Skýrslan sem Íslendingar geta ekki lesið

... kannski mega þeir það heldur ekki.

Ég skrifaði um daginn hr. Johan Barnard yfirsamningamanni Hollendinga í Icesave-málinu. Í dag fékk ég frá honum skýrslu tveggja prófessora við háskólann í Amsterdam, sem einnig munu hafa verið send íslenskum yfirvöldum, sem greinilega hafa ekki lesið hana eða skilið, þar sem hana er ekki að finna í  þeim skjölum sem íslensk yfirvöld telja óhætt að Íslendingar lesi. Kannski er hún eitt af þeim 24 skjölum sem Íslendingar mega ekki sjá skv. www.Island.is. Kannski eru 70 blaðsíður á hollensku of mikið.

Í skýrslu þessari er meginniðurstaðan sú, að Seðlabanki Hollands (DNB) hafi ekki haft lagalegar heimildir til að bregðast við óeðlilegum vexti Icesave á markaði í Hollandi. Sú ábyrgð hafi að sögn Hollendinga legið hjá Landsbankanum einum og eftirlitsaðila hans, FME.  

Eigum við að sætta okkur við þessa skýringu að órannsökuðu máli? Hvað segir Svavar sendiherra?

Mér þykir sérstaklega athyglisvert að sjá tímatöfluna (22 bls. excellskrá sem er fylgiskjal við skýrslu hinna lærðu prófessora í Amsturdammi) yfir samskipti og bréfaviðskipti Íslendinga og Hollendinga varðandi Icesave. Þau bréf og upplýsingar, sem hollenskir prófessorar hafa haft aðgang að, er ekki að finna í bréfasafni því sem ríkisstjórninni þótti hætt að láta Íslendinga sjá (http://www.island.is/).  

Ég hafði samband við fjármálaráðuneytið og forsætisráðuneytið. Indriði samningamaður var á fundi en Kristján Kristjánsson upplýsingafulltrúi í Forsætisráðuneytinu þekkti ekki þessa viðamiklu hollensku skýrslu og gat ekki skýrt af hverju hún hafði ekki verið kynnt fyrir Íslendingum.

Það er skrýtið, því Johan Barard var viss um að hún hefði verið send Íslenskum yfirvöldum.  Morgunblaðið greindi eimitt frá henni á þjóðhátíðardaginn og þar kemur fram, að aðilar í Hollandi hafi talið afskipti hollenskra aðila af Icesave i Hollandi óeðlileg afskipti. Ég er nú ekki viss um  að það standist lagalega athugun, ef þeir hafa vitað hvert stefndi.

Hvað var það sem gat aftrað Hollendingum frá því að segja „Hér og ekki lengra" við Icesave svindlarana? 

En Hollendingar hafa á hinn bóginn nóg þol  til að segja Íslendingum að ábyrgjast afglöp íslenskra glæpamanna sem enginn þorði að segja neitt við í Hollandi. Þetta er hlægilega mótsagnakennt.

Johan Barnard sagði í sjónvarpsfréttum í gær að margir Hollendingar hefðu misst allt. Margir hollendingar misstu líka allt í síðari heimsstyrjöld.  Ég man ekki eftir því að Hollendingar hafi gert alla Þjóðverja ábyrga fyrir því sem þýsk og austurísk illmenni og fjölmargir íslenskir hollenskir meðreiðarsveinar þeirra frömdu af glæpum í Hollandi. En nú vilja hollendingar ólmir herða að íslensku þjóðinni vegna þess að einhverjir fávitar í hollandi trúðu því að íslenskir bankar gætu gefið betri ávöxtun en hollenskir bankar, sem hingað til hafa verið taldir til 1. deildar banka í heiminum.

 

Höfundar hollensku skýrslunnar du Perron og de Moor-van Vucht. Myndin efst er hins vegar af formanni íslensku Icesave samninganefndarinnar, Gestssyni.

Í boði ríkisstjórnar alþýðunnar

Í mars  2008 kom Ingibjörg Sólrún Gísladóttir utanríkisráðherra hér til Hafnar og hélt fund um ágæti íslenskra glæpamannanna sem við eigum nú að borga skuldirnar fyrir að mati sjálfsmorðsríkisstjórnarinnar sem nú stýrir Íslandi. Ingibjörg blessunin mátti  auðvitað vart vera að þessu, því hún var að undirbúa setur Íslands í Öryggisráðu SÞ. En hún hafði Sigga Einars með sér í bandi. Árið 2006 sagði Svavar Gestsson við Danska fjölmiðla:"der er ikke noget grundliggende galt med vores økonomi" og skammaðist yfir greinum í dönskum dagblöðum og áliti danskra efnahagssérfræðing.  Maðurinn sem hafði rangt fyrir sér árið 2006-2008 var látin stýra samningum um Icesave skuldina. Það hlýtur að hafa hvarflað að mönnum að sendiherrann í Kaupmannahöfn gæti líka hafa dæmt rangt og ger mistök í samningaviðræðum sínum árið 2009.

Þessi samningur um Icesave, sem er svo rómaður af flokkum sem telja sig tala máli alþýðufrelsis, var vanhugsaður eins og allt sem vinstri menn á Íslandi virðast gera þessa stundina.  Afarkostir "alþýðustjórnarinnar" í Icesave málinu er ekkert annað versta klámhögg gegn íslenskri alþýðu fyrr og síðar.

Um daginn renndi ég svo augunum yfir þau skjöl sem íslenskum stjórnvöldum þótti vert að sýna almúganum á Fróni. Mér sýndist vanta nokkuð og ritaði því Johan C. Barnard aðstoðaryfirmanni markaðsdeildar viðskiptaráðuneytis  Hollands. Ég hlakka til að fá svar frá hr. Barnard, áður en hann hættir í viðskiptaráðuneytinu. Ég bætti við nokkrum upplýsingum um kollega hans á Íslandi. Ætli Barnard hafi nú ekki menntun eða vit á því sem hann var að semja um? Þarf ekki líka íslenskur samningamaður fyrir stærstu skuld íslenskra glæpamanna sem um getur, að hafa betri menntun, samningavit, sem og laga- og fjármálaþekkingu en t.d. seðlabankastjóri.

 

Johan C. Barnard
Plv. Directeur Financiële Markten,
Ministerie van Financiën
Korte Voorhout 7
2511 CW Gravenhage

 Dear Mr. Barnard,

I am an Icelandic citizen, one of whom the present government in Iceland is trying to make liable for devastating consequences of a financial scam, committed by odd Icelandic "bankers" in the Netherlands and the UK.

Before you leave for your new office at the Ministry of Environment, I would like to know what happened, what was decided upon and receive a referendum/minutes from the meeting you as a representative of the Dutch authorities had with Mr Svavar Gestsson, the Icelandic Ambassador in Denmark and chairman of the Icelandic Negotiation Committee on ICESAVE, which he proposed should be held in his residence in Copenhagen on 15 April 2009.

I also would like to receive the "onderzoeksrapport on ICESAVE written by prof.mr. A.J.C. de Moor - van Vugt en prof.mr. C.E. du Perron of the Centrum voor Financieel Recht van de Faculteit der Rechtsgeleerdheid van de Universiteit van Amsterdam. Is this report available in English and has it been presented to the Icelandic authorities or the Icelandic Negotiation Committee on ICESAVE?

Just for the record. As an Icelandic citizen, who has been made liable for the criminal acts of Icelandic "bankers" in the Netherlands, which were not detected in time by the Dutch Financial Supervisory Authority, I would like to state, that I do not recognize the rights and ability of Mr. Gestsson to negotiate on my behalf. I doubt that the Dutch would allow a man, who never completed law studies at the University [of Iceland], and who otherwise only completed courses at the Parteihochschule Karl Marx, Institut für Ausländerstudium  in Berlin, DDR (1967-8).  Those are actually the only educational credentials of Mr. Gestsson, the man who chaired the Icelandic negotiation committee on ICESAVE and produced the "contract" with the Netherlands and the UK, which I personally believe will be rejected promptly in the Icelandic Parliament and by the Icelandic public.  

Yours Sincerely,

 

ICESAVE FYRIR FÓLKIÐ

Hollenskur fréttasnákur

Í nokkurn tíma hef ég fylgst með skrifum hollensks fréttasnáps á Ísland, sem m.a. ritar greinar í NRC Handselsblad í Hollandi. Maður þessi heitir Jan Gerritsen og er skráður til heimilis á Íslandi.

Að mínu mati hefur þessi maður ekki það til brunns að bera sem góður blaðamaður ætti að hafa. Greinar hans eru mjög litaðar af ákveðinni pólitík á Íslandi, og stundum hefur hann greinilega ekki skilið það sem hann er að skrifa um.

Mig grunar, að greinar hans gætu hugsanlega verið ein af ástæðunum fyrir neikvæðni þeirri sem sumir Hollendingar bera í garð Íslendinga allra vegna umfjöllunanrinnar um Icesave i Hollandi. Hann fer t.d. með fleipur í grein sinni: Akkoord over schuld Icesave, þar sem skilja mætti að Ísland hafi þegar gengið frá samningum og samþykkt afarkosti Breta og Hollendinga. 

Þegar þessum samningi verður hafnað, hverju lýgur Gerritsen þá í NRC?

Nú síðast sá ég Gerritsen bregða fyrir á heimasíðu Jón Baldvins Hannibalssonar.

Við Jan Gerritsen og aðra Stórhollendinga segi ég bara:

Godverdomme, Nederlanders - Stop het Ijssave in je nauwe gaatje !

Íslendingar eiga ekki að ganga að meingölluðum samningum við Hollendinga, sem skildi nýlendur sínar eftir í betri ásigkomulagi en því sem þeir ætla að skilja Íslendinga eftir í nú.  Hollendingar kröfðu ekki eins mikils af Þjóðverjum eftir síðari Heimsstyrjöld, og sættu sig við að lepja dauðann úr skel meðan að Þjóðverjar fengu Marshall hjálp sem þökk fyrir þjóðarmorðin (sem margir Hollendingar hjálpuðum þeim reyndar dyggilega með).

Íslenskur almenningur ber enga ábyrgð á mistökum hollenskra sparifjáreiganda. Hollendingar treystu (íslenskum) glæpamönnum á alþjóðamarkaði fyrir peningunum sínum. Hollendingar ávöxtuðu ekki peninga sína hjá íslensku þjóðinni, þeir létu glæpamenn fá þá til að ávaxta þá. En Hollendingar verða að eiga það við íslensku glæpamennina. Það er verið að leita þá uppi nú og frægur dómari, madame Eva Joly, hefur verið fengin til þess að vinna í því 4 daga í mánuði.

Icesave svikamyllan er ekki  "kollektief schuld" Íslendinga. Þetta tap gráðugra Hollendinga kemur ekki íslensku þjóðinni við.  Við erum og vorum ekki með evrur á tilboði.

Skrifaðu það og skrifaðu sannleikann, Jan Gerritsen! Mundu hvað Íslendingar gerðu við nafna þinn Jón Gerreksson..... Við getur orðið mjög reið þjóð.

Láttu ekki breyta þér í svín

 

Þú íslenski erkiasni,

láttu ekki breyta þér í svín

eða draga þig á asnaeyrum

af geltandi langhundum Stór-Evrópu.

 

Vertu maður en ekki mús!

Þú ert hvort sem er 

 ekki velkominn í hið evrópska hús.

Þvílík og önnur eins starfsorka

Nýlega skrifaði ég færslu um „litlu býfluguna" hana Joly .  Nú er ég í vafa um greininguna á þessu norska fyrirbæri. Er þetta ef til vill dægurfluga eða bara fiskifluga?

Það er augljóst að kerlingin má ekkert vera að því að kafa í skít á Íslandi, enda kemur hún hingað aðeins nokkra daga í mánuði, mest til að halda fjölmiðlum og ríkisstjórninni við efnið. Fyrir það fær hún 1,3 milljón á mánuði og það er greinilega ekkert mál að yfirfæra það á reikning maddömunnar í París þrátt fyrir 500.000 kr. yfirfærsluloft á gjaldeyri á mánuði, sem venjulegar býflugur sem fóðra þetta norska fyrirbæri þurfa að sætta sig við.

Nú er hún líka komin með stöðu við háskólann í Þrumu og Fiskerihøgskolen. Já, svo fiskifluga er líklega rétt greining. Til hamingju Madame. Ekki með það að vera fiskifluga, heldur stöðuna þarna í landi Samanna, sem Norðmenn hafa níðst á í aldaraðir. Þeir geta kannski ráðið þig líka?

Stjórnmálin í ESB taka líka mikinn tíma hjá frúnni. Fyrst konan er svona hlaðin starfsorku, ætti hún líka að geta fengið starf í auglýsingum, til dæmis fyrir Duracell rafhlöður. Hvað með norskukennslu í RÚV?

En hvað getur ein manneskja annars verið á launalista á mörgum stöðum í einu án þess að menn fari að gruna hana um græðgi? Kann hún sér yfirleitt hóf? Er kannski dálítill Íslendingur í henni?  Eða er hún kannski alveg eins og vondu Kanarnir sem hún réðst á í ræðu sinni í Tromsø, þegar hún sagði: „Fáir einstaklingar hafa rænt til sín miklum fjármunum með því að halda því fram að þjónusta þeirra sé algerlega nauðsynleg," og bætti við: „Þegar Bandaríkin hnerra fær restin af heiminum kvef," og benti á að Bandaríkin hefðu 25% af brúttó þjóðarframleiðslu heimsins og að 72% af þjóðarframleiðslu Bandaríkjanna væri byggð á neyslu, neyslu sem minnkaði í takt við þau 1,1 milljón störf sem nú hyrfu í því landi í hverjum mánuði.

Á heimasíðu háskólans í Tromsø er haft eftir rektor:  - Vi sørger for en stilling til henne, det er bare formalia. Já, rektor hefur augsjáanlega komist í feitt. Nú fær skólinn almennilegan Ameríkanahatara til að halda uppbyggilegar ræður um sýkingar frá BNA.

Ef þessi gífurlega orka eru bara norsk Messíasar-heilkenni, en ekki amerísk græðgi og neysla sem hrjáir Joly, vonar maður bara að þeir peningar sem hún fær fyrir „formalia" og önnur störf renni í sjóði eða eitthvað skynsamt. Vonandi er starf hennar á Íslandi ekki bara "formalia" sem endar áður en botninum er náð.

Kannski ætti maður að hafa samband við Philippe Cohen, rannsóknarblaðamanninn sem sérhæft hefur sig í flugum eins og Joly?

Eva Joly: Botninum ekki náð

Ber er hver að baki nema sér Borat eigi

Fitch setur Ísland í flokk með Kasakstan. Þetta gleður Borat frænda sem segir: I SHAVE LIKE ICELAND VERY MUCH TOO

Í hvaða deild ætli spaugararnir hjá Moody's og Standard og Poor's setji okkur?  Jagshemash??

Í sama flokki og Búlgaría, Króatía og Kasakstan

Kann ekki einu sinni samningaensku

 

Allt Icesave málið verðu sífellt augljósara, sérstaklega slæleg frammistaða íslensku samninganefndarinnar undir forystu Svavars Gestssonar sendiherra (á framlengingu) í Kaupmannahöfn. Megabloggarinn Jón Valur Jensson birtir úrdrátt úr viðtali á Útvarpi Sögu við Magnús Thoroddsen hrl og fyrrverandi forseta Hæstaréttar, sem sagði:

„Það er kannski skrýtnast í sambandi við þetta, að þessi maður [Svavar Gestsson] hafði verið valinn sem formaður í nefndinni. Hann er hvorki lögfræðingur né, að því er égveit, haft nokkra reynslu í sambandi við samninga af þessu tagi. Og ég vil bara leggja áherzlu á það, að enskt lagamál, það er allt öðruvísi heldur en venjuleg enska. Og menn, sem kunna að vera góðir í enskri tungu, þeir skilja ekki samninga á ensku, alls ekki til fullnustu, að minnsta kosti, ég fullyrði það." (zeturnar er í boði Jóns Vals)

Þetta er líklega rétt hjá Magnúsi. Ekki lærði Svavar samningaensku við HÍ þau ár sem hann kallaði sig stud. jur. Á PHS, Parteihochschule Karl Marx(Rotes Kloster) am Köllnischen Park, i Berlín lögðu menn áherslu á nómenklatúru og Volkswirtschaftslehre, en ekki samningaensku. Þeir sem voru á Institut für Ausländerstudium (Ernst Thälmann Institut hjá Johnny Norden) gætu hugsanlega hafa sótt kúrsa á Lehrstuhl Politische Ökonomie des Kapitalismus, en ekki til annars en að nema þar ókosti og dekadansa Kapítalismans. Sem sagt, engin samningaenska, aðeins kommúnistískt orðagjálfur.

Á þessum síðustu og verstu tímum,  þegar fólk með potta, pönnur og nómenklatúr ringulreiðarinnar hefur sett „ómenntaðan" seðlabankastjóra af, legg ég til að búsáhaldadeildin ærist dulítið yfir manni sem kann meira í kommúnistískum nómenklatúr en samningaensku, en sem á að hafa fyrir okkur vitið í mikilvægustu ákvörðun sem þjóðin hefur þurft að taka.

Icelandic Trash

 

Tvær ESB-þjóðir eru að gera Íslendinga að ruslaralýð, sem á endanum fer á vergang og verður flóttamannalýður í ESB löndunum.

Fitch, Moody's og Standard og Poor's eru að sögn bölmóðra stuðningsmanna ríkisstjórnarómyndarinnar okkar, að setja Íslendinga í ruslaflokk. Við erum að verða að skrásettum ruslaralýð. Nokkrir Mammonsrunkarar hjá þessum matsfyrirtækjum hafa lýðveldið okkar í höndum sér. Okkur verður rusluð út um allar jarðir, þegar þeir eru búnir að ljúka sér af. 

Við kusum nefnilega yfir okkar ruslastjórn, sem lét 3. flokks ruslakommúnista með flokksþjálfun frá DDR ganga frá ruslasamninga við Breta og Hollendinga, þar sem við verðum urðuð á ruslahaugi sögunnar, því Landsbankaeignir eru svo mikið rusl, að þær ná aðeins upp í 83% skulda sem ríkisstjórnin ætlar að neyða Íslendinga til að greiða Bretum og Hollendingum. Var nema von að Bretar og Hollendingar vildu ekki láta ruslþjóðina sjá neyðarlega samninginn? Það var stór hætta á því að einhverjir meðal ruslalýðsins áttuðu sig á því hvað um væri að vera.

Eignir Landsbankans rýrna enn meira ef við verðum sett í öskuna af skrásettum ruslaralýð í boði Fitch, Moody's og Standard og Poor's.

Íslenskur ruslalýður verður að sætta sig við að Herraþjóðirnar í Evrópu, sem tókst að sameinaða það sem Hitler mistókst, valta yfir 300.000 manna þjóð, sem var svo einföld að hún lét nokkra gráðuga gauka velta hagkerfi sínu. Herraþjóðirnar í ESB, sem af og til hella peningum í hryðjuverkalið í Palestínu til að ganga frá lýðveldinu Ísrael (og ljúka verki Hitlers), vill nú mergsjúga Íslendinga út af sparireikningum gráðugra Hollendinga og Breta, sem trúðu því að í ruslaríkinu Íslandi væru til menn sem breytt gætu lofti í peninga. Það er þá ekki bara annars flokks þjóð og ruslararlýður sem trúir á slík ævintýri?

Íslendingar, sem gefast upp, geta svo hæglega sótt um hæli sem flóttamenn í ESB og skýrt umsókn sína með að að Hollendingar og Englendingar hafi þvingað þá frá heimilum sínum og ættjörð vegna meintra hryðjuverka nokkurra aðila sem stóðu á bakvið ICESAVE-svindlið.

Flytjum öll til ESB og krefjumst hælis vegna valdbeitingar og fjármálaþvingana ESB ríkja. Við munum örugglega fljótlega fá aðstoð frá ESB löndum. Gervilimina eigum við á lager.

Burt með ríkisstjórnina

Burt með Icesave þrælasamninginn

Burt með hugaróra um ESB-aðild (ESB safnar ekki rusli)

Kúlusaga Grjónapungs

 

 

Maður hét Sigurjón og bjó á Kúlu. Lagðist hann ungur í víking á Loftsölum og safnaði digrum sjóðum. Hann var örlátur á fé og léði sjálfum sér silfur á pung. Fór miklum sögum af snilld hans með brotasilfur. Hann hlóð fljótt á sig holdum og mátti eigi greina hvort á höfði hans yxi hár eður lýsi.

Eitt sinn gengur Sigurjón Kúla til völvu sem færði honum spádóm, sem hann sagði fram á þingi jöfra. Ráð völvunnar reyndust röng og mátti Sigurjón hrökklast af jörð sinni með búaliði. Áður en svo illa fór, hafði Kúla plægt sér digra sjóði í lautu og þúfur, sem hann ætlaði sér til viðurværis þegar harðnaði á dalnum. Ekki hugnaðist öllum þeir búnaðarhættir.

Jóla, lögfróð norsk grýla úr Frankaríki, var beðin um að leita uppi sjóðu og siðavömm Kúlubónda og annarra víkinga. Lítill dugur var í Jólusveinum enda allir van- eða óhæfir og óhemju latir samkvæmt Jólu. Lögmaður Sigurjóns á Kúlu, Sigurður Ruglubréf sem ráðlagði Kúlubónda um fjárþúfur, fór mikinn gegn Jólu gömlu og vildi gera hana landræka.

 

Stangarbóndi færir Kúlubónda fjárplóg einn góðan

The Big Professor

 

Um daginn greindi Morgunblaðið frá samstarfi Fornleifastofnunar Íslands (FSÍ) við frægan og stóran prófessor og háskóla í New York borg.

Ungur fornleifafræðingur, Albína Hulda Pálsdóttir, hafið greinilega troðið þeim öllum um tær með því að sýna sjálfstæði og dug til að leggjast í stórt verkefni.  Haldið er fram að FSÍ hafi fengið Stóra Prófessorinn í New York til að bola fornleifafræðinemanum (doktorsnemanum) úr námi  við Hunter College á CUNY og hræða hana frá því að kasta sér sér út í verkefnið vestan við Alþingishúsið.

Í fyrradag barst hins vegar yfirlýsing frá stóra prófessornum í New York, þar sem hann sór og sárt við lagði, að hann hann hefði ekki rekið Albínu vegna óska frá samstarfsaðilum sínum á Íslandi sem með honum vildu stjórna rannsóknum svokölluðum Alþingisreit. Hann rak hana vegna þess að verkefni hennar stangaðist á við reglur City University of New York.

Eins og sakleysið uppmálað lýsir stóri prófessorinn, McGovern, því einnig yfir, að Albína hafi verið lélegur nemi og þess vegna hafi hann líka rekið hana. Það er væntanleg ekki það sem gerðist, ef ég hef lesið gögn sem birtust í Morgunblaðinu þann  (sjá hér) rétt.

Lélegur nemandi getur Albína ekki hafa verið fyrst henni hefur verið leyft að fara í doktorsnám. Og Albína sýnist mér hafa fengið styrki frá ýmsum Bandarískum sjóðum. Það bendir nú frekar til þess að hún sé afburðarnemandi.

Það er lágkúrulegt að sjá stóra menn eins og Thomas H. McGovern leggjast svo lágt að svína fyrrum nemanda sinn til, eftir að hann hefur reynt að eyðileggja fræðilegan heiður hennar og framtíð hennar með því að reka hana úr námi. Stórir menn leggjast stundum einum oft lágt.

Ég vona að Albína Hulda sé ekki búin að fá sams konar bréf og ég fékk einu sinni frá McGovern. Þar sem hann lýsti því yfir að hann myndi sjá til þess að ég fengi aldrei vinnu í íslenskri fornleifafræði framvegis og myndi beina fjármagni sem annars gæti runnið til Íslands til Rússlands. Þegar ég var ráðinn að Þjóðminjasafni Íslands árið 1993 sendi þessi stóri prófessor bréf til Þjóðminjavarðar til að sverta mig og rægja.

Reglur og lög á CUNY eru vitaskuld alls ekki leikreglur og lög á Íslandi. CUNY hefur ekkert að segja á Íslandi. Hafa verður samband við forráðamenn á CUNY og láta þá vita hvernig aðferðir McGovern hefur notað á Íslandi og hvernig hann hefur komið fram við nemanda sinn. CUNY er reyndar ekki neitt fínt plagg í BNA, nema þegar menn eru komnir í doktorsnám. Frægt er orðið mál samprófessors McGoverns, Leonard Jeffries, sem lýsti því yfir að gyðingar bæru ábyrgð á þrælaflutningum til Bandaríkjanna og væru skúnkar. Gyðingahatari var meðprófessor McGoverns á CUNY, og meirihluti prófessora á CUNY vildi ekki einu sinni láta reka Jeffries fyrir hatur í garð gyðinga og hvítra manna. Les hér um Dr. Jeffries.

Hér um árið útdeildi stóri prófessorinn lítilli ritgerð til samstarfsmanna sinna á Íslandi, sem ættuð var frá herjum Bandaríkjanna. Í riti þessu voru mönnum settar reglur í samgegni við Íslendinga og okkur Íslendingu lýst eins og einhverjum afdalamönnum (sem við erum líkast til). Einhvern tíma mun ég birta brot úr þeim fyrir lesendur mína til skemmtunar. En þangað til gætir stóri Prófessorinn lesið þær aftur og hagað sér sómasamlega á heimilum annarra þjóða. 

Aðrir Bandaríkjamenn hafa reyndar starfað hér í fornleifafræðum líka, jafnvel þó þeir séu ekki fornleifafræðingar. Ekki hafa þeir sýnt svo ljótan þokka af sér eins og McGovern. Sem betur fer er misjafn sauðurinn þar vestra. Það eru nefnilega ekki allir eins og Stóri Prófessorinn á CUNY. Ég held að ég hafi aldregi fyrirhitt Bandaríkjamann eins og hann.

Ungir fornleifafræðingar og fornleifafræðinemar, ég hef eitt ráð til ykkar: Haldið ykkur frá stóra prófessornum og deild hans á Hunter College, CUNY. Eftir að hann hefur haft mest möguleg not af mönnum og mergsogið þá, spýtir hann þeim út. Það versta er að hann heldur að hann hafi haft einhverja þýðingu fyrir íslenska fornleifafræði. Það er hinn mesti misskilningur. Nú er hann svo farinn að gera tilgátur annarra að sínum.

Það ber að taka fram, að myndin er ekki af Thomas H. McGovern þar sem hann situr sveittur og ver heiður sinn og gjörðir gegn ungri og efnilegri íslenskri námskonu. Maðurinn á henni er mjög líkur McGovern, eins og þeir sem þekkja stóra prófessorinn sjá.