Bloggleyfi í leyfisleysi

Vegna báglegra (baugslegra) niðurstaðna Alþingiskosninga fer ég nú í smá bloggbindindi, meðan ég fer til lands öfganna, sem sumir kalla landið helga.

Það er greinilega ekkert sem ég get gert til að gera ringulreiðina á Íslandi meiri en hún er. Ég hef nú rembst í meira en tvö ár við að hafa mátulega neikvæð áhrif á þjóðmælaumræðuna og heimsmálin, og hvað kom út úr því?: Tvíhöfða kálfur, með einn haus sem fer með innantóma ESB möntru og hinn sem baular Nallann. Og það er ekki einu sinni mér að kenna.

Ég bið Herrann hæsta, Gjörvallan Ásgarð og góðar vættir að varðveita Íslendinga frá frekari útrásasvínaríi og að gengi krónunnar sé stöðugt næsta mánuðinn eða svo, meðan ég hvíli mig á vanabindandi eiturlyfi, sem sumir kalla blogg.

Jóhanna reddar þessu á meðan, ef ekki ein, þá með aðstoð túlka og hjálparkokka. ESB verður ekki komið á meðan ég hvíli mig á blogginu, en hér er mynd beint úr efri deild ESB. Fékk ég myndina frá Jóni Val Jenssyni, sem nýlega heimsótti ESB.

Jú og eitt enn, passiði ykkur á Sigurði Þór Guðjónssyni.  Hann er á launum hjá mbl.is við að espa menn upp í að blogga þegar þeir eru komnir í bindindi eða frí. Bloggið í hófi.

Fáum við SOB stjórn ?

Sjálfstæðisflokkurinn tapaði í dag, vegna þess að almenningur ímyndar sér að Samfylkingin hafi staðið sig í og fyrir hrunið. VG fær atkvæði örvinglaðara, sem vilja rækta lífrænt grænmeti í stjórnmálasambandi við Norður-Kóreu. VG fær hins vegar ekki eins mikið fylgi og verstu menn leyfðu sér að vona. Borgararnir fá einhverja þingmenn í fæðingargjöf. Þau eru í ham borgararnir, varla talandi. Framsókn nýtur þess að einhverjir sjálfstæðismenn voru líka óánægðir og hve margir framsóknarmenn eru fluttir á Suðvesturhornið. Sundurleitur hópur, þessu óánægju. En óánægjan hverfur ekki við þær niðurstöður, sem líta út fyrir að vera endirinn á þessu kjöri rétt fyrir miðnætti þ. 25.apríl 2009.

Eru við að stefna í SOB-ríkisstjórn, sem finnur ekki ánægju sína aftur fyrr en Ísland fær að vera með í töfraheiminum ESB? Er ekki nóg atvinnuleysi?

En óánægja með hvað? Jú, fólkið á Íslandi er óánægt með allt annað en sjálft sig. Samfylkingin er fólkið sem ekki gerir sér grein fyrir því að fólkið, jú og líka heimsaðstæður, eiga líka á sök á hruninu, en ekki bara 18 ára stjórn Sjálfstæðismanna. Jafnaðarmenn tóku líka þátt í ballinu og græðginni í öfgafrjálshyggjunni.

Nú verða hendur að standa fram úr ermum. Túlkar fá örugglega nóg að gera, því véfrétt Samfylkingarinnar verður nú að skýra fyrir okkur hvernig hún leysir málin.

Kjörtímabil sigursæls óánægjufólks verður nú vart meira en tæpt ár. Ef við fáum ekki SOB-stjórn, mun sósíalistastjórnin sýna okkur nú hvað sósíalismi er.  Geit á hvert heimili, eins og í N-Kóreu og hjal um Palestínu, þegar lýðurinn sér að ekkert gengur né rekur, engar skýringar koma á hruninu og Eva Joly leysir ekki neitt.

Stjórnarandstaðan er sterk, en óánægja er líka sterk, en óánægja er og verður aldrei góður sigurvegari. 

Eurostar and Iceskalli

Meðan ég bíð eftir því að sjá hverjir er vinir og óvinir Framsóknar, fékk ég þetta sandkorn í augað . Það er eftir ritstjórnina á dv.is og hljóðar svo:

"Herði róðurinn

Eini flokkurinn sem býr að samstöðu um að ganga í Evrópusambandið er Samfylkingin. Jóhanna Sigurðardóttir formaður hefur smám saman verið að herða róðurinn og setja Vinstri-grænum ófrávíkjanleg skilyrði um að þegar eftir kosningar verði gengið til viðræðna.

Formaður Samfylkingarinnar er á mikilli siglingu og nánast óumdeildur. Eina sem andstæðingarnir hafa á hana er að tungumálavankunnátta geri forsætisráðherranum erfitt fyrir að standa í samskiptum við útlendinga."

Já, á mikilli siglingu, og útgerðarfélagið hét víst á tímabili Baugur. Er það nú ekki sigling beint í strand?

Þá líkar mér nú betur Steingrímur stýrimaður, sem enn æfir þjóðlegar, sjálfstæðar og samræmdar íþróttir og þiggur ekki einn eyri í nösina hjá Baugi eða öðrum vildarvinum með glás af peningum. Er það annars ekki rétt?

Kjölturakki Baugs

Nú er komið á daginn að Jóhanna Sigurðardóttir var bara kjölturakki útrásarsvína árið 2006. Þetta er konan sem er svo upptekin, að hún getur ekki gefið viðtöl. Hún hefur auðvitað verið að drepast úr taugaveiklun síðustu dagana.

Svei. Þar datt geislabaugurinn niður um háls hennar.

Þetta lið var næstum allt í vasanum á þeim sem settu okkur á hausinn.

615 fjölskyldur fengu 20% teknanna

 

Stundum læðist sá grunur að manni, að HÍ sé dálítið skrítin stofnun. Stefán Ólafsson félagsfræðiprófessor og Arnaldur Sölvi Kristjánsson hagfræðingur hjá Þjóðmálastofnun HÍ komast að þeirri niðurstöðu að 1% Íslendinga hafi 20% teknanna.

Þetta hefur lengi verið vitað og menn lofsungu skaffara þessa 20% í mörg ár, áður en allt hrundi. Útrásavíkingar og burgeisar hafa skaffað sínum fjölskyldum vel, enda voru eiginhagsmunir og öfgakapítalismi aðaldrifkraftur þeirra - ekki endilega þjóðarheill. Mikill hluti 80% þjóðarinnar, sem ekki meikaði það eins vel, var bara hrifinn. Margir lifðu líka ágætu sníkjulífi á sköffurum 20%anna, og hagur margra jókst vegna þeirra fáu sem tróðu 20% tekna í vasann árið 2008.

Græðgikastið, þar sem 615 fjölskyldur hafa nýverið fengið 20% í sinn hlut, er m.a. orsök hrunsins á Íslandi. Það skilur flest fólk, og þarf ekki barnalega marxíska tölfræði Stefáns og Arnaldar til þess að skilja það, svona rétt fyrir kosningar.

Það vantar frekar skýringar á því, af hverju fólk ætlar að kjósa yfir sig örvinglan í framhaldi af hruninu. Hvernig skýrir maður ósk um að flýja úr öskunni í eldinn? Núverandi ríkisstjórn mun auka á glundroðann og ójöfnuðinn í samfélaginu, þrátt fyrir yfirlýsingar um annað, því marxísk hagfræði og ofurskattar, með atvinnuleysi í ofanálag, redda ekki Íslendingum frá því að skútan sökkvi, með músum, rottum og þeim feitu köttum sem nældu sér í 20%.

Þeir síðastnefndu eru ekki öfundsverðir. Öfundsvert er heldur ekki fólkið sem kýs yfir sig Samfylkinguna og VG.

Varist frekari slys!

Vængstýfður Össur

 

Ég hef lítið álit á Össur. Hann reddaði eitt sinn samflokksmanni sínum, einhverjum fuglaskoðara , sumarbústað á friðuðum fornleifum og í trássi við náttúruverndarlög og ráðleggingar fornleifafræðinga. Já, ég er að tala um sumarbústaðinn í landi Skáldastaða. Siðleysi í eina átt veit á siðleysi í aðrar áttir.

Nú friðar hann öfgaöfl, ránfugla heimsins, með því að láta íslenskar álkur úr utanríkisráðuneytinu sitja á hrafnaþingi og hlusta á grimm illfygli syngja sitt gyðingahatur og hlusta á stríðsyfirlýsingar eins helsta hryðjuverkafálka heimsins, meðan aðrar siðmenntaðar og háfleygari þjóðir flýja úr salnum.

Vilhjálmur Örn leyfir sér hér að gogga smá ráðleggingu að Össur.  Honum ber að yfirgefa salinn nú, og vappa út úr heimi stjórnmálanna. Vængstýfðir fuglar geta ekki flogið. Ríkisstjórn kjúklinga, feitra Ali-fugla og rauðbristinga, sem lagt hefur blessun sína yfir Amadinejad með því að sitja undir gargi hans, er ekki og verður aldrei lýðræðisstjórn.

Þeir ganga ekki út úr þessu

 

Nú eru líklega aðeins ein samtök sem vilja Ísland í sínar raðir, og það er Arababandalagið. Svo geta menn tekið upp sjaríu sem gjaldmiðil.

Íslendingar gengu ekki út

Djöflasamkunda SÞ

 

Nú byrjar ballið í Genf. Ráðstefna SÞ, sem Bandaríkin, Kanada, Þýskaland, Ástralía, Ísrael, Ítalía Holland og hugsanlega fleiri ríki sniðganga. Þess ríki hunsa ráðstefnu, sem hafði það göfuga markmið að vinna gegn kynþáttafordómum, en hefur í staðinn orðið að vettvangi öfga og eyðileggingar mannréttinda.

Ég vona að Íslendingar geri sig ekki að fíflum á þessari ráðstefnu og masi við Amadinejad eða aðra rugludalla um nauðsyn þess að útrýma Ísraelsríki og afneita helförinni. Það er enn hægt að skipa íslenskum fulltrúum að halda sér í burtu.

Hvaða Íslendingar vilja láta lögbinda skerðingu mannréttinda? Undirbúningsnefnd fyrir ráðstefnuna hefur til að mynda lagt blessun sína yfir mannréttindabrot gegn samkynhneigðum. Vilja Íslendingar styðja slíkt?

Vilja Íslendingar hjálpa einræðisríkjum og trúarofstækisríkjum, að breyta Mannréttindasáttmálum SÞ þannig, að í lagi sé að ofsækja fólk og traðka á réttindum kvenna og minnihlutahópa?  Vilja Íslendinga lifa undir trúarofbeldi og hæl miðaldavelda?

Á blogginu Mótmælum Durban 2 reyndi ég með litlum dugnaði að gera viðvart og kynna mótmælahópa, en Íslendingar hafa líklega of mörgum öðrum hnöppum að hneppa, en að fylgjast með því hvernig ekta hryðjuverkafólk og einræðisríki færa sig upp á skaftið, og þaðan að síður að mótmæla slíku. Gordon Brown kallaði okkur hryðjuverkaríki, en nú sendir Brúnn fulltrúa sína á samkundu, sem ekta hryðjuverkalönd hafa lagt undir sig.

Lítið er hægt að gera annað en að sniðganga og mótmæla. Það ber að hunsa öfgaheiminn, sem ítrekað hefur lýst hefur yfir óskum sínum um heimsyfirráð, þar sem öllu á að stjórnað eftir trúarritningu og bókstafstrú. Bókstafstrú, sem er svo fordómafull, að Aphartheid var sunnudagsskóli í samanburði við það hatur í garð öðruvísi þenkjandi sem öfgamenn og trúaðir hryðjuverktakar heimsins hafa nú að leiðarljósi.

Vei, Óðinn var gay !

Nú er "hinsegin- og kynjafræði" í tísku í fornleifafræðinni, á Íslandi að minnsta kosti, því þar eru menn stundum dálítið á eftir. Þessar bylgjur í fræðinni komu svo sannarlega aftan að square tradisjónalista eins og mér. Þær tröllriðu sumum fornleifadeildum, fyrir meira en áratug síðan. Ég leyfi mér að skýra uppruna þessara fyrirbæra sem tímanna tákn.

Samtímaumræðan hafði einum of mikil áhrif á fræðimennskuna. Femínismi var í tísku og gat, eins og við vitum, farið út í öfgar.  Þegar (kven-) mönnum vantaði ritgerðaefni varð kynjafornleifafræði oft fyrir valinu. "Hinsegin" fólk hefur líka lagt stund á fornleifafræði og leggur vitaskuld sitt gildismat á það sem þeim sýnist.  Það getur líka farið út í öfgar.

Nú vill svo skemmtilega til, að í tilefni af 10 ára afmæli Fornleifafræðingafélags Íslands er boðið til hinsegin- og kynjafundar á Þjóðminjasafninu kl. 13:00 á laugardag. Allir eru velkomnir. Á fundinn hefur verið boðið norskum fornleifafræðingi, Brit Solli, sem mun flytja eftirfarandi boðskap:

„Queering the Cosmology of the Vikings" - útdráttur: 

Ideas concerning eros, honour and death were central to the Norse perception of the world. Odin is the greatest war god, and associated with manliness. However Odin is also the most powerful master of seid, an activity associated with women. Seid may be interpreted as a form of shamanism. If a man performed seid he could be accused of ergi, that is unmanliness. Consequently Odin exercised an activity considered unmanly. How could Odin perform seid without losing his position as the god of war and warriors? This paradox is discussed from a queer theoretical perspective. On this basis a new interpretation of the so-called "holy white" phallic stones in western Norway is suggested. Most of these stones are associated with burials from the later part of the Scandinavian Early Iron Age. The temporal distribution of the white phallic stone correlates well with the increasing importance of the cult of Odin. There may be a cultic association between the cult of Odin and the burial practices involving white holy phallic stones.

Magnús Þór Hafsteinsson sendi þetta (sjá athugasemd)

 

Ég hef verið gildur limur í þessum félagsskap (Fornleifafræðingafélaginu), án þess að hafa mætt á einn einasta fund í 10 ár. Þar hefur ýmislegt verið að gerjast.  Ja, og næstkomandi laugardag kennir vissulega margra grasa.

Seiður er sagður shamanismi. Ég fellst á það, nema það hvað völur og seiðkerlingar og -karlar fyrri tíma þekktu ekkert svona fínt orð ættað úr Síberíu.  Shamanisminn blessaður, hefur nú líka heldur betur verið tískuviðfangsefni í fornleifafræðinni á undan queer og gender fræðum.

En að seiður (seid eins það er kallað í erlendum gandreiðar og hamskiptingakreðsum), sé eitthvað sem kvenkyns menn hafi einir haft einkarétt á, ætla ég nú að leyfa mér að draga í efa, enda er ég sjálfur mikill seiðkarl án þess að vera argur eða ragur. 

En ég vona að mönnum sé ljóst, að það er verið að rugla með svona pælingar í fornleifafræði vegna þess að Snorri Sturluson skrifaði um ergi seiðs, þegar hann var að lauma kristnum móralisma og kvenfyrirlitningu inn í rit sín heilum 300 árum eftir að seiðkerlingar voru að hrjá hetjurnar hans í Íslendingasögunum.

Ekki veit ég hvernig Óðinn, æðstur Ása, tekur því að vera vændur um ergi ("unmanliness"). Ég vona bara að Þór verði ekki queeraður á næstunni!

Kross og tappi, hvað lesa menn úr þessu?

En hvernig er hægt að ræða útbreiðslu hvítra ballarsteina í Noregi út frá queer theoretical perspective? Hvað þýðingu hafa hvít norsk steintippi eiginlega?  Eru þau eitthvað sem fá menn til að hugsa um ergi Óðins, eða voru steintippin vegleg mótefni gegn dylgjum um að Óðinn karlinn hafi verið, (eða sé), homse, eins og argir eru kallaðir í Noregi nú til dags?  Er Óðinn yfirleitt bara nokkuð kominn út úr skápnum í Valhöll? Af hverju kölluðu menn hann Geirlöðni, Vingni eða Tveggi?

 

Norskt stórtippi eða darraðr frá Járnöld?

Í Laxdælu (76. kapítula) er sagt frá eins konar fornleifafræði, sem sver sig í ætt við kerlingabækur eins og þær sem liggja á fornleifafræðinni á Íslandi eins og mara: "Síðan vaknaði Herdís og sagði Guðrúnu drauminn. Guðrúnu þótti góður fyrirburðurinn. Um morguninn eftir lét Guðrún taka upp fjalar úr kirkjugólfinu þar sem hún var vön að falla á knébeð. Hún lét grafa þar niður í jörð. Þar fundust undir bein. Þau voru blá og illileg. Þar fannst og kinga og seiðstafur mikill. Þóttust menn þá vita að þar mundi verið hafa völuleiði nokkuð. Voru þau bein færð langt í brott þar sem síst var manna vegur".

Fræðin geta verið hættuleg mannfólkinu. Það er greinilegt, að sumir fá meira "kikk" en aðrir út úr öllu því sem stendur upp á kant og líkist kústskafti eða agúrku. Misjafnt er manns gaman. Ég held að Æðstur Ása sé mér sammála um það.

Ef hægt er að losa sig við svona ruglfræði, þá stendur ekki á mér! Stundum finnst mér ég samt vera orðinn hálfsteinrunnin, eins og gamall hvítur steingöndull, þegar kemur að því sem fólk er að velta fyrir sér í fornleifafræði þessa dagana.

En þegar menn eru á annað borð að velta fyrir sér ergi Óðins, leyfi ég mér að mæla með þessum brúna (Brúni var eitt af mörgum nöfnum Óðins) og glansandi Gay-Odin. Ég get troðið honum endalaust upp í mig: http://www.gay-odin.it/

Felix Arabia ?

Sultan al-Qassami (Qasimi) heitir blaðamaður er ritar fyrir The National í Abu Dhabi, og ýmis önnur blöð um heim allan. Í dag stakk Sultan upp á þvi að gyðingar keyptu Ísland af skuldugum Íslendingum og settust að á Íslandi.

Ég hef sent Sultani, sem er af göfugum ættum eins og ég, línu á blogg hans sem hann kallar Felix Arabia og býst auðvitað við því að pilturinn birti skoðun mína.

 Sultan 

"Hi there, Sultan. A baffled Iceland has been reading your piece today in the Abu Dhabi daily The National,and what a stupid piece it is.

According to you, radical times call for radical measures. You are definitely radical my friend, and your views are dangerously fanatic. Your proposal has a Hitleristic touch to it, and you don't seem to be in touch with reality.

You should immediately apologize to the Icelanders as well as the Jews!  You have drawn an ugly caricature, which is so insulting that one might suggest something like issuing a fatwa on you, and demand that your leaders bow in the sand and apologizes to the Western-world and especially to the Jews. But lucky for you, we don't ship our problems off to islands or pay people off. Fatwas are neither Icelandic nor a Jewish speciality. Nobody will burn down your Embassy and stop buying your products. However,  most of us know what you are playing at.

What has little Iceland ever done to deserve your disgusting proposal for the final solution for the Jewish problem of the Muslim world?

What have the Jews deserved to be deported by a journalist in a state so fortunate to be floating on oil in the desert? When The Arab League supports a genocidal leader of Sudan that is evidence of the ignorance and the arrogance of the Arab League. A citizen of an Arab League state, who serves a final solution proposal to the Icelanders on the Seder-plate of the Jews during Pesach, is a person of very bad taste. I strongly recommend the media, which publishes your hate-mongering nonsense to think twice before they publish your final solution-fantasies about the Jewish people.

Since Jews aren't, and have never been  in the business of buying states, (which cannot be said for some states in the Gulf), I suggest you worry about your own Kasbah and let the Icelander sort out their pocket pain, without being held hostage by your crazy thought-experiments, born out of your hate towards Israel and the Jews.

You are quite right about one thing, there is already a Jewish State, although many hundreds of thousands of individuals in your part of the world and ignorant lackeys  around the worlds, (also in Iceland), are trying to attack, deny, eliminate and eradicate the only real democracy in that turmoil part of our troubled world. If it weren't for the fanatics and terrorists, who want to destroy Israel in the name of their God almighty, Israel would surely be a paradise on earth.

So if you want to spend your money wisely, I suggest you find a desolate island for all the self-destructive elements of the Muslim world, that see Israel as the enemy. That would be a proper investment, but you would gain even more if you simply got rid of your hatred and self-pity. Stop blaming your own problems on everyone else."