Er þeim treystandi fyrir þotu?

 

og af hverju eru flugstýrurnar þá í buxum?

Hljóðriti Flugleiðaþotunnar leiddi þetta í ljós skömmu fyrir komuna til Glasgow:

Flugvél: I"celandair FI531 announcing landing at Glasgow airport - over"

Flugturn: "Roger Honey, let us have a word with the Captain, luv - over"

Flugvél: "Djö... I am the captain! - over"

Flugturn: "Good for you. What have you done to Hallbjorn?, Has he gone under - over - and yes we have a Victoria´s Secret store in the terminal - over."

Og svo karlrembubrandarinn: 

Af hverju er ein flugstýran með fjórar rendur á ermunum?

Svar: Hún er miklu á betri saumavél en hinar.

Þetta var nú nærri því ókeypis leið til að komast á listann hjá femínistum. Aðrar konur setja mig vart á lista úr þessu.

Nei, gaman til hliðar, meira af svona flugi. Konurnar eru hvort eð er búnar að taka allt yfir, en þær þéna bara ekki nógu vel til að við karlarnir getum lifað áhyggjulausu lífi við heimilisverkin og barnauppeldið. Svo þurfa þær ekkert karla lengur er mér sagt. 

Eingöngu konur í áhöfn

Réttlæting á hatrinu í Passíusálmunum

Mikil umræða hefur orðið um gagnrýni Simon Wiesenthal Stofnunarinnar á Passíusálmana og lestur þeirra í RÚV. Ég greindi frá gagrýninni á hinu bloggi mínu, Fornleifi, sem fjallar um ýmis konar forneskju eins og til dæmis Passíusálmana. Ég sé mjög mismunandi réttlætingu hjá mönnum á því af hverju þeir telja Passíusálmana fallegan og hreinan trúarboðskap, þótt gyðingar telji sálmana haturssöng í sinn garð. Einn maður hefur t.d. vænt mig um Íslendingahatur og rasisma vegna þess að ég tel sálmana tímaskekkju. Annar vill berja mig með naglspýtu með 5 tommu nagla á Lækjatorgi.

Á Íslandi ætlast menn til þess að starf Simon Wiesenthals Stofnunarinnar (SWC) séu nasistaveiðar. Starf SWC hefur reyndar aldrei einvörðungu falist í því að leita uppi stríðsglæpamenn, líkt og Jóhann og aðrir virðast halda, heldur berst stofnunin einnig við það hatur sem gerði venjulega menn að böðlum milljóna manna í Síðari heimsstyrjöld. Barátta og stríð gegn þessu hatri og öðrum mannréttindarbrotum er aðalverkefni stofnunarinnar, barátta fyrir sannleikanum og helfararafneitun annað, en nasistaveiðar eru svo að segja að renna sitt skeið. Eftir nokkur ár eru þeir glæpamenn sem sumar ESB-stjórnir Austur-Evrópu hafa friðað farnir til helvítis. 

Röksemdir aðventistaprests 

Á Fornleifi skrifar meðal annarra Jóhann Magnús Þorvaldsson aðventistaprestur athugasemd (nr. 57) til að sýna fram á villu SWC-stofnunarinnar og ágæti Passíusálmanna. Jóhann er fyrrverandi prestur Sjöunda Dags Aðventista:

"Tengdafaðir minn, sem var gestgjafi í litlu þorpi í Vestur Þýskalandi á stríðsárunum, var sjálfur í lífshættu vegna þess að hann faldi gyðingafjölskyldu á flótta. Konan mín mundi vel eftir þessari fjölskyldu sem hún aðstoðaði við að fela. Ég bar mikla virðingu fyrir þeim fyrir þetta þegar ég seinna heimsótti þennan stað. " 

Kreye var ættarnafn konu Jóhanns, Irmgard, en hún lést árið 2005 í Noregi. Hafa góðverk Kreye fjölskyldunnar í garð gyðinga verið skráð einhvers staðar? Vissulega! Af veraldarvefnum þekki ég bók eftir Eric nokkurn Kreye, sem var meðlimur í Hitler Jugend, en hann flutti eftir stríð til Bandaríkjanna. Bókin ber titilinn Under the Blood Banner: The Story of a Hitler Youth. Eric Kreye er sjöunda dags aðventisti eins og Jóhann M Þorvaldsson mágur hans og leiðtogi "kirkju" í húsnæði High School Pharmacy í smábæ nokkrum, Estacada, í Oregonfylki.

Af forsíðu bókar Kreyes

 

Og þegar við lesum sögu Erics Kreye, þar sem kemur við sögu  Kreye systir hans, finn ég ekkert um það hvernig Eric, bróðir Irmgards giftist gyðingi eins og Jóhann heldur fram. Faðir þeirra systkina, eigandi Hölscher Gasthaus í Unsen skammt frá Bielefeld í Þýskalandi var meðlimur í Gestapo (sjá hér), en er sagður hafa haft gyðinginn Prófessor Erhardt og konu hans hjá sér am Gasthof. Því er meira að segja haldið fram, að Frau Erhardt hafi komið með dóttur sína Júlíu mikið veika og falið hana í kolageymslu Kreye fjölskyldunnar meðan á loftárásum stóð á stórborgina (Hannover?). Uppáhaldsfrænka Erics var meira að segja gyðingur samkvæmt bókinni (sjá hér).

Lesið bók Kreye hér og hér, sem er athyglisverð lesning.

Kreye, faðir Erics og Irmgards vann um tíma hjá Gestapo í Hameln. En í Hameln var aðeins rekin ein stofnun Gestapo, illræmt fangelsi þar sem fólk var svelt myrt. Þetta hefur sérfræðingur í Hameln sem ég þekki greint mér frá. Gyðingar, Hollendingar, Danir, Tékkar, Pólverjar, Frakkar, kommúnistar og samkynhneigðir voru í þessu fangelsi á stríðsárunum. Ef Herr Kreye hefur unnið fyrir Gestapo í Hameln hefur hann unnið í þessu illræmda fangelsi. Hitler Jugend, sem Eric Kreye var meðlimur í var reyndar stofnað í Hameln árið 1930.

Í Bielefeld, þar sem Kreye átti ættingja, var safnað saman gyðingum af elli- og sjúkraheimilum í nágrenninu. Gamla fólkið var svelt í hel í fangabúðunum Schlosshof í bænum Bielefeld. Á meðan fór Eric Kreye með niðursoðinn mat til ættingja í Bielefeld.

Eric Kreye, sem hefur tekið sér mörg skáldaleyfi, en hefur skrifað opinskáa bók. Hún og meint hjálp Kreye fjölskyldunnar við gyðinga réttlætir hins vegar ekki Passíusálmana. Það sem sagt er um hjálp við gyðinga í bókinni stenst ekki athugun, og bókin verður að flokkast til þeirra þúsunda af lýsingum afkomenda Þjóðverja stríðsáranna sem á seinni árum hafa keppst við að halda því ranglega fram að foreldrar þeirrar eða afar og ömmur hafi bjargað gyðingum. Ef svo margir hefðu í raun hjálpað gyðingum, þá hefði líklegast aldrei orðið nein Helför. Bók Harald Welzer "Opa war kein Nazi" lýsir þessum heilkennum sumra Þjóðverja.

Söguhetjan, Eric Kreye, bróðir Irmgard (sem ég tel víst að hafi verið kona Jóhanns Aðventistaprests) gerðist síðar sjöunda dags aðventisti í Bandaríkjunum.

Sjöunda Dags Aðventistar í Þýskalandi voru ekki frægir fyrir hjálp sína við Gyðinga, þó svo að ég útiloki ekki að góðir einstaklingar í meðal aðventista hafi verið miklar hjálparhellur. Gyðingar sem tekið höfðu trú þína, Jóhann, voru meira að segja framseldir af "trúbræðrum" sínum, 7. dags aðventistum, í hendur nasista!

SWC leitar að sannleikanum. Sá Jesús, sem Jóhann hefur um langan tíma kennt trúna á, kenndi einnig mönnum að hafa sannleikann að leiðarljósi. Eric Kreye, sonur Gasthaus-eigandans sem var í Gestapo, sagði einnig sögu sem ég vona að sé sönn. Hann komst til BNA í stað gyðinganna sem neitað var um landvist þar.

Hallgrímur Pétursson sagði ekki sanna sögu af gyðingum í Passíusálmunum og því mótmæla gyðingar í dag. Það er engin ástæða til að segja glansmyndasögur í anda aðventista ef þær eru ósannar, til þess eins að réttlæta Passíusálmana. En Sálmarnir innihalda, nú sem fyrr, hatur í garð gyðinga. Það er staðreynd.

Ef Íslendingar vilja hylla slíka menningu, þá þeir um það. En það verður ekki gert án kröftugra mótmæla. 

Gasthaus Kreye-fjölskyldunnar i þorpinu Unsen (nærri Hameln og Hannover) eins og húsið lítur út í dag.

Herr Kreye gestgjafi i Unsen, sem samkvæmt bók Eric Kreyes sonar hans var aðeins í Gestapo í þrjá mánuði, náði samt að krækja sér í síldarsalat. Trúverðugleiki bókarinnar er lítill og afrek Kreye- fjölskyldunnar eru að mín mati alls ekki nógu góð ástæða til þess að réttlæta gyðingahatur Passíusálmanna.

Breytt starfssemi Þjóðmenningarhússins

Textann hér fyrir neðan fann ég á heimasíðu Þjóðmenningarhússins, er ég var að leita að beinni útsendingu á landsdómsréttarhöldunum gegn Geir Syndahaarde. Það rann fljótlega upp fyrir mér að sýndarréttarhöld eru ekki sýnd opinberlega á Íslandi frekar en í öðrum ráðstjórnarvelferðarríkjum, Dómurinn, sem pantaður hefur verið, verður vitaskuld einkennilegur. Þjóðmenningarhúsið er notað til að kynna íslenska sögu og menningararf. Greinilegt er að hvorutveggja hefur farið mikið aftur:

Þjóðmenningarhúsið er friðað og tekur notkun hússins mið af friðun þess og sögulegu verðmæti.

Þjóðmenningarhúsið er vettvangur til að kynna íslenska sögu og menningararf.

Aðstaða er fyrir sýningar, fundi, samkomur, fyrirlestra, listviðburði, opinberar athafnir og aðra viðburði svo sem sýndarréttarhöld.

Á neðstu hæð Þjóðmenningarhússins er veitingastofa og verslun.

Í kjallara hússins er gálgi og sýning á píningartólum íslensku búsáhaldabyltingarinnar.

... Æi, ég breytti einu orði eða svo. Vona að það sé í lagi. Sumir stela hundruðum milljarða og sleppa með það. Íslendingar gera sig að fíflum með þessum "réttarhöldum".

Gyðingahatur er 350 ára hefð á Íslandi

 

Páll Magnússon hefur svarað Rabbí Abraham Cooper hjá Simon Wiesenthal Stofnuninni í Los Angeles, sem í síðustu viku benti á að gyðingar litu á Passíusálmana sem andgyðinglegan hatursboðskap og bað um að hætt yrði að lesa sálmana í útvarpi á Íslandi.

Páll Magnússon segir hins vegar, að sálmarnir séu 350 ára menningarhefð á Íslandi og að rabbí Cooper hjá Simon Wiesenthal stofnuninni misskilji þá, án þess að skýra þá yfirborðslegu yfirlýsingu sína nánar.

Enginn maður með viti getur misskilið það sem ort er um gyðinga í þessum sálmum. Þeir innihalda taumlaust gyðingahatur 17. aldar, sem Hallgrímur Pétursson og samtímamenn hans margir voru smitaðir af.  Hallgrímur Pétursson setti sig ekki í spor gyðinga eins og einn íslensku sérfræðingur í sálmunum heldur fram. Hann fordæmir þá og trú þeirra og niðrar þá á alla mögulega máta.

Heiftin og harmagráturinn var svo mikill út af bréfi Simon Wiesenthal Stofnunarinnar, að nasistar og helfararafneitarar komu líka upp úr holunum. Einn þeirra tjáði sig um að hann vildi sjá mig, sem meðvitorðsmann SWC í gagnrýninni, barinn með naglaspýtu með fimm tommu nagla á Lækjatorgi (sjá hér) Það er greinilegt að andargift Passíusálmanna er sterk hjá sumum Íslendingum.

Pólitíkusar og Passíusálmar 

Þetta hatur segir Páll Magnússon að sé 350 ára menningarhefð á Íslandi.  Jú, auðvelt er að sjá það. Áttunda árið í röð lesa íslenskir þingmenn sálmana í Grafavogskirkju (sjá hér). Það er einfaldlega í tísku að lesa sálmana, og voru þeir jafnvel komnir í tísku fyrir íslenska efnahagshrunið, þegar hagsældin stóð sem hæst - og ofmetnaðurinn.

Sálmarnir eru hugsanlega enn meira virði nú fyrir Íslendinga, þegar þeir eru gagnrýndir af útlenskri stofnun sem hefur áður verið vísað frá á Íslandi, þegar hún leitaði eftir meðferð lögregluyfirvalda og dómskerfis í máli stríðsglæpamanns frá Eistlandi sem bjó á Íslandi. Hann fór yfir móðuna miklu, friðaður af þjóð sem hefur 350 ára hefð fyrir menningarlegu gyðingahatri.

Passíusálmarnir eru orðnir að hval. Viðkvæðið virðist vera: Útlendingar úti í heimi skulu ekki dirfast að koma og segja okkur fyrir verkum, eins og þegar þeir segja Íslendingum að hætta að veiða hvali. 

Trúleysingjar og Passíusálmarnir

Myndin af ofan er af yfirlýstum trúleysingja, umhverfisráðherra Íslands, sem á unga aldri var á  Kindergarten í DDR, þegar hann pabbi hennar hennar lærði fræðin á Parteihochschule Karl Marx (Rotes Kloster) am Köllnischen Park in Berlin. Nú er trúin komin til trúlausa fólksins gegnum Passíusálmana. Gæti hugsast að eitthvað í sálmunum höfði sérstaklega til fólks sem hefur haft heiftarlega stefnu gagnvart ríki gyðinga, Ísrael?

Trúleysingjar á Íslandi, sem fylgja merkjum félagsskaparins Vantrúar, hafa reyndar bent á í núverandi gagnrýni á Passíusálmana, að þeir hafi lengi (eða allt síðan 2004) bent á gyðingahatrið í Passíusálmunum (sjá hér). Mikið rétt, og var ég fyrst að uppgötva það nú. Sumir félagar Vantrúar eru hins vegar einnig mjög öflugir í stuðningi  sínum við öfl sem í dag vilja sjá gyðinga feiga. T.d. hefur meðlimur í þessum samtökum setið ráðstefnu Múslímska Bræðralagsins í Kaíró. En trúleysingjar mega eiga það að þeir sjá, að hin 350 ára hefð á Íslandi er siðlaus hatursboðskapur og tímaskekkja.

Hefðin er ekki bara siðlaus, því niðrandi orð um minnihlutahópa og trúarbrögð annarra varða við lög á Íslandi. Íslenskir þingmenn eru að brjóta lög þegar þeir lesa sálma Hallgríms Péturssonar í kirkjum, því sálmarnir fordæma trúarbrögðum annarra.  Mig minnir reyndar að slíkt hatur sé andstætt boðskap Krists, úr því litla sem ég þekki til Kristinnar trúarsetningar. Jesús var að sögn gyðingur. Passíusálmarnir eru fordómar gegn honum og þjóð hans og trú.

Þess vegna er kominn tími til að sleppa haldinu af hinni 350 ára hefð, sem byrjaði með því að fátækur prestur á Íslandi færði dóttur Brynjólfs Biskups Jónssonar sálmana til að ganga í augun á biskupi. Kristnin á Íslandi getur vel lifað án gyðingahaturs 17. aldar.

Gömul hefð

Mér sýnist að enn séu lausir dagar fyrir sálmaflutning þingmanna í Grafarvogskirkju. Hver veit, Þessi lestur gæti bjargað Íslendingum úr öllum efnahagsvandamálum? Kannski sérstaklega þeim, sem ítrekað hafa kennt gyðingum um efnahagshrunið? Sumir íslenskir glæpamenn hrunsins gáfu í skyn að gyðingar á Bretlandseyjum væru að seilast í þrotabú þeirra fyrir slikk. Stuttu eftir hrun árið 2008 sá maður fólk sem líkti Íslandi við gettó og töldu sig vera leidda í útrýmingarbúðir. (Sjá t.d. hér). Það er eitthvað að þjóð sem þarf að gera slíkt - fyrir utan fávisku. 

Ég sá að minn gamli skólafélagi úr Menntaskóla, Árni Þór Sigurðsson las 3. sálminn. Þetta fellur í kramið hjá manni sem lagði til eyðingu Ísraelsríkis hér um árið í Róttæka félaginu í Menntaskólanum við Hamrahlíð, nokkrum árum áður en stundaði nám við Moskvuháskóla. 

Revolucionario og sendiherran Árni Þór Sigurðsson á yngri árum, en það er ekki Jesús sem sést á húfunni

 

Guðmundur Steingrímsson las sálmana sl. sunnudag. Jú, það var afi hans, Hermann Jónasson ráðherra, sem lokaði Íslandi fyrir gyðingum sem flýðu ofsóknir nasista. Ég man ekki betur en að faðir Guðmundar, Steingrímur Hermannsson ráðherra, hafi líka verið afar stoltur af styttu af meðlim úr lífvarðarsveit SS-riddaraliða sem faðir hans fékk frá mektarmanni og morðingja í Þriðja ríkinu. Kannski stefni Guðmundur á ráðherratign með hefð og erfðagóssi, með SS-styttuna í einni hendi og Passíusálmana í hinni?

Passíusálmarnir og gyðingahatur eru vissulega mikil og gömul og skyldleikaræktuð hefð á Íslandi.

Alfred Kempner

Mikil var heift Íslendinga og grimmd, þegar þeir sendu gyðinginn Alfred Kempner frá Leipzig úr landi og vildu borga fyrir flutning hans frá Danmörku til Þýskalands Nasismans. Lesið.

Otto Weg (Ottó Arnaldur Magnússon)

Mikil var heiftin og illmennskan, sem olli því að dr. Ottó Weg, sem einnig kom frá Leipzig árið 1939, fékk aldrei fasta vinnu á Íslandi, þótt hann væri til skamms tíma einn lærðasti jarðfræðingurinn í landinu. Gyðingar voru ekki ráðnir til HÍ, færasti nýrnasérfræðingur Vínarborgar fékk ekki að vinna sem læknir á Íslandi (sjá hér) og aðrir gyðingar fengu ekki að stofna fyrirtæki.

Otto Weg, (síðar Ottó Arnaldur Magnússon), vann í Bretavinnunni á Reykjavíkurflugvelli og hóf síðar einkakennslu sem hann auglýsti í blöðum. Á Íslandi urðu menntunarlausir nasistar að bankastjórum, lögreglustjórum, flugmálastjórum, forstöðumönnum ÁTVR osfr., meðan einn lærðasti maðurinn sem kom til Íslands á fyrri hluta 20. aldar fékk aldrei vinnu.

Otto Weg og bróðir hans, Frans, voru sendir í fangabúðir nasista árið 1938. Frans var myrtur í desember árið 1939 í Buchenwald af mönnum sem fylgdu brjálæðingi sem í bók sinni Mein Kampf skrifaði: "... ég er sannfærður um að ég starfa fyrir hönd skapara okkar. Með því að berjast gegn Gyðingunum. Ég er að vinna verk Drottins." Ottó Weg rétt skrimti á Íslandi, þar sem menn hrópa Lifi byltingin! og Hallelúja! á eftir Passíusálmunum.

Þvílík hefð!

Hallgrímur Pétursson sýknaður af HÍ og tölvan biluð hjá Páli

 

RÚV heldur því fram, að ekkert gyðingahatur sé að finna í Passíusálmunum. Þetta gerir RÚV, þó svo að Páll Magnússon segist ekki hafa fengið bréf frá Simon Wiesenthal stofnuninni í Los Angeles, þar sem því er haldið fram af gyðinglegum guðfræðingi, að gyðingahatur sé í Passíusálmunum.

Föstudaginn 24.vfebrúar kl. 18:35 hélt  RÚV því fram að Páll Magnússon hafi ekki fengið margumrætt bréf SWC, sem hefur verið svo umtalað í dag, að neðri helmingurinn af Ísraelshataranum og ungviðisdýrkandanum Jóni Baldvini hefur fengið stundarfrið. En þetta er afar furðulegt, því kl. 15:47 að íslenskum staðartíma í dag, sendi SWC bréf sitt aftur til Páls á netfang hans [e-mail] . En tölvan hjá Páli Magnússyni segir greinilega "lok lok og lás og allt í stáli, lokað fyrir Páli".

Dr. Margrét Eggertsdóttir, sérfræðingur í Hallgrími, „útgefandi" hans og formaður listafélags Hallgrímskirkju tjáði Íslendingum frá því í síðdegisútvarpinu á RÚV, að það væri ekkert gyðingahatur í Passíusálmunum. Haft er eftir þessari fræðikonu að: „Hallgrímur er að segja þessa sögu á sinn hátt og mér finnst þetta mjög ómaklegt vegna þess að hann túlkar hana einmitt þannig að hann setur sig í spor margra sem þarna koma við sögu," segir Margrét. Skáldið setji sig meðal annars í spor gyðinga. „Þannig að það er alls ekki í anda Hallgríms að fara að skella skuldinni á einhvern hóp eins og gyðinga."

Margrét, sem greinilega veit ekki hvað skrifað hefur verið um gyðingahatur (antijúdaisma) lúterskrar guðfræði á 17. öld, sem Passíusálmarnir eru hluti af, telur að Hallgrímur hafi sett sig í skó gyðinga meðan gyðingar líta svo sannarlega öðruvísi á málin. Kannski er Margrét Eggertsdóttir ein af þeim sem veit betur hvað gyðingahatur er, en þeir sem verða fyrir því?

Ætli Páll svari SWC? Hann er búinn að fá póstinn frá Rabbi Cooper tvisvar. Kannski er tölvukerfið bilað hjá honum Páli Magnússyni, sem skýrir kannski hvernig tekið er á kvörtunum yfir fréttaflutningi RÚV.

Simon Wiesenthal Stofnunin hefur samband við RÚV

Rabbi Abraham Cooper hjá Simon Wiesenthal Center í Los Angeles hefur haft samband við Pál Magnússon útvarpsstjóra vegna Passíusálmanna. Sjá hér

Ég hef svo ritað um forynjuhátt og ómenningu Passíusálmanna á Fornleifi. Sjá hér

Hreðjamikill geithafur fyrir neðan mitti

 

Þannig er hún víst íslenska hetjan í Eystrasaltslöndunum. Þegar hann var i Vilníus og gat ekki riðið skógardísinni sinni í hægum takti, þá kallar hann á 69 á stöðinni og lét keyra sig á gáfumannapöbb þar sem sem gáfulegar konur voru á hverju strái. Þegar hann var á Eistlandi fékk hann kipp í punginn og fór á fínan veitingastað og fékk forrétt frá Úkraínu. Í Ríga hittir hann Rítur á næturklúbbi sem ekkert skömmuðust sín fyrir vinnu sína. Allt var þetta á reiknings íslensku þjóðarinnar. 

Alls staðar, þar sem hann hefur komið til að styðja frelsi þjóða, hefur hann í raun stutt ungar stúlkur, hina slavnesku fegurð úr föllnum sósíalistaparadísum, þar sem þjóðfélagið borgar þeim bara „skid og ingenting". Þá er nú gott að hafa svona sugardaddyman frá hreinasta landinu í heimi.

Og þegar hann var ekki önnum kafinn við mannbætandi hjálparstarf sitt í þróunarlöndunum, var hann enn meira en upptekinn í að skrifa diplómatapóst með lýsingum á sínum innra manni. Hann var nefnilega í frístundum sínum graður satír (sem hann kallaði reyndar satyricon) og er það skjalfest á bréfsefni diplómatíunnar á Íslandi sem vill ólm í skógarleiki í ESB. Satírinn að arna heitir Jón fyrir ofan mitti og er minni hetja en neðri helmingurinn sem virðist hafa stjórnað honum vel og dyggilega, og hefur sá hluti jafnvel hugsað ýmislegt fyrir hann.

Ég skrifa þessa færslu erlendis og munið að satírar eru ekki friðaðir, ekkert frekar en aðrir graðir, gráðugir og rotnir pólitíkusar.

Enginn verður óbarinn biskup

 

 

en það sakar ekki að kunna biblíusögurnar sínar.

Örn Bárður Jónsson biskupsefni telur sig hæfan til að gegna embætti Biskups Íslands. En verða menn ekki að þekkja Biblíuna sína til að teljast hæfir til að gegna svo vandasömu starfi?

Örn Bárður Jónsson hefur í líkræðu sem hann hélt um árið sagt: „Forðum daga voru Ísraelsmenn í útlegð, höfðu verið herleiddir frá Palestínu til Babýlóníu þar sem nú er Bagdad í Írak." (Sjá hér ). Ég get upplýst biskupsefnið, að orðið Palestína varð ekki til fyrr en á 5. öld f. Kr. á Grikklandi en Gyðingar voru herleiddir til Babýlon á 6. öld f. Kr.. Ísraelsþjóðin var ekki herleidd frá Palestínu heldur úr konungsríkinu Júda (Yehud). Palestína var enn bara draumur og sá misskilningur sem það land hefur ávallt verið.

En ef menn berjast fyrir Palestínu nútímans með því að búa til Palestínu á 6. öld f. Kr. og gera það fyrir Palestínumenn sem flestir vilja útrýma Ísraelsríki á skitinn hátt, eins og margir háheilagir á Íslandi vilja reyndar líka, þá er það vegna þess að tilgangurinn helgar meðalið.

Biskupefnið Örn var í göngunni sem þið sjáið myndina af hér fyrir ofan. Hann gerði enga athugasemd við frumstætt táknmál meðgöngumanna sinna, táknmál sem er vinsælt í Palestínu, þar sem menn lesa líka Mein Kampf eftir Hitler.

Mismundandi vannæring

300 börn deyja í heiminum á hverri klukkustund, meðan ég og þú lifum vel eða í vellystingum. Össur Skarphéðinsson, hinn þéttvaxni utanríkisráðherra næstfeitustu þjóðar heims, gaf um daginn Barnaheill á Íslandi stuðning sinn allan í umslagi. Stuðningurinn er vonandi pappírsins virði sem hann er skrifaður á. Jú, á árinu 2012 verður 175 milljónum króna úr íslenska ríkiskassanum varið til starfsemi allra hjálparstofnanna. Deila mætti um hvort það er mikið miðað við velmegun Íslendinga og það sem Össur eyðir í ESB-ferlið svokallaða. Þetta örlæti sitt tilkynnti ráðherra í tengslum við útkomu skýrslu Barnaheillar um hungur, en skýrslan ber heitið Life free from hunger.

RÚV gerði þessari vá heimsins og gjafmildi ESB-umsækjandans skil eins og vera ber, en á einstaklega ósmekklegan hátt. Fréttamenn RÚV höfðu fyrir framan sig skýrslu UNICEF, Barnaheilla og annarra stofnanna, um vinnu gegn vannæringu og öðrum vandamálum milljóna barna í heiminum. En þrátt fyrir það setti erlenda deild fréttastofunnar afar furðulegar myndir við fréttina, myndir sem gefa alranga mynd af hungri og vannæringarástandinu í heiminum.

RÚV sullaði saman myndum af raunverulegri neyð og hungri í Afríku við myndir sem voru teknar fyrir fyrir tveimur árum í Írak, þegar íslenskur meðreiðarsveinn frelsarans Assange var þar á ferð í tengslum við opinberun Wikileaks á upptökunni af árás herþyrlu BNA sem fór úr skorðum. Myndirnar frá Bagdad sýna hvorki hungur né vannæringu, en frekar hinn mikla sóðaskap sem sums staðar er ríkjandi í þessum heimshluta - sem vissulega þarf einnig að berjast gegn.

Í frétt um vannæringu í heiminum sendir RÚV 15.2.2012 út myndir (sjá frétt hér) frá hverfi í Bagdad þar sem gervitungladiskar eru á flestum húsþökum  og þar sem foreldrar "vannærðu" barnanna aka um í jeppum og amerískum bílum. RÚV er eins og ég hef margoft sýnt lúaleg lygaveita. Hvað hugsa starfsmenn fréttastofu RÚV, ef þeir hugsa þá yfirleitt? Hvernig er hægt að birta myndir frá Bagdad til að sýna Íslendingum vannæringu í heiminum? Kaupir fólk svona falsanir

Börn voru vannærð í Írak á dögum einræðisherrans Saddams, sem hélt andstæðingum sínum fyrir neðan fátækramörk. En börnin á myndunum, sem RÚV birtir við frétt um alheimsvandamálið vannæringu, eru börn fólks sem býr í hverfi öfgamanna sem reynt hafa að brjóta á bak stöðuleika þann sem reynt hefur verið ð byggja upp í Írak eftir fall Saddams.Ef fréttamenn RÚV kynntu sér skýrslu UNICEF og Save the Child um vannæringu og hungur, þá kemur í ljós að í Írak er vannæring ekki lengur neitt vandamál. Þjóðir heims hafa hjálpað Írak með góðum árangri síðan Saddam var steypt af stóli. Börn deyja ekki lengur úr hungri í Írak eins og þau gerðu undir ofríki Saddams, sem margir Íslenskir vinstri menn studdu.

Ef þið skoðið myndirnar, sem sýndar voru í fréttum sjónvarps miðvikudaginn 15.2.2012 , sjáið þið að hin vannærðu börn RÚV búa í hverfum Bagdad þar sem allt er fullt af gervihnattadiskum á húsþökunum. Foreldrar þessara "vannærðu" barna aka um á jeppum og amerískum bílum. Hvað er RÚV að reyna að segja Íslendingum með slíkum fréttaflutningi? Að við séum fífl?

Er eitthvað að fréttamönnum RÚV? Eru þeir andlega vannærðir eða heilaþvegnir? Eftir að hafa tekið þann fréttamann tali sem ber ábyrgð á þessu myndavali, tel ég víst að heilþvegin kynslóð fólks hafi hlammast upp á stofnun sem á að gefa Íslendingum sem réttastar og hlutlausasta lýsingar á því sem gerist í heiminum, en sem því miður er orðin hluti af áróðursráðuneyti skinheilagleika og hræsni vinstrimanna, þar sem menn eru að segja sínar skoðanir og greina frá sínum pólitíska heilagleika.

Að mínu mati er allt tal um vannæringu í arabaheiminum nærri því eins mikil hræsni og þegar ég með fullan munninn að súkkulaði set skildinga í bauk söfnunar til að berjast gegn vannæringu. Ég veit mætavel að helmingurinn eða meira af krónunum mínum fer í skrifstofukostnað hjá Barnaheill, Rauða Krossinum, Hjálparstofnun Kirkjunnar eða hvað sem blessuð hjálpastofnunin nú heitir. Heimur múslíma er vissulega mjög fátækur, en aðallega menningalega vegna trúarofstækis og öfga, en einnig í flestum tilfellum vegna endalausra átaka, innbyrðis eða við aðra. Í hinum arabíska heimi býr líka ríkasta fólk heimsins og þar er einnig að finna mikilvægustu auðlindir heimsins. En í þessum volæðisheimi araba/múslíma, sem RÚV vildi blanda inn í fréttina um vannæringu, eru auðinum líka mest misskipt í heiminum.

Telur RÚV, með myndafölsun sinni, að það sé hlutverk okkar á Vesturlöndum að hjálpa fólki sem getur hæglega hjálpað sér sjálft, en reisir í staðin hyllingar úr gulli í eyðimörkinni, meðan bræður þeirra eru vannærðir samkvæmt UNICEF? Telur RÚV að skyndimyndir frá hverfum öfgamanna í Írak, sem ala á deilum og ósætti, séu til þess heppilegar að sýna Íslendingum afleiðingar vannæringar? Ef eitthvað er, þá sýnir þetta andlega vannærða staðla fréttamanna á RÚV.

Hinar myndirnar af vannærðum börnum, sem við sáum í frétt RÚV um gjafmildi ESB-ráðherrans, voru af vannærðum börnum voru frá Afríku. Það eru eru réttmætar myndir í fréttaflutningi um eitt alvarlegasta mál heimsins. Í Afríku eru börnin í öðru hvoru landi vannærð og í mörgum löndum hrynja þau niður í sulti ef þau eru ekki höggvin í spað af múslímum eins og í Súdan. Afríka er enn vandamál heimsins en arabalöndin skapa fyrst og fremst sjálf sín vandamál vegna ójöfnuðs og öfgastjórnarfars. Börn í arabalöndum eiga auðvitað bágt að búa í slíkum ríkjum.

Það er til margs konar vannæring, einnig andleg, og get ég mér til að andleg vannæring hrjái ýmsa fréttamenn RÚV. Andleg vannæring lýsir sér einnig þegar Össur Skarphéðinsson og ríkisstjórn hans sér sóknarmöguleika fyrir Íslendinga með peningum einhvers rotins kommaapparatníks frá Kína. Vissuð þið að 128 milljónir manna í Kína lifa undir fátækramörkum? Börn eru vannærð í stórum hlutum Kína. Og svo kemur einhver pótintati til Íslands, sem segist heita Núbó Púbó og vera skáld og náttúrudýrkandi, og vill fjárfesta í heilum og hálfum öræfum. Ætli stolnu peningarnir hans væru ekki betur komnir í vasa kínversku fátæklingum sem hann hefur arðrænt? Hvað finnst ykkur?

Þessi landi Núbós er víst ekki aflögufær fyrri Íslendinga. Þessi maður er einn þeirra milljarða manna sem Össur íturvaxni Skarphéðinsson talaði um að færu svangir að sofa, ef hann er þá ekki dáinn. Ætli hann viti að sumir Íslendingar vil ólmir fá eins mikla kínverska peninga og mögulegt er til verkefna uppi á öræfum Íslands? Kannski hefur hann í einni af hungursmartröðum sínum séð Íslendinga sníkja fé af kínverskum flokksgæðingum, sem fengið hafa frímiða til arðráns og græðgisútrásar.

ESB-Stjórnin, vélarvana og aflalaus með stolinn kvóta

Forsætisráðherra fór ekki á Viðskiptaþing. Er nokkur þörf á því? Þar stjórna sjóræningjar á staurfótum sem hjálpuðu dyggilega til við að setja þjóðina á hausinn. Einn þeirra vel stæðu vill ólmur fá sér evrustoð svo hann fari ekki höllum fæti í verðbréfahöllinni í Kaupmannahöfn. Þeir ríku vilja evru í stað þess á ganga á síðustu aurunum á krónustubbunum. Þarf forsætisráðherrann nokkuð að fara á Viðskiptaþing meðan viðskiptajöfrar gera sér ekki grein fyrir því hvað evran er?  

Steini gamli sjóari, drukkinn í landi, er greinilega ýmsu vanur. Það er orðið aðal viðkvæði hans í hvert skipti sem mótbára skellur á skútunni leku. Hann ætlar sér þó ekki að fara í land þótt að þjófnaðarlög messadrengsins Árna Páls prestssonar hafi verið drekkt í Hæstarétti. Fyrr kaffærði Steini Hæstarétti - já og haldið svo kjafti.

Akfeitur yfir- og utanríkisbátsmaður, sem  rær í því alla daga að auka hag næstfeitustu þjóðar heims (og sjálfs síns), vill nú bjarga hungrandi börnum heims. Góðhjarta er hann undir öllu spikinu, enda ráðherra í ekta norrænu velferðaríki. Þetta getur hann karlinn meðan hann stefnir að því að fá fleiri kínversk veitingahús upp á öræfi og að lifa skriffinnskusníkjulífi í ESB, þar sem litlu, grísku börnin svelta. Það verða hvorki soltnu börnin í Langtiburtistan né þau grísku sem fá íslenskan fiskinn, þegar boðið verður upp Ísland í ESB.

Meðan maður er í skipafréttunum, er gott að gæta að þeim gömlu sem ættu að vera á Hrafnistu, en eru að skellast í sólarlandaferðir með Heimsferðum. Æi já, aftur er rafmangslaust í tjaldinu hjá Imbu í Kabúl. Tímarnir voru betri hér áður fyrr hjá henni og öðrum. Eins og einn vinur hennar sagði „Kosningar fáið þið, en fyrst mun ég drepa ykkur". Ætli það verði örlög Íslendinga, þeirra sem ekki verða flúnir til Noregs eftir auglýsingaherferð RÚV? Margir eru þegar dauðir úr leiðindum vegna núverandi áhafnar Stjórnarskútunnar, og sumir meðlimið áhafnarinnar viðast vera nær dauða en lífi.

Ég frétti af stjórnlausu skipi á reki í gærkvöld. Ætli það hafi verið strandhöggsskipið ESB-Stjórnin, vélarvana og aflalaust með stolinn kvóta og slitna nót?