Sýnum stuðning þeim sem frelsa vilja Íran

 

Hvar er íslenska ríkisstjórnin nú? Þegar Palestínumenn öskra og krefjast útrýmingar Ísraelsríkis, eru margir Íslendingar tilbúnir með alls kyns aðstoð. Peninga, gervilimi, sjálfsblekkingu og jafnvel hreinræktað gyðingahatur.

En þegar ein elsta menningarþjóð í Asíu, Íranar, þurfa á hjálp heimsins að halda, er forsætisráðherrann okkar víðs fjarri að skála við kollega sína á Norðurlöndum í Arnarhreiðri nasistaskálds austur á Héraði. Þeir munu víst styðja okkur inn í Fata Morgana morgunlandsins (ESB). En styður Jóhanna baráttu frelsisafla í Íran? Eða í það minnsta réttindi samkynhneigða þar í landi?

Þegar stríðið geisaði á Gaza um áramótin voru bloggarar og fréttamiðlar á Íslandi oft meira uppteknir af því en naflaskoðuninni í sambandi við hrun íslenska efnahagsundursins .

Nú, þegar íbúar eins kúgaðasta land heimsins eru hugsanlega að kasta af sér okinu, heyrist vart í Íslendingum. Þeir eru skriðnir inn í naflann á sér til að leita að kuski.  Ekki einu sinni heilög Birgitta, þingmaðurinn sem grætur Þjórsá fyrir Tíbet og er tilbúinn að deyja fyrir Palestínumenn.  Nei, hún er að reyna skilja Icesave og bjóða landsmönnum í ókeypis Tíbetbíó.

Egill Helgason, maðurinn á bak við Joly Co la la, og margt, margt fleira, sem er svo stór að alltaf sést í hann á bak við allt það sem hann stendur á bak við (og það er ekki lítið), hefur ekki úthellt galli um Amadinejad eins og hann hellir jafnan sýru og eitri í skál Ísraelsmanna.

Styðjum þau öfl í Íran, sem vilja losna undan vitleysingnum, sem Íslensk yfirvöld, eitt fárra ríkja í Evrópu ákvæðu að heiðra á ráðstefnu SÞ um mannréttindi í Genf í apríl sl.

Frjálsara Íran þýðir aukinn heimsfrið og öryggi.

Ekki tel ég  víst, að Mirhossein Mousavi sé það sem menn leggja líf sitt að veði fyrir í Íran þessa dagana. Mig grunar að ungt fólk í Íran sé að andmæla því afbrigðilega Íslam sem eyðilagt hefur hið merkilega og gamla ríki, Íran.

Öfgahyggja Evrópukratanna

 

 

Fjölmiðlar á Íslandi, sem og annars staðar, hafa keppst við að segja okkur frá sigri hægriöfgaafla í Evrópuþingskosningum sl. sunnudag. Oft mætti skilja á máli einfeldninga í röðum blaða- og fréttamanna, að allir flokkar til hægri séu öfgaflokkar. Ef Íslendingar lenda í ormagryfju ESB vegna öfga íslenskra naívista í stjórnmálum, mun Sjálfstæðisflokkurinn líklega lenda á lista yfir öfgaflokka.

Þessi færsla er nauðsynleg á Íslandi, þar sem fréttaflutningurinn á Íslandi af sigri hægriafla í ESB lauk með lummulegri lygasögu óupplýstra fréttasnápa.

Æsingur European Jewish Congress (EJC) yfir Dansk Folkeparti byggir á misskilningi, sem kona Søren Espersens þingmanns flokksins hefur líst ágætlega fyrir EJC. Kona Espersens, Yvette Espersen, er gyðingur.

I agree that we should be doing all that we can to fight anti-Semitism - but I feel that the blinkered view that it is just the rightwing groups in Europe that are anti-Semitic is a dangerous road. Some of the very successful left wing groups growing in Europe have been showing disturbing anti-Semitic tendencies in their attack on Israel and as a consequence giving authority for an attack on the Jewish people. Maybe it would a good idea that the European Jewish Congress also begin to take a look at these groups in Denmark - instead of attacking the only the political party in Denmark that has stood side by side with Israel and fought anti-Semitic growing tendencies in Denmark.

Finn Rudaizky, gyðingur, sem fyrrum var krati, en er nú genginn yfir í raðir Dansk Folkeparti, skrifaði EJC m.a.:

It would be respectable and fair that the Jewish Congregation should demand a correction.
I am deeply shocked that the European Jewish Congress, where I have participated in many meetings, could send such a false description of a political party, which has quite a number of Jewish members and sympathisers. Including Jewish members who were active and have fought Nazism and whose families have suffered during the Nazi's barbaric murders in KZ camps.

Mótmælunum rigndi yfir EJC frá gyðingum í Danmörku, meðal annars Finn Schwarz, formanni gyðingasafnaðarins í Kaupmannahöfn sem krafðist að DF yrði fjarlægt frá yfirlýsingu EJC um öfgaflokka sem hatast út í gyðinga, um leið og hann undirstrikar að hann sé sjálfur ekki í röðum DF. 

 

Viatcheslav Kantor þykir vænt um hesta ...

 

En hvað er EJC? Sumir gyðingar eru á því að EJC sé orðin að eins konar öfgasamtök. Þar eru sovétískt ástand.  Þar er rússneski auðjöfurinn Viatcheslav Moshe Kantor allsráðandi.  Hver er þessi Kantor? Jú, Hann er ísraelskur þegn, en er ekki með bankareikning í Ísrael. Þegar ísraelsk yfirvöld eru ekki að rannsaka fjármál hans, er hann að klappa arabískum hestum á búgarði sínum í Rússlandi og safna ómetanlegum listmunum. Þetta er fær maður sem sigldi í góðum byr á Sovéttímanum, var hollur flokksmaður í kommúnistaflokknum og vinur Jeltsíns sem hlóð undir er hann var við völd. Hann er nú hin fremsta skósleikja Pútíns Rússlandskeisara.  Talið er víst að Kantor hafi komið öðrum gyðingi í dýflissur Pútíns, það er Mikhail Khodorkovsky.  Hve stórir gyðingavinir forseti og forætisráðherra Rússlands eru, orkar tvímælis, en Viatcheslav Kantor hefur auðvitað ekki talið ástæðu til að gangrýna þá. Kantor hefur lýst því yfir, að hann sé fyrir Pútín, það sem Jósef var fyrir Faraóinn forðum í Egyptalandi. Kantor, sem komst til valda í EJC með hjálp krata, er kannski ekki rétti maðurinn til að tjá sig um öfgar.

  ... en hann styður aðgerðir Pútíns gegn sumum gyðingum.

EJC er búið að fjarlæga Dansk Folkeparti frá yfirlýsingu sinni, en samtökin vilja ekki tjá sig um málið við fjölmiðla í Danmörku. Kantor er líklega of upptekinn að sendast fyrir Pútín. Gyðingar í Danmörku spyrja sig nú hvar Kantor, sem flutti ræðu á hátíð í samkunduhúsi gyðinga í Kaupmannahöfn í fyrra, hafi fengið þær upplýsingar að Dansk Folkeparti, væri flokkur gyðingahatara?

Igor, við vinnum að sameinaðri Evrópu!

Da, Gelmut!

Gyðingar óttast framgang hægri öfgaflokka

The Big Professor

 

Um daginn greindi Morgunblaðið frá samstarfi Fornleifastofnunar Íslands (FSÍ) við frægan og stóran prófessor og háskóla í New York borg.

Ungur fornleifafræðingur, Albína Hulda Pálsdóttir, hafið greinilega troðið þeim öllum um tær með því að sýna sjálfstæði og dug til að leggjast í stórt verkefni.  Haldið er fram að FSÍ hafi fengið Stóra Prófessorinn í New York til að bola fornleifafræðinemanum (doktorsnemanum) úr námi  við Hunter College á CUNY og hræða hana frá því að kasta sér sér út í verkefnið vestan við Alþingishúsið.

Í fyrradag barst hins vegar yfirlýsing frá stóra prófessornum í New York, þar sem hann sór og sárt við lagði, að hann hann hefði ekki rekið Albínu vegna óska frá samstarfsaðilum sínum á Íslandi sem með honum vildu stjórna rannsóknum svokölluðum Alþingisreit. Hann rak hana vegna þess að verkefni hennar stangaðist á við reglur City University of New York.

Eins og sakleysið uppmálað lýsir stóri prófessorinn, McGovern, því einnig yfir, að Albína hafi verið lélegur nemi og þess vegna hafi hann líka rekið hana. Það er væntanleg ekki það sem gerðist, ef ég hef lesið gögn sem birtust í Morgunblaðinu þann  (sjá hér) rétt.

Lélegur nemandi getur Albína ekki hafa verið fyrst henni hefur verið leyft að fara í doktorsnám. Og Albína sýnist mér hafa fengið styrki frá ýmsum Bandarískum sjóðum. Það bendir nú frekar til þess að hún sé afburðarnemandi.

Það er lágkúrulegt að sjá stóra menn eins og Thomas H. McGovern leggjast svo lágt að svína fyrrum nemanda sinn til, eftir að hann hefur reynt að eyðileggja fræðilegan heiður hennar og framtíð hennar með því að reka hana úr námi. Stórir menn leggjast stundum einum oft lágt.

Ég vona að Albína Hulda sé ekki búin að fá sams konar bréf og ég fékk einu sinni frá McGovern. Þar sem hann lýsti því yfir að hann myndi sjá til þess að ég fengi aldrei vinnu í íslenskri fornleifafræði framvegis og myndi beina fjármagni sem annars gæti runnið til Íslands til Rússlands. Þegar ég var ráðinn að Þjóðminjasafni Íslands árið 1993 sendi þessi stóri prófessor bréf til Þjóðminjavarðar til að sverta mig og rægja.

Reglur og lög á CUNY eru vitaskuld alls ekki leikreglur og lög á Íslandi. CUNY hefur ekkert að segja á Íslandi. Hafa verður samband við forráðamenn á CUNY og láta þá vita hvernig aðferðir McGovern hefur notað á Íslandi og hvernig hann hefur komið fram við nemanda sinn. CUNY er reyndar ekki neitt fínt plagg í BNA, nema þegar menn eru komnir í doktorsnám. Frægt er orðið mál samprófessors McGoverns, Leonard Jeffries, sem lýsti því yfir að gyðingar bæru ábyrgð á þrælaflutningum til Bandaríkjanna og væru skúnkar. Gyðingahatari var meðprófessor McGoverns á CUNY, og meirihluti prófessora á CUNY vildi ekki einu sinni láta reka Jeffries fyrir hatur í garð gyðinga og hvítra manna. Les hér um Dr. Jeffries.

Hér um árið útdeildi stóri prófessorinn lítilli ritgerð til samstarfsmanna sinna á Íslandi, sem ættuð var frá herjum Bandaríkjanna. Í riti þessu voru mönnum settar reglur í samgegni við Íslendinga og okkur Íslendingu lýst eins og einhverjum afdalamönnum (sem við erum líkast til). Einhvern tíma mun ég birta brot úr þeim fyrir lesendur mína til skemmtunar. En þangað til gætir stóri Prófessorinn lesið þær aftur og hagað sér sómasamlega á heimilum annarra þjóða. 

Aðrir Bandaríkjamenn hafa reyndar starfað hér í fornleifafræðum líka, jafnvel þó þeir séu ekki fornleifafræðingar. Ekki hafa þeir sýnt svo ljótan þokka af sér eins og McGovern. Sem betur fer er misjafn sauðurinn þar vestra. Það eru nefnilega ekki allir eins og Stóri Prófessorinn á CUNY. Ég held að ég hafi aldregi fyrirhitt Bandaríkjamann eins og hann.

Ungir fornleifafræðingar og fornleifafræðinemar, ég hef eitt ráð til ykkar: Haldið ykkur frá stóra prófessornum og deild hans á Hunter College, CUNY. Eftir að hann hefur haft mest möguleg not af mönnum og mergsogið þá, spýtir hann þeim út. Það versta er að hann heldur að hann hafi haft einhverja þýðingu fyrir íslenska fornleifafræði. Það er hinn mesti misskilningur. Nú er hann svo farinn að gera tilgátur annarra að sínum.

Það ber að taka fram, að myndin er ekki af Thomas H. McGovern þar sem hann situr sveittur og ver heiður sinn og gjörðir gegn ungri og efnilegri íslenskri námskonu. Maðurinn á henni er mjög líkur McGovern, eins og þeir sem þekkja stóra prófessorinn sjá. 

Stjórnarsáttmáli um Palestínu ?

 

Þegar ég sá stjórnarsáttmála vinstri bandalagsins, sem nú ræður ríkjum í landinu, fannst mér slíkt plagg eins og oft áður vera bæði tímaskekkja og rugl. Menn tala hátíðlega um velferðarríki í norrænum stíl og 100 daga áætlun. Fimm ára áætlanir kommúnistaflokks Sovétríkjanna stóðust aldrei. Hvers vegna eru Jóhanna og Steingrímur að keppa við Stalín eða Gunnar í Krossinum um að redda öllu á hundrað dögum, og lofa lýðnum paradís á jörðu í norrænum velferðarstíl. Það er ekki raunhæft. Ísland heitir landið en ekki Útópía. Hér fór allt til andskotans á haustmánuðum.

Svona plagg sýnir okkur að stjórnmálamenn og venjulegt fólk lifir ekki  í sama heimi. Engin vandamál leysast á 100 dögum og jafnvel ekki á 1001 nótt - ekki frekar en að löng og ströng ESB-aðildarviðræða. Vonandi er að hún komi fyrir menn vitinu.

Eftir langan leiðindalestur komst ég alla leið á bls. 16 í nýja stjórnarsáttmálanum. Þar á næstsíðustu blaðsíðu stjórnarsáttmálans, sem er uppskrift að því hvernig á að bjarga íslensku þjóðinni af heljarþröm, er allt í einu komin þessi setning inn í sáttmálann: Áhersla er lögð á að byggja upp pólitísk tengsl við heimastjórn Palestínu og að Íslendingar styðji ákvörðunarrétt og sjálfstætt ríki þeirra og styðji áfram Friðarráð palestínskra og ísraelskra kvenna.

Katrín Jakobsdóttir hefði nú átt að lesa þetta yfir. Þarna er vísað í "sjálfstætt ríki þeirra", án þess að greint hafi verið frá því hverjir "þeir" séu.

Það eru að minnsta kosti ekki Kúrdar, því þeir eru hvergi nefndir í þessum stjórnarsáttmála, ekki frekar en Tamílar eða allt það fólk sem slátrað er í Afríku í nafni Allah hins háa og heilaga með blessun Arababandalagsins. Hvað með stuðning við málefni Sama, sem þó er skildari Íslendingum en Palestínumenn?  Nei, nýja stjórnin brennur fyrri málstað Palestínuþjóðarinnar, sem leynt og ljóst hafa eyðingu Ísraelsríkis á stefnuskrá sinni.

Ætli næstu 90 dagar verði vart til annars en að efla böndin við góðvini vinstri stjórnarinnar á Íslandi í Palestínu?

Vængstýfður Össur

 

Ég hef lítið álit á Össur. Hann reddaði eitt sinn samflokksmanni sínum, einhverjum fuglaskoðara , sumarbústað á friðuðum fornleifum og í trássi við náttúruverndarlög og ráðleggingar fornleifafræðinga. Já, ég er að tala um sumarbústaðinn í landi Skáldastaða. Siðleysi í eina átt veit á siðleysi í aðrar áttir.

Nú friðar hann öfgaöfl, ránfugla heimsins, með því að láta íslenskar álkur úr utanríkisráðuneytinu sitja á hrafnaþingi og hlusta á grimm illfygli syngja sitt gyðingahatur og hlusta á stríðsyfirlýsingar eins helsta hryðjuverkafálka heimsins, meðan aðrar siðmenntaðar og háfleygari þjóðir flýja úr salnum.

Vilhjálmur Örn leyfir sér hér að gogga smá ráðleggingu að Össur.  Honum ber að yfirgefa salinn nú, og vappa út úr heimi stjórnmálanna. Vængstýfðir fuglar geta ekki flogið. Ríkisstjórn kjúklinga, feitra Ali-fugla og rauðbristinga, sem lagt hefur blessun sína yfir Amadinejad með því að sitja undir gargi hans, er ekki og verður aldrei lýðræðisstjórn.

And so what ?

Múslímum er illa við Anders Fogh Rasmussen.

Hafa múslímar tölu yfir þá sem illa er við þá sjálfa?

 

Múslimum illa við Anders Fogh

Púðurtunna í Menntamálaráðuneytinu

 

Nú ræður Katrín Jakobsdóttir ríkjum í Menntamálaráðuneytinu. 9. janúar sl. skrifaði Katrín blogg sem hún kallar Börnum Slátrað  og fjallaði bloggið vitaskuld um Gaza, það svæði sem Vinstri Grænir taka jafnvel fram yfir Ísland í aðgerðaráætlunum á krepputímum.

Þar segist Menntamálaráðherrann núverandi vitna í skýrslu Human Rights Watch . En kann Katrín að vitna rétt í heimildir? Svo virðist ekki vera:

Katrín skrifar:

En ef horft er t.d. á eldflaugaárásir kemur fram í skýrslu Human Rights Watch-samtakanna að árið 2007 skaut Ísrael 14.617 eldflaugum yfir á Gasasvæðið. Á sama tíma var 2.700 flaugum skotið inn í Ísrael. Þessar tölur sýna auðvitað að svæðið er púðurtunna.

En í afar umdeildri og mikið gagnrýndri skýrslu Human Rights Watch, stendur m.a. þetta :

From September 2005 through May 2007, Palestinian armed groups fired almost 2,700 rockets into Israel, killing 4 Israeli civilians, and injuring 75 civilians and at least 9 soldiers, according to the United Nations Office for the Coordination of Humanitarian Affairs.

Og um skothríð Ísraelsmanna stendur

From September 2005 through May 2007, the same period covered by the rocket attack statistics cited above, the IDF fired 14,617 artillery shells into Gaza. This fire killed at least 59 people, wounded another 270 people, and did significant damage to many civilian structures .... .... Most of the artillery shells that the IDF fired into Gaza in this period landed in open areas, and the great majority did not result in civilian casualties

Hér sjáum við að menntamálaráðherrann, sem hefur nýlega háskólagráðu, getur ekki greint eða lesið texta rétt. Hún heldur því fram að tölur Human Rights Watch séu frá árinu 2007. Þær eru frá 2005-2007. Hún talar um eldflaugar beggja aðila, en skýrslan með öllum sínum villum talar greinilega um "rockets" Palestínumanna,  en "artillery shells"  Ísraelsmanna.  Þar að auki nefnir Katrín Jakobsdóttir ekki að flestar „artillery shells" sem Ísraelsher skutu inn í Gaza á þessum tíma hafi lent á opnum svæðum og það með ásetningi. Ísraelmenn stefna ekki að útrýmingu Palestínumanna eins og Hamas stefnir að útrýmingu Ísraelsmanna og gyðinga.

Hún segir okkur heldur ekki frá því að Hamas hafi myrt fleiri af sínum meðbræðrum á þessum tíma, en þeim fjölda fólks sem talið er að grandað hafi verið af ísraelskum kúlum.  Hún segir okkur ekki frá þeim fjölda fólks sem Hamas hefur grandað með vopnum sem sprungu „fyrir slysni" áður en átti að drepa Ísraelsmenn með þeim. Hún nefnir ekki múrinn/vegginn/girðinguna sem komið hefur í veg fyrir hryðjuverk í Ísrael. Vegginn sér hún sem aðferð Ísraels til að innlima land Palestínumanna.

Ég hef til gamans athugað hvort Katrín Jakobsdóttir hefur t.d. skrifað um skipulega slátrun barna og kvenna í Darfúr, en svo virðist ekki vera.

Katrín virðist því mjög lituð af fyrirframgefnum skoðunum sínum. Lituð af rauðum lit (sem er víst grænn í augum litblindra) og sem er litur blóðsins. Hún er lituð af hatri í garð einnar þjóðar. Það þykir mér ekki efnilegt fyrir Menntamálaráðherra eða ráðherra yfirleitt.

Bið ég því nú menntamálaráðherra að efla kennslu um helför gyðinga, sem Íslendingar lofuðu að þeir myndu gera á Alþjóðlegri ráðstefnu árið 2000. En loforðin voru auðvitað svikin (sjá hér, tilvitnun 44).

Nýr seðlabankastjóri hefur komist í kast við lögin

 

Sven Harald hefur komist í kast við lögin. Hann var handtekinn af norsku lögreglunni árið 1978 í Rena i Østerdalen, þar sem hann var að líma miða með boðskap á vörur í verslun. Hann var með öðrum ungmennum sem vildu mótæla Suður-Afríku (Apartheid).

Þetta kemur fram á bloggi Ole Martin Skilleås, sem er prófessor i heimsspeki.

"Svein Harald var pragmatisk orientert, og ble etter hvert med i Arbeiderpartiet", segir Ole Martin Skilleås. Pragmatiskur (rökrænn). Ekki vissi ég að það væri eðli krata. Ole Martin uppgötvar örugglega nýja hluti um eðli krata á Íslandi.

A cooler version of Dubai

 

Dorrit Moussaieff greindi frá því nýlega, að hún sæi Ísland fyrir sér eins og einhvers konar Dubai norðursins. Auðvitað geri ég ráð fyrir því að Ólafur forseti hafi fylgt draumsýn Bessastaðavölvunnar, sem kuflklæddur emír með velmegunarvömb. Olían hefur þá verið vestfirskt þorskalýsi, nema að feiti andinn úr lampanum, el Os Sur, hafi fundið olíu austur af landinu.

Því miður Dorrit. Dubai er líka orðið dúbíus fyrirmynd. Allt er þar komið á kaldan klaka. Útlendingar sem störfuðu þar flýja nú undvörpum. New York Times greinir frá því að um 3000 yfirgefnar bifreiðar séu nú við flugvöllinn í Dubai. Þær tilheyrðu eitt sinn fólki sem vann í Dubai, en sem missti vinnuna vegna samdráttar. Verð á húsnæði hefur snarlækkað.  Frú Dorrit hefur líklega ekki dreymt hvernig þrælar Dubai norðursins myndu hafa það. Samkvæmt Human Rights Watch eru híbýli verkamanna í Dubai "less than human".

Það er ekkert lokkandi við Dubai lengur, ef þetta heldur svona áfram, þá verður Ísland brátt orðin fyrirmynd Dubai. Emírinn fer þá að tala um A warmer version of Iceland, og er það nokkuð nærri helvíti, held ég. Kona emírsins (myndin að ofan) tjáir sig ekki um drauma sína, né fjármál. Til þess að koma í veg fyrir það notar hún hentugan höfuðbúnað sem lengi hefur verið notaður í Dubai. Hann kemur í veg fyrir of ævintýralega drauma kvenna og sér til þess að hún heldur rækilega kjafti.

Hlægilegar áherslur RÚV

Það var vægast sagt fyndið að hlusta á fréttamann RÚV í hádegisfréttum útvarpsins í gær nota heilar 2 mínútur til að greina frá söfnun 3 milljón króna fyrir íbúa Gaza og ½ milljón króna styrkveitingu samgönguráðuneytisins að auki. Hvað eru þrjár og hálf milljón, þegar verkalýðsfélag á Íslandi borgar 6 milljónir kr. bíl undir rassinn á formanni sínum? Ekki er einu sinni hægt að kaupa óvopnaðan jeppa undir mektarmenn á Íslandi fyrir skitnar 3,5 milljónir. Við höfum sem betur fer verið fullvissuð um að Hamas fær ekki þessa peninga.

Sami fréttamaðurinn, sem greindi okkur frá þessum gjöfum til Palestínumanna, sagði landsmönnum nýlega frá því hvernig 42 hefðu verið drepnir í skóla UNRWA á Gaza.  Er nema von að nær 70% Íslendinga séu stuðningsmenn Hamas, og aðeins 3% styðji Ísrael í baráttunni gegn útrýmingarherferð Hamas gegn Ísrael? Hamas hefur útrýmingu Ísraelsríkis og gyðinga í stefnuskrá sinni.

Þessi fréttamaður RÚV hefur hins vegar ekki enn notað 30 sekúndur eða svo, til að greina frá því að sú frétt var uppspuni frá rótum, og hvernig hjálpastofnanir SÞ stunda fréttafalsanir.  Sjá hér.

Enginn var drepinn í skólanum 6. janúar sl., en hann hefur fyrr verið notaður sem skjól fyrir Hamas-liða sem hafa skotið eldflaugum frá honum. Þetta var allt uppspuni og rugl, sem æsti upp saklaust fólk út um allan heim. Líka á Ísland, þar sem fólk er greinilega fyrr til að rétta út hjálparhönd til hryðjuverkastjórnar á Gaza, en að rétta sínu eigin landi litla fingurinn! Sumir Íslendingar neita meira að segja að gera við reiðhjól gyðinga.

70% þjóðarinnar er jákvæð gagnvart Hamas, þar sem fréttaflutningur er fyrir neðan allar hellur á Íslandi.

Um leið og fréttamaðurinn á RÚV, sem einnig er yfirlýstur skrímslafræðingur, notaði rúmar tvær mínútur af fréttatíma útvarpsins í 3,5 milljón króna hjálp til Gaza, greindi hann ekki frá eldflaugaárásum Palestínumanna á Ísrael í gær og síðustu daga.

Ætlar Össur utanríkisráðherra ekki að fordæma þær árásir, eða verður stefnu Ingibjargar Sólrúnar haldið áfram fram að kosningum? Myndin sýnir uppeldi á Gaza.