Óeðlið í Eystrasaltslöndunum

 

Um daginn var afhjúpað minnismerki í borginni Bauska í suðurhluta Lettlands, til  minningar um þrjár lögreglusveitir lettneskra SS-manna, sem störfuðu frá 1943-45. Í Lettlandi er fjöldi fólks sem lítur á SS-liða frá Lettlandi sem þjóðhetjur. Lögreglusveitirnar sem nú hafa fengið bautastein til minningar um afrek sín, myrtu hundruð óbreyttra borgara í aðgerðum sínum gegn skæruliðum.

Smekkleysa og virðingarleysi vinarþjóðar Íslands, Letta, er ótrúleg, ekkert síður en í hinum Eystrasaltsríkjunum. Þar hylla sumir menn enn SS-liða og aðra böðla sem tóku þátt í helstefnu nasismans. Vandamálið er að ríkisstjórnir landanna leggja blessun sína yfir þennan óþverrahátt og engin segir neitt í ESB, sem er vitaskuld of upptekið við annað, t.d. að ná fiskinum af Íslendingum.

Eistneskir, lettneskir og litháískir meðreiðarsveinar nasista, sem margir hverjir stóðu sig vel í útrýmingu gyðinga eru hylltir sem þjóðhetjur, því þeir börðust margir hverjir líka við Rússa. Menn eins og Evald Mikson, sem Íslendingar ættu að þekkja, flokkast t.d. tæknilega af sumum Eistum sem þjóðhetja, því hann barðist við Rússa þar til Þjóðverjar nálguðust. Þá nauðgaði hann mæðgum, gyðingum, í bænum Võnnu, og síðar árið 1941, þegar hann var orðinn yfirmaður í sérdeild öryggislögreglunnar í Tallinn, nauðgaði hann Ruth Rubin í byrjun októbermánaðar, áður en hún var myrt í fangabúðunum í Harku. Eistneski sagnfræðingurinn Andton Weiss-Wendt skrifar í bók sinni Murder without Hatred (2009), þar sem hann, þrátt fyrir að koma efninu vel til skila, kemst að þeirri furðuleg niðurstöðu að hatrið í Eistlandi hafi verið minna en í Lettlandi og Lithauen: Before sending Ruth Rubin to her death, Mikson allegedly raped the girl. I seems to have been a routine case for Mikson, who regularly arrested Jews, occationally beating them. It was not unsusual for Mikson to check up to twenty-five Jewish homes and businesses a day". En Mikson hins vegar, var Rússa- og kommúnistabani og er því þjóðhetja á undanþágu, þrátt fyrir að hafa verið stríðsglæpamaður.

Á íslandi nuddaði Eðvald Hinriksson pólitíkusa sem höfnuðu öllum gögnum um hann sem KGB áróðri eða lygum. Pólitíkusar eins og stjörnuþeginn Steingrímur Hermannsson töldu það dónaskap af Ísrael að vilja sækja Eðvald til saka, (þó það væri ekki Ísraelríki sem hefði beðið um slíkt).

Sagnfræðingur einn í Háskóla Íslands skrifaði nýlega afar langsótta grein um Mikson-málið, þar sem kjarninn í því máli, ósk fórnarlambanna og ættingja þeirra að fá réttlæti, er orðið að aukaatriði í séríslenskum og alls endis ruglingslegum vangaveltum um hvað menn voru að hugsa og hverju þeir trúðu í "kalda stríðinu" á Íslandi. Í þessari undarlegu grein, sem ég mun fjalla um ítarlegar síðar, er Efraim Zuroff yfirmaður Jerúsalemdeildar Simon Wiesenthal Center, sendiboðinn sem vildi sækja Eðvald Hinriksson til saka, gerður að skúrkinum, því hann raskaði sjálfsímynd Íslendinga. Zuroff er einnig talinn skúrkur í Eystrasaltsríkjunum, því hann leyfir sér að benda á sannleikann og krefjast þess sem eðlilegt er. "Glæpur" hans er að hann talar um það sem menn vilja ekki heyra.

Í Litháen mega menn efast um helför gyðinga og gera lítið úr henni og tekur ríkisstjórn landsins beinan þátt í því, en ef menn leyfa sér að segja eitthvað miður um þjáningar Litháa undir hæl Rússa eiga menn yfir höfði sér tveggja ára fangelsi. Árlega eru leyfðar göngur þar sem SS-liðar landanna eru hylltir. Það er eitthvað mikið að í þessum löndum, svo mikil og óskiljanleg illska, sem er í mikilli andstaða við náttúrufegurð landanna og flest fólk sem þar býr.

Lettar eru ESB þjóð og ESB gerir nær ekkert til að mótmæla þessu óeðli, firru og sögufölsun sem á sér stað í landinu og hinum Eystrasaltsríkjunum tveimur á síðari árum.

Stundum fær maður það á tilfinninguna, að Eystrasaltsþjóðirnar hafi ekki getað höndlað frelsið sitt er þeir ákveða að nota það í annað eins óeðli og dýrkun á böðlum er.

Lesið og fræðist á  www.defendinghistory.com

Ungir Lettar flytja óð til frelsishetja.

Athugasemdir

[Húsari. (IP-tala skráð) 24.9.2012 kl. 12:30]

Sæll Vilhjálmur.

Greinilegt er að þú býrð að nokkrum fróðleik um
Síðari heimsstyrjöld.

Kannt þú skýringu á því að mesta sjóslys sögunnar
er Wilhelm Gustloff var grandað 30. Janúar 1945
hvar fórust um 10.000 manns skuli að engu getið
í sögunni og reyndar á fárra vitorði
að þetta hafi yfirleitt átt sér stað?

Í annan stað, þá smalaði Rauði herinn um 3 milljónum
Þjóðverja saman í lok styrjaldar og flutti til Sovétríkjanna;er þér kunnugt um hver afdrif þessara 3 milljóna urðu? 

[Vilhjálmur Örn Vilhjálmsson, 24.9.2012 kl. 15:33]

Sæll Húsari,

Mikið hefur verið skrifað og spekúlerað um skipið Wilhelm Gustloff og sýnist mér að greinin á ensku á wikipedia sem nokkuð tæmandi með upplýsingar: http://en.wikipedia.org/wiki/MV_Wilhelm_Gustloff

10.000 manns er víst ekki rétt tala látinna í árásinni.

Nei, ég kannast ekkert við þessar 3 milljónir Þjóðverja sem smalað var saman og þeir fluttir til Sovétríkjanna: Mín þekking passar við það sem lesa má hér

:http://en.wikipedia.org/wiki/Flight_and_expulsion_of_Germans_(1944%E2%80%931950)

Þjóðverjar voru frekar flæmdir í burtu og fluttu milljónum saman til leifa Þýskalands. Þeir sem flust höfðu til Danmörku til að éta Dani á gat (eins og sumir Danir túlka það - Danir fæddu hins vegar þýska herinn og græddu vel á því), voru allir á endanum sendir til síns heima. Sumir sem komu lengra að settust t.d. að í Slésvík Holstein og einhver hluti þeirra hafa gerst Danir (því það er betra að vera komin að góðu fólki). Ég þekki fólk af ættum frá Königsberg og Tékkóslóvakíu í Holstein, sem ekki vill tala um uppruna sinn.

[Vilhjálmur Örn Vilhjálmsson, 24.9.2012 kl. 15:35]

Reyndar hafa einhverjir gert því skóna, að Wilhelm Gustloff hafi veri á leið til Danmerkur (í rjómann og flæskestegen) en ekki til Kiel. Það er ekki svo fráleit ályktun, en ekki hef ég séð neinar heimildir sem styrkja þá tilgátu.

[Húsari. (IP-tala skráð) 25.9.2012 kl. 23:10]

Sæll Vilhjálmur.

Bestu þökk fyrir svarið.

Tala þeirra er fórust með Wilhelm Gustloff hefur verið
sögð 9.337 - 10.986. Ekki virðist ástæða til að efast um
að hin rétta tala sé á því bili.

Mér þykir ekki líklegt að Wilhelm Gustloff hafi verið stefnt
til Danmerkur því um borð voru yfir 1000 menn er tilheyrðu
sjóhernum þýzka, nánar tiltekið þeir er höfðu tekið þátt í æfingum
tengdum kafbátahernaði; tæpast aufúsugestir í Danmörku.
En konur og börn trúlega fengið dvalarleyfi en hinir fyrrtöldu
alls ekki.

Hvað telur þú vera rétta tölu yfir fjölda Þjóðverja í byrjun
styrjaldar ef þeir eru taldir með sem bjuggu í Súdetahéruðum
Tekkóslóvakíu sem og reyndar víðar í Evrópu um það leyti?