Alveg brjáluð helgi

 

Það virðist allt vera að fara til fjandans á Íslandi. Sneyptur fjármálaráðherra gerir Icesave deiluna að einhverri sveitastjórnarpólitík, vegna þess að Davíð vaknaði upp frá dauðum eins og draugur með franska skýrslu (Trichet skýrsluna) í höndunum. "Bööh", og Steingrímur J. er alveg í rusli. Enda rík ástæða. Hann og ríkisstjórnin hafa leikið illilega af sér. Upplýsingastreymi eru máttarstoðir nútímalýðræðis. Það þýðir ekkert að leika sér í DDR-sandkassaleik eins og ríkisstjórnin hefur gert hingað til.

Madame Joly vill láta reka Valtý Sigurðsson. Hún er greinilega ekki með nógu skýra starfslýsingu. Það er ríkisstjórnin sem setur Valtý úr embætti  - ekki madame Joly.  Á ekki að gefa Joly áminningu. Er hún ekki ríkisstarfsmaður?

Isesave reikningshafar í Hollandi ætla nú að fara í mál við íslensk yfirvöld, á grundvelli skýrslu sem hollenskir prófessorar hafa skrifað. Ég hef lýst undrun yfir því að skýrsla þessi væri ekki með í upplýsingapakka íslensku ríkisstjórnarinnar.  Ég tel mig hafa rétt fyrir mér um galla hennar. Skýrslan er skaðræðis plagg, en hún hefur ekkert upp á sig ef Trichet skýrslan frá 2000 er lesin. 

Ég sendi Gerhard van Vliet, formanni snuðaðra Hollendinga, Trichet-skýrsluna áðan og vona að hann og félagar hans lögsæki sína eigin ríkisstjórn í staðinn fyrir íslenska ríkið. Ég velti oft fyrir mér hvaða Hollendingar væru svo vitlausir að setja peningana sína í Icesave. Mér sýnist þetta vera „the greedy generation", fólk fætt eftir 1960.  Hollendingar eiga sjálfir banka í fremstu víglínu í heiminum. Hvernig dettur heilvita Hollendingi í hug að hægt sé að ávaxta peninga betur í íslenskum banka en í hinu dyggðuga Hollandi? Ég á ekki gyllini né evru!

Svo kom Lars Christensen, Danske Bank, með hollráð um að við ættum að lýsa yfir þjóðargjaldþroti. Ætli það sé ekki bara besta frétt helgarinnar? Hollráð.

Johan Barnard, samningastjóri Hollenskra yfirvalda, skrifaði mér m.a. í dag: I believe you will understand that I consider the Icesave agreements that are being debated in Althingi to be fair and that I am confident, they will therefore be accepted.

Barnard getur haldið það sem hann vill, en nú eru bæði þúsundir Íslendinga og Hollendinga sem ekki sjá mikla glóru í samkomulaginu.

Athugasemdir

[Sigurður Sigurðsson, 5.7.2009 kl. 21:40]

Hollendingar mega þó eiga það að selja brennivín á viðráðanlegu verði og gera ekki mikið mál úr því þó maður kaupi sér eina og eina mellu.

En hér á Íslandi fremur Steingrímur aðalritari landráð með því að hækka brennivínið og í ofanálag lét löggan loka hóruhúsinu við Hverfisgötu. Maður má ekki bregða sér að heimsækja barnabörnin á Jótalandi norður í nokkra mánuði án þess að allt fari til fjandans heima á Ísalandi fagra.

[Júlíus Björnsson, 6.7.2009 kl. 07:07]

Hvernig dettur heilvita Hollendingi í hug að hægt sé að ávaxta peninga betur í íslenskum banka en í hinu dyggðuga Hollandi? Ég á ekki gyllini né evru!

Ég tel þetta hafa verið skipulega markaðsókn á hóp sem vitað er að á alltaf sparnað til best falli að gefa barnabörnum. Ísland skilur þetta ekki og heldur úti áhættu lífeyrissjóðskerfi.  Mínum augum voru bankarnir að ná í reiðfé til handa skjólstæðingum sínum sem er búnir að fylla allt Íslenska bankakerfið af langtímabréfum sem eiga að greiðast þegar þeirra gróðavæntingar rætast.

Þeir hirða hagnaðinn þegar vel gengur af sínum fyrirtækjum og eiga að sjálfsögðu að bera skaðann líka.

Hollendingarnir sem létu féflettast geta ekki gert Íslensku þjóðina ábyrga frekar en þá í Nígeríu þegar fjármálamenn þaðan eru í stuði.

Fréttir frá Samfo á netinu segja Samfó vilja að þjóðin borgi sem vekur væntingar hjá þeim féflettu.   

[Adda Þorbjörg Sigurjónsdóttir, 6.7.2009 kl. 11:32]

Ha ha frábær pistill hjá þér Vilhjálmur. Maður veit hreinlega ekki hvort maður á að hlægja eða gráta, mótmæla eða kaupa farmiða aðra leiðina. Hvernig gátum við íslendingar toppað um betur og kosið þetta yfir okkur?