Lithaugaland 1000 ára

 

Lithaugland er 1000 ára í ár, og er formlega haldið upp á það í dag með pomp og prakt. Ég hef komið nokkrum sinnum til Litháen og höfuborgarinnar Vilnu. Ég kann vel við Litháa. Vilníus er líka menningarhöfuðborg Evrópu í ár. Kannski á ég eftir að fara þangað aftur í ár? 

Forseti Íslands og frú Dorrit hafa nú setið í dómkirkjunni í Vilnu og gengu rétt áðan úr kirkju og það var klappað fyrir þeim og öðrum þjóðhöfðingjum. Ólafur og Dorrit gengu út úr kirkjunni eftir rauðum dregli út á torgið við dómkirkjuna, þar sem þeim og öðrum þjóðhöfðingjum var hælt í hástert og forseti Lithaugalands Valdus Adamkus hélt ræðu gestunum til heiðurs.

Horfið með því að klikka hér: http://www.lrt.lt/standalone.php?channel=234940&quality=high í dag

Við vitum, að Ólafur Ragnar Grímsson stendur þarna í Vilnu á Lithaugalandi og hugsar um þjóð sína og um Icesave-frumvarpið, sem hann ætlar að stöðva þegar hann kemur heim.

Vilna á sér líka langa sögu, oftast glæsilega, en einnig afar sorglega. Til dæmis í síðari heimsstyrjöldinni og undir járnhæl Sovétríkjanna. Myndin hér fyrir neðan lýsir lágmenningu í Vilnu árið 2008 og myndina að ofan tók ég árið 2006 yfir lítinn hluta þessarar gullfallegu borgar.

Athugasemdir

[Sigurður Þórðarson, 6.7.2009 kl. 12:36]

Ég heyrði frá fróðum manni að dómkirkjan í Vilnu sé byggð ofaná grunni gamals hörgs. Ég hef komið þarna sjálfur og var ekki var við neina gyðingaandúð eða aðra kynþáttafordóma en tortryggni og jafnvel óvild í garð Rússa.  Þetta er ekki gott því Rússar eru fjölmennir í Lithaugalandi.

En mér er sagt að gyðingaandúð fari vaxandi í Rússlandi og gjarnan hjá sömu aðilum og hafa horn í síðu homma og Sígauna ég sé nú enga tengingu þarna á milli en svona er þetta víst.

[Vilhjálmur Örn Vilhjálmsson, 6.7.2009 kl. 13:21]

Sæll Sigurður, ég held að það sé sínu erfiðara að búa í Lithaugalandi en á Íslandi. Nei, það er nú ekki mikið um gyðingahatur, enda gyðingum að mestu útrýmt. Rússar eru ekki vinsælir, satt er það. Litháar eru mjög fjölbreytt þjóð. Þetta er norræn þjóð, suðræn og austræn á leið í að verða vestræn. Maður vonar að þeir höndli hamingjuna betur en við höfum gert upp á síðkastið.

[Vilhjálmur Örn Vilhjálmsson, 6.7.2009 kl. 14:33]

Ég fór með fleipur hér fyrr í dag, þegar ég hélt því fram að Vilníus væri 1000 ára. Það er Litháíska ríkið sem er 1000 ára. Þetta hef ég leiðrétt og enginn kom á undan mér með leiðréttingu, svo væntanlega hafa  Íslendingar ekkert mikinn áhuga á Lithaugabúum.

Ég get mælt með því að ferðast til Litháen.

[Sigurður Þór Guðjónsson, 7.7.2009 kl. 15:57]

Lithaugabúa geta sagt með stolti: Hér er ekkert gyðingahatur. Við erum búnir að drepa þá alla!