Rósin rassbera, nýtt blóm í flóru Íslands

Í fyrra greindi ég frá því hvernig náttúruverndarkonan Miriam Rose hafði komist í annála áður en hún varð fræg með eindæmum á Íslandi. Hún hafði hjólað allsber um sveitir Englands til að vekja athygli á einhverjum góðum málstað.... og sjálfri sér. Sjá hér

Ég kveiki ekki á málstað þar sem berrassaðar konur eru annars vegar. Það er eins og að sjá Bridgestone almanak uppi á vegg hjá dekkjasala.

Nú sé ég Rósu  lýst sem hryðjuverkakonu af mörgum bloggurum. Það þykir mér full djúpt í árinni tekið. Hryðjuverk eru venjulega skilgreind öðruvísi en það sem Rose er að aðhafast á Íslandi.

Það sem Miriam Rose er að gera á Íslandi er það sama sem hún aðhafðist þegar hún hringsólaði ber fyrir málstaðinn heima á Englandi. Málstaðurinn er númer 2, Miriam Rose er númer 1. Hún virðist vera með athyglissýki á háu stigi. Það er ágætur galli, ef maður getur hamið hann.

Ég las mjög skemmtilega lýsingu hjá Hjalta Garðarssyni,  sem ekki segir farir sínar sléttar af viðskiptum við Rósu rassberu. Hjalti var einmitt að vinna heiðarlega vinnu sína þar sem Rósa klifraði upp í kranann í fyrra.  Ekki greindu fréttastofur frá því sem Hjalti og Elli vinur hans upplifðu:

"Hvað um það, þarna stóð ég ásamt félaga mínum, Elvari.  Sannkristnum sómapilti frá Sauðárkróki.  Ella vini mínum blöskraði algjörlega munnsöfnuðurinn á þessari umræddu Miriam.  Þegar Elli hélt að hámarki mótmælanna væri náð, reif Miriam niður um sig buxurnar og otaði loðinni rottunni í áttina að okkur og reyndi að spræna á okkur.  Eru þetta heiðarleg mótmæli?"

Þetta hefur vissulega valdið Ella og Hjalta tráma, en strangt tiltekið er Rósa ekki að fremja hryðjuverk. Kannski veldur hún einhverjum hreðjarverk? Náttúrunni á Íslandi er ekki unnið gagn með strippi Miriam Rose, sem leggur greinilega sterkustu menn á Íslandi í öngvit með "rottu" sinni og migu fyrir málstaðinn.

Þessi nýja rós í flóru Íslands gæti gert meira ógagn en gagn eins og blessuð lúpínan.

 

Það þekkist vel að menn pissi fyrir málstaðinn

Miriam Rose gefst aldrei upp

Athugasemdir

[Eva Hauksdóttir (IP-tala skráð) 23.7.2008 kl. 19:20]

Nei ekki greindu fréttastofur frá þessari yfirmigu, enda hefur Miriam aldrei migið yfir Hjalta eða nokkurn annan verkamann. Á þeim tíma sem um ræðir var Miriam ekki stödd á Íslandi. Hún tók að vísu þátt í aðgerð á Reyðarfirði árið eftir en fór ekki upp í neinn krana. Hvað þá að hún hafi migið yfir einhvern.

Ég var viðstödd réttarhöldin þar sem málið var tekið fyrir og þar var hvergi minnst á þessa háttsemi eða að Miriam hefði verið uppi í krana. Til eru myndir af aðgerðasinnum í krönum á Reyðarfirði bæði frá sumrinu 2005 og 2006 og voru þær lagðar fram við réttarhöld. Engin þeirra mynda sýnir Miriam Rose.

Skrif Hjalta um Miriam eru einfaldlega rógburður.  

[Vilhjálmur Örn Vilhjálmsson, 23.7.2008 kl. 19:34]

Eva, ertu að segja mér að sveitapiltur eins og Hjalti Garðarsson hafi bara dreymt votan draum?

Mér var auðvitað ljúft að trúa Hjalta miðað við fyrri léttklæddar aðgerðir Rose.

Ég verð að sjá hvað Hjalti hefur fram að færa.

[Snorri Bergz, 23.7.2008 kl. 19:35]

Ég ítreka af hinu blogginu: var ekki Loðin rotta einhver hljómsveit?

Kannski Miriam ætti frekar að syngja, en ...

[Vilhjálmur Örn Vilhjálmsson, 23.7.2008 kl. 19:41]

Snorri, sannast sagna var ég í fyrstu ekki alveg viss um hvað Hjalti kranamaður meinti með þessu, en ég tel mig þó vita það. Ég kannast ekki við hljómsveitina, en sé að hún hefur verið til.

[Rauða Ljónið, 23.7.2008 kl. 20:31]

Sæll. Vilhjálmur það er búi að sjúkdóms greina þetta fólk, sjá.

Í fyrra sumar komu þeir á minn vinnustað og lokuðu umferð og hlekkjuð sig á ýmsum stöðum á vinnusvæðinu, þetta voru ungir krakkar vart komnir af fermingaraldri og var stjórnað af eldra fólki, ekkert var aðhafst fyrr en fréttamenn sem vori í samvinnu við  hópinn og lögregla kom á staðinn.

Kv. Sigurjón Vigfússon

[Vilhjálmur Örn Vilhjálmsson, 23.7.2008 kl. 20:38]

Sigurjón, ég held barasta að þú eigir fyrir þér bjarta framtíð í sálfræðinni eftir analýsu á Shaving Iceland og á sumum fréttamönnum sem eru málpípur samtakanna.

[Snorri Bergz, 23.7.2008 kl. 20:38]

Já, en ætli Eva sé í fullri vinnu við að svara bloggurum?

Sammála Hippó lækni um pistilinn hjá Villa  og Hjalta.

[Magnús Þór (IP-tala skráð) 23.7.2008 kl. 23:08]

Miriam kom í fyrsta sinn til landsins sumarið 2006, en saga Hjalta gerist sumarið 2005. Reynið að koma með almennilega gagnrýni á Saving Iceland einu sinni í stað þess að vera bara með endalaust skítkast og lygasögur.

[Jón Steinar Ragnarsson, 25.7.2008 kl. 00:12]

Ég held að rottan hafi komið hingað á undan Rósu, svona í vattvangskönnun og þvagprufu. Kannski ætti að stofna andsamtök, sem heita Shaving Iceland. Kostuleg umræða með mikið skemmtanagildi.

Annars fannst mér framsetningin á samtökunum í áramótaskaupinu gera þessu endanlega skil, þar sem leikskólakrakkar voru málsvarar samtakanna. Það hitti algerlega í mark.

Annars annað utan efnis. Ég rakst á merkilegt blogg PZ Mayers, lífræðings, sem hefur valdið miklu uppnámi meðal Kaþólikka fyrir að segja oblátur þeirra vera kex. Fyrir það hefur hann og fjölskylda hans legið undir líflátshótunum.

Það sem mér fannst fróðlegt við þessa grein er skýring hans á rótum gyðingahaturs í Kaþólskunni og t.d. þess að armböndin gulu og illræmdu væru ekki uppfynning nasista, heldur kaþólsku kirkjunnar á 13. öld.

Annars er hann makalaust skemmtilegur penni og hugaður kall að skora þetta lið á hólm. Ágætt efni til að bauna á JV ef hann álpast til að kalla þig bróður, eins og hann gerir einatt við lúterstrúarfólk á sínu bloggi, leynandi því að Lúter var bannfærður af Káþólskunni og Lúterstrú lýst villutrú, sem stendur enn í dag.

Er ekki kominn tími til að fá þessi trúarbrögð út af borðinu, svo við getum haldið óbreglað áfram að lifa. Já, þar með talið Saving Iceland kirkjuna.