Ingibjörg alveg í rusli

Ég veit ekki hvort hægt er að flokka frétt Eyjunnar um ruslatunnuvandamál Ingibjargar Sólrúnar Gísladóttur sem sorpblaðamennsku, en hefur frú Ingibjörg Sólrún ekkert annað að gera en að æsa sig út af grænni ruslatunnu á hlaðinu hjá sér?  Ég vona bara að Gnarrið sé í rusli útaf þessari gangrýni úr öskustó stjórnmálanna.

Er ekki annars til urðunarstaður fyrir hrapaleg mistök stjórnmálamanna, þar sem hægt er að heygja heimilisúrgang fyrrverandi borgarstjóra, ráðherra og Öryggisráðskandídats, með öllum ólífrænum mistökum hennar úr stjórnmálunum? Gott væri líka fyrir öskukarlinn Gnarr að þekkja þá ruslahauga þegar hans vitjunartími kemur.

Silvias Mutter sagt, was Silvias Vater did, Silvia ist not going zu säga

 

Meðan frændur sumra okkar, Svíar, eru að velta sér upp úr því hvort Kalli konungur heimsótti klámbúllur í undirheimum Stokkhólmsborgar, hafa aðrir áhyggjur af því hvað faðir Silviu drottningar gerði í Síðara stríði.

Nýlega lýsti hin sorgmædda drottning því yfir, að hún væri í óða önn við það að láta rannsaka fortíð föður síns, sem gekk í nasistaflokkinn þýska eins og stór hluti Þjóðverja. Áður hafði hún neitað því að hann hafði verið meðlimur í nasistaflokknum. Faðir hennar, Walther Sommerlath, hagnaðist töluvert á að hann krækti sér í verksmiðju í Berlín, sem gyðingur nokkur varð að láta af hendi árið 1939, og það fyrir slikk.

Vonandi munu ríkir vinir konungsfjölskyldunnar ekki reyna að múta fólki til að koma í veg fyrir að upplýsingar um afa verðandi drottningar í Svíþjóð verði stungið undir stól. Málmverksmiðja, eins og sú sem Walther karlinn náði sér í, var oft mönnuð með gyðingum í Berlín áður en þeir voru sendir í sína hinstu ferð til útrýmingarbúða í Póllandi. Sérstaklega verksmiðjurnar á Kreuzberg nærri miðhluta Berlínar. Verksmiðja Sommerlath var rústað í lok stríðsins.

Það er þó fremur ólíklegt að drottningin sænska geti breitt yfir nokkuð, því fréttamenn sænsku sjónvarpsstöðvarinnar TV4, sem eru meðal þeirra bestu á Norðurlöndum, hafa þegar opnað skápa með þessum líkum konungsættarinnar í Svíþjóð. Hvort rassberar klámkerlingar dettti síðar tvær og tvær út úr öðrum skápum í höllum sænsku konungsættarinnar, er vandamál sænska konungsins. En af hverju ætti hann að fara að segja af sér fyrir að hafa smá dónahugsanahátt eins og flestar karlkyns verur og kvenkyns? Hafa menn ekki heyrt um uppreist æru eins og kóngurinn af Heimaey fékk? Ekki geta allir verið eins og Hitler, með aumingja Evu Braun sem selskabsdömu, þegar hann var ekki að gefa SS hýrt auga og meðan langafi Karls Gústavs 16. horfði girndarlega á skrautlegan nasista forðum daga.

Hér, hér og hér er hægt að lesa um mál Walther Sommerlaths og Silviu dóttur hans, sem er mun alvarlegra en klámbúlluheimsóknir konungs. Ef klikkað er hér og hér er hægt að sjá útsendingu um málið TV4 frá síðastliðnu ári. Eftir að þættirnir voru sýndir, hótaði hirðin og bróðir Silviu öllu illu. Þættirnir eru afar vel gerðir.

Pabbi Klámkarls XVI og Hjalti litli

 

Ég skrifaði í bók minni Medaljens Bagside um fátæka gyðingakonu þrjú börn hennar sem tókst að flýja til Kaupmannahafnar síðla árs 1941 með hjálp Dana sem vann í Berlín. Brandla Wassermann og börnum hennar var vísað úr landi í Danmörku af dönskum yfirvöldum og nokkrum vikum síðar voru þau send til Auschwitz frá Berlín. Í Auschwitz voru börnin strax tekin af lífi. Brandla var látin vinna, en skömmu síðar veiktist hún og var myrt. Það var læknir sem tók hana af lífi með því að sprauta fenóli í hjarta hennar. Áður en hún flýði til Danmerkur með börnin sín þrjú vann hún í málmverksmiðju sem bar heitið Fermeta, sem var að finna á Kreuzberg. Byggingin þar sem verksmiðjan var, á Michaelkirchstrasse 15, stendur þar enn og var eitt af fáum húsum í götunni sem stóð eftir sprengjuregnið í Berlín. Í dag hýsir það m.a. ódýrt hótel, Alameda, á efstu hæðunum í byggingunni - ef einhver vill búa þar sem gyðingar voru þrælkaðir. Hóteleigendurnir segja stoltir frá því á heimasíðu hótelsins, að bygging nokkur sem notuð var í austurþýsku sjónvarpsþáttunum Tatort og sem blasti við gestum hótelsins, hafi nú verið rifin, en verksmiðjuna Fermeta á neðri hæðinni vita þeir greinilega ekkert um, enda voru menn ekki mikið að rifja upp örlög gyðinga í DDR.

Ásmundur Einar orðinn reyklaus

Ásmundur Einar Daðason er kominn í Framsókn. Nú er hann laus við ráðstjórnaragann, lesbókratíið og foringjaeinræðið í VG og SF. Hann getur efldur unnið gegn draumóraliðinu sem heldur að ESB-aðild leysi öll vandamál þjóðarinnar.

Enn þurfa menn ekki að fá resept hjá lækni til að skipta um flokk, en læknisrannsókn væri ekki óraunhæfur kostur fyrir þá sem þrá ESB. Myndin er af Ásmundi Einari áður en Siv Friðleifs var búin að reykræsta hann. Það er örugglega tilvalið að senda menn í apótekið ef þeir vaða reyk og eru með fíknarlöngun í ESB? Laxerolía leysir þráhyggju og illa melta bita.

Mikið blaðra þessir þingmenn

Það er krúttlegt hjá rauðum íslenskum þingmönnunum að minnast barna með rauðum blöðrum, þegar þeir hafa greinilega ekkert annað að gera. En ég minnist óneitanlega Stevens McCormacks á Nýja-Sjálandi, sem belgdist nýlega út eins blaðra þegar hann lenti á stútnum, eins og visir.is greindi frá:

"Steven McCormack, vörubílstjóri frá Nýja-Sjálandi, lenti í heldur betur furðulegu atviki á dögunum. Þegar hann var að klifra upp í vörubílinn sinn rann hann í stiganum og lenti á tanki sem innihélt súrefni undir miklum þrýstingi. Og ekki nóg með það að hann hafi lent á tankinum heldur lenti hann á stútnum sitjandi þannig að súrefnið fór af miklu krafti upp í rassinn á honum.

Steven húðin á Steven [sic hjá visir.is] tók að teygjast og hann blés allur út. „Ég blés út eins og fótbolti. Ég átti engra kosta völ en að sitja þarna og blása út eins og blaðra," segir hann.

Hann öskraði af sársauka og komu vinnufélagar hans honum til bjargar og slökktu á loftpressunni. Hann var fluttur á sjúkrahús þar sem loftinu var „tappað" af honum og segja læknar að hann muni ná sér að fullu. Þeir segja að loft hafi komist í lungu hans og að loftið hafi aðskilið fituna frá vöðvunum á líkama hans."

 

Þess má geta að blöðrustand íslenskra þingmanna olli truflunum á flugi alla leið til Kína, og börn í Frakklandi (mynd) horfðu skelfingu lostin á íslensku blöðrurnar lenda, og ollu þær þeim meiri sálaróróa en hvítir blettir Strauss-Kahn á svartri þernunni í New York. Jónína Ben er hins vegar byrjuð að selja súrefnisanda beint í rass eftir nýsjálenska módelinu. Meira var greinilega ekki í fréttum.

Þingmenn slepptu blöðrum

Össur slekkur elda heimsins

 

Þann 5. ágúst 2010 gerði ég grín af mannúðarstefnu ríkisstjórnarinnar. Grýta átti konu í Íran til dauða. Ekkert heyrðist í íslenskum ráðamönnum andstætt kollegum þeirra í Noregi, sem einir höfðu þor til að gagnrýna aftökuáætlun Íransstjórnar og hlutu hótanir fyrir. Ég gerði grín að Össuri Skarphéðinssyni, sem oft hefur stutt Íransstjórn og laug því í færslu minni að Össur hefði boðið dauðadæmdu konunni landvist á Íslandi.

Nýlega hélt Össur ræðu  þar sem hann heiðrar sjálfan sig fyrir að hafa haft áhrif á að Sakineh Ashtiani hafi ekki verið grýtt til dauða í Íran. Hann sagðist hafa tekið upp mál Ashtiani sl. haust fyrir þrýsting frá almenningi hér á landi og þakkaði almenningi fyrir að hafa haldið sér „á tánum". Össur ræddi einu sinni við sendiherra Írans síðastiðið haust og heldur greinilega að það hafi haft áhrif í mál Ashtiani.

Hann er kjánalega stoltur af sjálfum sér, utanríkisráðherrann. Þetta er sami maðurinn sem skipaði íslenskum sendimönnum að sitja undir hatursræðu Amadinejads í Genf árið 2009 meðan aðrar siðmenntaðar þjóðir skipuðu sendimönnum sínum að ganga úr sal. Þetta er sami ráðherrann sem sat og hlustaði sofandi á Amadintinn og Mugabe í sal allsherjarþings SÞ í New York í fyrra. Sjá hér og hér, og sami maðurinn sem flutti svo að segja sömu ræðuna um Ísrael og Amadinejad á sama allsherjarþingi SÞ. Heldur hann að rabb hans við sendiherra Írans í Osló breyti nokkru í þessum heimi? Össur heldur kannski að Amadinejad hafi tekið eftir því að íslenska diplómatíið sat sem fastast í salnum í New York undir ræðu hans og hafi þess vegna hætt við að steina Sakineh? Aumingja Össur.

En þrátt fyrir grín mitt, sem Össur tók greinilega til sín (Össur les sem sagt bloggið mitt!), situr Sakineh Ashtiani enn í fangelsi í Íran og ekkert hefur breyst þar í landi, þrátt frábær störf blöðrunnar sem er utanríkisráðherra Íslands. Hvað er að manninum? Heldur hann að íslenska þjóðin séu bjánar? Hver veit, kannski var það bara Óli forseti sem bjargaði öllu þegar hann ræddi við Írana. En hættara er nú við að allar þessar viðræður við morðingjaríki séu Íslandi frekar til vansa en fórnarlömbum til góðs.

Hvað hjálpa sambönd Imbu fórnarlömbunum á Sýrlandi? Það á líklega eftir að koma í ljós.

P.s.  

Æi, Össur gleymdi að hjálpa þessari hollensku konu. Maður getur auðvitað ekki náð öllu, þegar maður er í fullri vinnu að hjálpa hollenskum fórnarlömbum Icesave og koma ESB inn á Íslendinga með aumingjalógík.

Sjá fréttaflutning Eyjunnar um afrek Össurar:

Íslendingar eru örugglega líka á bak við fall Strauss-Kahn

 

Hér skrifar einn sem er afar langþreyttur á endalausum samsæriskenningum vinstri manna. Þeir virðast nærast á að skýra það marga sem miður fer í þeirra höndum sem alþjóðleg samsæri.

Michele Sabban, ESB-embættismaður frá Frakklandi og félagi Dominique Strauss-Kahns i franska sósíalistaflokknum (PSF), sem er auðvitað systurflokkur Samflykkingarinnar, heldur því nú fram að Strauss-Kahn sé fórnarlamb samsæris. Samkvæmt félaga Sabban átti Strauss-Kahn að halda ræðu í lok mánaðarins í Túnis, þar sem hann ætlaði að að segja Túnismönnum að vera einarðir við byltinguna sína. Gefur hún einnig í skyn að Grikkir standi á bak við samsærið á hótelinu í New York.

En í stað þess að halda að AGS (IMF) sé á bak við byltingu í Túnis og að einhverjir séu að gera Strauss-Kahn grikk, hefur Sabban hugsað út í Ísland? Ég meina það. Hefur hún ekki heyrt um gengi eins og Íhaldið, Bláu höndina, SÍS-Mafíuna, Kolkrabbann, Hagkaup og alla Bloggarana. Við höfum líka þurft að heyra það óþvegið frá Strauss-Kahns, sem Sabban segir vera næstvoldugasta manninn í heiminum á eftir Obama.

Íslendingar gætu bara vel hæglega staðið á bak við gildruna í New York. NYPD er á teik hjá Dabba og, og, og, eins og þið munuð erum við hryðjuverkaþjóð. Þernan á Sofitel, sem er "African", er alveg greinilega sú sama og var á bátnum með bankadrengjunum forðum í Florida. Það hlýtur bara að vera.

Conspiracy therory in the making......

Fífugras í flóa

 

Forsætisráðherra, frú Jóhanna Sigurðardóttir, leggur til að fífugras verði þjóðarblóm Íslendinga. Þá hugmynd lýst mörgum á þingi bara alls ekkert á.

Forsætisráðherra skilur ekkert í þeirri miklu gagnrýni sem hefur komið á þessa hugmynd hennar og skorar á þingmenn, sem eru meira veikir fyrir fíflum, að sanna að fífugras geti ekki gegnt hlutverki aðalblómsins Íslands.

Myndin að ofan er af forsætisráðherra. Ekki fann ég neinar myndir af fífum. Myndin að neðan er af Rauðri toppönd sem var reitt hér um árið fyrir Vestan, en forsætisráðherra vill gera öndina að þjóðarfygli Íslendinga.

 

Farðu til andskotans, Ósómi

 

það er að segja, þegar búið er að hraðfrysta þig skrattakollur, ljósmynda aumar leifar þínar, saga þig í sundur og taka úr þér sýni hátt og lágt og skafa úr þér heilaskömmina, sem þú þarft ekki að nota í helvíti frekar en í hellinum í Hellmand eða öðrum holum sem þú hefur falið þig í. Farðu í friði.

Osama bin Laden allur

Úrskurður A-364/2011

Ég hef áður (hér, hér og hér) greint ítarlega frá skoðanakönnun sem Fornleifavernd ríkisins gerði árið 2009. Í henni var tilkynnt að rannsóknir stofnunarinnar á kostnaði við endurreisn og byggingu aðstöðu við Stöng í Þjórsárdal sýndu, að slíkar framkvæmdir myndu kosta 700.000.000 króna. Já þið lesið rétt 700 milljónir króna!

Þegar ég spurðist fyrir um þessa tölu hjá stofnuninni var sagt að talan byggði á útreikningum fornleifafræðinga, arkitekta og verkfræðinga. Ég bað um aðgang að þessari úttekt en var synjað. Málið var kært í Menntamálaráðuneytið og var þaðan vísað til Úrskurðarnefndar um Upplýsingamál í Forsætisráðuneytinu þ. 15. nóvember 2010.

Kristín Sigurðardóttir og Katrín Jakobsdóttir á góðum degi.

Myndin efst er frá rannsóknum á Stöng sumarið 1992

 

Nefndin hefur nú komist að niðurstöðu sem er því miður synjun á að ég geti fengið aðgang að því skjali sem ég bað um. Það þykir mér miður, því mig langaði að vita hvaða fornleifafræðingar, arkitektar og verkfræðingar voru að vinna að skipulagi á Stöng, án þess að draga mig, atvinnulausan fornleifafræðinginn, sem rannsakað hef í mörg á Stöng, inn í vinnuna. Þótt mér sé synjað um aðgang að gögnum, er svar Úrskurðarnefndar um upplýsingamál svo greinargott, að innihald skjalsins sem ég bað um er nokkuð ljóst. Einnig er ljóst, að forstöðumaður Fornleifaverndar hefur farið með ósannindi og jafnvel gagnvart lögfræðingi sínum, sem ekki virtist hafa allar upplýsingar um málið. Útreikningar forstöðumanns stofnunarinnar Kristínar Sigurðardóttur og slakleg, ótrúverðug og vítaverð vinnubrögð hennar og samverkafólks hennar dæma sig sjálf, því Kata litla á Sölvhóli mun örugglega ekki gera það á næstu 5 vikum. Þær upplýsingar sem Úrskurðarnefnd um Upplýsingarmál veita í úrskurðinum segja þó mikið, þó svo að haldið sé fast í að ódagsettur pappír upp á eina og hálfa síðu sé vinnuskjal . Ein og hálf síða í heilar 700.000.000. Og svo er menn að tala um bankana.

Hér er brot úr úrskurði nefndarinnar og hér má lesa hann í heild sinni:

"Skjal það sem Fornleifavernd ríkisins hefur afhent úrskurðarnefnd upplýsingamála, og segir vera eina skjalið sem tengist beiðni kæranda um aðgang að gögnum, er á einni og hálfri blaðsíðu (A4). Skjalið ber yfirskriftina vinnuskjal, er handritað og ódagsett. Efst á skjalinu eru skammstafanir sem vísa til mannanafna og sýnist þar vera um að ræða starfsmenn stofnunarinnar, sbr. heimasíðu hennar þar sem nafna starfsmanna er getið. Úrskurðarnefndin telur þannig óhætt að byggja á því að skjalið sé ritað af starfsmönnum stofnunarinnar til eigin afnota hennar en ekki af aðilum ótengdum henni.  Skjalið sýnist vera afar lauslega unnið og uppsett, og í sumum greinum er erfitt að átta sig á efni þess. Talan 700 milljónir kemur þar hvergi fram en með góðum vilja mætti hugsanlega tína til tölur í skjalinu og leggja þær saman þannig að þær nálguðust að vera 700-800 milljónir. Úrskurðarnefndin telur samkvæmt framansögðu ótvírætt að skjalið sé vinnuskjal í skilningi 3. tl. 4 gr. upplýsingalaga nr. 50/1996."

Kæru starfsmenn Fornleifaverndar ríkisins, þið AS, GB, ISK, KM, MAS, SB, SUP, SHG, UÆ og ÞH, einhver ykkar vann það vinnuskjal sem mér er synjað um. Með allri virðingu fyrir ykkur, sem ekki komuð að þessum makalausu starfsaðferðum, þá ættuð þið sem unnuð með Kristínu Sigurðardóttur að þessu fáránlega mati að skammast ykkar. 700.000.000 krónur er einfaldlega ekki upphæð sem fengin er með að krota punkta á eina og hálfa blaðsíðu. Að minnsta kosti ekki í siðmenntuðu ríki. Trúverðugleiki stofnunar ykkar er að mínu mati 0,0 og það þarf ekki mikla útreikninga til að komast að þeirri niðurstöðu. Það versta er, að sum ykkar tókuð einnig þátt í að grafa undan kollega ykkar, sem stundað hefur rannsóknir á Stöng og sem reynt reynt hefur að framkvæma viðgerðir á Stöng og sem hefur komið með raunhæfar tillögur að því sem gera skal til að vernda einn af merkustu fornminjastöðum á Íslandi. Ég kann ykkur ekki neinar þakkir fyrir að leika útrásarvíkinga á einni og hálfri A4 síðu á kostnað skattborgaranna.

Assad as a sad ass can be

Nú á illmennið Bashar al-Assad ekki sjö dagana sæla. Sumarið á Sýrlandi verður heitt.

Eftir að hann og fjölskylda hans hafa verið böðlar þjóðar sinnar svo áratugum skiptir, er spilaborgin að hrynja. Meiri illmenni og öfgasinnar en Basher gætu steipt Assad ræflinum af stóli. En hann mun nú örugglega drepa stíft áður en það gerist. Af myndum frá ýmsum borgum má sjá, að Hizbollah, Hizb ut-Tharir og aðrir hópar á vegum Allah hins stórfenglega eru í fararbroddi þeirra sem vilja "frelsi" á Sýrlandi.

Nú dauðsér Basher al-Assad eftir því að hafa ekki fengið vinkonu sína, Ingibjörgu Sólrúnu Gísladóttur, inn í Öryggisráð SÞ. Þar sitja menn og hugsa ráð sitt vel og lengi.

Ég var í Berlín fyrr í vikunni og tók eftir því, þegar ég hjólaði í heimsókn í íslenska sendiráð til að sjá sýningum um íslenska rithöfunda, að sýrlenska sendiráðið, sem er beint á móti, var búið að setja upp málmlokur fyrir alla glugga. Menn geta lokað gluggum og augum, en ekki endalaust.

Ingibjörg and Assad. Two great leaders of the past.