Hvað sameinar danska vinstri menn og nasista ?

Varla er nokkuð leiðinlegra en íslensk stjórnmál, ef vera skyldi þau dönsku. En nú er fjör á Hallarhólma. SF, Socialistisk Folkeparti, hefur yfirgefið stjórnarsamstarfið. Formaður flokksins Annette Vilhelmsen hefur ekki sér séð fært að halda áfram í ríkisstjórninni eftir að flokkstjórn SF hefur andmælt ákvörðun hennar og stjórnarmeðlimanna í SF að styðja við ríkisstjórnina sem vill selja 19% í orku- og gasfyrirtækinu DONG til Goldman Sachs.

Nú á eftir verður kosið um tillögu ríkistjórnarinnar um að selja 19% hlut DONG til Goldman Sachs, og þrátt fyrir brotthvarf SF úr stjórninni, verður öruggur meirihluti fyrir þeirri ákvörðun. Jafnvel hörðustu kommar í SF, eins og Ole Sohn, sem ég ber mikla virðingu fyrir sem sagnfræðingi, styðja söluna. Þeir sem ekki gera það, láta skoðanir sínar á Goldman Sachs stjórna gerðum sínum.

Nasistar mótmæla með vinstri mönnum

Við þekkjum öll sögu Goldman Sachs á síðari árum, en þegar maður heyrir fólk fyrir framan Christiansborg sem mótmælir sölunni, vegna þess að Goldman Sachs er "gyðingabanki", er ljóst hvað drífur suma vinstri menn áfram: Það er GYÐINGAHATUR Um daginn fór um Danmörku tölvubréf frá fyrrverandi yfirlækni í augnlækningum, sem hvatti fólk til að mótmæla sölu 19% hluta DONG til Goldman Sachs. Læknirinn upplýsti fólk um að Danmörk skuldaði fjölda milljarða til Rothschild Banka.  Danskir nasistar tóku þátt í mótmælum gegn sölu hlutabréfa Dong til Goldman Sachs, vegna þess "Goldman Sachs eru gyðingar."  Sumir hafa svipaðan hugsunarhátt. 

Þennan öldung þekki ég. Við vorum einu sinni saman í norrænum vinnuhóp til að bæta við minjum á Heimsminjaskrá UNESCO. Hann er fyrrverandi prófessor á RUC (Roskilde Universitetscenter). Mjög dagfarpróður maður en með laus skrúfu þegar að því kemur að leysa t.d. atvinnuleysisvandann og önnur vandamál í Danmörku.

Svipað gyðingahatur og blossaði upp eftir hrun á Íslandi, þegar menn og jafnvel verstu bankadónarnir voru að gera því skóna að "gyðingabankar" stæðu á bak við glæpi íslensku fjáróreglumannanna: Sjá hér. Og fræg er orðin greinin eftir íslenska hagræðingin Mixa sem var á þeirri skoðun að Rotschild ættin stæði á bak við og fjármagnaði stríð, sjá hér.

Eftir hrunið á Íslandi töldu sumir Íslendingar sig vera í gettói og fórnarlömb helfarar meðan aðrir kenndu gyðingum um stöðuna.

 

Fyndið, jafnvel neyðarlegt, er að sjá hvernig sumir meðlimir SF, sem er nú klofinn í herðar niður sem flokkur, tala um "baráttu gegn heimskapítalismanum" og um að flokkurinn eigi að vera "afgerandi sósíalistaflokkur". Hvernig á að útrýma atvinnuleysi í Danmörku? Kannski með heimilisiðnaði og föndri?

Danska ríkisstjórnin er nú minnihlutastjórn Krata og Radikale Venstre (sem er einn af systurflokkum Framsóknar) þótt stefna Framsóknar og Radikale Venstre séu á allan hátt ólíkar. Nú er veik stjórn í Danmörku, og heldur varla velli mjög lengi, vegna þess að nöfnin Goldman og Sachs fara illa í "ekta" sósíalista í Danmörku. Þeir og nasistar vilja ekki að DONG sé selt úr landi, vilja helst reka fyrirtækið sem ríkisstofnun. Kallaðist það ekki hér um árið þjóðernissósíalismi eða var það kannski þjóðernisrómantík...?

Mótmælendur DONG-sölunnar nota kolkrabbann líkt og nasistar gera á teikningum sínum litla myndin er af síðu andsíonista.

Sendisveinar Obama

 

Björn Bjarnason og Evrópuvaktin birtu í gær áhugaverða greiningu á útnefningu nýrra sendiherra Bandaríkjamanna á Íslandi, í Noregi og Ungverjalandi. Þeir einstaklingar sem Obama-stjórnin tilnefndi komu fyrir nefnd, U.S. Senate Committee on Foreign Relations, þ. 16 janúar sl. Sjá upptöku hér. Ég er á því að slík nefnd væri nauðsyn á Íslandi. Fólk verður að kunna eitthvað, vita eitthvað og kunna sig sem fulltrúar landa sinna, en jafnframt bera virðingu fyrir þeirri þjóð sem þeir eru fulltrúar fyrir.

Greinilegt er að Norðmenn fá ekki skarpasta hnífinn í skúffunni, þegar Georges James Tsunis (mynd efst) sest á stól sendiherra BNA í Noregi. Tsunis er af grískum ættum, sonur fátækra innflytjanda sem náðu í skerf af ameríska draumnum. Hann hefur sjálfur risið hátt í lögfræðifyrirtækjum og hótelbransanum, og keypt sér áhrif. Nú er verið að launa honum greiðann.

Fáviska sú sem Tsunis sýndi fyrir nefndinni, þegar kom að stjórnmálum í Noregi, var afar neyðarleg. John McCain gerði réttilega grín að frammistöðu sendiherraefnanna. Því sem Tsunis þurfti að svara, hefði hann getað kynnt sér áður á hálfsdags hringferð á veraldarvefnum. Tsunis varð svara vant, strandaði í svörum sínum, talaði um forætisráðherra Noregs sem forseta og var fullur af vanþekkingu á Framfaraflokknum í Noregi, en það er þó ekki að undra miðað við hvernig heimspressan hefur brennimerkt þann flokk af vanþekkingu. Í salnum fyrir aftan spyrjendur voru greinilega blaðakonur frá Noregi, sem hristu hausinn yfir frammistöðu Tsunis.

 

Bell hjónin, bold and beautiful

 

Verðandi sendiherra BNA í Ungverjalandi heitir Colleen Bradley Bell. Hún fer til lands þar sem kynþáttafordómar og öfgar eru stórt vandamál. Hún sýndi líka mjög mikla vankunnáttu. Hún er framleiðandi Bold and the Beautiful-þáttanna, sem er furðulegt þegar tekið er tillit til þess að hún er demókrati. Hún fékk góða kennslustund um fasismann og öfgarnar í Ungverjalandi. Hún var mest beautiful.

Rob Barber nýr sendiherra BNA á Íslandi.

 

Nýr sendiherra BNA á Íslandi, Robert C. Barber, slapp best í gegnum nálaraugað af þeim þremur sem prófið þreyttu. Þetta virðist vera ágætis maður, 63 ára lögfræðingur. Barber er fæddur deap down in Georgia og ólst upp í Suður-Karólínu. Hann kann að setja sig inn í efnið og hann hafði unnið heimavinnuna sína. Vonandi verður hann ekki eins mikill trúður og fráfarandi sendiherra, sem bauð íslamistum í veislu einn daginn og samkynhneigðum hinn daginn (sjá hér). Sagt er að Barber hafi lokið prófið hinum fína menntaskóla Philips Academy árið 1968. Hann er enn ekki kominn á "vegg" fyrir merka nema í þeim skóla (m.a. George W. Bush), en kemst það líklega eftir veruna á Íslandi.

Takið annars eftir hrósi Senators Benjamin Cardins um Ísland (ca. 1:09) sem er eins og klippt og skorið út úr ræðu eftir Ólaf Ragnar Grímsson. Þetta gleymdi Björn Bjarnason að nefna !

Það eru víðar til svín en í Póllandi

Pólverjar eru ekki svo ósvipaðir Íslendingum. Gyðingahatur er æði mikið meðal beggja þjóða, jafnvel þótt að á Íslandi hafi vart búið gyðingar svo heita mætti, og þó svo að gyðingum Póllands hafi verið útrýmt og þeir sem eftir urðu hafi verið flæmdir í burtu af kommúnistum.

Nýleg rannsókn, sem fór fram í Póllandi og gerð var af háskólanum í Varsjá, sýnir að meirihluti Pólverja álíti að gyðinglegt samsæri sé á bak við banka og fjármál heimsins sem og fjölmiðlana. 90% Pólverja segjast hins vegar aldrei hafa hitt fyrir gyðing.

Rannsóknin leiddi einnig í ljós 8% aukningu síðan 2009 á meira "hefðbundnu" gyðingahatri. 23% Pólverja trúa því nú að Gyðingar hafi myrt Jesús og noti blóð kristinna við ýmsar helgiathafnir.

Gott fólk í Póllandi hefur áhyggjur af þessari þróun, en samt heyrast raddir í pólska þinginu, Sejm, sem telja gyðinga í Póllandi föðurlandssvikara. Lesið greinina í Haaretz. 

Til að bæta svörtu ofan grátt, ofan á allt gyðingahatrið sem er daglegur viðburður í Póllandi, þá ákváðu menn nýlega að hengja upp málverk frá 18. öld í dómkirkjunni í Sandomierz, sem sýna á morðathafnir Gyðinga á börnum fyrr á öldum.  Sjá hér og myndina efst. 

Slík upphenging er kannski ekki mikið verri en þegar menn lesa Passíusálmana á Íslandi. Hvortveggja er ósmekkleg tímaskekkja.

En kommúnistar, nasistar og múslímar léku sér einnig, og leika sér reyndar enn, af ásökunum á hendur gyðingum fyrir barnamorð, þar sem gyðingar eru ásakaðir um að nota blóðið í t.a.m. hin ósýrðu brauð á Páskum sínum. Nú hefur þessi miðaldaóskapnaður verið færður yfir á Ísraelsríki, sem allir fullgildir sérleyfishafar á réttar skoðanir til vinstri vaða í frumstæðum hatursáróðri gegn Ísrael.

Wer im Glashaus sitzt, sollte nicht mit Steinen werfen

Ummæli illa upplýsts fréttamanns á RÚV, (og eru hann einn margra slíkra), hafa dregið dilk á eftir sér. Svo virðist sem í austurríska handknattleikssambandinu, Österreichischer Handball Bund, séu menn jafn sögulausir og starfslið RÚV, því sambandið "ætlar að leita réttar síns" út af ummælum íslenska fréttamannsins sem lýsti  íslenska landsliðinu sem "þýskum nasistum sem slátruðu Austurríkismönnunm árið 1939".

Fáum hlutina á hreint: Þó svo að menn séu fádæma illa að sér á Fréttastofu RÚV, visir.is sem og á sænskum og þýskum fjölmiðlum, þá réðust Þjóðverjar ekki á Austurríki árið 1939 og Austurríkismönnum var aldrei slátrað. Þeir tóku hins vegar þátt í slátruninni. Innlimum Austurríkis í Þýska Ríkið átti sér stað í mars 1938 og hét sú innlimun Anschluss, sem Austurríkismenn tóku að mestu leyti með stillingu. Síðar kusu Austurríkismenn að tilheyra Þýskalandi í frjálsum kosningum, og allir vita líka að Adolf Hitler kanslari Þýskalands var Austurríkismaður.

Íslenska landsliðið slátraði ekki einu sinni Austurríkismönnum, eins og þýski herinn slátraði gyðingum og í þeim her voru Austurríkismenn, og foringi þeirra var Austurríkismaður. Ekki veit ég hve margir handknattleiksmannanna úr liðunum á myndinni efst, sem hittust á Makkabí-leikunum, heimsleikum gyðinga, í Berlín haustið 1936, fórust í helförinni. En ef til vill voru slátrarar þeirra í þeim liðum frá Þýskalandi, Danmörku, Austurríki og Svíþjóð sem kepptu í handbolta í febrúar árið 1938 í Þýskalandi?

Nasistabolti árið 1938. Þýskaland vann mótið og innlimaði mánuði síðar Austurríki.

 

Anschluss varð til þess að gyðingar í Austurríki misstu öll sín réttindi, og síðar var þeim sem ekki tókst að koma sér í burtu ekið í fanga- og útrýmingarbúðir. Vonandi veit Austurríska Handknattleikssambandið þetta. Stundum er ég í vafa um, hvort nokkur viti þetta á fréttastofu RÚV, því þar er enn slíkur óheyrilegur áróður í garð Gyðinga og þjóðríkis þeirra, sem m.a. varð til vegna árásar Þjóðverja á Austurríki og meðreiðar Austríkismanna í helförinni. Halda mætti að annar hver í ungliðadeild fréttastofu RÚV væri öfgafullur gyðingahatari.

Austurríska handknattleikssambandið getur vart leitað réttar síns yfir fávisku Íslendings hjá ríkisfjölmiðli, en ef menn þar á bæ eru jafn illa af sér í morðsögu nasismans, þá ættu þeir að minnast þeirra gyðinga sem bannað var að stunda íþróttir eftir Anschluss í mars 1938 og sem síðar voru sendir í dauðann af Þjóðverjum og meðhjálpurum þeirra, Austurríkismönnum, sem tóku svo um munar þátt í helförinni! Það verður ekki af þeim skafið.

Nú þegar Björn Bragi Arnarsson, sem hlýtur að hafa verið fallisti eða tossi í sögu, ef hún hefur þá yfirleitt verið kennd í þeim skólum sem hann sótti, er búinn að biðjast afsökunar, væri kannski við hæfi að Österreichischer Handball Bund bæðist einnig afsökunar á vankunnáttu sinna manna á sögu landsins.

Og hvenær baðst svo austurríska handboltasambandi afsökunar á þessu framferði í Vín í maí 1937 ? Þetta vara greinilega mikil nasistaíþrótt sem laðaði að sér öfgar - og gerir því miður enn. Þetta gerist einnig í öðrum íþróttagreiningum. Sjá hér og neðst, þegar króatískur leikmaður heilsaði að hætti fasista eftir leik við ... Íslendinga.

Þegar þaga á Ísrael í hel ...

UNESCO, menningarstofnun Sameinuðu Þjóðanna, bannaði á síðustu stundu sýningu um Ísrael sem opna átti 20. janúar næstkomandi í aðalstöðvum stofnunarinnar í París.

Sýningin, sem ber heitið "People, Book, Land - The 3,500 Year Relationship of the Jewish People and the Land of Israel", er unnin af Simon Wiesenthal stofnuninni í samráði og samvinnu við UNESCO og aðra aðila. Búið var að bjóða til sýningarinnar en hryðjuverk innan UNESCO veldur því að hætt hefur verið við sýninguna, alveg eins og gert er við myndlistasýningar sem þykja of klámfengnar.

Ísrael og sýning um ríkið og þjóð gyðinga fer fyrir brjóstið á öfgamúslímum og mörgum stuðningsmönnum þeirra á Vesturlöndum - og samkvæmt nýjustu fréttum eru það einnig viðrini í stjórn Obama sem standa á bak við bannið á sýningunni.

Sannast hér með að allur heimur araba og múslíma vill Ísraelríki feigt og reynir að koma í veg fyrir að heimurinn geri sér grein fyrir því að landið hefur verið kjarni tilveru Gyðinga í meira en 3500 ár.

Forstöðumaður Simon Wiesenthal stofnunarinnar, Rabbí Marvin Hier hefur  m.a. sagt:

UNESCO er ekki ætlað að vera ritskoðunarstaður ... stofnuninni er ekki ætlað að neita einni þjóð um sögu sína" 

Nú eru gyðingar ekki myrtir í útrýmingarbúðum í Evrópu eins og fyrir 70 árum síðan, en reynt er með öllum ráðum að útrýma sögu þjóðarinnar, sem líka markaði spor í löndum eins og Sýrlandi, sem nú er verið að eyðileggja - ja með blessun UNESCO, sem heldur ekki sagði neitt þegar einræðisherra Sýrlands byggði hraðbraut til flugvallar Damaskusborgar og ruddi burt stærsta grafreit gyðinga í Miðausturlöndum. Saga UNESCO er ljót og stútfull af tvískinnungi og hatri.

Sjá frekar hér

Nú er jafnvel kalt í helvíti/paradís

Það hefur vart farið framhjá nokkrum, að snjó hefur kyngt niður í Miðausturlöndum. Snjór féll meira að segja í miklum mæli í Kaíró og á blóðið sem rennur á Sýrlandi. Reyndar eru snjókomur á þessum slóðum ekkert nýtt fyrirbæri, nema fyrir nýjum kynslóðum af fréttamönnum sem eru að uppgötva heiminn. Myndin efst er af niðurkomu í Jórsölum árið 1900 og þessi myndarlegi snjókarl var einnig búinn til í Jerúsalem:

Vinur minn einn í Ísrael sem býr í Efrat, sagði að mest hefði verið 80 sm snjóalög þar sem hann býr nærri Hebron og á nokkrum stöðum varð rafmangslaust vegna fannfergisins.

Þetta óvenjulega veðurfar er mönnum mikill gleðigjafi. Flestir skemmtu sér og gleymdu meintri heimshitnun í einhvern tíma:

Frosty the Rabbi

Rabbi Schneur Schneersohn Eisbein, future Rabbi of Iceland

Frozen peacenik

 

Bolnonium 210 snowman?

 

 

Israel's missile defence?

 

Kannski þarf snjó í "friðarferlið"?  En snjókoma fær ekki alltaf það góða fram í öllum mönnum eins og  kvikmyndin hér neðst sýnir. Myndin sýnir skrílsháttalag sem minnir á gyðingaofsóknir í Evrópu fyrr á öldum. Þannig var reyndar líka ráðist á Ísraelsk hjón í Reykjavík fyrir nokkrum árum, af skólakrökkum á för með kennurum sínum. Flestir Íslendingar halda auðvitað með skrílnum og óska ég þeim gleðilegra jóla. Jesúsbarnið var víst líka gyðingur. Kastið fyrsta snjóboltanum í það ef þið eruð syndlaus.

Hvar eru öll hin fórnarlömbin?

Fastafulltrúi Íslands í Genf afhenti Páfanum í Róm trúnaðarbréf og nýtti tækifærið, að sögn Visir.is,  til að "ræða ofbeldið við Páfa". Vísir á hér við meint ofbeldi og barnaníð innan kaþólsku kirkjunnar á Íslandi. En skyldi Martin Eyjólfsson, sem er góður kaþólikki, vera fullviss um sekt starfsmanna kirkju sinnar á Íslandi og hefur hann frætt páfa um eitthvað í þeim málum, þótt engar sannanir séu fyrir hendi? Martin sagðist ætla að biðja fyrir Páfa. Ef frétt Vísis er á einhvern hátt rétt, er líkast til réttara að Páfi biðji fyrir lausmálugum fastafulltrúanum.

 

Ósamræmi í frásögnum meintra fórnarlamba

Vitnisburður meintra fórnarlamba kynferðisofbeldis starfsmanna kaþólsku kirkjunnar á Íslandi hefur verið eitt helsta jólaefni sumra fjölmiðla að undanförnu og fylgir þeim krafa um milljónaskaðabætur sem fjölmiðlar og fyrrverandi ráðherrar reka á eftir, þó engin sekt sé sönnuð. Það vekur furðu mína, að framburður meintra þolenda stangast á við þær upplýsingar sem þeir veittu rannsóknarnefnd kaþólsku kirkjunnar. Þar að auki er ósamræmi á milli þeirra frásagna sem fjölmiðlar miðla nú, sem ekki komu fram við rannsóknina, þannig að ætla mætti að annað hvort hafi blaðamenn Morgunblaðsins eða DV verið afar ónákvæmir í endursögn sinni af segulbandsupptökunum, eða að þolendur séu tví- eða margsaga og bætir sífellt í endurminningarnar.

Meintir þolendur ofbeldisins segja einnig, að margir aðrir hafi orðið fyrir barðinu á sams konar glæpum og þeir halda fram að þeir hafi sjálfir orðið fyrir. Hvar er allt þetta fólk? Kannski veit fastafulltrúinn í Genf það, eða utanríkisráðuneytið. Já, hver veit, kannski Ögmundur Jónasson sem líka kyndir undir fordómunum í þessu máli.

Ég skal gefa ykkur dæmi um mismunandir gerðir sögu sem nú er sögð af Valgarði Bragasyni, sem hann greindi ekki rannsóknarnefnd frá.

Dæmi um ósamræmi

1) Morgunblaðið, mbl.is 21.11.2013

"Alverstar eru þó minningar hans úr sumarbúðunum á Riftúni. Þar valdi Margrét Müller reglulega einn dreng til að verja nóttinni með séra Georg og varð viðmælandi mbl.is nokkrum sinnum fyrir valinu. Segir hann að vaktkona í svefnskála drengjanna hafi ekki virst sjá neitt athugavert við þetta jafnvel þótt, hann hafi barist um á hæl og hnakka ef hann var „valinn". Hann var þá háttaður nakinn upp í koju til séra Georgs þar sem fór fram einhvers konar endaþarms samfarir eða nudd af hálfu prestsins gagnvart drengnum, þá 8 og 9 ára gömlum."

2) DV 6.-9. desember 2013, bls. 13

"Frá þeim tíma á ég minningar sem ég hef aldrei skilið. Mer var oft gefin flóuð mjólk fyrir svefninn og tel að mér hljóti að ha verið byrluð lyf. Því ég átti þessa minningu sem ág áttaði mig aldrei á og hélt að væru bara draumar, þegar sér Georg var að halda á mér á náttfötunum yfir bílaplanið á Riftúni og bera mig aftur í rúmið mitt í svefnsskálanum. Ég skildi samt ekki af hverju mig var alltaf að dreyma sama drauminn aftur og aftur og þessar minningar hafa alltaf fylgt mér. Ég er alveg viss um að ég hafi verið misnotaður á meðan ég svaf, enda var ég að glímavið mikil óþægindi varðandi endaþarminn á þessum tíma og missa saur."  ... Reyndar segist Valgarður hafa veitt þvi eftirtekt að fleiri drengir voru teknir úr svefnskálanum á nóttunni. Ég vissi ekki af hverju en eftirá þá var það mjög skrýtið"

Valgarður Bragason

Í Morgunblaðinu segir Valgarður frá því að hann var háttaður nakinn upp í koju séra Georgs en í DV eru þetta minningar úr draumi, kojan er farin og honum hefur nú verið byrlað ólyfjan. Blaðakona á Mbl. viðurkenndi gagnvart mér að hún breytti nunnu í vaktkonu. Þetta var nunnan Nellie McLaughlin, sem í dag er þekkt nunna á Írlandi, og af einu góðu. Hún kannaðist ekki við neitt í sögu Valgarðs þegar rannsóknarnefndin hafði samband við hana. Hvaða hag ætti hún að sjá í því að ljúga um þetta mál? Jú, andstæðingar kaþólsku kirkjunnar eru upp til hópa trúaðir á samsæriskenningar.

Hvar geyma allir þessir misþyrmdu drengir í minningu Valgarðs Bragasonar sig? Þeir ættu líka að geta tjáð sig um kojuna sem Georg svaf í. Allir sem muna eftir húsaskipan i íbúðarhúsinu í Riftúni og sáu inn í herbergi Georgs, vita þó að þar var engin koja.

Deyfilyfin koma inn í myndina

6. desember2013 segir Valgarður blaðakonu DV frá draumförum sínum og hvernig hann missti saur, þótt slíkt hafi ekki verið komið í lýsingar hans rúmir viku áður í Morgunblaðinu: Nokkrum dögum áður skrifaði ég á bloggi mínu:

"Fyrsta sumarið sem ég dvaldi í Riftúni fór ég þegar í maí mánuði austur. Ég fékk mikla magakveisu (ég var með laktósaóþol, sem ekki var reyndar ekki mælt fyrr en ég var 49 ára). Kveisurnar voru miklar í þetta sinn. Nunnur tvær, ein þýsk og hin íslensk (Klementía/upphaflega Svanlaug Guðmundsdóttir) gáfu mér lyf sem mér var sagt að væri mjög sterkt verkjalyf með ópíum í. Mixtúran var í brúnu glasi með rauðu innsiglislakki efst. Ég svaf eins og steinn eftir að hafa tekið inn lyfið og vaknaði ekki fyrr en síðla næsta dag, þegar sr. George stendur við kojuna mína (efri koju, svo fólk með dónalegt hugarfar fari ekki að láta sig dreyma) og spurði mig hvor ég vildi eitthvað að borða og kom síðar með súpu og samloku til mín."

Engar lýsingar á deyfilyfjum eða grun um notkun þeirra koma fram í máli meintra þolenda kynferðisofbeldis í Landakoti og Riftúni, eins og því er lýst í skýrslu rannsóknarnefndarinnar. Fyrsta skipti sem það gerist er á blogginu mínu. Saga mín er sönn. Viku síðar er Valgarður farinn að tala um að sér hafi verið byrluð deyfilyf, en hann man þetta sem í draumi.

Það var heldur ekki fyrr en ég skrifaði blogg um málið árið 2009, að fórnarlömbin byrjuðu að tínast úr högum gleymskunnar og bælingarinnar og segja sögur sem á vissan hátt hljómuðu eins og mínar. En ofan í það illa sem ég lýsti var bætt barnaníði, sem vitasaklaust fólk getur nú átt á hættu að vera ákært fyrir í tíma og ótíma eins og við sjáum.

Íslendingar vilja ógagnrýnið trúa slíkum glæpum upp á erlenda presta kaþólsku kirkjunnar, kirkju sem reyndar á undir högg að sækja. En þegar kennari í Reykjavík verður fórnarlamb óþekktra ásakana, keppast Íslendingar í kviðdómi götunnar við hvern annan um að sýkna manninn og lýsa ágæti hans undir þeirri meginreglu, að saklaus er sérhver sem ekkert ójafnt er sannað á - og þeirri reglu eigum við að fylgja, einnig þegar kemur að látnum, kaþólskum presti.

Þó ég sé ekki í vafa um sakleysi kennarans í Norðlingaskóla, einfaldlega vegna þess að ég þekki ekki meinta sekt hans, þá var hann alveg viss um "eðli" kaþólsku kirkjunnar hér um árið og dómharður með ólíkindum. En hann er nú fórnarlamb sömu fordóma og hann hafði gagnvart meintum barnaníðingi, sem og vegna laga sem að mínu mati eru á skjön við stjórnarskrá og mannréttindasáttmála sem Íslendingar hafa undirritað.

Kamban og gyðingurinn Thalmay

Í gær skrifaði ég ritdóm um bók Sveins Einarssonar um Guðmund Kamban og lýsti óánægju minni með það að hann virðist ætla sér með bók sinni að hreinsa nasistann Guðmund Kamban. Sveinn segist þó ekki hafa notað heimildir sem hann fékk aðgang að um morðið á Kamban, því honum, eins og öðrum, voru settar strangar, danskar reglur um birtingu þeirra upplýsinga. Í samtali á ÍNN kom þó í ljós að Sveinn hefur að mínu mati lesið skjöl danska dómsmálaráðuneytisins, þó hann um leið segðist ekki hafa nýtt sér þau. Sveinn gæti vel hafa lýst því sem í skjölunum stendur, án þess að nefna nöfn. En hann velur að láta menn lifa í mýtunni um Kamban, sem veldur því t.d. að starfsmaður lygaveitunnar RÚV kallar "morðingja" Kambans múgæsingarmann. Hvaðan hefur lygaveitan þær upplýsingar?

Þegar Simon Wiesenthal stofnunin krafðist rannsóknar á máli stríðs-glæpamannsins Eðvalds Hinrikssonar árið 1992 brugðust ýmsir einstaklingar heiftúðlega við. Þeir vildu ekki heyra sannleikann, sem þó kom fram að lokum. Leifur heitinn Sveinsson lögfræðingur æsti sig mjög og ritaði dómsmálaráðuneyti Dana bréf , þar sem hann krafðist þess að ráðuneytið svaraði þremur spurningum um dauða Kambans.  Dauði Kambans var greinilega sumum á Íslandi meiri harmdauði en allir þeir gyðingar sem Mikson og félagar hans myrtu í Eistlandi.

Ég bið lesendur mína  vinsamlegast að lesa frásöguna af Jacob Thalmay í ritdómi mínum á Fornleifi í gær. Ég er ekki eins viss um og Sveinn Einarsson í sápuþvætti sínum á Kamban, að Kamban hafi ekki borið blak af nasista-ofsóknum Þjóðverja. Kamban var í félagsskap sem fyrirleit gyðinga. Kamban hefði ekki fengin sýknudóm hefði hann ekki verið skotinn. Svo einfalt er það mál. Lesið einnig um Kamban og Kalkúnann

Hans Draeger og Vidkun Quisling

 

Myndin efst sýnir Kamban með Dr.h.c. Hans Draeger (t.h.) sem var yfirmaður Nordische Verbindungs-stelle, sem sá um áróður nasista á Norðurlöndum. Myndin neðst sýnir Draeger med Quisling og enn neðar með landssölu-manninum Scavenius í Danmörku. Einkunnarorð Draegers voru "Evrópa fyrir Evrópubúa". Draeger kom að stofnun Institut zur Erforschung der Judenfrage. Kamban kunni svo sannarlega að velja sér vini við hæfi.

Hans Draeger (t.v.) og Scavenius (t.h)

Lesið einnig um

Kalkúna Kambans

Píanó féll ofan á Arafat

 

Íslenskir fjölmiðlar eru þegar búnir að kenna Ísraelsmönnum um morðið á Arafat með Pólóníum-210. Furðudýrafræðingur fréttastofu RÚV, Þorvaldur Friðriksson, flutti nýlega frétt þess efnis. Það er komið í íslenska annála. Össur Skarphéðinsson var meira að segja búinn að mótmæla "morðinu" áður en hann var settur af sem utanríkisráðherra.

Nú kennir örugglega einhver á fréttastofu Fatah í Efstaleitinu Ísraelsríki fyrir ígerðina sem Arafat var með og sem dró hann til dauða. Á endanum verður líklega hægt að klína því á Ísraelsríki að þeir hafi skaffað rassdrengina sem smituðu frelsishetjuna af AIDS.

Rússar eru þegar búnir að útiloka Pólóníum-210 sem dauðaorsök foringjans. Ef einhverjir eru sérfræðingar í Pólóníum-210 þá er það hirð Pútíns keisara  En þeir segja okkur líklega á endanum að karlinn hafi orðið undir píanói.

Frelsishetja, í landi sem aldrei hefur verið til og sem arabar töldu á sínum tíma hluta af Sýrlandi, deyr vitaskuld á mjög mismunandi hátt. Menn eru margsaga af Palestínu og sagan sem menn segja er ósönn að mestu leyti.

Takið eftir úlnliðnum á Arafat á myndinni efst.

Úr sögu Framsóknarflokksins. Aðalástæðan fyrir því að ég treysti ekki þeim flokki. Sjá hér.

Ekki eitrað fyrir Arafat

Nafn fórnarlambsins

Morgunblaðið hefur í þessari viku sagt frá meintum, ónafngreindum fórnarlömbum séra Georges og Fräulein Müller í Landakoti. Segjast fórnarlömbin ekki hafa fengið nægar bætur frá kirkju sinni. Lýsingar á meintum glæpum látinna starfskrafta kirkjunnar er allar safaríkari og klámkenndari en þær lýsingar sem koma fram í skýrslu rannsóknarnefndar kaþólsku kirkjunnar. Þó svo að rannsóknarnefndin hafi ekki geta fengið staðfestingar hjá vitnum, sem sum fórnarlömbin nefndu til sögunnar, þá er Morgunblaðið t.d. með lýsingu á því að gæslukona ein í Riftúni hafi ekkert aðhafst þegar drengir voru valdir úr með valdi til að eyða nóttinni naktir í koju með sr. George. 

Það er skrítið að enginn muni eftir þessu nema þolandi sjálfur. "Gæslukonan", sem blaðakona Morgunblaðsins nefnir til sögunnar, var algjörlega á ábyrgð hennar, því fórnalambið mun hafa sagt blaðakonunni að þetta hafi verið nunna og að hún héti "Nelly". Blaðamaðurinn umritaði því agnarlítið staðreyndir, sem er náttúrulega vítavert athæfi. Blaðakonan viðurkenndi svo að þarna væri um nunnuna Nellie McLaughlin að ræða. Nellie þessi er í dag þekkt og virt nunna á Írlandi. Rannsóknarnefndin hafði samband við hana og kannaðist hún ekki við þá hræðilegu atburði sem áttu að hafa gerst þegar hún vann á Íslandi.

Mikið virðist líka hafa gerst í Riftúni frá þeim árum að ég var þar (1969-70) og fram til þess að einn drengur var færður séra George "að fórn" á nóttu hverri, þar sem drengurinn sængaði nakinn með prestinum og var misnotaður. Sá sem því lýsir nú fyrir trúgjörnum lesendum Morgunblaðsins segir að hann hafi verið færður til "koju" séra Georges. 8-9 árum áður en þetta fórnarlamb segist hafa verið í Riftúni, svaf George ekki í koju. Hann svaf alls ekki í svefnfskálanum, heldur í íbúðarhúsinu í Riftúni, tugum metra frá svefnskálanum.

Heldur nokkur heilvita maður á Íslandi að aðrir drengir á aldrinum 6-13 ára í Riftúni hafi ekkert tekið eftir slíkum aðförum og hafi ekkert gert þegar leikfélagar þeirra voru teymdir óviljugir í bólið til séra Georges? Þögnin hentar ykkur nú!

Ef ég hefði orðið vitni að slíkum aðförum að öðru barni, hefði ég umsvifalaust sagt foreldrum mínum frá því. En ekkert slíkt átti sér stað í Riftúni. 

Myndin sýnir börn að leik í Riftúni árið 1969. Ljósmyndari er Vilhjálmur Örn Vilhjálmsson og ég tók einnig þær myndir sem þið sjáið hér neðar. Þarna má sjá Henning Busk, sem í dag er hjartalæknir í Magdeburg, dreng sem hét Klemenz, sem ég veit ekki hvar er niður kominn í dag, einnig Eirík son Gunnars Friðrikssonar sápuframleiðanda, en Eiríkur er í dag kennari í Walddorfskólanum. Einnig má sjá Helga Kárason, sem í dag er mikill trúmaður og Ísraelsvinur. Maður man ekkert eftir nöfnum á stelpum frá þessum árum enda ekki  kominn með áhuga fyrir slíkum verum þá. Þarna sést einnig í bakið á systursyni Müller sem er í hvítum sokkum. Drengurinn var haldinn kvalarlosta. Tvær stúlknanna eru hærri en hinar og eru það ugglaust systur sem áttu franska móður og bjuggu lengi á Ægisíðu í íbúð sem áður hafði tilheyrt foreldrum mínum. Ætli nokkuð af þessu fólki hafi annað en góðar minningar úr Riftúni? Gaman væri að fá viðbrögð.

Ætli Marc (eða Marco), sem kom ofan af Velli, það er Herstöðinni (fremst), eða Bjarni Ben Bjarnason bróðir Ricós og Jossís (fyrir miðju) eða þessi ljóshærði aftast, hafi orðið fyrir barðinu á vonda tvíeykinu í Riftúni? Ég efa það. Þeir hefðu nú bara barið hjúin.

 

Hundurinn á Þóroddsstöðum er ekki til frásagnar lengur, en hann, hænsnin og gæsirnar á nágrannbænum lifðu vel af matarúrgöngum frá Riftúni yfir sumarmánuðina. Við krakkarnir fórum með úrgangana í brúsa, nema þegar við vorum sett í bann af Müller. Hún setti í sífellu slík "schtröff" á börn fyrir minnstu sakir.

 

Eitthvað verulega kínkí er í gangi þarna, ef trúa má þeim sem vita allt um kirkjuóeðli. Bak við dyrnar á bak við stúlkurnar uppi á stólunum var altari kapellunnar/leiksalarins í syndaselinu Riftúni. Við hliðina á altarinu var herbergi Müller, og ef trúa á öllum þeim sögum sem nú teljast til sannleika á Íslandi hefur hún "fornikerað" þar með séra George, þegar hann var ekki að misnota börnin sem hún færði honum úr svefnskálanum.

Klemenz með hænu. Klemenz var ættingi systur Klementíu, sem einnig starfaði í Riftúni. Hún húðskammaði eitt sinn Muller fyrir mína hönd.

Blaðamaður Morgunblaðsins upplýsir, að rannsóknarnefndin sem lauk störfum árið 2011 hefði haft samband við manninn að fyrra bragði árið 2011. Blaðamaðurinn hefur svo skýrt það út fyrir mér, því það undraði mig hvernig rannsóknarnefndin gat fengið slíkar upplýsingar, ef þær höfðu ekki komið fram í fjölmiðlum eða í erindi frá fórnarlambinu sjálfu. Una Sighvatsdóttir blaðamaður skrifar: " Kveikjan var, eftir því sem ég best veit, sú að annar maður sem rannsóknarnefndin ræddi við nefndi nafn míns viðmælanda og taldi sig vita að hann hefði fengið sömu meðferð. Rannsóknarnefndin hefur líklega viljað fá staðfest hvort það væri rétt."  Þetta hljómar mjög undarlega, þar sem í skýrslu nefndarinnar kemur eftirfarandi fram í lýsingu á máli þessa tiltekna fórnarlambs:

"Jafnframt kom þó fram að viðkomandi væri að mestu leyti að segja rannsóknarnefndinni frá í fyrsta sinn." (sjá bls. 73).

Þetta verður að skýra ásamt mörgu öðru ósamræmi á milli skýrslunnar og þess sem fórnarlömbin tjá sig um á safaríkan hátt í fjölmiðlum nú þegar þau fá ekki þá peninga sem þau bjuggust við. Ég stend fast á þeirri skoðun minni, að nefndin hafi ekki verið starfi sínu vaxinn. Hún talaði við biskup (Gijsen, sem nú er látinn) sem sannað hefur verið á að átti til undarlega hegðun gagnvart ungum drengjum í hans vörslu, en ekki var reynt að rannsaka fortíð séra Georges í Hollandi, sem er flekklaus. En Gijsen var notaður sem "karketervitni" fyrir séra George! 

Lesið meira um málið í síðustu færslu, þar sem ég er með kafla úr bréfum mínum frá Riftúni 1969-70.