Hlægilegar áherslur RÚV

Það var vægast sagt fyndið að hlusta á fréttamann RÚV í hádegisfréttum útvarpsins í gær nota heilar 2 mínútur til að greina frá söfnun 3 milljón króna fyrir íbúa Gaza og ½ milljón króna styrkveitingu samgönguráðuneytisins að auki. Hvað eru þrjár og hálf milljón, þegar verkalýðsfélag á Íslandi borgar 6 milljónir kr. bíl undir rassinn á formanni sínum? Ekki er einu sinni hægt að kaupa óvopnaðan jeppa undir mektarmenn á Íslandi fyrir skitnar 3,5 milljónir. Við höfum sem betur fer verið fullvissuð um að Hamas fær ekki þessa peninga.

Sami fréttamaðurinn, sem greindi okkur frá þessum gjöfum til Palestínumanna, sagði landsmönnum nýlega frá því hvernig 42 hefðu verið drepnir í skóla UNRWA á Gaza.  Er nema von að nær 70% Íslendinga séu stuðningsmenn Hamas, og aðeins 3% styðji Ísrael í baráttunni gegn útrýmingarherferð Hamas gegn Ísrael? Hamas hefur útrýmingu Ísraelsríkis og gyðinga í stefnuskrá sinni.

Þessi fréttamaður RÚV hefur hins vegar ekki enn notað 30 sekúndur eða svo, til að greina frá því að sú frétt var uppspuni frá rótum, og hvernig hjálpastofnanir SÞ stunda fréttafalsanir.  Sjá hér.

Enginn var drepinn í skólanum 6. janúar sl., en hann hefur fyrr verið notaður sem skjól fyrir Hamas-liða sem hafa skotið eldflaugum frá honum. Þetta var allt uppspuni og rugl, sem æsti upp saklaust fólk út um allan heim. Líka á Ísland, þar sem fólk er greinilega fyrr til að rétta út hjálparhönd til hryðjuverkastjórnar á Gaza, en að rétta sínu eigin landi litla fingurinn! Sumir Íslendingar neita meira að segja að gera við reiðhjól gyðinga.

70% þjóðarinnar er jákvæð gagnvart Hamas, þar sem fréttaflutningur er fyrir neðan allar hellur á Íslandi.

Um leið og fréttamaðurinn á RÚV, sem einnig er yfirlýstur skrímslafræðingur, notaði rúmar tvær mínútur af fréttatíma útvarpsins í 3,5 milljón króna hjálp til Gaza, greindi hann ekki frá eldflaugaárásum Palestínumanna á Ísrael í gær og síðustu daga.

Ætlar Össur utanríkisráðherra ekki að fordæma þær árásir, eða verður stefnu Ingibjargar Sólrúnar haldið áfram fram að kosningum? Myndin sýnir uppeldi á Gaza.

Athugasemdir

[Ragnhildur Kolka, 4.2.2009 kl. 08:36]

Og enn heldur RÚV áfram að tala um meira en 1300 fallna og yfir 5000 særða í nýafstöðnum átökum. Hafa líklega aldrei heyrt af Corriera de la Sera fréttamanninum sem fannst undarlega mikið af auðum sjúkrarúmmun á Gaza, þ.e. miðað við ástandið. 

Þessi sérhæfða blinda sem hrjáir RÚV menn minnir óþægilega á fréttaflutninginn af "blóðbaðinu" í Jenin hér um árið.

[Þór Gíslason (IP-tala skráð) 4.2.2009 kl. 09:19]

Takk fyrir að benda á fréttina í Globe and Mail. Vera má að þessar þrjár sprengjur hafi ekki lent inná skólalóðinni sjálfri enn það fer ekki á milli mála að fjöldi fólks (þar á meðal börn) voru drepin á götunni við skólann. Ég tel mikilvægt að í töluðu og skrifuðu orði allra fjölmiðla sé skýrt frá atburðum á hlutlausan og eins nákvæman hátt og mögulegt er. Mér ber hinsvegar að íhuga að fréttir, hvort sem þær eru í ríkisfjölmiðlum eða öðrum, eru byggðar á frásögnum sem eru litaðar, á báða vegu.

Varðandi þessa tilteknu frétt sé ég ekki muninn á hvort þeir 43 einstaklingar hafi verið inná skólalóð eða á götunni við skólann. Sambærilegt hér heima væri að draga úr vægi glæps ef óður ökumaður keyrir niður og drepur börn og fullorðna vegna þess að það var bara á götunni við skólann enn ekki inná skólalóðinni sjálfri.

Ísraelsmenn eiga samúð mína alla vegna þess ástands sem er í Ísrael og vegna þeirra aðkasta sem þeir verða fyrir vegna þess hvernig stjórnvöld í Ísrael hegða sér. En þeir eiga sér flestir undankomu auðið. Það fær hinsvegar mun meira á mig að hugsa til þess að rúmlega milljón manns sé haldið innan girðingar og sprengjuregni látið dynja á því vikum saman. Það er ekki afsökun að skjóta í átt að skólahúsnæði þó svo liðsmenn andspyrnuhreyfingar skjóti eldflaugum, sem eru eins og flugeldar í samanburði við vopn Ísraelshers, yfir landamærin. Það ber vott um mjög brenglað hugarfar og mikinn dómgreindarbrest ráðamanna að reyna að gera því skóna að þessar aðgerðir muni milda Palestínsku andspyrnuna. Ég er ekki stuðningsmaður hernaðarlegra aðgerða Palestínumanna en ég skil þær. Ég er ekki andsnúin gyðingum. Ég fordæmi hinsvegar verk Ísraelskra stjórnvalda.

Þór Gísla.

[Þórir (IP-tala skráð) 4.2.2009 kl. 10:08]

Smá þessu tengt:  http://www.youtube.com/watch?v=8sznMP3dnCg&feature=PlayList&p=24B346594DCE3F37&index=5

[Sigþór Guðmundsson (IP-tala skráð) 4.2.2009 kl. 11:34]

Gyðingaþjóðin má búa við vaxandi hatur í sinn garð frá fáfróðum einstaklingum jafnvel háttsettum. Enginn frá palestínuhamash   samtökunum Íslensku eða frá hinum vel gefnu forystumönnum vinstri grænna hefur fordæmt morð og handtökur félagsmáladeildar Hamash samtakanna á eigin bræðrum á Gaza svæðinu fyrir og eftir síðustu átök. Sjálfsagt þykir þeim réttlætanlegt að nokkur hundruð manna fái sér meðferð vegna stjórnmálaskoðana.

[Magnús Björnsson, 4.2.2009 kl. 14:46]

"70% þjóðarinnar er jákvæð gagnvart Hamas..."

Talandi um að einhverjir falsi fréttir. Held að menn hafi aldrei verið spurðir um viðhorf gagnvart Hamas heldur hvoru megin samúð fólks væri (Palestína er ekki Hamas).

Þó að sprengjur úr sprengjuvörpunum hafi sprungið utan við múra skólans þá voru nú ansi nálægt honum og sprengjuvörpur eru ekki mjög nákvæm vopn. Eftir stendur að rúmlega 40 manns létust, hluti þeirra hafði leitað skjóls í skólanum, fólk innan múranna særðist. Hvort það hafi verið miðað á skólann, götuna eða annað hús fáum við líklega aldrei að vita en nokkrir metrar til eða frá hefðu grandað fólki sem var í skólanum.

[Hörður (IP-tala skráð) 4.2.2009 kl. 15:16]

Þú skrifar:

" Er nema von að nær 70% Íslendinga séu stuðningsmenn Hamas..."

Á hverju byggir þú þetta? Leyfi mér að fullyrða að þetta er alrangt. Þeir fjölmörgu íslendingar sem hafa lýst andstyggð sinni á framferði Ísraelsmanna á Gaza eru ekki þar með að lýsa yfir stuðningi við Hamas sem falla undir allar venjulegar skilgreiningar á hryðjuverkamönnum.

[Vilhjálmur Örn Vilhjálmsson, 4.2.2009 kl. 16:56]

Þessum þveimur síðustu herramönnum, Herði og Magnúsi Björnsyni, bendi ég á að kynna sér nýja skoðanakönnun Gallups á Íslandi.

Þið þykist auðvitað styðja Palestínumenn á Gaza, án þess að styðja Hamas. Það er fjarstæða. Hamas er við völd.

En þið lítið auðvitað svo á að þið séuð að styðja Palestínumenn og að þeir sem styðja Ísraelsmenn séu að stunda hryðjuverk, útrýmingar og ég veit ekki hvað kór Hamas á Íslandi syngur.

Börn á Gaza líta því miður út eins og börnin á myndinni við þessa færslu mína

[Vilhjálmur Örn Vilhjálmsson, 4.2.2009 kl. 17:04]

Já, Ragnheiður, það virðist sem menn læri ekki af reynslunni með fréttaflutning frá Palestínu. Sannleikurinn er ekki í miklum hávegum hjá þeim - og þeir komast upp með það.

[S.H. (IP-tala skráð) 4.2.2009 kl. 17:30]

 Thessi frétt birtist á mbl.is 13 janúar sídastlidinn og thar sem their fjölmidlar sem ég hafdi adgang ad hér í Svíthjód sögdu ekki fréttina svona, átti ég í ordaskiptum vid bladafulltrúa Christer Zettergrens sem stadfesti seint um sídir ad ekki vaeri rétt eftir C Z haft.

"Af ásettu rádi"  hafdi ordid til einhvers stadar á leidinni, sennilega á mbl.is. Svo thad er vída pottur brotinn:)

 "Framkvæmdastjóri Rauða kross Svíþjóðar segir að ísraelskir hermenn hafi vísvitandi skotið á sjúkrabíla í átökunum sem hafa geisað á svæðinu undanfarnar vikur.

Christer Zettergren, segir að sjö sjúkrabílar á vegum Rauða hálfmánans á Gaza, hafi skemmst í síðustu viku. Hann sagði við blaðamenn í Stokkhólmi í dag að ísraelskir hermenn hafi skotið á sjúkrabílana af ásettu ráði.

Zettergren mun ferðast til Mið-Austurlanda á morgun til að gefa Rauða hálfmánanum 10 sjúkrabíla. Sænski Rauði krossinn og sjónvarpsstöðin  TV4 söfnuðu fénu til að kaupa bílana."

Hér mail til Karin Tengby, Röda Korset:

 Vänligen bekräfta eller dementera följande nyhet:?

Nyhetsflash i (Morgunbladid Reykjavik) mbl.is 13/1 kl. 15.28

Nyheten lyder så i min översättning från isländska:

”Svenska Röda Korsets direktör säger att israeliska soldater avsiktligt har beskjutit ambulanser under de senaste veckornas strider.

Christer Zettergren säger att sju av Röda Halvmånens ambulanser i Gaza har skadats under den senaste veckan. Han sade till journalister i Stockholm i dag att israeliska soldater med avsikt har har skjutit på ambulanser.
Zettergren avser att resa til Mellersta Östern i morgon för att överlämna en gåva på 10 ambulanser till Röda Halvmånen som samlats till av SKR och TV4.”

Jag önskar bekräftelse eller dementi av CZ ord om att Röda Halvmånens ambulanser avsiktligt beskjuts av israelerna.

mvh S.H.

Från:	Karin Tengby ([e-mail])
Skickat:	den 19 januari 2009 13:40:57
Till:	S.H.
Kopia:	Åsa Jansson ([e-mail])

Hej!

Ledsen att du inte har fått något svar. Det blev ett missförstånd för jag trodde att du skulle få ett svar av min kollega.

Jag har pratat med Christer Zettergren och han berättar att han är felciterad med ordet avsiktligt. Det är dock ingen tvekan om att ambulanserna är beskjutna.

Vänliga hälsningar
Karin Tengby
 
( leturbreyting mín) S.H.
--------------------------------------------------

[Magnús Björnsson, 4.2.2009 kl. 17:51]

Þeir sem tala fyrir munn Palestínumanna styðja sem sagt Hamas

Þeir sem gagnrýna Ísraela eða stjórnvöld þar eru sem sagt gyðingahatarar

Og þeir sem drekka þýskan bjór eru nazistar.......

Ummæli þín um myndina segir held ég allt sem segja þarf, því miður.

[EE (IP-tala skráð) 4.2.2009 kl. 18:13]

Það er mikið af fáfróðu fólki á Íslandi.. sem sér ekki sólina fyrir mannréttindasamtökunum Hamas. Ef þeir bara vissu að þessir öfgamenn líta á þetta lið eins og skítinn undir skónum á sér. Ef þessir stuðningsmenn Hamas mundu ganga um götur Gaza.. á hættulegum tíma.. að þá væri ekkert rosalega ólíklegt að viðkomandi yrði drepinn eða honum rænt. Að verið sé að verja þessa öfga hryðjuverkamenn...hér á landi.. það mun ég aldrei skilja.

Og að ráðherra í Ísraelsstjórn hafi ekki verið leyft að koma til landsins til að ræða við stjórnina og segja frá stöðunni frá sinni hlið.... bendir einfaldlega á hversu geðveikur Össur Skarphéðinsson er og hvað hann á ekkert erindi í stjórnunarstöðu þar sem svona ákvarðanir eru teknar. Maðurinn á að skammast sín. Afhverju hlustaði hann ekki á þennan einstakling og gaf síðan frá sér tilkynningu eða eitthvað... eins og eðlilegt er í diplómatískum samskiptum milli siðaðra þjóða.

Össur kallaði yfir okkur Íslendinga mikla skömm með þessu framferði sínu.

Og Vilhjálmur.. það eru svo sannarlega ekki allir á Íslandi þessarar skoðunnar.

baráttukveðjur 

[Halldor (IP-tala skráð) 4.2.2009 kl. 22:08]

Það má reikna með að peningarnir í þessari söfnun renni ekki til bágstaddra heldur beint í vasa hryðjuverkamanna. Hamasliðum er vart treystandi til að útdeila þessum peningum enda á lista yfir hryðjuverkasamtök í ESB, USA og Kanada.

 En þar sem samtökin eru á lista yfir hryðjuverkasamtök innan ESB þá veltir maður fyrir sér hvernig Samfylkingin og Vinstri Grænir ætla að halda uppteknum stuðningi við samtökin ef ísland gengur í ESB. Kannski verður það ein undanþága íslands að stuðningur við Hamas verður enn leyfilegur á íslandi.