Þegar þaga á Ísrael í hel ...

UNESCO, menningarstofnun Sameinuðu Þjóðanna, bannaði á síðustu stundu sýningu um Ísrael sem opna átti 20. janúar næstkomandi í aðalstöðvum stofnunarinnar í París.

Sýningin, sem ber heitið "People, Book, Land - The 3,500 Year Relationship of the Jewish People and the Land of Israel", er unnin af Simon Wiesenthal stofnuninni í samráði og samvinnu við UNESCO og aðra aðila. Búið var að bjóða til sýningarinnar en hryðjuverk innan UNESCO veldur því að hætt hefur verið við sýninguna, alveg eins og gert er við myndlistasýningar sem þykja of klámfengnar.

Ísrael og sýning um ríkið og þjóð gyðinga fer fyrir brjóstið á öfgamúslímum og mörgum stuðningsmönnum þeirra á Vesturlöndum - og samkvæmt nýjustu fréttum eru það einnig viðrini í stjórn Obama sem standa á bak við bannið á sýningunni.

Sannast hér með að allur heimur araba og múslíma vill Ísraelríki feigt og reynir að koma í veg fyrir að heimurinn geri sér grein fyrir því að landið hefur verið kjarni tilveru Gyðinga í meira en 3500 ár.

Forstöðumaður Simon Wiesenthal stofnunarinnar, Rabbí Marvin Hier hefur  m.a. sagt:

UNESCO er ekki ætlað að vera ritskoðunarstaður ... stofnuninni er ekki ætlað að neita einni þjóð um sögu sína" 

Nú eru gyðingar ekki myrtir í útrýmingarbúðum í Evrópu eins og fyrir 70 árum síðan, en reynt er með öllum ráðum að útrýma sögu þjóðarinnar, sem líka markaði spor í löndum eins og Sýrlandi, sem nú er verið að eyðileggja - ja með blessun UNESCO, sem heldur ekki sagði neitt þegar einræðisherra Sýrlands byggði hraðbraut til flugvallar Damaskusborgar og ruddi burt stærsta grafreit gyðinga í Miðausturlöndum. Saga UNESCO er ljót og stútfull af tvískinnungi og hatri.

Sjá frekar hér

Athugasemdir

[Ragnhildur Kolka, 18.1.2014 kl. 10:14]

SÞ hafa runnið sitt skeið sem sameiningarafl þjóða. Í dag er stofnunin verkfæri íslamskra ríkja og Vestræn ríki láta sér vel líka, enda tilbúin að kaupa sér frið hvað sem hann kostar. Undirliggjandi hatur á gyðingum í Evrópu og semi-músliminn í Hvíta húsinu hjálpa til.

[sigurdur hermannsson (IP-tala skráð) 18.1.2014 kl. 12:37]

Saga Israel er er ljotari, er eg hraeddur um.

Siggi, Lebanon.

[FORNLEIFUR, 18.1.2014 kl. 15:13]

Ljótari en hvað, Siggi Lebanon?

[Brynjólfur Þorvarðsson, 19.1.2014 kl. 11:21]

Auðvitað á ekki að banna sýningar af pólítískum ástæðum - jafnvel þótt sýningin virðist, miðað við fréttina í Algemeiner, sjálf vera pólítísk.

Að staðhæfa að gyðingar hafi einhverja 3500 ára sögu í Palestínu er auðvitað vafasamt. En stjórnvöld í Ísrael vilja gjarnan halda þessu fram til að réttlæta hernám landsins.

Eða með öðrum orðum: Við hertókum landið fyrir 3500 árum og drápum alla íbúa þess. Svo vorum við erlendis í 2000 ár, en ætlum núna að endurheimta það sem við stálum á sínum tíma. Ótrúlegt að menn skuli reyna að réttlæta sig með svona hugsunarhætti.

[Ragnhildur Kolka, 19.1.2014 kl. 15:03]

Brynjólfur, Tyrkir sem réðu þessu landsvæði tengst af gerðu manntal í Jerúsalem á síðari hluta 19. aldar. Á þeim tíma reyndust gyðingar næstum jafnmargir og arabar. Er þó talið að þar sé um vantalningu að ræða hjá gyðingum, þ.s. Einhverjir hafi sleppt að gefa sig fram af skattalegum ástæðum. En gyðingar voru skattlagðir sérstaklega af herraþjóðinni.

Það er því ekki rétt að gyðingar hafi verið fjarverandi í 2000 ár.

[Þorvaldur S (IP-tala skráð) 20.1.2014 kl. 20:15]

„Þaga“???  Þegja? 

[skvísa (IP-tala skráð) 25.1.2014 kl. 00:39]

Vel mælt Ragnhildur og allt er þetta rétt.

En ég hefði haldið að söguþekking sumra á síðunni væri meira en þetta það kemur mér alltaf á óvart hve margir íslendingar vita í rauninni lítið um sögu Ísraels...svo nú er ráð fyrir suma að byrja að lesa sér til ;)