Leita í fréttum mbl.is

Færsluflokkur: Ómenning

Ástráður eins og lús á feldi

Burtpungur

Sáttasemjari liggur mikið á feldi. Hann er svo hégómalegur karlinn nú þegar aldurinn færist yfir hann, að hann lætur lita á sér hárið reglulega á flótta frá Elli kellingu.

Mikið feldliggjandi er hann, en sjaldnast undir feldinum eins og vísir menn voru forðum og héldu kjafti þangað til þeir höfðu lausn á málum.

Þessi mynd náðist af buddu flautaþyrilsins áður en hann fékk endurgreitt eftir fjársukkið forðum. Hann er í raun alls ekki hæfur til þess verks sem honum hefur verið falið vegna tengsla sinna við illa fengið fé. Þýfiskapítalistar skilja aldrei þá stöðu sem láglaunafólk er í : Þ.e. að þurfa að vinna fyrir laununum. Þeir liggja bara á feldi og slappa af.

Pungur Ástráðs Feldmans er miklu stærri en myndin gefur til kynna. Hann er einn af þessum sem halda vel um punginn.

Hann vill kannski láta kalla sig Burt...


mbl.is „Ég er mikið feld-liggjandi“
Tilkynna um óviðeigandi tengingu við frétt

Utanríkisráðherra eyðir um efni fram í útlöndum

Dssa krimmi og Stoltinorsarinn

Þórdís Kolbrún Reykfjörð Gylfadóttir utanríkisráðherra og hershöfðingi einkahers Íhaldsins gerðist þjóflega gjafmild um daginn.

Ráðherra í ríkisstjórn, sem ekki getur einu sinni hækkað laun þeirra verst stöddu á Íslandi, tók um daginn 380 milljónir íslenskra króna út af skattfjárinnistæðu þjóðar sinnar, sem berst í bökkum, og stakk í vasa gjörspillts úkraínsk utanríkisráðherra, sem örugglega mun líta á sérhvern dal frá Slawa Íslandía sem sinn eigin vasapening eða lífeyri þegar hann stingur af í flýti til BNA á næstunni.

Þótt CIA og byssu-Gunter fyrrv. sendiherra Trumps í sendiráði BNA hafi reynt að stöðva umræðu um heimildamynd Oliver Stones frá 2014 um vandræðabarnið Úkraínu, þá fá allir Íslendingar sem greiða vasapeninga til  gráðugra svikahrappa í stjórn Úkraínu, heimildamynd Olivers Stones að gjöf í staðinn. Það má líta á þetta bíóboð sem skaðabætur með innbyggðum fræðslupakka. Minna má það nú helst ekki vera. Íslendingar gátu séð kvikmyndina um tíma á YouTube, þar sem hún hefur verið bönnuð af CIA.

Bíómiðinn er hér Sjáið sögu Úkraínu í mynd Olivers Stones.

Biden, sem nefndur er til sögunnar í heimildarmyndinni, hefur ekki tekist að banna alla umræðu eða gagnrýni líkt og litla vini Dísu Reykfjörð í Kænugarði hefur tekist. Myndin er reyndar komin upp aftur á YouTube með grískum texta. En betra er að sjá hana hér.  Ekki þarf popp eða kók til að njóta myndar Stones, þó fleiri hafi verið drepnir af Úkraínumönnum en samanlagt í öðrum myndum Stones.

Njótið myndarinnar, og þú líka Dísa Reykfjörð, jafnvel þótt sannleikurinn geti verið sumum sár á hinu gjafmilda Íslandi, þar sem fólk skilur ekki að "gyðingur",  eins og Zelenskiyj er sagður vera (en er ekki), getur aldrei stutt öfl sem myrtu gyðinga Úkraínu - en það gerir Zelenskiyj. Litli leikarinn er bara í kvikmynd lífs síns og meðan hann fær nóg kók og dollara og jafnvel vasapeninga pakkaða inn í prjónles frá Íslandi, dansar hann fyrir Biden, Trump og hvaða heilabilaða einstaklings sem er sem situr í Hvíta Húsinu í hvert og eitt skiptið. Getum við ekki vinsamlegast fengið Obama aftur!!!

Myndin hér fyrir neðan er af Dísu Reykfjord, er hún bauð ljóshærðum sveitablondínum og æskuvinkonum út á bæ í höfuðborginni í miðju Cóvinu ... án þess að nota verjur - Sjá hér.

Lög og reglur nefnilega ekki fyrir herskáar Dísur sem dást af austrænum fingrabrúðum í grænum flísherbúningi. Dísa er kannski sjálf strengjabrúða án þess að vita það.

vinkonudjamm
Sem betur fór áttu íslendingar enga skriðdreka á lausu, en stríðsviljug er Dísa Reykfjörð með eindæmum. Hún gleður hinn gamla generál Sjálfstæðishersins, Björn Bjarnason, sem lætur þetta eftir sér á bloggi sínu:

Scholz og áhrifamenn innan hans eigin Jafnaðarmannaflokks og annarra þýskra flokka vilja í raun frekar friðmælast við Rússa en sýna þeim í tvo heimana.

Sjálfstæðisflokkurinn hefur alltaf verið hrifnari af þýskum nasistum en sossunum sem þar eru nú við völd. Þá er sko gott að hafa Dísu herskáu til að ráðast á Pútín og kommana...með 380 milljónir af skattfé Íslendinga.

Þannig er heimurinn. Sjálfstæðisflokkurinn hefur ekkert breyst síðan hann innbyrti alla gömlu nasistana, líkt og Kanarnir gerðu líka, og það til at drepa vondu kommúnistana hvar sem þá er að finna.


mbl.is 380 milljón króna stuðningur til Úkraínu
Tilkynna um óviðeigandi tengingu við frétt

Siginn Skattman og S-Kata eru vel kæst í rauðbláu sóssunni

1248411

Þjóðmálin eru öll í skötulíki þótt bóluefnið komi í nótt.

Blessaður fjárhaldari þjóðarinnar í Rotham City 101, hann Skaskaskaskaskaska Skatman, er algjörlega bimmelimm og frúin gengin í stokk á TikkTokk. Hvar endar þetta? Ætli þeim takist að bursta skötubragðið af tönnum sínum eða mun hin vel kæsta Sósí-Kata hjálpa þeim við tannhirðuna? Hún sér að minnsta kosti enn "engar holur" í samstarfinu.

Ég legg til að Skattmann baki stóra þjóðarköku handa öllum og skreyti hana með aukafjárveitingum - en fyrst þegar veiran er horfin á vit forfeðra sinna í Wuhan.


mbl.is Neitar að hafa varið Bjarna á TikTok undir dulnefni
Tilkynna um óviðeigandi tengingu við frétt

Læknadólgurinn og yfirvöld sem brugðust íslensku þjóðinni

Doktor Doni

Hvaða fjallmyndalega kona er þetta með þessa fallegu grímu? Þetta fer henni vel. En farið nú varlega; Flagð er undir fagurri grímu.

Þegar læknadólgurinn Elísabet Guðmundsdóttir (undir grímunni efst) braut sér nýlega leið inn í landið án andlitsgrímu, með helgrímuna beraða, og braut þar með allar tilskipanir og reglugerðir varðandi COVID-19 á Íslandi, stóðu íslenskir löggæslumenn eins og hænsn og aðhöfðust ekkert.

Íslenskt löggæslufólk, sem sumt er í amerísku kukli eins og bláum strikum og öfgamerkjasöfnun, stóð í lotningu og beygði sig og bukkaði fyrir ofbeldiskonunni sem skaust "heim" til að æsa upp nokkra vitskerta einstaklinga á Austurvelli, og þaut svo aftur út í lönd til að stækka brjóst og sprauta eitri í hrukkur á einhverri iðnaðarklíník þar sem græðgi er aðaltilgangurinn en læknishjálp aukaatriði.

Ef íslensk yfirvöld gera ekkert, þá geri ég það persónulega. Það verður að hafa samband við heilbrigðisyfirvöld í þeim löndum þar sem læknadólgurinn vinnur og vara við konunni. Hún hefur brotið lög og tilmæli á Íslandi. Hún bar grímu á Kastrupflugvelli, þar sem hún hefði verið lögð í plast og stungið í klefa án grímu, en svo þegar hún er komin á íslenskan flugvöll berar hún sitt öfgaandlit og íslensk lögregla staðfesti enn einu sinni að greind er því miður oft ábótavant við löggæslustörf á Íslandi. 

Kona þessi er hvorki sérfræðingur í veirufræði né í smitsjúkdómafræði. Þetta er læknir sem vinnur á stað þar sem hégómamadömmur verða að sillikonum og aðrar eru sprautaðar með eitri í andlitið vegna þess að hrukkur eru hættulegri lífsviðurværinu í þeirra hænuhaus en Covid 19.

Íslensk lögregluyfirvöld, sem telja nú orðið menn sem í erlendum fjölmiðlum tjá sig á niðrandi hátt um erlent fólk á Íslandi (sjá hér) gerðu ekkert. Þeir horfðu bara á Guddu frekju í hvíta sloppnum eins og hún væri Guð og settu hana ekki í járn, sem minni brot manna hafa oft gefið þeim átyllu til.

Læknadólgurinn Elísabet Guðmundsdóttir tilheyrir þeim leiða hluta læknastéttarinnar sem sjálfur heldur að hann sé kominn i guða tölu. En læknadólgurinn "sem kom heim" er augsjáanlega enginn gyðja. Hún er glæpon og íslensk yfirvöld verða að meðhöndla hana sem slíkan. Hún sýndi andsamfélagslegt eðli á erfiðri stund fyrir alla þjóðina. Þetta eðli grunar mig að hún hafi þróað vegna einhverrar mikilmennskukenndar vegna þess að hún lifir upp í mýtunni um að læknar séu æðra öðru fólki.  Við sjáum þessa kennd t.d. þegar læknar fara fyrstir í slag fyrir launin sín, þessi sárþjáði verkalýður. Það hefur líka sýnt sig að vera happadrjúg barátta. Kenndin er líka öllum ljós þegar annálaðir íslenskir Rómanalæknar fara frá Íslandi og setja plastbarka í fólk. þó þeir séu sérfræðingar í hjartaskurðlækningum en ekki öndunarfærasjúkdómum - og þá dreymir  alla leiðina út og heim aftur um Nóbelsverðlaun og frægð í hirð ítalsks pylsugerðarmeistara. Hvernig gátu þeir eftir 12 ára nám ímyndað sér að barki úr plastefni myndi gagnast í hálsi dýrs?

Sem löghlýðinn plebbi, sem fylgir tilmælum yfirvalda í hættuástandi fyrir almenning þegjandi og hljóðalaust þegar skynsemi og almannaheill ráða ferðinni, legg ég til að íslensk yfirvöld fjarlægi umsvifalaus rétt Elísabetar Guðmundsóttur til að stunda læknisstörf á Íslandi og vari við henni hjá systuryfirvöldum sínum erlendis. Ef það gerist ekki, er ekki heill þráður í fjasi Víðis, Kötu og Þórólfs og alls þess góða fólks sem gerir sitt besta til að koma í veg fyrir að fólk deyi af völdum græðgisveiru frá Kína og læknadólgs sem treður pyngjuna þegar hún er ekki að hrópa á torgum með brjálæðingum.

Screenshot_2020-12-08 Mál Elísa­betar komið á borð lög­reglu


Samningur DV og Metoo JBH

Ísafjarðaböllið

Afkomendur Gróu á Leiti komumst í feitt nú eftir hátíðirnar. Síðasta flísin af hamborgarahryggnum hafði vart verið skorin af beini, er nýr og feitari göltur hlammaðist upp á fatið. Ef þið eruð í vafa um ættartengslin við heiðurskonuna Gróu, leitiði hana uppi á Íslendingabók. Hafið þið hins vegar á síðustu dögum heilögum kíkt með og blaðrað um ósamlynda fjölskyldu Jóns Baldvins og Bryndísar Schram, þurfið þið ekki að ómaka ykkur við leit; Þið eruð örugglega komin af maddömu Gróu á Leiti og síra Ólafi Besserwisser eiginmanni hennar.

Sá afkomandi afkomandi Gróu sem þetta ritar, er ekkert öðruvísi en svo margir afkomendur kellingarinnar. Ég er ólmur í svæsnar og söftugar kjaftasögur þegar mér leiðist. Þær staðfesta hve leiðinlegu lífi maður lifir.

Systir Bryndísar spurði mig um daginn á athugasemdasvæði við grein um Jón Baldvin og Fam. hvort ég væri að "perrast með Jóni". Nú er ég svo gamall að ég veit ekki hvað sögnin að perrast þýðir. Orðabækur mínar eru líklega forngripir, því ég finn heldur ekki orðið þar. En við frekari leit á nýrri uppfinningu sem mér var sagt frá nýlega, sá ég að þetta orðskrípi á ekki við um mig. Ég er að bara að lesa "fjölmiðla" gamla heimalandsins míns, og að reyna að raðgreina hvað sé eiginlega að, þegar kolruglað fólk getur stjórnað bönkum, setið á Alþingi orðið ráðherrar og stýrt allri umræðu í landinu. En í landi þar sem ekki fellur á silfur sem hefur verið 1000 ár í jörðu, geta víst ýmis undur gerst. 

Þó ég viðurkenni tengslin við Gróu gömlu, er ég er líka komin af fólki sem þótti svo gagnrýnið að því hefur ekki verið neins staðar vært. Þegar ég les kjaftasögurnar á prenti byrja ég sjálfkrafa að detta um alls kyns ósamfellur, þó ég geri mér grein fyrir því að söguhetjan JBH sé vitaskuld helsta ósamfellan í jöfnunni. Á Íslandi er víst aðeins til einn "graðan satírikon" eins og hans sagðist vera í bréfi frá íslenska sendiráðinu í Washington hér um árið, sem er þó ekki skráð í bréfasafn Utanríkisráðuneytisins, þó svo ætti með réttu að vera.

Um daginn gerðist það hins vegar á athugasemdasvæði á DV við grein að einn af meginleikurunum í hinu laaannga tragíkómíska ættardrama Jóns Baldvins Hannibalssonar, að stúlka sú sem hann sannarlega ritaði nokkuð furðuleg bréf þegar hún var komin vel yfir fermingu, birtist í athugasemdunum og sagðist vera með samning við DV. Nokkrum mínútum síðar var greinin horfin af DV og þar með safarík saga um/eftir nafnlausa konu sem átti í ástarsambandi við Jón rektor fyrir Vestan. Nafnlausa konan fékk samkvæmt sögunni eintak af skáldsögunni Lólítu, áritaða af Jóni, sem vitanlega er ekki höfundurinn. Það var hann Nabukov. Sagan á DV greindi frá því að Jón hefði verið barinn af skólapilti fyrir Vestan, sem einnig bar hlýjan hug til nafnlausu konunnar.

Kannski var ég að perrast þegar ég algjörlega óvart sló á þrjá hnappa á tölvunni minni, þá sem á stendur ctrl, alt og prt sc. Ég geri það stundum ósjálfrátt, þegar ég er kominn með ritkrampa og fæ spasma. Ég hef síðan uppgötvað að í hvert sinn sem ég rekst svona á lyklaborðið með fingurna, þá hleð ég niður mynd af skjánum. Þannig er það nú að ég á mynd af þessum athugasemdum við greinina, og athugasemdina, sem hvarf.

Ég spyr mig nú, hvort íslenskri "fjölmiðlar" geri samninga við fólk á Íslandi um safaríkt efni?  Ef svo er, vil ég ekkert með þetta hafa, og skila þessari skjámynd af mér til DV, sem kannski hefur týnt þessu og greininni sem hvarf. Mér finnst þetta allt frekar dularfullt og óþægilegt og vill ekkert frekar blandast inn í þessi mál hinnar ósamlyndu fjölskyldu.

Ég óska fjölskyldunni alls hins besta og vona að þau geti komið sér saman um að fara í allsherjar hóptherapíu til að leysa sín einkamál og ættarhöfðingjans. Kannski væri málið að fá skólapiltinn að Vestan til að berja sönsum í þetta slekti. Á meðan getur þjóðin snúið sér að mikilvægari og vitsmunalegri málum fyrir ofan mitti.


Myndir úr skordýrabúi

Skarni leikur listir sinar

Eftir að fráfarandi skordýrafræðingur Pírata, sem er hin versta eiturpadda, greindi skordýraflóru íslenskra stjórnmála, vakti það furðu mína að skordýralæknir einn, sem er mikil og feit fiskifluga samkvæmt eiturpöddunni,  hafi boðið býflugum (S), mýflugum (P) og maurum (V) út í sveit. Kakkalakkar (D), Hrossaflugur (M), Drekaflugur (?) og Dægurflugur (Svört fortíð) voru ekki velkomnar að skordýrabúinu Stóru-Langloku á Hrunamannaafrétti - einhvers staðar fyrir austan fjall.

Eins og lengi hefur verið vitað í fornvistfræði, eru fiskiflugur, sem buðu í partíið, gleiðopnar í báða enda og bjóða stundum býflugum, mýflugum og maurum að leggja egg í afturendann á sér. Vel fór á með smádýrunum og voru allir þreifiarmar á fullu. Stóra geitungabúið í Evrópu (VESPA) var rætt lítillega og suðuðu býflugurnar vægt um að komast þangað inn.

Svo vildi til að ein býflugan, hunangslaus að öllu leyti, bar með sér tíkarþef að Norðan að skordýrabúinu. Þetta uppgötvaði hundurinn á bænum, Skarni Vænstan, og lagðist strax á fót býflugunnar og reið honum kátt. Þetta hátterni hundarins fór fyrir brjóstin á maurunum og mýflugunum sem reyndu að stilla Skarna með því að kalla hastarlega að honum: Ussu svei, Weinstein

Haft er eftir öðrum sérfræðingum að MacSkýto byssufluga hafi verið heppinn, þar sem Skarni, sem er fyrrverandi eiturlyfjahundur, hafi ekki fundið á honum róandi töflur.

Haft er eftir Kötu brosmaur, að ekki sé svo mikill munur á fiskiflugum og maurum; Öll sé óværan ættuð úr sveitinni úr mykjuhaug eða gömlu, votu heyi.

Greinilega var þetta skordýraþing vel lukkað fyrir utan aðfarir Skarna, sem hefur greyið fengið svo gott pólitískt uppeldi að hann sýnir strax vilja eigenda sinna í einu og öllu, slefandi og glaður. Sérfræðingar telja sig hins vegar sjá mjög glögglega, að Skarni fór fyrst að sýna atlot að býflugunni þegar hún fór að minnast á evrópska geitungabúið. 

Það verður aftur suðað í Hrunahrepp á morgun, þegar afstaða Íslands í utanríkismálum (þ.e. til Ísraelsríkis og Palestínumanna verður rædd). Búist er við mikilli samstöðu. Ef eitthvað sameinar fyrrnefnd skordýr er það hatur þeirra á gyðingum. Leitt að hrossaflugurnar gætu ekki verið með.

Vinnumaurar og fiskiflugur munu örugglega hrifla saman heyi, hestaskít og kúadellu og kalla það ríkisstjórn.


Syndaregistur Sólrúnar

Einræðisfruin

Ingibjörg Sólrún er algjörlega óhæf manneskja í stöðuna hjá OSCE (ÖSE). Hvaða brestur er það eiginlega í íslensku þjóðinni sem fær hana (réttara sagt yfirvöld hennar) til að verðlauna óhæft fólk og skussa?

Ingibjörg Sólrún er konan sem leitaði til Assads eftir stuðningi þegar hún vildi koma Íslandi í Öryggisráðið. Ætlunin var að gera Ísland að verkfæri Palestínuöfgamanna. Þegar stuðningur einræðisherra og fanta var ekki viss bakaði hún pönnsur í New York. Hún var með lélega uppskrift eða fúlegg. Sjá hér og hér.

assadasaassadcanbe

Ræðum Osama bin Laden var frestað á Al Jazeera þegar Sólrún heimsótti Egyptaland árið 2008.

post-5051-1113458248

Haldið var upp það með hjólbörum af kampavíni er Ingibjörg Sólrún varð 50 ára. En hver keypti kampavínið? Það voru víst aðeins hjólbörurnar sem greiddar voru af íslenskum skattgreiðenda. Eitt sinn var danskur ráðherra rekinn, því honum (ritara hans) varð það á að láta ráðuneyti greiða fyrir einn vindlakassa.

Ingibjörg Sólrún er konan sem sagði að efnahagurinn á Íslandi væri í fínu lagi – rétt fyrir hrun.

happy_old_days

Ingibjörg Sólrún er konan sem studdi stríðsglæpamanninn Eðvald Hinriksson og ásakaði Ísraelsríki fyrir að standa á bak við tilraunir Simon Wiesenthal Stofnunarinnar í Jerúsalem til að fá íslensk yfirvöld til að rannsaka mál Eðvalds Hinrikssonar (Miksons), sem Eistlendingar hafa nú lýst yfir að hafi verið stríðglæpamaður. Alltaf jafn vís hún Sólrún. Meira hér.

Ingibjörg Sólrún er líka ein af þeim þóttafullu íslensku stjórnmálamönnum sem ekki vildi hitta Shimon Peres þegar hann kom til Íslands. Sjón er sögu ríkari. Sólrún er nasistasleikja og verndari stríðsglæpamanna. Síðar var hún hrjáð að alvarlegu minnistapi - eða er hún bara tækifærissinni?

Imba

Ingibjörg Sólrún hefur sent milljónir króna til Hamas. Geri aðrir betur.

Abba et Imba

Ingibjörg Sólrún ritaði hálfsturlað bréf til Tzipi Livni og ásakaði Ísraelsríki fyrir það sem Palestínumenn aðhafast. Annað pólitískt viðrini hefur leikið sama leikinn (sjá hér). Líklegast er of snemmt að koma honum í embætti erlendis. Menn muna hann enn.

Munið þið þegar Sólrún vildi verða mannsalsfulltrúi ÖSE? Hér er smáupplýsing handa þjóð með Alzheimer.

Munið að Sólrún er ein þeirra kvenna á Íslandi sem hefur liðist það að stunda einræðisherratakta. Er það eitthvað sem við viljum?

Í hlutverki friðardúfunnar sem opinskátt styður PLO og Hamas er Sólrún eins og reitt illfygli. Greinilegt er að ÖSE hefur ekki unnið heimavinnuna sína, enda gólfið þar fullt af sams konar lukkuriddurum, sem kenna í brjósti um hryðjuverkamenn og líkja þolendum nasisma við nasista.

fri_ardufan2_1008182

Friðardans Sólrúnar er krampakenndur og mun það verða ljóst er hún hefur störf hjá OECD.


Stúdentar hafa of mikið á milli handanna

nemi_i_h.gif

Það er ávallt gott þegar háskólaborgarar sýna okkur að þeir stíga ekki í vitið og eru engu betri, og jafnvel vitlausari en hinn grásvarti almenningur sem gengur í skóla lífsins.

Hvers vegna eru menn annars að þjófstarta bæverskri þjóraveislu fyrir miðjan september á stormskeri sem kallast Ísland, þegar slíkar Þjóðverjasamkomur hefjast ekki venjulega fyrr en í lok síðustu viku september?

Eru stúdentar orðnir svona háðir öli, að drykkjumennska þeirra þrýstir á? Hafa námslánin kannski hækkað?

Eins og menn vita, féllu heilu fjölskyldurnar í ónáð í Þýskalandi eftir stríð vegna glæpa karlpeningsins í fjölskyldunum. Voru þá þýskar kerlingar og meyjar úr slíkur blóraættum sendar út um heim til að hefja nýtt líf. Sumar þeirra voru dregnar til Íslands til að gagnast einsetumönum á Íslandi og margar þeirra breyttu koti í fallegustu býli vegna heraga sem þeim var í blóð borinn. Ari Trausti Guðmundsson var svo frakkur að kalla þær flóttakonur hér um daginn í athugasemd hjá almenningsálitstilbúningsmanninum Agli Helgasyni. Mér datt eitt andartak í hug að þær hefðu verið svo frjósamar, að undan þeim og íslenskum einbúum væri runninn heil sveit arískra drykkjusvola. Varla - líklega er bara allt of kalt að sitja í Lederhosen afa gamla í Þýskalandi í október á Íslandi og hrópa sinn stuðning við flóttafólk og Hamas þegar kominn er hávetur. Íslendingar eru fyrst og fremst eftiraparar og svo tilfinningalega samhnepptir að þeir komast ekki í stuð og geta ekki stundað kynlíf nema að vera ófærir um að aka.

Íslenskir námsmenn hljóta að vita að bjórdrykkja veldur offitu og alls kyns sjúkdómum nútímans og það er ekki nema að maður drekki Carslberg, að einhverjir aurar af sullinu fara til rannsóknar í lifrarkrabba eða öðru böli sem drykkja hefur í för með sér - í Danmörku.

Ég er alveg sammála formanni Flugbjörgunarsveitarinnar í Reykjavík, þegar hann varar við að endurskapa bæverskan öl-lager á mesta vindarassgati í Reykjavík. Stúdentunum væri nær að vera heima hjá sér og lesa lexíuna og fá sér smá Maltöl eða bland eða óáfengan pilla og naga með því harðfisk og söl. Sundlaugarnar eru líka ágætur staður til samveru. Meðan Mutter Merkel og Göthe stofnunin borga ekki fyrir svona útþýska menningu, er engin ástæða að eyðileggja heilbrigði þjóðarinnar með þessari siðleysu.

stacks_image_20543.jpg


mbl.is Varhugavert að reisa annað tjald
Tilkynna um óviðeigandi tengingu við frétt

Vítahringur íslensku þjóðarinnar

11700980_443458632499687_5107779828152919137_o.jpg

Hægfara sjálfsmorð íslensku þjóðarinnar er löngu hafið, en nýlega var því hraðað til muna. Því hefur verið hótað að 16 nýir skyndibitastaðir muni hjálpa til við þjóðarsjálfsmorðið.

Misskiljið mig ekki. Ég hef ekkert á móti hóflegum kapítalisma. Ég tel hins vegar að menn eigi ekki að éta sig í hel hans vegna. Það á ekki að troða kapítalisma ofan í kok á fólki, frekar en fimm ára áætlunum og sænskum kanelbullum frá IKEA.

Íslendingar eru vissulega að drekkja sér í fitu og kafna í sykurpytti. Þetta er eins og hernaður. Nú er líka búið að hertaka íslenska fánann og setja hann á amerískan vítahring. Reyndar nær litarefnið í sykurdrullunni ekki bláa litnum í ilhýra fánanum okkar. Dunkin´ Donuts brýtur því íslensk fánalög með þessum E-1944 blue lit.

Afnám tolla og gjalda á fitu og sykur meðan að tollar á grænmeti hækkuðu, komu sér eins og himnasending fyrir Pétur Árna Jónsson sykurpabba á Dunkin' Donuts. Forstjóri 10-11 virðist reyndar sjálfur vera orðinn fórnarlamb sölumennsku sinnar. Bíldekk eru farin að myndast um mjöðm og um háls þessa áður svo mjóslegna framtaksmann. Líklega er einnig farið að þrengja að kransæðunum í Pétri, því nú drekkur hann bara blávatn að læknisráði þegar hann er Dunkin´ Donuts (sjá hér). Pétur Árni mælir þó ekki með að aðrir fari að því ráði. Hann græðir nefnilega á sykri og fitu.

Sú staðreynd blasir við, að þeir sem versla munu á öllum Dunkin´ Donuts stöðum Péturs Árna (og borða kjúklinga á KFC í kvöldmat), munu að meðaltali lifa miklu skemur en foreldrar þeirra, afar og ömmur, sem létu sér nægja eina og eina kleinu með kaffinu og það án fánalitanna úr sykurdrullumixi. 

Ekki skilja mig rangt, mér þykja góðir kleinuhringir, en án drullu, og ég bý þá sjálfur til 2-3svar á ári, en ég tel að þessi matvara, eins og allt annað matarkyns sem þróað var áfram  í Bandaríkjunum sé aðeins hollt fyrir menn sem vinna erfiðisvinnu, t.d. Pólverjana og Litháa sem þrælað er út í verslunum 10-11.

ramos-dunkin_donuts.jpgWilliam Rosenberg, bandarískur gyðingur sem hætti í skóla þegar hann var 14 ára til að lifa af, stofnaði Dunkin´ Donuts keðjuna árið 1950, þegar honum var ljóst sem smásölumanni fyrir matvörur til iðnaðarfyrirtækja, að kaffi og kleinuhringir voru vinsælustu matvörur verkamanna, sem unnu langan og erfiðan vinnudag. Rosenberg borðaði aldrei mikið af kleinuhringjum sjálfur, enda vann hann ekki erfiðisvinnu. Það er heldur ekki  í sjálfu sér honum að kenna, að þjóðarbrot sem ekki eru vön djúpsteiktum mat og hafa lifað á horriminni í aldaraðir fitna óeðlilega mikið þegar þau komast í slíkt "fæði". Á þetta við um þeldökka Bandaríkjamenn, Íra sem sem og Íslendinga og margar aðrar þjóðir. ekki síst. frumbyggja Bandaríkjanna, sem nú er verið að útrýma á miklu hagkvæmari hátt en á 19. öld. Þegar fólk fer að innbyrða alla fituna og sykurefnin í kleinuhringjunum er hægfara sjálfsmorð hafið. Fólk með skaðaða sjálfsímynd, fátæklingarnir, fólk með "fíkilsgen" og þeir sem vantar hemla þegar að matarlist kemur, verða fórnarlömb fitu og sykurdrullunnar.

11845136_443458629166354_3684176175669955316_o.jpgDónuttarar. Myndin fannst á FB Dunkin´ Donuts. Þeim virðist illt í rassinum.

Ekki er ég þó viss um að sugar-daddyar íslensku þjóðarinnar sem troða fitusoðnum kjúklingum og kleinuhringjum ofan í garnir Íslendinga og skola því út með ropvatni í öllum regnbogans litum, muni skila arði sínum í einstaka sjúkrahús eða spítaladeildir, þar sem afleiðingar þessa einstaka framtaks þeirra verða "læknaðar" á kostnað skattborgaranna.  Þeir fara ekki að fordæmi Williams Rosenbergs, sem gaf nokkrar krabbameinsdeildir þegar hann var sjálfur kominn með krabbamein í annað hvert líffæri. Íslensku sykurotrarnir og fitukjúklingarnir borga ekkert og munu hlæja alla leið í bankann með arðinn af sjálfsmorðsvilja viðskiptavinanna.

Eftir situr hin hreina og einstaka þjóð, í súpersize rúmum á troðfullum hjarta- og krabbameinsdeildum, ef fólkið er þá ekki þegar farið úr bráðaristilbólgu, lífhimnubólgu eða skitusting.


Er Ekvador draumaland nauðgarans?

Las Muchachas con El Assange
 

Aumingja karlrassinn hann Julianus, sem um skeið dvaldi í Mosfellsbæ og duflaði við marga í hópi íslenskra blaðamanna. Drengurinn sá þarf nú að flýja allt suður til Miðbaugs, til Ekvadors, þar sem hið fornkveðna er enn við lýði: Sus enemigos son mis enemigos. Miss Enemiga býr auðvitað í Svíþjóð, sem er, eins og kunnugt er, mjög svo aftarlega á merinni, réttarfarslega og í mannréttindamálum. Svíar eru heimsþekktir fyrir spillingu og sem skósveinar vondu mannanna í BNA. Allt öðruvísi en Ekvador, sem er sósíalístísk velferðarparadís eins og Ísland.

Réttast hefði verið fyrir fósturmóður eins af blaðasnápunum sem héngu í skottinu á Assanganum um tíma, að bjóða honum í sælureitinn, eins og öðrum heimsmeistara í móðursýki, rugli og vitleysu. Fósturmóðirin, Jóhanna Sigurðardóttir, er hvort eð er alltaf tilbúin í að brjóta lög og ganga á bak orða sinna. Assange getur svo bara fengið vegabréfið hans Bobby Fischers. Hann þarf hvort eð er ekki að nota það frekar en heimsmeistarinn. Báðir eru ofsóttir af vondum mönnum, og Obama líka, og komast hvergi.

Íslenskir femínistar yrðu vafalaust stórfegnir ef Assange yrði boðið til Ísalands. Þá fengju þeir nú líkast til nóg að gera. Bara senda Assangann á Þjóðhátíð í Eyjum, og þá eru komin tíu ný mál.


Næsta síða »

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband