Innrás Rússa í Georgíu var vel skipulögð

 

 

Óháður hernaðarsérfræðingur í Moskvu, Pavel Felgenhauer, hefur nú sett fram þá skoðun sína að Rússar hefðu hafið innrás í Georgíu, sama hvað gerst hefði þar í landi.  Sjá hér.

Ég er hræddur um að Pavel Felgenhauer sé ekki lengur óháður. Ég tel mun líklegra að hann sé mjög háður, og héðan í frá helst háður hjálp annarra ef hann ætlar sér ekki að verða næsta fórnarlamb fjöldamorðingjans Pútíns. Pútan litla þolir ekki gangrýni, sérstaklega ef hún er vel undirbyggð.  

Samsæriskommar eru nú farnir að sjást segja og skrifa að gyðingar í stjórn Georgíu sé um allt að kenna. Þær kenningar skyldu þó aldrei vera komnar frá litlu gulu pútunni, mætti maður spyrja. Nei, í alræðisríkjum eins og Rússlandi er gyðingahatur alltaf íþrótt hins breiða meirihluta. Reyndar halda Rússar því líka fram að Úkraínumenn séu með puttana í stríðinu í Georgíu. Samsæriskenningar eru kenningar óþokkans.

Blessuð sé minning Pavels Felgenhauers.

 

litla gula pútan

Reykjavíkurhótunin 2003

 

Leiðtogafundur Ronald Reagans og Gorbachovs í Reykjavík 1986 er mjög rómaður atburður. Þetta var heimsviðburður, sem hægt er að tengja Íslandi og auknum friði í heiminum. Einn af þessum góðu hlutum sem koma Íslandi á landakortið og menn gleyma seint ef þeir hafa komið einhvers staðar nálægt fundinum.

En annar frægur fundur í Reykjavík hefur að mestu farið fram hjá mönnum, ef hann er þá ekki alveg gleymdur og grafinn. En það sem á honum var sagt var fyrsta afgerandi yfirlýsingin um þá stefnu sem nýja Stór-Rússland sýnir nú í Georgíu. Sergei Borisovich Ivanov, varnarmálaráðherra Rússlands, staldraði við á Íslandi í október 2003. Hann talaði við Halldór Ásgrímsson, sem bauð honum í veislu, og svo hélt Ivanov fund. Ekki í Hofdi House, heldur bara venjulegan fréttamannafund.

Á þeim fundi sagði Ivanov, sem nú er aðstoðarforsætisráðherra Rússlands, að Rússland myndi "stunda varnir" á svæðum utan landamæra sinna, þ.e. innan fyrrverandi Sovétlýðvelda, sem voru meðlimir í Commonwealth of Independent States (Samveldi Sjálfstæðra Ríkja (fyrrverandi Sovétlýðvelda), sem í daglegu tali eru kölluð CIS. Ivanon sagði í Reykjavík, að ef upp kæmi "óörugg staða i CIS löndum" eða "bein hótun" gegn rússneskum borgurum á svæðinu, þá gætu Rússar "fræðilega séð" notað hervald ef aðrar lausnir, eins og t.d. stjórnmálalegar lausnir og efnahagslegar þvinganir, myndu bregðast.

Þessi yfirlýsing Ivanovs í Reykjavík, sem ég kalla Reykjavíkur hótunina, vakti engin viðbrögð á Íslandi. Ingibjörg Sólrún, sem alltaf mótmælir öllu, hélt kjafti. En ekki vantaði viðbrögð CIS landanna og Georg Shevardnadze, þáverandi forseti Georgíu, sem lýsti þessum orðum Ivanovs sem beinni hótun gegn Georgíu.

Nú, þegar Rússar eru orðnir verulega rauðir í vöngum vegna innrásarinnar í Georgíu, sem er aðgerð sem þeir kalla því fína orði Peace Keeping, er yfirlýsingin frá Reykjavík 2003 orðin að veruleika. Hún er ekki lengur fræðilegur möguleiki. Síðan á blaðamannafundinum í Reykjavík árið 2003 hefur Rússland ekkert falið viðleitni sína til að hrinda þessari árás sinni í framkvæmd.

 

Ég hef lengi haft áhuga á rússneska stjórnmálamanninum Sergei Ivanov (f. 1953). Hann er fyrrverandi KGB maður og núverandi vara-forætisráðherra Rússlands og gamall vinur Pútíns, alveg síðan þeir hleruðu andhófsmenn og gyðinga í Leníngrad.

Þegar Pútín er í vondum málum er Sergei sendur í viðtöl, því Sergei er fluggáfaður og getur talað fullkomna diplómataensku. Hann byrjaði feril sinn í Leningrad með því að njósna um gyðinga frá Norðurlöndum, sem reyndu að smygla listum yfir trúbræður sína sem vildu flýja Sovétríkin. Sergei talar nefnilega líka norsku, sænsku og dönsku fyrir utan ensku.

Sergei hefur með tímanum komst til valda undir verndarvæng gamla vinar síns, Pútíns. Pútín valdi hann þó ekki í stöðu forseta. Til þess var hann of verðmætur. Unglambið Dr. Medvedev (f. 1965), varð fyrir valinu, vegna þess að hann veit ekkert um sauruga fortíð Pútíns og Sergeis í Sovétapparatinu. Medvedev er bara sætur strákur, sem Pútín talar beint í gegnum. Hins vegar hefur Pútín hina höndina í Sergei Ivanov, sem er meira pókerfés og diplómat en Pútín sjálfur. Ivanov  getur sagt hlutina á fullkominni ensku, án þess að mismæla sig, líkt og hann gerði í Reykjavík. Tungan er enn mikilvægt vopni, og þegar Ivanov talar, ættu menn ekki að misskilja neitt. Nothing gets lost in translation. Hann er málamaður, sem byrjaði ferill sinn að vasast í gyðingum á flótta.

 

 

Nú þegar fer að líða að því að draumur Ingibjargar Sólrúnar Gísladóttur rætist, dýri draumurinn um að Ísland taki setu í Öryggisráði SÞ. Þá hélt maður að það væri kannski meir að vænta en þessarar látlausu yfirlýsingar frá ráðherranum, t.d. í ljósi þess að Rússneski varaforsætisráðhrran skýrðu fyrst opinberlega frá áformum Rússlands um ótakmarkaðan yfirgang sinn yfir nágrannaríki sín á fundi á Íslandi árið 2003, en kannski frekar vegna þess að Ingibjörg dýra er oft miklu harðorðaðri í yfirlýsingum, enda enginn diplómat og léleg málamanneskja. 

Hinn sanni íþróttaandi

Jú hann er til og það er um að gera að sýna hann í stað þess að fylla sig með EPO og sparka í andstæðinginn þegar dómarinn sér ekki til. Enn er þó hægt að neita að keppa við gyðinga á Ólympíuleikunum. Andi Hitler-leikanna 1936 svífur yfir vötnunum í Beijing.

Ljótur blettur var settur á leikana um daginn. Íranskur sundmaður, Mohammad Alirezaei, taldi sig ekki geta synt í sama riðli og sömu laug og Ísraelskur sundmaður og sagði sig því sjálfkrafa úr leikunum. Eins og allir vita halda Íranar að gyðingar gefi frá sér hættuleg efni í vatni. - Bara að grínast.  Ætli þessi ákvörðun hafi ekki verið tekin fyrir sundmanninn af litlum mönnum með eitrað hugarfar, sem er studdir af einfeldningum á Vesturlöndum? Það held ég nú. Svipaður atburður gerðist á Ólympíuleikunum í Aþenu. Íran viðurkennir eins og kunnugt er ekki tilvist Ísraelsríkis.

 

 

Landsliðsþjálfari Rússa, David Blatt, sem er Ísraeli og gyðingur, tók hins vegar innilega í höndina á fyrirliða Íranska landsliðsins í körfu sem tapaði fyrir liðinu sem Blatt þjálfar. Blatt sagði við blaðamenn "Þetta er fegurð íþróttanna" og "strax þegar maður byrjar að hlaupa gleymir maður öllu og man að við erum öll sömul eins. Því miður eru stjórnmál ekki í höndum venjulegs fólks og íþróttamanna". Sjá hér. Ég veit nú ekki alveg hvort ég er sammála Blatt um að mannsandinn hreinsist alveg af íþróttunum einum.

Greinilegt er, að það líðst að íþróttamenn vilji ekki synda með gyðingum. Það er fyrst og fremst  vandamál fyrir alþjóðlegu Ólympíunefndarinnar, meðan mannréttindin í Kína er eitt aðalvandamál alls heimsins. En er gyðingahatur um heim allan það ekki líka?

 

 

Með gleði sé ég að Palestína sendir 4 íþróttamenn í mengunina í Beijing, 2 frjálsíþróttamenn, og 2 sundmenn. Liðið átti að verða stærra, en stangastökkvarinn og hindrunarhlaupararnir voru hlaðnir verkefnum heima fyrir og skytturnar eru flestar í ísraelskum fangelsum (ég vona ekki að menn taki þennan brandara of illa upp). Einn palestínsku þátttakendanna kemur frá þeim hluta Gaza, þaðan sem flugskeytum er skotið á Ísrael. Það tók langan tíma fyrir ýmis ísraelsk og palestínsk samtök að fá leyfi Hamas og ísraelskra stjórnvalda til þess að Nader Masri gæti keppt á leikunum í Beijing.

Næst þegar ég skrifa um íþróttir, er það um þátttakendurna frá Darfúr á leikunum í Beijing. Ég er enn að rannsaka málið. Ég er hræddur um að eitthvað hafi gerst í Darfúr.

Stuðningsmenn Obama eiga skoðanabræður á Íslandi

 

Þótt Obama hafi farið til Berlínar og sagst vera súkkulaðibolla, líkt og þegar J.F. Kennedy sagðist vera "ein Berliner", er hann enn óskrifað blað fyrir mér. Hann segir eitt og annað, og æsti til dæmis ærlega vinstri menn og áhangendur hryðjuverkaliðs, þegar hann lýsti yfir stuðningi sínum við Ísrael um daginn. Ég er nú eftir að sjá þann stuðning í raun áður en ég trúi.

Líklega eru fylgismenn Obama fyrst og fremst heiðvirt fólk sem vill heilbrigðiskerfi fyrir alla og að blökkumenn í Bandaríkjunum þurfi ekki að fara verst út úr kreppunni, nú þegar margir þeirra áttu í fyrsta skipti ráð á því að kaupa sér hús.

En Obama á sér líka aðhlæjendur, sem ég vona að hann losi sig við hið fyrsta og fordæmi.

Í takt við tímann er framboð Obamas með heimasíðu, http://my.barackobama.com, þar sem mönnum gefst kostur á að rita blogg og setja fram skoðanir sínar. Á þessum vefsíðum hefur líka safnast saman mikill ruslaralýður sem tekur Obama í gíslingu, gerir honum upp skoðanir eða telur hann hafa sama innrætið og það sjálft.  Lesa má grein um þetta fólk hér. Þessir einstaklingar þrífst á hatri á gyðingum og Ísraelsríki, samsæriskenningum um 9/11 og öðrum ósóma, þar sem einni þjóð og einum trúflokki er kennt um allar ófarir heimsins.  Slíkur lýður og slíkar skoðanir er svo sannarlega líka til á Íslandi og er Morgunblaðsbloggið misnotað til þess að setja þær fram. Það sem sameinar þetta auma fólk í BNA sem og á Íslandi, er að það skilur ekki og heldur ekki að takmörk séu fyrir því hvað menn geta skrifað í nafni ritfrelsis og lýðræðis. Oft er þetta fólk sem telur sig hafa einkarétt á hreinni hugsun og hærri gildum hér í lífinu en aðrir. En hin sorglega staðreynd er að skítkast, hatur og mannvonska er helsta vopn þeirra og heimilisfangið er forarpyttur vonleysisins og mannfyrirlitningarinnar.

Þegar gagnrýnendur gerðu  Myobama.com viðvart um hatursáróðurinn sem menn reyndu á hýsa þar, brugðust stjórnendur netsins og Obama fljótt við og fjarlægðu allt hatrið sem plantað hafði verið á vef forsetaframbjóðandans.

Nú stendur bara "Error", þar sem áður var sjúklegt skítkast og bloggin hafa verið fjarlægð, eða athugsemdir eins vinsaðar út, t.d. þessi " "Burn something else besides oil...start with the Zionists". Álíka hefur nú sést á Moggablogginu, en þar er mönnum fyrst og fremst úthýst ef þeir gagnrýna trúarbrögð sem lýsa gyðingum sem svínum og öpum. Blog.is gæti lært af Barack Obama. Menn geta nefnilega ekki alltaf stýrt penna sínum og bloggið hefur sent marga aftur á steinöld, eða sýnt að lítil þróun hefur orðið í sumum ættum síðan þá.

En það er gott að sjá að Barack Obama er á sömu skoðun og ég um að árásir rugludalla á Ísrael og gyðinga eiga ekki heima í hinum siðmenntaða heimi.

Remember the Focker

 

 

Munið þið eftir honum Greg (Gaylord) Focker, sem leikinn var af Ben Stiller í kvikmyndunum "Meet the Parents" og "Meet the Fockers"?

Samkvæmt opinberum kvikmyndagagnrýnendum í Íran og öðrum sérfræðingum er kvikmyndin Meet the Parents lúmskulegur gyðingaáróður Zíonista.

Hér getið þið fræðst um það: http://www.memritv.org/clip/en/1811.htm

Orðalagið og hatrið er nákvæmlega sama og hjá nasistum. Þvílík geðveiki.

Hvernig getur heilvita fólk á Vesturlöndum stutt Írana og ógnir stjórnarinnar í Teheran? Mér er það óskiljanlegt.

Nú aftur að Ben Stiller (fæddur 1965). Hann er sonur rauðhærða leikarans Jerry Stillers, sem t.d. leikur föður Constanza í Seinfeld þáttunum. Gaman væri að vita hvort menn hefðu álit á Seinfeld í Teheran.

Móðir Stiller er Anne Meara. Hún er líka rauðhærð, en af írskum ættum. Báðir foreldrar hennar voru frá þorpinu Toomevara í Tipperary sýslu á Írlandi.

Persónulega er ég á þeirri skoðun að kvikmyndin "Meet the Parents" sé harðsoðinn áróður fyrir IRA, Írska lýðveldisherinn.

 

Ben Stiller bregður sér í ýmis gervi. Hér er hann sem Írani, Íri og lengst til hægri nakinn gyðingur

Farðu og keyptu betri bíl, á bílasölu Ögmunds !

 

 

Ögmundur Jónasson er öfgamaður. Hann styður Hamas, og þegar komið er í óefni í efnahagslífi Íslendinga vill hann að forstjórar selji bílana sína og fari niður í tekjum. Sjá hér.  Hann telur ástandið einnig geigvænlegt í ríkisgeiranum og mælir með því að pumpað sé peningum í ríkisstofnanir til að koma í veg fyrir uppsagnir.

En hverju skipta eiginlega nokkrir bílar í tengslum við efnahagskreppu? Eiga forstjórarnir að selja bílana sína öðrum forstjórum, eða í hverju liggur þessi Ögmundarlausn? Er ekki nær að svínskatta fyrirtæki forstjóranna, þjóðnýta fyrirtækin og senda þá upp í sveit til að læra að vinna almennilega vinnu.

Sala á glæsikerrum forstjóra, til annarra forstjóra, er ekki lausn á efnahagsvandanum? Ekki frekar en innganga í EBE eða upptaka evrunnar í stað krónunnar. Þetta eru allt saman skammtímalausnir sem Íslendingar eru nú orðnir annálaðir fyrir. Það er ekki hægt að fá pillur við öllu. Þarmahreinsun breytir heldur engu. Fávitaleg bjartsýni og hálfkveðnar vísur eru og hafa lengi verið vandi Íslendinga. Allsherjar hugafarsbreytingar er þörf.

Hvað með að stöðva Sirkus Öryggisráð? 300.000 manna þjóð hefur ekki efni á slíkum flottræfilshætti. Þar myndu falla til ófá bílverðin ef Ingibjörg Sólrún gæti hætt bruðli sínu. Ef hætt væri efnahagslegum stuðningi við þjóðir sem stunda hryðjuverk og borgarastríð, væri mikill greiði gerður skattgreiðendum á Íslandi.

Íslendingar verða að fara að hugsa með höfðinu ekki í loftinu. Og svo gæti Ögmundur líka farið dálítið niður í launum. Á hann ekki Volvo? Skoda Fabia er alveg nógu góður fyrir hann

Stóryrðaframkvæmdir

 

 

Mikið er það undarleg árátta hjá sumu ungu fólki að nota stór orð. Þá meina ég megastór og vandmeðfarin orð. Þegar ég skoða aðgerðir fólks sem stendur að og á bak við Saving Iceland, rekst ég á slagorð hjá þeim eins og Þjóðarmorð og War Crimes, sem notuð eru til að mótmála iðnaðarframkvæmdum á Íslandi. Hér eru myndir af nokkrum æstum ungmennum sem hlekkja sig við vinnuvélar og klifra upp á krana og borvélar með borða sem á stendur Aluminium = Cultural Genocide og A Century Of Warcrimes Is Not Sustainable.  Hvað koma þessi slagorð Íslandi við? 

Svona stóryrðaframkvæmdir segir mér að þetta fólk sé ef til vill siðferðislega brenglað. Þjóðarmorð eru t.d. framin í Súdan, en ekki sé ég þessi ungmenni þar. Það er hins vegar auðvelt að kaupa sér miða frá London eða Amsterdam til að öskra eitthvað úti í náttúrunni á Íslandi. Green Front (Groen Front), Eearth First og aðrar erlendar hreyfingar sem hafa fengið Ísland á heilann, eru fámennur hópur öfgakennds fólks, sem fyrir utan baráttu fyrir náttúru styður gjarnan verstu öfgarnar í löndum þar sem stríðsástand er. Fólk sem styður málstað Hamas, Hizbollah og skilur Al Quaida, talar oft líka mikinn um lýðræðið, frelsið og Móður jörð.

 

Ljóska ein í Reykjavík, sem líka er norn að atvinnu samkvæmt símaskránni, er mikilvæg persóna í Saving Iceland. Hún lifir á því að spá í bolla og þvíumlíkt í búð sinni vestur í bæ. Hún greinir frá öllu sem gerist í lífi sínu, sem er ein stór Sápuópera. Við fáum öll að vitað að hún: er að fara til Palestínu í september. Vííí!  Já, hún vælir af gleði því hún er að fara á kústskaftinu til Palestínu. Hún lendir ef allt gengur að óskum þann 28. ágúst í Tel Aviv (sem reyndar er í Ísrael).

Það er líka einkennilegt að sjá norn í Reykjavík berjast fyrir einn Afríkumann sem hefur verið margsaga um bakgrunn sinn (hann Ramses), þegar hundruð þúsunda þeirra eru myrtar í nafni Allah, sem er, svo ég noti orð nornarinnar, Gvöð, sem einnig er ákallaður í Palestínu þegar saklausir Ísraelsmenn er drepnir í nafni friðar og skilnings. Í Palestínu ætlar nornin að fremja seið sinn og Sápuóperu í september. Það verður örugglega saga til næsta bæjar.

En taka ber fram að nornin hefur mottó: Að gefnu tilefni skal takið fram, að það er einlæg sannfæring höfundar að góð saga sé ekki verri þótt hún sé login.

Við bíðum og sjáum hverju hún lýgur að okkur frá Palestínu.

Rósin rassbera, nýtt blóm í flóru Íslands

Í fyrra greindi ég frá því hvernig náttúruverndarkonan Miriam Rose hafði komist í annála áður en hún varð fræg með eindæmum á Íslandi. Hún hafði hjólað allsber um sveitir Englands til að vekja athygli á einhverjum góðum málstað.... og sjálfri sér. Sjá hér

Ég kveiki ekki á málstað þar sem berrassaðar konur eru annars vegar. Það er eins og að sjá Bridgestone almanak uppi á vegg hjá dekkjasala.

Nú sé ég Rósu  lýst sem hryðjuverkakonu af mörgum bloggurum. Það þykir mér full djúpt í árinni tekið. Hryðjuverk eru venjulega skilgreind öðruvísi en það sem Rose er að aðhafast á Íslandi.

Það sem Miriam Rose er að gera á Íslandi er það sama sem hún aðhafðist þegar hún hringsólaði ber fyrir málstaðinn heima á Englandi. Málstaðurinn er númer 2, Miriam Rose er númer 1. Hún virðist vera með athyglissýki á háu stigi. Það er ágætur galli, ef maður getur hamið hann.

Ég las mjög skemmtilega lýsingu hjá Hjalta Garðarssyni,  sem ekki segir farir sínar sléttar af viðskiptum við Rósu rassberu. Hjalti var einmitt að vinna heiðarlega vinnu sína þar sem Rósa klifraði upp í kranann í fyrra.  Ekki greindu fréttastofur frá því sem Hjalti og Elli vinur hans upplifðu:

"Hvað um það, þarna stóð ég ásamt félaga mínum, Elvari.  Sannkristnum sómapilti frá Sauðárkróki.  Ella vini mínum blöskraði algjörlega munnsöfnuðurinn á þessari umræddu Miriam.  Þegar Elli hélt að hámarki mótmælanna væri náð, reif Miriam niður um sig buxurnar og otaði loðinni rottunni í áttina að okkur og reyndi að spræna á okkur.  Eru þetta heiðarleg mótmæli?"

Þetta hefur vissulega valdið Ella og Hjalta tráma, en strangt tiltekið er Rósa ekki að fremja hryðjuverk. Kannski veldur hún einhverjum hreðjarverk? Náttúrunni á Íslandi er ekki unnið gagn með strippi Miriam Rose, sem leggur greinilega sterkustu menn á Íslandi í öngvit með "rottu" sinni og migu fyrir málstaðinn.

Þessi nýja rós í flóru Íslands gæti gert meira ógagn en gagn eins og blessuð lúpínan.

 

Það þekkist vel að menn pissi fyrir málstaðinn

Miriam Rose gefst aldrei upp

Obamaman

 

 

Ég hef forðast að skrifa um hann Barak Obama enda er ég ekki eins vel kunnugur bandarískum stjórnmálum og margir Íslendingar. Óskrifuð blöð eins og Obama eru alltaf frekar ólæsileg. Nú geri ég undantekningu. Obama hét því um daginn að hann ætlaði sér að senda bandarískan herafla frá Írak ekki síðar en eftir 16 mánuði.

Hér getið þið heyrt skoðanir sérfræðings, Hewi Babakhans, sem danska ríkisstjórnin hefur notað í Írakmálum. Viðtalið var í fréttaskýringaþættinum Deadline í gær og kunningi minn Adam Holm, sem er sagnfræðingur, er spyrjandi.

Mér sýnist framtíðarspá Babakhans sé ekki eins kræsileg og loforð og loftkastalar Obamas. Ég hef meiri tilhneigingu til að treysta sérfræðingnum en Obama. Ég held að Obama sé að afla sér vinsælda. Hann ætlar sér að vera forseti í meira en 4 ár. Þá er veruleikflóttinn nú góður.

Forkastanlegt

Ég sá hér í morgunsárið myndskeiðið frá Reuters, þar sem Palestínumaður með bundið fyrir augun er skotinn þrisvar í fótinn af ísraelskum hermanni. Reyndar er það Reuters sem endurtekur eitt skot þrisvar og kannski ekki nógu oft. Slíkt framferði er forkastanlegur níðingsháttur og Ísraelsher til skammar. Þeir sem mótmæla aðskilnaðarvegg og -girðingu eru vonandi ekki ósáttir við að sjálfsmorðsárásum hafi fækkað í Ísrael með tilkomu hans?

Miðað við viðbrögðin hjá sumum við þessari frétt, er eins og einn bloggvinur minn skrifar: andskoti mikið af illa innrættu liði hér á landi sem sýnir þjáningu sumra skilning en ekki allra. ´

Meira um málið hér.

Annað sem er forkastanlegt er, að ég man heldur ekki eftir því að hafa verið hótað með krossfestingu af rumpulýð á Íslandi vegna myndbands frá Ísrael. Sjá m.a. hér þar sem maður sem kallar sig Sævarinn skrifar í hatri sínu, sem örugglega er engu minna en hatur hermannsins sem skaut gúmmíkúlu í fangann því Sævarinn hefur krossfestingu í huga. Sævarinn skrifar:

Áhugavert mál og vekur upp spurningar hvort þetta sé djöfull í mannsmynd. Það er amk skrattanum líkt að hóta lögfræðingum og nota peninga sem við eigum og erum skylduð að borga í til að svara fyrir okkur, væntanlega er lögfræðikostnaðurinn styrktur af kirkju eða hvað ? og ef svo er, þá ætla ég að kæra hann fyrir að skerðingu á trúfrelsi, frelsi til að hafna því að guð hafi verið til og Jesú, ég hlýt að hafa jafn mikinn rétt og hann að láta kirkjuna borga fyrir mig lögfræðikoðnað þar sem ég er í þjóðkirkjunni og hef alltaf verið og borgað mína skatta þangað. Núna má þessi skítapési Villi í köben fara að vara sig, ég ætla að krossfesta hann og kjöldraga hann og ég er viss um að DoctorE væri til í slaginn við þennann kjána.

Sævar skrifar þetta í athugasemd við færslu hjá Óskari Þorkelssyni, sem ekki hefur vílað fyrir sér gyðingahatri ásamt vini sínum "Johnny Rebel", sem hefur verið bannaður á blog.is fyrir meint brot á hegningarlögum vegna kynþáttahaturs (sjá t.d. hér), "Birni Bónda" og einhverjum Haffa.  Ætli þessir menn séu félagar í Vinafélagi Palestínumanna á Íslandi fyrst þeim er svo annt um Palestínumenn? Ég tel að hatur þeirra á gyðingum og Ísrael sé nú aðaldriffjöðrin.

Ég verð að upplýsa Sævarinn, sem í stað myndar af sjálfum sér er með mynd af einhverjum saklausum hvutta, því hann þorir ekki að koma fram í eigin persónu,  að ég er ekki meðlimur í neinni kirkju, hvorki þjóðkirkjunni eða öðrum sértrúarsöfnuðum sem trúa á Jesús Krist. Ég er alltaf til í góðlátlegt guðlast. En það sem Sævarinn og nokkrir aðrir morðóðir menn á Íslandi fremja er ekki guðlast, heldur brot á hegningarlögum. Kynþáttahatur og morðhótanir varða við lög á Íslandi. Palestínumálstaðnum er engin fengur í stuðningi frá fólki sem hefur í frammi morðhótanir við stuðningsmenn Ísraelsríkis.

Nýlega var maður sem hótaði að kyrkja mig með berum höndum og nú ætlar einhver að krossfesta mig og kjöldraga. Jesús minn! Það eru greinilega ekki bara öfgar í Miðausturlöndum sýnist mér. Flest það fólk sem hefur skrifað athugasemdir við þessa frétt Reuters/Mbl.is hefur eyðilagt orðstír sinn fyrir löngu.

 

Sævarinn: DoctorE er þetta ekki einum of trúarlegt hjá okkur?

Skutu palestínskan fanga