Allah stjórnar gosinu í Eyjafjallajökli

Góðvinir íslensku ríkisstjórnarinnar, Hamas, eru ekki í vafa um að Allah hafi haft puttana í gosinu í Eyjafjallajökli.

Mikið er ég feginn að hann taki þetta að sér. Ætli hann sé ekki líka ábyrgur fyrir efnahagshruninu? Jóhanna gæti reynt að senda reikninginn til Alla, í stað þess að senda peninga íslensku þjóðarinnar til hryðjuverkastarfsemi í Palestínu.

Landhreinsun 2010

Nú eru margir að skoða hug sinn og meta hvort þeir séu hæfir til að halda áfram á rústum hrunsins. Ég hef nú litla trú á því að margir víki fyrir fullt og allt, enda Íslendingar upp til hópa svo hæft fólk ...

Fey Gonnaway með öll kúlulán mannsins síns er þó alveg hætt í bili.

Björgvin "Bob" Hope skemmtir ekki neinum lengur, nema kannski hrossum uppí Hreppum

Sjálfstæðisflokkurinn er orðinn svo berrassaður, að formaðurinn er eins og beinagrind með 174 millur að baki. Þetta er Þorsteinn í bakgrunninum eins og ávallt. 

Samfylkingin, eins og hún lagði sig, bíður og sér hvað setur. Kannski þarf hún að láta sig hverfa á einu bretti. Komast þá vonandi fleiri Cro Magnon menn en konur til valda í þeim flokki. Hrunskýrslan hefur greinilega sett mark sitt á Össr, sem er lengst til vinstri á þessari mynd, og styður sig við spýtuna sem ESB hékk á.

Framsóknarflokkinn er ekki hægt að hreinsa:  og Hreyfingin hefur verið dauðhreinsuð. Þar er ekkert vitsmunalíf lengur, nema kannski í kollinum á Saari. Kannski skoðar Birgitta hug sinn og birtir það á Wikileaks.

Nei, það er ekki efnilegt ástandið.

Hitti Arnald í Berlín

Nýlega var ég á huggulegheitatúr í Berlín. Fór þar meðal annars inn í margar bókaverslanir, þegar ég var ekki á söfnum, á tónleikum í fílharmóníunni, eða bara að borða fisk á frábærum fiskistað í KaDeWe. Berlín er mögnuð borg. Mér líka alltaf betur og betur við hana.

Arnaldur, eða „Índrídasohn" eins og han nefnist á þýðversku, er stór í Berlín og var t.d. í síðustu viku á forsíðu blaðs bókakeðjunnar Hugendubel, og er tveggja blaðsíðna viðtal við hann í blaðinu. Ég sem hélt að Þjóðverjar læsu ekki krímí. Sérstaklega ekki í borg, þar sem morðið á milljónum manna var skipulagt. Der Alte og lögregluhundinum Rex frá Vín, hafa sýnt okkur að morð eru enn framin upp á þýsku og þýskumælandi mönnum líkar einnig við íslensk ódæði og óhæfuverk af bók.

Ég verð nú að viðurkenna, að ég hef aldrei lesið stafkrók eftir Arnaldo, sem ég kannast við frá menntaskólaárunum. Þau kynni taka nú ekki úr mér kjark við að lesa hann, en ég fæ einfaldlega ekki kikk út úr krimmum. Heimurinn er svo fullur af morðingjum og illmennum, að maður þarf bara að hlusta á fréttirnar. Þar er nógur glæpur fyrir mig, og stjórnmálin á Íslandi...  

En þar sem Arnaldur á Stöðinni var á forsíðu ­þýsks verslunarblaðs, eins og ódýrt gestarúm í Ikea-bæklingi, keypti ég kiljuna Tödliche Intrige, sem er nærri bein þýðing á stórverkinu Bettý, sem ég hafði reyndar aldrei heyrt um, og sýnir það hve ómenningalegur ég er þegar að morðbókmenntum kemur.

Ég byrjaði að lesa í Tödliche Intrige í rútu, sem við þurftum að taka til Kaupmannahafnar vegna hryðjuverkastarfsemi náttúrunnar á Íslandi. Ég veit ekki hvort það voru óþægileg sæti í rútunni eða leiðinlegur texti sem gerði, að ég náði aðeins til bls. 20. Það gæti líka verið þýskukunnáttan. Ekki útiloka ég heldur lesturinn hafi stöðvast vegna sterkrar ópíumlyktar af Pakistana nokkrum, sem sat fyrir aftan okkur. Hann talaði mikið við finnska konu, sálfræðing, sem hafði strandað í Berlín. Sá pakistanski sagði finnsku konunni að hann ætti veitingastað á Oranienburgerstrasse á Kreuzberg. Oranienburgerstrasse er bara einu sinni ekki á Kreuzberg, svo ég var viss um að sá Pakistanski var alls ekkert frá Berlín frekar en ég. Krimmafantasían fór á stað í heilanum á mér: Hann var líklegast nýkominn frá Pakistan með fulla tösku af góðgæti handa dönskum fíklum. Enginn tollur, engin landamæravarsla, eintómt Schengen alla leið til Mandalay. Kannski var glæpur í uppsiglingu í rútu frá Berlín til Kaupmannahafnar? Minn innri hasshundur segir mér það. Fók mun deyja af overdosis af ólyfjan Pakistanans í rútunni og síðar í bókinni Tödliche Intrige von Índrídasohn.

Ég spái því að ég verði búinn með Tödliche Intrige sumarið 2020, ef þetta heldur svona áfram. En ég studdi þó listirnar með því að bæta tveimur sentímetrum af Índrídasohn á þýsku við lengd bókasafns míns.

Gýgurin Gígí

 

Jarðfræðingar hafa oft séð gíg í gígum. En hafa þeir séð gíga(i) í gýginni? Á hinum síðustu og verstu tímum femínismans, sem tröllríður öllu, er við hæfi að benda á, að í Eyjafjallajökli (Iforgottogetthejougurth upp á enska tungu), hvílir tröllskessa ein mikil, sem heitir Gígí (Gigi the Gigant á enska tungu). Trúa þeir sem trúa vilja.

Haraldur Sigurðsson, jarðfræðingur bloggsins, hvað segirðu nú?

Nýr gígur kominn í ljós

Múhammeð gerir allt brjálað í South Park

 

Múhammeð spámanni brá fyrir í nýjustu gerð South Park teiknimyndaþáttarins. Tekið var tillit til þeirrar miklu leyndar sem hvílir yfir útliti hans og sérkennum. Þess vegna völdu aðstandendur South Park, sem eru vel menntaðir ungir menn a gyðingaættum, það ráð að bregða honum í bjarnarlíki. Múhameð kom því fram sem sætur bangsi, teddybjörn. Ekkert var auðvitað talið óeðlilegt við það. Áður höfðu komið fram í þættinum hann Jesús, Guð faðir hans, Móses frændi hans, Budda frá Indlandi, Fjandinn sjálfur úr Helvíti og aðrir guðir og boðarar þeirra, að minnsta kosti tveir páfar úr Rómi og jafnvel Kári í deCODE... Eða einhver sem líktist honum.  Jón Valur Jensson eða Davíð Oddson hafa þó ekki verið með í þættinum, og er það South Park vart til framdráttar.

Nú vill svo til, að Múhammeð í Bjarnarlíki er jafnmikill glæpur og Muhammeð sem smjörlíki, Múhammeð með bombu í túrbaninum eða rauðhærður Múhammeð sem ég hef einu sinni séð í teiknimyndaseríu. Allt slíkt guðlast við aðalútsendara Allah kallar á allsherjar Jíhatur, Sjaría, Napalm, Eyjafallajökull, og hvað það nú heitir. Öfgasamtök í New York, þar sem útsendarar Múhammeðs felldu tvo turna og 3000 manns í bræði út af einhverju sem þeim mislíkaði, boða nú skyndilegan dauðdaga fyrir aumingja drengina sem teikna og úthugsa South Park í frímínútunum. Fréttastofa Reuters gamla greinir frá því að nafn spámannsins hafi þegar verið fjarlægt úr þættinum.

Ég sé að Mogginn fer fínt í þetta og ætlar ekki að birta neinar myndir af böngsum á næstunni eins og oft áður, og Björn Bjarnason, sá gamli jæjatolli, er hættur að skrifa af hræðslu við að enda eins og van Gogh.

Nú veltur allt á Wikileaks. Wikileaks verður, með hjálp nokkra nothæfra idjóta á Íslandi, að birta það sem South Park hefur nú bíbað í burtu. Hvar ertu nú Birgitta? Hvernær kemur upphaflega gerðin af nýjasta þætti South Park um Múhammeð á Wikileaks? Við eigum rétt á því að vita allan sannleikann!! Hvað var sagt? Er Múhammeð bangsi?

Múhammeð spámanni hefur svo sem áður brugðið fyrir í South Park. Hvað eru menn að æsasasig?

EU über alles - aber noch nicht über 0,7% - Island

Þann 22. apríl lýsti Bundestag, þýska Sambandsþingið, blessun sinni yfir ESB-umsóknarbeiðni lesbíska forsætisráðherrans og líkþráa utanríkisráðherrans okkar (sjá hér). Greinin á vef Bundestag er ekkert minna en móðgun við lýðræðið á Íslandi.

Ég var þá nýkominn heim frá Berlin, og hefði ég vitað þetta hefði ég ef til vill kveikt í Reichstag. Eftir að ég skrifa þessi orð, fer ég líklega beint á hryðjuverkamannalista ESB eins og ýmsir íslenskir stjórnmálamenn, sem hafa lýst stuðningi við Hamas og önnur hryðjuverkasamtök. Verið er að undirbúa mál gegn þessum stjórnmálamönnum og öðrum Íslendingum, ef vera skyldi að Íslandi yrði potað inn í ESB-samkunduna án vilja meirihluta íslensku þjóðarinnar.

Smáþjóðir hafa áður verið troðnar í svaðið af Þjóðverjum með svokölluðum "viljayfirlýsingum". Yfirgangurinn í stóru ESB-þjóðunum er ófyrirleitinn og óhemjulegur. Þær leggja allan sinn þjóðernislega þunga í að pressa smáþjóðir. 

Græningjarnir og Die Linke (Die alte DDR-Kammeraten) sjá fram á mikilvægasta mál á þeirra heilum, hvalveiðibann, leysist með inngöngu Íslands í ESB. Hinir, sem enn eru ekki komnir úr grænu einkennis- og þjóðbúningunum, sjá fram á Ísland sem hluta af hernaðarlegri heild ESB. Í greininni á Bundestag stendur: Außerdem habe die EU auch ein strategisches Interesse: "Island ist das Tor zu Arktis, gerade mit Blick auf die dortigen Rohstoffe sollte die EU hier präsent sein". Þetta er haft eftir Dr. Andreas Schockenhoff, varaformanni þingflokkssambands CDU/CSU. Schockenhoff, sem er dr. í rómanistík, bætir svo þessu orðagasi við: Trotzdem müsse die Atlantikrepublik auch die politischen und wirtschaftlichen Kriterien für eine Aufnahme erfüllen. Island dürfe nicht nur aus finanziellen Gründen Mitglied werden. "Es muss auch die Grundidee einer immer tieferen Integration mittragen", forderte der Politiker.

ISLAND DÜRFE NICHT NUR AUS FINANZIELLEN GRÜNDEN MITGLIED WERDEN. Vonandi hefur sú lesbíska og sá líkþrái séð þetta og skilið. Ég skil hins vegar ekki alveg síðari setningu Scohkenhoff, sem virðist vera eintómt orðgas, en gas hefur áður verið notað til að drepa þjóðir. Kannski getur málaséníið Jóhanna sagt okkur hvað hvað það þýðir?

Es muss auch die Grundidee einer immer tieferen Integration mittragen??? Með 0,7 % atkvæðismátt í ESB, mun Ísland svo sannarlega bera þunga byrði sameiningar í ESB? Land og þjóð, sem hefur akkúrat ekkert að segja um framtíð sína í ESB, ber miklar byrðar á herðum sér.

Þó Þjóðverjar séu leiðir á því að vera Þjóðverjar og ungir Þjóðverjar vilji helst kalla sig ESB-borgara en ekki Þjóðverja, er það ekki vandi Íslendinga. Íslendingar ættu ekki að ímynda sér að þeir geti haldið í gömul þjóðernisgildi sín í ESB. Íslendingar missa alla sérstöðu sína sem þjóð, vegna vondrar samvisku Þjóðverja og óþols þeirra í eigin líkama.

Efst má sjá skoðun andhófsmannsins Vladimirs Bukovskys og neðst lofræðu góða um ESB, sem Hitler hefði örugglega diggað.

Refur komst í bleikt

Það slær alltaf óhug að manni þegar fréttir berast frá Finnlandi. Hér nægir að nefna nokkrar fyrirsagnir: "1500 manns með niðurgang eftir að hafa borðað of mikið af gölluðum Panda lakkrís", "1000 manns með harðlífi vegna þess að þeir hafa borðað of mikið Fazer súkkulaði", "hnífar á útsölu" og "14 með bráðaastma eftir sauna-maraþon í Tuurku".

Þessi nýjasta frétt frá Finnlandi um rebba, sem drap 16 flamingóa, er hins vegar upplífgandi. Til að halda bleika litnum á flamingóum er þeim gefið bleikt fóður, m.a. rækjuúrgang og annað bleikt. Eftir að hafa drepið og jafnvel étið eitthvað af bleiku illfygli, tel ég ótvírætt að rebbi hafi tekið gýfurlegum litabrigðum.

Samkvæmt fréttastofu Rauða Refsins, taldi rebbi sig hafa myrt í sjálfsvörn. Hann fann þefinn af kjúklingum en mætti "leggjalöngum, skrækjandi og flagrandi hommapútum", svo notuð séu hans eigin orð. Hvað getur refur gert við slíkar kringumstæður? - Æi, nú er best að hætta, annars fæ ég örugglega athugasemdir herskara reiðra, samkynhneigðra flamingóa það sem eftir er dags.

Refurinn komst í feitt

Hetjum er ekki alltaf treystandi

Í dag er sorgardagur í Danmörku og Noregi. Menn minnast innrásar Þjóðverja, enda er enn góð ástæða til þess. Ein þjóðanna er í ESB. Nú eru 70 ár síðan að svínin þrömmuðu í land hjá nágrönnum okkar. Stríðið er líka enn erfiður biti að kyngja fyrir Dani, og það virðist vera langt er í það að þeir geti horfst í augu við allar staðreyndir, t.d. að þeir fóðruðu Wehrmacht, sáu drápsvél nasista fyrir mat og græddu vel á því. Nú ríkir sú skoðun á meðal margra danskra sagnfræðinga, að samvinnupólitík Dana hafi verið blessun og snilligáfa. Þeir sem ekki fylgja þeirri söguskoðun eru úthrópaðir sem móralistar. Það á víst við fólk eins og mig, og aðra sem flett hefur óvart eða skipulega ofan af skítverkum Dana í stríðinu.

Einn nasistinn, sem Danir hafa hafið til skýjanna í samvinnu við þýsk yfirvöld, var Georg Ferdinand Duckwitz. Hann var á sínum tíma heiðraður fyrir að hafa lekið upplýsingum um fyrirætlanir Þjóðverja með danska gyðinga til stjórnvalda í Danmörku í lok september 1943.

Vasabækur G.F. Duckwitz

Lengi var ekki hægt að fá aðgang að skjölum um Duckwitz i utanríkisráðuneytinu í Þýskalandi. Aðeins einn danskur sagnfræðingur mátti vinna með efnið. Ég gat sýnt fram á einkennileg vinnubrögð þessa sagnfræðings. Ég barðist í nokkur ár fyrir því að fá að sjá skjöl um Duckwitz og með hjálp álþjóðlegra stofnana féllst þýska utanríkisráðuneytið loks á að leyfa mér að sjá hvað Duckwitz hafði skrifað. Sat ég í nokkra daga á skjalasafni utanríkisráðuneytisins í fyrrverandi Stasí-bíósal í Berlín haustið 2005 og rannsakaði undarlega dagbók hans, sem ég tel vera skrifaða löngu eftir stríð, og vasabækur hans sem menn vildu helst ekki láta frá sér. Lítið af því sem Duckwitz sjálfur sagði samtímamönnum sínum virðist vera rétt. Skýrsla um hann hjá útlendingaeftirliti ríkislögreglunnar í Danmörku skoðaði ég einnig fyrstur óbreyttra borgara. Þar kom margt í ljós, sem ekki var vitað áður og sem ekki passar við það sem Duckwitz og Krataráðherrar í Danmörku sögðu okkur um samvinnu þeirra í milli. Allt þetta getið þið lesið um hér ( í danska tímaritinu RAMBAM 15, 2006) og um leið æft ykkur í dönsku (greinin er væntanleg á ensku).

Í  dagbókina sína frá stríðsárunum, færði hann upplýsingar um tilræði gegn Hitler þann 19. júlí, daginn áður en tilræðið átti sér stað. Það verður að teljast vel af sér vikið.

Hótel Adlon þegar foringinn var hetja Þýskalands

Eitt af því sem þessi vafasama hetja hélt fram eftir stríð, var að hann hefði verið í Kaupmannahöfn 9. maí 1940 og horft sorgmæddum augum á landa sína þramma um götur Kaupmannahafnar. Tárin virðast hafa runnið alla leið til Berlínar, því í vasabók hans frá 1940 kom í ljós, að Duckwitz sat á Hótel Adlon í Berlín þann 9. apríl 1940 og hitti ýmsar vænar konur á kvöldin og toppnasista á daginn. Hann skemmti sér konunglega og vart hefur verið nokkur tími til að fella tár fyrir dönsku þjóðina, þar sem hann skemmti sér með germönskum glæsikvendum á dýrasta hóteli Þýskalands. Spurningin er, hvort hann hefur ekki einfaldlega tekið þátt í undirbúningi innrásarinnar í Danmörku?

Hetjum er ekki alltaf treystandi. Myndin af Duckwitz efst er úr skrá þýska nasistaflokksins, þegar Duckwitz sótti um að gerast félagi í flokknum á unga aldri.

Bónusfeðgar opna verslun á Fimmvörðuhálsi

Top Gear var á gosinu á Fimmvörðuhálsi í dag með jarðvísindamönnum og öðrum stjörnum. Ef þetta heldur svona áfram, hverfur fréttagúrkan algjörlega úr höndum fornleifafræðinga. Hverjum er ekki sama um nýtingu lands fyrir landnám, eða að Þorgeir Ljósvetningagoði hafi verið skápshommi? ... Var hann þaaað?

Jóhannes í Bónus og Jón Ásgeir  opna í næstu viku verslun á Fimmvörðuhálsi. "Umferðin þarna er alveg brjáluð", sagði Jóhannes í dag og Jón Ásgeir tekur undir það. "Þetta er eins og Drive-Inn bío á miðjum Laugaveg" segir Jón.

"Ef þeir fá að opna Bónus á hálsinum kemur Sullabúð líka, og líka uppi á Heklu", segir Jón Kerald Sullenberger  í viðtali við vísir.is

Allir eru sammála um að þetta sé hinn besti staður til að græða á daginn og til að verða grillaður á kvöldin.

Ríkisstjórnin hefur ákveðið að setja toll á eldgos og skatta á eldvirkni. Bresk blöð hafa þegar skrifað um femínístíska gosið í heiminum - þetta er hörkulesbískt gos í sleik við íkveikjufíkla. 

Er Kristinn Hrafnsson á röngu horni ?

Í fréttum Sjónvarps kl. 19.00 sl. mánudagskvöld stóð Kristinn Hrafnsson á horni í Bagdad. Hann sagði okkur, að þetta væri hornið sem skotið hafi verið við í júlí 2007. Þ.e.a.s. hornið sem sjáist í þeirri mynd, sem hann, Wikileaks og Birgitta Jónsdóttir birtu umheiminum um daginn, eftir að íslensk yfirvöld höfðu ofsótt þau - en svo sagði foringi Wikileaks.

Eftir nákvæma skoðun á myndbandinu læðist að manni sá grunur, að Kristinn Hrafnsson sé ekki við sama hornið og þyrluárásin í myndinni var gerð á. Við götuna, sem þar sem skotið var á menn, sem m.a. báru vopn, eru nokkur hlið. Yst (austast) við hornið, þar sem ljósmyndarinn kíkti til þyrlunnar er hlið, sem Kristinn Hrafnsson segist standa við. (Sjá myndina efst).

Svona er hornið í myndinni sem lekið var. Ekki sýnist mér þetta vera sama hliðið eða hornið. Gæðin eru reyndar ekki góð í stolna myndbandinu. Þetta geta menn skoða og borið saman við hliðið sem Kristinn stóð við. Gæti verið að gæði myndbandsins séu ekki nógu góð til að útiloka, að t.d. vopn hafi verið munduð?

 Stóð Kristinn á þessu horni um daginn?

 

Reuter-Ljósmyndarinn sem var felldur á ferð með vopnuðum mönnum kíkir hér fyri hornið, nokkrum sekúndum fyrir hræðilegan dauða sinn. Því er haldið fram á Wikileaks.com, að hann hafi þarna myndað Hummer-jeppa bandaríska hersins, sem var staddur þarna í nágrenninu. Kunnugt er og frægt, að ljósmyndarar Reuters t.d. í Líbanon hafa falsað ljósmyndir. Síðasta myndin sem ljósmyndarinn tók við götuna sem Kristinn stóð við um daginn er ekki fölsuð, en næstsíðasta myndin í vélinni er ekki af Hummer.

 Síðasta mynd Namir Noor-Eldeens

 

Samkvæmt Wikileaks er þetta næstsíðasta ljósmynd Noor-Eldeens. Hvar var þessi mynd tekin? Hvaða rúða er þetta? Hvaða konur eru þetta og hvað eru þær að biðja ljósmyndarann um? Hvar er myndin af Hummernum sem haldið er fram að Noor-Eldeen hafi ljósmyndað? Samkvæmt Reuter var hann með tvær myndavélar, en Wikileaks talar aðeins um eina.

Spurningin sem óneitanlega leita á mann, er hvort einhverjir fleiri séu á röngu horni í þessu máli, eða er Kristinn Hrafnsson bara rangur maður á röngum stað, sem hefur tekið rangan vinkil? Kannski hefur eigandi hliðsins á horninu skipt því út nýlega? Þá er ástandið ekki alslæmt í Bagdad. Mér finnst undarlegur munur á hliðinu í sjónvarpsfréttinni og hliðinu á horninu í austurhluta Bagdad. Afsakið fyrirfram að ég leyfi mér að gera það og spyrja allra þessara spurninga.

Kristinn skýrir þetta kannski fyrir okkur í Kastljósi í kvöld.

Viðbót 8/4: Auðvitað var Kristinn á réttum stað. Menn geta líka lesið bloggið Errata Security eftir Robert Graham, sem ég er hjartanlega sammála.

Í Kastljósi í gærspurði aðstoðarmaður bróður bílstjórans sem átti börnin sem lifðu af, hvort bróðir hans væri einn af vopnuðu mönnunum. Það eru víst fleiri en ég sem sjá vopnaða menn ... Aðstoðarmaður Kristins, Ali, spurði drenginn nærgöngulla spurninga um hvað faðir hans var að gera á svæðinu. Er ekki búið að segja okkur það? Hann var að hjálpa.  Af hverju er verið að pína drenginn meira en nauðsynlegt er?  Menn gætu hins vegar spurt, af hverju faðir hans var í hvítum slopp? Er það einkennisbúningur leigubílstjóra í Bagdad?

Ég tók eftir því, að haldið var fram af Kristni, að litla stúlkan sem var í bílnum hafi sprengjubrot í höfðinu. Íslenski læknirinn, sem spurður var álits, greindi ekki frá þessu sprengjubroti í höfði barnsins, þegar hann hafði lesið læknaskýrslur. Allur heimurinn er hins vegar búinn að fá að vita með hjálp RúV og Wikileaks, að barnið hafi sprengjubrot í höfðinu. Er ekki betra að fara rétt með Kristinn Hrafnsson, í stað þess að búa til drama í stað frétta?

Og hvernig hefði verið að Kristinn og Wikileaks hefði leyft fólki að sjá skýrslu Bandaríkjahers.

  

Óbreyttir borgarar með vopn? Kannski eru þetta kústar, eða menn með þrjár fætur, eða langmyndavélar eða borkjarnar úr Grænlandsjökli?

HVERNIG VÆRI EF WIKILEAKS og RÚV SÖFNUÐU PENINGUM TIL STYRKTAR BÖRNUM SENDIBÍLSTJÓRANS Í BAGDAD?