Tvískinnungur á Musterishæð

Fornleifum úr "framkvæmdum" múslima á Musterishæð er kastað niður í Kidrondal. Sárt að verða vitni að slíkum skemmdaverkum. 

Mikið fjaðrafok er nú vegna fornleifarannsóknar í Jerúsalem, í grennd við Al Aksa moskuna, þ.e.a.s. á Musterishæð gyðinga, þar sem moskan var reist á sínum tíma og reyndar í leyfisleysi.

Ísraelar ætla að endurnýja gamla göngubrú úr tré, upp á Musterishæðina. Því var ákveðið að rannsaka undir brúarstæðinu. Þetta gera múslimir að bitbeini og gjörvallur heimur múhameðstrúarmanna er nú í uppnámi og ásaka gyðinga um vanhelgun á því næstheilagasta í Íslam. Tyrkir vilja nú senda hóp sérfræðinga til Jerúsalem til þessa að skoða rannsóknina og hafa þeir verið boðnir velkomnir af Ehud Olmert forsætisráðherra Ísraelsríkis.

Það er heldur ekkert að fela. Rannsóknin gæti hins vegar aukið þekkingu okkar á þessum merka stað. Það verður hins vegar ekki sagt um allar þær vafasömu framkvæmdir sem hafa verið við Musterishæð á vegum múslima á síðustu árum.  Waqf , eða æðstaráð múslima í Jerúsalem hefur gefið leyfi til fjölmargra  framkvæmda og látið eyðileggja fornleifar við og á Musterishæð. Vélskóflur hafa verið notaðar, án fornleifarannsókna, og uppgröfnu efni hefur m.a. verið kastað niður í Kidrondal.  Ísraelsmenn og gyðingar kvarta og kveina yfir skemmdarverkunum, en þau eru gerð í nafni Allah með blessun Waqf, svo lítið er að gera. Lesendur geta kynnt sér skemmdarverk Waqf á þessari vefsíðu.

Aldrei er að vita hvort tyrkneskir kollegar mínir rannsaki líka skemmdarverk trúbræðra sinna á Musterishæð, um leið og þeir líta niður til fornleifafræðinganna undir brúnni.  Sömuleiðis væri það umhugsunarefni fyrir ýmsa starfsbræður mína um heim allan, að spyrja sjálfa sig af hverju þeir æsa sig út af fornleifarannsókn gyðinga undir göngubrú, þegar þeir þegja þunnu hljóði yfir skemmdaverkum múslimaklerka á einum helgasta stað Gyðingsdóms, Kristni og Íslams. 

Hver á hvað?

1                     2                   3                   4                   H                  G

Héraðsdómur Reykjavíkur hefur nú í þriðja sinn úrskurðað, að fara skuli fram mannerfðafræðileg rannsókn á lífsýnum til að ganga úr skugga um faðerni Lúðvíks Gizurarsonar hæstaréttarlögmanns. Lúðvík telur að hann sé sonur Hermanns Jónassonar fyrrverandi forsætisráðherra. Hæstiréttur hefur tvívegis hafnað því að erfðafræðilegar rannsóknir verði látnar skera úr um faðerni Lúðvíks.

Í haust lagði Lúðvík fram nýtt skjal til stuðnings máli sínu; yfirlýsingu systkina sinna, þar sem þau segja það siðferðilega skyldu sína að bera sannleikanum vitni. Hann sé sá að foreldrar þeirra báðir, hafi talið Lúðvik vera son Hermanns. 

Áður en tappað verður blóð úr Steingrími Hermannssyni, langar mig að setja fram spurningu til lesenda þessa bloggs. Myndirnar hér að ofan sýna 4 börn (1-4 frá vinstri til hægri). Þrjú þeirra hafa hingað til löglega verið feðruð Gizuri (G) og eitt Hermanni (H). Hver eru börn G og hver eru börn H?

 

Allar tillögur eru jafnréttháar, og enginn þrýstingur er á Hæstarétti til að fara að mati ykkar. Komið  með athugasemdir hér að neðan. Kannski leysum við vandann án blóðs, svita og tára.

 

"Ég þykja hákarlinn bara voða vondur"

 

Segir danski rokkarinn Børge Suhr, sem var í kaupavinnu á Snæfellsnesi á 7. áratug síðustu aldar. "En íslensku er mjug falleg mál!"

„Íslenska er algjört lykiltungumál“

Íslendingur á nasistaveiðum ?

Hvað hefur hann grafið upp nú

Eftirfarandi frétt er hægt að lesa í danska blaðinu Berlingske Tidende. Þar er nefndur til sögunnar íslenskur bréfberi í Kaupmannahöfn, Dr. Vilhjálmur Örn Vilhjálmsson, sem vakið hefur máls á fleiri glæpum SS-mannsins Søren Kams, sem Þjóðverjar halda hlífðarhendi yfir. Sjá fyrri færslu.

Sjá: http://www.berlingske.dk/indland/artikel:aid=859958

7. februar 2007 kl. 15:15

Søren Kam var med i jødeforfølgelser

Hvis nye oplysninger fra en dansk historiker og Simon Wiesenthalcentret passer, så stod Søren Kam centralt i forfølgelsen af danske jøder i 1943.

Søren Kam havde en stor finger med i forsøget på at udrydde de danske jøder. Det skriver Politiken.dk på basis af oplysninger fra nazijægeren Efraim Zuroff ved Simon Wiesenthalcentet i Jerusalem såvel som historikeren Vilhjalmur Örn Vilhjalmsson. Efter samarbejdspolitikkens slutning indledte besættelsesmagten i oktober 1943 en klapjagt på danske jøder. Men hidtil har det ikke været kendt, at Søren Kam skulle have deltaget. Nu lyder det, at Kam deltog i et røveri i august samme år, hvor det lykkedes danske nazister at få fat i adresserne på mosaisk trossamfunds medlemmer. En landsret i München afviste forleden både at udlevere Kam såvel som selv at stille ham for retten for drabet i 1943 på journalisten Carl Henrik Clemmensen. /ritzau/

Kalda stríðið í Danmörku

Eru þetta danskir KGB njósnarar? Eða bara heitfengir Kratar?

Nú liggja tveir einstaklingar, blaðamaður á danska dagblaðinu Politiken og prófessor við háskólann í Oðinsvéum (Syddansk Universitet) undir grun um að hafa birt upplýsingar um aðra einstaklinga, sem þeir hafa fengið aðgang að í skjalasafni Dönsku Leynilögreglunnar (Politiets Efterretningstjeneste, sem oftast er kölluð PET). Blaðamaðurinn og sagnfræðingurinn Hans Davidsen Nielsen og prófessorinn Bent Jensen hafa báðir fengið aðgang að gögnum frá Kaldastríðsárunum, sem aflétt hafði verið leynd á. En nú viðra yfirmenn PET möguleikann á því að lögsækja þessa góðu menn, sem ég þekki báða lítillega, vegna þess að haldið er fram að þeir hafi birt nöfn einstaklinga og upplýsingar - sem ekki mátti birta.

Hægan, hægan. Það er eitthvað sem ekki passar alveg hér. Fyrst eru heimildir gerðar aðgengilegar og skjalasöfn opnuð, og svo er bannað að vitna í þær að fullu. Ég hef reyndar lent í sömu hringavitleysunni, þegar ég uppgötvaði ríkisglæpi danskra yfirvalda, sem sendu flóttamenn í klærnar á nasistum 1943-45. Alls kyns hömlur voru settar til að hindra vinnu mína. Mér var í raun bannað að birta nöfn fórnarlambanna, en virti það að vettugi, það sem þær hömlur var ekki hægt að rökstyðja með lögum.

En Kalda Stríðið lætur ekki að sér hæða. Kitlandi spurningar um hverjir af kommunum voru njósnarar fyrir Sovét geta ekki verið leyndarmál endalaust. Sérstaklega þegar búið er að veita aðgang að heimildunum um þessar miklu byltingahetjur. Hvað halda yfirvöld eiginlega; að sagnfræðingar verði rosalega glaðir yfir því að fá heimildaaðgang, en að þeir óski ekki eftir því að miðla þeim upplýsingum sem í heimildunum er að finna? Hvers konar ídjót eru þetta í dönsku leynilöggunni?

Hans Davidsen Nielsen tekur tíðindunum um að PET vilji fara að rannsaka bók hans afar létt. Hann segist m.a. hafa birt sömu mannanöfn (njósnaranna) og prófessor Bent Jensen hefur gert. En Jensen hefur verið húðskammaður fyrir að gera það og nú hefur honum meira að segja verið stefnt afblaðamanninum Jørgen Dragsdal, sem Bent Jensen segir hafa verið njósnara KGB í Danmörku.Hans Davidsen Nielsen hefur í nýrri bók sinni skrifað að samkvæmt gögnum PET, hafi Dragsdal þessi verið talinn vera “Maður Nr. 1” í Danmörku af KGB.

Gamlir kommar og aflóga æsingahippar ganga berserksgang þessa dagana út af þessu máli. Bent Jensen tekur æsingi þeirra með stillingu (sjá góða grein í Berlingske Tidende).  Hans Davidsen Nieslen segir, að ef hann verði fundinn sekur um að hafa misnotað heimildir, nánar tiltekið sömu heimildir sem Bent Jensen og sérfræðingar á Dansk Institut for Internationale Studier (DIIS) hafa notað og birt, þá hlakki hann til að spila þriggja manna vist við Bent Jensen og stjórnanda DIIS rannsóknarinnar í fangaklefanum. Kannski gætu Lenínistarnir á myndinni hér að ofan fengið að spila með.

Dönsk yfirvöld verða að taka því að margir gamlir Kratar munu verða afhjúpaðir sem Rússanjósnarar í Kalda Stríðinu. En vandamálið í Danmörku er, að völd Kratanna eru óhemjuleg, einnig á stofnun eins og PET.

Pabbi Þórs var myrtur í Auschwitz

Þór Daníel Schlesinger og Margrét Vigdís Árnadóttir

Þór Daníel Schlesinger fæddist í Kaupmannahöfn 12. nóvember árið 1940. Foreldrar hans voru þau Fritz Schlesinger (f. 1896), þýskur gyðingur á flótta, og Margrét Vigdís Árnadóttir (f. 1910). Margrét féll fyrir Fritz, þótt hann væri mun eldri en hún. Fritz var afar geðslegur maður, greindur og fyndinn. Eftir innrás Þjóðverja í Danmörku faldi Margrét Vigdís Fritz sinn í íbúð sinni. Hann fór huldu höfði í Kaupmannahöfn árin 1940-41.

Eftir að Þór Daníel fæddist upplýsti Margrét til að byrja með, að faðir drengsins væri breskur þegn. Fritz Schlesinger var síðar handsamaður í íbúð Margrétar og var ásamt öðrum dæmdur fyrir tilraun til fjárkúgunar, sem reyndar var aldrei hrint í framkvæmd. Margrét fékk 5 ára skilorðsbundinn dóm fyrir að hafa falið flóttamann í íbúð sinni, dóm sem byggði á lagabreytinum, sem danskir kratar höfðu ólmir mælt með vorið 1940.

Dómur Margrétar er einn harðasti dómur sinnar tegundar í Danmörku. Fritz Schlesinger sat í dönsku fangelsi fram til 1943. Þá vísuðu Danir honum úr landi. Skömmu síðar var hann myrtur í Auschwitz. Ég fer ítarlega í saumana á sögu hans, Margrétar og Þórs Daníels í bók minni Medaljens Bagside, sem kom út í Danmörku árið 2005. 12 dögum eftir að bók mín kom út baðst danski forsætisráðherrann afsökunar, fyrir hönd þjóðar sinnar, á meðferð danskra yfirvalda á flóttamönnum er sendir voru í dauðann á árunum 1940-43.

Skömmu eftir Heimsstyrjöldina fluttist Margrét búferlum með son sinn til Íslands. Þór litli var augasteinn móður sinnar, fínlegur drengur sem elskaði tónlist. Austur á Hallormsstað veiktist Þór. Hann dó úr krabbameini aðeins 10 ára gamall. Þór var aldrei skráður í þjóðskrá eða í kirkjubækur á Íslandi. Hann er aðeins að finna í ættartölu og skrám Fossvogskirkjugarðs, þar sem jarðneskar leifar hans hvíla við hlið móður sinnar undir hraunhellu. Áferð hraunhellunnar minnir mig á áferð veggjabrota eins gasklefans í Auschwitz, þar sem faðir hans kann að hafa verið tekinn af lífi. Þegar Þór var borinn til grafar, urðu ættingjar hans að varna móður hans frá því að kasta sér niður í gröf sonar síns í hinni miklu sorg, þess er missir barnið sitt.

Árið 1941 skrifaði Fritz afmæliskort til sonar síns:

"Til Þórs Daníels,  1. árs þann 12. nóvember 1941. Elsku litli drengurinn minn! Þú getur enn ekki lesið þetta, en ég skrifa þér samt á fyrsta afmælisdeginum þínum og sendi þér elskulegustu hamingjuóskir, minn eigin litli Þór Daníel. Mamma þín getur kysst þig fyrir mig. Hann pabbi þinn.”

Pabbi Þórs litla var myrtur í útrýmingarbúðum nasista í  Auschwitz. Dönsk yfirvöld sendu hann í dauðann.

Þetta var í fyrsta skipti sem saga þeirra feðga var sögð á íslensku. Var það ekki orðið tímabært?

Vonandi eyðilagði ég ekki fyrir ykkur kvöldmatinn, elskurnar mínar.  

Skítmenni undir verndarvæng Þýskalands

Morðingi skálar

Tvöfeldni Þýskara (vá, það er lengi síðan ég hef notað orðið Þýskari, en það á við hér) er enn mikil. Stríðsglæpamaðurinn Søren Kam, morðhundur sem slapp undan réttvísinni eftir stríð, er nú verndaður af þýskum yfirvöldum. Hann sveik ættjörð sína fyrir Þýskaland nasismans og gerðist þýskari til að sleppa frá réttarhöldum í Danmörku.

Danir hafa reyndar ekki staðið sig sérstaklega vel í því að reyna að koma honum til réttra yfirvalda í Danmörku. Þeir gerðu fyrst átak í því í fyrra. En þegar Þýskarar höfðu upphaflega samband við Dani vegna máls Kams (fyrir 35 árum) og leituðu álits Dana á glæpum hans, reyndist áhuginn á honum afar takmarkaður í Danmörku. Danir vildu ekki láta minna sig á einn af þeim 6000 dönsku dáðardrengjum sem börðust fyrir Hitler í Waffen SS.

Stríðsglæpamaðurinn Werner Best, sem stýrði þýsku hersetunni í Danmörku, hafði mikið dálæti á Søren Kam. Hann bauð honum oft til sín í aðalbækistöðvarnar í Dagmarhus. Líklegt er, að Kam hafi verið meðal þeirra dönsku SS-manna, sem safnaði saman gyðingum sem ekki tókst að flýja til Svíþjóðar í október 1943. Gyðingarnir voru sendi til Theresienstadt búðanna, og fáeinir til Sachsenhusen og þaðan beint í dauðan í Maidanek. Best slapp við dauðadóm í Danmörku. En fyrst nú er að renna upp fyrir Dönum, að Best hafði svo margar þumalskrúfur á dönskum stjórnmálamönnum, að þeir neyddust til að sleppa honum með frekar vægan fangelsisdóm. 

Søren Kam framdi morð og hefur ekki tekið út refsingu fyrir það. MORÐ FYRNAST EKKI. Þótt hann sé orðinn hrörlegt gamalmenni, 85 ára að aldri, verður hann að taka út refsingu fyrir glæpi sína. Við getum ekki treyst á að hann fari til helvítis. Hann hefur lifað í vellystingum í Þýskalandi og tekið þátt í starfi fyrrverandi SS-manna, sem enn dásama Hitler og hafa samstarf við nýnasista.

Kam var reyndar “smákrimmi” miðað við nokkra aðra Dani í röðum SS. Ég var fyrsti sagnfræðingurinn í Danmörku sem skrifaði um þann Dana, sem framdi flesta stríðsglæpi í þýskri herþjónustu, í grein sem birtist í Danska helgarblaðinu Weekendavisen ["En dansk krigsforbryder", Weekendavisen, Kultur,  28. januar-3. februar 2005, s. 11].  Alfred Jepsen hét sá og var hengdur fyrir ódæðisverk sín árið 1947. Dönsk yfirvöld fóru leynt með mál hans og réttarhöldin yfir honum í Þýskalandi og reyndu einnig árið 2005 að hindra mig í að greina frá glæpum hans og dómi. Mig grunar að margir Danir eigi oft afar bágt með að sjá styrjaldarárin á skýran og raunsæjan hátt.

 

Þýskur dómstóll neitar að framselja fyrrum nasista til Danmerkur

Svör óskast nú!

Ég verð að greina frá færslu Sigurðar Þórs Guðjónssonar (Nimbus) í dag, þar sem hann setur fram mjög þarfar spurningar um örlög flóttamanns á Íslandi, sem allir verða að lesa. Við höfum öll rétt á því að fá svar við þessum spurningum. 

Hér er ljósmynd af flóttamanni, sem tók sitt eigið líf í Kaupmannahöfn í júní 1941. Enginn tók eftir þjáningu hans og angist. Dönsk yfirvöld framfylgdu ófsóknum nasista gegn honum. Hann hafði verið dómari í Berlín. Dómarar af gyðingaættum voru taldir hafa framið stærstu glæpina gegn þýsku þjóðinni. Dönsk yfirvöld byrjuðu að innheimta þær sektir sem nasistar dæmdu Rudolf Martin Tietz í. Enginn tók eftir angist hans, fyrr en starfsliðið á Hotel Astoria tók eftir því að vatnsmælirinn fyrir herbergi Tietz sýndi mjög mikla neyslu. Allt vatnið, sem Tietz notaði til að skola burt blóði sínu.  

Dóri í dönsku blöðunum

Gott að hafa græna hjálminn nú

Halldór Ásgrímsson skrifar í Jyllands-Posten í dag og svarar ”svæsnum” ásökunum Dansk Folkepartis. Áhugaverð grein.

En gæti Halldór svarað því hvað var gert við flóttamenn frá Írak, þegar þeir komu til Íslands í tíð hans sem ráðherra? Hvað gerist svo, þegar írakskir flóttamenn í Svíþjóð óska að flytjast til Íslands? Nei, sveiattan, það er enginn svo vitlaus, að vilja það....... Hvers vegna eru Íslendingar í útrás, og tíundi hver Íslendingur undir fátæktarmörkum?

 

Friðarpostuli mannfyrirlitningarinnar

Á að gefa kynþáttahatara Friðarverðlaun Nóbels? Hverjum dettur slíkt í hug? Mahathir Mohamad er ekki friðarsinni. En ef hann kemur til með að stenda á sviði í Osló og tekur við Friðarverðlaunum Nóbels, þá er mannekla meðal friðarsinna.   Þann 16. október 2003 hélt þetta “stórmenni” ræðu, þar sem hann sagði m.a.:

“The Muslims will forever be oppressed and dominated by the Europeans and the Jews.

It cannot be that there is no other way. 1.3 billion Muslims cannot be defeated by a few million Jews. There must be a way.

We are actually very strong. 1.3 billion people cannot be simply wiped out. The Europeans killed 6 million Jews out of 12 million. But today the Jews rule this world by proxy. They get others to fight and die for them.”

Sjá ennfremur : http://www.adl.org/Anti_semitism/Malaysian_1.asp 

Friðardúfan Mahathir Mohamad hefur gerst sekur um að hvetja hinn íslamska heim til kynþáttafordóma og haturs. Svona karakter er greinilega friðarsinni í augum margra vinstrimanna, sem hafa fundið samreiðarmenn í röðum öfgafullra íslamista. Þetta er að verða verulega sjúkur heimur sem við lifum í.

 

Mahathir Mohamad tilnefndur til friðarverðlauna Nóbels