Heimtuðu og fengu klósett sem ekki móðgar Allah

 

 

Það er þjónað undir rassinn á herrum heimsins þessa dagana.  Hollenska morgunblaðið De Telegraaf hefur eftir fréttamanni sínum í Lundúnum að klósettin á Ólympíuleikunum þar í borg árið 2012 verði öll "Moslim-proof".

Það þýðir, að þegar múslímar fara á klóið, snúa þeir ekki í átt að Mekka. Bænir eru ekki þolanlegar í miðjum hægðum.

Ég sem hélt að Guð væri ekki með nefið niður í hvers manns koppi, en alltaf skjátlast mér.  Allt bænahjal mitt á litlakoti og fögur ásjóna mín snýr beint til Svíþjóðar og Rússlands þegar ég aðskil vötnin eins og Móses, og "når jeg laver pølser" gretti ég mig í átt að Bretlandi og Bandaríkjunum. Ekki hafa þessi ríki mótmælt.

Vinur minn var eitt sinn með mynd af Lénin og Stalín á klósettinu hjá sér. Ætli það hafi valdið Perestrojkunni og Glasnostinu.

Djöfulsins rugl er nú í þessum heimi. Sérklósett fyrir herrana. Hvað verður það næsta?

Myndin að ofan er frá sýningu í Beirut fyrr í ár, sem bar heitið "Eru 15 ár í felum í klósettunum ekki nóg?"og á að minna Líbana á borgarastríð þeirra. Listakonan, sem skóp þetta merkilega verk, heitir Nada Sehnaoul. Hún á greinilega framtíðina fyrir sér. Myndin af neðan er af manni af klerkastétt Shííta sem ekki virðist vera skemmt. Það gæti vel hugsast að hann keppi í uppstökki í London árið 2012. Þá er nú eins gott að klósettin snúi rétt og að svartagallið renni rétta leið niður í ána Thames.

 

Athugasemdir

[Árni Gunnarsson, 25.9.2008 kl. 14:47]

"Enginn er Guð nema Allah og Múhameð er spámaður hans!"

Það segir sig sjálft að engum leyfist að smána spámanninn á kamrinum. Múslimskt almætti er afar viðkvæmt og auðsært.

[Anna (IP-tala skráð) 25.9.2008 kl. 19:31]

Alveg finnst mér merkilegt að maður, sem hefur gagnrýnt gyðingahatur, skuli ýta undir og útbreiða múslimahatur. Að kalla múslima "herra heimsins" er svipað og að tala um alheimssamsæri zíonista.

Dr. Vilhjálmur virðist ekki átta sig á því að múslimahatrið er hið nýja gyðingahatur Evrópu, og hann og félagar hans hinir nýju nasistar.

[Kristján Sveinsson (IP-tala skráð) 25.9.2008 kl. 20:27]

Þetta er rétt laglegt maður! Það rennnur upp fyrir mér að klósettið mitt er svaðalegasta móðgun við einn milljarð manna. Ég er búinn að arka þar um með kompás, reiknistokk og sextant síðan ég las bloggið þitt í gær. Hef bara ekki verið mönnum sinnandi. Og ó og vei! Það snýr beint við Mekku. Hvað geri ég nú? Læt byggja útikamar sem snýr norður og niður? Breyti dollunni í bænahús (kannski er þar komin moskan eftirsótta)? Eða hætti að skíta?

[Sindri Guðjónsson, 25.9.2008 kl. 21:27]

Dóttir mín syngur stundum sunnudagaskólalagið "Tikki tikki ta". Þar er meðal annars að finna setninguna "Alla daga, og alla nætur, augu Jesú vaka yfir mér": Ég fór einmitt að hugsa um það hvort hún litla stelpan mín fengi ekki samt allaveganna næði til að fara á klósettið í friði.

[Halla Rut , 25.9.2008 kl. 22:16]

Flest er nú látið eftir .....

[Vilhjálmur Örn Vilhjálmsson, 25.9.2008 kl. 22:46]

Anna IP tala. Ég er ekki að breiða út múslímahatur. Ég var að segja frá því sem ég las um klósett í de Telegraaf snemma í morgun. Listaverkið sem þú sért mynd af var sett upp í mars í ár í Beirút.

Það er ekkert nýtt gyðingahatur í Evrópu eins og þú heldur fram. Gyðingar eru enn hataðir, og það líka í miklum mæli af ungum Íslendingum sem eru greinilega margir frekar firrtir í rökhugsun.

Ef þú tekur ekki aftur ásökun þína færðu ekki aftur að vaða uppi á mínu bloggi. Opnaðu þitt eigið blogg og lýstu fyrir okkur lystisemdum heimsins og útópíunni sem þú virðist lifa í.

Hatur manna á múslímum er ekkert í samlíkingu við það hatur sem gyðingar urðu og verða fyrir - líka undan höndum múslíma. Gyðingar stunduðu ekki öfgatrúarboðskap. Gyðingar stunduðu ekki hryðjuverk í nafni Guðs síns. Hatur út í gyðinga var að miklum hluta öfund og trúarleg perversjón, líkt og það hatur sem sést á meðal öfgamúslíma. Hatur í garð múslíma, sem náttúrulega er líka vandamál, er líklega mestmegnis vegna hræðslu.

Yfirlýstur vilji öfgamúslíma er yfirtaka heimsins. Þeir lýsa því sjálfir yfir og fara ekki leynt með. Æ fleiri múslíma leggja stund á þá undarlegu hugmyndafræði og telja sig og trúarbrögð sín æðri öllum öðrum, þó svo að þeir hafi stolið og skrumskælt trú þeirra sem þeir hata greinilega mest.

Síðast í gær hélt forseti Írans ræðu í SÞ í New York og hlaut fyrir mikið klapp hjá sendinefndum múslímaríkja, sem flest eru ólýðræðisleg einræðisríki, þar sem mannréttindi eru  fótum troðin. Aðalboðskapur forsetans var, að Ísrael væri versti vandi alheims og Zíonistarnir væru á bak við allt. ÞAÐ ER GYÐINGAHATUR, fröken ANNA, og ef þú sérð það ekki, ertu að mínu mati meðsek.

Þú skalt ekki ásaka mig um múslímahatur. Googlaðu "Vilhjálmur Örn and Reza" og þú munt sjá hve langt úti þú ert. Hefur þú velt fyrir þér hvort þú sért nokkuð gyðingahatari? Eða kannski ertu bara á móti öfgagyðingum, líkt og ég er bara á móti öfgamúslímum?

Eða ertu bara ein af þessum sem ekki sér neitt ljótt og lifir í einhverjum pollíönnu-veruleika, þar sem allir eru góðir og saklausir?

[Óskar Arnórsson, 25.9.2008 kl. 23:27]

Já klóssett! Þetta er rosa viðskiptahugmynd! Byrja að framleiða klósett sem heita Mekka...það myndi rokseljast...þá myndi "stóra klósett stríðið" hefjast..

[Vilhjálmur Örn Vilhjálmsson, 26.9.2008 kl. 08:53]

Kristján minn, Sveinsson, ég vona að þessi aumu skrif mín um þóknanlega kamra valdi þér ekki harðlífi og öðru óáran. Ég ætlaðist ekki til þess að menn færu að taka þetta svona alvarlega. Þó sýnist mér að einhverjir geri það.

Gerðir þú ráð fyrir misvísun og hugsanlegri skekkju þegar þú tókst áttir á klósettskálinni þinni?

Ég tel víst, að um heim allan sé til voldugur hópur eiginkvenna sem telur að miðunartæki og áttavitar séu nauðsynleg tæki á klósettum. Ef þær rísa upp með baráttumálið um betri hittni í vatnsskápnum, verður fjandinn laus. Þriðja heimsstyrjöldin byrjar jafnvel.

[Anna (IP-tala skráð) 26.9.2008 kl. 15:16]

Tvö komment og ég er að vaða uppi? Einhver þolir illa gagnrýni og vill frekar vera með jákór í kringum sig.

Það er alla vega jákvætt að þú viðurkennir að hatur í garð múslima sé vandamál, þó að það sé röng greining hjá þér að það sé eingöngu vegna hræðslu. Múslimahatur er af nákvæmlega sama meiði og gyðingahatur, það er hatur á hinu óþekkta og þeim sem eru öðru vísi, sprottið af þröngsýni og fordómum, sem óvandaðir stjórnmálamenn og fleiri kynda undir.

Ég er ansi hrædd um að viðbrögð þín hefðu verið önnur, ef t.d. gyðingar vildu byggja samkunduhús á Íslandi og íslenskir bloggarar hótuðu að menga það með svínablóði og svínaskít, auk þess sem netakannanir sýndu andstöðu við bygginguna. Þá hefðu viðbrögðin verið önnur en hallærisbrandarar um kreppu og klósett. Þá hefði einhver talað um gyðingahatur.

Útlendingahatur er vaxandi vandamál á Íslandi, sem íslensk stjórnvöld virðast því miður loka augunum fyrir. Það sýnir t.d. nýleg könnun þar sem ungt fólk lýsti þeirri skoðun sinni að greiða ætti útlendingum lægri laun en Íslendingum. Pólverjahatur, útlendingahatur, gyðingahatur, múslimahatur - allt er þetta af sömu rót og því miður ert þú að kynda undir eina tegund af þessu hatri með þínum skrifum.

Það getur vel verið að þú munir aldrei birta þessa athugasemd, en það staðfestir þá bara kjakleysi þitt til þess að horfast í augu við staðreyndir.

[Jakob (IP-tala skráð) 26.9.2008 kl. 16:17]

Snilld!

[Sólveig Hannesdóttir, 26.9.2008 kl. 18:16]

Þessi mynd er stórkostleg.

[Vilhjálmur Örn Vilhjálmsson, 27.9.2008 kl. 08:26]

Anna, útlendingahatur og -hræðsla hefur alltaf verið vandamál á hinu afskekkta Íslandi. Viðbrögð mín við þeim sem vilja hella svínablóði á moskur komu skýrlega fram í bloggfærslu minni hér á undan.

Láttu það eiga sig að snúa út úr og vera með rangfærslur. Ég fagna mosku á Íslandi og ég tel að ég hafi verið fyrstur manna til að stinga upp á mosku í Mosfellsbæ í grein í DV um árið, löngu áður en múslímar á Íslandi fóru að heimta og hóta. Ég stakk líka upp á synagógu á Selfossi. Skoðaðu Morgunblaðið 14. desember 1994 í Bréf til Blaðsins. Var hr. Tamimi farinn að biðja um moskur árið 1994? Hér getur þú lesið um fyrstu guðsþjónustu gyðinga á Íslandi.

Þú hefur bara ekki rétt fyrir þér að allt útlendingahatrið sé af sömu rót.

Vinstri menn hata gyðinga alveg eins mikið og nýnasistar. Múslímar hata gyðinga vegna Ísraels etc. Pólverjar hata gyðinga og múslíma. Þetta er flókinn haturvefur, sem þú virðist vera flækt í. Alhæfingar þínar eru dæmigerðar fyrir fólk sem ekki þekkir nógu vel til málanna og hefur ekkert til þeirra að leggja annað en orðin tóm.

Vel menntaðir vinstrimenn og þeir sem þykjast hafa betri móral en lýðurinn sem vill kasta svínsblóði, er í rauninni ekkert betri en aðrir.

Vinstri menn hafa einu sinni kasta svínablóði á samkunduhús gyðinga hér í kaupmannahöfn og skrifað á vegg: "Gyðinga burt úr Danmörku".

Múslímar hafa heimtað lóð undir mosku. Telur þú viðbrögð fólks við því óeðlileg? Hvenær hefur 375 manna hópur á Íslandi fengið það sem þeir heimta og hóta lögsókn ef þeir fá ekki?

[Vilhjálmur Örn Vilhjálmsson, 27.9.2008 kl. 12:44]

Mig langar að benda lesendum, sem ég þakka öllum fyrir innlit, á að líta inn hjá sérstökum bloggvini mínum Sæmundi Bjarnasyni, sem er með pælingar um að að skíta í austur og aðra trúarlega stefnumörkun.