Bobby Fischer was her Chessmate

 

Mig langar til að benda lesendum á mjög áhugaverða færslu Gretu Bjargar Úlfsdóttur í gær, þar sem hún fer í gegnum mótsagnir í fréttum um meint hjónaband Fischers og Myoko Watais. Blaðamenn Morgunblaðsins gætu lært ýmislegt af Gretu.

Við Greta höfum tekið það dálítið inn á okkur hvað Íslendingar eru sljóir þegar að kemur að rétti lítils barns frá Asíu. Ég leyfi mér að lýsa því yfir, án samráðs við Gretu, að sá sljóleiki sé í ætt við þá litlu virðingu sem Íslendinga hafa alltaf borið fyrir erlendu fólki. Í mörg ár hefur maður orðið vitni að því hvernig íslenskir aumingjar hafa getað flutt inn konur á fæti frá Asíu, og sumir þeirra gert líf þessara kvenna að helvíti á jörð, misþyrmt þeim og jafnvel myrt. Mörg slík sambönd eru auðvitað líka vel heppnuð.

Mig langar einnig að benda lesendum á, að í Japan eru engin hjónabönd löggild nema að yfirvöld hafi viðurkennt þau. Það er alveg sama í hvaða hofi, kirkju eða samkunduhúsi maður er pússaður saman. Hjónabandið er ekki löglegt fyrr en yfirvöld hafa viðurkennt það.

Þá kemur hið áhugaverða: Allir erlendir borgarar sem vilja giftast Japana í Japan verða samkvæmt japönskum lögum, (sem BNA færðu þeim í lok síðari heimsstyrjaldar),  að framvísa staðfestu vottorði um að þeir séu hæfir og lagalega séð frjálsir til að ganga í hjónaband, og verður slíkt vottorð að koma frá sendiráði útlendingsins eða ræðismannsskrifstofu heimalands hans í Japan.

Bandaríkjamenn, sem vilja giftast Japana í Japan, verða þannig að nota ákveðið eyðublað, sem þeir geta fengið hjá Bandaríska sendiráðinu og verður að útfylla það bæði á ensku og japönsku.

Allt í sambandi við hjónabönd í Japan, og meira til, er hægt að lesa hér .

Þetta sýnir mér, að miklar líkur séu á því að forseti skáksambands Japans, Myoko Watai, fari með rangt mál um samband sitt við Robert J. Fischer. Hann hafði ekkert samband við bandarísk yfirvöld og þau hefðu ekki farið að veita honum heimild til hjónabands þegar hann var eftirlýstur fyrir brot á bandarískum lögum.

Svo einfalt er málið. Þeir íslendingar sem halda því enn fram að Watai hafi verið gift Bobby Fischer, ættu kannski að  fara kynna sér ákvæði hegningarlaga við slíku.

 

Athugasemdir

[Sigurður Þórðarson, 2.2.2008 kl. 09:28]

Mér hefur skilist á fjölmiðlum að Garðar Sverrisson sé öllum hnútum kunnugur í þessu máli.

[Vilhjálmur Örn Vilhjálmsson, 2.2.2008 kl. 10:34]

Honum er velkomið að hafa samband og sýna okkur brúkaupsmyndir Fischers

[Vilhjálmur Örn Vilhjálmsson, 2.2.2008 kl. 18:14]

Ekki vissi ég þetta "Sjáið mig". En það væri nú gaman fyrir alla að sjá þig betur. Þú hefur kannski sjálfur farið illa út úr samskiptum við þessar viðsjárverðu konur. Kannski ertu búinn að missa aleiguna í tælenska villu og búinn a að fá klígju fyrir tælenskum hrísgrjónum. En gerðu það fyrir mig að skrifa um það á þínu eigin bloggi.

[Torfi Stefánsson (IP-tala skráð) 3.2.2008 kl. 16:04]

Vilhjálmur!

Ég skil ekki alveg áhuga þinn á þessu máli og umhyggju þína fyrir meintri dóttur Fischers á Filippseyjum.

Ljóst er að þú hefur ekki séð fréttina á Chessbase þar sem annar vígsluvottanna staðfestir bæði að hjónabandið hafi farið fram og að lögformlegir pappírar liggi fyrir, sjá (http://chessbase.com/newsdetail.asp?newsid=4415)

Þá er athyglisvert hvernig þú kvartar yfir tilhneigingu okkar Íslendinga til að véfengja útlent fólk - og hefur þá filippseysku konuna í huga - en véfengir síðan sjálfur japönsku konuna (sem þó virðist miklu betri pappír en sú filippeyska)!

Líklega tengist þessi áhugi þinn á Fischer vinnu þinni við að hafa upp á hatursmönnum gyðinga hvar sem þá er að finna.
Fischer var jú einn þeirra svo varla er þessi áhugi þinn á hans málum byggður á umhyggju fyrir meints afkomenda skákmeistarans einni saman.

Aftur að frétt Chessbase. Þar er greint frá því að heimasíðan hafi fengið bréf frá kanadískum lögmanni, John Bosnitch, en hann varði Fischer við réttarhöld í Japan þegar Kaninn var að reyna að fá hann framseldan - og hjálpaði honum til við að koma hingað upp.

Í bréfinu er sagt frá vegabréfi Fischers, sem bandaríska sendiráðið í Tokyó hafði lagt hald á og hélt fram að væri ólöglegt, og fullyrt að framferði sendiráðsins væri ólöglegt samkvæmt japönskum lögum.

Þá kemur einnig fram að Bosnitch hafi verið vígsluvottur við hjónavígsluna: "I was the male witness to that marriage and the marriage certificate bears my name."

Einnig kemur fram að japönsk yfirvöld hafi tekið afstöðu gegn fullyrðingum Bandaríkjamanna og lýst því yfir að hjónavígslan hafi verið lögleg og þar með hjónaband þeirra Miyoko Watai og Fischers einnig: "Japanese authorities eventually issued a marriage certificate and duly registered the legal union, upon certifying his identity by other means."

Þetta hefði átt að nægja þér og öðrum sem hafa véfengt það að Fischer hafi í raun verið kvæntur Watai.

Byggjum frekar á því sem við raunverulega höfum um málið en það er þessi yfirlýsing vígsluvottsins - sem og pappírar hjá sýslumanni um að Watai var gift Fischer.  Annars hefði jú útförin aldrei farið fram samkvæmt beiðni hennar, eða hvað?