Hólaræða Steingríms í hnotskurn

 

Nú gefur ríkisstjórnin möguleika á því að menn biðjist afsökunar á syndum sínum fyrirvaralaust. Sérstakir skriftastólar Fjármálaráðuneytisins verða settir upp um land allt, á Tortolu og í London.  Steingrímur  mun gefa mönnum syndaflausn, ef þeir eru ekki að blanda sér í opinbera umræðu. Nú þurfa þeir sem syndgað hafa ekki að fara til helvítis, þótt að meginþorri íslensku þjóðarinnar sé á leiðinni til ESB, vegna duglausra stjórnmálamanna og bankaræningja. "Með Lögum Skal Land Byggja, en látum þau liggja", segir séra Steini. 

Ríkisstjórnin er alveg að verða búin

Norski almannatengslafræðingurinn Arvid Spandauer Fjøsshøj (mynd), sem nýlega var ráðinn af íslensku ýkjustjórninni, greindi frá því í kvöld að Icesave-samningurinn væri alveg að verða tilbúinn. Hann greindi sömuleiðis frá því að Norður-Kórea krefðist þess að Íslendingar greiddu Icesave skuldina áður en nokkur lán yrðu afgreidd.

Norska truntan Kristin

 

Fyrirbærið Kristin Halvorsen, sem nú er að leika Stalín gagnvart Íslendingum, stígur víst ekki í vitið. Hún er poppaðasta poppían á vinstri vængnum í Noregi. Algjörlega ómenntuð á la Svavar Gestsson, en ætlar samt að ráða örlögum Íslendinga með því að pressa okkur til að borga skuldir sem ekkert koma okkur við.

Auðvitað hafa vinir hennar, biðlar og landráðamenn á Íslandi beðið hana og hvatt til að hræða Íslendinga með þessari yfirlýsingu sinni.  

Þessi kona er allsherjar öfgakvendi. Hún styður hryðjuverkasamtök eins og Hamas og dælir í þá peningum sem notaðir eru gegn lýðræðisríki. En hún setur frændþjóð Norðmanna, Íslendingum, afarkosti, sem getur grafið undan lýðræðinu á Íslandi.  

Er ekki kominn tími til að við förum heim og tökum land okkar aftur? Íslendingar eru flóttamenn, sem hraktir voru í útlegð frá Noregi.  Norðmaðurinn Snorri Sturluson hefur meira að segja skrifað það.

Fyrr í ár var þessi skessa í mótmælauppþoti í Noregi, þar sem hrópað var „dauði yfir Gyðingana!"

Hún er nú að hrópa „Dauði yfir Íslendingana" og hún gerir það í umboði íslenskra stjórnmálamanna.

Það er ekki skrítið að orð eins og Quislingur er ættað úr Noregi.

Probably the most Icelandic Beer in the world

Ef menn skoða lánabók Kaupþings bls. 172 geta menn séð hvernig Carlsberg notaði ódýrt lán úr "íslenskum" banka til að krydda brugg það sem hagnaður þeirra er.

Hagnaður Carlsberg jókst um 39%

Danskir fjölmiðlar fjalla um lánabók Kaupþings

Á að bannað þeim það líka? Business.dk undir Berlingske Tidende hefur málið nú á forsíðu sinni.

Lesið einnig þessa grein:

Menn geta nú farið að reikna út áframhaldið. Sjáið hvað Jay Lim fra WikiLeak segir:

"Vi vil ikke hjælpe resterne af Kaupthing eller Kaupthings kunder til at skjule deres beskidte vasketøj for omverdenen. Forsøg på, at afsløre vores kilde kan være en kriminel handling i forhold til den belgiske kildebeskyttelse og den svenske grundlov,"

Minningar um bankaleik

Ætli Hreiðar Már sitji og spili Kaupþingsspilið?

Veruleikaskynið hjá bankastjórum Kaupþings virðist vera það sama og hjá smástrákum í tölvuleik: 

Kannski ætti að breyta inngangsorðum leiksins: "Þú hefur lesið skuldabókina, þú hefur séð myndina. Nú gefur Kaupþing þér færi á að vera leikstjóri í þínu eigin lífi - Þú átt að borga allar skuldirnar okkar! Það er engin fallhlíf til að lenda varlega. Bankastjórarnir tóku þær allar".

Skaupthing

www.skyrslan.blog.is

Sannleikurinn verður ekki þaggaður niður

 

hvorki af bankastrákum né siðlausum lögmönnum. Ég fer til að mynda til dönsku blaðana og bið þau um að kanna öll þau stóru dönsku fyrirtæki sem skulduðu gamla Kaupþingi. Kannski eru það frekar Danir sem ættu að fá AGS-lánið og við ættum ef til vill að hjálpa þeim við það með öll þau tengsl sem við höfum hjá sjóðnum.

Hér birti ég skýrsluna og hvet ég alla til að birta hana á bloggum sínum, Facebook og víðar. Því, nú þegar er erfitt að hlaða henni niður á WikiLeak.

Menn get sett skýrsluna á bloggið sitt með því að slá www.xxx.blog.is/admin/files og hlaða skýrslunni inn á bloggið sitt. Í stað xxx, skrifið þið nafnið á blogginu ykkar og þið verðið að vera innskráð þegar þið framkvæmið þessa aðgerð í þágu sannleikans og frelsis. Svo tengið þið slóðina við færslu á blogginu ykkar.

Ég hlusta nú ekki mikið á ruglið í Sigurði Líndal, þegar hann segir að lögbann komi á skýrslu þessa. Hann hefur sem ritstjóri stolið myndum sem tilheyrðu mér fyrir ritröðina Sögu Íslands. Veit hann eitthvað um upphafsréttarmál og lögbönn?

Kaupþing fer fram á lögbann

Alveg brjáluð helgi

 

Það virðist allt vera að fara til fjandans á Íslandi. Sneyptur fjármálaráðherra gerir Icesave deiluna að einhverri sveitastjórnarpólitík, vegna þess að Davíð vaknaði upp frá dauðum eins og draugur með franska skýrslu (Trichet skýrsluna) í höndunum. "Bööh", og Steingrímur J. er alveg í rusli. Enda rík ástæða. Hann og ríkisstjórnin hafa leikið illilega af sér. Upplýsingastreymi eru máttarstoðir nútímalýðræðis. Það þýðir ekkert að leika sér í DDR-sandkassaleik eins og ríkisstjórnin hefur gert hingað til.

Madame Joly vill láta reka Valtý Sigurðsson. Hún er greinilega ekki með nógu skýra starfslýsingu. Það er ríkisstjórnin sem setur Valtý úr embætti  - ekki madame Joly.  Á ekki að gefa Joly áminningu. Er hún ekki ríkisstarfsmaður?

Isesave reikningshafar í Hollandi ætla nú að fara í mál við íslensk yfirvöld, á grundvelli skýrslu sem hollenskir prófessorar hafa skrifað. Ég hef lýst undrun yfir því að skýrsla þessi væri ekki með í upplýsingapakka íslensku ríkisstjórnarinnar.  Ég tel mig hafa rétt fyrir mér um galla hennar. Skýrslan er skaðræðis plagg, en hún hefur ekkert upp á sig ef Trichet skýrslan frá 2000 er lesin. 

Ég sendi Gerhard van Vliet, formanni snuðaðra Hollendinga, Trichet-skýrsluna áðan og vona að hann og félagar hans lögsæki sína eigin ríkisstjórn í staðinn fyrir íslenska ríkið. Ég velti oft fyrir mér hvaða Hollendingar væru svo vitlausir að setja peningana sína í Icesave. Mér sýnist þetta vera „the greedy generation", fólk fætt eftir 1960.  Hollendingar eiga sjálfir banka í fremstu víglínu í heiminum. Hvernig dettur heilvita Hollendingi í hug að hægt sé að ávaxta peninga betur í íslenskum banka en í hinu dyggðuga Hollandi? Ég á ekki gyllini né evru!

Svo kom Lars Christensen, Danske Bank, með hollráð um að við ættum að lýsa yfir þjóðargjaldþroti. Ætli það sé ekki bara besta frétt helgarinnar? Hollráð.

Johan Barnard, samningastjóri Hollenskra yfirvalda, skrifaði mér m.a. í dag: I believe you will understand that I consider the Icesave agreements that are being debated in Althingi to be fair and that I am confident, they will therefore be accepted.

Barnard getur haldið það sem hann vill, en nú eru bæði þúsundir Íslendinga og Hollendinga sem ekki sjá mikla glóru í samkomulaginu.

Lars Christensen har talt

... og han har ret som altid. 

Mennirnir sem við elskuðum að hata hafa talað. Davíð hefur rænt sviðsljósinu í kvöld. En hlustum nú líka á Banka Lása án þess að hata hann og fordæma eins og Davíð gerði.

Lars Christensen hjá Danske Bank, sem allir hötuðu fyrir að segja sannleikann í litríkum skýrslum sínum  hér um árið, þar sem  hann líkti íslenskum efnahag við goshveri.  Hann hafði á réttu að standa. Nú álítur hann réttast að við lýsum yfir þjóðargjaldþroti.

Hvað er hægt að gera annað með ríkisstjórn eins og þá sem nú er við völd, sem vill selja okkur í þrælkun?  

Ráðum Lars Christensen og setjum hann á skrifstofu við hliðina á Joly. Lars Christensen verði þrotabússtjóri Íslands.

Í alvöru talað, Ísland er á kúpunni. Viðurkennum það og byrjum upp á nýtt, án skuldbindinga við skallakomma og upplitaðar kratakerlingablækur með vota ESB-drauma. Höfnum Icesave frumvarpinu með rökhugsun og raunsæi.

Við erum ekki mikilvægari en það, þótt sumir hafi haldið að við hefðum hlutverki að gegna á meðal þjóðanna og værum rétttæk í Öryggisráð SÞ og önnur leiðtogahlutverk. Sjáið hvert sá hybris leiddi okkur.

Lars bendir okkur á Argentínu. Argentínumenn halda tign sinni og dansa enn tangó, þótt allt hafi farið á hausinn. Það getum við líka og sleppt við að verða þrælar. 

Og ef George Brown vill setja okkur á hryðjuverkalistann sinn, sá hlægilegi manngarmur, þá gerir hann það í einu af æðisköstum sínum og við munum hlæja að honum eins og allir hlæja af kækjum hans.

Ísland er gjaldþrota. En enginn er dáinn. Enginn missti lífið í Hollandi né Bretlandseyjum. Sumir þeirra sem komu okkur á hausinn ættu að fá 4000 ára fangelsi ef réttarkerfið væri eins og í BNA. Kæmust út eftir 2000 ár fyrir góða hegðun. Þeir munu borga með því að fá aldrei að koma nálægt viðskiptum aftur.

Tak Lars Christensen, nu er jeg enig med dig! Du er faneme en god ven af Island! Lad os håbe nogen lytter til dig denne gang.

Bank Lars