Leita í fréttum mbl.is

Bloggfærslur mánaðarins, febrúar 2007

Ný tegund af handsprengjum í Danmörku

Negrakoss

Það fylgir víst fréttinni að segja frá því, að talsmaður listamannanna sagði við danska ríkisútvarpið í morgun, að ef lögreglan réðist til inngöngu til að fjarlægja listamennina á Charlottenlund, yrðu þeir grýttir með "negrakossum". Stundum er gaman að vera lögregla. Mæli ekki með þessum "hryðjuverkatólum" á Íslandi, þó svo að "negrakossar" séu á "tilboði".


mbl.is Listamannaumsátur í Kaupmannahöfn
Tilkynna um óviðeigandi tengingu við frétt

Er hann í helvíti nú?

 

 Papon is now in Hell

Látinn er í hárri elli franskur tækifærisinni og fjöldamorðingi, Maurice Papon, á 97. aldursári.  Í Annarri Heimsstyrjöld skrifaði hann undir skjöl sem embættismaður í Vichy-stjórn franskra fasista. Honum tókst að koma 1500 gyðingum fyrir kattarnef. Vel af sér vikið fyrir sannkristinn heiðursmann.

Fyrir klókindi tókst honum að sleppa við afleiðingu misjörða sinna þangað til 1998, er hann var dæmdur í 10 ára fangelsi  (sem þætti vel sloppið í sumum löndum, ef maður á líf 1500 manns á samviskunni).  Papon reis til mets og mannvirðinga og var til dæmis ráðherra í ríkisstjórn Valery Giscard-D'Estaings. Giscard-D'Estaing sá greinilega ekkert athugvert við að hafa morðinga í sínum röðum. - Og svo eru Frakkar að tala um Bandaríkjamenn!

Nú varpa ég spurningu til þeirra sem vita allt um verri staðinn. Er Papon þar nú?

 


Íran og Sýrland í stríð við BNA og zíonistana?

ELSKU ASSAD MINN

"Meira stríð, fleiri hryðjuverk, Í nafni Allah. Þú ert maður að mínu skapi Bashar Assad"

Á síðastu 10 árum  fjárfesti Íran því sem svarar 700 milljónum $ á Sýrlandi. Fleiri upplýsingar á Jerusalem Post í dag


Nærföt hryðjuverkamannsins

 

 Nærföt hryðjuverkamannsins

Þegar verið er að ræða um tísku. Hvað finnst ykkur um þetta lúkk, nærföt hryðjuverkamannsins? Þetta var afar vinsælt á Norðurbrún (Nørrebro) síðastliðið sumar


Meira um tísku

Þegar ég hafði rétt lokið síðustu innfærslu helltist yfir mig grunur um að ég gæti hugsanlega hafa vaðið í villu í fyrri skrifum mínum. Nýlega fræddi ég mbl-bloggara um íslenskar frúr sem fóru í sínu fínasta pússi til Antwerpen anno Domini 1521.

Hægan, hægan, hvað nú ef þetta voru karlar í kvenklæðum? Gott að ekki voru til B&O verslanir í den tíð. Íslendingar hafa alltaf þurft græjur.

Fru eða Herra

Þorleifur eða Guðríður ?


Óla kjóli bannað að kaupa B&O græjur

Ole Kjole

Nú er illt í efni. Að minnsta kosti ef maður heitir Óli. Ole Steen Mortensen, kallaðu Kjole Ole, hefur safna Bang & Olufsen græjum í háa herrans tíð.  Óli hefur keypt allt milli himins og jarðar, bara ef -það stendur B&O á því sem hann kaupir. En þegar Óli kaupir B&O er hann í kjól. Þann ósóma hefur hann greinilega komist upp með í mörg ár - þangað til að verslun ein með B&O vörur í Viborg neitaði að selja honum B&O græjur - VEGNA ÞESS AÐ HANN GENGUR Í KJÓL.

Jótlands Pósturinn segir frá þessu í dag. Þetta gæti greinilega valdið nýrri árás á Danmörku í löndum þar sem menn ganga t.d. í pilsum. Reiðir Skotar munu brenna dönsk sendiráð og brenna myndir af danska forsætisráðherranum eða hætta að kaupa danskt smjör og B&O.

Kjóla Óli, sem var orðinn úrkula vonar um að mál hans yrði tekið fyrir, er glaður yfir því að mál hans fær nú farsæla lausn. Það er sannarlega bannað að mismuna karlmönnum í kjól í Danmörku, eða konum í karlmannsfötum, fólki án fata, eða kappklæddum. Það er annað sem skapar manninn en fötin.

Mér fynnst pils Óla gasalega smekklegt, en ég hefði nú örugglega valið annað belti, ef ég hefði vitað að ég væri að komast í blöðin.

 


Barinn fyrir að vera með fána í poka

Eftir rannsóknarferð mína um miðbæ Kaupmannahafnar þann 21. júlí sl., gekk ég í gegnum bæinn með vini mínum, pólskum gyðingi sem kallar sig Jerry en heitir upphaflega Jerzy. Er við komum til Nyrðri Borgarhliðs(Nørreport), varð ég var við einhver ólæti við eitt af strætisvagnabiðskýlunum þar. Ég sá lögregluna, sem hafði tekið höndum ungan arabískan mann. Við komumst fljótlega úr skugga um ástæðuna fyrir handtöku mannsins.  Hann hafði séð miðaldra mann ganga með danskan og ísraelskan fána ofan í innkaupapoka. Arabinn hafði veitt manninum með pokann eftirför upp í stræðisvagn og byrjað að slá hann og sparka í hann. Vagnstjórinn var fjótur til og lokaði ofbeldismanninn inn í vagninum og kom öðrum farðþegum í snatri út úr vagninum. Lögreglan kom að vörmu spori. Maðurinn, sem leyfði sér að hafa tvo fána í poka sínum var illa marinn í andliti og hafði fengið högg á eyrað.

  

Barinn með fána  

Vinur minn pólski, sem er ljósmyndari að atvinnu, tók myndir af öllu saman. Er hann var að taka mynd af ofbeldismanninum, réðst á hann arabískur maður, sem við höfðum séð við samkomu Hizb ut Tahrir og hótaði okkur öllu illu. Hér er mynd af honum og ofbeldismanninum í gulum bol.

  

Ofbeldi i Kbh

Danski maðurinn sem varð fyrir barðinu á ofbeldismanninum, hafði verið viðstaddur útifund örfárra stuðningsmanna Ísraelsríkis, sem fór fram við Kristjánsborgarhöll í Kaupmannahöfn.  Ætli ofbeldismaðurinn, sem einnig hafði verið á Ráðhústorginu að mótmæla tilvist Ísraelsríki, leiti nú á náðir hryðjuverka, uppgefinn og miður sín út af skilningsleysi dansks þjóðfélags á sérkröfum sínum og yfirgefinn og misskilinn af öllum? Það er aldrei að vita. Ef til vil fer hann til Íraks og sprengir sig í tætlur fyrir dauðgóðan málstað.   

Hryðjuverkaríkið Danmörk

Þessa dagana er talað mikið um hryðjuverkamenn í Danmörku. Nýlega féll dómur í máli 4 meintra terrorista. Þrír voru sýknaðir, en einn á 18. aldursári var fundinn sekur og dæmdur í 7 ára fangelsi. Ekki ætla ég að deila við dómarana um sakleysi þrímenninganna sem sleppt var og sá sem sekur var fundinn hefur áfrýjað dóminum, eins og vera ber í réttafarsríki. Annað mál geng öðrum ungmennum í hryðjuverkahugleiðingum kemur brátt fyrir dómara í Óðinsvéum. Nýlega var Dani af tyrknesku bergi brotinn, dæmdur í fangelsi í Bosníu fyrir að leggja á ráðin um hryðjuverk gegn saklausu fólki í Evrópu.

Af hverju velja þessi ungmenni að fremja hryðjuverk “einhvers staðar í Evrópu”?  Almenningi, sem ekki er í slíkum hugleiðingum, er jafnan sagt að þessir piltar hafi átt erfiða æsku, séu flóttamenn, ef til vill Palestínumenn, eigi bágt og að dönsk yfirvöld hafi brugðist þeim. Ekki ætla ég að draga í efa, að það geti verið hluti af skýringunni fyrir framferði þeirra. En það er alls ekki búið illa að þessum drengjum. Þeir eiga kost á skólagöngu, húsnæði og sömu mannréttindum og Danir njóta. En það virðist ekki vera nóg fyrir þá. Þeir hafa því fundið annað, mikilvægara, sem þeir láta stjórna lífi sínu og sem þeir virða meir en það samfélag sem þeir lifa í. Það er ofsafengin trú, bólginn botnlangi Íslams, þar sem allt það versta í manninum er sett á oddinn til að leysa vanda samfélagsins. Lausnin er ein alsherjarsprenging, blóðsúthelling og ofbeldi sem fær réttlætingu í trúnni, vegna þess að Allah er stór. Retóríkin er einföld en blóðug. 

21. júlí í fyrra varð ég vitni að fjöldamótmælum í Kaupmannahöfn. Á einum stað, Axeltorv, höfðu safnast saman stuðningsmenn Hizbollah, þó í óþökk vinstrimannanna sem héldu mótmælastöðuna. Þótt Hezbollah séu hryðjuverkasamtök sem EB hefur bannað, aðhafðist danska lögreglan ekkert. Ætli löggurnar hafa haft minnstu hugmynd um hvað gulu fánarnir með hríðskotarifflinum tákna?

Nazrallah í Tívolí  

Nasrallah Hezbollah-klerkur fyrir utan Tívolí - nei en gaman!

Löggan gerir ekkert 

"Ja, er det stationen? Nogle af dem har gule flag, er det farligt?"

Á Ráðhústorginu í Kaupmannhöfn fjölmenntu liðsmenn Hizb ut Tahrir, sem vilja stofna alheimsríki múslima, Kalífatið, og ætla sér að taka Jerúsalem og nota hana sem höfuðborg. Þeir vilja safna múslimum í eina þjóð, Ummah (%u0623%u0645%u0629‎), einhvers konar herraþjóð. Liðsmenn þessarra samtaka í Danmörku, sem eru bönnuð í öðrum löndum umhverfis Danmörku, m.a. Svíþjóð, hafa verið dæmdir fyrir að hvetja til dráps á gyðingum, hvar sem þá er að finna. Þeir tala um gyðinga, eins og nazistar gerðu, og líkja þeim við óæðri dýr. Liðsmennirnir ganga snyrtilega til fara. Í svörtum jakkafötum og hvítum skyrtum og hermennskubragur er yfir öllu hjá þessum ungmennum. Konur halda sig í bakgrunninum. Slagorðin á Ráðhústorginu voru “dauði Ísraels” og aðalvandamálið voru gyðingar. Þetta gæti alveg eins hafa verið í Nürnberg árið 1938.

Hizb ut Tahrir 1

Bænir gefa engan styrk

Truerholl en

Heittrúaðir gyðingar geta margir hverjir hlaupið í spik við lestur, þótt heilinn sé þaulþjálfaður.

Framtaksamur maður í Ísrael hefur opnað heilsurækt fyrir heittrúa gyðinga, þar sem þeir geta losað sig við aukakílóin eða styrkt líkamann - án þess að horfa upp á stinnar meyjar, sem leika sér af huga Adams eins og Lilith forðum, áður en Herrann skapaði Evu.

Þetta er auðvitað eitthvað annað en þegar ég var í öftustu röð í steppi hjá Hrafni og Ágústu. En þá fékk maður nú oft á tíðum opinberun beint upp í andlitið. 

Those were the days.

 


Dráp, eyðilegging og ofstæki

 Jerusalem

Jerúsalem fyrir daga Íslams. Samkvæmt öfgamönnum mega fornleifafræðingar ekki rannsaka leifarnar eftir þá mismunandi menningarstrauma, sem ráðið hafa ferðinni í hinni helgu borg.

Nú boðar snarvitlaus leiðtogi Íslamista í Palestínu 3. Intíföduna. Greinilegt er, að menn eru ekki búnir að fá nóg af morðæðinu, sem hefur herjað síðan um aldamótin. Nú á greinilega að drepa enn fleira saklaust fólk. Sprengja rútur, sprengja saklaust fólk á veitingastöðum, sprengja allt og alla í Ísrael. Tylliástæðan fyrir nýja uppþotinu er fornleifarannsókn Ísraelsmanna á musterishæð, sem ég skrifaði um í gær.

Í mörg ár hafa múslimir sjálfir eyðilagt fornleifar á Musterishæð. En allt verður svo vitlaust vegna rannsókna sem fram fara í tengslum við framkvæmdir á göngubrú. Nú er gyðingum hótað dómsdegi af  Sheikh Raed Salah, sem er leiðtogi Íslamistasamtaka Palestínu.  Hann sagði meðal annars í ræðu í dag um gyðinga: ”Þeir vilja reisa musteri sitt meðan blóð okkar er á fötum þeirra, á dyrastöfum þeirra, í mat þeirra og vatni”.

Hvenær fær hinn vestræni heimur nóg af þessum yfirgengilega miðaldabarbarisma? Af hverju styðja heilvita menn, jafnvel trúlausir vinstrimenn, svona frávita öfgar? Musterishæð köllum við þetta svæði, kristnir og gyðingar. Þetta er helgur staður fyrir okkur. En öfgaklerkar Palestínu hafa verið beðnir um að hefja nýja Intífödu í kjölfarið á skálmöldinni á milli öfgahópanna sem berjast um völdin í Palestínu. Því er borið við að hættulegir fornleifafræðingar séu að grafa undir göngubrú. Hvað geta ekki svona fornleifafræðingar leitt í ljós. Þeir gætu kannski eyðilagt máttarstoðir kreddunnar. Brjálæðið er löngu gengið úr böndunum. Múslimir líta á Musterishæð sem sína eign. Gyðingum og kristnum skal úthýst. Sheikh Raed Salah lýsir því yfir að hann vilji sjá höfuðborg nýja Wahab-Klífatsins (Stórríkis múslima) í Jerúsalem.

Og hvað þýðir það? Það þýðir að Ísraelsþjóð skal útrýmt, vegna þess að trúarofstækið knýr hatrið, en gyðingahatur er ekki nein nýleg uppfinning nasista, ef einhver heldur það.  Mottó öfgamúslima er því miður er orðið: „Við erum fórnarlömb heimsins. Heimurinn er aðeins vondur við okkur“. Þetta er reyndar ekki neitt sem stendur í Kóraninum eða öðrum ritum. Þetta er viðlag sem mig grunar að vinstrimenn á Vesturlöndum hafi fyrst og fremst kennt öfgamúslimum. Þess vegna kemur þeim svo vel saman.

Félaginu Ísland-Palestína ber tafarlaust að fordæma yfirlýsingar Palestínuaraba um 3. Intíföduna. Eða ætla menn að taka þátt í nýjum hildarleik og bera í bætifláka fyrir enn eitt blóðbaðið.


« Fyrri síða | Næsta síða »

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband