Í svörtum skugga vopnahlés og SÞ

 

Svo kallað vopnahlé er nú komið á á Gaza. Nú eins og áður berast okkur ekki allar fréttir af því sem gerist. Fréttamenn með fyrirlitningu í röddinni, þegar þeir tala um Ísrael og fordóma í skoðunum á Ísrael, er engin ný bóla. Ekki minnkar það hatur og sú fyrirlitning í skugga vopnahlésins. Við fáum ekki alla söguna, og þaðan af síður rétta.

Ég hef frétt að Ísraelsmaður búsettur á Íslandi, sem Kastljós vildi hafa í viðtal, hafi verið hafnað af Kastljósi, því hann þorði ekki að koma fram nema ef hann yrði skyggður og rödd hans breytt. Hann var hræddur við þá hatursbylgju sem hellist yfir Íslendinga þessa dagana. Samtímis er farið í eldhúsið heima hjá einum að fremsta stuðningsmanni Hamas á Íslandi, og hún látin hvæsa framan í þjóðina, að Ísraelsmenn stundi þjóðarmorð og hafi útrýmingu Palestínumanna á dagsskránni. Fréttamenn Ríkisfjölmiðilsins hafa ekki rænu á að benda áhorfendum á, að það hefur verið opinber stefna Hamas í 20 ár, að útrýma gyðingum og Ísraelum um heim allan.

Og þótt stórskotahríð Ísraelsmanna hafi verið hætt, virðast fleiri og fleiri börn deyja á hverjum degi. SÞ ber að rannsaka mannsfall á Gaza, en er SÞ treystandi til þess? Ban Ki Moon, framkvæmdastjóri SÞ, skipar rannsóknir á sprengjum Ísraela sem féllu á stofnanir SÞ, en hann hugsar ekki um börnin og fórnalömbin. Byggingar SÞ virðast skipta hann meira máli en rannsókn á mannfalli á Gaza. Vitanlega hefur það veri mikið, en ekkert nærri þeim tölum sem berast frá heimildamönnum Hamas-samtakanna. 

Aðeins eru örfáir tímar eru síðan þetta „vopnahlé" var brotið/rofið af einhverjum öfgahópi á Gaza, sem skaut á Ísraelsmenn. Vopnahlé virðist vera eitthvað einhliða fyrirbæri, sem Hamas-samtökin skilja ekki og geta ekki fyrir neina muni virt.

Liðsmenn Fatha flokksins, sem hafa verið ofsóttir á Gaza af Hamas, hafa nú haft samband við Ísraelska fjölmiðla og alþjóðlegar stofnanir og upplýsa að Fatah-liðum sé nú smalað saman af Hamas og þeim haldið föngnum í skólum og á spítölum. Þetta gerist beint fyrir framan nefið á starfsmönnum SÞ og þeir og SÞ gera ekki neitt.

Ísraelska utanríkisráðuneytið birti í gær fréttaskot, sem lak út frá Al-Arabiya stöðinni, þar sem fréttaritari stöðvarinnar, hún Hanan Al-Masri (sem reyndar er aðalskutlan á svæðinu),  segir að Grad flaugum hafi verið skotið frá stað nærri upptökuveri í Al-Shuruk háhýsinu í Gaza-bæ, þar sem hún sat við gluggann (svaka útsýni) og vissi ekki að neinn væri að horfa á hana þegar hún gladdist yfir því að Hamas væri að skjóta flugskeytu við háhýsið. Í síðustu viku var Ísrael bölvað og ragnað fyrir að hafa skotið að þessari byggingu og því haldið fram að Hamas hefði ekki aðhafst eitt eða neitt í nágrenni við hana. Allur heimurinn heyrði þá lygi, og ærðist með, en nú keppast samstarfsmenn Hamas, sjálfsútnefndir fréttapostular heimsins, að þaga sannleikann í hel. Hamas skaut við byggingu, sem var notuð af erlendum fréttamönnum, og Al-Arabiya er heimildin. Þessi frétt með Hanan Al-Masri verður örugglega aðeins sýnd af zíonískri fréttastofu PostDocs á Íslandi.

Lífið heldur áfram sinn vana gang á Gaza undir ógnarstjórn Hamas og með vernd SÞ og einfeldninga á Vesturlöndum. Hamas er að sleikja sárin, því lokatakmarkið, útrýmingu gyðinganna og tortýmingu Ísraels, trúa þeir enn á. Þeir hafa verk að vinna.

Hamas hefur hótað þjóðarmorði í 20 ár

 

Ósamræmi á milli lista Al Jazeera yfir látin börn á Gaza og þess einhliða fréttaflutnings sem við höfum verið bombaderuð með síðustu vikurnar, var efni færslu minnar í síðustu viku. Ég hef fengið þó nokkrar heimsóknir vegna þessarar færslu, en enginn getur eða engan langar til að skýra ósamræmið. Skítkast og dónaskap er það eina sem stuðningsmönnum Palestínumanna á Íslandi er fært að stunda.

Það koma alls konar furðufuglar í heimsókn, til að segja mér til syndanna og kalla mig öllum illum nöfnum. Sumt verð ég að fjarlægja vegna stefnu moggabloggsins. Hatrið er greininga mikið í nafni stuðningsins við Palestínumenn. Einn félaginn, Þorsteinn Scheving Thorsteinsson, telur að gyðingar stundi trúarleg barnamorð sér til dægravalar. Það eru bersýnilega sterk rök sem "stuðningslið" Palestínumanna á Íslandi hefur. Gamall gyðingahatursáróður, nasistaklisjur og kjaftæði.

Einn af þeim sem líka kom í heimsókn var Hörður Þ., sem vitnar í miður áreiðanlegan fréttamiðil um litla stúlku, sem mun hafa fallið fyrir kúlum Ísraelsmanna og á síðan að hafa verið étin af hundum. Ég hef beðið Hörð um að útskýra fyrir mér af hverju þessi litla stúlka er ekki með á lista Al-Jazeera. Hörður hefur ekki svarað mér.

Þegar stéttarfélög kalla til mótmælafundar í dag í Háskólabíó og segjast ætla „mótmæla þjóðarmorði", kippi ég mér ekki upp við það. Þegar menn trúa fölsuðum fréttum, er ekki nema von að menn viti ekki hvað þjóðarmorð er og hvernig það er skilgreint samkvæmt alþjóðarlögum.

Það sem Hamas hefur hótað Ísraelum og gyðingum í 20 ár er þjóðarmorð. Furðar það nokkurn að slík samtök noti börn í baráttu sinni, ljúgi um fjölda fallinna (barna) og brjóti vopnahlé um leið og það hefur verið samþykkt, lýsi svo yfir vopnahléi sem enginn hafi samþykkt (og bróti það líklega einnig)?

Myndin er frá Noregi, þaðan sem flestir Íslendingar eru ættaðir. Þar notar maður líka börn í baráttunni, blóðug börn, sem alin eru upp í hatri. Ætli börn Palestínuvina á Íslandi séu alin upp í svona hatri líka?

Hamas kynnir stefnu sína

Ekki þarf frekari skýringa við, en yfirtaka heimsins er greinilega á næsta leyti.

Skoðið MEMRI

Dea Matrona di tutti Matrone corrutte

 

Utanríkisráðherrann hefur enga siðfágun.

Þessar aðferðir Ingibjargar eru leifar frá ráðstjórnaröldinni. En það hljóta líka að vera persónulegar ástæður fyrir slíkri hegðun ráðherrans. Þetta eru alvarlegir brestir. Hún virðist ekki hafa þann faglega heiður sem hún skipar öðrum að hafa

Hringingar af sjúkrahúsi í Stokkhólmi í starfsmann sem ekki heyrir á neinn hátt undir hennar ráðuneyti, er hálfgerð hryðjuverk. Ef einhverjum finnst ég taka of djúpt i árinni, þá er þessi aðgerð ráðherrans að minnsta kosti misbeiting á valdi og ætti að draga ráðherrann til ábyrgðar nú þegar.

Í siðmenntuðum löndum eru ráðherrar látnir fjúka, þegar þeir fara út fyrir valdsvið sitt á óviðeigandi hátt. Ríkisstjórnin hefur ekki ráð á því að hafa siðferðislega blint fólk í röðum sínum. En Ingibjörg Sólrún virðist hafa slíkt hreðjatak á samráðherrum sínum að þeir lyppast um eins og geldingar í haremi hennar og segja hárri röddu, "Já hr. utanríkisráðherra". Hún virðist vera orðin eins konar einræðisherra á Íslandi.

Það er núna sem Geir Haarde ætti að láta Ingibjörgu heyra hvar Davíð Geir keypti ölið. 

Ekkert nýtt 

Það er auðvitað ekki nýtt að Ingibjörg taki geðþóttaákvarðanir án samráðs við sína samstarfsmenn. Sjáið bréfið sem hún sendi til Ísrael um daginn. Þegar ég bað um afrit af því bréfi í samtali við aðstoðarmann Ingibjargar, var gefið í skyn að ég væri starfsmaður Ísraelsríkis. Ekki er nóg með að ráðherrann sé siðmenningarlaus, hún safnar í kringum sig kvenkyns samstarfsmönnum sem ekki geta hugsað rökrétt.

Ingibjörg sendi baráttukveðjur á mótmælafund fyrr á árinu. Þær hljóðuðu svo:

„Ég sendi fundarmönnum mínar bestu baráttukveðjur.  Framlag ykkar er mikilvægt til að vekja athygli á þeim grimmdarverkum sem nú eiga sér stað á Gaza.  Framferði Ísraelsmanna gagnvart óbreyttum borgurum er óafsakanlegt og skýrt brot á alþjóðalögum auk þess sem friðarferlinu er stefnt í voða.  

Íslensk stjórnvöld fordæma þetta framferði og munu hér eftir sem hingað til koma þeirri skoðun skýrt á framfæri á alþjóðavettvangi. Mikilvægt er að allir málsaðilar leggist á eitt við að leiða friðarferlið til farsælla lykta fyrir lok þessa árs þannig að til geti orðið tvö lífvænleg sjálfstæð ríki Palestínu og Ísraels."

Ef tekið er tillit til þess að íslenskir stuðningsmenn Hamas, sem eru hryðjuverkasamtök, stóðu á þessum fundi í marsmánuði 2008 og voru með rauðhvítar kafíur Hamasliða um hálsinn, og það voru Hamasmenn sem hófu árásir á Ísrael þegar þessi orð voru látin falla, þá er greinilegt að Ingibjörg Sólrún Gísladóttir telur það siðferðislega skyldu sína að styðja við hryðjuverkasamtök og að koma í veg fyrir baráttuna við þær. Vel að merkja samtök sem hafa eyðingu Ísraelsríkis á stefnuskrá sinni.

Ingibjörg Sólrún kom boðum til Sigurbjargar

Ríkisstjórnastríð

 

Það er ekki bara á Fróni, að ríkistjórnin er komin í hár saman út af stríðinu á Gaza. Það er hver höndin á upp á móti annarri í Danaveldi. En í Danmörku geta menn þó enn tekið á málum í eigin landi.

En Danir eru alltaf að hugsa um aurinn. Ég held að dönsk utanríkistefna hafi aldrei fjallað um annað en að fá eitthvað fyrir sinn snúð. Meðan íslensk utanríkismál er mikið til orðin þörf utanríkisráðherrans að vera með einhvern snúð í fjölmiðlum, meðan forætisráðherran verður að láta sér nægja kleinur.

Tveir danskir ráðherrar hafa í hyggju að lögsækja Ísrael vegna eyðileggingar bíla sem danska ríkið gaf hryðjuverkasamtökunum Hamas á Gaza, með dönsk hjálparsamtök sem millilið. Í átökunum á milli Hamas og Ísraelshers eyðilögðust þessir bílar. Þeir voru notaðir sem slysavarðstofur á hjólum. Enginn slasaðist þegar bílar þessir eyðilögðust.  Ráðherrarnir, sem vilja fara í mál við Ísrael eru Per Stig Møller og Ulla Tørnæs.

Síðustu fréttir af afrekum Per Stig Møllers voru þær, að hann var upphafsmaður viðræðna sem Danska sendiráðið í Beirút hefur reglulega við leiðtoga Hizbollah.  Það finnst Möller hið besta mál, og afsakar þessar viðræður með því að ESB hafi enn ekki sett Hizbollah á hryðjuverkalista sinn.

Menn geta verið að gráta skaða á dauðum hlutum (bílum) í stríði, en Danir hafi enn ekki greitt skaðabætur til fjölskyldna þeirra sem þeir sendu í dauðann á síðari heimsstyrjöld um leið og þeir stálu fjármunum nokkurra þeirra og eignum.  En kannski er það ekkert einkennilegt. Brenglað siðferði er líka til í Danmörku. Ég afhjúpaði hvernig dönsk yfirvöld og bankar stungu eignum fórnarlamba sinna í eigin vasa, í bók minni Medaljens Bagside, sem hægt er að fá lánaða á betri bókasöfnum á Íslandi.

Allt aðra afstöðu en Per Stig Møller og Ulla Tørnæs tekur forsætisráðherra Dana, Anders Fogh Rasmussen, sem ekki vill ásaka Ísrael fyrir eitt eða neitt, og minnir á að það var Hamas sem byrjaði þessa hrinu á Gaza. Hann segir að Danir hafi engan rétt til að höfð mál gegn Ísrael.  Hlustið á Anders Fogh Rasmussen hér á blaðamannafundi í dag.

Bréfið til Mr. Tzipi Livni

 

Nokkur umræða hefur verið á Íslandi um fordæmingu utanríkisráðherra á Ísrael og greinilegum ágreiningi um þá fordæmingu í Utanríkismálanefnd Alþingis og ríkisstjórninni. Ég hef ritað mínar skoðanir um það mál nýlega.

Þar sem fordæming á Ísrael var rædd á Íslandi, taldi ég víst að slík fordæming hefði verið send til Ísrael, og hafði áhuga á því að athuga það. Rétt eftir áramót hafði ég samband við ísraelsk yfirvöld og spurðist fyrir um það, hvort þau hefðu fengið bréf frá íslensku ríkisstjórninni. Ég fékk þau svör, að bréf hefði komið frá íslenska utanríkisráðherranum, sem ég hef nú fengið í hendur. Bréfið er skrifað af ISG og Grétu Gunnarsdóttur sviðsstjóra (gg) á gamlársdag. Utanríkisráðherra Ísraels er titluð sem Mr. (Hr.), en annars lítur út fyrir að bréfið hafi verið skrifað af edrú starfsmönnum. 

Ég hef margoft reynt að fá bréf þetta frá Utanríkisráðuneytinu, en þar var mér tjáð, að það gæti ég ekki fengið , að það væri ekki venjan að gefa „Pétri og Páli" út í bæ slíkar upplýsingar. Það er greinilega betra aðgengi fyrir almenning og gegnsæi í Ísrael en á Íslandi. Í Ísrael get ég fengið bréfið, en ekki á Íslandi.

Talsmaður ráðherra, Kristrún Heimisdóttir, tjáði mér í morgun í síma, að bréfið hefði verið lagt fram í ríkisstjórn, og að það hafi verið greint frá því í íslenskum fjölmiðlum. Það hefur því miður farið fram hjá mér. En Kristrún sagðist reyndar sjálf vitna til þess í Fréttablaðinu í dag og hvet ég menn til að lesa hvað hún skrifar. Eftir mjög uppbyggilegt viðtal við Kristrúnu Heimisdóttur, sem kann diplómatíuna betur en sumri kollegar hennar sem ég hef rætt við í ráðuneytinu, spurði hún mig m.a. hvort ég starfaði fyrir Ísraelsmenn. Hún tjáði mér í lokin, að vel gæti verið að ráðuneytið setti nú bréfið á vefsíðu ráðuneytisins. Ég set því innihald bréfsins á bloggið mitt. Sjá neðar.

Það vekur sértaklega athygli mína að Utanríkisráðherra Íslands hvetur Ísraelsmenn til að samþykkja ESB tillögur. Ísland er ekki í ESB - ekki enn. 

Svo virðist sem ráðherra tali fyri hönd landsmanna sinna: feelings..."widely shared and expressed by my fellow Icelanders".

Mér finnst þetta bréf vera stórmerkilegt. Hvernig getur utanríkisráðherra Íslenska lýðveldisins sent bréf til annarra landa án samráðs við alla ríkisstjórnina í svo alvarlegu máli? Ekki hefur utanríkisráðherra Íslendinga og forverar hennar stundað slík bréfaskrif til aðila í öðrum deilum, svo mér sé kunnugt um. Hvað fær Ingibjörgu Sólrúnu til að sýna erjum Ísraels og Palestínu meiri áhuga en öðrum stríðum og erjum í heiminum?  

Ég tel mig vita svarið, og vona að lesendur mínir gruni það líka.

 

MINISTER FOR FOREIGN AFFAIRS ICELAND

H.E. Mr. Tzipi Livni

Minister of Foreign Affairs of Israel

                                                                                                                    Reykjavík, 31 December 2008

                                                                                                                    UTN0812020V08.D.516

                                                                                                                                                 ISG/gg

 

Dear Tzipi [handritað]

During our discussions on various occasions I have expressed my strong belief that there is no military solution to the Israeli/Palestinian conflict and the importance Iceland attaches to respect for international humanitarian law and human rights. Accordingly, I can not but condemn the Israeli airstrikes on the Gaza Strip in the past few days, which are disproportionate and clearly contrary to international humanitarian law.

In no way do I condone the firing of rockets from Gaza in order to terrorise Israeli citizens, attacks which are also clearly in violation of international humanitarian law. As you will remember, I had the opportunity to visit Sdrot in 2007 and am well aware of the traumatizing effects of continuous rocket attacks on the civilian population. But a sustainable and enduring peace is the only way to ensure the security of all civilians in the region, Israelis and Palestinians alike. The present actions by Israel are likely to create an environment in the region which will make a just and sustainable peace even more difficult to achieve.

My feelings of horror and sadness regarding the consequences of the renewed Israeli military operations in Gaza are widely shared and expressed by my fellow Icelanders. I appeal urgently to you and the Israeli Government to accept the EU proposal on an immediate ceasefire. It is also essential to lift the blockade on Gaza and secure humanitarian agencies unrestricted and secure access. At the same time it is imperative to reactivate the Peace Process with a view to ending the occupation and reaching a solution providing for two States, Israel and Palestine, living side by side in peace within secure and recognized borders.

 Yours sincerely

Sign.

Ingibjörg Sólrún Gísladóttir

VIÐBÓT 13.1.2009

Í gærkvöld sendi ég tölvubréf til Utanríkisráðuneytisins og forsætisráðherra:

Til utanríkisráðherra

Ingibjargar Sólrúnar Gísladóttur

Virðulegi utanríkisráðherra,

Mig langar að  greina frá því, að ég hef ritað opinberlega um bréf yðar til utanríkisráðherra Ísraels frá 31.12.2009, sem ég las fyrst um í grein aðstoðarmanns þíns í Fréttablaðinu í morgun. Sjá: http://postdoc.blog.is/blog/postdoc/entry/769102/

Ég leyfi mér að lýsa furðu minni á hvatningu þinni til Ísraelsmanna til að samþykkja friðartillögur ESB. Íslendingar hafa ekki kosið um aðild að ESB og þú skýrir ekki frá því af hverju Íslendingar styðja þær tillögur. Hamas hefur hafnað tillögum ESB, eins og búast mátti við. Þeir eru í útrýmingarstríði gegn Ísrael og hafa verið það frá stofnun samtakanna.

Fyrst utanríkisráðherra notar sterkari orð um aðgerðir Ísraela í bréfi sínu til Ísraelskra yfirvalda, en þau sem hún notar í sama bréfi um aðgerðir Hamas í áraraðir, langar mig að benda virðulegum ráðherra á, að hvert einasta af þeim þúsundum flugskeyta Hamas, sem falla á svæði í  Ísrael sem eru jafnþéttbýl og Gaza, eru brot á alþjóðasáttmálum.

Í von um að friður megi ríkja fyrir botni Miðjarðarhafs, þrátt fyrir að margir Íslendingar hafi í áraraðir stundað ógeðfelldar samlíkingar á örlögum gyðinga í Síðari heimsstyrjöld við örlög íbúa Gaza, sem styðja hryjuverkasamtök, sem hafa útrýmingu Ísraelríkis og gyðinga á stefnuskrá sinni.  Öfgafullar skoðanir Íslendinga skipta ef til vill ekki miklu máli fyrir heiminn, en þær eru vel þekktar.

Með bestu kveðjum,

Vihjálmur Örn Vilhjálmsson

Fornleifafræðingur

[o.s.fr.]

 

3 bíó fyrir stuðningsfólk Hamas

Bíó-Villi á PostDoc sýnir í dag myndina Hræsni Hamas. Þetta er ekki nein söngvamynd og það er ekki Omar Sharif sem talar. Allir eru velkomnir meðan húsrúm leyfir. Þeir sem þurfa að

kasta upp óþverra og gyðinghatri, eru beðnir að gera það á eigin bloggum. 

 

AUKAMYNDIN í dag

ný kvikmynd frá Kaupmannahöfn í gær, 9.1.2009. Gyðingum hótað útrýmingu. Myndinni er hælt af stuðningsmönnum Hamas um allan heim.

Börn deyja!

ENGLISH VERSION: See also http://www.theaugeanstables.com/2009/01/11/mads-gilbert-some-background-from-scandanavia/

Children die!

and Hamas hides its activities in civilian houses and schools, where children are numerous. The Israeli Army has found a map, which shows us just that. But the Icelandic media doesn‘t tell us about such findings. Icelanders obviously do not need to know such things. Most of them believe Hamas rather than the Israelis. Just like many Icelanders were fascinated by Hitler and hated Jews before WWII. Little has changed.

Have at look at the CNN coverage of the death of the 14 year old brother of a Gaza cameraman on 7 January 2009, in which a professor of anaesthesiology at the University of Tromsø in North Norway, Mads Gilbert, declares the boy dead. Look at he boy´s wounds, and please note that the CNN reporter, Michael Holmes, says that the boy and his cousin were killed by an Israeli drone during the truce, which that day was between 1 and 4 PM. The boy was hit by the drone, brought to the hospital, died there, brought to a last farewell in his home and buried in the afternoon, all in the same day, i.e. between 1 and 4 PM on 7 January. Sunset on Gaza this day was around 16.30 PM. Was all that possible in three hours?

Then, please listen to an interview with Mads Gilbert on the Icelandic news program Kastljós (Spotlight) on the evening of 7 January 2009, and listen to him describe (in Norwegian) the wounds of two 14 year old boys, who arrived to his hospital during the truce the same day. Do you see head wounds on the boy in the CNN feature?

- - - -

Viðbót 11. janúar/Addition 11 January : This is what Mads Gilbert told an Icelandic reporter about the 14 year old boys on 7 January 2009:

Reporter: “How was it like during the truce?”

Gilbert: “Yes, there was a three hour truce today and there was sunshine and we all hurried out. It was wonderful to be free to hear the bombs but we heard some bombs though. But there were much fewer bombs. We received two patients then, “aargh” or more, they [the Israeli] didn’t actually respect the truce. One of the boys, a 14 years old, lost both eyes and had his entire face crushed. We do not know whether he will survive. He has been operated on. The other boy got bomb shrapnel through the skull and the brain and ha been operated on and is in a respirator, they are both in a respirator.”

See also the Augean Stables Blog /Comment #25 and This entry on The Augean Stables Blog. Little Green Footballs is also on the case.

What is the Norwegian media doing?

 

 

Börn deyja!

og Hamas felur sig í íbúðarhúsum og skólum, þar sem börn búa. Ísraelsmenn hafa fundið kort Hamas sem sýnir einmitt það. En íslenskir fjölmiðlar greina ekki frá því síðastnefnda. Íslendingar þurfa greinilega ekkert að vita slíkt. Flestir þeirra trúa líka Hamas frekar en Ísraelsmönnum. Alveg eins og margir Íslendingar heilluðust af Hitler og hötuðu gyðinga fyrir síðari heimsstyrjöld. Lítið hefur breyst.

Sjáið fréttaflutning CNN (see YouTube link above/CNN has removed the video) af dauða 14 ára bróður myndatökumanns á Gaza þ. 7. janúar, þar sem prófessor í svæfingum og deyfingum við háskólann í Tromsö, Mads Gilbert, lýsir drenginn dauðan. Sjáið sárin hans, og takið vinsamlegast eftir því, að sagt er að drengurinn og frændi hans hafi verið drepnir af mannlausri ísraelskri flugvél á vopnahléstímabilinu sem þennan dag var á milli kl. 13.00 og 16.00. Drengurinn var skotinn, færður á spítala, dáinn, kvaddur heima hjá sér og grafinn eftir hádegi sama dag. þ.e.a.s. á milli klukkan 13.00 og 16.00. Sólarlag á Gaza þennan dag var 16.30. Er þetta hægt?

Hlustið svo á viðtal við Gilbert í Kastljósi að kvöldi 7. janúar og heyrið hann lýsa sárum tveggja 14 ára drengja, sem komu á spítala hans þegar vopnahléð var 7. janúar. Sjáið þið höfuðsár á drengnum sem CNN sýnir?

Minnst 257 börn hafa beðið bana á Gaza

Hamas skýtur flugskeytum frá skóla SÞ á Gaza - eins og oft áður

 

Geta vinir Hamas á Íslandi, utanríkisráðherrann, Félag SÞ eða Palestínuvinafélagið á Íslandi ekki stöðvað miskanotkun skóla Sameinuðu Þjóðanna á Gaza til eldflaugaárása? Getið þið ekki hringt í vini ykkar og beðið þá um að hætta að brjóta alþjóðarlög og taka fólk í gíslingu og nota alþjóðastofnanir til skítverkanna.

Hamas hefur svarið og sárt við lagt, og vinir þeirra votta fyrir þá, að skólar og sjúkrahús séu ekki misnotuð á Gaza. 

AP greindi hins vegar frá því í dag, að vitni hafi hringt í þá frá Gaza og skýrt frá því að verið væri að skjóta frá lóð skólans. Ísraelsmenn hafa líka nýlega birt upptökur af eldflaugaskotum frá þessum sama skóla í fyrra, drengjaskóla UNRWA á Gaza.

Fjölmiðlar hafa þó ekki verið iðnir að segja frá þessu í dag. En sjá hér. Hvenær verðu greint frá þessu í íslenskum fjölmiðlum?

Danski utanríkisráðherrann sem í gær vildi skamma Ísrael fyrir að hafa eyðilagt læknabíla sem Danir gáfu Hamas (þó ekki með ásetningii), verður á morgun að skýra af hverju Hamas skýtur flugskeytum frá skólum á Gaza að yfirlögðu ráði, þótt þeir leiki saklausu lömbin í fréttatímum okkar, og segist ekki gera neitt ljótt.

Starfsmenn SÞ ljúga fyrir Hamas og norskur læknir, sem fagnaði árás Al Quaida á World Trade Center árið 2001, er ekki sannleiksvitni, sem fólk getur treyst. Af hverju veltið þið ykkur upp úr lygum.

Þið sem teljið Hamas-liða í húsum hæfa, skoðið upptökuna frá fyrrnefndum skóla á Gaza í fyrra, og reynið að gera ykkur grein fyrir því að Hamas neitar að stöðva árásir sínar nú. Hamas hefur hafnað vopnahlé í dag. Hamas vill ekki vopnahlé! Markmið Hamas hafa verið ykkur kunn lengi, en þið viljið hvorki heyra né sjá. Ykkur líður greinilega svo vel í Ísraelshatrinu. Markmið ykkar eru ef til vill þau sömu og Hamass.

Viljið þið, sem styðjið Hamas, heldur ekki vopnahlé? Mér sýnist á öllu að þið viljið fórna fleiri börnum vegna stuðnings ykkar við hryðjuverkasamtök.

Jón Ormur Halldórsson stundar sögufölsun á kostnað íslenskra skattborgara

Menn fóru mikinn gegn Hannesi Hólmsteini Gissurarsyni í íslenska þjóðfélaginu, vegna þess að hann vitnaði í leyfisleysi í heilagt þjóðskáld okkar Íslendinga, (sem við eigum ekki þrátt fyrir allt), og vegna þess að fyrir var Hannes hataður með öfgum vegna skoðana sinna.

Jón Ormur Halldórsson (f. 1954) dósent við Háskólann í Reykjavík, sem greinilega er ekki sérmenntaður í sögu Miðausturlanda, fór með fleipur um sögu og þróun mála í Miðausturlöndum í þættinum Víðsjá á RÚV þann 6. janúar 2009. Hann gaf m.a. í skyn að gyðingar stjórni Bandaríkjunum.  Ekki býst ég við að Jón Ormur verði lagður í einelti af samstarfsmönnum sínum fyrir þessar skoðanir sínar og aðrar sögufalsanir, sem hann var með í þættinum. Jón höfðar til vanþekkingu fjöldans, sem þessa dagana horfir með hryllingi á börn Hamas sem nú deyja. Börn sem á tyllidögum voru notuð sem þjóðbúningadúkkur, íklædd þjóðbúningum Hamas, fötum hryðjuverkamannsins og píslavættisins með sprengjubeltið og Kóraninn - meðan feður þeirra voru að stunda hernað gegn saklausum ísraelskum börnum.

Jón Ormur heldur því fram, að Ísraelsmenn hafi skapað öfgasamtökin Hamas og Hizbollah vegna "hrottalegs ofbeldis" Ísraels, og að þessi samtök hafi aðeins verið trúarleg samtök; að Ísrael hafi gert þau að öfgasamtökum. Þetta er svo mikil sögufölsun, að ég mun kynna hana í alþjóðlegu tímariti og sömuleiðis álit Jóns Orms á gyðingum í Bandaríkjum, sem inniheldur alla verstu fordóma sem til eru um þá. Jón Ormur gaf enn fremur í skyn, að "aðgerðarleysi" Obamas vegna átakanna á Gaza væru vegna þess að ráðgjafi hans og starfsmannstjóri eru gyðingar.  Enn alvarlega er, að ríkisfjölmiðill á Íslandi gefur Jóni Ormi tíma og tækifæri til að útbreiða þessar rangfærslur hans og dylgjur, og að enginn starfsmaður þar hafi þekkingu eða vit til að andmæla honum.

Hamas var stofnað árið 1987 af meðlimum hins "Múslímska Bræðralags". Frá upphafi var stefna þeirra að útrýma Ísrael, en ekki friðsamleg trúariðkun. Árið 1988 lýsti Hamas því yfir að Palestína væri Múslímsk land og búseta fólks af öðrum trúarbrögðum yrði ekki þoluð. Opinber yfirlýsing samtakanna frá 1988 vitnaði í rússneskt falsrit gyðingahatara frá lokum 19. aldar (The Protocols of the Elders of Zion, gefin út á Íslandi af Jónasi krata Guðmundssyni árið 1951 undir heitinu Samsærisáætlunin mikla; Siðareglur Zíonsöldunga), sem m.a. rússneskir keisarar og rússneska kirkjan notuðu til að ofsækja gyðinga, myrða þá og hrekja þá á braut. Hamas er skammstöfun fyrir Ḥarakat al-Muqāwamat al-Islāmiyyah sem þýða má "Íslamíska Andspyrnuhreyfingin". Ekki þekki ég mörg trúarfélög sem nota slík nöfn, fyrir utan Hjálpræðisherinn. En blessaður Hjálpræðisherinn hefur aldrei stundað hryðjuverk.

Hamas var stofnað í byrjun fyrstu intífödunnar sem hófst í Jabalia flóttamannhverfinu á Gaza árið 1987. Fyrsta intífadan byrjaði þótt á undan hefði gengið tiltölulega rólegt tímabil í samskiptum Ísraels og Palestínumann. Palestínumenn tíndu sjálfir til aðrar ástæður til þess að þeir hófu árásir sínar á Ísrael árið 1987, svo sem breytt afstaða Egypta og Jórdana til Ísrael, sem var afleiðing friðarferlisins.

 

Músin i "Stundinni Okkar" á Gaza lýsir ætlunarverki Hamas.

Hizbollah varð alls ekki til sem trúarleg samtök. Þegar samtökin bræddust saman úr mismunandi hryðjuverka- og skæruliðahreyfingum shía-múslíma frá 1982 til 1985. Leiðtogar samtakanna sóttu hernaðarstyrk sinn frá Teheran og Damaskus. Löngu eftir borgarstríðið í Líbanon urðu samtökin af pólitískum og andlegum samtökum, sem veifa Kóraninum og segjast vera annt um mannslíf.

Jón Ormur lýgur að íslensku þjóðinni, að ófriðarsamtökin Hamas og Hizbollah hafi verið trúarsamkunda friðardúfna, sem ekkert hafi sér til saka unnið nema að svara hernaði Ísraels, og að Ísrael hafi gert þau að öfgasamtökum. Fyrir utan þetta gaf hann í skyn að gyðingar væru fram úr hófi valdamiklir í BNA. Það er kannski ekki alvarlegt að fara með staðlausa stafi á Íslandi, þar sem menn létu örfáa drullupésa gera sig að ölmusukörlum á nokkrum árum. Dómgreind margra Íslendinga er greinilega ekki upp á marga fiska á hinum síðustu og verstu tímum. Dómgreindarleysi og rangfærslur dr. Jóns Orms munu kalla á aðgerðir.