meira að segja hækkað!

Ég kannast ekki við áhrif þessa innflutningsbanns og eins árs gengishækkunar, enda kom þessi "kreppa" ekki niður á mér. Hins vegar bárust fréttir um allan heim af þessum ráðstöfunum Íslendinga.

Blað nokkuð í New York, The Knickerbocker Press í Albany, þótti þessi ákvörðun Alþingis mjög merkilegt og skrifuðu menn þar á bæ heila opnu um hana og Íslendinga undir yfirskriftinni Back to Primitive Caveman Life, og undirfyrirsögnin var:

"Isolated People of Iceland Decide to Prohibit Importation of Effete Modern Luxuries, to Scramble, Robinson Crusoe Fashion, for Existence the Next Two Years as Did Their Eearly Ancestors".

Þetta var hin undarlegasta grein og myndirnar og teikningarnar, sem voru með greininni, voru sér í lagi merkilegar. Dæmi um það sést hér að ofan.

Öll þau ár sem ég hef komið í mína árlegu heimsókn til Íslands (eða oftar), og þau rúm þrjú ár sem ég bjó þar, 1993-96, hefur mér blöskrað kaupæði Íslendinga og hirðuleysi um eigur sínar og eyðsluþörf þeirra og flottræfilshátt.

Eitt sinn kom ég á bóndabæ í Borgarfirði. Þar átti bóndinn risastóra skemmu, fulla af ónytsömum "leikföngum" mótordrifnum, og þvíumlíku. Helmingurinn var reyndar í lamasessi og hafði líkast til þess vegna verið hent út í þessa risastóru skemmu. Inni hjá bónda í eldhúsinu, þar sem mér var boðið í kaffi með samstarfsmanni mínum, var hins vegar allt frekar hrörlegt.

Ég hef ekkert á móti kapítalisma, enda tel ég að ofeyðsla og ofneysla séu ekki samferðar"konur" kapítalismans. Hins vegar er óheft ofurneysla og loftkastalabygging eins og sést á Íslandi dæmi um að menn geta orðið fórnarlömb kapítalismans.

Er ekki  kominn tími til að rifa seglin? Annars er ég hræddur um að ástandið á Íslandi verði eins og á teikningunni af Íslendingum í Knickerbockers Press árið 1924, nema að því leyti að enginn verður báturinn sem siglir að landi með varning.

Kryddsíld og kryddaðar fréttir

 

13. janúar 1981 greindi Morgunblaðið frá því í rammagrein á baksíðu, að Vigdísi Finnbogadóttur hefði verið boðið í kryddsíld af Margréti Þórhildi Danadrottningu, með 200 blaðamönnum þeim til yndisauka við síldarátið. Heimildin var Berlingske Tidende.

Eitthvað blaðamannagrey á Morgunblaðinu var ekki sleipari í dönsku en það, að hann þýddi "krydsild" með kryddsíld og taldi Íslendingum trú um að Vigga væri að fara í kryddsíldarveislu með snaps og hele molevitten. Magga drottning hafði vissulega ekki boðið Viggu í síldargilli, heldur í "krydsild", sem nú á dögum er oft notað um blaðamannafundi, þótt upphafleg merking orðsins sé úr hernaði, þar sem menn gátu lent í því sem þýtt hefur verið tvíeldar á íslensku. Þessi vitleysa Moggans var auðvitað leiðrétt og hörmuð. Þessi meinta kryddsíldarveisla hennar hátignar Margrétar Danadrottningar þótti mér afar fyndin (ég var þá nýfluttur til Danmerkur haustið 1980) og segi ég þessa sögu alltaf þegar ég er með kryddsíld á borðum. Ég þarf ekki einu sinni að krydda hana.

Í gær greindi mbl.is frá því að Ísraelsmenn hótuðu Palestínumönnum helför á Gaza. Heimildin var BBC og fréttin var vel krydduð.

Ég benti á það í gær í athugasemd við frétt netmoggans að frétt BBC hafði verið breytt, að minnsta kosti í tvígang. Í ljós er komið að fréttamenn BBC þekkja ekki notkun og margar merkingar orðsins "shoa" á hebresku. Það orð notaði ráðherra í Ísrael um hugsanlegar aðgerðir á Gaza ef Hamas léti ekki af árásum sínum á saklaust fólk í Ísrael.

Mbl.is er ekki ekki búið að leiðrétta villuna í fréttinni, sem sopin var upp af BBC í gær meðan BBC hélt því enn fram að ísraelski ráðherrann væri að hóta Hamas helför. BBC hafi nú breytt frétt sinni svo varla er hægt að þekkja hana lengur. Mbl.is hefur greinilega ekki fylgst með.

Íslenskir nasistabloggarar, vinstrimenn og aðrir sjúklingar flykktust að til að setja athugasemdir sína við fréttina á mbl.is, og sömuleiðis til að lýsa veiklyndri skoðun sinni á gyðingum og Ísrael. Og það er ekki lítið sem sagt var. Ég fékk m.a. þessa athugsemd við leiðréttingu mína á frétt moggabloggsins í gær:

"Af hverju gat Hitler ekki klárað dæmið og beðið með innrásina í Sovétið á meðan hann hreinsaði betur til í þeim löndum sem hann hafði?????

Nú er reyndar tími fyrir okkur hin að redda þessu"

Ef hægt er að dæma mann í 800.000 króna sekt fyrir einhver afar ómerkileg ummæli um annan mann á moggabloggi, eru svona ummæli þá ekki góð ástæða til þess að benda umheiminum á að Ísland á ekkert erindi í Öryggisráð SÞ. Landið er nefnilega fullt af fólki með meiriogminnimáttákend, svo sem nasistum og kynþáttahöturum. Kveðjurnar sem menn fá við komuna til Nazíslands eru orðnar afar kaldar.

NAZÍSLAND

 

 

Visir.is greinir frá nokkuð frumstæðu myndmáli sem blasti við þreyttum farþegum Iceland Express við komuna til landsins í fyrrakvöld. Hafa einhverjir listrænir þjóðernissinnar leikið sér í snjónum?

Vísir túlkar þetta svona: "Einhverjum farþegum fannst þetta heldur óblíðar móttökur en svo virðist sem nokkrir hressir starfsmenn flugvallarins hafi leiðst biðin eftir vélinni".

Enginn kannast við neitt í Keflavík og benda menn á flugvellinum á hvern annan. Alþjóðsamtök gyðinga krefjast svara en lögreglan lét því miður fenna í sönnunargögnin.

Myndin talar hins vegar sínu máli. Augljóst er að fyrrverandi starfsmaður Eimskipafélagsins saknar gamla vinnustaðar síns. Eða er Eimskip komið í flugbransann?

Hugleiðing um danskan dónaskap

 

Þegar ég heyrði í gær um enn einn auraapann í dönskum banka sem lýsti frati á íslenskt efnahagslíf og ráðlagði Dönum að fjárfesta ekki á Íslandi, þá tók ég því með stökustu ró. "Hef ég ekki heyrt þennan söng áður?", hugsaði ég með mér. Ég held að Danir hafi hvort eð er ekki fjárfest svo mikið á Íslandi, að það sé í frásögur færandi. Hvað þá heldur ef einvher bankalalli segi viðskiptavinum að gera það ekki. Það ætti vart að geta velt íslensku efnahagskerfi.

Ég verð að viðurkenna að ég veit í raun ekki svo mikið um íslenskt efnahagslíf og hverjar lífslíkur íslenskra banka og fjárfjölleikamanna eru. Mig grunar hins vegar að almúginn, ellilífeyrisþegarnir og börnin, sem erfa eiga Ísland, muni fá stærsta reikninginn ef í ljós kemur að Danskurinn hefur rétt fyrir sér og að íslenskir stórlaxar eigi stærri innistæður í loftkastölum en í veruleikanum.

Fyrir tæpum 78 árum síðan var allt önnur umræða í gangi í Danaveldi. Fyrir Alþingishátíðina á Þingvöllum gaf Politiken út 84 blaðsíðna aukablað um Ísland (sjá mynd efst) . Í blaðinu voru auglýsingar nær flestra fyrirtækja á Íslandi, smásala svo sem stórkaupmanna og heildsala, svo og greinar um menn og málefni eftir merka Íslendinga. Íslenskir athafnamenn settu stoltir myndir af atvinnutækjum sínum og húsnæði, jafnvel af örmustu skemmum og slorbryggjum, í flennistórar auglýsingarnar.  Eimskip með alla baksíðuna á þessu aukablaði (sjá mynd neðst). Ekki held ég þó að svona blað hafi aukið viðskipti Dana við Íslendinga verulega mikið. Politiken hefur líklega grætt mest á auglýsingunum sem menn keyptu sér í blaðinu.

Danir voru, og eru, svo miklar dévítis krambúðarsálir að þeir geta ekki hugsað sér nýungar. Þetta er hin versta krataþjóð. Það þarf því alltaf mikið að gerast til að Danir breyti frá viðteknum hugsunarhætti. Menn geta til dæmis ekki hægt að reykja í vissum ættum, því "það hefur alltaf verið gert".

Íslandsblað Politikens fyrir nær 78 árum hefur örugglega ekki flutt nein fjöll, enda sáu örugglega margir íslensku auglýsendanna auglýsingu sína sem áminningu til Dana um að Íslendingar gætu sjálfir gert hlutina, og það án Dana. Kannski er brölt Íslendinga í Danmörku nú einlæg ósk peningamanna að sýna Dönum að þeir geti gert hlutina betur en Danir. En það er hættulegt.

Danir standa á brauðfótum gangvart stórþjóðum, nasistum og öfgaliði. En friðsamir Íslendingar eru greinilega svo hættulegir, að það er varað við þeim og mælt með því að eiga við þá engin viðskipti. Það liggur við að maður búist við því að íslenski fáninn verði brenndur og sendiráðið vanhelgað.

Er ekki tímabært að sýna Dönum þeirra rétta andlit?

 

 

Ekki lengur

 

 

Borgarstjórinn í Árósi (Århus) er búinn að stöðva brottvísun eiginkonu Westergaards. Borgarstjórinn, Louise Gade (myndin), tekur ekki svona undirmálsákvörðun í mál.

Margir Danir hafa átt það til þegar á reynir, að beygja sig og bjóða rassgatið til afnota fyrir alla. Þetta gerðu þeir þegar nasistar þrömmuðu yfir landamærin árið 1940.

Nú er greinilega til fólk sem ætlar að láta íslamista og íslamófasista stjórna því hver fær vinnu og hver ekki í Danmörku.

Louise Gade er kona á réttum stað.

Eiginkona Westergaard missir vinnuna

Hryðjuverkakanína

 

 

"Ef þeir gera það aftur mun ég drepa þá, bara. Ég mun bíta þá bara, og drepa þá", segir bleika kanínan Assud við hrjáðu börnin á Gaza.

Það eru Danir og teiknarinn Kurt Westergaard, sá er leyfði sér að teikna Múhameð, sem blessuð börnin eiga að bíta og drepa. Bleikar kanínur víst ekki lengur eins velkomnar og áður í Danmörku.

Kanínan Assud er meðlimur í hryðjuverkasamtökunum Hamas og hans æðsta ósk er að verða hryðjuverkakanína og píslavottur. Hann hefur sagt börnunum á Gaza að hann verði brátt hjá Allah í Paradís og að tígrisdýr muni leysa hann af í heilþvættinu. Sjá meira hér.

Ég veit ekki hvert þið munið eftir músliminum Farfur sem starfaði fyrir Hamas áður en hann dó. Reyndar urðu ævilok hans alveg gazaleg. Börnunum var sagt að hann hefði dáið píslardauða. Mýslupíslavotturinn Farfur var nefnilega, að sögn Hamassjónvarpsins, hnepptur í fangelsi af Ísraelum, og þar var hann auðvitað myrtur af vondum Gyðingum.

Svona er nú barnaefnið á Gaza. Þetta er einhver sjúkdómur.

Einhverjar athugasemdir frá Hamas-verjum og stuðningsmönnum á Íslandi? 

Nú fer hver að verða síðastur

Nú fer hver að verða síðastur, segir Ingibjörg Sólrún mannalega.  Hlustið.

Myndin sýnir ungan Kosovobúa (múslíma) taka mynd af félaga sínum sem kastar af sér vatni í gátt kirkjurústar í bænum Prizren í Kosovo. Múslímar voru nýbúnir að brenna kirkjuna til kaldra kola. Myndin var tekin 22.3.2004.

Þetta er bara lítið dæmi um frelsisbaráttu Kosovo á síðustu árum. Margt ljótt gerðist á þessu svæði fyrir rúmum 10 árum. Enn er um 7000 Kosovo albana saknað eftir útrýmingarherferð Serba.  Margt ljótt gerðist einnig á þessu svæði í 2. heimsstyrjöld. Þáttur Kosovo-albana í SS var ógeðfelldur.

 

 

Hvernig haldið þið, góðir Íslendingar, að 40 síðustu gyðingunum í Kosovo í Prištinu hafi verið innanbrjósts árið 1999, þegar þýskir NATO [KFOR] hermenn flæmdu þá burt úr héraðinu ásamt öðrum ekki-albönskum íbúum héraðsins? "Ausweis, AUSWEIS, -- raus, RAUS".

Hér eru aðrar myndir af ungum múslímum í kirkjunni, sem þeir höfðu rústað,  og af gröf heilags Jóhannichusar. Jarðneskar leifar þessa dýrlings frá 15. öld voru rifnar upp úr gröfinni og brenndar af múslímum. Yfir 30 kirkjur og klaustur í Kosovo urðu meiri eða minni eyðileggingu að bráð 17. og 18. mars 2004. NATO gat "ekkert" aðhafst. Hvernig verður það í frjálsu og NATO-lausu Kosovo.

 

 

Að sögn utanríkisráðherra Íslands er mjög brýnt að samþykkja sjálfstæði Kosovo héraðs.

Að mínu mati er stundum hægt að flýta sér of mikið.

Ég held stundum að Ingibjörg Sólrún Gísladóttir hafi ekki hugmynd um hvað hún er að gera. Hver ætli sér fræðilegur ráðgjafi hennar í málefnum Kosovo?

Stuðningskona hryðjuverka í boði utanríkisráðherra

 

Í síðustu viku hélt Utanríkisráðuneytið fund  þar sem aðalræðuhaldarar voru ísraelski blaðamaðurinn Anat Saragusti og mjög náin vinkona hennar palestínsk, Maha Abu Dayyeh Shamas. Þær kalla sig baráttukonur fyrir frið og eru femínistar með stóru F-i.

Maha Abu-Dayyeh Shamas er þekkt fyrir þessa yfirlýsingu, sem að mínu mati gerir hana að stuðningsmanni hryðjuverka:

"Palestinian society regards female suicide bombers the same way as they regard the men, which is they are heroines," Maha Abu-Dayyeh Shamas, director of the Women's Centre for Legal Aid and Counselling in Jerusalem told IPS. "They have sacrificed their lives for the public good. They have made a statement about the inhuman and intolerable situation.  Most people feel sad that young people have to pursue this approach, she said, "but the situation is so difficult that people understand why a young person has to do this. It's so frustrating. It's so de-humanising. It's so hopeless."  Sjá nánar hér .

 

Hetja samkvæmt sérfræðingi í boði íslenska utanríkisráðuneytisins. Þessi 29 ára kona myrti 19 manns í Haifa árið 2003, þar á meðal börn. Átti hún ekki annarra kosta völ?  Hún var að sögn femínisti, hetja, og sjálfsmorðsmorðingi í tengslum við írönsk samtök.

 

Vísindavefurinn svarar

 

Tvo menntskælinga langaði árið 2006 mjög mikið til að fræðast um uppruna og aldur orðsins gyðingur. Þeir sendu þess vegna spurningu um það til Vísindavefs HÍ.  

Spurningunni var beint til Guðrúnar Kvarans prófessors, forstöðumanns Orðabókar Háskólans.

Guðrún greindi ekki frá heimildum fyrir notkun orðsins gyðingur, en hafði aftur á móti þessa skýringu fram að færa:

"Neikvæða merkingin í júði á líklegast rætur að rekja til þess að gyðingar sem stunduðu viðskipti víða um heim á síðari öldum, þóttu erfiðir viðfangs, nískir okurkarlar og efnuðust oft vel. Þetta litu aðrir hornauga og farið var að nota jew, jøde, júði í neikvæðum tón um kaupsýslumenn af gyðingaættum. Hin neikvæða merking sem Jude fékk í Þýskalandi á árunum milli stríða og í síðari heimsstyrjöldinni er af öðrum toga og var tímabundin. Hún náði yfir allt fólk af gyðingaættum, ekki aðeins kaupsýslumenn"

Ég hef áður séð fræðilegar strandsiglingar á Vísindavefnum, en þetta svar Guðrúnar Kvarans er eitt svæsnasta dæmið sem ég hef séð.

Hin neikvæða merking Jude, sem nasistar gáfu orðinu, lifir góðu lífi, meðal annars á Íslandi. Á Íslandi hefur orðinu gyðingur líka verið núið um nasir danskra kaupmanna sem illyrði, þó svo að  þeir væru ekki hið minnsta gyðinglegir. Svo sér maður meira að segja nokkra kolruglaða afkomendur þessara dansk-holsteinsku ætta gagnrýna Ísrael með þeim rökum að þeir megi það vegna þess þeir séu af gyðingaættum.

Þegar 80% Austurríkismanna nútímans líkar ekki við gyðinga (Juden), er víst ekki mikið sem hefur breyst frá tímum Hitlers og þeirra sem heilluðust af honum. Þegar arabar og aðrir múslímar tala enn um Yahudi og tyrkir um Musavi sem asna, svín og apa og vilja útrýma þeim er ekkert nýtt undir sólinni. Löngu áður en orðin Jude, Juif eða Jew voru tengd okurkörlum, voru kirkjufeður,  biskupar og páfar búnir að kjöldraga gyðinga, svína þá til og ljúga öllu illu upp á þá í nafni trúar sinnar og heilagrar kirkju.

Það er kannski ekki nema von að velkristinn prófessor orðabókar á Íslandi sýni fullkomið þekkingarleysi á menningarsögu álfu þeirrar sem hún býr í, þegar hún er á þeirri skoðun að notkun orðanna gyðingur og júði hafi mótast af því að gyðingar hafi þótt "erfiðir viðfangs, verið nískir okurkarlar sem efnuðust vel". "Aðrir litu gyðinga hornauga" fyrir þetta segir Guðrún Kvaran. En ætli einhverjir kristnir menn hafi ekki líka verið erfiðir viðfangs, nískir okurkarlar sem efnuðust vel. Get ég nefnt nokkrar alíslenskar ættir sem ættu þess vegna að vera gyðingar, þó þær séu nú fyrst og fremst komnar af hestaþjófum úr Húnavatnssýslu og hafi jafnvel í ættgarði sínum forystumenn í Flokki íslenskra Þjóðernissinna (nasista).

"Það stendur hér Moshe, að það eigi að drepa okkur vegna þess að við erum svo nísk"

 

Margir þeirra sem litu gyðinga hornauga voru haldnir sjúklegri öfund í þeirra garð. Það var kennd sem taldist til erfðasyndanna. Það hefur hins vegar alltaf farið ofsögum af auð gyðinga og alla jafna voru 95% gyðinga í löndum Evrópu mun fátækari en kristnir borgarar álfunnar. Flestir gyðingar í Póllandi á 20 öld voru undir fátækramörkum. Í Hollandi var prósentan mjög há upp úr aldamótunum 1900.

Hindranir sem lagðar voru í götu gyðinga af ríkjum og kirkju, ásamt hatri og ofsóknum eru skýringarnar á því hvernig fólk talar enn á ógeðfelldan hátt um gyðinga. Þær ofsóknir ásamt kór vinstri öfgamanna, sem í raun kalla á eyðingu Ísraelsríkis þótt þeir þykist tala um frið í Miðausturlönd, valda því að eins ágætt orð og gyðingur er orðið skammaryrði meðal unglinga í ofeyðslu- og allsnægtaþjóðfélaginu á Íslandi. Ekki hjálpar það þegar Háskóli Íslands getur ekki gefið svar við einföldum spurningum án þess að framreiða gamlar rasistaklisjur.