Berlínarboogie Laxness

 

Þegar Halldór Kiljan Laxness greindi frá því í æviminningum sínum að hann hafði verið í Berlín árið 1936 og hefði farið með Dr. Jóni Helgasyni á Ólympíuleikana, gleymdi hann að greina frá því að hann var tvisvar í Berlín árið 1936. Fyrst í ágúst og aftur í október. Í fyrra skiptið skaffaði dóttir ónafngreinds gyðings, sem Laxness sagði vin sinn, miða á sýningu Hitlers. Laxness lýsir af mikilli andargift  "bjúgnefjaðri" dóttur þessa vinar síns. Hún mun hafa fært Halldór og Jóni miðana á leikinn, eins og gyðingum einum var lagið - ja, ef trúa á Laxness í Dagleið á Fjöllum árið 1962. Gaman hefði verið að vita hver þessi gyðingastúlka var, eða bara hann pápi hennar.

Síðari Berlínarferð Laxness gróf ég fyrir nokkrum árum síðan upp á Ríkisskjalasafninu í Kaupmannahöfn og birti upplýsingu um hana í fræðigreinum á dönsku og ensku. Ég greindi líka Hannesi Hólmsteini Gissurarsyni frá þessu, þar sem ég hafði frétt að hann væri að skrifa verk um Laxness. Hann birti auðvitað þessi tíðindi í bók sinni. Lesendur Laxness og sérfræðingar, sem ekki viðurkenna Hannes, geta ekki lesið annað út úr bókum HKL en að Laxness hafi aðeins verið einu sinni í háborg nasismans þetta ár. Ætli Kress, gæsalappafræðingur HÍ, geti viðurkennt heimildir sem sýna annað?

Laxness fór ekki gagngert á Ólympíuleika í Berlín, heldur var meginmarkmið ferðanna til Berlín að tryggja sér fé sem útgáfa hans, Zinnen Verlag, skuldaði honum. Laxness taldi okkur trú um að fyrirtækið hefði átt erfitt með að greiða honum vegna þess nasistar teldu að hann hefði skrifað eitthvað ljótt um nasista. Því fer fjarri árið 1936, og er líklegra að peningaáhyggjur Laxness hafi verið vegna þess að Zinnen var í eigu gyðinga í Austurríki og útibú slíkra fyrirtækja í Þýskalandi höfðu verið sett undir umsjón. Laxness sagði okkur dauðlegum lesendum sínum, að Zinnen væri í eigu sósíaldemókrata.

Steen Hasselbalch, útgefandi Laxness í Danmörku og fyrsti erlendi umboðsmaður hans, hafði samband við danska Utanríkisráðuneytið, sem útbjó bréf handa Laxness svo hann gæti sýnt þýskum yfirvöldum. Í því bréfi var haldið fram að Laxness væri ópólitískur og í hæsta lagi krati.

Laxness hafði verið í Buenos Aires á 14. PEN heimsráðstefnunni áður en hann kom aftur til Berlínar í október 1936. Í Ríó hafði hann með sveittan skallann haldið uppi vörnum fyrir Jósef Stalín. Það er öllu líklegri skýring á því að nasistar fengu óbeit á Laxness árið 1937 og komu í veg fyrir að bækur hans yrðu gefnar út eins og lýst er í Vettvangi Dagsins árið 1942.

Árið 1936 var nasistum alveg sama um þennan íslenska rithöfund, sem fékk sæti nærri stúku frammámanna nasistaflokksins á Reichsbühne í ágústmánuði 1936 og það með hjálp bjúgnefjaðrar gyðingastúlku.

Í október 1936 varð danska sendiráðið líka að minna Laxness á , með orðunum "eins og Yður mætti vera kunnugt um", að Zinnen forlagið væri ekki með umboðsaðila í Berlín, heldur í Leipzig, Becker að nafni. Ef Laxness vissi að skuldunautar hans væru staðsettir í Leipzig haustið 1936,  hvað var Laxness þá að álpast í Berlín á Hotel Nordland í Invalidenstrasse 115, eða á Ólympíuleikunum þann 9. ágúst árið 1936?

 

Garðurinn á Hótel Nordland, þar sem Laxness velti fyrir sér fjármálum og nasistum árið 1936 í stað þessa að fara til Leipzig, þar sem útgáfufyrirtæki hans hafði skrifstofur.

 

Árið 1938 fór Laxness svo aðra för sína til Moskvu og fylgdist ánægður með sýndarréttarhöldunum yfir Nikolai Bukharin sem enduðu með aftöku Bukharins. Svo sagði hann aufwiedersehen til Veru Hersch, barnsmóður Íslendings, en sá hana aldrei aftur, frekar en vin sinn gyðinginn sem átti dóttur sem var svo dugleg að skaffa miða á besta stað á Ólympíuleikunum árið 1936.

Ég er viss um að Laxness hefði ekki farið á Ólympíuleika í Peking ef hann hann væri uppi á okkar tímum?  Jafnvel þótt eitthvað "Zin Huen" forlag skuldaði honum glás af peningum.

Menn gera ekki sömu mistökin tvisvar - eða hvað?

Tölur sem tala

 

 

Splunkuný palestínsk skoðunarkönnum sýnir að:

1. 84% Palestínumanna styðja sjálfsmorðsárásir 
2. 2/3 allra Palestínumanna styðja eldflaugaárásir Hamas á Ísrael
3. 3/4 allra Palestínumanna álíta að friðarviðræður Abbas og Olmerts séu tilgangslausar og að þær beri að stöðva.

Khalil Shikaki hjá palestínsku stofnuninni Center for Policy and Survey Research er miður sín yfir niðurstöðunni, og líst ekki á blikuna. "Ég hef mjög miklar áhyggjur af því sem í vændum er" segir hann við New York Times .

Danskur undirlægjuháttur

 

 

Ímyndið ykkur að RÚV hefði búið til þátt um öfgafulla íslamista árið 2002 og sent hann út tvisvar sinnum. Ímyndið ykkur að þátturinn hafi orðið áhugaverður aftur í kjölfarið á allri umræðunni um teikningarnar af Múhameð spámanni nýverið. Ímyndið ykkur að viðmælendurnir í þættinum, sem tilheyra íslamístískum samtökum á Íslandi, sem t.d. gætu heitið Hizb ut-Tahrir al Islandiah, hafi neitað at taka þátt í endurgerð þáttarins ef aðrir en múslímar væru með í þættinum. Ímyndið ykkur að RÚV hafi gengið að þeim skilmálum og flutt þáttinn, þannig að viðtöl við "vantrúaða", kristna og gyðinga, væru fjarlægð úr þættinum.

Þá að bláköldum veruleikanum.

Allt þetta hefur gerst í Danmörku. Danskir fjölmiðlar greindu frá því  hér um daginn að þáttur danska útvarpsins DR (P1), sem fyrst var sendur út árið 2002 og ber heitið Jihad.dk, var nýlega sendur út aftur. Þátturinn var sendur út með þeim skilyrðum öfgasamtakanna Hizb ut Tahrir, að engir nema múslímar mættu taka til orða í þættinum. DR hefur veitt öfgasamtökum tækifæri til að ritskoða fólk með aðrar skoðanir eða trú.  Hizb ut Tahrir hefur í Danmörku hvatt til "drápa á gyðingum, hvar sem þá er að finna", og þeir hafa heimsyfirráð íslamísk kalífaheimsríkis á dagsskránni. Ekki má gleyma ætlun þeirra að útrýma Ísraelsríki, því borgin al Quds, miðja nýja heimsríkis þeirra, á að rísa þar. Jerúsalem heitir borgin í okkar menningarheimi, en múslímar eru meira fyrir hið smekklega nafn al Quds. 

Svona er nú veruleikinn í Danmörku. Að mínu mati er stefna Danmarks Radio undirlægjuháttur og einfeldni, sem er eftir að draga dilk á eftir sér.

Íslendingur leitar hælis í Danmörku

 

Ég las áðan frétt á vísir.is um íslenskan mann á fertugsaldri, sem greinilega á það til að berja mann og annan, en segir hins vegar ekki farir sínar sléttar af viðskiptum við íslenska embættismenn og yfirvöld.

Viðskiptum hans við lögregluyfirvöld á Íslandi er líka lýst hér á vef Lögreglufélags Reykjavíkur (afsakið, en ég sé bara ekki neina haldbæra ástæðu til þess að Lögreglufélagið í Reykjavík sé með þetta mál á sinni kynningarsíðu, þar sem félagið er greinilega ekki málsaðili).

Íslendingurinn höggstóri hefur leitað á náðir Dana og býr á flóttamannastofnun í Kaupmannahöfn með öðrum sem ekki segja farir sínar sléttar og sótt hafa til Danmerkur fyrir ýmsar ástæður, eða ef til vill vegna þess að hér er hægt að gera grín af Múhameð.

Ekki ætla ég að leggja dóm á þetta mál Íslendingsins, en það er eitt atriði sem ég hnaut um í fréttinni á vísir.is

Þar er þetta haft eftir Hildi Dungal, sem telur fráleitt að hugsa sér að Danir muni veita íslenska flóttamanninum hæli: „Nema Danir hafi orðið þeim mun meiri áhyggjur af íslenskum efnahagsmálum."

Þetta er nú skrítið tilsvar hjá forstöðumanni Útlendingastofnunar. Í fyrsta lagi hefur stofnun Dungals ekki ekki neina lögsögu í máli Íslendingsins í Kaupmannahöfn. Í öðru lagi er Íslendingurinn ekki að flýja af efnahagslegum ástæðum, í þriðja lagi er Hildur Dungal að láta í ljós skoðanir sínar á Dönum og áliti þeirra á íslenskum efnahagsmálum, sem er langt fyrir utan starfssvið hennar.

Ef þetta gerðist í Danmörku, hefði Hildi Dungal verið skipað samdægurs í samtal hjá yfirmanni sínum og fengið viðvörun, og við annað brot væri hún komin út í raðir atvinnulausra. En við erum auðvitað að tala um Ísland, þar sem lögin eru bara til fyrir þá sem kunna að fara kringum þau.

Gæti verið að Íslendingurinn, sem því miður á það til að beita handalögmálinu, hafi lent í embættismönnum með sams konar stjórnsýsluvit og yfirmaður Útlendingastofnunar?  Þá gæti nú hugsanlega verið sannleikskorn í frásögn aumingja mannsins þrátt fyrir allt.

Stalín, Hitler og Múh....

 

Miðausturlandafræðinginn Bernhard Lewis, sem nú er orðinn fjörgamall, hefur verið í miklum metum hjá þeim sem stunda rannsóknir á menningu Araba og Íslams. Nú er ég ekki viss um að hann sé lengur í eins háu gengi og áður. Í viðtali vil Ruthie Blum hjá Jerusalem Post, segir hann m.a. þetta:

"What we are facing now is the third major threat to the world. The first was Nazism, the second Bolshevism and now this. There are parallels. Germany is a great nation, and German patriotism is a perfectly legitimate expression of the pride and loyalty Germans have for their country. But Nazism was a monstrous perversion of that and a curse to the Germans, as well as a threat to the rest of the world.

The aspiration for social betterment and social justice is very noble. But Bolshevism was a monstrous perversion of that, as well as a curse to Russia and a threat to the rest of the world.

Now we have a third similar situation. Islam is one of the great religions that sponsored one of the greatest civilizations in human history. But it has fallen into the hands of a group of people who are the equivalent of the Nazis and the Bolsheviks. They are a curse to their own people, as well as a threat to the rest of the world.

In all three cases, defeat means liberation".  Sjá nánar hér

 

 

 

 

 

 

 Altaristafla öfganna

Þetta hefur hann Lewis reyndar sagt okkur í nokkur ár, svo það eru ekki órar 92 ára manns sem hér hljóma, heldur niðurstaða sérfræðings sem hefur eytt ævi sinni í að rannsaka sögu Íslams og heim múslíma og hefur gert það betur en flestir aðrir. (Hann er gyðingur).

Íslenskir öfgabloggarar

 

 

Miklir öfgamenn hafa lagt leið sína á blogg mitt að undanförnu. Skrif mín virðast æsa þá, enda slær hjarta þeirra í takt við sprengjuhríð hinna þjáðu á Gaza. Þeir kenna Bandaríkjunum og jafnvel sjálfum sér um morðöldu og innbyrðis skálmöld í hinum mismunandi löndum múslíma. Vegna óhemju og gífuryrða í minn garð hef ég meinað nokkrum þeirra aðgang að bloggi mínu. Það er tilgangslaust að þrátta við fólk sem styður hópæsingu og öfga óupplýsts heims, heims sem ærist ef einhver í fjarlægu landi teiknar mynd af skrýtnum karli og sem kaupir sprengjur frekar en mat fyrir börnin sín.

Öfgarnar hjá þessum hatrömmu stuðningsmönnum öfganna renna allar að einum ósi. Feigðarósi stuðnings við öfl sem hafa eyðingu Ísraelríkis á stefnuskrá sinni og sem helst sjá endalok vestrænna gilda. Sjá hér. Sumir þessara gesta minna hafa lýst yfir harmi sínum yfir því að Hitler hafi ekki tekist betur við drápin en þær 6 milljónir gyðinga sem hann kálaði. Aðrir eru enn slímugri í hugsun, því þeir vilja banna gyðingum og Ísraelsríki að "misnota" útrýmingarherferð gegn gyðingum í Evrópu á 20. öld.  Það gerði Ingibjörg Sólrún líka hér um árið, þegar hún hélt því fram að Ísrael ætti ekki neinn einkarétt á réttlæti þrátt fyrir ósköpin í síðari heimsstyrjöld. Það sagði hún þegar leitast var eftir réttarhöldum yfir stríðsglæpamanni sem bjó á Íslandi. Núverandi utanríkisráðherra á Íslandi barðist gegn því að réttlætið mætti sigra yfir böðli gyðinga. Þvílík ósvífni.

Kannski kemst Ingibjörg í Öryggisráð SÞ með hirð fólks sem hefur atvinnu af því að túlka heiminn eftir kenningum pólitískrar rétthugsunar og hræsni. Þá mun heimurinn komast af því sanna um "hlutverk Íslands á meðal þjóðanna", en annars geta menn lesið um það hér ef þeir vilja og leita eftir nafni ráðherrans.

Öryggisráðið er sirkus

 

Eftir árás Palestínumanns á Yeshivu (Torah-Talmud skóla) Mercaz Harav í Jerúsalem í gær, þar sem 8 ungmenni voru myrt á hrottalegan hátt fyrir frelsi Palestínu, er hægt að sjá hve mikils virði Öryggisráð Sameinuðu Þjóðanna er.

Þegar greiða átti atkvæði til að fordæma árásina, var það ekki hægt, því einræðis- og íslamistahreiðrið Líbýa andmælti. Líbýa hefur líka, eins og Gaza, eyðingu Ísraelsríkis á dagsskránni.

Þessu ófremdarásstandi í Öryggisráði SÞ breytir Ingibjörg Sólrún auðvitað þegar hún fer í Öryggisráðið með hirð sína. Eða verður hún strengjabrúða Ghadaffis og arabaríkjanna. Það verður hált á bónuðum gólfum friðarins í New York. Imba gæti hæglega orðið trúður í öryggissirkusnum SÞ.

Ingibjörg Sólrún Gísladóttir utanríkisráðherra sagði í Fréttablaðinu í gær að hún sæi ekki ávinninginn af því að slíta sambandinu við Ísrael, þrátt fyrir að Ísraelsmenn væru að "„hóprefsa" Palestínumönnum á óafsakanlegan hátt". Fullreyna þyrfti opinberar leiðir, svo sem öryggisráðið. Og að alþjóðasamfélagið léti í sér heyra. Ráðherrann getur hér séð hvers virði öryggisráðið er.

Hvað eru árásir Hamas á Ísrael annað en hóprefsingar? Er enginn heil brú í því sem blessunin hún Ingibjörg er að gera og hugsa. Það skýtur skökku við þegar ráðherrann bíður þangað til byssurnar þagna í Darfúr http://postdoc.blog.is/blog/postdoc/entry/294226/ .

Svo kom það fram í gær að Vinafélag Palestínumanna á Íslandi telur Hamas lýðræðislega kosna stjórn Gaza. Það er sorglegt að sjá að læknir í lýðræðisríki, Sveinn Rúnar Hauksson, álíti að hryðjuverkasamtök sem stjórnuðu "kosningum" með byssuhlaupi og ógn séu lýðræðisleg.

 

Palestínumenn fagna morðárásinni á rabbínanemana

 

Yohai Livshitz, 18 ára 

Neria Cohen, 15 ára

Segev Peniel Avihail, 15 ára

Avraham David Moses, 16 ára

Yonatan Yitzhak Eldar, 16 ára

Yonadav Haim Hirschfeld, 19 ára

Roee Roth, 18 ára

Doron Meherete, 26 ára

ז״ל

Mussolini leiðtogi múslíma

 

Er þetta andlit Múhameðs? Vonandi verð ég ekki drepinn fyrir þessa spurningu af múslímum sem ekki vita að Kóraninn bannar einvörðungu múslímum að sýna ásjónu spámannsins. Ekkert bann er við því að vantrúaðir teikni hann. Ég tek það skýrt fram, að ég birti ekki þessa mynd fyrstur. Hún er gömul. En spurningin er réttmæt og allt skýrist við áframhaldandi lestur.

Eftir að Mussolini, sem myndin á auðvitað að sýna ásamt landakorti hugaheima hans, hafði framið óskunda og fjöldamorð í Eþíópíu, ofmetnaðist hann. Hann setti fram áform um að stofna nýtt Rómarveldi, sem átti að ná frá Palestínu í austri, vestur til Líbýu og suður til Kenía.

Fréttaritari Morgunblaðsins í Kaupmannahöfn lýsti á skemmtilegan hátt ferð Mussolinis til Líbýu árið 1937 (á blaðsíðu 2 þann 16. mars 1937). Greinin var að mestu var soðin upp úr grein í The Times. Hér eru nokkur brot:

"Sigurför" Mussolinis um Libyu. Hann vill vera verndari alls Islams.

Arabar ávarpa hann "hinn mikla Mussolini".

Bíða eftir tækifæri til að votta þakklæti sitt.

Athyglisverðasti árangur fararinnar er þó talinn sá, að Arabar, einkum málsmetandi Múhameðstrúarmenn hafa vottað Mussolini hollustu sína. Þúsundir innfæddra manna hafa tekist á hendur langferðir úr fjarlægum hjeruðum og ferðast mörg hundruð mílur til þess að sjá Mussolini, "verndara Islams". 

Kadi (dómarinn) í Dena ávarpaði Mussolini á þessa leið: "Mikli Mussolini, þú getur treyst því, að hinar fjögur hundruð miljónir Múhameðstrúarmanna í heiminum hafa í miklum metum hollustu þina við Islam, og vjer vonum að oss gefist tækifæri til að votta þjer þakklæti vort".

Þessu svaraði Mussolini: "Ítalir vernda Islam hvar sem er í heiminum". 

 

Il Duce átti greinilega upp á pallborðið hjá múslímum

Svo gerðist hræðilegur atburður sem líka er sagt frá í Morgunblaðinu þennan sama dag. Naut nokkuð, sem ekki bar eins mikla virðingu fyrir Mussolini og múslímar, gerði sér lítið fyrir og réðst að Mussolini: "Balbo marskálkur, landstjóri í Líbyu bjargaði Mussolini undan mannýgu nauti þegar einræðisherrann og föruneyti hans var i Bengasi (hafnarborg við Miðjarðarhafið) í gær. Nautið rjeðist að Mussolini sett undir sig að [sic] Mussolini, en Balbo brá skjótt við og lagði nautið á hornunum. Sjálfur stóð Mussolini óhreyfanlegur."

 

Il Duce, múslímar með fasces og Balbo í Bengasi

 

Nautabaninn Balbo var enginn annar en Italo Balbo (1896-1940), flughetjan og svartstakkurinn sem kom við á Íslandi árið 1933 þegar hann flaug yfir Atlantsála. Hann varð landstjóri Líbýu árið 1934. Gárungar á vesturlöndum kölluðu Líbýu á þessum tíma "Balboland".  Mussolini hafði sent Balbo til Líbýu því þeir voru ekki miklir vinir. Endalok hans urðu nú álíka ömurleg og hins stjarfa Mussolinis, því hann var skotinn niður í flugvél sinni af ítölskum loftvarnasveitum í Líbýu og telja sumir það hafa verið gert að undirlagi Mussolinis. Balbo var eini meðlimur fasistaveldisins á Ítalíu sem var mótfallin kynþáttalögum sem sett voru á Ítalíu gegn gyðingum árið 1938. Þó hann hafi fyrirskipað gyðingum í Líbýu að hafa búðir sínar opnar á hvíldardeginum, kom hann í veg fyrir að kynþáttalögum Generalissimos Mussolinis yrði framfylgt meðan hann var hundraðshöfðingi í landinu. Eftir dauða hans var evrópskum gyðingum smalað frá Lýbíu í útrýmingarbúðir nasista.

Á sömu blaðsíðunni í Morgunblaðinu árið 1937 má sjá litla frétt um 8 Gyðinga sem myrtir voru í Palestínu, sem er auðvitað ekki í frásögur færandi þá frekar en í dag, þegar sumar Íslendingar hamast í heitu ástarsambandi við hryðjuverkasamtök í Miðausturlöndum og hata gyðinga eins pestina.

Það voru fleiri fréttir á þessari merku blaðsíðu í Morgunblaðinu árið 1937: Franco vildi borga með sherry fyrir Færeyjasaltfisk og upplýst var að rauðliðar hefðu fyrr fengið greitt með appelsínum fyrir fiskinn. Var þetta tilfellið með Íslandsfiskinn. Var hann ekki líka seldur til Mussolinis?

Enn merkilegri er þó fréttin um Kristján X, sem heimsótti Hitler:

"Kristján konungur X, sem nú er staddur í Berlín, hefur heimsótt fyrrverandi ríkiserfingja Þýskalands og ennfremur hefir hann heimsótt Hitler". Mér sýnist á öllu að danska konungsfjölskyldan ætli ekki að gefa mér leyfi til að skoða það mál niður í kjölinn, þótt enginn sagnfræðingur hafi haft rænu á því að fjalla um heimsóknina. 

Grænn af reiði

 

Ögmundur Jónasson sleppti sér í dag á hinu háa Alþingi. Hann krafðist þess að Íslendingar slitu umsvifalaust stjórnmálasambandi við Ísrael. Reyndar er Ögmundur búinn að bölsótast yfir Ísraelsríki svo lengi sem elstu menn muna.

Ekki man ég eftir því að  Ögmundur sleppti sér og krefðist þessa að Íslendingar slitu stjórnmálasambandi við Rússland þegar Rússar slátraðu Tétjeníumönnum skipulega.

Við getum öll, með því að slá inn nafn kappans á Google "and Darfúr", séð hve mikið Mundi hefur sveiflað sverðinu gegn Súdan á opinberum vettvangi fyrir útrýmingarherferð múslíma þar.

Ögmundur Jónasson er lýðskrumari af verstu gerð eins og margir í hans flokki. Hann er opinber stuðningsmaður samtaka eins og Hamas og Hizbollah, sem lýst hafa vilja sínum til að útrýma gyðingum, og t.d. frændum okkar Dönum.

Hann hefur í fáfræði sinni og öfgum líkt Ísraelsríki við Þýskaland nasismans http://www.ogmundur.is/i-brennidepli/nr/1345/ og tönnlast á orðinu þjóðarmorð án þess að þekkja skylgreiningu SÞ á því ljóta fyrirbæri. Þekkir hann ekki mannréttindasáttmála SÞ?

Mig langar í vinsemd að benda Ögmundi og hans líkum á að kynna sér hvernig EUMC skilgreinir gyðingahatur.  Mér sýnist á öllu að það sé best að Ísland gangi ekki í Efnahagsbandalagið, því þá verður hægt að stefna Ögmundi fyrir gyðingahatur ef hann heldur uppi samlíkingum milli Hamas og gyðinga i Helförinni. SÞ hafa reyndar sett saman líkar reglur og EUMC, og mér skilst að Íslendingar hafi skrifað undir þær.

 

Medvedev

Mikil tíðindi berast okkur austan úr Kreml. Dimtry Medvedev, sem er meira eða minna meðvitaður hluti af Pútín, sigraði í forseta.......

Medvedev sést hér þegar Pútín óskaði honum innilega til hamingju með sigurinn í gærkveldi.

 

Medvedev segist fylgja stefnu Pútíns í einu og öllu.  Kannski ætlar hann í enn eina útrýmingarferð til Tétjeníu?

Flugsýningar gamalla herflugvéla við Ísland eru líka ofarlega á óskalista hins mjög meðvitaða forseta rússneska lýð.....

Á Wikipediu stendur þetta um Medvedev:  

"He is a fan of an Internet slang dialect common among Russian youth, Olbanian (Russian: олбанский язык, transliteration: olbansky yazyk), and has said he believes it should be studied in schools to promote greater literacy in the Internet and modern culture in Russia. He has said he believes in the legitimacy of alternative languages used on the Internet".

Medvedev skilur því örugglega þessa færslu mína og líka sendimenn hans í rússneska sendiráðinu.

Поздравляю вас!