Nektarmynd af mér og Megasi

 

Nú getur enginn lengur falið sig á bak við dulnefni og orðskrípi á blog.is og verið þar með innpakkaðan skæting eða ólæti út af einhverju sem þeir hafa oft ekkert hundsvit á.

Ég hef alltaf komið fram sem Vilhjálmur samkvæmt þjóðskrá, og er þakklátur Mogga fyrir að leyfa mér það. Nú þegar búið er að fremja fjöldamorð á nafnleysingjum og furðuverðum hér á blogginu, verður Mogginn líka að útiloka alla bloggara sem eru eldri en 90 ára og eldri, og þá sem tóku og taka þátt í rússnesku byltingunni.

Ég óska ykkur góðs árs (2009) í baráttunni fyrir hryðjuverkasamtök á Íslandi sem og Hamas. Davíð Oddsson, Jón Ásgeir og Ólafur Ragnar eru tvímælalaust hættulegustu menn heims. Réttláta þjóðin og kjölturakkinn hennar, Hamas frá Gaza, eru alsaklaus.

Flugeldurinn á myndinni var sendur á loft á einni af fyrstu lofteldasýningum á Íslandi árið 1874. Kaupið nú helling af flugeldum og skrifið þá hjá Jóni Magnússyni, Frjálslynda flokknum.

Æi, ég fann ekki mynd af mér kviknöktum, með Megasi, þó ég leitaði alveg eins og óður. 

Gleðilegt Ár

til allra á Íslandi, líka bankavillinganna

Maður ársins er Enginn

Enginn er lögfræðimenntaður og er skyldur flestum af þeim vesalingum sem settu Alla á Eyrinni á hausinn.

Enginn er fjölskyldumaður, giftur Auði og á börnin Loft, Leysu og Eyðu. Hann hefur fá eða engin áhugamál og honum er alveg sama.

Enginn er góður vinur vina sinna og trúlaus. Nafnleynd eru grundvallarmannréttindi segir Enginn.

Enginn sótti um embætti sérstaks saksóknara

Getraun

 

Tvær spurningar:

1) Hvar voru flestir Palestínumenn myrtir eftir 1948, og t.d. 7000 þeirra á árunum 1970-71? (Arafat heitinn sagði reyndar að það hefðu verið 20.000).

2) Hverjir hafa oftast brotið alþjóðalög á Gaza síðan 2006 og hve oft?

Engin verðlaun eru í boði. Þekking eru verðlaun í sjálfu sér og auðvitað ættu allir að vita þetta.

Myndin er af syni versta morðingja Palestínumanna, sem gaf Palestínumönnum blóð í gær, blátt morðingjablóð.

Imba, láttu okkur vera og farðu svo burt

 

Ingibjörg Sólrún Gísladóttir á við mikinn vanda að stríða. Það er ekki nóg með að hún ljúgi og pretti þjóðina sem ráðherra í vitaduglausri ríkisstjórn, sem voru meðreiðarsveinar þeirra sem stútuðu efnahag Íslensk almennings. Hún lýgur líka í opinberum yfirlýsingum um alþjóðamál. Það eru mál sem hún hefur meiri áhuga á að vasast í en rústum efnahags íslensks almennings.

Imba er greinilega enn ekki búin að sætta sig við að hún varð ekki prímadonnan í Öryggisráðinu, eftir að hafa borið glás af peningum þjóðarinnar á hryðjuverkaríki og haldið pönnsuveislur í New York. En í miðju volæði Íslendinga hefur hún nú skapað pínkulítið öryggisráð í Reykjavík, þar sem hún og hún ein sendir út óhugsaðar yfirlýsingar, sem hún hefur kannski rætt yfir cappucinobolla með  litlu stelpunum sem hún hefur safnað í kringum sig og sem hún kallar aðstoðarmenn.

Í gær gagnrýndi Öryggisráð Imbu Sollu Ísraelsmenn fyrir að brjóta alþjóðalög. Hún gagnrýnir aldrei aðrar þjóðir en Ísraelsmenn fyrir að brjóta alþjóðalög. Þegar Rússar brjóta lofthelgi Íslands, flissar hún og er með píkuskræki eins og Pútín-groopie í Vladivostok.

Án þess að nefna Hamas á nafn í viðtali, sem Sjónvarpið átti við hana í gær, og þar sem hún lýsti Ísrael sem aðalvandanum í heiminum, mátti skilja á henni að Hamas væri með í einhverju friðarferli. Hamas hefur neitað að ræða frið við Ísraelsmenn. Hamas er í stríði við sitt eigið fólk. Hamas hefur ávallt haft eyðingu Ísraels að markmiði og útrýmingu gyðinga sem æðsta takmark. Engar ríkisstjórnir í Evrópu, nema Imbu-Ísland, telur Hamas vera í friðarferli.  Hamas eru ekki friðarsamtök. Friður er ekki á dagsskrá Hamas. Evrópusamband það, sem Imba vill stíma inn í á sérstakri undanþágu fyrir Íslendinga, lítur á Hamas sem hryðjuverkasamtök.

Imba litla er í sínum eigin heimi. Hún er er með það sem sérfræðingar kalla messíaníú. Hún heldur að hún sé valin af Lenín, Stalín og Maó í paradísinni Útópíu til þess að koma á friði í heiminum. Kona sem ekki getur komið málunum í lag á íslenska heimilinu, ætti bara halda sér heima hjá sér eða láta sér nægja að  fantasera um slæðudans í Haremi voldugs Sheiks í Langtíburtustan á baðherbergi Alþingis.

Enginn skildi hvað íslensk yfirvöld voru að gera í bankamálum, en Imba sagði alltaf við þjóðina að það "væri ekki skollið á neitt óveður", og það í miðri hríðinni. Henni skjátlaðist, og hún er líka út á þekju í alþjóðlegum málum. Er hún yfirleitt hæf til að gegna starfi sínu? Nei , nei og aftur nei. Manneskja sem ekki er fær um að sjá í gegnum lygamaskínu Hamas, ætti ekki að sitja á stóli utanríkisráðherra. Manneskja, sem ekki veit hvað hún hefur kastað peningum almennings í, ætti ekki að láta sig dreyma um að stýra fjármálum þjóðarinnar.

Hjálparsveit Hamas skaffar dótið

 

Aumingja Jón Magnússon alþingismaður. Fyrr á árinu vildi hann alla útlendinga í burtu, í gær lofsöng hann Hamas og frelsisbaráttu þeirra gegn verstu útlendingunum í heiminum, og í dag vill hann banna Íslendingum að nota peningana sína í það sem þeir sjálfir vilja. Frjálslyndur getur þessi manngarmur ekki verið.

Ég ætla bara að vona að Íslendingar styðji góð málefni, t.d. sölu hjálparsveitanna, og skjóti þessu „annus terribilis" út í veður og vind og eflist svo á nýju ári í baráttunni við slóttuga og lygna stjórnmálamenn og gráðuga og siðlausa svindlara.

Það eru aðrar hjálpasveitir sem Jón Magnússon telur hjálpar þurfi.  

Myndin er af Hjálparsveit Hamas að senda nokkra fjölskyldubana til Ísrael.

Beint í steininn

Loftárásir Ísraela á Gaza hafa m.a. beinst að illræmdu fangelsi Hamas, sem var byggt af Bretum fyrir langa löngu. Saraya fangelsið var lagt í rúst í gær.

Ásakanir Palestínumanna, um að allir fangar í Saraya hafi látist við loftárásina, eru auðvitað líka atriði í fjölmiðlasirkus Hamas hringleikahússins.

Hér eru nokkrar myndir af föngum sem sluppu. Þetta eru mest pólitískir fangar og ekki Hamasliðar. Hamas hefur viðurkennt að þetta séu félagar í Fatah og aðrir, en halda því jafnan fram að þeir séu ekki búraðir inni fyrir at vera andstæðingar Hamas, heldur fyrir "venjulega glæpi". Hamas hefur einnig viðurkennt að hafa beitt fanga í Saraya pyntingum.

Myndin hér að ofan sýnir aldraðan fanga Hamas skríða út úr fangelsinu.

eftir árásina

fyrir árásina

Frétastofan AP heldur því fram að þessi fangi gráti, þá virðist það helst vera af gleði

Hamas kemur í veg fyrir sjúkraflutninga til Egyptalands

Aboul Gheit utanríkisráðherra Egypta sagði í dag í Egyptalandi: „Við bíðum eftir því að hinir særðu Palestínumenn nái til Egyptalands, þeim er bannað að fara"

Abbas forseti Palestínumanna, sem Hamasstjórnin á Gasa virðir að vettugi og hefur reynt að myrða, segir að Hamas hefði getað komið í veg fyrir "fjöldamorðin" á Gaza, svo notuð séu hans orð.

Ingibjörg Sólrún hlýtur að fordæma þetta mannréttindabrot Hamas, eitt af fjölmörgum sem utanríkisráðherrann okkar leggur blessun yfir með þögn sinni, meðan hún hamast á Ísraelum. Hvaða uppeldi fékk þessi manneskja? Kannski að við lítum á það við tækifæri.

Viðbrögð fjandríkja Ísraels eru ekki nein ný bóla. Hér eru nokkur dæmi:

 

Í Ankara kunna menn líka samkvæmisleiki nasista

Santa Habibi í Damaskus vill líka dauða yfir Ísrael

Í Madrid vilja þessar senjórítur greinilega ekki það sama og Imba okkar

Smekkleysa hinna heilögu

 

Þessa smekkleysu gekk ég og góðvinur minn, Jerry Bergman, fram á á Nørrebro í Kaupmannahöfn þann 19. desember. Þetta er plakat Vinafélags Palestínumanna í Danmörku.

Sama dag rakst ég líka á þessa grein. Þrátt fyrir það sem stendur í henni og það sem haft er eftir mönnum sem sjá um velferðarmál almennings á Gaza, þá er enn verið að hamra á því að íbúar Gaza svelti og að helför sé í gangi.

Við sjáum myndir eins og þessa. Ísraelsmenn eru kallaði morðingjar á bloggum Íslendinga. En hvernig skyldi ástandið hafa verið í t.d. gettóinu í Varsjá sem ávallt er verið á klína á Gaza. Ekki var ég þar, en ég hef kannski meiri þekkingu á því en flest ykkar, þar sem ég gef brátt út bók með bréfum fjölskyldu manns kom til Danmerkur árið 1939 frá Varsjá. Honum var vísað úr landi árið 1941 vegna þess eins að hann var gyðingur. Mönnum er ekki vísað úr landi í dag í Danmörku vegna þess að þeir eru Palestínumenn. Fjölskylda hans skrifaði til hans og annarra í Danmörku frá 1939-1942. Ég veit hvað gerðist í gettóinu.

Það voru t.d. ekki Range Rover bílar í gettóinu í Warszawa eins og á Gaza í dag:

Þegar Hamas rændi jólunum

 

Hér er mynd af liðsmanni Hamas í jólasveinabúningi. Nú eru þeir sem hafa eyðingu Ísraels á stefnuskrá sinni komnir út úr skápnum sem algjörir jólasveinar.

Þegar þolinmæði Ísraels er að þrotum komin, rignir sprengjum Ísraela á "eymdina" í Gaza. Fréttastofur keppast náttúrulega við að kenna Ísraelsríki um að hafa rofið vopnahlé. Vopnahlé, sem reyndar hefur verið brotið á degi hverjum af hryðjuverkamönnum Hamas, meðan að það "stóð yfir". Í gær var 80 eldflaugum skotið frá Gaza á Ísrael. Sumar lentu á saklausum palestínskum börnum og urðu þeim að bana. En sjálfsmorð og barnamorð réttlæta auðvitað líka góðan málstað?

Ég horfi nú á sjónvarpsmyndir fra Gaza. Hetjurnar aka um á nýjum Range Rover, Benzum. Bílarnir og sprengjurnar er greinilega miklu mikilvægari en matur handa börnunum.  Keyrði Hamas þessum Range Rover bíluum gegnum göngin sín við landamæri Egyptalands?

Júðahrellir var sonur Múhameðs og Grýlu

Og þessu líkja sumir Íslendingar við gettó þau sem gyðingar voru lokaðir inni í um gjörvalla Evrópu, áður en þeir voru leiddir til slátrunar af forverum ESB-ríkisins. Mikið ógeð hef ég á fólki sem ekki getur séð í gegnum þessa fréttagjörninga hryðjuverkahópa og meðsekra aðstoðarmanna þeirra.

Ef fólk er ekki farið að sjá í gegnum fréttaskrum og svikamyllur Palestínumanna, er ekki nema von að útrásavíkingarnir gætu blekkt vinstri menn á Íslandi.

Hér er hægt að lesa meira um áróðurshernað Palestínumanna fyrr á árinu og hér. Hérer hægt að sjá markaðsborð á Gaza full af mat í desember 2008. Þorvaldur Friðriksson hjá útvarpinu fullvissaði okkur um daginn að það væri enginn matur á Gaza. Hvaðan fær Þorvaldur fréttamaður og skrímslafræðingur á RÚV þær upplýsingar. Hann lætur greinilega ljúga að sér fleiru en sögum af drekum og gömlum dínó saur.

Nóg að gera hjá feita organistanum

 

Hátíðirnar eru hættulegar. Hér í Danmörku heyrði ég í útvarpinu að margir Danir éti svo mikið um jólin, að þeir lendi á spítala með hægðarstíflur og annað menningarangur.

Fyrst er étin glás af önd og svo er steypt loftþétt lok ofan á með lagi af þykku rís a la mande, jólagotti og öðru sýrumyndandi gumsi. Svo kemur stíflan, kransæðastífla, hægðarstífla eða eitthvað álíka, eftir að þeir eldri hafa sest niður og horft á börnin opna gjafir í 2-3 klukkustundir. Jólatréssnúningur er jafnvel ekki til að bæta hlutina. 

Kannski er Jónína Ben í röngu landi, þegar hún vill þarmhreinsa íslensku þjóðina. Danir eru miklu líklegri til að skila árangri. Jónina Ben, þú færð þetta ráð ókeypis, Ég ætla mér ekki upp í görn á Dönum, þó svo að þar finnist gullmolar.