Mosku hér og nú

 

Frétt hef ég að á Íslandi séu tæplega 400 múslímar, eða eru það 1000? Fyrr á árinu heyrði ég töluna 1500.  Ég held að ég hafi reyndar aldrei heyrt sömu töluna á múslímskum sálum í þau skipti sem þessi blessaði söfnuður múslíma á Íslandi var í fréttunum. Talnaglöggir geta þeir ekki verið, sem eru talsmenn Allah á Íslandi.

Ég hef einnig fylgst með viðbrögðum á bloggum nokkurra Íslendinga við kröfunni um gríðarstóra lóð fyrir mosku í Reykjavík. Þessir öðlingar ætla víst að æla svínaúrgangi ofan í grunn moskunnar eða eitthvað álíka. Það þykir mér nú einum of langt gengið. Er ekki kreppa og öll svínasúpa búin í landinu?

Um leið og ég syrgi það hvernig þeir fáu gyðingar sem búið hafa á Íslandi hafa falið sig í hornunum og auðmjúklega sætt sig við að á Íslandi væri ekki neitt almennilegt samkunduhús, já, og jafnvel gerst búddistar til að leita að guði,  fagna ég því að múslímar geti fengið mosku fyrir 12, 20, 400, nei 1000 meðlimi sína. Menn verða bara að passa sig að byggja ekki allt of stórt, því hitinn og rafmagn kostar og það borga ekki skattgreiðendur heldur Allah og þeir sem biðja til hans.

Jú, mosku hér og nú. Það styð ég!  Einhvers staðar verða öfgavinstrimennirnir líka að fara til að gera andlegar og líkamlegar æfingar eftir að þeir gátu ekki lengur beygt sig og bugtað í átt að Moskvu .... - borg.

En ef guðshúsið að tarna, verður notað sem boðunarstaður stríðs gegn annarri menningu og trú, eða þar sem hatur er lagt á þjóðir sem ekki beygja sig í átt að Mekka, tel ég enga ástæðu til þess að múslímar fái lóð. Þá geta þeir keypt hana og svo tekið afleiðingum íslenskra laga ef þeir vilja boða stríð og hatur gegn ákveðnum hópum. Það varðar við hegningarlög. Enga lóð ber að gefa fólki sem vill  fylgja öðrum lögum en þeim sem hið háa Alþingi í lýðræðisríkinu Íslandi hefur samþykkt.

Ef Imam Tamimi lofar, sver og sárt við leggur, að moska þessa afar misstóra hóps hans verði ekki vettvangur stríðsóps, vona ég að hann fái sem fyrst lóð sína og byggi mínarettu, bænaturn, sem er engu síðri en Hallgrímskirkja, kirkjan sem kennd er við guðsmanninn sem átti konu sem upplifaði bæði moskur og Barbaríið á eigin líkama. Ætli Gudda hefði viljað gefa grunn til Allah? Tjaah?

Þessi fallaga mynd, sem fylgir færslunni, er mér sagt að sé eimitt af Guðríði Símonardóttur þegar hún var upp á sitt besta í Barbaríinu. Njótið þangað til 1001 nætur eru liðnar og veruleikinn blasir við ykkur. Öllu gamni fylgir alvara.

Ensjallah!

Athugasemdir

[Birgirsm, 23.9.2008 kl. 19:14]

Sæll Vilhjálmur

Um leið og hvert einasta múslimaland gefur grænt ljós á byggingu bænahúsa kristinna og gyðinga , mega múslimar byggja mosku á Íslandi mín vegna,, ekki fyrr. 

[Stefán Pálsson (IP-tala skráð) 23.9.2008 kl. 19:43]

Misræmið í tölum yfir félagsmenn í félagi múslima getur nú átt sér aðra og einfaldari skýringu en þá að forsvarsmennirnir kunni ekki að telja.

Ég reikna með að lægsta talan, 400-500 manns, sé fengin frá Hagstofunni. Hún telur opinbera skráningu íslenskra ríkisborgara í trúfélög.

Hins vegar býr hér margt fólk sem ekki er íslenskir ríkisborgarar, en er virkir þátttakendur í íslensku samfélagi - þar á meðal í trúarlífinu. Reikna má með því að þessi hópur sé síður líklegur til að aðhyllast lúthersk-evangelsíka Þjóðkirkju, heldur sé hann frekar í kaþólsku kirkjunni, búddistar, múslimar o.s.frv. Á sama hátt eru opinberu gögnin frekar líkleg til að ofmeta hlutfall Þjóðkirkjufólks, því inni í tölfræðinni eru íslenskir ríkisborgarar búsettir erlendis.

Hvort þessi kerfisbundna mæliskekkja dugi til að skýra 100% mun veit ég ekki, en það er afar rökrétt að félagsmenn í Félagi múslima séu allmiklu fleiri en Hagstofan telur.

[Jóhannes H. Proppé (IP-tala skráð) 23.9.2008 kl. 21:26]

Fínt að þeir fái sína mosku og turn. Svo lengi sem þeir borga það sjálfir. Gætu selt kökur og falafel til að safna fé, gaman væri að sjá hvernig það endar, smákofi á hlaðinu hjá síðasta bóndanum í Hvalfirði?

[DoctorE (IP-tala skráð) 23.9.2008 kl. 22:52]

Spurningin er, hver fjármagnar þessa risahöll sem þeir eru að spá í... thats the question of the day

[Anna Karlsdóttir, 23.9.2008 kl. 23:41]

Klukk

[Predikarinn - Cacoethes scribendi , 24.9.2008 kl. 03:00]

Sæll kæri dr. Vilhjálmur Örn.

Ég skil ekki vandamálið hjá múslimunum hérna. Fái þeir ekki lóð þá sé allt í voða ? Hvað með allt þetta góða atvinnuhúsnæði sem stendur þeim til boða út um allt höfuðborgarsvæðið ? Sjáið bara fríkirkjurnar eins og Kristskirkjuna, Veginn og Boðunarkirkjuna svo fáein dæmi séu tekin ? Þau keyptu sér þessi fínu hús og innréttuðu kirkjur sínar og safnaðarheimili og væsir ekki um þá. Ég vorkenni múslimum ekkert að gera slíkt hið sama. Þeim er í lófa lagið að ná sér í ódýrt húsnæði núna eins og markaðurinn er og gera sér góða kirkju/mosku úr því húsnæði, samanber fríkirkjurnar sem hér voru nefndar sem dæmi þar um.

[Guðmundur Hall Ólafsson, 24.9.2008 kl. 09:03]

Þar sem þeir eru ornir íslenskir ríkisborgarar þá hafa þeir sjálfsagt fullan rétt á að fá að byggja sína kirkju (hof) eins og hin trúfélögin,vottarnir, batel og fl. og svo eru óháðu söfnuðirnir út um allan bæ,fríkirkjan,fíladelfia,krossinn,katólikkar á sínum stað o.s.f.v. en þeir eiga ekki að fá neitt stærri lóðir en þeir sem á undan eru taldir,ekki eru lóðirnar undir kirkjur kristinnar manna hér í borg stórar og því skyldi múslimum þá vera úthlutað stærri lóð . kv. Gúndi Group

[Arnar Geir Kárason (IP-tala skráð) 24.9.2008 kl. 10:29]

ef þú hefðir eitthvað vit á trúarbrögðum þá myndirðu vita það að múslimar eru fyrir löngu úrellt trúar brögð og að gyðingar ef þeir myndu gera það sem trú þeirra segir þeim að gera fyrir löngu orðnir kristnir.

Við erum lögum samkvæmt kristin þjóð (sú ákvörðun var tekin á alþingi fyrir um 1000 árum) og við borgum skatta sem að renna til kirkjunar.

Ríkið á ekki að standa í því að moka undir önnur trúarbrögð en þá trú sem við höfum valið fyrir þjóðina okkar. Ef eitthvað er þá ætti ríkið bara alls ekki að koma nálægt trúarbrögðum, kirkja getur alveg staðið undir sér sjálf og þessir múslimar geta bara beðið almáttugan allah að gefa sér peninga til að kaupa húsnæði undir þá.

[Þorsteinn Briem, 24.9.2008 kl. 13:37]

Samkvæmt Hagstofunni var 371 skráður í Félag múslíma á Íslandi í fyrra, þar af 154 konur.

[Skassfinnur Skaufi (IP-tala skráð) 24.9.2008 kl. 14:02]

Kristnir og Gyðingar mega  í einhverjum fáum múslimalöndum byggja sínar byggingar að takmörkuðu leyti,    þeir eru þá bara ofsóttir af lýðnum og fá ekki að vera í friði, nema í nokkrum tilvikum. T.d. eins og í Kaíro í Egyptalandi,  þar fá kristnir að vera í friði þar sem þeir búa á ruslahaugunum með svínum. En eins og flestir vita þá eru múslimar ekkert sérlega hrifnir af svínum.

Mér er nokk sama þó ein moska sé byggð og hér séu fáir múslimar en mér er fyrirmunað að skilja umburðarlyndið gegn öfga islamistunum í löndum eins og Bretlandi og Danmörku?? Þá ætti að senda þá til ættarjarðar sinnar þar sem þeirra lög eru við lýði.

[Þorvaldur Þórsson (IP-tala skráð) 24.9.2008 kl. 17:00]

Af hverju ættu múslimar ekki að geta byggt mosku hér á Íslandi??? Ef þeir trufla engan þá er það í lagi. Ég er til dæmis alls ekki sammála því að þeir getir byggt mosku inni í íbúðabyggð og kallað til bæna um miðja nótt. Ef þeir fara að settu reglum þá finnst mér það fullkomlega í lagi. Sumir mundi spyrja en hvað ef kirkjur færu að hringja í íbúðabyggð klukkan 2 að nóttu er það í lagi??? Mitt svar er alls ekki í lagi það verður eitt yfir alla að ganga. Mér er alveg sama hvort þeir eru vanir slíku eða ekki. Sorry bara kæri mig ekki um slíkt hvort sem trúin heiti múslimsk, kristin eða hvað eina. Ég sé að þú Villhjálmur ert ennþá öfgafullur zíonisti það breytist ekkert. Ég ætla ekki að reyna að fara í karp við þig. Það er álíka viturlegt að rífast við öfgatrúarmann og að rífast við ljóstastaur. Öfgatrúarmenn hafa alltaf rétt fyrir sér(að eigin sögn). Persónulega finnst mér að Ísland ætti að sýna manndóm sinn og slíta stjórnmálasambandi við Írael og banna innflutning á vörum frá Ísrael. Þeir stunda aðskilnaðastefnu(aparheit) í sinni verstu mynd og ættu að fá sömu meðferð og Suður Afríka á sínum tíma þegar þeir voru nógu vitlausir til þess.

[Kristján Sveinsson (IP-tala skráð) 24.9.2008 kl. 20:10]

Ævinlega sæll og glaður,

síonist og öfgamaður.

 Ég er alveg viss um að það erum við öfgamennirnir sem setjum þetta hringl í tölurnar hans Samma. Ég til dæmis verð óðara múslim þegar ég kemst á snoðir um að það sé svínakjöt í matinn. Eða harðtrúaður gyðingur. Ég vil lambaket nefnilega, gef skít í svínarí.

 Þjóðkirkjurindillinn hérna er fráleitt nógu öfgafull. Þó er hún að terra framan í mann gamalt rómverskt píningartól og segja morðsögu, en það er allt orðið voða jaskað og útvatnað. Og ekki er neit Hólsfjallabragð af hinu helga holdi. Sei sei nei, þetta er eitthvert glerhart skerpikjöt, ábyggilega af færeyskri útigangsrollu. Ég verð umsvifalaust múslim eða gyðingur við svoleiðis trakteringar.

Með fullkomnum öfgum og extremisma er mér slétt sama um moskuna. Og með enn meiri öfgum krefst ég þess að tekin verði upp barátta fyrir því að til landsins flytjist múslimar sem kunna að baka baklava og opni sölubúð hið fyrsta í nágrenni mínu. Mun ég þá hefja öfgafull fagnaðarlæti. Og öfgafullt át.

[Anna (IP-tala skráð) 25.9.2008 kl. 19:28]

Á Íslandi ríkir trúfrelsi. Þar með eiga söfnuðir sem tilheyra viðurkenndum trúarbrögðum rétt á því að stunda sína trú. Ef fólk líkar það ekki, er því velkomið að flytja til annarra landa þar sem trúfrelsi er takmarkað.

[Vilhjálmur Örn Vilhjálmsson, 26.9.2008 kl. 09:47]

Kristján Sveinsson, góð hugmynd þetta með baklavabúðina. Ég sakna mjög íranska bakarísins á Nørrebro, sem fór á hausinn. Eigendurnir voru langt frá því að vera öfgamenn, nema í góðu bakkelsi.