Fát kom á Össur

Í fasi utanríkisráðherra er eitthvað ótrúverðugt. Þegar hann var spurður sérstaklega út í það í sjónvarpsfréttum i gær, hvaða fyrirmenn hann hefði haft samband við til að mýkja andrúmsloftið kringum Ísland, þá kom fát á karlinn og hann sagði að það myndi koma í ljós. Er Alzheimer, minnisleysi, eða annað farið að hrjá Össur? Það kemur líklega í ljós. Kannski sér hann eftir því að hafa ekki farið til Indía sem kamelburðardýr fyrir forsetann. Mikil vonbrigði og óeyrðir brutust út í Garamsalamapoor á Indlandi þegar kúlí kúlíanna reyndist ekki vera með í fylgdarliði forseta Íslands. 

Kannski ætti Össur að fara að orðum sjálf síns og tala varlega. 

Breskur ráðherra, sem Össur er örugglega búinn að blíðka með brunaslöngu sinn, sér aumur á Íslendingum og stingur upp á nýjum samningum eins og Sjálfstæðisflokkurinn. Ráðherrann breski  er veikur fyrir Íslenskri orku. Líklegt er að hann vilji orkustreng frá Íslandi, en þangað til slíkir strengleikar verða með þjóðunum getum við sent þeim lýsi, malt og Ópal. Bretar eru svo nábleikir, með kæki og alls kyns sjúkdóma að raflost frá Íslandi mun ekki leysa þann vanda.

"Segja frjálsa Íslendinga hafa borgað Icesave"

Slíka fyrirsögn erum við vonandi aldrei eftir að sjá í sögubókum framtíðarinnar. En alveg eins og sá hluti íslensku þjóðarinnar, sem er að fara yfir um vegna þess að hann vill ólmur borga skuld sem ekki er þjóðarinnar, virðist nú komið í ljós að frjálsir Egyptar hafi valið að taka á sig þrælaok og hafi reist pýramída í þjóðarátaki, allt fyrir ánágjuna. Eða svo segir ríkisfornleifafræðingur Egypta, Secretary General of the Egyptian Supreme Council of Antiquities, Zawi Hawass.

Ef ríkisfornleifafræðingur Egypta væri ekki almennt talinn vera fjölmiðlatrúður og illa gefinn, og að fornleifafræðingurinn sem vann með Hawass við rannsóknir á  „grafhýsinu" í Giza með beinum "frjálsra Egypta" hefði ekki verið Bandaríkjamaður sem vill halda rannsóknarleyfi sínu á Egyptalandi (sem Hawass úthlutar einn), hefði ég trúað þessu.

Þjóðarátakið sem Zahi Hawass (sjá http://www.drhawass.com/) talar um, telur hann sig meðal annars sjá í „að á vettvangi hafa fundist fornleifar sem benda til þess að verkamennirnir 10.000, sem reistu píramídana, hafi borðað 21 nautgripi og 23 kindur, sem bændur hafi sent þeim daglega". Ef þetta er rétt, hljóta bændurnir að hafa verið þrælarnir.  En ekki verður nú mikil veisla fyrir 10.000 frjálsa menn í erfiðisvinnu með kjötið af þessum skepnum, þó svo að kjötið hafi aðeins verið lítill hluti í dallinum í alþýðueldhúsunum við pýramídana.  

Supreme Faraó Hawass

Í sjónvarpsfréttum bætti Hawass því við, að það hefðu verið Egyptar sem byggðu pýramídana og að þeir hefðu verið frjálsir menn eins og þeir eru í dag.

Þarna stendur hnífurinn í kúnni. Ríkisfornleifafræðingur Egypta vill ekki heyra að "erlent vinnuafl" og þrælar hafi komið nálægt þessari mannvirkjagerð, og telur greinilega að fólk af sama meiði og Nútímaegyptar hafi byggt landið á tímum stóru Pýramídanna og byggt allt sem frjálsir menn. Hann telur að frjálsir Egyptar hafi unnið 3 mánaða tíma í senn og hafi svo verið leystir af af ólmum Samfylkingaregyptum sem vildu borga Faraói það sem Faraói bar. Hawass hefur bannað DNA rannsóknir, sem hann telur gagnslausar og út í hött. En þær gætu einmitt gefið okkur vissu um hvaðan þeir sem byggðu pýramídana og önnur mannvirki á Egyptalandi voru ættaðir.

Þessar skoðanir Hawass lýsa frekast hugarfari nútíma Egypta, sem hafa önnur lög, aðrar venjur og aðra trú en forverar þeirra í landinu. Þrælar og vantrúa útlendingar voru ekki samkvæmt nútímaegyptum færir um að byggja neitt að viti, kannski ekki frekar en nútíma Egyptar eða stjórnvöld í Egyptalandi, sem enn hefur ekki tekist að koma reglu á uppbyggingu í landi sínu. Þar er allt í argasta rusli.

Ég fá ekki séð, hvernig hægt er að afneita því að Fornegyptar hafi ekki getað stjórnað þrælum þannig að þeir lærðu handverkið, og enginn getur útilokað að handverkskunnáttan hafi ekki stundum komið með þeim sem þrælkaðir voru, meðan yfirstéttin sveiflaði svipunum og var sauðheimsk.

Vandamálið er að Egyptar nútímans eru ekki frjálsir menn, þeir halda bara að þeir séu það, og þess vegna sjáum við fornleifafræðing á Egyptalandi á 21. öld, sem er heltekinn af rómantík eins og menn á Vesturlöndum voru haldnir henni á þeirri 19. En þjóðernisrómantíkin lætur ekki hæða að sér.

Fyrir utan að vera talinn óferjandi í fræðunum, er Hawas þessi argasti gyðingahatari, eins og góðu fífli sæmir og leynir skyldleikinn sér við suma forkálfana í Samfylkingunni og VG sér heldur ekki þar.

Hér í viðtali á egypskri sjónvarpsstöð segir hann okkur að Gyðingar stjórni heiminum og situr það í sögulegt samhengi, þegar hann er spurður nánar út í það. Hann lýsir gyðingum eins og ríkistjórn okkar lýsir þeim sem ekki vilja borga þrælaskuldina. Ég fæ ekki séð annað.

Segja frjálsa menn hafa reist píramídana

Ísland er í lagi

Í frábærri grein í Wall Street Journal skýrir dr. Hannes Hólmsteinn Gissurarson frá því af hverju Íslendingar vilja ekki greiða skuld þá sem ríkistjórn landsins vill ólm leggja á herðar þjóðarinnar.

Eins og allir vita, sem þora að lesa eitthvað eftir Hannes, þá hefur hann í mörg ár sýnt okkur myndir af sjálfum sér með frægu fólki, celebrití, og jafnvel framliðnum. Mér finnst nokkrar myndanna hafa horfið að undanförnu. Ég legg til að Hannes setji myndina hér að ofan í safn sitt, þó hún sé fótósjoppuð.  

Það er lýðræðið í hæsta veldi, þegar gamlir andstæðingar í stjórnmálum eru fullkomlega sammála í máli sem varðar líf og framtíð þjóðar og hvort hún geti yfirleitt kallað sig þjóð. Málið er hafið yfir flokkadrætti og hreppapólitík þá sem ríkisstjórnarflokkarnir eru alltaf í. Forsetinn fer ekki um og biður ráðherra annarra landa að tala harkalega til Íslendinga. Ég tel víst að það hafi Steingrímur gert í Noregi, en norskir starfsbræður hans komu með diplómatískari yfirlýsingu en Steini hafði vænst. Aftenposten spurði hann:  Hvorfor det var riktig at Islands befolkning skulle betale for kaoset som noen få bankfolk står bak?  Það eina sem Steingrímur gat svarað var:  Hvorfor er ikke verden rettferdig? Þetta lýsir annað hvort heimsku eða örvinglun ráðherrans.

Ríkisstjórninni og sauðahjörð hennar og fylgifiskum til mikils ama virðist vera sem umheimurinn sé að verða sterkasti stuðningsmaður okkar í því að greiða ekki fyrir syndir Ólínu Þorvarðardóttur (les: Icesave). Þakka ber öllum þeim Íslendingum og sérstaklega Ólafi Ragnari Grímssyni, sem hefur tekist að ná til umheimsins í alþjóðlegum fjölmiðlum, meðan Frú Jóhanna og Steini harðibóndi á Allsleysu fara á miðilsfundi. Gaman var að heyra að Max Keiser, sjónvarpsmaðurinn sem tekur aðra tali og leyfir þeim aldrei að segja neitt, átti góðan heimildamann á Íslandi.

Svo virðist sem meirihluti íslensku þjóðarinnar hafi gert upp hug sinn og vilji hafna Icesave-skuldinni, sem er ekki skuld þjóðarinnar, heldur tap erlendra áhættufíkla sem héldu að einhverjir jólasveinar á Íslandi myndu gefa þeim meira í aðra hönd en aðrar fjármálastofnanir. Enginn þessara áhættufíkla geta sýnt fram á að þeir hafi haft ástæður til að trúa á að öryggi Icesave-reikninga væri mikið.

Betlað á Strikinu

Næstum því þannig túlkar Politiken heimsókn Steingríms í Kaupmannahöfn í gær, í fréttaflutningi sem er mun betri en margra fjölmiðla á Íslandi, sérstaklega betri en fréttir áróðurvefs ríkisstjórnarinnar, Eyjunnar, og RÚV. Vefsíða Politikens birtir flennistóra mynd af betlaranum í hornsófa, sem á smekkleysunni lítur út fyrir að vera í einhverju horni á Íslandi.

Betl virðist vera orðið aðalstarf Steingríms og man ég ekki betur en að ég hafi skrifað blogg um betlistaf Steingríms áður, sem ekki gaf mikið í aðra hönd. 

Auðvitað er Claus Hjort Frederiksen jafn illa upplýstur og venjulega, enda er þetta maður að sömu skúffu og íslenska ríkisstjórnin. Hann er þó ekki sauðakrati eða nákommi, en hann er alltaf tilbúinn að trampa á lítilmagnanum og fólki í vanda eins og stjórnin á Íslandi.

Í gær var úthlutað hinum virtu Cavling-verðlaunum til blaðamanns í Danmörku. Þau komu í hlut ungs blaðamanns hjá danska Ríkisútvarpinu, Jesper Tynell, sem gróf ofan af glæpsamlegu athæfi Hjort Frederiksens i starfi. Hjort Frederiksen segir við Politiken í gær, fullur iðrunar en fokvondur út í blaðamanninn, að það sé kraftaverk að hann siti ekki inni vegna þess máls sem blaðamaðurinn svipti hulunni.  Nei, það er skandall að lagabrjóturinn og fautinn Claus Hjort Frederikssen sitji ekki inni. Það sýnir óeðli og sora stjórnmálanna í dag að svo er ekki. Lýðræðið er á undanhaldi og sérstaklega í löndum ESB. Það er ekki nema von að stjórnarliðar á Íslandi vilji ólmir inn í þann djöflasöfnuð.

Glæpamaður í ríkisstjórn: Claus Hjort Frederikssen

Öllu þessu greinir RÚV auðvitað ekki frá, þegar þeir segja frá sneypuför Steingríms. Þeir segja aðeins frá merki ráðherra í Danmörku, sem er að básúna sig um lán við nærri glæpsamlega gleyminn ráðherra á Íslandi sem er farinn að rugla óhóflega mikið. Hann segir þjóðinni eitt og stjórmálamönnum erlendis annað.  

Það er óneitanlega skrítið að sjá Dana heimta að sérhver Íslendingur eigi að borga fimm sinnum meira í "skaðabætur" en hver Þjóðverki eftir Fyrri heimsstyrjöld, sérstaklega þegar þar er haft í huga að Danir slepptu Þjóðverjum óþarflega snemma úr skaðabótaskyldunni eftir Síðari heimsstyrjöld. En Danir græddu nú líka dável á skítugri samvinnu sinni við Þýskaland nasismans í því stríði. Sami hugsunarháttur og fyrir 70 árum er enn ríkjandi hér í Danmörku. Undirlægjuháttur. En þegar maður sparkar í lítilmagnann í Danmörku, sama hvort það er heima eða að heiman, þá sparkar maður rækilega!

Vinur Uffes gefi sig fram!

Uffe Ellemann-Jensen hefur skrifað á bloggið sitt, að hann telji að Íslendingar séu að melda sig út úr samfélagi manna.

Karlskömmin hélt því fram á fréttaskýringu á TV2 í dag, að hann hefði talað við prófessor einn, vin sinn á Íslandi, sem hefði fullvissað sig um að 30 milljarðarnir (í dönskum krónum), sem hann segir Icesaveskuldina hljóða upp á, sé aðeins 100.000 danskar á mann. Hann sagði að íslenski prófessorinn hefði fullvissað sig um að þegar allar eignir bankanna hefðu verið gerðar upp, yrði þetta ekki nema svona 10.000 danskar á hvert mannsbarn í landinu. Gaman væri að fá nafnið á þessum stórfenglega vini Uffsa og hvað hann hefur fyrir sér í þessu. Gefðu þig fram og vinn fyrir launum þínum prófessor. Þýddu þetta blogg og sendu Uffe. Ef þetta er rétt, ætti það sem Danir ætluðu að lána Íslendingum að hafa nægt. Dönum veitir víst ekki af þessum peningum sjálfum.

Uffe hélt því líka fram, að viti bornir menn bæru ekki smámál „eins og skattamál" undir þjóðaratkvæði. Uffe gerir sér greinilega ekki grein fyrir því að Icesave er ekki skattamál.

Dómgreind Uffe Ellemanns-Jensen gef ég ekki mikið fyrir. Þetta er uppblásinn og ofmetinn blaðamannsgarmur, sem því miður fór út í stjórnmál með herfilegum afleiðingum. Hann var þekktur fyrir að fara út fyrir lýðræðislegan ramma og fékk allmargar pólitískar ávítur í starfi, það sem Danir kalla næser.

Það sem hann skrifar á bloggi sínu í dag, sýnir ekki hatur í garð Íslendinga eins og sumir kjánar sem skrifa þar andsvör. Uffe elskar að veiða á Íslandi, en hann elskar víst dauðan lax meira en lifandi Íslendinga. Uffe er fyrst og fremst bara svona vitlaus og hefur enn vitlausari íslenska heimildarmenn, eins og margir aðrir erlendis þessa dagana, heimildamenn sem ekki eru með fullum dönskum eftir að Ólafur Ragnar Grímsson sýndi ekta lýðræði.

Uffe Ellemann-Jensen er ekki lýðræðissinni og skilur þess vegna ekki það sem Ólafur Ragnar Grímsson gerði. Uffe gaf í skyn í viðtalinu á TV2 í kvöld að fyrrverandi pólitískir andstæðingar Ólafs Ragnars væru nú í stjórn. Hann sagði Ólaf hafa verið yst á vinstrivængnum. Byrjaði ekki Óli í Framsókn, systurflokki Venstre, sem ranglega hefur hýst Uffe Ellemann-Jensen.

Fyrir nokkrum árum lýsti Uffe yfir virðingu sinni fyrir dönskum Waffen SS-mönnum við minnismerki um þá í Eistlandi og sagði þá vera góða hermenn í bréfi til mín þar sem hann hafði í hótunum. Maður sem lýsir morðsveitum sem góðum hermönnum er að mínu mati ekki marktækur á nokkurn skapaðan hlut.

Maður eins og Uffe, sem mært hefur SS-liða, er ekki dómbær á lýðræðiskennd Íslendinga.  Það hefði verið óskandi að þetta danska fyrirbæri hefði sagt Hollendingum að borga gyðingum skaðabætur á tímabilinu 1945-1996. En svo lengi drógu Hollendingar að greiða aftur það sem þeir stálu eða hjálpuðu Þriðja ríkinu að ræna af gyðingum. En greiðslurnar komu auðvitað ekki í stað allra mannslífanna. Mikill meirihluti gyðinga í Hollandi var myrtur. Það tók Hollendinga 50 ár að punga út til að friða vonda samvisku sína. Fjöldi hollenskra krata var samt á móti greiðslu þessara skaðabóta sem runnu til stofnanna gyðinga og ýmissa góðra málefna.

Nú heimta hollenskir kratar að Íslendingar borgi strax fyrir glapræði Hollendinga sem trúðu því að Íslenskir bankaglæframenn myndu gefa betri arð en bankar í Hollandi eða í Arabalöndunum. Að því er ég best veit dó enginn Hollendingur vegna Icesave. En sú nánasastjórn, sem nú er við völd í Hollandi, hagar sér eins og Íslendingar hafi myrt Hollendinga.

Babú, babú, Össur pissar á eldinn

 

Össur Skarphéðinsson er á fullu að slökkva það sem hann segir fyrrverandi samferðamann sinn hafa tendrað.  „Við gerum allt sem við getum til þess að lágmarka skaðlegar afleiðingar af þessari ákvörðun".

Var Össur buna ekki í ríkisstjórninni sem setti okkur á hausinn með útrásaliðinu? Það hefði verið óskandi að hann hefði sprænt aðeins fyrr á eldinn en nú þegar hann sér fram á að hann muni aldrei halda ræðu úr pontu í ESB. Og guði og Ólafi sé þökk fyrir það.

Nýjasta tískan er að „lágmarka" allt.  Össur lýgur því að hann hafi staðið allan gærdaginn í því að „lágmarka" lýðræðislegan rétt forseta Lýðveldisins Íslands. Össur sendi aðeins yfirlýsingu ríkisstjórnarinnar og var upplýsingafulltrúi Utanríkisráðuneytisins í að senda hana sem tölvupóst til Norðurlandanna og nokkurra annarra landa. Þar að auki hélt slökkvimeistarinn fund með diplómatíunni í Utanríkisráðuneytinu.

Ég skil vel að forsetinn vilji ekki hafa þennan hripleka og vitavonlausa mann með sér til Indlands. Ég bíð nú eftir því að Össur hætti endanlega í stjórnmálum og lyki þá vonandi löngum og leiðinlegum ferli. Hann gæti kannski fengið starf í varaliði Slökkviliðsins. Líklegra tel ég þó að hann haldi áfram í brunaliðinu. Hann lýgur meira en hann mígur.

Danske Bank: Forsetinn lét verða af hótunum sínum

?

Lars Christensen hjá Danske Bank virðist standa í þeirri meiningu að Ólafur Ragnar Grímsson hafi hótað að neita að undirrita Icesave-dauðadóminn. Ég ritaði Danske Bank bréf og spurði þá hvaðan Lars Christensen hefði þessa vitneskju sína. Lars svaraði eftir að ég átti við hann 1½ klukkustundar samtal, sjá neðst: 

 

Danske Bank A/S,
Holmens Kanal 2-12,
1092 København K

 

Til Danske Banks Direktion

I anledning af chefanalytiker Lars Christensens udtalelse til Reuters Bureau i dag (se f.eks.: http://www.nytimes.com/reuters/2010/01/05/business/business-uk-iceland-icesave.html), vil jeg gerne bede Danske Banks ledelse om at klargøre følgende ord som har verseret i alverdens medier den 5.1.2010:

"I'm somewhat surprised he went along with his threat to do this."

Her taler Lars Christensen om den islandske republiks præsident dr. Ólafur Ragnar Grímssons beslutning om at nægte at underskrive en lov vedrørende tilbagebetalingsaftale af den såkaldte Icesave-gæld. Det er gæld som nogle få kriminelle bankfolk fra Island stiftede i bl.a. Holland og Storbritannien, gæld som 99.99% af den islandske befolkning intet har med at gøre, gæld der blev til i en grådig og til tider virkelighedsfjern bankverden, hvor analyser og skøn ikke altid er det papir værd de er skrevet på, men kan derimod medføre umådelig skade.

Problemet med Lars Christensens udtalelse til omverdenen er, at den islandske præsident på intet tidspunkt har truet med at gøre noget i forbindelse med Icesave-loven. Sagen har haft sin gang i det islandske parlament, Altinget, hvor den er blevet drøftet efter principper og regler, love som slægter de danske meget på. Herefter gik loven til underskrift hos præsidenten, sådan som danske love går til underskrift hos HM dronning Margrethe. Mens den parlamentariske gennemgang af sagen foregik, viste det sig, at størstedelen af valgberettigede Islændinge mener at loven bør lægges for nationens dom ved en folkeafstemning. Den kendsgerning vejede åbenbart tungt i præsidentens beslutning, samt også det faktum at flertallet af parlamentets medlemmer har ytret sig positivt om en folkeafstemning i forbindelse med loven.

Det er fuldstændigt uacceptabelt, at en bankanalytiker i Danmark går ud med ubegrundede påstande om den islandske præsidents påståede trusler.

Danske Bank bedes derfor venligst afklare, hvad hr. Christensen mente med denne sætning og hvor hans påstande, hvis han står ved dem, stammer fra. Hvis Danske Bank mener at kunne dokumentere at Islands præsident har truet med at handle på en bestemt måde i Icesave-sagen, bedes banken redegøre for det.

Med venlig hilsen

Vilhjálmur Örn Vilhjálmssson, Ph.D.

 

Hér kemur svarið sem Lars Christensen var svo vingjarnelegur að senda mér kl. 12.13 að staðartíma hér í Kaupmannahöfn þann 6.1.2010:

Kære Vilhjálmur,

Tak for din mail og telefoniske henvendelse vedrørende mine kommentarer til Reuters angående mine kommentarer til præsident Grimssons beslutning ikke at underskrive den såkaldte Icesave-lov.

Jeg skal understrege, at jeg - eller Danske Bank - ikke har en holdning til om, den islandske præsident burde have underskreve Icesave-loven. Jeg har blot udtrykt, at det har store økonomiske og politiske konsekvenser, hvad enten loven bliver underskrevet af præsidenten eller ej.

Jeg skal også understege, at Reuters har citereret mig korrekt. Det var således en overraskelse for mig, at præsident Grimsson træf den beslutning han gjorde. Det er dog ikke et udtryk for, at jeg har taget stilling til, om det er den "rigtige" eller den "forkerte" beslutning.

Som vi talte om telefonisk, så er det korrekt, at jeg har sagt præsident Grimsson havde "truet" med ikke at underskrive loven. Du mener, at det ikke er tilfældet. For mig er det et fortolkningsspørgsmål i forhold til, hvordan man "læser" præsidents kommentarer forud for hans beslutning i går om ikke at underskrive Icesave-loven, og hvad man lægger i ordet "trussel". Faktum er dog, at der forud for beslutningen var betydelige spekulationer både i den islandske og internationale presse om præsident Grimsson ville underskrive loven eller ej. Jeg fortolkede præsidentens

kommentarer om han ønskede betænkningstid som en politisk "trussel". Igen ordet "trussel" er ikke et udtryk for, at jeg har taget stilling til om præsidenten gjorde det "rigtige" eller det "forkerte".

Overordnet set kan vi konkludere, at situationen er yderst alvorlig på Island og landet er i en dyb politisk og økonomisk krise, og som jeg ved mange lejligheder har udtrykt, så er der ingen snuptagsløsninger for den islandske økonomi. Og lad mig så igen gentage min kommentarer om, at vi i Danske Bank ikke tager stilling til, hvilke politiske valg den islandske præsident, det islandske Alting eller det islandske folk bør træffe.

Med venlig hilsen

Lars Christensen

Chief Analyst, Head of Emerging Markets Research

Danske Research, Danske Bank

+45 xxxxxxxx (direct)

+ 45 xxxxxxxx (mobile)

Fyrirspurn til stjórnar RÚV

Er þetta fréttamaður á Ríkisútvarpinu og stjúpsonur forsætisráðherrans?

 

Til Stjórnar RÚV

Svanhildur Kaaber, formaður
Margrét Frímannsdóttir, varaformaður
Auður Finnbogadóttir
Kristín Edwald
Ari Skúlason

Vegna fréttaflutnings RÚV 29.12. 2009

Virðulegi formaður,

Í fréttum Sjónvarps kl. 19.00 þann 29. desember sl. var birt viðtal (http://dagskra.ruv.is/sjonvarpid/4497856/2009/12/29/8/) fréttamanns RÚV við hjónin Mohammad (Ahmed) Odeh og Rawda (Salim Khalil) Odeh (fædd al Tamimi) sem voru í heimsókn hjá ættingjum á Íslandi.

Hjónin fóru mikinn í þessu stutta viðtali, t.d. töluðu þau um "dagleg fjöldamorð (massacre) Ísraela á Palestínumönnum" og sökuðu Abbas leiðtoga Palestínumanna um að hafa tekið vopn af sonum Palestínumanna ("our sons") og látið Ísraelsmenn drepa þá. Þau boðuðu reyndar líka nýja Intifödu gegn Abbas.

Hjónin sögðust í viðtalinu búa 20 metra frá þeim vegg, sem Ísraelsmenn hafa reist, til að koma í veg fyrir hryðjuverkaárásir. Þau hjónin búa í Wadi al-Joz (Valhnetudal), arabísku og circassisku hverfi, sem er rétt norðaustur af gömlu borginni í Jerúsalem. Það er enginn veggur eða girðing þar sem þau búa. Þess vegna eru það ósannindi þegar þú segjast ekki geta heimsótt ættingja í 20 metra fjarlægð.

Þar að auki var því haldið fram af fréttamanni RÚV/Sjónvarps, að einn sonur hjónanna, sem ekki var nefndur á nafn, hefði verið dæmdur í 28 ára fangelsi fyrir að hafa tekið þátt í uppreisn Palestínumanna fyrir tæpum 10 árum. Það rétta er, að þessi sonur þeirra hjóna var dæmdur fyrir aðild að hryðjuverkum í Ísrael.

Eftir sat hinn venjulegi Íslendingur, án nokkurs annars en óheflaðs áróðurs og lyga. Annað hvort hafði fréttamaðurinn ekki burði til að sjá það, eða hann blandar eineygðri pólitískri skoðun sjálfs síns í fréttaflutning til Íslensku þjóðarinnar. Fréttamaður Ríkissjónvarpsins, Gunnar Hrafn Jónsson er með Moggablogg, þar sem hann birtir þessa mynd af PFLP-manni í kynningu á sjálfum sér (http://gunnar-hrafn.blog.is/blog/gunnar-hrafn/about/)

 

Mig langar að biðja Stjórn RÚV um að ganga úr skugga um, hvort Fréttastofu Útvarpsins sé kunnugt um að umrædd frétt hennar þann 29. 12. 2009 sé full af rangfærslum og að Fréttastofan hafi leyft stuðningsfólki öfgastefnu og hryðjuverka að fara með helber ósannindi í ríkisreknum fjölmiðli sem greiddur er af íslenskum skattborgurum. 

Undirritaður hefur ritað á blogg sitt um frétt þessa (http://www.postdoc.blog.is/blog/postdoc/entry/999161/) og mun birta þetta bréf á bloggi sínu

Virðingarfyllst,

Dr. Vilhjálmur Örn Vilhjálmsson

Danmörku

Enn um fréttastofu Palestínu á Íslandi - RÚV

Fóstursonur/stjúpsonur Jóhönnu Sigurðardóttur, konunnar sem nú hefur gefið okkur gráa veruleikann til frambúðar, er orðinn fréttamaður á Sjónvarpinu. Gunnar Hrafn Jónsson, (Orms Halldórssonar), tók nýverið viðtal við hjón frá Jerúsalem, Muhammed (Ahmed) Odeh og konu hans Rawda (sem er fædd 1948). Þau heimsóttu son sinn á Íslandi, sem mun heita Qusai (alveg eins og sonur Saddams heitins Hussein í Írak) og greindu "fjölmenni" frá baráttumálum sínum í Friðarhúsinu. Í hinu stutta viðtali sem birt var við þau 29. desember síðastliðinn á RÚV sagði þessi "sannmálga" kona, Rawda, okkur frá því hvernig Ísraelsmenn fremdu fjöldamorð á Palestínumönnum á hverjum degi og að hún vildi Mahmoud Abbas í burtu.

Fréttamaðurinn greindi frá því hvernig sonur þeirra Odeh-hjóna hefði verið dæmdur í 28 fangelsi í Ísrael fyrir að "taka þátt í uppreisn Palestínumanna fyrir tæpum áratug". Gunnar Hrafn Jónsson gleymdi að segja okkur að Loai (Louai) Odeh var dæmdur í 28 ára fangelsi vegna þátttöku í fjöldamorðum á saklausum borgurum í Ísrael. Þetta verður að teljast afburðarléleg fréttamennska ef þetta er ekki fréttafölsun! Ég leyfi mér að kalla þetta lygar. Annar sonur hjónanna, Uday, (en svo hét annar sonur Saddam Husseins líka), hefur líka verið fangi Ísraelsmanna, grunaður um hryðjuverkasatarfsemi.

Leila Khaled, fyrrverandi flugræningi og hryðjuverkakona, er góðvinkona Röwdu Odeh og ferðuðust þær t.d. um Frakkland og Marokkó árið 2007 til að segja gróusögur. Rawda hét upphaflega al Tamimi. Gæti verið að hún sé skyld manninum með sama eftirnafn sem ekki getur gert það upp við sig hvort á Íslandi búi 300 múslímar eða 1200, eða fjarskyld þessum manni? Af myndinni hér að ofan má dæma að þau sitja heima hjá Iman Salman Tamimi, leiðtoga múslíma á Íslandi.

 Lengst til vinstri situr Leila Khaled flugræningi og hryðjuverkakona og Íslandsfarinn Rawda Odeh situr lengst til hægri.

Miklu er logið í Palestínu og það er óþægilegt að sjá íslenskan ríkisfjölmiðil senda það út gagnrýnislaust á besta sendingatíma. Hér kemur sparnaðartillaga til RÚV: Notið ekki hið litla ráðstöfunarfé stofnunarinnar næstu árin til þess að breiða út óþarfa lygar. Reynið þess í stað að sjá í gegnum lygar íslenskra stjórnvalda.

Þið kusuð þetta yfir ykkur!

Borgi þeir sem borga vilja. En er Björn Valur borgunarmaður? Guðbjartur Hannesson, á hann fyrir þessu? Jóhanna Sigurðardóttir, ertu borgunarmaður? Eru Steingrímur J., Össur, Jón Bjarnason borgunarmenn, og sér Helgi Hjörvar nokkuð fram á hvernig hann ætlar að greiða þá skuld sem hann ætlar að setja á herðar komandi kynslóða Íslendinga? Er Ólína Þorvarðardóttir nógu greind til að skilja hvað hún styður? Er Sigmundur Ernir nógu edrú? Skál Ögmundur fyrir neii þínu! Öfgamenn í Írak þakkar þér þó lítið!

Talið hefur verið að meirihluti fólks í landinu á landnámsöld hafi verið þrælar. Þetta orkar tvímælis. En nú er með vissu hægt að segja að Íslendingar séu orðnir að þrælum og þrælslund þeirra sem áður sleiktu skíthæla Sovétsins blómstrar núna, þegar þeir fá retró-DDR á Íslandi. Þrælslundin leynir sér ekki hjá sumu fólki. Svavar Gestsson, nú færðu draumalandið og þú vannst vinnu þína, enn eitt skítverkið, án þess að óhreinka hanskana.

Það einfalda fólk sem kaus þrælasala, stjórnarskrárnauðgara og erindreka erlendra kúgara yfir sig, má vel við una. Til hamingju með skuldina, löðurmennin ykkar. Framtíðin blasir við ykkur undir "velferðar-vinstri"-útafkeyrsluísprinsessunnar Jóhönnu Sigurðardóttur. Það verður logið að ykkur alveg fram að aftökunni. 

Landráð var framið í kvöld