Furðudýrafræðingurinn og Eggjahausinn

 

Í morgun var Útvarp Hamas (RÚV) með útsendingu þar sem sjálfsmenntaður furðudýrafræðingur fréttastofunnar, Þorvaldur Friðriksson, og Árni Eggjarauða úr VG helltu úr könnum haturs síns í garð Ísraels og gyðinga. Það var eins og að þeir væru að lesa upp úr Passíusálmunum. "Gyðinga hörð var heiftin beisk, hjartans blindleiki og villan treisk".

Eftir að Þorvaldi Friðrikssyni, sem lært hefur smá fornleifafræði í Svíþjóð, varð ljóst, að "Keltabyggð" frá því fyrir landnám, sem hann þóttist hafa fundið, væri frá 13. öld, gerðist hann fréttamaður á RÚV (með drykklöngum pásum) og sérhæfði sig þar í stuðningi við hryðjuverkasamtök og fiskeldi.

Þorvaldur Friðriksson. Efst er Che Che Árni

 

Árni Þór Sigurðsson, er hins vega mest þekktur sem fórnalamb íslensk múgs í fyrra þegar hann fékk egg "í gagnaugað" við setningu Alþingis, og var vart hugað pólitískt líf í langan tíma á eftir. Í kjölfarið vildi hann afnema fundarfrelsi og lýðræðið. Í dag vill Árni helst senda lið til Gaza til að berjast við hina vonda Ísraelsmenn, enda eru þeir með lýðræði. Þetta fár í Árna er ekkert nýtt og heldur ekkert sem Árni tók upp á þegar hann lærði smá slavnesku í Sovétinu sáluga. Nei, þegar Árni var í Róttæka Félaginu í MH árið 1979, lagði hann líka til að að félagið hvetti íslensk stjórnvöld til að slíta stjórnmálasambandi við Ísrael. Hann vildi að Ísraelsríki yrði máð út af landakortinu eins og hann orðaði það.

Þessir heiðursmenn voru teknir í viðtal á morgunútvarpi Rásar 2 í Ríkisútvarpinu í morgun, þar sem allir frasarnir um þjóðarmorð, fangelsi, stríðsglæpi osfr. flutu út á öldum ljósvakans. Kryddið á gyðingahaturspítuna var frú Tamimi, sem er leyft að upplýsa þetta um sig á vef Alþingis:  "F. 7. janúar 1960.  Framkvæmdastjóri."  Framkvæmdastjóri Jafnréttisstofu, B.A. í Félagsfræði frá Háskóla Íslands.

Ekkert af þessu fólki hefur þó blætt út í opinni umræðu á fjölmiðlum út af fjöldamorðunum á Sýrlandi, en furðudýrfræðingurinn talaði um linnulausar eldflaugaárásir Hamas á Ísrael sem einhverja saklausa flugeldasýningu. Kannski verður Hjálpasveit skáta með 8 metra langar og 90 kg. þungar rakettur frá Íran um áramótin sem Þorvaldur getur krækt sér í. Vonandi er einnig, að Árni eggjahræra fari með Össur-sveit undir vopnum til Gaza. Tamimi, sem ekki þarf að upplýsa um uppruna sinn og ættir á heimasíðu Alþingis eins og aðrir Alþingismenn, getur orðið klappstýra, þó hún kunni greininga ekki að gæta jafnréttis og jafnvægis í skoðunum sínum, sem er auðvitað frábær eiginleiki í stöðu þeirri sem hún hefur fengið af Össuri, fyrir flokksstuðninginn.

 

Fjölbreytt úrval af flugeldum verður fáanlegt hjá VG um næstu áramót. Hjálparsveit Árna skaffar dótið.

Hamasgangur VG og Samfylkingarinnar varðandi Gaza skilar líka alltaf nokkrum plúsprósentum í kosningatölur þessara flokka. Félögunum verði nefnilega ekki eins heitt í hamsi um nokkur önnur mál en ástandið við Botn Miðjarðarhafs. Botninn í íslenskum fjölmiðlum er ekki lengur uppi í Borgarfirði.  

Sjaldan hefur RÚV sýnt sig sem eins ógeðslega áróðursmaskínu eins og morgun

Hlustið ef þið þorið. 

Hamas myrðir börnin

 

Barn sem var myrt í þjóðarmorði brjálæðinga Assads og íslamista á Sýrlandi þann 25. október sl, var myrt aftur þann 14. nóvember af Hamas á Gaza, vinum Össurar Skarphéðinssonar.

Þið einfeldningarnir í Samfylkingunni eruð meðsek, sama hvað fífl þið kjósið til leiða ykkur í blindni eftir næstu kosningar. Illa sjáandi meðreiðarsveinar Ögmundar og Steingríms J. taka einnig átt í dauðadansinum.

En hetjan sem gaf Hamas peninga EFTA og stuðning Íslendinga um daginn gerir kleift að svona barnamorð og þjóðarmorð geti átt sér stað. Hamas er morðsveit og barnaníðingar, og það eru meðreiðarsveinar þeirra einnig.

Hvenær farið þið til Sýrlands til að hindra þjóðarmorðin þar? Eruð þið of flækt í lygavefinn til að komast af stað?

Lesið þetta: http://honestreporting.com/gaza-child-killed-by-hamas/

og svo er 3-bíó frá Gaza fyrir Gísla Gunnarsson sagnfræðing sem telur Ísrael versta þjóðarmorðingja heimsins:

Stjúpsonur forsætisráðherranns

er einn fremsti hjálparkokkur Hamas-samtakanna á Íslandi. Hann situr um leið í góðu starfi hjá RÚV og matreiðir lygasögur í stað frétta. Hér á blogginu hef ég oft skrifað um einkennilegan fréttaflutning stjúpsonar ráðherrans. Einu sinni kvartaði ég undan lygafrétt hans til Útvarpsráðs en framkvæmdastjóri RÚV týndi mjög hentuglega kærunni og baðst nýlega afsökunar á því og sagðist bera alla ábyrgð á því að kæran hefði ekki verið tekin fyrir.

Í gær framreiddi Gunnar Hrafn Jónsson frétt um heimsókn emírsins af Quatars á Gaza. Emírinn er því miður "góðvinur" Ólafs Ragnars Grímssonar. Ríkasta illmenni jarðarinnar kom til Gaza og gaf fátækari illmennum tækifærisgjafir. Emírinn er, eins og Íslendingum ætti að vera ofarlega í huga, frændi Sheikh Mohammed Bin Khalifa Al-Thani sem um árið eignaðist hlut í banka íslenskra hryðjuverkamanna, Kaupþingi (sjá hér).

Gunnar Hrafn Jónsson fréttaframleiðslumaður talaði í frétt í gær um herkví Ísraelsmanna og að Ísraelsmenn banni að flutt sé byggingarefni til húsbygginga gegnum Ísrael yfir til Gaza. Ef stjúpsonur Jóhönnu væri betur að sér í landafræði svæðisins sem hann segir flestar fréttir frá, þá kemur ekki til mála að flytja byggingarefni frá öðrum löndum gegnum Ísrael, það er bæði óhagkvæmt og svo versla þjóðirnar umhverfis Ísrael ekki við Ísrael (á yfirborðinu). Ísrael selur reyndar heldur ekki byggingarefni til stjórnvalda í einræðisríki sem hafa útrýmingu Ísraelsríkis á dagsskránni. Það gerir engin heilvita þjóð.

Það er engin herkví um Gaza. Það sem er í gangi er stríð, sem Hamas og önnur hryðjuverkasamtök hafa lýst á hendur Ísraelsríki, sem er eina lýðræðisríkið á svæðinu. Reyndar vill lygaveita Hamas láta það líta þannig út að ekkert gott komi frá Ísrael. En þeir og málaliðinn Gunnar Hrafn gleyma því að Ísraelsríki veitti árið 2011 yfir 100.000 Palestínumönnum frá Vesturbakkanum og Gaza læknisþjónustu. Bæði systir og mágur Ismails Hanyeh, foringja Hamas á Gaza, sóttu sér t.d. lækningu á sjúkrahúsi í Petah Tikva í Ísrael fyrr í ár.

Ekki býst ég við því að stjúpsonur forsætisráðherrans hafi mikið vit á lýðræði frekar en stjúpa hans sem ætlar sér að framselja sjálfstæða þjóð í hendur þrotabús ESB á næstunni. En kannski ætti Gunnar Hrafn að fara til Gaza og kynna sér stjórnarhætti þar. Hann gæti búið í vellystingum á þeim hótelum sem kynnt eru hér að neðan, sem Össur utanríkisráðherra mælir með, og sem byggð hafa verið meðan fólk lifir við  „viðvarandi skort á nauðsynjum" á Gaza.

Eina vandamálið á Gaza er Hamas. Gunnar Hrafn Jónsson er verulegt vandamál fyrir sannan og frjálsan fréttaflutning í ríkisfjölmiðlinum RÚV. Hann mætti vel fjúka í komandi sparnaðaraðgerðum á RÚV. Stjúpa hans getur örugglega skaffað honum eitthvað í ESB-kratíunni áður en hennar tími líður.

Hér er svo 3-bíó fyrir Krumma litla fréttamann og aðra litla Hamasliða sem hafa gert Gaza að gæluverkefni sínu:

Ef þið eruð að leita að veitingastað, næst þegar þið eruð á Gazaströndinni, get ég mælt með þessum. Minnir hann ekki á staðina í Warsjá gettóinu, sem Össur Skarphéðinsson er alltaf að líkja við Gaza? 

Hér búa Össur og Svein Rúnar Hauksson þegar þeir eru á Gaza.

Ég er meira fyrir þennan stað, þeir eru með betri magadans.

Palestínupáfinn með lausn heimsvandans

Palestínupáfinn Össur Skarphéðinsson, andlegur bróðir litla mannsins í Íran, talaði aftur yfir sig í New York. Íslenski ráðherrann og gyðingahatarinn Össur hefur enn einu sinni sýnt okkur að hann er miklu dugmeiri fyrir málstað öfgaríkja og hryðjuverkasamtaka en hann er í baráttunni fyrir Pétur og Pál á Íslandi. Hinn eini sanni utanríkisráðherra Íslands í augnablikinu er Ólafur Ragnar Grímsson.

Gyðinghatari? Jú, Össur sagði við Ísraelsríki úr pontu í New York: „Mr. Netanyahu - tear down this wall !". Íslenski Palestínumálaráðherrann vill láta rífa niður varnargirðingu sem kemur í mestu fyrir að óbreyttir borgarar séu brytjaðir niður eins og borgararnir á Sýrlandi. Þeir sem vilja láta myrða gyðinga í Ísrael er auðvitað ekkert annað en gyðingahatarar. Össur Skarphéðinsson, eins og margir forverar hans í embætti utanríkisráðherra, er gyðingahatari.

Össur sagði einnig dólgslega við Ísrael og Gyðinga: "I listened to Mr. Netanyahu's speech on Thursday, and I have a comment to make on behalf of the Icelandic people: Don't bomb Iran. Don't start another war in the Middle East." . Með þessu vill Össur viðhalda vanþekkingunni og lygunum, eins og þegar hann segir: I met the Children of Gaza whose lives are made impossible by poverty, violence and a blockade that by others than myself has been described as an open door prison". Kannski voru það aðrir sem lögðu honum orð í munn, en sjáið fátæktina á Gaza hér, sjáið glæsihótelið sem Össur bjó á þegar hann virti fyrir sér fátæktina á Gaza. Eins og í Samfylkingunni þá greiðir Hamas götu gæðinga sinna. En Össur talar ekki á mínum vegum sem frjáls Íslendings. Hann tekur ekki mig í gíslingu endurgjaldslaust.

Stórmennskubrjáluð gagnrýni Össurar á Öryggisráðið er ómaklegt hjal, og hann er sjálfur ekki með neinar lausnir. Reynandi væri þó að senda hann sem fyrst til Damaskus, jafnvel þótt ríkisstjórnin hans sé ekki fallin. Andleg systir hans, Ingibjörg Sólrún, fór á fund barnamorðingjans Assads fyrir nokkrum árum til að fá stuðning til setu Íslands í Öryggisráðinu. Það var sama konan sem ærðist illilega þegar samtök úti í heimi vildu sækja gyðingamorðingja sem bjó á Íslandi til saka. 

Utanríkisráðherra Íslands er einfaldur lýðskrumari sem sækir sér nú stuðning hjá stórum öfgaarmi Samfylkingarinnar í formannsslagnum í Samfylkingunni, hjá fólki sem í áraráðir hefur haft Palestínu að gæluverkefni, eins og feðurnir höfðu Hitler-Þýskaland eða Sovétríkin sem óskalandið.

Denni lét líka leika á sig

Af Landbergis, Zingeris og Steingrími Hermanns hinni nýju hetju Litháens

Það er komin út ný grein eftir mig, en einnig hefur Vytautas Landsbergis fyrrverandi forseti Litháens gefið út bók, þar sem hann gerir lítið úr völdum og afleiðingum verka og lagasetninga litháísku leppstjórnarinnar alræmdu sem faðir Landsbergis sat í nokkrar vikur árið 1941 áður en Þjóðverjar tóku öll völd í landinu. Þessi bráðabirgðastjórn gerði Þjóðverjum lífið létt að hefja skipulagða útrýmingu á gyðingum og fjöldamorðum á öðrum Litháen.

Litháíska leppstjórnin svipti m.a. gyðinga öllum rétti í Litháen, setti reglur um ghettó þangað sem gyðingum var smalað með valdi og opnaði fangabúðir fyrir gyðinga í Kaunas, þar sem gyðingar voru drepnir áður en Þjóðverjar birtust. Öll þessi niðurlæging á trúar- og minnihlutahópi, sem hafði búið í landinu í aldaraðir, átti sér stað áður en Þjóðverjar tóku formlega völdin. 

Þessi lítilmannlega tilraun forsetans fyrrverandi til að breyta og falsa sögu lands síns, og föðurómyndarinnar sinnar, er aumkunarverð og lítilmannleg stefna sem öll baltnesku ríkin eiga sameiginlegt. Þjóðirnar þrjár vilja ekki heyra um örlög gyðinga í landinu og helst ekki vita af því að þeir voru virkir þátttakendur í þeim þjóðarmorðum.

Lesið meira hérum bók  Landsbergis sem, m.a. fjallar um forsætisráðherra leppstjórnarinnar, Ambrazevičius-Brazaitis, sem Litháar tóku svo að segja í heilagra manna tölu í maí sl. (sjá grein mína um þegar ég varð vitni að því Kaunars hér).

Landsbergis situr nú á Evrópuþinginu, sem um daginn ákvað með miklum meirihluta að setja viðskiptaþvinganir á Færeyjar og Ísland út af makrílveiðum, og einn þeirra sem það gerði var hinn mikli Íslandsvinur Hr. Vytautas Landsbergis.

Engir meðreiðarsveinar þýska nasistainnrásaliðsins og böðlar Litháa hafa verið sóttir til saka eftir að landið öðlaðist aftur frelsi. Frelsið notar ríkisstjórn landsins til að ofsækja aldna gyðinga, sem Litháar vilja bak við slá vegna meintrar þjónustu þeirra við sovéska innrásarliðið í landinu. En nasistarnir og litháískir SS-liðar eru hins vegar heiðraðir, meðal annar með árlegum skrúðgögnum.

Í dag birtist eftir mig grein á vefnum http://www.defendinghistory.com/, þar sem skrifar fólk sem mótmælir ógeðfelldri söguskoðun og -fölsun, sem nú á sér stað sem aldrei fyrr í löndum Austur-Evrópu. Það er verið að "hreinsa" og fegra söguna landanna sem eru nýgengin í ESB, eða við það ganga inn í þrotabúið. Eins og í Sovétríkjum sálugu mega örlög gyðinga, sem óneitanlega voru verst, ekki skyggja á örlög kristinna borgara þessara landa. Stríðsglæpamenn og SS-liðar eru því þjóðhetjur og til eru Eistar sem telja Mikson (Eðvald Hinriksson) vera frelsishetju. En baltneskar hetjur voru margar hverjar fyrst og fremst gyðingamorðingjar.

Grein mína, sem ég kalla Emanuelis Zingeris, Star of the Red-Brown Road Show, Turns Up in Reykjavík on the Jewish New Year fjallar m.a. um Emanuelis Zingeris, þjónustuhollan litháískan gyðing, sem í gær nældi hlussustóra medalíu á sálina hans Steingríms Hermannssonar fyrir vel unnin störf í þágu Litháens. Gyðingar í Litháen telja Zingeris hafa gert litháískum yfirvöldum kleift að gera lítið úr örlögum gyðinga í landinu fyrir pólitískan frama og embætti, að hann hafi þar með gert lítið úr minningu 200.000 trúbræðra sinna sem myrtir voru í heimsstyrjöldinni. Zingeris er einn helsti stuðningsmaður þeirrar sögubrenglunar sem nú fer fram í Litháen, þar sem örlögum gyðinga, sem margir voru myrtir af Litháum, er líkt við örlög þau sem kristnir Eistar, Lettar og Litháar máttu þola af höndum Sovétríkjanna.

Greinin mín fjallar einnig um íslenskar hetjur Litháens og hve bágt Íslendingar eiga sjálfir með að höndla sína eigin sögu og fortíð. 

Illugi sér rautt

 

Siðapostulinn Illugi Jökulsson skrifaði pistil um daginn á blogg sitt sem hann kallaði bara Ísrael. Þessi fallegi og látlausi titill hans var næg ástæða fyrir mig til að vera viss um að ekki væri allt með felldu, og það sem fyrir neðan stæði væri vart ægifagurt, enda Illugi enginn sérstakur vinur Ísraelsríkis. Ég hafði rétt fyrir mér. Ég setti því þessa athugasemd hjá Illuga: 

Til skamms tíma var mikil ásókn Íslendinga til hinna "yndislegu" ríkja al-Assads, Ghaddafís og Amadinejads. Íslenskir ellilífeyrisþegar flykktust þangað undir skeleggri stjórn konu nokkurrar sem minnir mig alltaf ógurlega mikið á Illuga Jökulsson.

Í þessum löndum er útrýming Ísraels orðið að skólaefni. Í skólaatlösum landanna er þegar búið að útrýma Ísraelsríki af öllum kortum. Það var gert fyrir löngu.

Vinsælustu sjónvarpsseríurnar eru svo ógeðslegar í garð Ísraelsríkis og gyðinga, að þær skjóta óþverra 3. Ríkisins og gjörvöllu gyðingahatri kaþólsku kirkjunnar ref fyrir rass.

Í Palestínu þeirri, sem sumir Íslendingar hafa gert að gæluverkefni, eru slíkar sjónvarpsseríur afar vinsælar. Skrílslegar og rasískar skopteikningar í garð gyðinga og Ísraelsmanna hafa þar verið aðal skemmtiefnið allar götur síðan á 4. áratug síðustu aldar. Það voru þær líka í kommúnistalöndum Austur-Evrópu, þar sem óþverrinn úr Der Stürmer var endurunninn í Prövdu og Izvestia.

Hamas, sem Ísland er komið í stjórnmálasamband við með hjálp ofstækismannsins, Palestínupáfans og ESB-mógúlsins ÖS, hefur útrýmingu Ísraels á dagsskránni. Styðja óhugnanlega margir múslímar, sama hvaðan þeir koma, þann hatursboðskap.

Illugi Jökulsson verður að gera sér grein fyrir því, eins sögufróður maður og hann er, að gyðingahatur var til staðar í miklum mæli í löndum múslíma í Miðausturlöndum fyrir stofnun Ísraelsríkis - og það var það líka á Íslandi, eins og Illugi veit manna best.

Gaman var að fá að vita, hvaða sjónvarpsseríur Illugi Jökulsson "fílar", en skrítið að sjá mann sem ekki fílar Ísrael  þótt hann hafi sjálfur ferðast ógagnrýnið  með fyrrnefndri konu til landa fjöldamorðingjanna al-Assads, Ghaddafís og Amadínejads og þótt þar fínt og sætt.

Er ekki kominn tímt til að Illugi fari til Ísraels og uppgötvi sannleikann. Illugi er nefnilega haldinn blindu ofstæki í garð Ísraels eins og margir samflokksmenn hans á Íslandi.

Segðu mér eitt, Illugi, er ríki sem veitir yfir 100.000 Palestínumönnum frá Vesturbakkanum og Gaza læknisþjónustu sl. ár stjórnað af ofstækisfólki? Systir og mágur Ismails Hanyeh, foringja Hamas á Gaza, sóttu sér t.d. lækningu á sjúkrahúsi í Petah Tikva fyrr í þessum mánuði. Og þú talar um ofstæki... 

Fréttastofa Írans í Efstaleiti

 

Hvernig má það vera að fréttamaður á RÚV telji sig vita að Ísraelsmenn hafi drepið íranska kjarnorkusérfræðinga? Hefur fréttamaðurinn eitthvað máli sínu til stuðnings?

Í sjónvarpsfréttum í gær kom það fram í framsetningu Gunnars Hrafns Jónssonar, sem er stjúpsonur Jóhönnu Sigurðardóttur forsætisráðherra, að talið sé að síendurtekin hryðjuverk gegn Ísraelsmönnum um heim allan séu að undirlagi Írans og að Írans sé að „hefnd fyrir ítrekuð morð ísraelsku leyniþjónustunnar á írönskum kjarnorkuvísindamönnum". Hlustið og horfið hér á enn eina fréttasköpun Gunnars Hrafns.

RÚV hefur greinilega mikilvægar upplýsingar sem fréttastofan ætti vitaskuld að miðla af. Eða kannski er vandamálið bara að RÚV er með fréttamann sem ekki getur greint á milli raunveruleikans og ævintýranna í 1001 Nótt, þegar kemur að fréttaflutningi þeirra af Miðausturlöndum.

Engin sönnun eða viðurkenning hefur borist fyrir því að Ísraelsmenn hafi staðið á bak við dráp á írönskum kjarnorkusérfræðingum. Aðeins er um að ræða getgátur og stundum illkvittnar sögusagnir, sjá hér

Íranar kenna Ísraelum og gyðingum um allt sem miður fer í heimi hér, og lítill fréttasnápur á RÚV virðist vera á mála hjá Íransstjórn, með því að greina frá því gagnrýnislaust að Íranar hafi með morðum sínum á saklausu ferðafólki í Búlgaríu verið að hefna sín fyrir nokkra kjarnorkusérfræðinga. Slík fréttamennska er ekkert annað en hryðjuverk.

Hefur Gunnari Hrafni, Íranskrummar, og hinum álfunum á RÚV aldrei dottið í hug, að í Íran sé að gerjast öfl sem ætli sér að steypa ógnarstjórninni þar af stóli, líkt og við höfum séð annars staðar í heimi öfganna, þó með misjöfnum árangri. Fólk er búið að fá nóg undir járnhælnum á Amajinidahd og öfgaklerkanna. Sama má með vissu segja um fólk á Íslandi undir járnrassi Jóhönnu stjúpmömmu Gunnars Hrafns. Fólk er búið að fá nóg á lygum stjórnarinnar og fréttastofu hennar.

En hverju er hægt að búast við í landi þar sem flóttamenn frá Íran eru ekki teknir alvarlega?

Íslenskir hryðjuverkamenn í Mónakó

 

Nú er íslenska ógæfustjórnin aftur farin að senda frá sér skilaboð. Ekki þó til Íslendinga, heldur alla leið til Palestínu og Ísraels. Þegar maður getur ekki leyst vandamálin heima fyrir, er auðvitað ráðist á garðinn þar sem hann er hæstur. Stjórnin er með „stórt hlutverkið á meðal þjóðanna" og ætla sér að leysa öll heimsins vandamál, áður en hún leysir vandann heima fyrir. Allir vita jú, að réttur Hamas á Gaza til að útrýma Ísraelríki, og eigin þjóð í leiðinni, er mikilvægari en vandi atvinnuleysingjans á Íslandi.

Það var ekki nóg að sækja stuðning fyrir setu Íslands í Öryggisráði SÞ hjá óbótamönnum sem sérhæfa sig í fjöldamorðum á eigin þjóð. Örvingluð og ráðalaus ríkisstjórn hefur nú sent tvö hirðfífl sín á ÖSE-ráðstefnu í Mónakó til að leika af sér í spilavítisborginni. ÖSE stendur reyndar ekki fyrir Össur Skarphéðinsson Europe (þ.e.a.s. ESB), heldur hið gagnstæða. Stofnunin ber heitið OSCE, Organization for Security and Co-operation in Europe. Verkefni þessarar stofnunnar er ekki hægt að misskilja, nema að menn séu rauðklæddir sveinar frá Íslandi.

Róbert Marshall og Björn Valur Gíslason voru sendir á þing OSCE í Mónakó sem lauk í dag. Þar sýndu þeir alheiminum að Íslendingar eru meistarar í rússneskri rúllettu. Eina málið sem brann á íslensku útsendurunum var óbein OSCE-aðild Palestínumanna og Palestínuríkis, sem Íslendingar og nokkur önnur öfgaríki hafa viðurkennt.

En hafa trúðarnir Marshall og Björn Valur ekki séð, að hlutverk OSCE er t.d. að berjast gegn hryðjuverkastarfssemi, sem og  fyrir eftirliti með vopnasmygli, eða fyrir lögmætum kosningum sem aldrei hafa þekkst í Palestínu? Allt það sem OSCE á að berast fyrir, er brotið á bak aftur af Palestínumönnum. Í landinu Palestína mega til að mynda ekki búa gyðingar. OSCE berst gegn slíku kynþáttahatri og mismunun.

Spurningin er, hvort Marshallinn, sem setti fram tillöguna í Mónakó, vilji ekki líka fá ræfilstuskuna hann Assad inn í OSCE? Hann var að minnsta kosti nógu góður fyrir Samfylkinguna þegar hún leitaði til hans hér um árið og hélt pönnukökuveislu í New York til að koma Íslandi inn í Öryggisráðið, svo Imba gæti kosið Ísraelsríki út af landakortinu með öðru öfgafólki heimsins.

Naumur meirihluti kom sem betur fer í veg fyrir morðárás íslensku hryðjuverkasinnanna, með því að stöðva aðild Palestínumanna að OSCE.

Þátttaka „Palestínuríkis" nú væri alvarlegt slys og tímaskekkja, enda er Palestína ekki ríki nema á Íslandi. Meirihlutinn sem hafnaði tillögu Marskálks, veit að óskir hans verða ekki að veruleika í Palestínuríki, þar sem slíkt ríki á svo fátt sameiginlegt með ríkjum þeim sem eiga aðild að OSCE.

Nú, þegar íslamska vorið er að snúast í heitasta sumar sem sögur fara af, er einkennilegt að sjá vinstri menn frá Íslandi ganga erinda öfgaríkja. Það sama hvaða öfgafylking það er, í löndunum umhverfis Ísrael sameinast menn í að traðka á mannréttindum eigin borgara, kvenfrelsi, trúfrelsi og alþjóðlegum lögum og stráfella borgara í sínu eigin landi. Allar þessar stríðandi fylkingar kringum eina lýðræðisríkið á svæðinu geta þó sameinast um eitt: að vilja útrýma Ísraelsríki og gyðingum. Hitler hefði líklega verið kátur ef hann hefði upplifað að sjá heilu þjóðirnar, með stuðningi Íslands, ljúka því sem hann byrjaði á.

Marshall og Björn Valur reyndu sitt besta til að auka á sundrungu og glundroða í Miðausturlöndum. Þeir ætla sér að gera nýtt áhlaup að ári til þess að efla öfgastefnur og hryðjuverk sem gæluverkefni í OSCE. Við þurfum þó ekki að horfa upp á fleiri mistök ríkisstjórnar sem styður helstefnur hryðjuverkastjórna. Hægt er að koma veg fyrir að Marshall og Bjössi bolla verði sendir á OSCE-þing í Albaníu að ári. Kosningarétturinn er enn í gildi á Íslandi.

Athyglisverð grein í Þjóðmálum

 

Prófessor Hannes Hólmsteinn Gissurarson er með mjög athyglisverða grein í nýjasta númerinu af Þjóðmálum, sem nú er komið út.

Greinina kallar Hannes Gyðingastjarnan og Hakakrossinn; Örlög tveggja útlendinga á Íslandi.

Greinin fjallar um Henný Goldstein Ottósson og fjölskyldu hennar og nasistann og DDR-kommúnistann Bruno Kress og hvernig leiðir þeirra skárust fyrir og eftir stríð. 

Greinin er mjög góð því hún vekur á einfaldan og sanngjarnan hátt athygli á hve ólík örlög manna voru í Síðara stríði. Þetta er mjög góð greining á því hvernig menn í Þýskalöndunum tveimur, og í þessu tilfelli í DDR, gátu endurskapað líf sitt, breitt yfir syndirnar og látið sem ekkert væri. Önnur kynslóð, börn nasistanna voru stundum ekkert betri í yfirbreiðslunni.

Ég veit að greinin var boðin Skírni til birtingar og furða ég mig á því að hún hafi ekki verið birt þar. Ég hlakka til að sjá skýringu ritstjóra Skírnis á því að grein Hannesar var ekki tekin til birtingar. Eitthvað hlýtur þar að liggja að baki.

Mæli ég með því, að menn nái sér í númer af Þjóðmálum og lesi greinina um Kress og Goldstein.

Ég man vel eftir Henný Ottósson er hún vann lengi hjá Innheimtudeild Sjónvarpsins. Ég var fyrir löngu sumarsendill hjá RÚV á Skúlagötunni, en Henný vann þá inni á Laugvegi og þurfti ég oft að ná í eitthvað eða fara með til hennar. Afi minn þekkti einnig heiðursmanninn Hendrik Ottósson.

Myndin efst er frá fyrstu guðsþjónustu gyðinga á Íslandi árið 1940, sem ég skrifaði um er ljósmynd Sigurðar Guðmundssonar ljósmyndara var afhent Þjóðminjasafni á síðasta tug 20. aldar. Henný er ekki með á myndinni en þar má sjá bróður hennar Harry, mann hennar og móður. Henný átti veg og vanda að því að undirbúa athöfnina með manni sínum Hendriki Ottóssyni.

Myndin hér fyrir neðan sýnir "afrek" SS-Ahnenerbe. Myndin er frá Natzweiler fangabúðunum, þar sem bróðir Hennýar, Siegbert Rosenthal, var myrtur af einum af stofnendum Ahnenerbe, stofnunar sem Bruno Kress vann fyrir, vegna "mannfræðirannsókna" á "óæðra" fólki. Sjá hér

Réttlæting á hatrinu í Passíusálmunum

Mikil umræða hefur orðið um gagnrýni Simon Wiesenthal Stofnunarinnar á Passíusálmana og lestur þeirra í RÚV. Ég greindi frá gagrýninni á hinu bloggi mínu, Fornleifi, sem fjallar um ýmis konar forneskju eins og til dæmis Passíusálmana. Ég sé mjög mismunandi réttlætingu hjá mönnum á því af hverju þeir telja Passíusálmana fallegan og hreinan trúarboðskap, þótt gyðingar telji sálmana haturssöng í sinn garð. Einn maður hefur t.d. vænt mig um Íslendingahatur og rasisma vegna þess að ég tel sálmana tímaskekkju. Annar vill berja mig með naglspýtu með 5 tommu nagla á Lækjatorgi.

Á Íslandi ætlast menn til þess að starf Simon Wiesenthals Stofnunarinnar (SWC) séu nasistaveiðar. Starf SWC hefur reyndar aldrei einvörðungu falist í því að leita uppi stríðsglæpamenn, líkt og Jóhann og aðrir virðast halda, heldur berst stofnunin einnig við það hatur sem gerði venjulega menn að böðlum milljóna manna í Síðari heimsstyrjöld. Barátta og stríð gegn þessu hatri og öðrum mannréttindarbrotum er aðalverkefni stofnunarinnar, barátta fyrir sannleikanum og helfararafneitun annað, en nasistaveiðar eru svo að segja að renna sitt skeið. Eftir nokkur ár eru þeir glæpamenn sem sumar ESB-stjórnir Austur-Evrópu hafa friðað farnir til helvítis. 

Röksemdir aðventistaprests 

Á Fornleifi skrifar meðal annarra Jóhann Magnús Þorvaldsson aðventistaprestur athugasemd (nr. 57) til að sýna fram á villu SWC-stofnunarinnar og ágæti Passíusálmanna. Jóhann er fyrrverandi prestur Sjöunda Dags Aðventista:

"Tengdafaðir minn, sem var gestgjafi í litlu þorpi í Vestur Þýskalandi á stríðsárunum, var sjálfur í lífshættu vegna þess að hann faldi gyðingafjölskyldu á flótta. Konan mín mundi vel eftir þessari fjölskyldu sem hún aðstoðaði við að fela. Ég bar mikla virðingu fyrir þeim fyrir þetta þegar ég seinna heimsótti þennan stað. " 

Kreye var ættarnafn konu Jóhanns, Irmgard, en hún lést árið 2005 í Noregi. Hafa góðverk Kreye fjölskyldunnar í garð gyðinga verið skráð einhvers staðar? Vissulega! Af veraldarvefnum þekki ég bók eftir Eric nokkurn Kreye, sem var meðlimur í Hitler Jugend, en hann flutti eftir stríð til Bandaríkjanna. Bókin ber titilinn Under the Blood Banner: The Story of a Hitler Youth. Eric Kreye er sjöunda dags aðventisti eins og Jóhann M Þorvaldsson mágur hans og leiðtogi "kirkju" í húsnæði High School Pharmacy í smábæ nokkrum, Estacada, í Oregonfylki.

Af forsíðu bókar Kreyes

 

Og þegar við lesum sögu Erics Kreye, þar sem kemur við sögu  Kreye systir hans, finn ég ekkert um það hvernig Eric, bróðir Irmgards giftist gyðingi eins og Jóhann heldur fram. Faðir þeirra systkina, eigandi Hölscher Gasthaus í Unsen skammt frá Bielefeld í Þýskalandi var meðlimur í Gestapo (sjá hér), en er sagður hafa haft gyðinginn Prófessor Erhardt og konu hans hjá sér am Gasthof. Því er meira að segja haldið fram, að Frau Erhardt hafi komið með dóttur sína Júlíu mikið veika og falið hana í kolageymslu Kreye fjölskyldunnar meðan á loftárásum stóð á stórborgina (Hannover?). Uppáhaldsfrænka Erics var meira að segja gyðingur samkvæmt bókinni (sjá hér).

Lesið bók Kreye hér og hér, sem er athyglisverð lesning.

Kreye, faðir Erics og Irmgards vann um tíma hjá Gestapo í Hameln. En í Hameln var aðeins rekin ein stofnun Gestapo, illræmt fangelsi þar sem fólk var svelt myrt. Þetta hefur sérfræðingur í Hameln sem ég þekki greint mér frá. Gyðingar, Hollendingar, Danir, Tékkar, Pólverjar, Frakkar, kommúnistar og samkynhneigðir voru í þessu fangelsi á stríðsárunum. Ef Herr Kreye hefur unnið fyrir Gestapo í Hameln hefur hann unnið í þessu illræmda fangelsi. Hitler Jugend, sem Eric Kreye var meðlimur í var reyndar stofnað í Hameln árið 1930.

Í Bielefeld, þar sem Kreye átti ættingja, var safnað saman gyðingum af elli- og sjúkraheimilum í nágrenninu. Gamla fólkið var svelt í hel í fangabúðunum Schlosshof í bænum Bielefeld. Á meðan fór Eric Kreye með niðursoðinn mat til ættingja í Bielefeld.

Eric Kreye, sem hefur tekið sér mörg skáldaleyfi, en hefur skrifað opinskáa bók. Hún og meint hjálp Kreye fjölskyldunnar við gyðinga réttlætir hins vegar ekki Passíusálmana. Það sem sagt er um hjálp við gyðinga í bókinni stenst ekki athugun, og bókin verður að flokkast til þeirra þúsunda af lýsingum afkomenda Þjóðverja stríðsáranna sem á seinni árum hafa keppst við að halda því ranglega fram að foreldrar þeirrar eða afar og ömmur hafi bjargað gyðingum. Ef svo margir hefðu í raun hjálpað gyðingum, þá hefði líklegast aldrei orðið nein Helför. Bók Harald Welzer "Opa war kein Nazi" lýsir þessum heilkennum sumra Þjóðverja.

Söguhetjan, Eric Kreye, bróðir Irmgard (sem ég tel víst að hafi verið kona Jóhanns Aðventistaprests) gerðist síðar sjöunda dags aðventisti í Bandaríkjunum.

Sjöunda Dags Aðventistar í Þýskalandi voru ekki frægir fyrir hjálp sína við Gyðinga, þó svo að ég útiloki ekki að góðir einstaklingar í meðal aðventista hafi verið miklar hjálparhellur. Gyðingar sem tekið höfðu trú þína, Jóhann, voru meira að segja framseldir af "trúbræðrum" sínum, 7. dags aðventistum, í hendur nasista!

SWC leitar að sannleikanum. Sá Jesús, sem Jóhann hefur um langan tíma kennt trúna á, kenndi einnig mönnum að hafa sannleikann að leiðarljósi. Eric Kreye, sonur Gasthaus-eigandans sem var í Gestapo, sagði einnig sögu sem ég vona að sé sönn. Hann komst til BNA í stað gyðinganna sem neitað var um landvist þar.

Hallgrímur Pétursson sagði ekki sanna sögu af gyðingum í Passíusálmunum og því mótmæla gyðingar í dag. Það er engin ástæða til að segja glansmyndasögur í anda aðventista ef þær eru ósannar, til þess eins að réttlæta Passíusálmana. En Sálmarnir innihalda, nú sem fyrr, hatur í garð gyðinga. Það er staðreynd.

Ef Íslendingar vilja hylla slíka menningu, þá þeir um það. En það verður ekki gert án kröftugra mótmæla. 

Gasthaus Kreye-fjölskyldunnar i þorpinu Unsen (nærri Hameln og Hannover) eins og húsið lítur út í dag.

Herr Kreye gestgjafi i Unsen, sem samkvæmt bók Eric Kreyes sonar hans var aðeins í Gestapo í þrjá mánuði, náði samt að krækja sér í síldarsalat. Trúverðugleiki bókarinnar er lítill og afrek Kreye- fjölskyldunnar eru að mín mati alls ekki nógu góð ástæða til þess að réttlæta gyðingahatur Passíusálmanna.