Skríllinn eyðileggur líka fornminjar

 

 

Samkvæmt fréttum DV munu einhverjir mótmælendur við Alþingishúsið hafa farið inn á Alþingisreit, þar sem fornleifarannsóknir hafa verið í gangi og rifið þar upp fornleifar til að kasta í Alþingishúsið.

Fornleifafræðingurinn Vala Björg Garðarsdóttir, sem ber ábyrgð á rannsókninni, þorir ekkert að segja í einhverjum heigulshætti. Þetta er of alvarlegt mál til þess að þeir sem bera ábyrgð á rannsókninni geti ekki tjáð sig um það. Hvað ætlar Vala að skrifa í skýrslum sínum? Kannski: Fornleifar voru þarna, nú eru þær farnar.

Sem doktor í fornleifafræði krefst ég þess af Fornleifavernd Ríkisins og nefndum og Menntamálaráðuneyti, að fram fari lögreglurannsókn á þessum eyðileggingum og þjófnaði á fornleifum nú þegar.

Ef sökudólgar finnast ekki, er ljóst að „skríllinn", stuðningsmenn nýrrar ríkisstjórnar bera alla ábyrgð. Ríkisstjórnin, sem nú er í burðarliðnum, var þá hvött til valda af þjófum og skemmdarvörgum.

Þetta er ekkert annað en nútíma bókabrenna. Það er verið að eyðileggja sögu þjóðarinnar.

Hér , hér  og hér getið þið einnig lesið um hvernig fornleifar eru skemmdar í Jerúsalem. Eyðilegging Jerúsalems er líka enn í gangi.

Athugasemdir

[Vala Garðarsdóttir (IP-tala skráð) 29.1.2009 kl. 11:18]

Sæll Vilhjálmur,

 Fréttin í DV er STÓRLEGA ýkt. DV hefði átt að ræða betur við mig áður en þeir birtu fréttina, svo mikið er víst. Þeir brutust inn og tóku múrsteina sem voru fyrir utan hurðina, þeir fóru ekki í tjöldin þar sem uppgröfturinn sjálfur er. Um er að ræða 15stk múrsteina frá 19.öld. Ég á 12stk eftir og hef fengið 5stk til baka. 

með bestu kveðju,

Vala Garðarsdóttir

[Haraldur Davíðsson, 29.1.2009 kl. 12:22]

Áður en þú heldur áfram að drulla yfir fólk Villi, skaltu líta þér nær.

Hatursáróður þinn er móður þinni til skammmar.

[Vilhjálmur Örn Vilhjálmsson, 29.1.2009 kl. 12:32]

Haraldur Davíðsson, ertu mömmustrákur? Gefur mamma þín þér leyfi til að vera með ósóma í netheimum?

[Vilhjálmur Örn Vilhjálmsson, 29.1.2009 kl. 12:38]

Sæl Vala, þakka þér fyrir þessar upplýsingar.

Regla 1 hjá fornleifafræðingum í samskiptum við fjölmiðla: Talið varlega við fjölmiðla og reynið að stýra því sem skrifað er.

Tíu múrsteinar frá 19. öld eru líka fornleifar samkvæmt lögum, jafnvel þótt gripirnir séu ekki íslenskir.

Ég vona að rannsóknin þín gangi vel. Ég er hins vegar á þeirri skoðun, að stuldur múrsteinanna sé hinn versti skrílsháttur. Ég vona að þið finnið ekki sverð þarna. Ekki er á skálmöldina bætandi.

[Vala Garðarsdóttir (IP-tala skráð) 29.1.2009 kl. 15:21]

Sæll aftur,

Takk fyrir það;) Ég er alveg sammála, þetta er ákveðin tækni að tala við medíuna, eitthvað sem ég þarf að læra..

Þessir múrsteinar eru líka fornleifar, svo ég var ekki sæl með þessar aðgerðir, og fordæmi þær.. þakka bara að ekki fór verr..

bkv,

Vala