Dea Matrona di tutti Matrone corrutte

 

Utanríkisráðherrann hefur enga siðfágun.

Þessar aðferðir Ingibjargar eru leifar frá ráðstjórnaröldinni. En það hljóta líka að vera persónulegar ástæður fyrir slíkri hegðun ráðherrans. Þetta eru alvarlegir brestir. Hún virðist ekki hafa þann faglega heiður sem hún skipar öðrum að hafa

Hringingar af sjúkrahúsi í Stokkhólmi í starfsmann sem ekki heyrir á neinn hátt undir hennar ráðuneyti, er hálfgerð hryðjuverk. Ef einhverjum finnst ég taka of djúpt i árinni, þá er þessi aðgerð ráðherrans að minnsta kosti misbeiting á valdi og ætti að draga ráðherrann til ábyrgðar nú þegar.

Í siðmenntuðum löndum eru ráðherrar látnir fjúka, þegar þeir fara út fyrir valdsvið sitt á óviðeigandi hátt. Ríkisstjórnin hefur ekki ráð á því að hafa siðferðislega blint fólk í röðum sínum. En Ingibjörg Sólrún virðist hafa slíkt hreðjatak á samráðherrum sínum að þeir lyppast um eins og geldingar í haremi hennar og segja hárri röddu, "Já hr. utanríkisráðherra". Hún virðist vera orðin eins konar einræðisherra á Íslandi.

Það er núna sem Geir Haarde ætti að láta Ingibjörgu heyra hvar Davíð Geir keypti ölið. 

Ekkert nýtt 

Það er auðvitað ekki nýtt að Ingibjörg taki geðþóttaákvarðanir án samráðs við sína samstarfsmenn. Sjáið bréfið sem hún sendi til Ísrael um daginn. Þegar ég bað um afrit af því bréfi í samtali við aðstoðarmann Ingibjargar, var gefið í skyn að ég væri starfsmaður Ísraelsríkis. Ekki er nóg með að ráðherrann sé siðmenningarlaus, hún safnar í kringum sig kvenkyns samstarfsmönnum sem ekki geta hugsað rökrétt.

Ingibjörg sendi baráttukveðjur á mótmælafund fyrr á árinu. Þær hljóðuðu svo:

„Ég sendi fundarmönnum mínar bestu baráttukveðjur.  Framlag ykkar er mikilvægt til að vekja athygli á þeim grimmdarverkum sem nú eiga sér stað á Gaza.  Framferði Ísraelsmanna gagnvart óbreyttum borgurum er óafsakanlegt og skýrt brot á alþjóðalögum auk þess sem friðarferlinu er stefnt í voða.  

Íslensk stjórnvöld fordæma þetta framferði og munu hér eftir sem hingað til koma þeirri skoðun skýrt á framfæri á alþjóðavettvangi. Mikilvægt er að allir málsaðilar leggist á eitt við að leiða friðarferlið til farsælla lykta fyrir lok þessa árs þannig að til geti orðið tvö lífvænleg sjálfstæð ríki Palestínu og Ísraels."

Ef tekið er tillit til þess að íslenskir stuðningsmenn Hamas, sem eru hryðjuverkasamtök, stóðu á þessum fundi í marsmánuði 2008 og voru með rauðhvítar kafíur Hamasliða um hálsinn, og það voru Hamasmenn sem hófu árásir á Ísrael þegar þessi orð voru látin falla, þá er greinilegt að Ingibjörg Sólrún Gísladóttir telur það siðferðislega skyldu sína að styðja við hryðjuverkasamtök og að koma í veg fyrir baráttuna við þær. Vel að merkja samtök sem hafa eyðingu Ísraelsríkis á stefnuskrá sinni.

Ingibjörg Sólrún kom boðum til Sigurbjargar

Athugasemdir

[S.H. (IP-tala skráð) 14.1.2009 kl. 12:36]

 Fyrir níu (9) mánudum og  einni viku betur thó, var eftirfarandi tölvubréf med fyrirspurn sent Sendirádi Íslands í Stokkhólmi. Tilefni thess var frétt í Morgunbladinu 5. mars eins og kemur fram í texta thess. Ttar ed bidin vard löng eftir svari ítrekadi ég samkvaemt beidni fyrirspurnina hjá sendirádinu en ekki var vid starfsmann thess ad sakast. Sá hafdi sent tölvubréfid samdaegurs til utanríkisthjónustunnar í Reykjavík. Ekki veit ég hvort theim vard ómótt eda óhaegt ( NB diplómatiskt ordalag, einhverjir vinsaelir bloggarar hefdu nú haft önnur ord hér um; madur kann sig nú!) en enn hefur ekkert svar borist vid bréfinu. Nú bid ég vinsamlega um birtingu á thínu bloggi:

”Vid en demonstration i Reykjavik den 5 mars om förhållandena på Gazaremsan, där enligt Morgunbladid, uttryck som massmord användes om den israeliska hållningen, skickade Islands utrikesminister "kamphälsningar" (baráttukvedjur) till mötesdeltagarna. Min fråga är nu: Är detta yttrande ett uttryck för Islands officiella hållning eller ett misstag av tidningens reporter. Jag har svårt att tro att en utrikesminister skulle göra sig skyldig till ett sådant fruktansvärt klavertramp. Med vänliga hälsningar “
(dagsetning og undirskrift)

Mér thykir líklegt ad bréfid hafi verid bókfaert og thar kemur skýrt fram nafn og netfang sendanda ef utanríkisráduneytid og vidtakandi bréfsins , Nikulás Hannigan, skyldi eftir langan medgöngutíma hafa faett fram velskapad svar.

[Halldór (IP-tala skráð) 14.1.2009 kl. 22:43]

Ég vil þakka þér Vilhjálmur fyrir að benda á sannleikann um þessa konu og fyrir hvað hún stendur. Það eru margir alltof hræddir við að gagnrýna hana og tilhæfulausar árásir hennar á Ísraelsríki. Vonandi situr hún ekki annað kjörtímabil.

[Kalli Sveinss (IP-tala skráð) 15.1.2009 kl. 16:37]

Rárrétt Vilhjálmur !

 Það " tragi-komiska" í máli þessu er, að " þjóðin" í Háskólabíói s.l. mánudagskvöld, taldi ÖLL að tilgreint skeyti væri sent af " skemdarvarginum" Guðlaugi Þór !

 Háskóla-bíós-þjóðin er nefnilega einleit, þ.e. mottó þeirra er " Allt er betra en íhaldið"

[Sigurður Þórðarson, 16.1.2009 kl. 01:03]

Takk fyrir þessar upplýsingar. En getur Ísland eitthvað gert til að stuðla að friði og velferð fólksins þarna á svæðinu?

[Vilhjálmur Örn Vilhjálmsson, 16.1.2009 kl. 07:39]

Ertu að meina fólkið á borgarafundinum, Sigðurður?

Eins og mál standa, held ég að Íslendingar ættu að hugsa sín mál meira en að vera lýsa stuðningi við helstu hryðjuverkasamtök í Miðausturlöndum og frati á eina lýðræðið á svæðinu, sem hefur gefið okkur ýmislegt í tölvurnar okkar, sem gerir það að verkum að við getum bloggað og skipst á mismunandi skoðunum. Hamas myrðir fólk sem hefur aðrar skoðanir.