„Neðanmálsfrétt"

 

Leyfist manni að vitna í "sjálfan sig": „Nýjasta bókin mín fer brátt að koma út. Ég hef valið að gefa hana út sem "vefbók". Hún fjallar um "gæsalappir" („...") og notkun þeirra í "HÍ" gegnum "söguna". Ég vitna líklega ekki rangt í sjálfan mig, þegar ég segi: „Þetta er bók sem vitnað verður í". Ég vonast eftir því að fá hin „mjög svo "eftirsóttu" gæsalappaverðlaun "HÍ"  og Hæstaréttar Íslands "(HÍ)" fyrir." (Sjá mynd, þau ykkar sem ekki eru blind "sjónskert").

„Næsta bók mín verður "Neðanmálsgrein¹"  Það er 845 blaðsíðna "verk", en 632 þeirra eru "neðanmálsgreinar". Bókin er mettuð af gæsalöppum og "upphrópunarmerkjum". "Neðanmálsgrein" hentar ekki til birtingar á "netinu", og vonast ég til að hún seljist grimmt. Ég tek það fram að ég er búinn að fá "leyfi" frá helstu "neðanmálsættum" landsins til að birta allar þessar greinar. Ég get líka upplýst, án þess að þið farið nú að vitna í það, að sumir að bestu vinum mínum eru "Hæstaréttadómarar" í og úr HÍ. Þeir hafa lesið bókina og gefið mér góð "ráð" en dýr². " - eða er það svona.""²

1. "Enska útgáfan "Notes" kom út í fyrra og rokseldist".
2. "Launráð".

Athugasemdir

[Ásgeir Kristinn Lárusson, 15.3.2008 kl. 12:34]

„Gæsastofninn í útrýmingarhættu“?

[Torfi Stefánsson (IP-tala skráð) 16.3.2008 kl. 10:19]

Sæll Vilhjálmur. Ertu að reyna að vera fyndinn með þessu eða sinnst þér allt í lagi að geta ekki heimilda í verki eins og því sem Hannes Hólmsteinn gaf út um Halldór Laxness?

Þú ert nú sjálfur háskólamaður og með doktorsgráðu í ofanálag svo þú ættir að skilja mikilvægi þess að viðhafa vönduð vinnubrögð og stunda ekki ritstuld.

Annars vil ég nota tækifærið og spyrja þig að dálitlu sem ég hef verið að velta fyrir mér að undanförnu en það er hin meinta fölsun á bók R.J. Fischers My 61 Memorable Games.

Í grein bandaríska skákmeistarans Larry Evans, sem hef m.a. birst í British Chess Magazine, er sagt frá filippeyskri konu sem var milligöngumaður að sölu bókarinnar á Ebay. Hún sagðist hafa annast söluna þar að beiðni mikillar vinkonu sinnar, Justine On, sem er hin meinta barnsmóður RJF. Einnig segist hún hafa hætt sölu bókarinnar vegna hótana frá JewsAgainstFischer eða gyðingum gegn Fischer.

Kannast þú, sem ert mikill gyðingavinur og hefur látið þér málefni Fischers þónokkuð varða ekki síst tengsl hans við Filippseyjar, eitthvað við þennan félagsskap?

Þá hef ég tekið eftir því að vinkona þín Gréta Björg, sem einnig hefur sýnt þessu máli mikinn áhuga, hefur verið inni á bandarískum spjallsíðum um skák. Af hverju er þessi áhugi til kominn?

Vona að þú getir greitt úr þessum spurningum fyrir mig.

kv. 

[Vilhjálmur Örn Vilhjálmsson, 16.3.2008 kl. 15:42]

Því miður Torfi, ég held að það hafi aðeins verið til félagsskapur sem hét 'Fischer against the Jews'. Fischer var sjúklingur sem beindi hatri sínu að sínu eigin fólki og greinilega voru margir tilbúnir að leika með. Íslendingar voru góðir við veikan mann.

Hvað Greta Björg Úlfsdóttir hefur gert inni á amerískum skáksíðum ætla ég ekki að tjá mig um (spurðu hana), en Greta er örugglega hörkuskákmaður. Ég gæti ímyndað mér að hún hafi verið að leita upplýsinga um meinta dóttur Fischers.

Áhugi okkar Gretu beindist fyrst og fremst hagsmunum meints barns Fischers.

Ég er hins vegar orðinn úrkula vonar um að fá staðfestar fréttir að þessu barni. Greta hefur kannski einhverjar nýjar fréttir.

Líklegast gat snillingurinn teflt, en væntanlega hefur hann aldrei verið neinni konu að gagni, nema kannski Barböru Streisand, sem ku hafa verið skotin í honum í highschool. Hann minntist hennar sem  gyðingastelpu með músarandlit aftast í bekknum.

Mér er einnig næst að halda að flestir þeirra sem rífast nú um arfinn eftir karlinn, bækur og annað, séu hinar verstu afætur og hrægammar. En ef karlgarmurinn gat barnað konu, á barnið að sjálfsögðu rétt á að erfa föður sinn.

Íslenskur vinur meistarans hefur nýlega haft samband við mig og mér skildist á máli hans að hann teldi Fischer ekki föður Jinky.

[Vilhjálmur Örn Vilhjálmsson, 16.3.2008 kl. 16:02]

Torfi Stefánsson, ég tel að HHG sé eftirlætis "Prügelknabe" hópæsingafólks á íslenska vinstrivængnum. Menn eru hreinlega með Hannes á heilanum.

Ég hef sjálfur gefið út 472 síðna bók, þar sem yfir hundrað blaðsíður innihéldu ca 1000 tilvitnanir, neðanmálsgreinar, athugasemdir, atriðisorð osfr. Enginn getur því ásakað mig, þann Íslending sem líklegast hefur gefið út bók með flestum tilvitnunum miðað við blaðsíðufjölda um léleg vinnubrögð og vanþekkingu á nákvæmum vinnubrögðum.

Ég sé hins vegar ekkert athugavert við form það sem Hannes notar. Mér er næst að halda að ekki sé hægt að skrifa ævisögu stórskálds eins og Halldórs Laxness nema að láta orð hans og list hljóma sem hreinast.

Ég er nærri viss um að ef HHG hefði skrifað 3 bækur með 3000 tilvitnunum og undirmálsgreinum, þá hefðu bækurnar verið dregnar í svaði með þeirri gagnrýni að HHG vitnaði of mikið í HKL.