A cooler version of Dubai

 

Dorrit Moussaieff greindi frá því nýlega, að hún sæi Ísland fyrir sér eins og einhvers konar Dubai norðursins. Auðvitað geri ég ráð fyrir því að Ólafur forseti hafi fylgt draumsýn Bessastaðavölvunnar, sem kuflklæddur emír með velmegunarvömb. Olían hefur þá verið vestfirskt þorskalýsi, nema að feiti andinn úr lampanum, el Os Sur, hafi fundið olíu austur af landinu.

Því miður Dorrit. Dubai er líka orðið dúbíus fyrirmynd. Allt er þar komið á kaldan klaka. Útlendingar sem störfuðu þar flýja nú undvörpum. New York Times greinir frá því að um 3000 yfirgefnar bifreiðar séu nú við flugvöllinn í Dubai. Þær tilheyrðu eitt sinn fólki sem vann í Dubai, en sem missti vinnuna vegna samdráttar. Verð á húsnæði hefur snarlækkað.  Frú Dorrit hefur líklega ekki dreymt hvernig þrælar Dubai norðursins myndu hafa það. Samkvæmt Human Rights Watch eru híbýli verkamanna í Dubai "less than human".

Það er ekkert lokkandi við Dubai lengur, ef þetta heldur svona áfram, þá verður Ísland brátt orðin fyrirmynd Dubai. Emírinn fer þá að tala um A warmer version of Iceland, og er það nokkuð nærri helvíti, held ég. Kona emírsins (myndin að ofan) tjáir sig ekki um drauma sína, né fjármál. Til þess að koma í veg fyrir það notar hún hentugan höfuðbúnað sem lengi hefur verið notaður í Dubai. Hann kemur í veg fyrir of ævintýralega drauma kvenna og sér til þess að hún heldur rækilega kjafti.

Athugasemdir

[Disa B (IP-tala skráð) 13.2.2009 kl. 17:44]

Góð þessi "bridle" sem hún er með - nema ég vil fá svona sem nær utan um túlann á manninum hennar Dorrit, þessum smjörhærða..., já, hans. Dorrit er fjolluð og skemmtileg og stundum eins og hún sé að koma beint úr Versalahöll, en maðurinn hennar - hann er skaðvaldur.

[Sigurður Þór Guðjónsson, 15.2.2009 kl. 12:11]

Eg get bara ekki skilið þennan áhuga sem fjölmiðlar og bloggarar hafa á lífi og skiðunum þessa fólks á Bessastöðum. Mér finnst það ekki áhugavert sem þetta yfirstéttarfólk hefur fram að færa.

[Vilhjálmur Örn Vilhjálmsson, 15.2.2009 kl. 12:59]

Sigurður, "þetta fólk" lyftir okkur almúganum upp. Með því að sýna okkur að það er langt frá því að vera fullkomið, líður litla karlinum og kerlingunni betur. Þetta hefur visst skemmtanagildi.