Þetta er ekki stjórn vinstrimanna

Þetta er gerræðisstjórn og vitleysingasamkunda. Þessi ríkisstjórn hefur nú sýnt óeðli sitt. Hún er að koma á DDR skipulagi, þar sem sannleikanum er haldið frá borgaranum. Hinum almenna borgara er ekki treyst. Kjósendur er dregnir á asnaeyrum.

Gay-cabinet Jóhönnu, sem heimurinn brosti við í byrjun, er búið að sýna eðli sitt og ónáttúru. Íslendingar vilja ekki fara í viðræður um ESB með prettum, þrýstingi, afarkostum og kratavélabrögðum. Evrópskir kratar fá ekki auðlindir Íslands á silfurfati fyrir mistök íslenskra glæpamanna sem íslenskir stjórnmálamenn, sem nú vilja ólmir í ESB, hylltu og sleiktu afturendann á.

Við höfum forsetalera sem blandaði sér í mál og hagsmuni stórfyrirtækja, en sem nú hefur fest hvítu hanskana í gatinu í máli sem varðar framtíð þjóðarinnar.

Þetta fólk sem ætlar í ESB, eins og sumir taka inn verkjatöflu, getur snautað af landi brott og sest að í þeim löndum sem hafa evrur, gull og græna skóga. Það er að stjórna landinu í óþökk meirihluta landsmanna.

Segjum NEI við eiturbikar öfugstjórnarinnar.

Subrogate

Var ekki einhver að segja að latína hefði verið vanrækt í íslenska skólakerfinu:

Subrogo (surrogo) -are, to suggest that a person be chosen as substitute for another (used of the magistrate presiding at the comitia; sufficere of the people choosing): in annum proxiumum decemviros alios, Cic.; conlegam in locum Bruti,; with double acc.; sibe Sp. Lucretium conlegam, Cic.

Ekki lærði Svavar Gestsson latínu í DDR-Berlín, svo mikið er víst. Bið ég menn um að lesa það sem ég sendi yfirmanni samningarnefndar Hollendinga, einnig þetta, þetta, þetta, þetta og þetta. Sumir fá Dabba á heilann, ég hef hins vegar fengið Svabba. En ég hef alltaf verið á þeirri skoðun að gamlir stjórmálamenn séu ekki endurnotanlegir og að blaðamenn ættu ekki að fara út í stjórnmál.

Johan Barnard tjáði mér nýlega þetta álit sitt á Svavari:

I noted your doubts about ambassador Svavar Gestsson. Given your expertise you will understand better than most of us that history can lead to unexpected results and also that one should never judge too early. During the course of the talks on Icesave I had already learned that Svavar Gestsson had studied in East Berlin, more or less in the same years in which Indridi Thorlaksson studied in West Berlin. At one point we shared a few jokes about this. To my impression Svavar Gestsson is a very experienced, intelligent and likeable man, who led the Icelandic negotiation committee in a most commendable way and involved in this all the members of his team who came from all of the important Icelandic ministries and institutions. And obviously the team reported to the Icelandic government, as I reported to my minister.

Legg ég til að við finnum Surrogate fyrir Svavar og ríkisstjórnina, sem enn virðist ekki hafa leyst upp heiladabbann sem hún fékk.

Svavar fullkomlega vanhæfur

Starfsmaður Tryggingarstofnunar bloggar í vinnunni

 

Sigurður M Grétarsson, sem vinnur hjá Fjárlaga- og Hagdeild Tryggingarstofnunar Ríkisins, er á blogginu í vinnunni.

Ég gærkvöld gerði ég athugasemd við blogg ungs manns sem er hallur undir samsæriskenningar um hrun World Trade Center turnanna í New York 11.9. 2001.

Klukkan 10:32 í morgun skrifaði Sigurður M Grétarsson athugasemd, þar sem hann segir að ég hafi logið í ísraelsk dagblað og gerir því skóna að ég sé landráðamaður.  Hann vitnar í fyrsta lagi rangt í grein þá sem hann vill dæma mig landráðamann fyrir.  Það að auki er hann að blogga í vinnunni.

Er ekki nóg að gera á Tryggingarstofnun Ríkisins? Ég hélt það. Þar er að minnsta kosti alltaf verið að lækka bætur þeirra sem verst hafa það.  Ef lítið er að gera í stöðu Sigurðar M. Grétarssonar væri kannski hægt að spara á hann, eða láta hann gera meira. Hvað með að hann sendist. Hann á hjól.

Fyrir rúmu ári var Sigurður, sem er mikill stuðningsmaður Hamas, á ferðalagi í Tælandi. Hann hafði heldur ekki nóg að gera á Tælandi, því hann setti fram öfgafull og meiðandi ummæli um mig á bloggsíðu mína. Ég fjarlægði þessi ummæli hans. Hann tók sig þá til og sendi þessi ummæli úr 7 mismunandi tölvum. Í hvert sinn sem ég hafði fjarlægt þau, fann hann nýja tölvu á Pattaya og sendi ósómann aftur. Sigurður setti fram ósæmileg ummæli um mig í morgun í vinnutíma sínum á tölvu Tryggingarstofnunar Íslands. Hann styður samtök í vinnutímanum, sem fögnuðu 9/11 árásinni.

Sigurður mun vera búddisti. Má ljúga og ofsækja fólk með offari í Búddatrú? Mega starfsmenn Tryggingarstofnunar skrifa blogg í vinnutíma eða ásaka menn um landráð á tölvum Tryggjó?

Þetta þætti mér vænt um að vita í von um að Sigurður M. Grétarsson leggi af leiðinlega iðju á kostnað ríkisins.

Steingrímur J. hættir í pólitík

Hefur ákveðið að leggja aftur fyrir sig sönginn og gefur brátt út diskinn EfaSemdaBoltinn. Á honum má finna smelli eins og "Peningar eru ekki allt", "Bless Davíð", "Velti bílnum", "Evruvision", "Ég á ekki krónu", "Svavar segir", "Ég fer í fjós tvisvar í viku", "Icesave the World", "Bindandi", "Evrótt" og "Hvað veit fólk?".

Tyrkneskt vor á Íslandi

 

Um daginn var ég að kaupa smáræði hjá tyrkneska kaupmanninum mínum. Rak ég þá upp stór augu, þegar ég sá tímaritið Bahar (Vorið) á afgreiðsluborðinu og framan af því íslenska fánann, mann svipaðan Bubba að veiða úti í miðri á og svo stóð IZLANDA, Atesin buzla dans ettigi, krizin vurdugu ülke.

Inni í blaðinu var svo heilmikil grein eftir Mehmet Bayhan, mynd af honum á köldu klaka í Jökulsárlóni, mynd af vörum sem fallið höfðu úr hyllum í verslun í jarðskjálfta og svo myndir frá komu Bülent Arınç, aðstoðarforsætisráðherra Tyrklands á Íslandi, þar sem hann sat fund ráðherra Evrópuráðsríka um um fjölmiðla og samskipti. Sá fundur var dagana 28-29 maí sl.

Í heimssókn sinni hafði ráðherrann og fylgdarlið hans tíma til að hitta Tyrki sem búa á Íslandi, og var tekin mynd af þeim við Tjörnina.

Ég hafði samband við einn ritsstjóra Bahar, Hasan Cücük, sem greindi mér lítillega frá innihaldi greinar Mehmets Bayhans. Bayhan, sem hefur áður hefur komið til Íslands, lýsir Íslendingum sem vingjarnlegri og hjálplegri þjóð, og skrifar að landið sé yndislegt þrátt fyrir kreppuna.

Blaðið Bahar (Vorið) hefur komið út í 9 ár, 11 mánuði á ári, en nýlega breytti blaðið um mynd. Það var áður prentað á dagblaðapappír en er nú litríkt mánaðarblað á la Mannlíf. Blaðið er selt eða því dreift um öll Norðurlöndin.

Það er gaman af svona greinum. Manni hlýnar um hjararæturnar þegar einhverjum þjóðum þykir vænt um Ísland, sérstaklega nú í kreppunni.

Mehmed Bayhan á ísnum

Hirðfífl heimsins

Það er greinilegt, og verður æ greinilegra, að íslensk yfirvöld og embættismenn, jafn fyrir sem eftir hrunið, voru og eru hópur óhæfra lassaróna, sem vissi lítið nema um ímyndað ágæti sitt. 

Þeir lofsungu spillinguna, sem saklaust fólk þarf nú að súpa seyðið af, og voru álíka sofandi á verðinum og íslensku bankaúlfarnir voru vakandi, þegar þeir rúðu einfalda féð og átu fyrir framan augun á þessum snillingum á Alþingi og ráðuneytunum. Aðalfjárhirðirinn á Bessastöðum var í sæluvímu allan tíman og leitaði leiða með Ingibjörgu Sólrúnu til að Ísland fengi hlutverk á meðal þjóðanna.

Það sem kemur fram í þessari frétt kemur fram í skjölum sem hollenskir sérfræðingar við háskólann í Amsterdam höfðu aðgang að, og sem þeir skrifuðu skýrslu um - skýrslu sem hollenskir vitleysingar sem trúðu á Icesave-reikninga ætla að nota til að fara í mál við Íslendinga - skýrslu sem íslensk yfirvöld voru ekki að hafa fyrir að birta á www.island.is og eða láta þýða fyrir sig sjálfa og  íslensku þjóðina.

Íslendingar eru nú taldir vera ein vitlausasta þjóð á jörðu, gjaldþrota, en samt enn í miðri ofurneyslu. Við erum vitleysingar á ölmusu "góðra manna" úti í heimi, og enn eru stjórnmálamenn og embættisblækur að leita sér að útópíu og hlutverki á meðal þjóðanna. Það hlutverk í heildarmyndinni er nú fundið. Íslendingar eru hirðfífl heimsins. 

Þetta eru eins og óþekk börn í sandkassaleik. Nú halda kratakrakkarnir að þeir geti komið þjóðinni inn í ESB-útópíuna, með því að selja almenning í ánauð með Icesave skuldinni sem kratar skelltu á þjóðina. ESB er enn ein ímyndunin, enn einn flóttinn frá veruleikanum.

Við fyrirgefum þeim ekki, þótt þau hafi ekki vitað hvað þau voru vitlaus.

Starfsmenn AGS mótmæltu

Reikistjarna

Nú á 1000 ára afmæli litháísku þjóðarinnar hefur litháískur listamaður, Stacys Banifacius Ieva, tekið upp á því undarlega athæfi að ganga með Davíðsstjörnu á bakinu um þjóðvegi Litháens.

Stacys segist ekki þekkja neitt annað tákn, sem hefur eins mikla þýðingu og vekur eins margar tilfinningar og Davíðsstjarnan, og segir hana gamalt tákn í Litháen. Tákn sem tilheyrir þjóð sem hafi búið í aldaraðir með Litháum. Hann langar að minna landsmenn sína á fyrrverandi nágranna og vini, gyðingana (sem hann nefnir þó ekki á nafn á heimasíðu sinni). Hann langar að fara með þetta tákn aftur til Litháískra þorpa og bæja, um akra og yfir skóg  ... til að spyrja sjálfan sig spurninga um framtíðina með hjálp fortíðarinnar. Það er aldrei vitlaust.

Kannski er þessi Stacy spámaður?  En líklegt er að hann sé krunkandi vitlaus ef dæma skal út frá vefsíðunni um þetta uppátæki hans. Er ekki einhver Grensásdeild í Litháen, sem hann getur gengið fyrir, með heilbrigðismálaráðherra Lithaugalands á bakinu? Ég vona að Litháar keyri ekki á hann, en mér sýnist að Davíðsstjarnan hans sé með endurskinsmerki.

Góðar niðurstöður

Allar niðurstöður eru góðar, þegar maður heyrir ekki gagnrýnina á þær. Til dæmis eru allar niðurstöður kínverskra yfirvalda góðar niðurstöður. Þeir sem segja annað eru skotnir eins og dýr eða stoppaðir upp og nýrun úr þeim seld hæstbjóðanda. Kóreumenn eru allir í fangabúðum meðan stjórnvöldin sýnir guðlega standpínu hins erfðagallaða Kim-ættbálks með flugskeytasýningu á torgi hinnar himnesku undirstöðu. Orðið niðurstaða er einfaldlega bannað í norðurkóreönskum orðabókum. Íranskir klerkar komast aðeins að góðum niðurstöðum, enda allar í nafni Allah. Allah hengir svo alla þá sem efa niðurstöður hans, litla Satans og klerkanna.  

Á Íslandi, á þessum síðustu og verstu tímum, er niðurstaðan í raun ótrúlega góð líka, ef trúa má Svavari Gestssyni, æðstapresti Icesave-kirkjunnar, og sjálfsmenntaðs kórstjóra Íslensu ríkisstjórnarinnar. Á Íslandi er niðurstaðan svo góð, að stjórnvöld ætla að hneppa heila þjóð í þrældóm skulda, sem þorri þjóðarinnar ber enga ábyrgð á. Íslenskum stjórnvöldum er sama þótt þúsundir manna fari á "vergang".   

Aðalmaður Icesave samningarnefndarinnar, sem rekið hefur sunnudagsskóla í Kaupmannahöfn í nokkur ár, lauk samningum sínum við Breta og Hollendinga með því að segja við Moggann að „niðurstöðurnar væru í raun ótrúlega góðar".  Eins og stjórnvöld í ráðstjórnar- og desperadóríkjum, eru trúarbrögðin mikilvæg fyrir Hósíanna-Svavar.  "Við erum í rauninni að bera burt syndir heimsins, eins og sagt var um Jesús Krist" var haft eftir honum.

Ætli sjö skuldlausu árin í Icesave-samningum séu líka tekin út Biblíunni. Já, og dansinn um Gullkálfinn er auðvitað þegar búinn að vera. Er Kópavogur þá Jeríkó? Hvenær kemur syndaflóðið, Svavar? Var veislan í sendiráðinu í Kaupmannahöfn þann 15. júní sl. brúðkaupið i Kaanan? Hvenær fáum við gögn um hana, síra Svavar? Fáum við kannski fjallræðu?

Samkvæmt Icesavetrúboðanum mikla verðum við krossfest. Víst er að Svavar gæti orðið leiður á að hafa hlutina hangandi yfir sér. En vart er hægt að komast hjá því að einhverjir hangi líka, ef ekki eru til nægilega margir krossar. Í Íran eru menn hengdir á knattspyrnuvöllum. Íslendinga væri hægt að hengja í íþróttahúsum.

Mikið er nú gott að íslenska þjóðin er svona upp til hópa falleg og vel menntuð. Það kemur sér einkar vel á þegar allir þurfa að hanga vegna fagnaðarerindis byltingarkennds trúarlosta vinstrimanna á Íslandi.

Lifi Icesaveskuldin, lykillinn að ESB útópíu kratanna, Amen

Lithaugaland 1000 ára

 

Lithaugland er 1000 ára í ár, og er formlega haldið upp á það í dag með pomp og prakt. Ég hef komið nokkrum sinnum til Litháen og höfuborgarinnar Vilnu. Ég kann vel við Litháa. Vilníus er líka menningarhöfuðborg Evrópu í ár. Kannski á ég eftir að fara þangað aftur í ár? 

Forseti Íslands og frú Dorrit hafa nú setið í dómkirkjunni í Vilnu og gengu rétt áðan úr kirkju og það var klappað fyrir þeim og öðrum þjóðhöfðingjum. Ólafur og Dorrit gengu út úr kirkjunni eftir rauðum dregli út á torgið við dómkirkjuna, þar sem þeim og öðrum þjóðhöfðingjum var hælt í hástert og forseti Lithaugalands Valdus Adamkus hélt ræðu gestunum til heiðurs.

Horfið með því að klikka hér: http://www.lrt.lt/standalone.php?channel=234940&quality=high í dag

Við vitum, að Ólafur Ragnar Grímsson stendur þarna í Vilnu á Lithaugalandi og hugsar um þjóð sína og um Icesave-frumvarpið, sem hann ætlar að stöðva þegar hann kemur heim.

Vilna á sér líka langa sögu, oftast glæsilega, en einnig afar sorglega. Til dæmis í síðari heimsstyrjöldinni og undir járnhæl Sovétríkjanna. Myndin hér fyrir neðan lýsir lágmenningu í Vilnu árið 2008 og myndina að ofan tók ég árið 2006 yfir lítinn hluta þessarar gullfallegu borgar.

Alveg brjáluð helgi

 

Það virðist allt vera að fara til fjandans á Íslandi. Sneyptur fjármálaráðherra gerir Icesave deiluna að einhverri sveitastjórnarpólitík, vegna þess að Davíð vaknaði upp frá dauðum eins og draugur með franska skýrslu (Trichet skýrsluna) í höndunum. "Bööh", og Steingrímur J. er alveg í rusli. Enda rík ástæða. Hann og ríkisstjórnin hafa leikið illilega af sér. Upplýsingastreymi eru máttarstoðir nútímalýðræðis. Það þýðir ekkert að leika sér í DDR-sandkassaleik eins og ríkisstjórnin hefur gert hingað til.

Madame Joly vill láta reka Valtý Sigurðsson. Hún er greinilega ekki með nógu skýra starfslýsingu. Það er ríkisstjórnin sem setur Valtý úr embætti  - ekki madame Joly.  Á ekki að gefa Joly áminningu. Er hún ekki ríkisstarfsmaður?

Isesave reikningshafar í Hollandi ætla nú að fara í mál við íslensk yfirvöld, á grundvelli skýrslu sem hollenskir prófessorar hafa skrifað. Ég hef lýst undrun yfir því að skýrsla þessi væri ekki með í upplýsingapakka íslensku ríkisstjórnarinnar.  Ég tel mig hafa rétt fyrir mér um galla hennar. Skýrslan er skaðræðis plagg, en hún hefur ekkert upp á sig ef Trichet skýrslan frá 2000 er lesin. 

Ég sendi Gerhard van Vliet, formanni snuðaðra Hollendinga, Trichet-skýrsluna áðan og vona að hann og félagar hans lögsæki sína eigin ríkisstjórn í staðinn fyrir íslenska ríkið. Ég velti oft fyrir mér hvaða Hollendingar væru svo vitlausir að setja peningana sína í Icesave. Mér sýnist þetta vera „the greedy generation", fólk fætt eftir 1960.  Hollendingar eiga sjálfir banka í fremstu víglínu í heiminum. Hvernig dettur heilvita Hollendingi í hug að hægt sé að ávaxta peninga betur í íslenskum banka en í hinu dyggðuga Hollandi? Ég á ekki gyllini né evru!

Svo kom Lars Christensen, Danske Bank, með hollráð um að við ættum að lýsa yfir þjóðargjaldþroti. Ætli það sé ekki bara besta frétt helgarinnar? Hollráð.

Johan Barnard, samningastjóri Hollenskra yfirvalda, skrifaði mér m.a. í dag: I believe you will understand that I consider the Icesave agreements that are being debated in Althingi to be fair and that I am confident, they will therefore be accepted.

Barnard getur haldið það sem hann vill, en nú eru bæði þúsundir Íslendinga og Hollendinga sem ekki sjá mikla glóru í samkomulaginu.