Eyðilegging Jerúsalems - mun aldrei takast

 

Ég á gamla stálstungu sem ég held mjög mikið upp á. Hún sýnir gyðinga í Istanbuli samkunduhúsinu í Jerúsalem árið 1825. Istanbuli var reist árið 1764 á gyðingum frá Tyrklandi. En fljótlega var húsið einnig notuð af gyðingum frá Kúrdistan, Norður og Vestur-Afríku og meira að segja frá Hollandi.

Eitt af því sem einkennt hefur hersetulið í Jerúsalem, hefur verið skipulögð eyðilegging þeirra á samkunduhúsum og musterum gyðinga. Allir borginni óviðkomandi reyndu að útrýma menningu þeirra og tilvist. Musterið í Jerúsalem var fyrst eyðilagt af Babýloníumönnum árið 586 f. Kr. Annað musterið var eyðilagt af Rómverjum árið 70 e. Kr. Á musterishæð hafa síðan á 7. öld e. Kr. staðið helgar byggingar múslima, sem gyðingar mega ekki nálgast. 

Árið 1948 brenndu og eyðilögðu arabar fjögur forn samkunduhús sefardískra gyðinga í Jerúsalem.

Hurva samkunduhús Askenasa var sprengt í loft upp árið 1948.

Svona leit Hurva út áður en það gerðist. Nú er verið að endurreisa samkunduhúsið í sinni upphaflegu mynd eftir gömlum teikningum og ljósmyndum. Hurva var hér áður aðalguðshús fræga rabbína frá Litháen. Það voru nefnilega líka gyðingar í Palestínu. Þeir voru þar alla tíð og líka á undan þeim fjölleita og -lynda hópi sem kalla sig Palestínumenn.

Árið 1967 níddust Jórdanar á Yochanan ben Zakai sýnagógunni, sem er frá 17. öld. Þar voru máski að verki sömu jórdönsku hermennirnir sem myrtu þúsundir Palestínumanna hinn skæða svarta septembermánuð árið 1970 og mánuðina á eftir. Heilög bygging er ekki eins mikils virði og mannslíf, en hvorki líf gyðinga né guðshús hafa verið hátt skrifuð meðal araba. Það sýnir sagan okkur. Síðast í fyrra, er Ísraelsmenn yfirgáfu Gaza, réðust Palestínumenn á samkunduhús þeirra, báru að þeim eld og eyðilögðu. Slíkt virðingarleysi skapar ekki frið.

Nú þegar Fatah segist vera horfin frá stuðningi við vopnaða baráttu, eru þeir komnir miklu lengra en leikhópurinn í stuðningsfélagi Palestínumanna á Íslandi. Ef treysta má Fatah, er orðið meira sennilegt að eyðilegging Jerúsalems muni ekki takast á næstunni.

Athugasemdir

[Predikarinn - Cacoethes scribendi , 28.7.2007 kl. 02:10]

Já þökk fyrir samantektina. Það hefur verið eftir því tekið að þeir eru mjög snöggir að svívirða helgidóma annarra. Svo mátti Sharon ekki stíga fæti á Musterishæðina í námunda við þeirra eiginmosku, þá fer af stað styrjöld. Musterishæðina. Þar sem talið er að allt frá dögum Salómons hafi staðið  mesti helgidómur okkar "hebreatrúar" Yahwe þar til hann var endanlega tættur niður 70 e. Krist. Slíkur staður væri nú í augum múslima helgasti staður á jörðu. Þarna hafa þeir nánast óáreittir haft moskuna sína. Það er ekki sama Jón og séra J'on ?

[Þórdís Bára Hannesdóttir, 28.7.2007 kl. 11:49]

Furðulegt að friðartrúarbrögð skuli vera notuð í aldarlöng stríð.  Mikið erum við mennirnir komnir stutt í þroskaferlinu.  Er það ekki?