Nektarmynd af mér og Megasi

 

Nú getur enginn lengur falið sig á bak við dulnefni og orðskrípi á blog.is og verið þar með innpakkaðan skæting eða ólæti út af einhverju sem þeir hafa oft ekkert hundsvit á.

Ég hef alltaf komið fram sem Vilhjálmur samkvæmt þjóðskrá, og er þakklátur Mogga fyrir að leyfa mér það. Nú þegar búið er að fremja fjöldamorð á nafnleysingjum og furðuverðum hér á blogginu, verður Mogginn líka að útiloka alla bloggara sem eru eldri en 90 ára og eldri, og þá sem tóku og taka þátt í rússnesku byltingunni.

Ég óska ykkur góðs árs (2009) í baráttunni fyrir hryðjuverkasamtök á Íslandi sem og Hamas. Davíð Oddsson, Jón Ásgeir og Ólafur Ragnar eru tvímælalaust hættulegustu menn heims. Réttláta þjóðin og kjölturakkinn hennar, Hamas frá Gaza, eru alsaklaus.

Flugeldurinn á myndinni var sendur á loft á einni af fyrstu lofteldasýningum á Íslandi árið 1874. Kaupið nú helling af flugeldum og skrifið þá hjá Jóni Magnússyni, Frjálslynda flokknum.

Æi, ég fann ekki mynd af mér kviknöktum, með Megasi, þó ég leitaði alveg eins og óður. 

Gleðilegt Ár

til allra á Íslandi, líka bankavillinganna

Athugasemdir

[Sigurður Þór Guðjónsson, 31.12.2008 kl. 14:54]

Gleðilegt ár og takk fyrir skemmtilegt bloggár! Og vertu nú stilltur og prúður og siðlátur á nýja árinu svo Jahve verði ekki að ljósta þig með reiðiþrumu sinni!

[Vilhjálmur Örn Vilhjálmsson, 31.12.2008 kl. 15:17]

Hann er frekar hittinn, Sigurður, hittnari en ísraelski herinn, svo hann flassar ekki neina sem ekki eigaða skilið, þegar hann er reiður. En annars er hann hinn besti Guð, friðsamur, rólyndur og fyndinn, enda fyrirmynd gæjans sem tilbeðinn er í Hallgrímskirkju og í Mekka.

[Aðalbjörn Leifsson, 31.12.2008 kl. 17:12]

Vilhjálmur þú og Megas?? Þú ert búinn að leika "luftbösse" enn að strippast með Me-gasinu, held að þú hafir borðað of mikið og byrjað að gasa, allavega ert þú gasalegur. Be blessed not stressed.

[Vilhjálmur Örn Vilhjálmsson, 31.12.2008 kl. 17:24]

Be worried and happy!

[Sigurður Rúnar Sæmundsson, 31.12.2008 kl. 18:43]

Gleðileg áramót.

Hehe, ýmislegt nota menn nú til að fá traffík á síðuna sína.Hafið það gott..

[Ragnhildur Kolka, 1.1.2009 kl. 10:44]

Fórnarlamb fjöldamorðanna sendir þér áramótakveðjur og þakkar ótrúlega fjölbreytilega og skemmtilega pistla á síðasta ári.

Slæmt þetta með myndina.

[Kristján Sveinsson (IP-tala skráð) 1.1.2009 kl. 13:42]

Ævinlega sæll og megi þetta nýbyrjaða oddatöluár verða þér og þínum heillaríkur tími.

Vertu hinn versti á bloggi en hinn besti í návist hér eftir sem hingað til. Nýttu þér hornótta oddatöluna og svamlaðu sem gaddaskata um orðasjóinn. Allt árið.

[Helena Leifsdóttir, 2.1.2009 kl. 13:44]

Sæll og blessaður ( VÖV)
Þakka þér fyrir skemmtilegt blogg þrátt fyrir háð og spott yfir hafið. Vonandi verðurðu jafn óþekkur á nýju ári en samt vitur.

Gæfa og náð fylgi þér og þinu fólki á nýju ári.